Humoristische plattdeutsche Charakterzüge aus Lithauen/He horcht opt Wort

„Na Role, wat heffst du nu wedder gedahne?
Dat ward di woll ditmal so leicht nich afgahne!
Du heffst di em Barekrug wedder gepleckt.
Un Brettschniedersch Auße de Reppe gekneckt,
He nehm hüt vom Doktor sick rut e Attest,
Un du kregst ganz secher paar Monat Arest.“
„Ach, Vaterke schönet, se sulle man weete,
Wat Brettschniedersch Auße för Wörd ded utstete.
Lomp, Räuber un Spetzbuk hefft he mi genennt,
Da frag eck blos, wem nich de Gall äwerrennt?“
„Eck weet, wie de Auße sick grotmulsch bedrägt,
Drom heb' eck di letztens doch stramm angesegt;
Du sollst di en sine Gesellschaft nich mesche,
Väl weniger an em dine Klaue di wesche!“
„Na sehne se,ded eck nich, wie se gesegt?
Eck heb ja an em keine Hand rangelegt.
Eck schlog met den Stock äwern Kopp em man blos
Und stot blos met Föt em de Rebbe bät los!“