L’è tròpp el ver, te sé’ on dolz coion
L’è tròpp el ver, te sé’ on dolz coion
A cred che mì t’ voeress stà sempr’ in cà
Dond no s’ parla de bevv né de mansgià,
Nomà sonà ‘l legutt e fa ‘l buffon.
E cred mì anch te fust inscì mincion
Te t’ pensass che m’ voress innamorà
Par dì “Son toa Telina e tì el mè pà”,
mûr da chigià per datten on boccon.
Razza de can, che occor a fa el gradass
Con dì “G’hó in cà d’i ròbb da dagh del vù”,
s te no gh’è pû da fagh menà I ganass?
E quand te ved che te volten el cù,
te dis c’hin bolgironn e c’hin bagass?
Te n’ mentet per la gora, becch fottù.