In portinaria
Ei, chi l'è quella lì che passa adess?
Dove la va? – Dessora dal dottor.
– Fresca, rotonda, svelta come on pess?
La par minga ammalada dal color...
– Ammalada? sì giust! se la savess...
E l'è ona maridada neh,... – Che orror!...
– Eppur, cossa la vœur, l'è chi de spess,
E senza tant riguard... a tucc i ôr –
Me tiri appôs... ei, passa la mia sciora
Col vestii de velù minga pagaa...
Ah che poffona! Te andaree in malora!
– Ma e quel che lee la dis – el me cugnaa?
– L'è succ anch lù... ma scappi, voo dessora,
Stoo fresca anmi se trœuvi el rost brusaa.