Igl zenns sfundro
Igl zenns sfundro
Digls dudasch tschiant sen l'alp da Porta
ear'egn ospezi situo,
dasperas egna baselgetta
Son Peader eara tut numno.
5Igl pelegregn ca qua passava
catava egn modest albiart
a da burastgas targinava
antocc'igl pass gli fuss aviart.
An la baselgia da son Peader
10fagev'el sia dovoziùn,
ca banadieu se sieus vieadi
sen senda veia a stradùn.
Me poc davent igl Ragn saglieva
or digl sglatscher segl sontg taratsch,
15gli viandànt e talatgeva
digls grànds misteris sut igl sglatsch.
Quest sglatsch imains, tge forzas regian
agl sieus intern a nus zupo?
Tge forzas stgiras malvugliaintas,
20igl sglatsch e malfido.
Igl sglatsch s'avànza uss cun forza,
la measa alp â'l curvato
ad igl ospezi da son Peader
e tuttafatg agl sglatsch sfundro.
25A là sfundrànt igl zenns cridava
ànc egn pèr tùns, lur'â'l tschieu
— la fossa eara uss sarada —
a pocs me pocs, l'ân ple udieu.
Mo sch'igl pastur da l'alp da Porta
30igl grànd sglatscher vut traversar
od'el ànc oz or d'egna fessa
igl vigl zenset plaschànt sunar.
|
This work is in the public domain in countries where the copyright term is the author's life plus 70 years or less. See Copyright.
|