In morte del conte Giuseppe Maria Imbonati

by Luigi Marliani

Emm fornii de passa in quij bej salon
e de settass in quella gallaria;
emm perduu tucc duu insemma la legria,
e semm pien de fastidi e de magon.

Emm fornii, Balestrer, de fa el bulTon
coi nost rimm milanes; la poesia
l'è andada in fumm ; la mort l’ha portaa via
el cont Isepp, quell gran galantomon.

Pover mi!... N’ hoo squas gnanch avuu 1’ onor
de deventà Accademegh Trasformaa,
che ne moeur el nost bon Conservator.

E n’ emm minga de piang? Vu avii perduu
on papà, on amis vece; mi gh’ hoo giontaa
on omm de vaglia appenna cognossuu.