pakala li lon telo sijelo loje
tan jan Luke, tan jan Kiwisin
jan Kiwisin: toki a! mi jan Kiwisin. ni li kalama sin. mi wile toki e ni: jan ni li wile toki tawa sina ale. ona li wile toki e pakala pi tenpo poka. pilin mi la ni li nasa lili. taso ona li awen musi. sina ken toki.
jan Luke: toki! mi jan Luke. toki a! jan ale o! mi o open toki e tenpo pi pakala pi telo sijelo loje mi. ni li pakala suli tan ni: tenpo pini la mi tawa wawa la mi pilin wawa lili. mi pilin pi wawa lili. ken.. msa. taso ni li suli. ni li wawa ala. ni li ike mute mi. msa. taso mi o open toki.
ni li open lon tenpo pi tomo sona. mi lon tomo sona li alasa e lipu pali, li alasa pona lon lipu pali. taso mama mi li kama lon tomo sona, li toki tawa jan lawa pi tomo sona li toki e ni: "a! mi wile e jan lili! mi wile e jan lili Luke! tan ni: jan misikeke ona li toki e ni: ona o tawa! ona o tawa tomo misikeke lon tenpo ni. anu ona li moli."
j.Kiwisin: a a a.
j.Luke: msa. taso ona li pilin monsuta suli. ni la mi tawa tomo tawa ona, li tawa tomo. taso ona li toki tawa jan misikeke lon tenpo pi tomo tawa, li toki e ni: "a! ona o tawa ala tomo misikeke anu seme?" taso jan misikeke li toki e ni: "ona li ken lon tenpo lili. ona li ken awen lon tenpo lili. ona li ken lon tomo anu lon tomo sona." ni la mi kama tawa sin. mi kama sin. a a. mi toki pakala lon tenpo ni tan seme?
j.Kiwisin: ale li pona. ale li pona. sina ken awen toki. ale li pakala e sina!
j.Luke: mi pilin wawa lon tenpo ni. taso.
ni la mi tawa tomo sona, li pini e lipu pali, li pona lon lipu pali a. mi kama pona a lon lipu pali! ni li suli wawa. pona a. taso tenpo suno kama la mi pana tawa tomo misikeke suli. ona li lon ma pi... sina sona ala sona?
j.Kiwisin: lon. mi sona. mi sona.
j.Luke: taso mi kama lon ni... msa. mi seme? mi o lukin e lipu toki mi.
jan misikeke li wile lukin e mi tan ni: telo sijelo loje mi li pakala mute. ona li lili a. ona li kama wawa ala. ona li awen wawa ala la, mi ken kama moli. ni li ike tan ni. sina sona.
j.Kiwisin: mi sona. mi sona.
j.Luke: taso mi tawa tomo misikeke suli. jan misikeke li kama lon tomo, li toki e ni: "a! sina o kama tawa tomo misikeke nanpa..." mi sona ala e nanpa. ona li nanpa luka anu seme. msa. taso mi tawa tomo misikeke nanpa luka (msa), li lon ni, li kama lon supa lape. supa lape ni li.. ken la ona li supa lape ala tan ni: ona li pilin jaki lili. ona li ike e sijelo mi anu seme. msa. taso mi lon ona. msa. mi lon ona lon tenpo suli la mi pilin pakala lon sijelo mi.
j.Kiwisin: a. mi sona.
j.Luke: sina sona. lon.
taso mi lon supa lape lon tenpo ni, li... seme lon tenpo ni. a. jan misikeke li kama lon tomo, li lanpan e ko e telo, li pana e telo e ko e ijo mute tawa mi. taso ni li nasa lili. pini la, jan misikeke li wile lukin e ko jaki mi. ni li tan ni: ken la ona li alasa e pakala lon ko jaki mi, li kama sona e tan pi pakala pi telo sijelo mi.
j.Kiwisin: n.
