Kanitil (2)
1.
Sevob kanitili, ladi
Tenüdöl, e lemelodik.
As cil ya elilob omi,
Tim et binom fagik.
Vön' mot oba äkanitof
Omi len kled oba;
Tonodom so löflik, lovik,
Jönik in mud ofa!
No fögetob oli!
2.
Sevob kanitili, ladi,
Tenüdöl, e lemelodik.
In yun ya elilob omi,
Tim et binom fagik.
Vilgin löföl obi, eti
Äkanitof vilik!
In fel glünik ga äbinos
Ko sol e lut jönik.
O yun e löf! Rosafableds!
Efegolols vifik!
3.
Sevob kanitili, ladi
Tenüdöl, e lemelodik.
Päkanitom in famüli.
Tim et binom fagik.
Nek kanitom omi obe,
Mane pöfik; umo;
Nonik vom mokidof dlenis,
Kelis no gekipob;
Fa cil nonik pakanitom;
Binob so soalik!
Delft, Yanul.