Lʼ gran malan da Colfosch
da Proverbi, tradizioni e anneddoti delle valli ladine orientali
Lʼ gran malan da Colfosch.
Al fô ti Ladins lʼ usanza de mëte te dlijia sö dal gran alté da öna pert lʼ angel custode cun na creatöra y dalʼ atra S. Michil cun le malan sot ai pîsc. Fina che chi da Corvara fô sot Badia, ne nʼ âi ciamó degun S. Michil y degun malan, mo spo chʼ ai é rová sot ala curazia da Colfosch, spo nʼ ái ʼci ëi ciafé un. Chi da Colfosch capî sëgn, che so malan sî massa pice por dui lüsc. Ci fá? Ëi dá so san Michil cun le malan ia Corvara y se fej fá n ater bel malan plü gran en Gherdëna burt sciöche le diau.