j.Luke: taso mi ken ala pana e ko jaki tawa ona tan ni: msa. taso mi ken ala... msa. ona li kama ala lon tenpo suno ni. taso mi pini lon tomo misikeke suli. ni li suli a. ona li sama tomo sona suli anu seme? msa. taso mi tawa tomo, li awen lon tomo lon tenpo lili, li tawa tomo sona lon tenpo sin, li pini tomo sona lon tenpo poka lili. ni la mama mi li toki e ni: "a nasin moku sina o pini!" tan ni: tenpo pini la mi toki... ala ala. mi moku e moku pi pan ala. mi moku e soweli taso. msa. mi moku e soweli mute.
j.Kiwisin: kasi.
j.Luke: lon lon. kasi kin. mi moku e pan ala. ken la ni li pakala e telo sijelo mi. taso mi awen sona ala. mi awen sona ala. ni la mi pini e nasin moku mi, li kama moku sama jan ante. mi pilin e ni: a! mi kama suli! mi kama suli! taso mi kama suli ala. mi awen.
j.Kiwisin: lon.
j.Luke: mi o lukin e lipu toki lon tenpo sin.
j.Kiwisin: bluh bluh bluh! sina toki sama ni.
j.Luke: lon a. lon a. tan seme la mi toki pakala lon tenpo ni?
j.Kiwisin: ale li pona.
j.Luke: mi pilin seme lon tenpo ni? a... a. taso ona li wile sona, li wile e ko jaki mi. ni la mi o pana e ko jaki mi tawa ona lon tenpo pini. taso mi pana e ko jaki tawa ona la ona li lukin e ijo li alasa e telo sijelo loje, li kama, a sona, ona li lon. taso ni li tan: msa. ken la ni li tan ni: pakala li lon monsi mi. pilin mi la jan misikeke li toki e ni lon tenpo pini: a! pakala pi telo sijelo li lon monsi sina. taso ona li sona ala e suli ni.
j.Kiwisin: n.
j.Luke: taso ona li sona e ni: a! nasin moku insa la pakala li lon. ni la telo sijelo loje li kama, li kulupu lon ko jaki, li kama lon monsi, li jaki mute a, li jaki e ko jaki mi. ni li nasa lili.
j.Kiwisin: tenpo open la ona li jaki. taso tenpo ni la ona li jaki mute a anu seme.
j.Luke: lon lon lon. ona li jaki tan telo sijelo loje.
j.Kiwisin: a lon.
j.Luke: taso ona li wile sona e ni: pakala li lon seme? ona li sona e ni: telo pakala... ala ala. pakala li lon nasin moku insa. taso ona li sona ala e ijo. ona li sona ala e lon? msa.
j.Kiwisin: lon. mi sona.
j.Luke: taso ni la ona li wile lukin e insa mi. ni la ona li toki e ni: "tenpo kama la mi o pana e ilo lukin linja tawa monsi sina, tawa uta sina". ni la mi pilin monsuta tan tenpo kama. tenpo li tawa la mi pilin ni: a! n! jan o pana e ilo linja tawa uta mi, tawa monsi mi. a a.
j.Kiwisin: aaaa.
j.Luke: mi pilin monsuta. taso tenpo li tawa la mi tawa tomo misikeke lon tenpo sin, li lon supa lon tenpo sin, li awen lon tenpo suli. taso ona li toki e ni: "oke! sina o kama tawa..." ni li tomo seme? msa. ni li tomo misikeke. taso tomo ni li lili a, li jo e misikeke mute...
j.Kiwisin: lon. mi sona. ona li esun e misikeke anu seme.
j.Luke: ala. msa. taso ona li pana e linja tawa luka mi.
j.Kiwisin: aaa. n.
j.Luke: ona li pana e linja li pana e telo tawa linja. telo li kama lon nasin linja pi telo sijelo. telo li kama tan seme lon tenpo ni a? taso mi lon tomo lili la mi kama pilin lape tan telo ona. ona li pana e telo lape tawa mi. telo mute kin. taso mi kama pilin lape, li toki e ni: "a! ni li wawa~ a! mi kama pilin lape~!" mi lape. jan misikeke li toki e ni tawa mama mi: "a. mama pi mije Luke o, sina wile la sina ken uta e sinpin sina"... ala ala.
