Jv/Kakawin Arjunawiwāha/Pupuh 26
Pupuh 26 - Daṇḍasagala 
1.
- a. kahala ng amara de sang asurapati māti matip atitihan inidĕk inamah-amah
- b. ikang apuliha tan panĕmu hawan anör i galahika nĕhĕr anĕsĕh anĕsĕrakĕn
- c. yama rika rasa rākṣasa tika mamulir hulu hangu-hangun anĕkĕk anĕpah anĕpak
- d. anarawata ng asañjata saka ri puhun wulu saka ri mata śara muśala masulam
2.
- a. gaja ratha kuda dhūli rĕmĕk inadu durbala kagiri-giri kadi giri pamugari
- b. surabala gila pinrang inadĕgan arĕs rinamĕs asasaran alaradan alulunan
- c. gĕlarira surarāja makaramukha śīrṇa panihungira rumuhun alahasa tura
- d. asidĕkung apulih ta nṛpasuta tulak balakang ikang amalakang amalaku ng asih