He Inoa no ka Ahahui o na Mamakakaua
E na koa o Kamehameha,
E na Mamala hoa,
Nana i na’i na Moku;
Mai Hawaii a Kauai,
Honolulu ke Kaona Nui,
One kapu o Lolani,
Aia la ilaila, ilaila;
Na ala i aloha ia.
I kaua wiwo ole ia,
I na pali o Nuuanu.
I ke Kawelu o Lanihuli,
Huli hoi ua lanakila.
Hoolai na pololu,
A Hawaii nui a Keawe,
Aia la ilaila, ilaila;
Na ala i aloha ia.
Aia i ke kuahiwi,
I ka lau o ka Maile,
Aia i ke awaawa;
I ka nu’a o ka palai,
I ka wai paieie,
Ne a ke awapuhi,
Aia la ilaila, ilaila;
Na ala i aloha ia.
Aia la i ka uka,
Hale o Kahalaopuna,
I na pali ku haaheo;
I ke ehu anuenue.
I ka wai a Kanaloa,
Wai ono a na manu,
Aia ilaila, ilaila;
Na ala i aloha ia.
|
This work is in the public domain in the United States because it was published before January 1, 1929.
The author died in 1930, so this work is also in the public domain in countries and areas where the copyright term is the author's life plus 80 years or less. This work may also be in the public domain in countries and areas with longer native copyright terms that apply the rule of the shorter term to foreign works. |