j.Kiwisin: sina ken seme??
j.Luke: "sina ken uta e sinpin ona, e sinpin pi mije Luke". ni la mama mi li *mu* uta e sinpin mi.
j.Kiwisin: mi sona. mi sona. lon.
j.Luke: tan ni: ona li ken ala ni lon tenpo mute.
j.Kiwisin: a a. pona.
j.Luke: taso mi lape la msa. ona li ken ale alu mi lape.
j.Kiwisin: e?
j.Luke: e? mi toki e nimi Alu lon tenpo sin! a.
j.Kiwisin: sina toki e ni tan seme? oke.
j.Luke: mi o toki e ni tawa jan ale: "mi lape la ona li ken ale". ona li ken pana e moku tawa mi, e telo tawa mi. ona li ken mute. msa.
taso sona mi la mi pini lape, li toki. taso mi sona ala e toki mi. ni la mi toki e ijo nasa mute. mi toki e ni: "a! mi ken ala lukin e lipu lon tenpo ni! a~!" mi toki e ni: a. msa. mi toki e seme lon tenpo? mama mi la mi toki e ni: "a. mi ken ala lukin e sinpin lon ma weka." mama mi li toki e ni: "lon. ni li tan ni: ona li lon ma weka. sina ken ala lukin e ona." mi toki nasa mute a.
taso mi kama pilin lon tenpo sin, li ken toki lon tenpo sin, li toki e ni: "a." mama mi la mi toki kepeken toki pona. taso sona mi la mi sona ala. mi toki kepeken toki pona lon pini lape.
j.Kiwisin: taso sina pilin nasa lon tenpo pini anu seme? ni la sina toki pona.
j.Luke: ken ken ken. taso mama mi la mi toki e ni: a. "mi toki lon kalama sin."
j.Kiwisin: a a a.
j.Luke: mama mi la mi toki e ni: "mi wile toki lon kalama sin lon tenpo kama".
j.Kiwisin: a?! seme la sina wile toki e ni? ni li nasa!
j.Luke: ni li tan pini lape mi. taso mi kama pilin lon tenpo sin, li ken sona e toki mi lon tenpo sin, li toki e ni: "a, mi lon. mi lon lon tenpo sin." taso mi ken ala tawa. mi kepeken wawa mute tawa tawa.
j.Kiwisin: lon.
j.Luke: mi tawa la mi o awen. mi o awen. mi o kepeken tenpo suli tan ni: ken la mi pakala, li kama pakala mute a.
j.Kiwisin: lon. mi sona.
j.Luke: mi jan majuna ala.
j.Kiwisin: a a. lon. sina kama majuna lon tenpo kama.
j.Luke: mi kama tawa, li tawa tomo tawa. mi wile toki e ni: jan misikeke li toki e ni: "o toki ala kepeken ilo toki sina lon tenpo kama." ni li tan nasa mi anu seme.
j.Kiwisin: a a. ken.
j.Luke: taso mi kama lon tomo tawa, li tawa tomo mi. ni li pini. ni li pini pi tenpo ni.
j.Kiwisin: a lon.
j.Luke: lon. mi pini toki. taso ken la ona li kama sin lon tenpo sin. ni la mi ken toki e ijo lon kalama sin lon tenpo sin. ale li sin!
j.Kiwisin: sin sin sin.
j.Luke: sin sin sin sin sin sin.
j.Kiwisin: lon. taso mi wile sona e ni: tenpo ni la sina pilin seme?
j.Luke: tenpo ni la sona mi la telo sijelo loje mi li awen pakala lili. taso lili. ni li suli ala. ona li pakala lili. jan misikeke li awen sona ala e tan. taso mi kama wawa lon tenpo ni.
j.Kiwisin: ni li pona. ni li pona a.
j.Luke: taso tenpo ni la mi tu o pini toki tawa sina ale. o awen pona.
j.Kiwisin: o awen pona.
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|