Läuschen und Rimels/Wo büst du 'rinne kamen

»Wo Deuwel! Dreigen mi de Ogen?
Wo, is dat nich uns’ Schulten-Jochen?
Na, Brauder, ok en beten hir?
Kumm, sett di dal un drink mal Bier.«
»Ih, lat mi man en beten stahn.«
[56]»Ne, segg, büst du tau führen hir?«
»Ne!«
»Denn büst du woll herinner gahn?«
»Ne!«
»Denn magst du gor rin reden sin?«
»Ne!«
»Nich gahn, nich führt un nich rin reden?«
Na, segg, wo kümmst du denn herin?«
»Ick müßt en Ossen rinne ledden.«