L bez e l'ucel
- L bez e l'ucel.
"Oh! No sciampar, mi pìcol ucel
Tu es coscì lizech, zevil e bel!
Par te é na bela gabia via ciasa
Coi polinees e n ciampanil,
Tu aras de cianeva la copa rasa
E aga fresćia su de festil.
Ah, làscete, làscete pura ciapar
Ence te gabia tu pes ciantar".
E gobo gobo, più pian che l sà
L creit l ciapar sot al ciapel.
Ma canche l peissa d'aerlo jà
Chel su la punta l'é de n pecel.
Burt! Demò speta che tu tin vas!”
E ju l se piaa par ge trar n sas.
"Demò va a ciasa, mi pere stenta,
Che fin che voi posse star chiò!
Ma canche l mondo te se prejenta,
L'é n bel ucel ve, no ge jir dò".
Coscì la pìcola ge à dit,
L'à trat n scìgol e l'é sin jit.