Iā ʻOe E Ka Lā E ʻAlohi Nei
Iā ʻoe e ka lā e ʻalohi nei ʻeā
Ma nā welelau ma nā welelaua ʻo ka honua
Hōʻike aʻe ʻoe i kou nani ʻeā
I ka mālamalama, i ka mālamalama ʻoi kelakela
Nāu i nōiʻi nōwelo aku ʻeā
Pau nā pali paʻa, pau nā pali paʻa i ka ʻike ʻia
ʻIke ʻoe i ka nani aʻo Himela ʻeā
Ka hene wai ʻolu, ka hene wai ʻolu lawe mālie
Mauna i lohia me ke onaona ʻeā
Kaulana i ka nani, kaulana i ka nani me ke kiʻekiʻe
Kiʻekiʻe ʻo ka lani noho mai i luna ʻeā
Nau i aʻe nā, nau i aʻe nā kapu o Kahiki
Hehihehi kū ana i ka huku ʻale ʻeā
I ke kai hālaʻi, i ke kai hālaʻi lana mālie
Kiʻina ʻia aku nā pae moku ʻeā
I hoa kui lima, i hoa kui lima nou e Kalani
Ma ia mau alanui malihini ʻeā
Au i ʻōlali, au i ʻōlali hoʻokahi ai
O ka lama o ke ao kou kokua ʻeā
Hōkūloa no, hōkūloa no kou alakaʻi
Lilo i mea ʻole nā enemi ʻeā
Lehelehe ʻeuʻeu, lehelehe ʻeuʻeu hana loko ʻino
He ola ʻo Kalani a mau aku ʻeā
A kau i ke ao, a kau i ke ao mālamalama
Hea no wao ʻo mai ʻoe ʻeā
O ka lani Kawika, o ka lani Kawika kou inoa
Haʻina ʻia mai ana ka puana ʻeā
No Kalākaua, no Kalākaua no he inoa
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |