Hærramek ja bæsstamek Jesus Kristus ođđa Testament/St. Lukas evangelium

[ 169 ]

St. Lukas Evangelium.

1. Kapittal.

Dademield go ædnagak riebmam læk daid dap­patusaid čallet, mak duođairakkan min lut dappa­tuvvum læk,

² nuftgo si migjidi muittalam læk, guđek algo oidne, ja guđek sane balvvalægjen šaddam læk;

³ de mongis buorren adnim, go buokrakkan vuost algo rajast buristrakkan barggam læm co­gardet, maŋŋalaǥai daid saǥaid dunji čallet, armo­gassamus Theophilam!

⁴ vai dam oapa duotvuođa don oaǯok boddi boattet, mi njalme saǥai mield dunji oapatuvvum læ.

⁵ Herodes, Judæa gonagas beivin, de pap læi Abia juoǥost, gæn namma Sakarias læi, ja su akka Aron niedain læi, ja su nama læi Elisabeth.

⁶ Mutto gugtug vanhurskasak læiga Ibmel audast, ja mainnetæbmen soi vagjoleiga hærra bakkomi ja asatusai mield.

⁷ Ja manna sodnust i læm; dastgo ELisabeth šaddotæbme læi, ja gugtug boares læiga.

⁸ Mutto dappatuvui, go pap-amates Ibmel audast son daǥai juoǥos vuoro mield,

⁹ ja vuorbbe sunji gačai, papavuođa viro mield, suoivasid oafferuššat, de son hærra tempal sisa manai.

¹⁰ Ja obba almug ædnagvuotta olggobæld rokkadallamen læi, dam gaskast go suoivasak oafferuššujuvvujegje.

[ 170 ]¹¹ Mutto hærra engel sunji almostuvui, ja suoivas altar olgiš gieđa bæld čuoǯoi.

¹² Go Sakarias oini su, de suorggani son ja ballagođi.

¹³ Mutto engel sunji celki: ale bala Sakarias! dastgo du rokkus gullujuvvum læ, ja du akka Elisabeth barne dunji rieǥadatta, ja su nama Jo­hannes don goččot galgak.

¹⁴ Ja ilo ja avo don oaǯok sust, ja ædnagak illodæmen læk su rieǥadæme ditti.

¹⁵ Dastgo stuores son šadda hærra audast; ja vine i juǥa, ige garra jukkamuǯaid, ja ædnes hæggast jo bassevuoiŋain son devddujuvvu,

¹⁶ ja ædnagid Israel manain hærra Ibmelæsek bællai son jorggalæmen læ.

¹⁷ Ja Ibmel audast son auddan mannamen læ Elias vuoiŋast ja famost, vanhemi vaimoid manai­dæsek bællai jorggalet, ja æppegullolaǯaid van­hurskasi miela mield, hærrai burist rakaduvvum olbmuid doaimatet.

¹⁸ Ja Sakarias engeli celki: mast mon dam dovddat galgam? dastgo boares læm, ja muo akka vuoras olmuš læ.

¹⁹ Ja engel vastedi, ja sunji celki: Fabriel mon læm, gutte Ibmel audast čuoǯom, ja vuol­gatuvvum læm dunji sardnomen, ja illon dunji dam muittalet.

²⁰ Ja gæč, gielatæbmen don šaddak, ja ik don oaǯo sardnot dam bæive ragjai, go dat dappatuvvu, go muo sanidi ik don jakkam, mak aiggasæsek ollašuvvumen læk.

[ 171 ]²¹ Ja olbmuk vuorddemen legje Sakarias; ja ovdušegje, go tempal sist son agjani.

²² Ja go olgus bođi, de i son mattam sigjidi sardnot; ja si arvedegje atte tempalest son oaina­tus oaidnam læi; ja son nuvketi sigjidi, ja giela­tæbmem oroi.

²³ Ja dappatuvui, go su balvvalusas bæivek nokkam legje, de goattasis son manai.

²⁴ Mutto dai beivi maŋŋel de su akka Elisa­beth mana vuosstai šaddai, ja vit manod ječas čieǥai, ja celki:

²⁵ dastgo nuft hærra munji daǥai dain beivin, go armoines son muo bællai gæčai, muo bagjel­geččujume olbmui gaskast erit valddet.

²⁶ Mutto guđad mannod de engel Gabriel Ib­melest vuolgatuvui muttom Galilæa gavpugi, man namma læ Nasareth,

²⁷ nieid lusa, gutte loppadusas addam læi mut­tom olbmai, gæn namma Joseph læi, David goa­đest; mutto nieid namma Maria læi.

²⁸ Ja engel sisa bođi su lusa, ja celki: burist dunji, don armetuvvum! hærra duin læ, don bu­ristsivneduvvum nissoni gaskast!

²⁹ Mutto go Maria oini su, de suorggani son su sani ditti, ja jurdašišgođi, mi buorrestattemid dat læǯǯa.

³⁰ Ja engel sunji celki: ale bale Maria! dastgo armo don læk gavdnam Ibmel audast.

³¹ Ja gæč, don šaddak vuolgatet hæggastad ja barne rieǥadattak, ja su nama Jesus don goččot galgak.

[ 172 ]³² Stuores son šadda, ja alemus bardnen son goččujuvvu, ja Ibmel hærra adda sunji David su ačes thruono.

³³ Ja gonagas son læ Jakob goađe bagjel aǥalaǯǯat, ja su gonagasvuođast i læk loap.

³⁴ Mutto Maria engeli celki: moft dat dappa­tuvvut galgga, go olbmast im dieđe.

³⁵ Ja engel vastedi, ja sunji celki: Basse­vuoiŋ du bagjel boatta, ja alemus fabmo du suoiv­vanasta; de damditti goččujuvvu maida dat basse, mi dust rieǥad, Ibmel bardne.

³⁶ Ja gæč, Elisabeth, du fuolkke, son maida boaresvuođastes barne vuolgatam læ; ja dat man­nod guđad sunji læ, gutte šaddotæbmen gočču­juvvu.

³⁷ Dastgo Ibmel lut i mikkege læk vægje­mættos.

³⁸ Mutto Maria celki: gæč, hærra balvvalægje mon læm, munji dappatuvvus du sadnad mield! Ja engel su lut vulgi.

³⁹ Mutto dain beivin de čuoǯǯeli Maria ja hoapost bagjeædnami manai, muttom Judæa gav­pugi.

⁴⁰ Ja Sakarias vieso sisa son manai, ja Eli­sabeth buorrestatti.

⁴¹ Ja dappatuvui, go Elisabeth gulai Maria buorrestattem, de manna likai su hæggast, ja ELisabeth devddujuvui bassevuoiŋain.

⁴² ja alla jenain čuorvvogođi, ja celki: bu­ristsivneduvvum don læk nissoni særvest, ja bu­rustsivneduvvum læ du hæggad šaddo!

[ 173 ]⁴³ Ja mast munji dat dappatuvvu, atte muo hærra ædne muo lusa boatta?

⁴⁴ Dastgo gæč, go du buorrestattem jedn muo beljidi bođi, de ilostes likkagođi manna muo hæggast.

⁴⁵ Ja audogas son læ, gutte oskoi; dastgo ollašuvvu galle mi hærrast sunji sardnujuvvum læ.

⁴⁶ Ja Maria sardnogođi: muo siello gudnietta hærra,

⁴⁷ ja muo vuoiŋ illodæmen læ Ibmelam, muo bæsstam sist,

⁴⁸ dastgo balvvalægjes hæjosvuođa bællai son gæčai. Dastgo gæč! dal, dastmaŋas de buok sok­kogoddek muo audogassan maidnomen læk.

⁴⁹ Dastgo stuorra daǥoid son muo vuosstai daǥai, son, gæn gieđast fabmo læ, ja gæn namma læ basse.

⁵⁰ Ja su vaimolađesvuotta bissta soǥast sokki sin vuosstai, guđek sust ballek.

⁵¹ Famo son læ dakkam gieđaines; biđggim son læ sin, guđek vaimoidæsek jurddagest čævl­laistallamen læk.

⁵² Famo olbmuid thruonoidæsek ald son æd­nami læ suppim, ja vuollegaǯaid son læ aledam.

⁵³ Guđek nælgest legje buridesguim son læ galletam, ja rigges olbmuid guoros gieđai son lutes luoittam læ.

⁵⁴ Su balvvalægjes Israel audast son læ fuol adnam, go vaimolađesvuođa son muiti,

⁵⁵ — maid vanhemidassamek son loppedi, — Abrahami ja su siebmani aǥalaš aiggai.

[ 174 ]⁵⁶ Mutto Maria lakka golm mannod su lut oroi; ja de ruftud goattasis son manai.

⁵⁷ Mutto Elisabeth rieǥadattem aigge dievai; ja barne son rieǥadatti.

⁵⁸ Ja sid olbmuk ja sokkagoddek gulle, atte hærra dakkam læi stuorra vaimolađesvuođa su vuosstai, ja si illodegje oftanaǥa suin.

⁵⁹ Ja dappatuvui gavtsad bæive, de si botte mana birračuoppat; ja navdde su ačes nama mield Sakarias.

⁶⁰ Mutto su ædne vastedi, ja celki: i eisegen, mutto Johannes son goččujuvvut galgga.

⁶¹ Ja si celkke sunji: i alma læk oftage du sokkagoddest, gæn dat namma læ.

⁶² Mutto aččai si nuvketegje, mannen son su goččujuvvut datoi.

⁶³ Ja son taval ravkai, ja čali, cælkededin: Johannes su namma læ. Ja buokak ovdušegje.

⁶⁴ Mutto dallan su njalbme rappasi, ja su njuofčam, ja son sardnogođi, ja Ibmel giti.

⁶⁵ Ja ballo buok dam guovlo olbmui bagjeli bođi, ja buok dak saǥak obba Judæa bagjeædnam mietta gullujegje.

⁶⁶ Ja buokak, guđek daid gulle, jurddagidæ­sek vuollai daid bigje, ja celkke: mannen jogo dat manna šaddamen læ? Ja hærra giet suin læi.

⁶⁷ Ja Sakarias, su ačče, bassevuoiŋain devd­dujuvui, ja enostišgođi, ja celki:

⁶⁸ Gittujuvvum lekkus hærra, Israel Ibmel! go oappaladdam ja lonestam læ olbmuides,

⁶⁹ ja bæsstem čoarve migjidi bajasrakadam [ 175 ]læ David su balvvalægjes goattai,

⁷⁰ nuftgo basse prophetaides njalme boft son sarnoi, guđek dolin aigin legje:

⁷¹ besstujume vaššalaǯaidæmek vuold erit, ja buok sin guođai vuold erit, guđek min vaššotek,

⁷² vaimolađesvuođa vanhemidæmek vuosstai dakkat, ja basse littos muittet,

⁷³ dam vales mield, maid aččasæmek Abra­hami son vuornoi migjidi addet,

⁷⁴ vaššalaǯaidæmek gieđast erit besstujuvvum, dalle balotaǥa su balvvalet,

⁷⁵ bassevuođast ja vanhurskesvuođast su au­dast, buok ællem beividæmek.

⁷⁶ Ja don, ucce mannačam! alemus prophettan don šaddak goččujuvvut, dastgo hærra čalmi au­dast don šaddak vagjolet su balggaid rakadæmen,

⁷⁷ audogasvuođa duođo su olbmuidi addet, sin suddoidæsek andagassi addem čađa.

⁷⁸ Min Ibmelæmek njuoras vaimolađesvuođa boft, man boft, man boft čuovgas allagasast min læ oappa­laddam,

⁷⁹ sin ouddi baittet, guđek sævdnjadasast ja jabmem suoivvanest orromen læk, julgidæmek doarjot rafhe luodai mield.

⁸⁰ Mutto manna bajas šaddai, ja vuoiŋast son nanoduvui, ja mecin son oroi dam bæive ragjai go Israel ouddi ječas son čajeti.

2. Kapittal.

¹ Mutto dain beivin dappatuvui, atte goččom­sadne bođi kæisarest Augustusest, atte obba [ 176 ]mailbme olbmui lokkogirje sisa čallujuvvut galgai.

² Dat vuostas sisačallujubme dakkujuvui, go Kvirinius læi Syria ædnam hærra.

³ Ja buokak manne ječaidæsek čaletet, jegut­teg baikkasis.

⁴ Mutto Josephgis maida bajasmanai Galilæ­ast, gavpugest Nasarethast, Judæai, David gav­pugi, mi Bethlehemen goččujuvvu, — dastgo Da­vid goađest ja soǥast son boatam læi, —

⁵ ječas čaletet oftanaǥa Mariain, loppadattu­juvvum akkaines, gutte mana vuosstai læi.

⁶ Mutto dappatuvui sodnu orodedin dobbe, de su rieǥadattem aigge dievai.

⁷ Ja barnes son rieǥadatti, vuostas rieǥadam, ja giesai su, ja šiveti borram littai su bijai; dastgo olbmui viesost sodnuidi sagje i læm.

⁸ Ja omid gæčček dam guovlost legje, guđek mæcest legje, ja æloidæsek goccategje.

⁹ Ja gæč, hærra engel sin audast čuoǯoi, ja hærra čuovgasvuotta sin birra baiti, ja sagga si ballagotte.

¹⁰ Ja engel sigjidi celki: allet bala, dastgo gæč, stuorra ilo mon digjidi muittalam, mi buok olbmuidi dappatuvvumen læ.

¹¹ Dastgo bæsste læ digjidi odna bæive rieǥa­dam, gutte hærra Kristus læ, David gavpugest.

¹² Ja dat digjidi mærkkan læ: mana di gavd­nabættet gissujuvvum, ja šiveti borram littest.

¹³ Ja dallan de stuorra almalaš vækka læi en­gel lut, gutte Ibmel giti, ja celki:

¹⁴ Gudne Ibmeli allagasast! ja raffhe ædnami! [ 177 ]ja olbmuidi buorre mielalašvuotta.

¹⁵ Ja de šaddai, go engelak sin lut albmai manne, de dak olbmuk, gæčček, gaskanæsek sard­nu: vuolggop mi Bethlehemi, ja gæččop mi, mi dobbe læ dappatuvvum, maid hærra min dieđeti.

¹⁶ Ja hoapost si vulgge, ja gavdne sikke Maria ja Joseph, ja mana šiveti borram littest.

¹⁷ Mutto go si dam oaidnam legje, de si dam sane muittalegje, mi dam mana harrai sigjidi sard­nujuvvum læi.

¹⁸ Ja buokak, guđek gulle dam, ovdušegje, maid gæčček sigjidi celkke.

¹⁹ Mutto Maria vurki buok daid sanid duok­kasis, ja vaimostes daid guoratallai.

²⁰ Ja gæčček ruftud macce, gitte ja gudniette Ibmel buok dam ditti, maid si gullam ja oaid­nam legje, nuftgo sigjidi sardnujuvvum læi.

²¹ Ja go oftse bæivek dievvam legje, go manna birračuppujuvvut galgai, de namma sust Jesusen goččujuvui, nuftgo engelest goččujuvvum læi, auddal go ædnes heggi son sakkanam læi.

²² Ja go Maria buttastusa bæivek Moses laǥa mield dievvam legje, de soi Jerusalami bajas buv­tiga Jesus, su hærra ouddi buftet,

²³ — nuftgo hærra laǥast čallujuvvum læ: atte buok olbma bælle, mi ædnes hægga ravast, hærrai bassen goččujuvvut galgga, —

²⁴ ja oafferid addet dam mield, mi hærra la­ǥast celkkujuvvum læ, guoft turtelduvaid, daihe guoft nuorra duvaid.

²⁵ Ja gæč, olmai læi Jerusalamest, gæn namma [ 178 ]Simeon læi, ja dat olmai vanhurskes ja ibmelbal­lolaš læi, ja Israel jeđđitusa son vuorddemen læi, ja bassevuoiŋ su bagjel læi.

²⁶ Ja sunji celkkujuvvum læi bassevuoiŋast, atte jabmem i son oaidnemen læm, auddal go son oaǯǯom læi oaidnet hærra vuiddujuvvum.

²⁷ Ja tempal sisa son manai vuoiŋa viggatæme mield, ja go vanhemak mana Jesus sisa buvtiga, su audast dakkat, mi virro læi laǥa mield,

²⁸ de giettagavvasis son valdi su, giti Ibmel, ja sarnoi:

²⁹ Hærračam! dal addak don du balvvalægjad raffhai mannat, nuftgo cælkkam læk:

³⁰ dastgo muo čalmidam oaidnam læk du bæs­stem,

³¹ maid don rakadik buok olbmui čalmi audast,

³² čuovgas bakkenid čuvggit, ja hærvasvuot­tan olbmuidassad Israeli.

³³ Ja Joseph ja su ædne ovdušeiga daid sa­nid, mak sust sardnujuvvujegje.

³⁴ Ja Simeon sodnu buristsivnedi, ja su ædnai Mariai celki: gæč, dat jorralæbmen bigjujuvvum læ ædnagidi Israelast, ja čuoǯǯaldattujubmen, ja mærkkan, mi šadda vuosstai naggijuvvut,

³⁵ — maida du ječčad sielo miekke čađa­mannamen læ, — atte ædnag vaimoi jurddagak almostuvvujek.

³⁶ Ja prophetnisson læi, Anna, Phanuel nieid, Asser soǥast, son hui boares læi, ja čiečča jaǥe boadnjaines ællam læi nieiddavuođa dilles maŋŋel;

³⁷ ja dal læsk son læi, lakka njællja jaǥe [ 179 ]ovtsad lokkai, gutte tempal lut i vuolggam, bora­kættaivuođain ja rokkadallamin Ibmel balvvaledin ija bæive.

³⁸ Ja dam boddost songis bođi, ja damaka lakkai giti hærra, ja su buokaidi sarnoi, guđek Jerusalamest lonastusa vuorddemen legje.

³⁹ Ja go ollašubmai soi dakkam læiga buok, hærra laǥa mield, de soi Galilæai ruftud manaiga baikkasæsga Nasarethi.

⁴⁰ Mutto manna bajasšaddai, ja vuigŋi son nannosmi, dievva visesvuođast, ja Ibmel arbmo su bagjel læi.

⁴¹ Ja su vanhemak juokke jaǥe Jerusalami manaiga bæssači bassen.

⁴² Ja go son guoft nubbe lokkai jaǥe boares læi, de Jerusalami si bajas manne basi viero mield.

⁴³ Ja go daid beivid si loaftam legje ja soi siddasæsga fastain manaiga, de baci manna Jesus Jerusalami Joseph ja su ædne dieđekættai.

⁴⁴ Mutto go maŧkkeguimi særvest soi gad­diga su, de oft bæive soi manaiga, ja fulki ja dovdosi gaskast su occagođiga.

⁴⁵ Ja go æva soi gavdnam su, de Jerusalami soi macaiga, ja su ocaiga.

⁴⁶ Ja dappatuvui golm bæive gæčest, de gav­naiga soi su tempalest oapategji særvest čokkamen, gost son sikke gulai sin, ja sist jærati.

⁴⁷ Mutto buokak, guđek su gulle, sagga ov­dušegje su jierme ja vastadusaid.

⁴⁸ Ja go soi oiniga su, de soi suorgganeiga, ja su ædne sunji celki: barnačam! manne dakkik [ 180 ]modnuidi nuft? gæč, aččat ja mon, moi ocaime du vaimo bafčasin.

⁴⁹ Ja sodnuidi son celki: manne ocaide doi muo? æppego diettam aččam fidnoi sist mon fer­tim læt?

⁵⁰ Ja æva soi dam sane arvedam, maid sod­nuidi son sarnoi.

⁵¹ Ja sodnuguim son vuolas manai, ja Nasa­rethi bođi, ja sodnuidi vuolebuš læi. Ja su ædne buok daid sanid vaibmosis vurki.

⁵² Ja Jesus auddani visesvutti ja akkai, ja arbmoi Ibmel ja olbmui lut.

3. Kapittal.

¹ Mutto kæisar Tiberius viđad nubbe lokkai rađđim jaǥe, go Pontius Pilatus Judæa ædnam hærra, ja Herodes Galilæa njaljadasrađđijægje læi, mutto su vellja Philippus Ituræa ja Trakonitis æd­nam njæljadasrađđijægje læi, ja Lysanias Abilene njæljadasrađđijægje;

² go Annas ja Kaiphas bajemuš papak læiga, de bođi Ibmel sadne Johannes Sakarias barne lusa mæcest.

³ Ja obba dam ædnam mietta son vagjoli, mi Jordan guovlost læ, ja jorggalæme gasta son sarnedi suddoidæsek andagassi addujume varas.

⁴ Nuftgo čallujuvvum læ prophet Esaias sarni girjest, gutte sardno: dat su jedna læ, gutte mæ­cest čuorvvo: rakadækket hærra balggaid, njulgi­jækket su luodaid.

[ 181 ]⁵ Juokke lække devddut, ja juokke varre ja divva vuolleduvvut galgga, ja mi moalkkai læ, njulggijuvvut galgga, ja rappes gæinok jalggaden dakkujuvvut galggek.

⁶ Ja buok oaǯǯe oaǯǯo oaidnet Ibmel bæsstem.

⁷ De damditti olbmuidi son celki, guđek botte sust gastašuvvut: di dæččalagga čivgak! gi cuigi din boatte moare vuold erit bataraddat?

⁸ Dakkat nabbo dalle jorggalæme hæivolaš šaddoid, allet vaimostædek riema cælkket: Abra­ham læ min aččamek; dastgo digjidi cælkam, dain geđgin galle Ibmel matta Abrahami manaid bajasboftet.

⁹ Mutto afšo muorai maddagin jo orromen læ; de damditti juokke muorra, mi šiega šaddoid i šad­dad, šadda eritid čuppujuvvut, ja dolli suppijuvvut.

¹⁰ Ja olbmuk sust jerre, ja celkke: maid galg­gap mi dalle dakkat?

¹¹ Mutto son vastedi, ja sigjidi celki: gæst guoft biftasak læva, addus sunji, gæst i læk, ja gæst borramušak læk, dakkus damaka lakkai!

¹² Mutto maida tuolarak botte gastašuvvut, ja sunji celkke: oapatægje, maid galggap mi dakkat?

¹³ Mutto son sigjidi celki: allet maidegen æmbo gaibed, go digjidi mærreduvvum læ!

¹⁴ Mutto soatteolbmak maida sust jerre, ja celkke: maid galggap mi dalle dakkat? ja son si­gjidi celki: allet gæstegen maidegen væǥald val­de, alletge verid daǥa gavvelvuođain, ja lækket balkkasædek duttavaǯak!

[ 182 ]¹⁵ Mutto go olbmuk doaivvomen legje, ja buokak vaimoidæsek sist arvvaladdamen legje Jo­hannesest, alma son daidda læt Kristus?

¹⁶ de vastedi Johannes, ja buokaidi celki: čacin galle din gastašam, mutto dat boatta, gutte must gievrabbo læ, gæn gabmag vuoddagid im dokkalaš læk nuollat; son bassevuoiŋain ja dolain din gastašæmen læ.

¹⁷ Su goaivvo læ su gieđast, ja aites son butest, ja nisuides aittasis son čokke, mutto sađoid časkad­mættom dolli son baldda.

¹⁸ Ja ædnag ærra ravvagid son olbmuidi sar­noi, ja evangelium sigjidi sarnedi.

¹⁹ Mutto go njæljadasrađđijægje Herodes sust væratuvui Herodias, su veljas Philippus akka ditti, ja buok dai bahha daǥoi ditti, maid Herodes daǥai,

²⁰ de buok su ærra bahha daǥoidassis son lasseti vela damgis, atte Johannes giddagassi son bijai.

²¹ Mutto dappatuvui, go buok olbmuk gasta­šuvvujegje, ja Jesus maida gastašuvui ja rokka­dallai, atte albme rappasi,

²² ja atte bassevuoiŋ rubmaš hamest vuolas bođi su bagjel, duva hamest, ja jedn gului almest, mi celki: don muo bardne læk, dat rakis, gutte muo miela mield læ.

²³ Ja Jesus lakka golm loǥe jaǥe boares læi, go oapatišgođi, ja læi, nuftgo olbmuk gadde, Joseph bardne, Eli bardne,

²⁴ Matthat bardne, Levi bardne, Melki bardne, Janna bardne, Joseph bardne,

[ 183 ]²⁵ Matthathia bardne, Amos bardne, Naum bardne, Esli bardne, Naggai bardne,

²⁶ Maath bardne, Mattathia bardne, Semei bardne, Joseph bardne, Juda bardne,

²⁷ Johanna bardne, Resa bardne, Sorobabel bardne, Salathiel bardne, Neri bardne,

²⁸ Melki bardne, Addi bardne, Kosam bardne, Elmodam bardne, Ers bardne,

²⁹ Jose bardne, Elieser bardne, Jorim bardne, Matthat bardne, Levi bardne,

³⁰ Simeon bardne, Juda bardne, Joseph bard­ne, Jonan bardne, Eliakim bardne,

³¹ Melea bardne, Mainan bardne, Mattatha bardne, Nathan bardne, David bardne,

³² Isai bardne, Obed bardne, Boas bardne, Salmon bardne, Naasson bardne,

³³ Aminadab bardne, Aram bardne, Esron bardne, Phares bardne, Juda bardne,

³⁴ Jakob bardne, Isak bardne, Abraham bard­ne, Tharak bardne, Nakor bardne,

³⁵ Saruk bardne, Ragahu bardne, Phalek bardne, Eber bardne, Sala bardne,

³⁶ Kainan bardne, Arphaksad bardne, Sem bardne, Noa bardne, Lamek bardne,

³⁷ Methusala bardne, Enok bardne, Jared bardne, Malaleel bardne, Kainan bardne,

³⁸ Enos bardne, Seth bardne, Adam bardne, Ibmel bardne.

4. Kapittal.

¹ Mutto Jesus, dievva bassevuoiŋast, Jordan [ 184 ]guovlost ruftud bođi, ja vuoiŋast mæccai dolvvu­juvui,

² ja njællja loǥe bæive bærgalaǥast gæčča­luvui. Ja i maidegen son borram dain beivin, ja go dak nokke, de æsk borastuvvašgođi.

³ Ja bærgalak sunji celki: jos don Ibmel bardne læk, de gočo dam gæđge laibben šaddat.

⁴ Ja Jesus vastedi, ja sunji celki: čallujuv­vum læ: olmuš i dušše fal laibest æle, mutto juokke Ibmel sanest.

⁵ Ja bærgalak alla vare ala su doalvoi, ja buok mailme valddegoddid sunji čajeti oft čalme ravkkalæmest.

⁶ Ja bærgalak sunji celki: buok dam famo, ja dai valddegoddi hærvasvuođaid dunji addam; dast­go munji dak addujuvvum læk, ja addam gæsa aigom.

⁷ Jos dal muo rokkadallat aigok, de dat buok­rakkan du galgga læt.

⁸ Ja Jesus sunji vastedi, ja celki: vuolge erit muo lut, satan! dastgo čallujuvvum læ: hærrad Ibmelad don rokkadallat, ja aivestessi su balvvalet don galgak.

⁹ Ja bærgalak Jerusalami su doalvoi, ja tem­pal harje ala su bijai, ja sunji celki: jos Ibmel bardne læk, de luoite ječčad dago vuolas.

¹⁰ Dastgo čallujuvvum læ: engelides du birra son goččo, du varjalæmen,

¹¹ ja gieđaidæsek ald si guddek du, amat guđege gæđggai juolggad don nordestet.

¹² Ja Jesus vastedi, ja sunji celki: [ 185 ]celkkujuvvum læ: hærrad Ibmelad ik gæččalet galga.

¹³ Ja go bærgalak loaftam læi buok gæčča­lusa, de muttom aige son su lut heiti.

¹⁴ Ja vuoiŋa famost Jesus ruoftod bođi Gali­læai, ja su namma obba dam ædnam mietta bæ­gotuvui.

¹⁵ Ja sin synagogain son oapati, ja buokain rameduvui.

¹⁶ Ja Nasarethi son bođi, gost bajasgessum læi, ja viros mield sabbat bæive son synagoga sisa manai, ja čuoǯǯeli lokkat.

¹⁷ De si adde sunji prophet Esaias girje, ja go girje lækasti, de saje gavnai, gost čallujuv­vum læi:

¹⁸ Hærra vuoiŋ muo bagjel læ, damditti son muo vuoidai; son muo vuolgati vaivašidi evan­gelium sarnedet, sin buorredet, gæin cuvkkijuv­vum vaibmo læ, sigjidi, guđek gidda dillest læk, sin bestujume sardnot, ja čuovgatemidi čuovgasæ­sek addet, ja gifsašuvvumid bæsstet,

¹⁹ hærra armo jaǥe sarnedet.

²⁰ Ja girje son ofti bijai, ja addi balvvalægjai, ja čokkani; ja buokai čalmek synagogast su ala gæččamen legje.

²¹ Mutto son sigjidi sardnogođi: odna bæive læ dat čal devddujuvvum beljidædek audast.

²² Ja buokak su ramedegje, ja daid suotas audogas sanid si ovdušegje, mak su njalmest botte, ja celkke: alma dat de læ Joseph bardne?

²³ Ja son sigjidi celki: di aiggobættet galle munji dam sadnevajas cælkket: buorredægje, [ 186 ]buorred ješječčad! daggar stuorra daǥoid, maid gul­lam læp Kapernaumi dakkujuvvum læk, daǥa maida dasa vanhemidad ædnami!

²⁴ Mutto son celki: duođai mon digjidi cæl­kam, i oftage prophet gudniettujuvvum læk van­hemides ædnamest.

²⁵ Mutto duotvuođa mon digjidi cælkam: æd­nag læskak galle Israelast legje Elias beivin, go albme dappujuvvum læi golm jaǥe ja gut mannod, dam aige, go stuorra nælgge obba ædnamest læi,

²⁶ ja i ovtage lusa dain Elias vuolgatuvvum, ærebgo Sareptai Sidon guovlost, muttom læsk­nisson lusa.

²⁷ Ja ædnag spittalaǯak Israelast galle legje, prophet Elisa aige, ja i oftage sist buttasmuvvum ærebgo Naman syralaš.

²⁸ Ja buokak synagogast dal suttogotte, go si dam gulle.

²⁹ Ja si čuoǯǯelegje, ja nordestegje su gav­pug olggobællai, ja dolvvu su vare alaš ala, man ala sin gavpug bajasrakaduvvum læi, su vuolas hoiggadet.

³⁰ Mutto sin gaskast erit son bæsai, ja manai.

³¹ Ja son vuolas bođi Kapernaumi, muttom Galilæa gavpugi, ja sabbaten sin oapati.

³² Ja olbmuk saggarak ovdušegje su oappa­vašvuođa, dastgo su sarne duokken duobmo læi.

³³ Ja olmuš læi synagogast, gæst buttesmæt­tom bærgalaǥa vuoiŋ læi, ja alla jenain son čuorvoi,

³⁴ ja celki: voi! mi mist læ duin, Jesus Nasa­rethast? bottikgo min hævatet? mon dieđam galle [ 187 ]du, gi don læk: Ibmel basse.

³⁵ Ja Jesus su šigoi, ja celki: oro javotaǥa, ja vuolge sust erit! ja bærgalak balkesti su sin gasski, ja sust erit vulgi, ja i vahagattam su.

³⁶ Ja ballo sin buokai bagjeli bođi, ja gaskan­æsek si hallamen legje, ja celkke: mi læ dat, atte buttesmættom vuoiŋaid duomoin ja famoin son ravve, ja dak vulggek.

³⁷ Ja su namma juokke baikkai gullujuvui obba dam ædnam guovlost.

³⁸ Mutto son čuoǯǯeli, ja synagogast Simon goattai sisamanai, ja Simon vuone garaset buocce­men læi, ja si rokkadalle sust su audast.

³⁹ Ja su lusa Jesus manai, ja davd šigoi, ja dat heiti sust erit. Mutto dallanaǥa son bagjani, ja sin balvvali.

⁴⁰ Mutto go bæivaš illoši, de buokak, gæi barast moadde laǥaš davdain buocce olbmuk legje, daid si su lusa bufte; mutto gieđaides son bijai ješguđeg ala sist, ja buorredi sin.

⁴¹ Mutto maida bærgalaǥak ædnagi sist erit vulgge, čurvvu ja celkke: don Kristus læk! Ibmel bardne! ja son šigoi sin, ja i suovvam sin sardnot, dastgo si ditte, son Kristus læi.

⁴² Mutto gæ bæivve šaddam læi, de son olgus vulgi, ja avden baikkai manai, ja olbmuk occamen legje su, ja su lusa botte, ja su doallagotte, amas sin lut erit son vuolgget.

⁴³ Mutto son sigjidi celki: fertim maida ærra baikidi Ibmel valddegodde evangelium sarnedet; dastgo dam varas vuolgatuvvum læm.

[ 188 ]⁴⁴ Ja Galilæa synagogain son sarnedi.

5. Kapittal.

¹ Mutto dappatuvui, go olbmuk bakkemen legje su lusa Ibmel sane gullam ditti, ja Genesareth javre gaddest son čuoǯoi,

² de son guoft skipaid javre gaddest oini; mutto olbmuk dai sist vuolggam legje, ja firmid­æsek doaiddemen legje.

³ Mutto nubbe skip sisa son manai, mi Simon læi, ja gočoi su gaddest davedastet, ja son čok­kani, ja skipast son olbmuid oapati.

⁴ Mutto go sardnomest heiti, de Simoni son celki: mana favllai, ja suppijækket firmidædek bivd­dam varas.

⁵ Ja Simon vastedi, ja sunji celki: oapatæ­gjačam! gæčos ija mi barggam læp, ja æp mai­degen fidnim; mutto du sadnad ala mon fierme suppim.

⁶ Ja go si dam dakke, de stuorra guolle hi­vudaǥa si fidnijegje; mutto sin fiermek gaikka­nadde.

⁷ Ja skipparidæsek si sevve, guđek nubbe skipast legje, vai si boađaši sin vækketet, ja si botte, ja gugtug skipaid si vuogjom lakkai devdde.

⁸ Mutto go Simon Petrus dam oini, de Jesus čibbi ouddi ječas son luiti, ja celki: hærračam! vuolge muo lut; dastgo suddolaš olmai mon læm.

⁹ Dastgo ballo su ala boattam læi, ja buok su bivddo skippari ala dai guli ditti, maid si fidnim legje,

[ 189 ]¹⁰ nuftgis balaiga Jakobus ja Johannes, Se­bedæus barnek, guđek Simon skiparak læiga. Ja Jesus celki Simon: ale bala; dast maŋas olbmuid don fidnimen læk.

¹¹ Ja skipaid si gaddai bufte, ja buok si guđ­đe, ja čuvvu su.

¹² Ja dappatuvui, go son muttom gavpugest læi, gæč, de spittaldavdast buocce olmai læi, go son Jesus oini, de muođoides ala son manai, sust rokkadallai, ja celki: hærračam, jos don aigok, de du gieđast læ muo butestet.

¹³ Ja gieđas Jesus geigi, ja sunji guoskati, ja celki: aigom; šadda butesen! ja de dallanaǥa spittalvuotta su ald vulgi.

¹⁴ Ja son gildi su gæsagen dam cælkkemest; mutto celki: vuolge, ja čajet ječčad pappi, ja adde buttastusastad, nuftgo Moses goččom læ, sigjidi duođaštussan.

¹⁵ Mutto saǥak su birra æmbo ja æmbo vid­danegje, ja ædnag olbmuk čoakkai botte su gul­lam ditti, ja buoccalvuođainæsek erit sust buor­reduvvut.

¹⁶ Mutto mecidi son vulgi, ja rokkadallai.

¹⁷ Ja muttom bæive dappatuvui, atte son oa­pati; ja pharisæalaǯak ja laǥaoapatægjek čokkamen legje, guđek buok Galilæa ja Judæa gavpugin ja Jerusalamest boattam legje, ja hærra fabmo buor­redi sin.

¹⁸ Ja gæč, muttom olbmak daftesærgataǥast buocce olbmu gudde, ja si bivdde su sisa buftet, ja su ouddi bigjat.

[ 190 ]¹⁹ Ja go olbmui æi si gavdnam sisabuf­tam saje, de si rove ala gorgŋu, ja rove geđgi gaskal si luitte su vuolas gavnides sist olbmui gasski Jesus ouddi.

²⁰ Ja go Jesus oini sin osko, de buoccai son celki: olmučam! suddoidad dunji andagassi addu­juvvum læk.

²¹ Ja čaloappavaǯak ja pharisæalaǯak arvva­lišgotte, ja celkke: gi son læ, gutte Ibmel bilka­dusaid sardno? gi suddoid andagassi adde læ, æreb go Ibmel ofto?

²² Mutto go Jesus sin jurddagid fuobmaši, de vastedi, ja sigjidi celki: maid arvvalæppet di vai­moidædek sist?

²³ Guabba læ alkeb cælkket: dunji suddoidad andagassi addujuvvum læk? daihe cælkket: čuoǯ­ǯel ja vagjol?

²⁴ Mutto vai di diettebættet, olbmu barnest fabmo læ ædnamest suddoid andagassi addet, — de daftesærgataǥast buoccai son celki: — mon cælkam dunji, čuoǯǯel, valde gavnidad, ja mana goattasad.

²⁵ Ja dallanaǥa son čuoǯǯeli sin čalmidæsek audast, ja bajas valdi, man ald vællham læi, ja goattasis manai, ja Ibmel giti.

²⁶ Ja buokak saggarakkan suorgganegje ja Ibmel gudniette, ja sagga balloi si šadde, ja celkke: odna bæive mi oaidnam læp, mi jakke­mest i læk.

²⁷ Ja dastmaŋŋel son olgus manai, ja tuolar, gæn namma Levi læi, son tuollo viesost čokkamen [ 191 ]oini, ja sunji celki: čuovo muo.

²⁸ Ja buok son guđi, ja čuoǯǯeli, ja čuovoi su.

²⁹ Ja dataka Levi daǥai sunji stuorra hæjaid viesostes, ja ædnag tuolarak legje, ja ærrasak, guđek singuim bævdest čokkame legje.

³⁰ Ja sin čaloappavaǯak ja pharisæalaǯak su mattajegji vuosstai nimmurišgotte, ja celkke: manne borrabættet ja jukkabættet di tuolari ja suddola­ǯai særvest?

³¹ Ja Jesus vastedi, ja sigjidi celki: diervas olbmuk æi darbaš dalkastægje, mutto buocce olb­muk.

³² Im boattam læk vanhurskasid, mutto sud­dolaǯaid buoreb guvllui goččot.

³³ Mutto si celkke sunji: manne adnek Johan­nes mattajægjek nuft davja borakættaivuođaid, ja rokkusid, ja phirasæalaǯai maida; mutto du bor­rek ja jukkek?

³⁴ Mutto son sigjidi celki: goččobættetgo di hæjaiolbmuid borakættai orrot, nuft gukka go irgge sin lut læ?

³⁵ Mutto bæivek galle jovddek, go irgge sin lut šadda valddujuvvut, de dain beivin si galle borakættaivuođaid adnek.

³⁶ Mutto son værdadusa sigjidi sarnoi: i of­tage olmuš ođđa ladde duoŋas oabme biftas ala bija, dastgo ođđa sikke oames gaikod, ja ođđa ladde duoŋas oabmasi i hæive.

³⁷ Ja i oftage olmuš varas vine oabme nakke­laskoi sisa læike, amas varas vidne nakkelaskoid lud­dit, de vidne hævvan, ja nakkelaskok bieđgganek.

[ 192 ]³⁸ Mutto varas vidne ođđa nakkelaskoi sisa leikkujuvvut færtte, de gugtug oftanaǥa aimoin orroba.

³⁹ Ja i oftage, gutte boarrasabbo vinest jukka, dallanaǥa varasabbo juǥastuvva; dastgo son celk­ka: boarrasabbo buoreb læ.

6. Kapittal.

¹ Mutto dappatuvui maŋeb sabbat, audeb maŋ­ŋel, atte bældo čađa son manai; ja su mattajægjek gorn oivid gaikodegje, ja gieđaiguim ruvvijegje, ja borragotte.

² De pharisæalaǯak soabmasak sigjidi celkke: manne dakkabættet di, mi sabbaten i læk lovalaš dakkat?

³ Ja Jesus vastedi, ja sigjidi celki: æppetgo di dalle lokkam læk, maid David daǥai, go næl­gest læi, ja su maŧkkeguoimek?

⁴ Moft son Ibmel vieso sisa manai, ja gečču­jume laibid valdi, ja borai, ja maŧkkeguimidassis maida addi; maid borrat i læk lovalaš gæsagen, ærebgo dušše fal papaidi.

⁵ Ja Jesus sigjidi celki: olbmu bardne læ mai­da sabbat hærra.

⁶ Muttom ærra sabbat de dappatuvui, atte sy­nagoga sisa son manai, ja oapati; ja olmuš læi, gæn olgiš gietta bælle asstam læi.

⁷ Mutto čaloappavaǯak ja pharisæalaǯak su vudigŋe, jogo sabbaten son buorredæmen læi, vai si vaiddam ašše su ala oǯuši.

⁸ Mutto sin jurddagid son diđi, ja olbmui celki, [ 193 ]gæst asstam gietta læi: čuoǯǯel, ja boađe auddan min gasski! mutto son čuoǯǯeli, ja auddan bođi.

⁹ De Jesus sigjidi celki: dist jærrat aigom: guabba læ lovalaš sabbaten? burid daihe bahaid dakkat? hæg bæsstet, daihe hævatet?

¹⁰ Ja son birras gæčai sin buokai ala, ja olb­mui celki: gæige giettad! ja nuft son daǥai: de gietta sust diervasen šaddai, nuftgo nubbe bælle.

¹¹ Mutto vaššest si devddujuvvujegje, ja gaskanæsek arvvalegje, maid Jesusi si daǥaši.

¹² Mutto dain beivin dappatuvui, atte varrai son manai rokkadallat; ja ija mietta son rokka­dallamen læi Ibmeli.

¹³ Ja go bæivve šaddai, de mattajegjides son auddasis ravkai, ja guoft nubbe lokkai sist valji, gæid maida apostalen son namati.

¹⁴ Simon, gæn maida Petrus son gočoi, ja Andreas su velja, Jakobus ja Johannes, Philippus ja Bartholomæus,

¹⁵ Matthæus ja Thomas, Jakobus, Alphæus barne, ja Simon, gutte Selotes goččujuvvu.

¹⁶ Judas, Jakobus velja, ja Judas Iskarioth, dat, gutte beti su.

¹⁷ Ja singuim son njejai, ja jalgadassi čuo­ǯasti, ja su mattajegji joavkko, ja ædnag olbmuk obba Judæast ja Jerusalamest, ja Tyrusest ja Si­donest, mærragaddest,

¹⁸ guđek boattam legje su gullat, ja buocce­vuođainæsek buorreduvvut; ja daggarak, guđek buttesmættom vuoiŋain gifsašuvvujegje; ja si dier­vasen dakkujuvvujegje.

[ 194 ]¹⁹ Ja buok olbmuk bavdde sunji guoskatet; dastgo fabmo sust manai, ja buokai buorredi.

²⁰ Ja čalmides son bajedi mattajegjides bagjel, ja sordnogođi: audogasak di vaivašak læppet! dastgo Ibmel valddegodde din læ.

²¹ Audogasak di læppet, guđek dal nælgest læppet, dastgo di šaddabættet galletuvvut. Au­dogasak di læppet, guđek dal čierromen læppet! dastgo di šaddabættet boaǥostet.

²² Audogasak di læppet, go suddogasak din vaššotek, ja go særvestæsek erit si nordastek din, ja din bilkedek, ja din nama bahhan hilgguk, olb­mu barne ditti.

²³ Illodækket dam bæive ja avvodækket; dast­go gæč, balkkadek stuores læ almest. Aido nuft dakke sin vanhemak prophetaidi.

²⁴ Mutto voi digjidi, di javalaǯak! dastgo jeđđitussadek di vajkadem læppet.

²⁵ Voi digjidi, guđek dal gallanaddamen læp­pet! dastgo di šaddabættet nælggot. Voi digjidi, guđek dal boaǥostæppet! dastgo di oaǯǯobættet morraš, ja šaddabættet čierrot.

²⁶ Voi digjidi, go buok suddogasak burid din ala sardnuk! aido nuft sin vanhemak værre pro­phetaidi dakke.

²⁷ Mutto mon cælkam digjidi, di! guđek gul­labættet: adnet vaššalaǯaidædek rakisvuođast, dak­kat sigjidi burid, guđek din vaššest adnek;

²⁸ buristsivnedækket sin, guđek din garro­dek, ja sin audast rokkadallat, guđek din vaha­gattek.

[ 195 ]²⁹ Gutte dunji njera doarsskal, duvddel sunji maida nubbe bæle; ja gutte bæska dust valdda, ale gielde sust gavte.

³⁰ Mutto adde juokkači, gutte dust adno; gutte oabmad valdda, ale sust ruoftot gaibed.

³¹ Ja nuftgo di dattobættet olbmuid digjidi dakkamen, nuft dakkat digis maida sigjidi.

³² Ja jos di rakisvuođast adnebættet sin, guđek din rakisvuođast adnek, mi gitosid lægo dist dast? dastgo suddogasak maida sin rakisvuođast adnek, guđek sin rakisvuođast adnek.

³³ Ja jos sigjidi di burid dakkabættet, guđek digjidi burid dakkek, mi gitosid lægo dist dast? dastgo suddogasak maida nuft dakkek.

³⁴ Ja jos di sigjidi luoikkabættet, gæin di doaivvobættet ruoftot oaǯǯot, mi gitosid lægo dist dast? dastgo suddogasak maida suddogasaidi luikkek, vai sigis luoikkasen oǯuši.

³⁵ Mutto adnet vaššalaǯaidædek rakisvuođast, ja dakkat burid, ja luoikkat gæčakættai fast ruof­tot, de balkkadek stuores læ, ja dam alemus manak di læppet; dastgo buorre son læ gittomættomi ja bahai vuosstai.

³⁶ De lækket damditti vaimolađes, nuftgo aččadek vaimolađes læ.

³⁷ Ja allet duobme, de æppet di dubmijuvu; allet laǥa rangaštussi duobme, de æppetgo di laǥa rangaštussi dubmijuvu; andagassi addet, de digjidigis andagassi addujuvvu.

³⁸ Addet, de digjidi addujuvvu; šiega, čoak­kai bakkijuvvum ja čarvvujuvvum ja valjogas mitto [ 196 ]din asskai dalle addujuvvu; dastgo mittoin, main di mittedæppet, digjidi ruoftot mitteduvvu.

³⁹ Ja vela værdadusa son sigjidi sarnoi: mat­tago čuovgatæbme čuovgatæme oapestet? ævago gugtug roggai gaččamen læk?

⁴⁰ I læk mattajægje mattatægjestes aleb, mutto juokkaš, gutte olles læ, šadda nuftgo mattatægjes læ.

⁴¹ Mutto manne oainakgo don rissegæčče, mi velljad čalmest læ; mutto hirsa du ječčad čalmest ik don fuobmaš?

⁴² Daihe moft cælkak don velljasad: divte vuost veljačam! rissegæčče valddet aigom, mi du čalmest læ? don, gutte ješ ik oaine hirsa čal­mestad? don guoftelaš! valde vuost hirsa čalmest­ad erit, de oaǯok dalle gæččalet rissegæčče erit oǯudet, mi velljad čalmest læ.

⁴³ I mikkege šiega muoraid læk, mi miesska šaddoid šaddad; ja i mikkege miesskam muoraid, mi šiega šaddoid šaddad.

⁴⁴ Dastgo juokke muorra šaddostes dovddu­juvvu, i čoggijuvu fikkon basstelis lanjain, æige vidnemuorjek basstelis lanjai bottoin.

⁴⁵ Šiega olmuš auddan bufta, mi buorre læ vaimos šiega davverin, ja bahha olmuš auddan bufta, mi bahha læ vaimos bahha davverin, dastgo vaimo dievasvuođaid sardno njalbme;

⁴⁶ Manne goččobættet di muo hærra, hærra, ja æppet daǥa, maid mon gočom?

⁴⁷ Juokkaš, gutte muo lusa boatta, ja muo sanid gulla, ja daid bargga dakkat, gæn lakkasaš son læ, mon digjidi čajetet aigom.

[ 197 ]⁴⁸ Nuftgo olmuš son læ, gutte vieso huvsi, ja čiegŋalassi ravoi, ja vuođo bavte ala bijai; mutto go dulvve šaddai, de čacek dam vieso ala botte, mutto æi dam likatet vægjam, dastgo bavte ala vuđđuduvvum læi.

⁴⁹ Mutto gutte gulla, ja i daǥa, nuftgo olmuš son læ, gutte ædnami, alma vuođotaǥa, viesos rakadi, ja dulvvečacek botte njeig, ja dallanaǥa dat gačai, ja dam vieso gaččam stuores šaddai.

7. Kapittal.

¹ Mutto go buok sanides son loaftam læi olb­mui guladedin, de son Kapernaum sisa manai.

² Ja muttom oaivveolbma balvvalægje, gæn son rakisen ani, buoccemen ja jabmemen jo læi.

³ Mutto go son Jesusest gulai, de muttomid Judalaǯai vuorrasin su lusa son vuolgati, ja rok­kadallai sust boattet, ja su balvvalegje buorredet.

⁴ Mutto go si Jesus lusa botte, de si sagga­rakkan sust adnogotte, ja celkke: læ galle ansašam, atte don sunji dam daǥak.

⁵ Dastgo min olbmuid rakisen son adna, ja synagoga migjidi bajasdakkam læ.

⁶ De Jesus singuim manai, mutto go dal i šat læm gukken vieso lut, de oaivveolmai muttomid ustebines su ouddi vuolgati, ja sunji cælketi: hærra­čam, ale vaived ječčad! dastgo im læk dokkalaš, atte don muo rove vuollai manak.

⁷ De damditti im ječčam dokkitam du ouddi boattet; mutto cælke oft sane, de muo balvvalæ­gje buorreduvvu.

[ 198 ]⁸ Dastgo olmuš mon læm essevaldde vuluš, ja soatteolbmaid vuoldam anam; ja go dasa cæl­kam: vuolge! de vuolgga, ja nubbai: boađe! de boatta; ja balvvalægjasam: daǥa! de dakka.

⁹ Mutto go Jesus dam gulai, de sust son ov­duši; ja nubbos jorggali, ja olbmuidi celki, guđek su čuovvomen legje: mon cælkam digjidi, daggar stuorra osko im vela Israelast gavdnam læk.

¹⁰ Ja go si, guđek vuolgatuvvum legje, ruof­tot goattai botte, de si gavdne dam buocce balv­valægje diervasen.

¹¹ Ja bæive dastmaŋŋel dappatuvui, atte gav­pugi son bođi, man namma Nain læi; ja ædnagak su mattajegjin su čuvvu, ja ædnag olbmuk.

¹² Mutto go gavpug porti lakkanišgođi, gæč, de jabme olgus guddujuvui, gutte ædnes oft aidno bardne læi, ja ædne læsk læi; ja ædnag gavpug olbmuk čuvvu su.

¹³ Ja go hærra oini su, de su vuosstai son njuorrani, ja sunji celki: ale čiero!

¹⁴ Ja son lusa loaidesti, ja guoddem-muoraid guoskati: — mutto guđek gudde, čuoǯastegje, — ja son celki: nuorra bardne! mon cælkam dunji: čuoǯǯel!

¹⁵ Ja jabme likai bajas, ja sardnogođi; ja son addi su su ædnai.

¹⁶ Mutto ballo doppi buokaid, ja si gudniette Ibmel, ja celkke: stuorra prophet læ čuoǯǯaldat­tujuvvum min gasski, ja Ibmel læ oappaladdam olbmuides.

¹⁷ Ja dat sadne su birra obba Judæai ja obba [ 199 ]dam guvllui bođi.

¹⁸ Ja Johannes mattajægjek sunji buok daid saǥaid muittalegje. Ja Johannes guoftas matta­jegjines auddasis ravkai,

¹⁹ ja Jesus lusa sodnu vuolgati, ja cælketi: lækgo don dat boatte? daihe galggap mi nubbe vuorddet?

²⁰ Mutto go olbmak su lusa bođiga, de cel­kiga soi: Johannes gastašægje vuolgati modnu du lusa, ja cælket: lækgo don dat boatte? daihe galg­gap mi nubbe vuorddet?

²¹ Mutto damanaǥa boddost de ædnagid son buorredæmen læi buoccevuodain ja givsin, ja bahha vuoiŋain, ja ædnag čuovgatemidi čuovgasæsek son addi.

²² Ja Jesus vastid, ja sodnuidi celki: vuolgge ja muittalække Johannesi, maid doi oinide ja gu­laide: čuovgatæmek oidnek, skirbmak vagjolek, spittalaǯak buttasmuvvek, bæljetæmek gullek, jab­mek bajasčuoǯǯelek, ja vaivašidi evangelium sard­neduvvu;

²³ ja audogas, gutte must i værran.

²⁴ Mutto go Johannes airasak vulgiga, de son olbmuidi Johannes sardnogođi: maid vulgidek di mæccai oaidnet? rase, mi biegast dokko dek so­jatuvvu?

²⁵ Daihe maid vulgidek di oaidnet? olbmu fines biftasi sist? gæč, guđek hærvas biftasid adnek, ja havskudaǥast ellek, dak gonagasai daloin læk.

²⁶ Daihe maid vulgidek di oaidnet? prophet? mon cælkam digjidi, son æmbo læ go prophet?

[ 200 ]²⁷ Son de læ, gæst čallujuvvum læ: gæč, engelam muođoidad audast mon vuolgatam, gutte luodaid dunji dakka.

²⁸ Dastgo mon cælkam digjidi: sin gaskast, guđek nissonin rieǥadam læk, i guttege stuorrab prophet læk, go Johannes gastašægje; mutto uccemuš Ibmel valddegoddest stuorrab læ go son.

²⁹ Ja buok olbmuk, guđek su gulle, vela tuolorak Ibmel vanhurskesvuođa vuollai vuollane­gje, go Johannes gastain si gastašuvvujegje.

³⁰ Mutto pharisæalaǯak ja laǥaoappavaǯak ba­gjelgečče Ibmel ravvagid sin harrai, ja æi gasta­šuvvum sust.

³¹ Mutto hærra celki: gænen værdedam mon dam sokkagodde olbmuid, ja gæn lakkasaǯak lækgo si?

³² Nuftgo ucca manačak si læk, guđek šiljost čokkajek, ja gutteg guoibmasis čurvvuk, ja celk­kek: mi nuorgotallaimek digjidi, ja æppet di dans­som, morrašlavllagid mi digjidi lavloimek, ja æppet di čierrom.

³³ Dastgo Johannes gastašægje bođi, ja i laibe borram, ige vine jukkam, ja di cælkkebættet: sust læ bærgalak.

³⁴ Olbmu bardne bođi, son borra ja jukka, ja di cælkkebættet: gæč, borriš ja juǥiš olmuš son læ, tuolari ja suddolaǯai ussteb.

³⁵ Ja visesvuotta buok manaines vanhurskasen gudniettujuvvum læ.

³⁶ Muttom pharisæalaǯain bovdi su su lut bor­rat; ja son manai pharisæalaš vieso sisa, ja bævdest čokkai.

[ 201 ]³⁷ Ja gæč, nisson læi gavpugest, gutte sud­dolaš læi; go son gulai Jesus pharisæala viesost bævdest čokkamen, de alabaster litte son vieǯai vuoidasin,

³⁸ ja su julgi duokkai manai, čieroi, ja gadn­jalidesguim gastadišgođi su julgid, ja vuoftaides­guim daid sikoi, ja su julgid son cumai, ja vuoi­dasin daid vuidi.

³⁹ Mutto go pharisæalaš, gutte su læi bovd­dim, dam oini, de vaimostes son sardnogođi, ja celki: jos dat prophet lifči, alma dalle dieđaši, gi ja maggar nisson olmuš dat læ, gutte sunji guo­skat; dastgo suddolaš son læ.

⁴⁰ Ja Jesus vastedi, ja sunji celki: Simon, must sardnomuš læ duin; mutto son celki: de cælke oapatægjačam!

⁴¹ Jesus celki: Muttom, gutte ruđaid luoiketi, sust guoft vælgolaǯak læiga: nubbe vit čuođe ruđaid vælgolaš læi, mutto nubbe vit loǥe.

⁴² Mutto go sodnust i læm main mafsat, de gugtuidi vælgasæsga son luiti. Cælke: guabba sodnust damditti su rakkasabbun adna?

⁴³ Mutto Simon vastedi, ja celki: gaddam, dat, gæsa son æneb luiti. Mutto Jesus sunji celki: rieftoi don gaddik.

⁴⁴ Ja nisson bællai son jorggali, ja Simoni celki: oainakgo dam nisson? du vieso sisa mon bottim, ik don addam munji čace muo julgidi; mutto son gastadi muo julgid gadnjalidesguim, ja sikoi daid vuovtaidesguim.

⁴⁵ Ik don addam munji cuma; mutto son i læk [ 202 ]hæittam muo julgid cumastaddamest, dam rajast go son sisa bođi.

⁴⁶ Ik don vuoiddam læk muo oaive oljoin; mutto son vuidi muo julgid vuoidasin.

⁴⁷ Mon cælkam dunji: dam ašše ditti, go su ædnag suddok sunji andagassi addujuvvum læk, adna son stuorra rakisvuođa; mutto gæsa uccanaš addujuvvu, uccan rakisvuođa adna.

⁴⁸ Mutto Jesus celki nissoni: du suddoidad dunji andagassi addujuvvum læk.

⁴⁹ De su bævddeguoimek vaimostæsek sard­nogotte: gi læ dat, gutte vela suddoid andagassi adda?

⁵⁰ Mutto nissoni son celki: du ossko du læ bæsstam, vuolge raffhai.

8. Kapittal.

¹ Ja dastmaŋŋel dappatuvui, atte gavpugi ja sidai mield son vagjoli, ja sarnedi, ja Ibmel vald­degodde evangelium sarnoi, ja dak guoft nubbe lokkai oftanaǥa suin;

² ja muttom nissonak maida, guđek bahha vuoiŋain ja buoccalvasain buorreduvvum legje, Maria, gutte Magdalena goččujuvui, gæst čiečča bærgalaǥak erit mannam legje,

³ ja Johanna Kusa, Herodes sundæ akka, ja Susanna, ja ædnag ærra nissonak, guđek ælloidæ­sekguim su balvvalegje.

⁴ Mutto go ædnag olbmuk čoakest legje, ja gavpugi olbmuk su lusa botte, de værdadusa boft son sardnogođi:

[ 203 ]⁵ Gilvve olmai manai gilvvagides gilvvet, ja gilvededines, de muttomak balgga gurri gačče, ja dulbumujuvvujegje, ja alme loddek daid borre.

⁶ Ja muttomak bavte ala gačče, ja šaddadedin de dak goldne, go laftadas i læm.

⁷ Ja muttomak gaskalasai gasski gačče, ja gaskalask oftanaǥa bajasšadde ja daid lappasutte.

⁸ Ja muttomak šiega ædnami gačče, ja bajas­šadde, ja čuotte gærdasaš šaddoid šaddadegje. Go dam sarnoi, de čuorvoi son: gæst bæljak læva maiguim gullat, son gullus!

⁹ Mutto su mattajægjek sust jerre, ja celkke: mi værdadusaid dat læ?

¹⁰ Mutto son celki: digjidi addujuvvum læ Ibmel valddegodde čieǥosvuođaid diettet; mutto ærrasidi værdadusai čađa dat sardnujuvvu, amasek oaidnek oaidnet, ja amasek gullek gullat.

¹¹ Mutto dat læ værdadussa: gilvvagak Ibmel sadne læ.

¹² Mutto dak balgga gurast guldalægjek læk; dastmaŋŋel boatta bærgalak, ja vaimoidæsek sist erit sane valdda, amasek si osskot ja audogassan dakkujuvvut.

¹³ Mutto dak bavte ald si læk, guđek gulade­din iloin sane vuosstaivalddek; ja dain ruotas i læk; si osskuk dalle oanekas gask, ja gæččalusa aige de si erit jorralek.

¹⁴ Mutto dak, mak gaskalasai gasski botte, guldalægjek læk; ja dam ællem morraši ja rigges­vuođa ja havskudaǥai vuollai vagjoledin, de si lappasuvvek, ja olles šaddoid æi šaddad.

[ 204 ]¹⁵ Mutto mak šiega ædnam sist læk, si læk, guđek, go sane si gullek, de si duokkenæsek dam dollek čabba ja šiega vaimo sist, ja šaddoid šad­dadægjek si læk gierdavašvuođa sist.

¹⁶ Mutto i oftage, gutte čuovgas cakkit, littin dam gofča, daihe bævde vuollai bigja; mutto juolggai, vai si, guđek sisa bottek, čuovgas oidnek.

¹⁷ Dastgo i mikkege čikkujuvvum læk, mi i šadda almostuvvut; ige mikkege bæitosist læk, mast dietto i boađe, ja mi čuovgas ouddi i boađe.

¹⁸ Varotækket ječaidædek dam ditti, moft gulla­bættet; dastgo gæst læ, sunji addujuvvu, ja gæst i læk, sust vela valddujuvvu, mi oabmenes gaddujuvvu.

¹⁹ Mutto su ædne ja su veljak su lusa botte, ja su saǥaidi æi bæssam olbmui ditti.

²⁰ Ja muttom olbmuin sunji dat dieđetuvui, guđek celkke: ædnad ja veljaidad olggon læk, ja du oainestuvvek.

²¹ Mutto son vastedi, ja sigjidi celki: muo ædne ja muo veljak si læk, guđek Ibmel sanid gullek ja dakkek.

²² Ja muttom dain beivin dappatuvui, atte son ja su mattajægjek skip sisa manne, ja son sigjidi celki: vuolggop mi javre rassta, ja dak vulgge.

²³ Mutto borjastedin son ođđaji; ja jorrebieg javrrai gačai, ja si devddušgotte, ja hæđest legje.

²⁴ De su lusa si loaidestegje, bofte su bajas, ja celkke: oapatægje! oapatægje! mi hævvanæp. Mutto son bagjani, ja bieg ja javre baroid son šigoi, ja goalkke šaddai.

²⁵ De son sigjidi celki: gost læ din osskodek? [ 205 ]mutto si balle, ja ovdušegje, ja gaskanæsek sard­nu: gi dat læǯǯa? Dastgo sikke bieg ja čacid son goččo, ja dak sunji gullolaǯak læk.

²⁶ Ja Gadarenalaǯai guvllui si borjastegje, mi Galilæa buotta læ.

²⁷ Mutto go son gaddai lavki, de olmai su audald bođi gavpugest, gutte bærgalaǥain gukka aige bostatuvvum læmaš læi, ja biftasid i garvo­dam, ige viesost orrom, mutto havdin.

²⁸ Mutto go son Jesus oini, de čuorvvogođi, ja su ouddi čibbides ala manai, ja alla jenain celki: mi must læ dunji, Jesus, alemus Ibmel bardne? mon rokkadallam dust, ale givsed muo.

²⁹ Dastgo buttesmættom vuoiŋ son goččogođi olbmust erit mannat, dastgo gukka aige dat læi gaikkom su, lakkidi ja ruvdidi son čadnujuvvum læmaš læi, ja gattijuvvum, baddid son boŧkkim læi, ja mecidi bærgalaǥast son agjujuvui.

³⁰ Mutto Jesus sust jærai, ja celki: mi læ namma dust? Mutto son celki: legion, dastgo ædnag bærgalaǥak su sisa mannam legje.

³¹ Ja si adnogotte sust, amas son goččot sin čiegŋalvutti mannat.

³² Mutto dam baikest stuorra spidneællo læi, mi varest guođoi, ja si adno sust suovvat sin dai sisa mannat, ja son suovai.

³³ Mutto bærgalaǥak, mak olbmust olgus manne, spini sisa manne; ja de dallanaǥa ællo viltest javrrai jeas fierralatti, ja havkai.

³⁴ Mutto go gæčček oidne, mi dappatuvvum læi, de si bataradde, ja vulgge, ja gavpug ja dam [ 206 ]ædnam olbmuidi dam muittalægje.

³⁵ De olbmuk botte oaidnem ditti, mi dappa­tuvvum læi, ja Jesus lusa botte, ja olbmu, gæst bærgalaǥak mannam legje, garvodam si gavdne čokkamen ja čielgga mielai Jesus julgi gurast; ja si suorgganegje.

³⁶ Mutto sigis maida, guđek oaidnam legje, sigjidi muittalegje, moft bostatuvvum besstujuv­vum læi.

³⁷ Ja obba almug Gadarenalaǯai guovlost sust adnogođi sin lut erit vuolgget; dastgo stuorra ballo læi valddam sin. Mutto son skip sisa loai­desti, ja fastain ruftud macai.

³⁸ Mutto olmai, gæst bærgalaǥak erit mannam legje, sust anoi su lut orrot; mutto Jesus luiti su lutes, ja celki:

³⁹ Maca goattasad, ja muittal man stuorra daǥoid Ibmel dunji dakkam læ. Ja son vulgi, ja obba gavpug mietta muittali maggar stuorra da­ǥoid Jesus su vuosstai dakkam læi.

⁴⁰ Mutto dappatuvui, go Jesus ruftud bođi, de olbmuk su vuosstaivaldde, dastgo buokak su vuorddemen legje.

⁴¹ Ja gæč, olmai bođi, gæn namma Jairus læi, ja synagoga audastolmai læi, ja Jesus julgi ouddi ječas luiti, ja sust rokkadallai viessosis boattet.

⁴² Dastgo oft aidno nieid sust læi, guoft nubbe lokkai jakkasaš, ja jabmemen son jo læi; — mutto go Jesus manai de olbmuk su bakkijegje, —

⁴³ ja nisson, gutte guoft nubbe lokkai jaǥe varradavdast buoccam læi, ja buok æloides [ 207 ]golatam læi dalkastegji ala, ja i gæstegen mattam buorreduvvut,

⁴⁴ son auddan manai su duoǥe, ja su biftasi savnje guoskati; ja su varragolggam dallanaǥa orosti.

⁴⁵ Ja Jesus celki: gi læi, gutte munji guo­skati? mutto go buokak biettališgotte, de celki Petrus, ja guđek su lut legje: oapatægje! olbmuk du bakkijek ja naggijek, ja don cælkak: gi læi, gutte munji guoskati?

⁴⁶ Mutto Jesus celki: muttom guoskati munji, dastgo dovddim, fabmo must manai.

⁴⁷ Mutto go nisson oino čikkujuvvum dat i læm, de doargestemin son bođi, ja su ouddi ædnami ječas luiti, ja buok olbmui guladedin sunji celki, man ditti son guoskati sunji, ja moft dallanaǥa son diervasmuvai.

⁴⁸ Mutto Jesus sunji celki: læǥe irvok niei­dačam! osskot du læ bæsstam; mana raffhai.

⁴⁹ Go ain sardnomen læi, de bođi muttom synagog audastolbma dalost, ja sunji celki: nieddat jabmam jo læ; ale vaived oapatægje.

⁵⁰ Mutto go Jesus dam gulai, de sunji va­stedi, ja celki: ale bala; dušše osko, de son besstujuvvu.

⁵¹ Mutto go son vieso sisa bođi, i ovtage son sisa luoittam, æreb go Petrus, ja Jakobus ja Jo­hannes, ja nieid ače ja ædne.

⁵² Mutto buokak čirru, ja su morraštegje, mutto Jesus celki: allet čiero, jabmam son i læk, mutto oađđa.

[ 208 ]⁵³ Ja si boaǥostegje su, dastgo si ditte galle, jabmam son læi.

⁵⁴ Mutto son buokaid olgus aji, ja nieida gieđa valdi, ja čuorvoi, ja celki: nieid, čuoǯǯel!

⁵⁵ Ja su vuoiŋ ruftud bođi, ja dallanaǥa son čuoǯǯeli; ja Jesus gočoi sunji borramušaid addet.

⁵⁶ Ja su vanhemak sagga suorgganeiga; mutto son gildi sodnu gæsagen cælkkemest, mi dappa­tuvvum læi.

9. Kapittal.

¹ Mutto su guoft nubbe lokkai mattajegjid son čoakkai ravkai, ja famo ja valde sigjidi addi buok bærgalaǥai bagjel, ja buok buoccalvasaid buorredet,

² ja sin vuolgati Ibmel valddegodde sarnedet, ja buccid buorredet.

³ Ja son sigjidi celki: allet valde maidegen mielddadek maŧke varas; æppet soabe, æppetge sæka, æppetge laibe, æppetge ruđaid; ellus gut­tege guoft biftas mieldes valddu.

⁴ Ja man vieso sisa di mannabættet, de orrot dast, ja de vuolgget.

⁵ Ja jos muttomak din æi vuosstaivalddet aigo, dam gavpugest erit vuolgget, ja savdnjalækket vela saddoid julgidædek ald erit duođaštussan sin bagjel.

⁶ Mutto dak vulgge, ja sidai mield manne, sar­nedegje evangelium, ja buorredegje juokke baikest.

⁷ Mutto Herodes njæljadasrađđijægje gulai buok, maid Jesus daǥai; ja æppadusast læi, dastgo muttomin celkkijuvui, atte Johannes jabmi dillest bajas boftujuvvum læi;

[ 209 ]⁸ mutto muttomin, atte ELias almostuvvum læi; mutto ærrasin, atte muttom prophet, muttom dain vanhemin, bajasčuoǯǯelam læi.

⁹ Ja Herodes celki: Johannes oaive mon erit čuopatim, mutto gi læ dat, gæst daggar saǥaid gulam? Ja son oainestuvai su.

¹⁰ Ja apostalak ruftud botte, ja muittalegje sunji maggar stuorra daǥoid si dakkam legje; ja son valdi sin lusas, ja sieranessi manai muttom avden baikkai gavpug lakka, mi Bethsaidan goč­čujuvvu.

¹¹ Mutto go olbmuk šadde dam diettet, de si čuvudegje su, ja son valdi sin vuosstai, ja sigjidi sarnedi Ibmel valddegodde, ja diervasen daǥai daid, guđek buorradusa darbašest legje.

¹² Mutto bæivve illošišgođi, de dak guoft nubbe lokkai botte, ja celkke sunji: luoite olbmuid vuolgget, vai si dast erit manaši dam guovlo sidaidi ja daloidi ijasaje oǯudet, ja borramušaid gavdnat, dastgo avden baikest mi dast læp.

¹³ Mutto son celki sigjidi: addet di sigjidi borrat; mutto si celkke: mist i læk æmbo go vit laibek, ja guoft guolačak, jos æp vuolgget galga borramušaid oasstet buok daid olbmuidi;

¹⁴ dastgo lakka vit duhat olbmak legje. Mutto son mattajegjidassis celki: čokkanattet sin, juokke doakkai vit nubbe lokkai.

¹⁵ Ja si dakke nuft, ja čokkanatte buokaid, nuftgo mallasi birra.

¹⁶ Mutto son valdi daid vit laibid ja guoft gulid, ja bajas alme guvllui son gæčasti, ja buristsivnedi [ 210 ]daid, ja doagjali ja mattajegjidassis addi olbmui ouddi bigjat.

¹⁷ Ja si borre, ja buokak gallanadde; ja moa­loin, mak sist bacce, bajasvalddujuvvujegje guoft nubbe lokkai væddelittek.

¹⁸ Ja dappatuvui, go ofto læi ja rokkadallai, atte su mattajægjek su lut legje, ja son jærai sist, ja celki: gænen celkkek olbmuk muo?

¹⁹ Mutto si vastedegje, ja celkke: si celkkek du Johannes gastašægjen, mutto ærrasak Eliasen, mutto ærrasak, atte muttom prophet dain vanhe­min bajasčuoǯǯelam læ.

²⁰ Mutto son celki sigjidi: mutto di, gænen cælkkebættet di muo? de vastedi Petrus: don læk Ibmel Kristus.

²¹ Mutto son garaset sin gildi dam gæsagen cælkkemest.

²² Ja celki: olbmu bardne færtte ollo gillat, ja vuorrasin ja bajemuš papain ja čaloappavaǯain hilggujuvvut ja goddujuvvut, ja goalmad bæive bajasčuoǯǯelet.

²³ Mutto son celki sigjidi buokaidi: gutte muo maŋŋai datto, son ješječas biettalet galgga, ja juokke bæive ruosas bajasvalddet, ja muo čuovvot.

²⁴ Dastgo gutte hæggas vigga bæsstet, dam masse; mutto gutte muo ditti hæggas masse, dam bæssta.

²⁵ Dastgo maid avkod det olbmui, jos obba mailme vuiti, mutto ješječas massi, daihe ješječas vahagatti?

²⁶ Dastgo, gutte must ja muo sanest hæppan, [ 211 ]sust olbmu bardne hæppan, go su, ja ačes, ja basse engeli hærvasvuođa sist son boatta.

²⁷ Mutto duođai mon digjidi cælkam: mutto­mak læk sin gaskast, guđek dast čuǯǯuk, guđek jabmem æi ollinge šadda muosatet, auddal go si Ibmel valddegodde oidnek.

²⁸ Mutto dappatuvui lakka gavtse bæive dam sarne maŋŋel, atte lusas son valdi Petrus, ja Jo­hannes, ja Jakob, ja vare ala goarŋoi rokkadallat.

²⁹ Ja go rokkadallamen læi, de nubbastuvui su muođoi habme; ja su biftasak vielggaden šadde ja baittemen.

³⁰ Ja gæč, guoft olbmak saǥain læiga suin, guđek Moses ja Elias læiga,

³¹ guđek hærvasvuođa sist oidnujuvuiga, ja su vuolggem birra mailmest sarnoiga, maid son ollitæmen læi Jerusalem sist.

³² Mutto Petrusest ja su guimin lossis nak­karak legje, mutto go si morranegje, de si oidne su hærvasvuođa, ja daid guoft olbmaid, guđek su lut čuoǯoiga.

³³ Ja dappatuvui, go soi manaiga su lut, de celki Petrus Jesusi: oapatægje! dast buorre læ migjidi orrot, ja golm goađe mi dakkat aiggop, dunji ovt, ja Mosesi ovt, ja Eliasi ovt, i daddeke diettam son, maid son celki.

³⁴ Mutto go son dam celki, de bođi balv, ja suoivanasti sin, mutto si suorgganegje, go si balva sisa botte.

³⁵ Ja jedn bođi balvast, mi celki: dat muo bardne læ, dat rakis, gullat su!

[ 212 ]³⁶ Ja go jedn gului, de gavdnujuvui Jesus ofto, ja si orru javotaǥa, ja dain beivin æi si gæ­sagen muittalam maidegen dast, maid si oaidnam legje.

³⁷ Mutto dappatuvui bæive dastmaŋŋel, go si vare ald vuolas botte, de ollo olbmuk su audald botte.

³⁸ Ja gæč, muttom olmai olbmui gaskast čuorvoi, ja celki: oapatægje! mon rokkadallam dust muo barne bællai gæččat, dastgo son muo aidno læ.

³⁹ Ja gæč, vuoiŋ doppe su, ja dallanaǥa son barggogoatta, ja dat gaikko su, atte son soalšed, ja illa dat manna sust erit, go læ gaikkom su.

⁴⁰ Ja mattajegjinad mon rokkadallim dam agjet, ja æi si mattam.

⁴¹ Mutto Jesus vastedi, ja celki: voi don æppe­oskolaš ja bahha sokkagodde! gukkago galgam mon din lut læt, ja din gillat? Buvte bardnad dek.

⁴² Mutto go son su lusa bođi, de bærgalak ain su rottemen ja gaikkomen læi. Mutto Jesus šigoi dam buttesmættom vuoiŋ, ja buorredi barne, ja son addi su fastain aččasis.

⁴³ Mutto buokak sagga suorgganegje Ibmel majestætalašvuođast.

⁴⁴ Mutto go buokak ovdušegje buok dast, maid Jesus daǥai, de celki son mattajegjidassis: jorggalækket di beljidædek dai sani guvllui, atte olbmu bardne šadda addujuvvut suddogasai gitti.

⁴⁵ Mutto æi si dam sane arvedam, ja čikku­juvvum dat læi sin audast, atte æi si dam arvedam; [ 213 ]ja si balle dam sane sust jærramest.

⁴⁶ Mutto sigjidi bođi dat jurd, gi galgai stuor­ramuš læt sin gaskast.

⁴⁷ Mutto go Jesus oini sin vaimo jurddag, de mana son valdi, ja divoi dam auddasis.

⁴⁸ Ja sigjidi celki: gutte dam ucca manaš vuosstaivaldda muo nabmi, muo vuosstaivaldda, ja gutte muo vuosstaivaldda, su vuosstaivaldda, gutte muo vuolgati; dastgo gutte uccemuš læ din buokai gaskast, son stuores læ.

⁴⁹ Mutto Johannes vastedi, ja celki: oapatæ­gje! mi oinimek muttom du nabmi bærgalaǥaid agjemen; ja mi gildimek su dast, go son i læk min čuovvomen.

⁵⁰ Ja Jesus celki sunji: allet gielde su; dastgo gutte min vuosstai i læk, min bælest læ.

⁵¹ Mutto dappatuvui, go su bajasvalddujume aigge dievvagođi, de nannoset son jorggali čal­mides Jerusalem guvllui vuolgget;

⁵² ja airasid audastes vuolgati, ja si vulgge, ja muttom samaritanalaǯai siddi botte sunji ijasaje rakadet.

⁵³ Ja æi si vuosstaivalddam su, go su čalmek jorggaluvvum legje Jerusalemi mannat.

⁵⁴ Mutto go su mattajægjek, Jakob ja Johan­nes, dam oiniga, de celkiga: hærra! aigokgo mi goččot galggap dolla almest vuolas boattet ja sin hævatet, nuftgo maida Elias daǥai.

⁵⁵ Mutto son ječas jorggali, cuoigoi sodnu, ja celki: æppe doi dieđe mi vuoiŋaid dodnust læ.

⁵⁶ Dastgo olbmu bardne i lk boattam olbmui [ 214 ]sieloid hævatet, mutto bæsstet. Ja si nubbe siddi vulgge.

⁵⁷ Mutto dappatuvui, go si maŧkašæmen legje, de celki muttom sunji: hærračam! mon čuovom du gosaikkenessi don manak.

⁵⁸ Ja Jesus sunji celki: rievvanin biejok læk, ja alme loddin bæssek; mutto olbmu barnest i læk man vuosstai oaives doarjot.

⁵⁹ Mutto nubbe olbmui son celki: čuovo muo! Mutto dat celki: hærračam! suova muo vuost vuolgget aččam havdadet.

⁶⁰ Mutto Jesus sunji celki: adde jabmidi jab­midæsek havdadet; mutto vuolge don ja sarned Ibmel valddegodde.

⁶¹ Mutto maida nubbe celki: hærračam! mon čuovom du, mutto suova muo vuost muo goađe olbmuidi ærrodiervuođaid dakkat.

⁶² Mutto Jesus sunji celki: i oftage, gutte gieđas bælddoruovde ala bigja, ja maŋŋa bællai gæčča, dokkalaš læ Ibmel valddegoddai.

10. Kapittal.

¹ Ja dastmaŋŋel asati hærra maida čiečča loǥe ærrasid, ja audastes sin vuolgati guoftasi guoftasi, juokke gavpugi ja baikkai, gosa ješ boattemen læi.

² De damditti celki son sigjidi: lagjo galle stuores læ, mutto lagjijægjek harvvak læk, rokka­dallat damditti lagjo hærrast lagjijegjid lagjosis vuolgatet.

³ Vuolgget, gæč, mon vuolgatam din labban gumpi gasski.

[ 215 ]⁴ Allet bursa valde, alletge sækka, alletge gabmagid, alletge maŧkest ovtage buorrestatte.

⁵ Mutto gosikkenessi di vieso sisa mannabæt­tet, de cælkket audemusta: raffhe dam viessoi!

⁶ Ja jos rafhe bardne dast læ, de din raffha­dek su ald orro; mutto go i læk, de dat din lusa ruoftot macca.

⁷ Orrot dam viesost, borrat ja jukkat, mi din ouddi sist bigjujuvvu, dastgo bargge balkas an­sašægje læ. Æppet galga manat viesost viessoi.

⁸ Ja gosa di gavpug sisa mannabættet, ja si vuosstaivalddek din, de borrat, mi din ouddi bi­gjujuvvu;

⁹ ja buorredækket buccid, guđek dast læk, ja cælkket sigjidi: Ibmel valddegodde digjidi lakka læ boattam.

¹⁰ Mutto gosa di gavpug sisa mannabættet, ja si æi vuosstaivalde din, de vuolgget šiljoidi, ja cælkket:

¹¹ Mi eritsavdnjalæp digjidi vela saddoid, mak migjidi darvvanegje din gavpugest; dadded galg­gabættet di dam diettet, atte Ibmel valddegodde din lakka læi.

¹² Mon cælkam digjidi: Sodomai buorebut gævva dom bæive, go dam gavpugi.

¹³ Voi dunji, Korasin! voi dunji, Bethsaida! dastgo jos dak famo daǥok Tyrusi ja Sidoni dak­kujuvvum lifči, mak dodnuidi læk dakkujuvvum, de aiggai jo sækka ja gunai sist si lifči čokkam ja buorradusa dakkam.

¹⁴ Almaken Tyrusi ja Sidoni buorebut [ 216 ]gævvamen læ duomo sist go dodnuidi.

¹⁵ Ja don Kapernaum, aleduvvum gidda alme ragjai, don vuolas nordastuvuk gidda helvet ragjai.

¹⁶ Gutte din gulla, muo gulla, ja gutte din bagjelgæčča, muo bagjelgæčča: mutto gutte muo bagjelgæčča, su bagjelgæčča, gutte muo vuolgati.

¹⁷ Mutto dak čiečča loǥe ruoftot botte ilost, ja celkke: hærra! vela bærgalaǥak migjidi vuolle­buǯak læk du nabmi.

¹⁸ Mutto son sigjidi celki: oidnim satan almest vuolas gaččamen aldagas lakkai.

¹⁹ Gæč, mon addam digjidi famo gærbmašid ja skorpionaid duolbmat, ja buok vaššalaǯai famo bagjel, ja i mikkege din vahagatte.

²⁰ Allet almaken dam ditti ilost læǥe, atte vuoiŋak digjidi vuollebuǯak læk; mutto ilost læk­ket sagga æmbo dast, atte din namak čallujuvvum læk almidi.

²¹ Damanaǥa boddost de Jesus vuoiŋastes illodi, ja celki: mon gitam du, ačačam, alme ja æd­nam hærra, go vissaidi ja jierbmalaǯaidi dam čik­kik, ja uccakaǯaidi dam almostattik; nuft ačačam! nuft don buorren oidnik.

²² Buokrakkan munji addujuvvum læ ačestam, ja i oftage dieđe, gi bardne læ, æreb go ačče, ja gi ačče læ, æreb go bardne, ja son, gæsa bardne dam almostattet aiggo.

²³ Ja mattajegjides bællai son jeČas jorgeti, ja sigjidi erinoamačet celki: audogasak dak čal­mek, mak oidnek, maid di oaidnebættet.

[ 217 ]²⁴ Dastgo digjidi cælkam, ollo prophetak ja gonagasak oainestuvvamen legje, maid di oaidne­bættet, ja æi oaidnam, ja gulastuvvamen legje, maid di gullabættet, ja æi gullam.

²⁵ Ja gæč, muttom lakoappavaš čuoǯǯeli, ja gæččali su, ja celki: oapatægje! maid galgam dak­kat, vai aǥalaš ællem mon arbim?

²⁶ Mutto son celki sunji: mi læ čallujuvvum laǥast? moft loǥak?

²⁷ Mutto son vastedi, ja celki: rakisen adnet galgak hærrad Ibmelad obba du vaimostad, ja obba du sielostad, ja obba du famostad, ja obba du mielastad, ja guoibmad nuftgo ješječčad.

²⁸ Mutto son celki sunji: rieftoi galle vaste­dik; daǥa dam, de oaǯok ællet.

²⁹ Mutto son ječas vanhurskesen viggai dak­kat, ja celki Jesusi: gi læ dalle muo guoibme?

³⁰ Mutto Jesus vastedi, ja celki: muttom ol­muš vuolas manai Jerusalamest Jerikoi, ja rievvari gasski šaddai; guđek sikke nulle su, ja cabme su, ja vulgge erit, ja guđđe su belutakki jabmam.

³¹ Dappatusa boft de muttom pap damanaǥa gæino mield vuolas manai, ja go oini su, de manai son su mæddel.

³² Nuft maida muttom levitalaš, go guovdo bođi, de manai dokko, ja oini su, ja manai mæddel.

³³ Mutto muttom samaritanalaš maŧkašæmen læi, ja bođi su guovdo, ja go oini su, de njuorrani son vaimostes.

³⁴ Ja son manai su lusa, čanai su havid, ja oljo ja vine leiki dai sisa, bajedi su su ječas spiri [ 218 ]ala, ja doalvoi su viessoi ja difšodi su.

³⁵ Ja nubbe bæive, go maŧkes mokke mield son mannamen læi, de valdi son guoft ruđaid, ja addi vieso isedi, ja sunji celki: difšod su, ja maid vela don golatæǯak mon mavsam dunji, go ruoftot boađam.

³⁶ Guttemuš dain golmasist du mielast orro, su guoibme læi, gutte rievvari gitti šaddam læi?

³⁷ Mutto son celki: son, gutte vaimolađes­vuođa daǥai su vuosstai. De celki Jesus sunji: vuolge, ja daǥa don damaka lakkai.

³⁸ Mutto dappatuvui, go si vagjolæmen legje, de manai Jesus muttom siddi; mutto nisson dast læi, gæn namma læi Martha, son valdi su viessosis.

³⁹ Ja sust oabba læi, gæn namma læi Maria, ja Jesus julgi gurri son manai čokkanet, ja guldali su sarne.

⁴⁰ Mutto Martha vaivedi ječas dokko dek su guosotam ditti, son bođi, ja celki: hærra! ikgo dast fuola, atte muo oabba læ muo guođđam, ja fertim mon damditti oft balvvalet? gočo su muo vækketet.

⁴¹ Mutto Jesus vastedi, ja sunji celki: Martha! Martha! ollorak ditti don morraštak ja hagjošuvak.

⁴² Mutto oft darbaš læ. Mutto Maria dam buoreb oase valji, mi sust i šadda valddujuvut.

11. Kapittal.

¹ Ja dappatuvui, go muttom baikest son læi ja rokkadallai, de muttom su mattajegjin suni celki, go heiti: hærra! oapat min rokkadallat, [ 219 ]nuftgo maida Johannes mattajegjides oapati.

² De celki son sigjidi: go rokkadallabættet, de cælkket: ačačæmek, don gutte læk almin! baso­tuvvus du nabmat; bottus du valddegoddat; dak­kujuvvus du dattot, moft almest, nuft maida æd­namest;

³ adde migjidi juokke bæive min bæivalaš laibbamek;

⁴ ja adde migjidi suddoidæmek andagassi, dastgo maida migis juokači andagassi addep, gutte migjidi vælgolaš læ; ja ale doalvo min gæč­čalusa sisa; mutto bæste min bahast erit.

⁵ Ja son celki sigjidi: guttemuš dist usteb adna, ja losaš ija aigoi su lusa mannat sunji cælkket: ustevačam! luoikat munji golm laibid,

⁶ dastgo muo ustebam bođi muo lusa maŧkest­es, ja must i læk mikkege sunji addet?

⁷ ja son vieso sist vasted ja cælkka: ale vai­ved muo, ufsa læ dal dappujuvvum, ja muo ucca manačak læk muo lut gavni sist: im mate bagjanet dunji addem ditti?

⁸ Mon cælkam digjidi: josjoge i bagjan, ja sunji adda, damditti go son læ su ussteb, de al­maken son bagjan su bagjelimannam ditti, ja adda sunji, nuft ollo go darbaš.

⁹ Ja mon digjidi cælkam: rokkadallat, de di­gjidi addujuvvu, occat, de di gavdnabættet; goal­kotækket, de digjidi lækastuvvu.

¹⁰ Dastgo juokkaš, gutte rokkadalla, oaǯǯo, ja gutte occa, gavdna, ja gutte goalkat, sunji lækastuvvu.

[ 220 ]¹¹ Mutto jos din gaskast bardne ačestes laibe adno, addago son dalle sunji gæđge, ja jos guole adno, addago son sunji gærbmaš guole sagjai?

¹² Daiheke, jos manne adno, addago son sunji skorpion?

¹³ Jos nabbo dalle di, guđek bahha læppet, diettebættet manaidassadek buorre addaldaǥaid ad­det, man sagga æmbo adda ačče, gutte læ almest, sigjidi bassevuoiŋ, guđek sust adnomen læk?

¹⁴ Ja son bærgalaǥa aji, ja son giellatæbme læi; mutto dappatuvui, go bærgalak agjujuvvum læi, de sardnogođi dat giellatæbme, ja olbmuk ovdušegje.

¹⁵ De muttomak sist celkke: son bærgalaǥaid agja Beelsebul boft, bærgalaǥa oaivamuš.

¹⁶ Mutto ærrasak gæččalegje su, ja mærka sust gaibedegje almest.

¹⁷ Mutto go son dovdai sin jurddagid, de celki son sigjidi: juokke valddegodde, mi ješječaines soappamættosen manna, šadda avden, ja viesso, mi viesoin soappamættosen manna, gačča.

¹⁸ Mutto læ satan mannam soappamættosen ješječas vuosstai, moft bissomen læ dalle su vald­degodde? dastgo di cælkkebættet, mon Beelsebul boft bærgalaǥaid ajam.

¹⁹ Mutto jos mon Beelsebul boft bærgalaǥaid ajam, gæn boft agjek dalle din manaidædek daid? de damditti šaddek si din duobmarak.

²⁰ Mutto jos mon bærgalaǥaid ajam Ibmel suorme boft, alma de dalle Ibmel valddegodde boat­tam læ din lusa.

[ 221 ]²¹ Go gievr ja værjotuvvum olmuš ječas vieso gattijægje læ, de orro, mi sust læ, rafhest.

²² Mutto go gievrabbo su ala boatta, ja vuoitta su, de son valdda buok su værjoid, mai ala son dorvasti, ja juoǥad su salaš.

²³ Gutte munji guoibmen i læk, muo vuosstai læ, ja gutte muo čokkim guoibme i læk, biđgi­jægje læ.

²⁴ Go buttesmættom vuoiŋ olbmu sist manna, de goike baikid son vagjol ja vuoiŋadusa occa, ja go i gavna, de cælkka: maccat aigom goattasam, gost vulggim.

²⁵ Ja go boatta, de suoppalastujuvvum son dam gavdna ja čiŋatuvvum.

²⁶ De vuolgga son ja čiečča ærra vuoiŋaid son guoibmen valdda, mak bahab læk go son ješ, ja go dak sisa bessek, de si assek dast; ja dam olbmu maŋeb dille bahab šadda, go audeb dille.

²⁷ Mutto dappatuvui, go nuft sardnomen læi, de bajedi muttom nisson olbmui sist jenas, ja celki sunji: audogas dat hæg, mi du gudi, ja dak njiǯak, maid don njammik.

²⁸ Mutto son celki: audogasak dak læk, gu­đek Ibmel sanid gullek, ja daid duokkenæsek adnek.

²⁹ Mutto go olbmuk čoagganušše su lusa, de cælkkegođi son: dat sokkagodde bahha læ, dat mærkaid gaibed, ja i mikkege mærkaid sunji addu­juvvu, æreb go Prophet Jonas mærkka.

³⁰ Dastgo nuftgo Jonas Ninivitalaǯaidi mærk­kan læi, nuft maida olbmu bardne læ dam sok­kagoddai.

[ 222 ]³¹ Gonagaslaš æmed oarjen čuoǯǯelæmen læ duobmoi dam sokkagodde olbmai vuosstai, ja sin duobmemen læ; dastgo ædnam gečin son bođi, Salomon visesvuođa gullat; ja gæč, dast æmbo læ go Salomon.

³² Ninive olbmak čuoǯǯelæmen læk duobmoi dam sokkagodde vuosstai, ja dam duobmemen læk: dastgo si buorradusa dakke Jonas sarne boft; ja gæč, dast æmbo læ go Jonas.

³³ Mutto i oftage olmuš čuovgas cakkit, ja dam čikkusi bigja, ige litte vuollai, mutto juolggai, vai si, guđek sisa bottek, čuovgas oidnek.

³⁴ Čalbme læ rubmaš čuovgas; go du čalbme nabbo dalle čielgas læ, de læ maida obba du rumaš čuovgad, mutto jos dat bahha læ, de læ maida du rumaš sævdnjad.

³⁵ De varot ječčad nabbo dalle, amas dat čuovgas, mi sistad læ, sævdnjavvuotta læt.

³⁶ Jos nabbo dalle obba du rumaš čuovgad læ, atte i mikkege sajid dast sævdnjad læk, de buok čuovgaden šadda, nuftgo šadda, go čuovgas čuovggelis baittemin du čuvggijægje læ.

³⁷ Mutto go ain sardnomen læi, de bovdi muttom pharisæalaš su gask bæive ballasid su lut borrat; mutto son sisa manai, ja bævddai čokkani.

³⁸ Mutto go pharisæalaš dam oini, de vava­sen son ani, go ječas i bassalam mallasi auddal.

³⁹ Mutto hærra sunji celki: di pharisæalaǯak butestæppet galle littid ja garid olggobæld; mutto mi sistadek læ, dat dievva læ rievvarvuođast ja bahhavuođast.

[ 223 ]⁴⁰ Di jallak! gutte daǥai, mi olggo bæld læ, igo son maida dakkam, mi siske bæld læ?

⁴¹ Addet mi sist læ vaivašidi, gæč, de buok digjidi butes læ.

⁴² Mutto voi digjidi, di pharisæalaǯak! atte loǥadas di addebættet mintain ja rudain, ja buok­laǥaš urtasin, ja vuoiggadvuođa ja Ibmel rakis­vuođa di guođđebættet; daid galgaši olmuš dakkat, doid i guođđet daǥakættai.

⁴³ Voi digjidi, di pharisæalaǯak! atte boaššo­muš čokkam sajid synagogai sist di aldsidek aig­gobættet, ja šiljoin di aiggobættet diervatuvvut.

⁴⁴ Voi digjidi, di čaloappavaǯak ja pharisæa&syh;laǯak, di guoftelaǯak! atte di læppet nuftgo jabmi dovddumættom havdek, ja olbmuk, guđek bagjel vagjolæmen læk, dam æi dieđe.

⁴⁵ De muttom lakoappavaǯain vastedi, ja sunji celki: oapatægje, go nuft sarnok, de maida min bilkedak.

⁴⁶ Mutto Jesus celki: voi maida digjidi, di lakoappavaǯak! dastgo nođiguim di gifsedæppet olbmuid, mak illa guoddemest læk, ja ješ æppet di vela oft surmin daid nođid likat.

⁴⁷ Voi digjidi! atte prophetaidi havdesajid di dakkebættet, mutto din vanhemak sin goddijægjek legje.

⁴⁸ Alma di dalle duođaštæppet ja buorren lokkabættet vanhemidadek daǥoid; dastgo si godde sin, mutto di dakkabættet sin havdesajid.

⁴⁹ De damditti sarnoi maida Ibmel visesvuotta: prophetaid ja apostalid mon sin lusa vuolgatam, ja [ 224 ]muttomid sist si goddek, ja muttomid si doa­rotek,

⁵⁰ vai buok prophetai varak, mak golgatuv­vum læk mailme algo bigjujume rajast, dam sok­kagoddest šaddek gaibeduvvut;

⁵¹ Abel varai rajast Sakarias varai ragjai, gutte altar ja tempal gasski goddatallai; duođai mon digjidi cælkam: dak šaddek gaibeduvvut dam sokkagoddest.

⁵² Voi digjidi, di lakoappavaǯak! atte dieđo čoavddag di læppet vaddam: æppet di ješ sisa bæsa, ja di gielddebættet sin, guđek sisa dattuk.

⁵³ Mutto go son nuft sardnomen læi sigjidi, de garaset čaloappavaǯak ja pharisæalaǯak su ala botte, ja su njalmest sanid oǯudišgotte ædnag aššin.

⁵⁴ Ja si vuidgŋe su, ja bivdost legje, maide­gen vaiddem aššid su njalmest oaǯǯot.

12. Kapittal.

¹ Go ædnag duhat olbmuk čoakkai boattam legje, atte si dulbme gutteg guimidæsek, de cælk­kegođi son mattajegjidassis: erinoamačet varo­tækket ječaidædek pharisæalaǯai suredaigest, mi guoftelašvuotta læ.

² Mutto i mikkege čikkijuvvum læk, mi i šadda almostuvvut; ige mikkege læk suolemes, mast dietto i boađe.

³ De damditti, maid di sævdnjaden cælkkebæt­tet, čuovgasen šadda gullujuvvut; ja maid belji maddagest di viesoi sist sardnobættet, dat rovi ald šadda sarneduvvut.

[ 225 ]⁴ Mutto mon digjidi cælkam, muo ustevačidam! allet sist bala, guđek rubmaš goddek læk, ja dast­maŋas æi væje šat æmbo maidegen dakkat.

⁵ Mutto čajetet mon aigom digjidi, gæst di galggabættet ballat: ballat sust, gæst fabmo læ helveti suppit, go vuost goddam læ; duođai di­gjidi cælkam: ballat sust.

⁶ Æigo vit cicačak guoft rutti vuvddujuvu? ja i oftage dain vajalduvvum læk Ibmelest.

⁷ Vela oividædek vuoftačalmek læk buokak lokkujuvvum: de damditti allet bala, buoreb di læppet, go ædnag cicačak.

⁸ Mutto mon cælkam digjidi: juokkaš, gutte dodast muo olbmui audast, sugis maida olbmu bardne dovdastæmen læ Ibmel engeli audast.

⁹ Ja gutte muo biettal olbmui audast, son biettaluvvu Ibmel engeli audast.

¹⁰ Ja juokkaš, gutte sane bakod olbmu barne vuosstai, sunji dat šadda andagassi addujuvvut; mutto gutte bilkadusa sane bassevuoiŋa vuosstai bakod, i dat šadda sunji andagassi addujuvvut.

¹¹ Mutto go si dolvvuk din synagogai ja es­sevalddi ja stuorra hærrai ouddi, de allet morra­šest læǥe moft daihe maid di aldsidek bælloštussan galggabættet sardnot, daihe maid di galggabættet cælkket.

¹² Dastgo bassevuoiŋ din oapatægje læ dama­naǥa boddost, maid di galggabættet cælkket.

¹³ De muttom olmai olbmui sist sunji celki: oapatægje! gočo muo velj arbe muin juoǥadet.

¹⁴ Mutto Jesus celki sunji: olmuš! gi læ bigjam [ 226 ]muo duobmaren daihe juoǥadægjen din bagjel?

¹⁵ Ja son sigjidi celki: varotækket ja gatti­jækket ječaidædek hanesvuođast; dastgo i guđege ællem su daverides duokken oro, daggo boft atte valljevuot sust læ.

¹⁶ Mutto værdadusa son sigjidi sarnoi, ja celki: rigges olmuš læi, gæn ædnam ollo šaddoid ad­dam læi.

¹⁷ Ja vaimostes son dal arvvališgođi, ja celki: maid daǥam mon? dastgo must sagje i læk, gosa muo šaddoid čokkit.

¹⁸ Ja son celki: dam mon daǥam: aitidam mon gaikom, ja stuorrab daǥam, ja de dai sisa mon čokim buok muo šaddoidam ja muo æloidam.

¹⁹ Ja siellosam mon cælkam: siello! dust ollo šiega varre læ ædnag jaǥidi, vuoiŋad dal, bora, juǥa, læǥe ilost!

²⁰ Mutto Ibmel sunji celki: don jallag! odna ija si ravkkamen læk du sielo dust; mutto gi dalle oaǯǯo, maid don læk rakadam!

²¹ Nuft sunji gævva, gutte daverid aldsis čokkijægje læ, ja Ibmel sist i læk rigges.

²² Mutto mattajegjidassis son celki: de dam­ditti mon cælkam digjidi: allet morrašest læǥe hæggadek ditti, maid di galggabættet borrat: æp­petge rubmaš ditti, maid di biftasen galggabættet adnet.

²³ Hæg æmbo læ go borramuš, ja rumaš go biftasak.

²⁴ Gæčadækket garranasaid, æi si læk gilvvek, æige lagjijægjek, sist kællarak æi læk, æige aitek, [ 227 ]ja Ibmel almaken sin biebma; man sagga buoreb di læppet go loddek?

²⁵ Mutto guttemuš din sist læ, gutte oft alan matta šaddosis lassetet, josjoge dam ditti son morrašest læ?

²⁶ Jos di nabbo dalle æppet vela mate, mi uccemuš læ, manne morrašest dalle læppet dai ærrasi ditti?

²⁷ Gæčadækket liliaid, moft dak šaddamen læk, æi dak barga, æige bane; mutto mon cælkam digjidi, i vela Salomon buok su hærvasvuođastes garvotuvvum læm nuftgo ofta dain.

²⁸ Jos dalle Ibmel rasid nuft garvot, mak od­nabæive ædnamest cæggot læk, ja itta bæive omni suppijuvvujek, man sagga æmbo din, di rašše oskolaǯak?

²⁹ De alletge damditti di morrašin bivde, maid di galggabættet borrat, daihe maid di galg­gabættet jukkat, allet læǥe æppedægjek,

³⁰ Dastgo buok daggarvuođaid bakkenak bivd­demen læk mailmest; mutto din aččadek dietta, di daid darbašæppet.

³¹ Bivddet audemusta Ibmel valddegodde, de buok dat digjidi šadda addujuvvut.

³² Ale bala, ucca joavkočam! dastgo dat din ačadek buorre datto læ digjidi valddegoddes addet.

³³ Vuovddet mi dist læ, ja addet vaivašidi.

³⁴ Dastgo gost daveridadek læk, dast maida [ 228 ]din vaibmodek vigga orrot.

³⁵ Lekkusek din alemidadek boakkanastujuv­vum, ja lekkus din čuovgas buollemen.

³⁶ Ja lækket nuftgo dak olbmuk, guđek vuord­deme læk hærrasek hæjain boattemen; vai, go son boatta ja goalkotišgoatta, si dallanaǥa sunji lækastek.

³⁷ Audogasak dak balvvalægjek, gæid hærra boađededines goccemen gavdna. Duođai mon digjidi cælkam, ječas son boakkanasta, ja sin bævddai čokkanatta, ja son boatta ja balvval sin.

³⁸ Ja jos nubbe goccamvuorost son boatta, ja goalmad goccamvuorost boatta ja sin nuft gavdna, de dak balvvalægjek audogasak læk.

³⁹ Mutto dam galggabættet di diettet, jos goađe ised dieđaši suol boattem aige, de son go­caši, ja i luoitaši su goattasis bæssat.

⁴⁰ De lækket damditti maida digis garvvasak; dastgo olbmu bardne boatta dam boddo, go di æppet gadde.

⁴¹ Mutto Peter sunji celki: hærra! cælkakgo dam værdadusa migjidi, daihe maida buokaidi?

⁴² Mutto hærra celki: gi læ nabbo dat oskal­das ja jierbmalaš dallodoalle, gæn hærra balv­valegjides bagjel bigja, mærreduvvum borramu­šaidæsek vuoǥas aige sigjidi addet?

⁴³ Audogas dat balvvalægje, gæn su hærra boađededines gavdna nuft dakkamen.

⁴⁴ Duođai mon digjidi cælkam: buok æloides bagjel son bigja su.

⁴⁵ Mutto jos dat balvvalægje vaibmosis cælk­kegoatta: muo hærra i vuost boađe, ja son riebma [ 229 ]cabmegoattet balvvalegjid, ja borrat ja jukkat ja jukkamuǯǯan šaddat:

⁴⁶ de boatta dam balvvalægje hærra dam bæive, go son i gadde, ja dam boddo, go i dieđe, ja guoft sagjai su čuoppa, ja sunji oases adda oskaldasmættomi sækka.

⁴⁷ Mutto dat balvvalægje, gutte hærra dato dietta, ja i rakad ječas, ige daǥa su dato mield, saggarakkan son cabmujuvvu.

⁴⁸ Mutto gutte i dieđe, mutto dakka maid cabmujume ansaš, uccanaš cabmujuvvu. Mutto juokkaš, gæn duokkai ollo læ addujuvvum, sust ollo geččujuvvu, ja gæn duokkai ollo læ oskal­duvvum, sust æmbo gaibeduvvu.

⁴⁹ Mon bottim dolla ædnam ala bigjat, ja man sagga datušim mon dat jo buollaši!

⁵⁰ Mutto gastain must læ gastašuvvut, ja man sagga balam mon, auddal go dat ollašubmai šadda.

⁵¹ Gaddebættetgo di mon boattam læm rafhe ædnam ala bigjat? im, mon cælkam digjidi, mutto soappamættomvuođa.

⁵² Dastgo dal dastmaŋŋas de vit soappamæt­tosak oft goađest læk, golm guoft vuosstai, ja guoft golm vuosstai.

⁵³ Ačče soappamættosen manna barnes vuos­stai, ja bardne ačes vuosstai; ædne nieidas, ja nieid ædnes vuosstai; vuone maŋes vuosstai, ja maŋe vuodnames vuosstai.

⁵⁴ Mutto son vela celki olbmuidi: go balv di oaidnebættet vestenest bagjanæmen, de dallanaǥa [ 230 ]di cælkkebættet: arve aiggo dakkat, ja nuft šadda.

⁵⁵ Ja go maddebieg di oaidnebættet biegga­men, de di cælkkebættet: bakka aiggo dakkat, ja nuft šadda.

⁵⁶ De guoftelaǯak! ædnam ja alme hame di diettebættet arvedet, mutto manne æppet di dalle arved dam dalaš aige?

⁵⁷ Mutto manne æppet di ječaldadek duobme mi vuoiggad læ?

⁵⁸ Go rideguiminad essevaldde ouddi don mannamen læk, de barga manadedin soapatuv­vum su lut erit bæssat, amas duobmar ouddi son gæssat du, ja amas duobmar giddagasaid gattijægje gitti du addet, ja amas gattijægje du giddagassi bigjat.

⁵⁹ Mon cælkam dunji: ik don dast erit bæsa, auddal go vela maŋemuš skillebælle don mavsak.

13. Kapittal.

¹ Mutto damanaǥa aige de legje muttomak su lut, guđek muittalegje sunji Galilæalaǯaid, gæi va­raid Pilatus sæǥotam læi sin oafferidæsekguim.

² Ja Jesus vastedi, ja sigjidi celki: gaddebæt­tetgo di daid Galilæalaǯaid bahab suddolaǯǯan go buok ærra Galilæalaǯaid, damditti go si dam gil­lajegje?

³ Æi læm, cælkam mon digjidi; mutto jos di æppet buoreb guvllui jorggal, de di buokak šad­dabættet damaka lakkai sorbmašuvvut.

⁴ Daihe dak gavtse nubbe lokkai, gæi ala Siloam tornno gačai, ja goddi sin, gaddebættetgo [ 231 ]di daid aššalabbun go buok olbmuid, guđek Jeru­salamest assamen læk?

⁵ Æi læm, cælkam mon digjidi: mutto jos æp­pet di buoreb guvllui jorggal, de di buokak šad­dabættet damaka lakkai sorbmašuvvut.

⁶ Mutto son celki dam værdadusa: gæstegen fikkonmuorra læi, mi gilvvujuvvum læi su vidne­gardeni, ja son bođi, ja šaddoid dast ocai, ja i gavdnam.

⁷ De celki son vidnegarden olbmai: gæč, dal golm jaǥe læm boattam ja šaddoid occam læm dam fikkonmuorast, ja im gavna, čuopa dam erit, manne dat vela ædnam avketuttet galgga?

⁸ Mutto son vastedi, ja sunji celki: hærračam! adde dam ain dam jaǥe orrot, dassači go roggam læm dam birra, ja mokkid dasa bigjam læm,

⁹ jos dat dalle šaddoid šaddadifči; mutto jos i, de čuopa dam dasto erit.

¹⁰ Mutto son oapati muttom synagoga sist sabbaten.

¹¹ Ja gæč, nisson læi, gæst læmaš læi buocce­vuođa vuoiŋ gavtse nubbe lokkai jaǥe, ja ron­gum læi, ja i obbage mattam bajas guvllui gæččat.

¹² Mutto go Jesus oini su, de ravkai son su, ja sunji celki: nisson! don læk besstujuvvum du buoccevuođastad.

¹³ Ja gieđaides su ala son bijai: ja dallanaǥa njulgi son ječas bajas, ja giti Ibmel.

¹⁴ De vastedi synagog oaivamuš, — dastgo sutost læi, atte Jesus sabbaten buorredi — ja olb­muidi celki: gut bæivve læ, go olbmuk barggat [ 232 ]galggek; boattet dam ditti dain, ja addet ječaid­ædek buorreduvvut, ja allet sabbat bæive.

¹⁵ Damditti vastedi hærra sunji, ja celki: don guoftelaš! igo juokkaš dist vuovsas daihe asenas sajestes čoavde sabbaten, ja čaccai daid doalvvo?

¹⁶ Ja son, gutte Abraham nieid læ, gæn satan čadnam læi, jurdaš, gavtse nubbe lokkai jaǥe, igo son dam čadnagest bestujuvvut galggam sabbat bæivven?

¹⁷ Ja go son dam celki, de hæppad vuollai buokak šadde, guđek su vuosstai legje, ja buok olbmuk illodegje buok dai hærvasvuođa daǥoin, mak sust dakkujuvvujegje.

¹⁸ Mutto son celki: gæn lakkasaš lægo Ibmel valddegodde? ja mannen værdedam mon dam?

¹⁹ Læ senep gilvvagčalme lakkasaš, maid olmuš valdi, ja gardenassis gilvi; ja dat šaddai, ja stuorra muorran šaddai, ja alme loddek besid dakke dam ovsidi.

²⁰ Ja son fastain celki: mannen værdedam mon Ibmel valddegodde?

²¹ Suredaige lakkasaš læ, maid nisson valdi, ja golm mitto jafoi sisa bijai, dassači go buok surrum læi.

²² Ja gavpugi ja sidai mield son vagjoli, ja oa­pati, ja Jerusalem guvllui son mannamen læi.

²³ De muttom sunji celki: hærra! jogo harvvak læk, guđek audogassan šaddek? de celki son sigjidi:

²⁴ Barggat garaset garǯes uvsa raige mield mannat; dastgo ædnagak, cælkam mon digjidi, bivddek sisa mannat, ja æi bæsa.

[ 233 ]²⁵ Dastmaŋŋel, go goađe ised bagjanam læ, ja dappam læ uvsa, de di šaddabættet olggo bæld orrot, ja goalkotet uvsa ja cælkket: hærra, hærra, lækast migjidi! ja son vasted, ja digjidi cælkka: im dieđe din, gost di boattebættet.

²⁶ De riebmabættet di cælkket: mi boraimek ja juǥaimek du čalmidad audast, ja don oapatik min šiljoin.

²⁷ Ja son cælkka: mon cælkam digjidi, im dovda din, gost di boattebættet: vuolgget muo lut erit, di buokak, guđek værrevuođa ala barg­gabættet.

²⁸ Čierrom ja bani giččam šadda, go di oaid­nebættet Abraham, ja Isak, ja Jakob, ja buok prophetaid Ibmel valddegoddest, mutto ječaidædek olggo bællai nordastuvvum.

²⁹ Ja bævčest ja oarjen si bottek, ja davven ja madden: ja bævdest čokkajek Ibmel valdde­goddest.

³⁰ Ja gæč, maŋemuǯak læk, guđek vuost­muǯǯan šaddek, ja vuostemuǯak, guđek maŋe­muǯǯan šaddek.

³¹ Damanaǥa bæive de botte muttom pharisæalaǯak, ja celkke sunji: vuolge, ja mana dast erit; dastgo Herodes du goddestuvvamen læ.

³² Ja son sigjidi celki: vuolgget ja cælkket dam rievvani: gæč, bærgalaǥaid mon ajam, ja buorredæmen læm odnabæive ja itta bæive, ja goalmad bæive de loaftam.

³³ Fertim mon almaken odna bæive vagjolet, ja itta bæive, ja dam bæive dastmaŋŋel, dastgo i hæive [ 234 ]atte prophet olggo bællai Jerusalem goddatalla.

³⁴ Jerusalem! Jerusalem! gutte prophetaid goddak, ja gæđgadak sin, guđek du lusa vuolga­tuvvum læk, man davja datušim mon du manaidad čokkit, nuftgo vuonces čivgides soajaides vuollai čokke! mutto æppet di dattom.

³⁵ Gæč, din viessodek digjidi avden šadda guđđujuvvut; mutto duođai mon digjidi cælkam: æppet di muo oaine, auddal go aigge joavdda, go di cælkkebættet: buristsivneduvvum, gutte boatta hærra nabmi!

14. Kapittal.

¹ Ja dappatuvui, go son muttom pharisæalaǯai oaivamuš vieso sisa bođi sabbaten mallasid borra­men, atte si vuidgŋe su.

² Ja gæč, čaccedavdast buocce olmuš læi.

³ Ja Jesus bakodišgođi, ja lakoappavaǯaidi ja pharisæalaǯaidi sarnoi, ja celki: lægo lovalaš sab­baten buorredet?

⁴ Mutto si javotaǥa orru. Ja son guoskati su, ja buorredi su, ja luiti su mannat.

⁵ Ja son vastedi, ja sigjidi celki: gi læ din gaskast, gutte, go su vuofsa daihe asen galddoi gačča, dam i dallanaǥa bajas gæsa sabbat bæive?

⁶ Ja æi si mattam sunji vastedet.

⁷ Mutto værdadusa son gusidi celki, go son oini sin bævde boaššomuš čokkamsajid aldsesek valljimen, ja sigjidi celki:

⁸ Go bævddijuvvum læk gæstegen hæjaidi, de ale mana bævde boaššomuš sagjai čokkanet, amas [ 235 ]daiddat udnalabbo go don læk, sust bovddijuv­vum læt,

⁹ ja amas su ja du bævddijægje boattet, ja dunji cælkket: čaǥa dasa saje! ja hæppanemin don dalle šaddak uskemussi mannat čokkanet.

¹⁰ Mutto go bovddijuvvum læk, de mana uske­mussi čokkanet, vai, go du bovddijægje boatta, son dunji cælkaši: ustebam! mana bajebuid čokkanet: de gudne dust læ sin audast, guđek du bævdde­guoimek læk.

¹¹ Dastgo juokkaš, gutte ješječas aled, vuolle­duvvu; ja gutte ješječas vuolled, aleduvvu.

¹² Mutto son celki maida sunji, gutte læi bovddim su: go gaskbæive daihe ækkedes malla­sid don daǥak, de ale ustebidad bovde, ikge vel­jaidad, ikge sokkagoddidad, ikge javalaš siddagui­midad, amasek si du fast bovddit ja dunji mafsat.

¹³ Mutto go hæjaid daǥak, de bovde vaiva­šid, rambid, skirbmaid, čalmetemid:

¹⁴ de audogas don læk, dastgo sist i læk main fastain dunji mafsat; mutto dat dunji mafsujuvvu vanhurskasi bajasčuoǯǯelæmest.

¹⁵ Mutto go muttom guosseguoibme dam gulai, de celki son sunji: audogas, gutte laibe borra Ibmel valddegoddest.

¹⁶ Mutto Jesus sunji celki: olmuš læi, gutte stuorra hæjaid daǥai, ja bovdi ædnag.

¹⁷ Ja mallasi boddo de balvvalægjes son bijai bovddijuvvumidi cælkket: boattet, dastgo buok læ dal rakaduvvum.

¹⁸ De dallanaǥa buokak bæsadaddašgotte. [ 236 ]Vuostemuš sunji celki: bældo osstim, ja fertim mon mannat ja dam isskat; rokkadallam dust, cælke mi hætte muo.

¹⁹ Ja nubbe celki: vit par vuovsaid osstim, ja vuolgam daid gæččalet; rokkadallam dust, cælke mi hætte muo.

²⁰ Ja goalmad celki: akka mon valddim nait­tusi, ja damditti im mate boattet.

²¹ Ja balvvalægje bođi, ja muittali hærasis dam; de moarati ised, ja balvvalægjasis celki: vuolge hoapost gavpug balggaidi ja šiljoidi, ja doalvo sisa dek vaivašid, ja rambid, ja skirbmaid, ja čalmetemid.

²² Ja balvvalægje celki: dakkujuvvum læ, nuftgo goččuk, ja ain læ sagje.

²³ Ja hærra balvvalægjai celki: vuolge balg­gai ja aidi mield, ja nagge sin boattet, vai viesso must dievva.

²⁴ Dastgo mon cælkam digjidi, i oftage dain olbmain, guđek bovddijuvvum legje, muo mallasid oaǯo muosatet.

²⁵ Mutto ollo olbmuk manne su mield; ja son jorggali ječas, ja sigjidi celki:

²⁶ Jos guttege muo lusa boatta, ja i vaššot ačes ja ædnes, ja akkas, ja manaides, ja veljaides, ja oabaides, ja maida su ječas hæg, i son mate læt muo mattajægje.

²⁷ Ja gutte ruosas i guode, ja muo maŋŋai manna, i mate læt muo mattajægje.

²⁸ Dastgo guttemuš din gaskast, gæst miella læ torno hufsit, i vuost čoka ja golatusaid lokka, [ 237 ]jogo sust varre læ ollašuttet?

²⁹ amasek, go vuođo son læ bigjam, ja i mate ollašuttet, buokak, guđek dam oidnek su bilke­dišgoattet, ja cælkket,

³⁰ dat olmuš riemai galle hufsit, mutto olla­šuttet i buftam.

³¹ Daihe, guttemuš gonagas, gutte soattai manna nubbe gonagas vuosstai, i vuost čoka ja arvval, vægjago loǥe duhatguim su audald mannat, gutte guoft loǥe duhatguim su vuosstai boatta?

³² Mutto jos i væje, de sanid son bigja, go dot ain gukken læ, ja rafhe bivdda.

³³ Nuft maida juokkaš dist, gutte i hæite buok, mi sust læ, i mate læt muo mattajægje.

³⁴ Saltek buorre læk; mutto jos saltek væǥa­tuvvujek, main jogo dak saltijuvvujek?

³⁵ Æi dokke muolddan, æige mokken; si suppijek daid erit. Gæst bæljek læva maiguim gullat, son gullus.

15. Kapittal.

¹ Mutto buok tuolorak ja suddolaǯak botte su lusa su gullam ditti.

² Ja pharisæalaǯak ja čaloappavaǯak nimmu­regje, ja celkke: dat suddolaǯaid vuosstaivaldda, ja sin særvest borra.

³ Mutto son sarnoi sigjidi dam værdadusa, ja celki:

⁴ Mi olbmuid din gaskast, gæst čuotte savcak læk, ja lappam læ ovt dain, i daid ovtse loǥad lokkai mæccai guođe, ja manna dam lappum maŋŋai, dassači go gavdna?

[ 238 ]⁵ Ja go avdnam læ, de ilost son hardoides ala dam bigja.

⁶ Ja go siddasis boatta, de ustebides ja sida­guimides čoakkai son goččo, ja sigjidi cælkka: illodækket muin, dastgo savccam mon gavdnim, mi lappujuvvum læi.

⁷ Mon cælkam digjidi: nuft illo læ almest oft suddolaš ditti, gutte buoreb guvllui jorggal, æmbo go ovtse loǥad lokkai vanhurskasi ditti, guđek jorggalæme æi darbaš.

⁸ Daihe mi nissonid, gæst loǥe ruđak læk, jos oft ruđa lappe, i čuovgas cakit, ja suopalasta vieso, ja visut bargga occat dassači go gavdna?

⁹ Ja go gavdnam læ, de ustebides, ja sida­guimides čoakkai son goččo, ja cælkka: illodækket muin, dastgo gavdnam læm ruttam, maid lappim.

¹⁰ Nuft mon digjidi cælkam, illo læ Ibmel enge­lin oft suddolaš ditti, gutte Ibmel guvllui jorggal.

¹¹ Mutto son celki: olbmust guoft barnek læiga.

¹² Ja nuorab sodnust aččai celki: ačačam! adde munji dam ælo oase, mi munji boatta. Ja son juǥi sodnuidi ælosga.

¹³ Ja moadde bæive dastmaŋŋel de čoki nuorab bardne buok ælos, ja nubbe ædnami manai, mi hui gukken læi, ja ælos son dobbe skitardi bagjel­mærralaš ællemest.

¹⁴ Mutto go buok luoftam læi, de bođi stuorra nælgge dam ædnami, ja sust vaillogođi.

¹⁵ Ja son manai, ja oroi muttom olbma lut dam ædnamest, ja dat vuolgati su ædnamidassis spinid gæččamen.

[ 239 ]¹⁶ Ja son bivdi čoavjes dævddet spini borra­mušain, ja i oftage addam sunji maidegen.

¹⁷ Mutto go jierbmagođi, de celki son: man ædnag balkolaǯain muo ače lut læ valljogas laibbe! mutto mon nælgom.

¹⁸ Čuoǯǯelam ja vuolgam mon aččam lusa, ja cælkam mon sunji: ačačam! mon læm suddo dak­kam alme vuosstai ja du audast,

¹⁹ ja im šat dokke du bardnen goččujuvvut: daǥa muo balkolaǯaidad lakkasaǯǯan.

²⁰ Ja son čuoǯǯeli, ja vulgi ačes lusa. Mutto go ain viek gukken læi, de oini su ačče su, ja vaibmo sust njuorrani, ja son viekkali, ja falli su čæppat birra, ja cumai su.

²¹ Mutto bardne sunji celki: ačačam! suddo­dam mon læm alme vuosstai ja du audast, ja im šat dokke du bardnen goččujuvvut.

²² Mutto ačče celki balvvalegjidassis: buftet buorremus biftas, ja garvotækket su, ja addet sunji suormas gitti, ja gabmagid julgi ala;

²³ ja vieǯǯat buoides galbba dek, ja njuovvat, borrop ja illodækkop mi.

²⁴ Dastgo dat muo bardne jabmam læi, ja ællai fastain, ja lappum læi, ja gavdnujuvui. Ja si illodišgotte.

²⁵ Mutto su boarrasabbo bardne mæcest læi, ja go son bođi, ja lakka læi vieso, de gulai son lavllom ja danssom.

²⁶ Ja muttom balvvalegjin son ravkai, ja jærai, mi læi.

²⁷ Mutto son sunji celki: du velljat bođi, ja [ 240 ]aččat njuovai dam buoides galbba, damditti go diervasen son oaǯoi su ruoftot.

²⁸ Mutto son moarati, ja i aiggom sisa man­nat; de damditti bođi ačče olgus ja bovdi su.

²⁹ Mutto son vastedi, ja celki aččasis: gæč, nuft ollo jaǥe mon balvvalam du, ja im goassegen du bakkom vuosstai rikkum, ja ik goassegen don læk addam munji ucca labbaš, vai ustebidamguim mon bessim illodet.

³⁰ Mutto go dat du bardne bođi, gutte loaf­tam læ du æloid vaciš nissoniguim, de njuvvik don sunji buoides galbba.

³¹ Mutto ačče sunji celki: barnačam; don læk alelessi muo lut, ja buok, mi must læ, læ maida du.

³² Mutto færtte galle dal illo ja avvo læt, dam­ditti go dat du velljat jabmam læi, ja ællai fast, ja lappum læi, ja gavdnujuvvum læ.

16. Kapittal.

¹ Mutto son celki maida mattajegjidassis: Rig­ges olmuš læi, gæst dallodoalle læi, ja dat sunji guoddatallai, atte son skitardi su æloid.

² Ja son ravkai su, ja sunji celki: manne gu­lam dam dust? daǥa loǥo dallodoallamestad; dastgo ik oaǯo šat gukebut dalo audastčuoǯǯot.

³ MUtto dallodoalle celki vaimostes: maid daǥam mon, go hærra dallodoallam must valdda? roggat im væje, ja hæpanaddam anotæmest.

⁴ Dieđam, maid mon daǥam, vai sin viesoi­dassasek si valddek muo, go dallodoallamest erit bigjujuvum.

[ 241 ]⁵ Ja buok hærras vælgolaǯaid son auddasis ravkai, ja celki vuosstemuǯǯi: ollogo don muo hærrai vælgolaš læk?

⁶ Mutto dat celki: čuođe tuno oljoid. Ja son celki sunji: valde girjad, ja čokkan dallan, ja čale vit loǥe.

⁷ Dasto son nubbai celki: mutto don, ollogo don læk vælgolaš? mutto dat celki: čuođe budde nisuid. Ja son celki sunji: valde girjad, ja čale gavtse loǥe.

⁸ Ja hærra mainoi dam værralaš dallodoalle, atte doaimalaǯǯan son daǥai; dastgo dam mailme manak jiermalabbo læk go čuovgasa manak sin sokkagoddest.

⁹ Ja mon cælkam digjidi: dakkat aldsidek uste­bid værre mammon boft, vai, go di dast erit ær­rannæppet, si valddek din aǥalaš orromsajidi.

¹⁰ Gutte oskaldas læ dast, mi uccemuš læ, læ maida oskaldas ædnag sist; ja gutte værralaš læ dast, mi uccemuš læ, læ maida værralaš ædnag sist.

¹¹ Jos di dalle æppet læm oskaldas værre mammon sist, gi oskeld digjidi dam duot?

¹² Ja jos æppet di læm oskaldas dam sist, mi veris læi, gi adda digjidi maidegen aldsidek oab­menædek?

¹³ I oftage dallobalvvalægje mate guoft ised balvvalet; dastgo nubbe son vaššest adna, ja nubbe rakisvuođast, daihe nubbe lut son orro, ja nubbe son bagjelgæčča: æppet di mate balvvalet Ibmel ja mammon.

¹⁴ Mutto buok dam gulle maida pharisæalaǯak, [ 242 ]guđek ruthadnasak legje, ja si bilkedegje su.

¹⁵ Ja son celki sigjidi: di læppet dak, guđek vanhurskesen dakkabættet ječaidædek olbmui au­dast, mutto Ibmel din vaimoid dietta; dastgo mi allag læ suddogasai gaskast fastesvuotta læ Ibmel audast.

¹⁶ Lakka ja prophetak Johannes ragjai enoste­gje; dam rajast sarneduvvu evangelium boft Ib­mel valddegodde, ja juokkaš væǥald bargga dam sisa bakkit.

¹⁷ Mutto forgabut nokka albme ja ædnam, go oft čuogastaǥaš laǥast erit gačča.

¹⁸ Juokkaš, gutte akkas hilggo, ja nubbin naittal, son fuoraid dakka, ja juokkaš, gutte boad­njast hilggujuvvum nissonin naittal, furušægje læ.

¹⁹ Mutto rigges olmuš læi, ja purpurin son ječas garvoti, ja divras linin, ja juokke bæive son eli hærvasvuođa ja ilo dillest.

²⁰ Mutto gæffhe olmuš læi, gæn namma læi Lasarus, gutte su uvsa ouddi bigjujuvvum læi dievva sarjin;

²¹ ja son anoi dain moaloin gallanet, mak rigges olbmu bævde ald fierralegje; mutto vela bædnagak botte ja njollu su sarjid.

²² Mutto dappatuvui, atte dat gæffhe olmuš jami, ja atte engelin son guddujuvui Abraham asskai, mutto dat rigges olmuš maida jami, ja havdaduvui.

²³ Ja go čalmides bajedi helvetest, go giv­sest læi, de oini son Abraham gukken, ja Lasarus su askest.

[ 243 ]²⁴ Ja de čuorvoi son ja celki: ačče Abraham! armet muo, ja bija Lasarus, atte suormegæče čaccai son buonjost, ja muo njuofčam laftad; dastgo saggarakkan mon gifsašuvum dam njuofčam dolast.

²⁵ Mutto Abraham celki: barnačam! muite, atte buridad ælededinad don vuosstaivalddam læk, ja Lasarus nuftai mi bahha læi; mutto dal jeđđi­juvvu son, ja don gifsašuvuk.

²⁶ Ja dasa vela læ din ja min gasski stuorra njiello bigjujuvvum, atte si, guđek dast dattuk vuolas mannat din lusa, æi bæsa, ige læk bæssam lakkai dobben rassta min lusa.

²⁷ Mutto son celki: de rokkadallam mon dust, ačačam! muo aččam dalloi su bigjat,

²⁸ dastgo vit veljak must læk, vai sigjidi son dovdast, amasek dakgis dam givse baikkai boattet;

²⁹ Abraham sunji celki: sist Moses ja pro­phetak læk; gullusek si daid.

³⁰ Mutto son celki: æi si gula, ačče Abra­ham! mutto jos guttege dain jabmin sin lusa boa­đaši, de si buoreb guvllui jorggalifči.

³¹ Mutto son celki sunji: jos si æi gula Moses ja prophetaid, æige si jake, jos guttege jabmi lut bajasčuoǯǯelifči.

17. Kapittal.

¹ Mutto mattajegjidi son celki: vægjemættos læ, atte værranusak æi boađe; mutto voi sunji, gæn boft dak bottek.

² Sunji avkalabbo læ, jos millo gæđgge su čæppat birra garcastuvvu, ja appai son šadda [ 244 ]suppijuvvut, go ovt dain uccakaǯain son værranatta.

³ Varotækket ječaidædek. Mutto jos velljat du vuosstai rikko, de cuoigod su; ja jos son buor­red ječas, de adde sunji andagassi.

⁴ Ja jos čiečča gærde bæivest du vuosstai son rikuši, ja čiečča gærde bæivest du lusa macaši, ja celki: mon gađam; de galgak don sunji anda­gassi addet.

⁵ Ja apostalak hærrai celkke: lasset migjidi osko.

⁶ Mutto hærra celki: jos dist ossko lifči dam mađe go senep gilvvagčalbme, de oǯušeidek di dam morbærmurri cælkket: rotte ječčad bajas ruotasinad, ja bija ječčad appai, ja dat galgai digjidi gullolaš læt.

⁷ Mutto guttemuš dist, gæst balvvalægje læ, gutte ædnam bargga, daihe omid gæčča, sunji dallanaǥa cælkka, go mæcest goattai boatta: mana ja čokkan bævddai?

⁸ Igo son sunji cælke: rakad munji mallasidam, ja boakkanaste ječčad, ja balvval muo, nuft gukka go mon boram ja juǥam, dasto oaǯok don borrat ja jukkat?

⁹ Jogo son gitta dam balvvalægje go dam daǥai, mi sunji goččujuvvum læi? im mon gadde.

¹⁰ Nuft maida digis, go di buok læppet dak­kam, mi digjidi goččujuvvum læi, de cælkket: mi læp gælbotes balvvalægjek, dastgo mi daǥaimek, maid mi læimek gædnegasak dakkat.

¹¹ Ja dappatuvui, Jerusalemi maŧkašedines, de Samaria ja Galilæa čađa son vagjoli.

¹² Ja go son muttom siddi bođi, de su auddald [ 245 ]botte loǥe spittal olbmak, guđek gukken čuoǯ­ǯastegje.

¹³ Ja si bajedegje jena, ja celkke: Jesus! oapatægje! armet min.

¹⁴ Ja go son oini sin, de sigjidi celki: vuolg­get, ja čajetækket ječaidædek papaidi; ja dappa­tuvui, atte vuolgededinæsek, de si butestuvvujegje.

¹⁵ Mutto oft sist, go ječas diervasen oini, de macai son, ja Ibmel alla jenain giti.

¹⁶ Ja muođoides ala son luoitadi su julgi ouddi, ja giti su; ja samaritanalaš son læi.

¹⁷ De vastedi Jesus, ja celki: æigo loǥe bu­testuvvum? mutto gost læk dak oftse?

¹⁸ Igo oftage vela gavdnujuvvum, gutte ruof­tot bođi Ibmeli gudne addet æreb dam virulaš?

¹⁹ Ja son celki sunji: čuoǯǯel, vuolge; du ossko du læ bæsstam.

²⁰ Mutto go pharisæalaǯain sust jerrujuvui: goas boatta Ibmel valddegodde: de vastedi son sigjidi, ja celki: Ibmel valddegodde i boađe oai­nolaš lakkai.

²¹ Æige oaǯo si cælkket: gæč, dast daihe dost læ dat; dastgo gæč, Ibmel valddegodde sistadek læ.

²² Mutto mattajegjidi son celki: dak bæivek bottek, go di oainestuvvabættet ofta bæive olbmu barne beivin, ja æppet oaine.

²³ Ja si celkkek digjidi: gæč, dast, daihe gæč, dost læ son; mutto allet vuolge, alletge čuovo.

²⁴ Dastgo nuftgo aldagas, mi aldagasta nubbe guovlost alme vuold, baitta nubbe guvllui alme [ 246 ]vuold, daggar læ olbmu bardne bæivestes.

²⁵ Mutto sust læ vuost ollo gillat, ja dam sokkagoddest hilggujuvvut.

²⁶ Ja nuftgo dappatuvui Noah beivin, nuft dappatuvvumen læ maida olbmu barne beivin.

²⁷ Si borre, jukke, naittusi valdde, naittusi addujuvvujegje, dam bæive ragjai, go Noah arken sisa manai, ja suddoollo bođi, ja duššadi buokaid.

²⁸ Damaka lakkai maida, nuftgo dappatuvui Loth beivin, si borre, jukke, osste, vuvdde, gilvve, hufsijegje.

²⁹ Mutto dam bæive, go Loth Sodomast erit vulgi, de dolla ja rišša arvi vuolas almest, ja duššadi sin buokaid.

³⁰ Nuft maida gævvamen læ olbmu barne almostusa bæive.

³¹ Gutte dam bæive læ rove ald, ja su galvok goađe sist, ellus son njegju daid valddam ditti, ja gutte bældost læ, ellus son nubbos ječas jorgga­lekku dam varas, mi su maŋŋa bæld læ.

³² Muittet Loth akka.

³³ Gutte bivdda ællemes bæsstet, dam masse, ja gutte dam masse, dam gagjo.

³⁴ Mon cælkam digjidi: dam ija læva guoft oft oađđem sajest, nubbe valddujuvvu, nubbe guđ­đujuvvu.

³⁵ Guoft jorratæva millo gæđge: nubbe vald­dujuvvu, nubbe guđđujuvvu.

³⁶ Guoft læva bældost: nubbe valddujuvvu, nubbe guđđujuvvu.

³⁷ Ja si vastedegje, ja sunji celkke: hærra! [ 247 ]gosa dat šadda? mutto son celki sigjidi: gost ratto læ, dasa čoagganek goaskemak.

18. Kapittal.

¹ Mutto son celki sigjidi maida værdadusa dam birra, atte olmuš alelessi galgga rokkadallat, ja i vaibbat.

² Ja son celki: duobmar læi muttom gavpu­gest, gutte i ballam Ibmelest, ige hæppanaddam guđege olbmust.

³ Mutto damaka gavpugest læsknisson læi, ja son vulgi su lusa, ja celki: adde munji vuoiggad­vuođa muo vaššalaš bagjel.

⁴ Ja gukka aige i son vuost aiggom, mutto dastmaŋŋel celki son jurddagestes: josjoge im bala Ibmelest, imge hæppanadda guđege olbmust;

⁵ de almaken, go dat læsk dakka munji ollo vaive, de sunji vuoiggadvuođa mon addet aigom, amas davja son boattet ja muo gifsedet.

⁶ Mutto hærra celki: gullat maid værralaš duob­mar cælkka.

⁷ Igo Ibmel su valljijuvvumides vækketæmen læk, guđek ija bæive sunji čurvvuk, josjoge hiljan son læ sigjidi?

⁸ Mon cælkam digjidi, forg son vækket sin. Mutto, go olbmu bardne boatta, gavdnago son dalle osko ædnam ala?

⁹ Mutto son celki maida muttomidi, guđek dorvastegje jačaidæsek vanhurskesen, ja ærrasid bagjelgečče, dam værdadusa.

¹⁰ Guoft olbmuk bajasmanaiga tempali [ 248 ]rokkadallam varas, nubbe pharisæalaš læi, nubbe tuollar.

¹¹ Pharisæalaš čuoǯasti oftonessi, ja rokka­dallai nuft: mon gitam du Ibmelam! go mon im læk nuftgo ærra suddogasak, rievvarak, værralaǯ­ak, furušægjek, daihe nuftgo dat tuollar.

¹² Guoft gærde vakkost borakættaivuođa mon anam, loǥadas mon addam buok mu æloinam.

¹³ Ja tuollar viek gukken čuoǯoi, ja i vela čalmides son aiggom bajasbajedet alme guvllui; mutto raddides son čormadi, ja celki: Ibmelam, læǥe munji suddogassi armogas!

¹⁴ Mon cælkam digjidi: dat vanhurskesabbun vuolas manai goattasis go dot; dastgo gutte ječas aled, vuolleduvvu, ja gutte ječas vuolled, aleduvvu.

¹⁵ Mutto si gudde maida ucca manačid su lusa sust guoskatuvvut; mutto go mattajægjek dam oidne, de si šiggogotte sin.

¹⁶ Mutto Jesus daid lusas gočoi, ja celki: addet ucca mannačid muo lusa bæssat; dastgo Ibmel valddegodde daggaraǯai læ.

¹⁷ Duođai mon digjidi cælkam: gutte Ibmel valddegodde i vuosstaivalde nuftgo manna, i eis­segen dam sisa boađe.

¹⁸ Ja muttom oaivamuǯain sust jærai, ja celki: buorre oapatægje! maid daǥam mon, vai aǥalaš ællem mon arbim?

¹⁹ Mutto Jesus sunji celki: manne buorren muo gočok? I oftage buorre læk, æreb go Ibmel.

²⁰ Don dieđak bakkomid: ik galga furušet; ik galga goddet; ik galga suoladet; ik galga værre duođaštusa cælkket: gudniette aččad ja ædnad.

[ 249 ]²¹ De celki son: daid mon buokrakkan doal­lam læm nuorrevuottam rajast.

²² Mutto go Jesus dam gulai, de celki son sunji: ain vaillo dust oft: vuovde buok, mi dust læ, ja adde vaivašidi, de dust daverak læk almest; ja boađe, čuovo muo.

²³ Mutto go son dam gulai, de sagga morraši son šaddai, dastgo hui ollo ællo sust læi.

²⁴ Mutto go Jesus oini su morrašest, de celki: man vades sigjidi, gæin ollo ællo læ, Ibmel vald­degodde sisa boattet.

²⁵ Dastgo alkeb læ, atte kamel aime šalme čađa jotta, go javalaš olmuš Ibmel valddegodde sisa boatta.

²⁶ Mutto guđek dam gulle, celkke: gi dalle audogassan šadda?

²⁷ Mutto son celki: mi vægjemættos læ sud­dogasaidi, væjolaš læ Ibmeli.

²⁸ Mutto Peter celki: gæč, buok mi læp guođ­đam ja du čuovvom læp.

²⁹ Mutto son sigjidi celki: duođai mon digjidi cælkam: i oftage læk, gutte dalos læ guođđam, daihe vanhemides, daihe veljaides, daihe akkas, daihe manaides Ibmel valddegodde ditti,

³⁰ gutte ædnag gærdasaǯǯat ruoftot i oaǯo dam aigest, ja boatte ilmest aǥalaš ællem.

³¹ Mutto auddasis son valdi daid guoft nubbe lokkai, ja sigjidi celki: gæč, Jerusalami mi bajas­mannap, ja buokrakkan, mi čallujuvvum læ pro­phetai boft, ollašuvvumen læ olbmu barne ala.

³² Dastgo bakkeni gitti son šadda addujuvvut, [ 250 ]ja sonšadda bilkeduvvut, ja higjeduvvut, ja čolg­gujuvvut;

³³ Ja si rissijek su, ja goddek su, ja goalmad bæive son bajasčuoǯǯel.

³⁴ Mutto æi si arvedam maidegen dast, ja dat sadne čikkujuvvum læi sigjidi, ja æi si arvedam, mi celkkujuvui.

³⁵ Mutto dappatuvui, go son lakkanišgođi Je­rikoi, de muttom čalbmetæbme balgga gurast čokkamen læi, ja gærjedi.

³⁶ Mutto go dat olbmuid mæddel mannamen gulai, de jærai son, mi dat læi.

³⁷ Mutto si muittalegje sunji, atte Jesus na­saræalaš mæddel mannamen læi.

³⁸ Ja son čuorvvogođi ja celki: Jesus, don David bardne, armet muo!

³⁹ Ja si, guđek audast manne, šiggu su, vai javotuvvuši; mutto sagga æmbo son čuorvoi: Don David bardne, armet muo!

⁴⁰ De čuoǯasti Jesus, ja gočoi su auddasis dolvvujuvvut; mutto go lakka bođi, de jærai son sust, ja celki:

⁴¹ Maid aigok don mon dunji dakkat galgam? Mutto son celki: hærračam, atte oainam.

⁴² Ja Jesus sunji celki: šadd oaidnen! du ossko du læ bæsstam.

⁴³ Ja dallanaǥa son šaddai oaidnen, ja čuovoi su; ja gudnietti Ibmel, ja buok olbmuk, guđek dam oidne, gitte Ibmel.

[ 251 ]

19. Kapittal.

¹ Ja son manai sisa, ja Jeriko čađa vagjoli.

² Ja gæč, olmai læi, gæn namma læi Sak­kæus, ja tuolari oaivamuš læi, ja javalaš.

³ Ja son bivdi Jesus oaidnet, ja i bæssam olb­mui ditti, dastgo uccakaš læi šaddost.

⁴ Ja son viekkali auddal, ja morbermuora goarŋoi, vai oǯuši su oaidnet; dastgo daggo boft son læi boattemen.

⁵ Ja go Jesus baikkai bođi de gæčasti son bajas, ja oini su, ja celki sunji: Sakkæus! gača, ja njeja dastgo odna bæive fertim mon du viesost orrot.

⁶ Ja son gačai, ja njejai, ja iloin su vuosstai­valdi.

⁷ Ja si, guđek oidne dam, nimmuregje buo­kak, ja celkke: suddolaš olbmu lusa son manna orrot.

⁸ Mutto Sakkæus čuoǯasti, ja celki hærrai: gæč, hærračam! bæle muo æloinam mon addam vaivašidi; ja jos gæsagen verid læm dakkam gav­velvuođa čađa, de dam njællja gærddai ruoftot mon addam.

⁹ Mutto Jesus sunji celki: odnabæive læ dam dalloi besstujubme dappatuvvum, dademield go son maida ABraham bardne læ;

¹⁰ dastgo olbmu bardne boattam læ occat ja bæsstet, mi lappum læ.

¹¹ Mutto go si dam gulle, de vela son sarnoi, ja værdadusa celki; dastgo lakka son læi Jerusa­lem, ja si gadde dallanaǥa almostuvvumen læi Ibmel valddegodde.

[ 252 ]¹² Son celki dalle: Stuorra hærra læi, gutte muttom ædnami manai, mi hui gukken læi, valdde­godde aldsis valddet, ja de dasto ruoftot boattet.

¹³ Mutto loǥe su balvvalegjines son ravkai, ja addi sigjidi loǥe ruđaid, ja celki sigjidi, gav­pašækket, dassači go boađam.

¹⁴ Mutto su valddegodde olbmuk vaššotegje su, ja čuojategje sunji sane, ja cælketegje: æp mi aigo dam gonagassan min bagjel.

¹⁵ Ja dappatuvui, go son ruoftot bođi, maŋŋel go valddegodde læi fidnim, de gočoi son doid balvvalegjid, gæidi ruđaid læi addam, ravkkujuv­vut, vai oǯuši diettet, maid juokkaš læi vuoittam.

¹⁶ De bođi vuostemuš auddan, ja celki: hærra! du rut læ loǥe ruđaid vuoittam.

¹⁷ Ja son celki sunji: burist, šiega balvvalæ­gjačam! damditti go oskaldas legjik dam sist, mi uccemuš læi, de dust galgga læt valdde loǥe gavpugi bagjel.

¹⁸ Ja nubbe bođi, ja celki: hærra! du rut læ vit ruđaid vuoittam.

¹⁹ Mutto dasa celki son maida: ja don galgak læt vit gavpugi bagjel.

²⁰ Ja goalmad bođi, ja celki: hærra! gæč, dast læ du rut, maid line sisa legjim vurkkim.

²¹ Dastgo balost legjim du audast; go garra olmuš don læk: don valdak, maid ik bigjam, ja lagjik, maid ik gilvvam.

²² Mutto son celki sunki: du ječčad njalmest mon dubmim du, gælbotes balvvalægje; don dit­tik muo garra olmučen, gutte valdam, maid im [ 253 ]bigjam, ja lagjim, maid im gilvvam;

²³ manne ik bigjam dalle muo ruđaid lonotus bævde ala, de legjim boađededinam daid vuoitoin gaibedam.

²⁴ Ja son celki sigjidi, guđek lut čuǯǯu: valddet dam ruđa sust, ja addet sunji, gæst loǥe læk,

²⁵ — ja si celkke sunji: hærra! sust loǥe læk; —

²⁶ dastgo digjidi cælkam, juokkaš, gæst læ, sunji addujuvvu; mutto, gæst i læk, sust maida valddujuvvu, mi sust læ.

²⁷ Doalvvot dal dek daid muo vaššalaǯaidam, guđek æi dattom muo gonagassan bagjelassasek, ja goddet sin čalmidam audast.

²⁸ Ja go Jesus dam læi cælkkam, de vulgi son dast, ja manai Jerusalami.

²⁹ Ja dappatuvui, go lakkanæmen læi Beth­phaggai ja Bethaniai, dam varrai, mi olljovarren goččujuvvu, de vuolgati son guoft mattajegjines, ja celki:

³⁰ Vuolgge dam siddi, mi dodnu audast læ; go dam sisa boattabætte, de čivga doi gavdna­bætte čadnasist, man ald i oftage olmuš goasse­gen læk čokkam; čoavdde dam, ja doalvvo dek.

³¹ Ja jos guttege jærra: manne čoavdde­bætte doi dam? de cælkke nuft sunji: hærra dam darbaš.

³² Mutto vuolgetuvvumak manaiga, ja gav­naiga, nuftgo son læi cælkkam.

³³ Mutto go soi čovdiga čivg, de celki ised [ 254 ]sodnuidi: manne čoavddebætte doi čivg?

³⁴ Mutto soi celkiga: hærra dam darbaš.

³⁵ Ja soi doalvoiga dam Jesus lusa, ja si bigje biftasidæsek čivg ala, ja čokkanatte Jesus dai ala.

³⁶ Mutto su manadedines de si lebbu bifta­sidæsek su vuollai balgga mield.

³⁷ Mutto go lakka bođi olljovarre njejaldakki, de algeti su mattajegji obba joavkko illolaǯǯan alla jenain Ibmel gittet buok dai famo daǥoi ditti, maid si oaidnam legje, ja celkke:

³⁸ Buristsivneduvvum lekkus gonagas, gutte hærra nabmi boatta! raffhe almest, ja gudne allagasast!

³⁹ Ja muttomak pharisæalaǯain olbmui gaskast celkke sunji! oapatægje! šigo mattajegjidad.

⁴⁰ Mutto son vastedi, ja sigjidi celki: mon cælkam digjidi, jos dak javotaǥa oruši, de gæđ­gek čuorvvogoađaši.

⁴¹ Ja go son lakka bođi, ja oini gavpug, de čieroi son dam vuosstai, ja celki:

⁴² Jos don dieđašik vela odna dam bæivvad, mi dunji rafhe adda! mutto dal læ dat čikkujuv­vum du čalmidad audast.

⁴³ De damditti bottek dak bæivek du bagjeli, go du vaššalaǯaidad sæine du birra bajasdakkek, ja birrastattek du buok birra, ja bakkijek du juokke guovlost.

⁴⁴ Ja avden si dakkek du ja du manaidad sistad, ja æi gæđge gæđge ala si guođe; damditti go ik oapaladdam aiggad don dovddam.

[ 255 ]⁴⁵ Ja son tempal sisa manai, ja olgus agje­gođi sin, guđek dam sist vuovddemen ja oasste­men legje;

⁴⁶ ja celki sigjidi: čallujuvvum læ: muo viesso rokkadallam-viesso læ; mutto di læppet dam rievvari biegjon dakkam.

⁴⁷ Ja juokke bæive son oapati tempal sist. Mutto bajemuš papak, ja čaloappavaǯak, ja olb­mui oaivamuǯak bivddemen legje su goddet.

⁴⁸ Ja æi si gavdnam, maid dakkat; dastgo buok olbmuk orromen legje su lut, ja gulle su.

20. Kapittal.

¹ Ja dappatuvui muttom dain beivin, go oa­patæmen læi olbmuid tempal sist, ja evangelium sarnedi, de botte fakistaǥa bajemuš papak ja čaloappavaǯak oftanaǥa vuorrasiguim.

² Ja si sardnu sunji, ja celkke: cælke migjidi: man famo mield daǥak don nuft? daihe gi læ dat, gutte læ addam dunji dam famo?

³ Mutto son vastedi, ja celki sigjidi: mon maida dist oft sane jærrat aigom, cælkket digis maida munji dam:

⁴ Johannes gast, bođigo dat almest daihe suddogasain?

⁵ Mutto si jurdašegje vaimostæsek, ja celkke: cælkkep mi: almest; de son cælkka: manne æp­pet dalle jakkam sunji?

⁶ Mutto cælkkep mi: suddogasain, de gæđ­gadek buok olbmuk min, dastgo nannosak si dam oskost orruk, atte Johannes prophet læi.

[ 256 ]⁷ Ja si vastedegje, atte æi si diettam gost dat bođi.

⁸ Ja Jesus sigjidi celki: de imge mon digjidi cælke, man famo mield mon nuft daǥam.

⁹ Mutto son sardnogođi olbmuidi dam vær­dadusa: olmuš vidnegarden rakadi, ja balkati dam vidnegarden olbmaidi; ja manai nubbe ædnami viek gask.

¹⁰ Ja go aigge bođi, de bijai son balvvalæ­gjes, vidnegarden olbmai lusa, vai sunji si ad­daši vidnegarden šaddost; mutto olbmak cabme su, ja vuolgategje su lutæsek erit guoros gieđai.

¹¹ Ja vela son bijai nubbe balvvalægje; mutto si cabme maida damgis, ja bilkedegje su, ja vuol­gategje su guoros gieđai lutæsek.

¹² Ja son bijai vela goalmad; mutto damgis si havadutte, ja nordastegje su olgus.

¹³ Mutto vidnegarden hærra celki: maid da­ǥam mon? Mon bijam muo barne dam rakis, go si oidnek su, de si daiddek hæppanaddašgoattet.

¹⁴ Mutto go vidnegarden olbmak oidne su, de si arvvalegje vaimostæsek, ja celkke: dat læ arbbijægje; boattet, goddop mi su, vai arbbe min šadda.

¹⁵ Ja si nordastegje su vidnegarden olggo bællai, ja godde su. Maid dakka dalle vidne­garden hærra sigjidi?

¹⁶ Son boatta ja daid vidnegarden olbmaid hævat, ja balkat ærrasidi vidnegardenes. Mutto go si dam gulle, de celkke si: ellus nuft goas­segen dappatuvvu!

[ 257 ]¹⁷ Mutto son gæčai sin ala, ja celki: mi læ dalle dat, mi læ čallujuvvum: gæđgge, maid huf­sijægjek hilggu, dat šaddam læ oaivvečiek­gæđggen.

¹⁸ Juokke, gutte dam gæđge ala gačča, son cuvk­kijuvvu; mutto gæn ala dat gačča, su dat cuovkke.

¹⁹ Ja bajemuš papak ja čaloappavaǯak bivd­demen legje damanaǥa boddost gieđaidæsek su ala bigjat, mutto balost si legje olbmui ditti; dastgo si arvedegje, atte cælkkam son læi dam værda­dusa sin ala.

²⁰ Ja si varotegje su, ja bigje vuidgŋid, guđek dakke, dego si vanhurskasak lifči, su giellat su ječas sanidi, vai si oǯuši addet su essevalde ja ædnam hærra gitti.

²¹ Ja si jerre sust, ja celkke: oapatægje! mi diettep, rieftes guvllui don sarnok ja oapatak, ja ik gæča suddogas allagvuođa bællai, mutto Ibmel gæino duotvuođa mield don oapatak.

²² Lægo migjidi lovalaš kæisari væro gæsset daihe i?

²³ Mutto go son fuobmaši sin gavvelvuođa, de celki son sigjidi: manne gæččalæppet di muo?

²⁴ Čajetækket munji ruđa: gæn gova ja bagjelčal adna dat? mutto si vastedegje, ja celk­ke: kæisar.

²⁵ Mutto son sigjidi celki: addet damditti kæisari, mi kæisar læ, ja Ibmeli, mi Ibmel læ.

²⁶ Ja æi si mattam giellat su su sanidi olb­mui guladedin, ja si ovdušegje su vastadusa ja javotuvve.

[ 258 ]²⁷ De muttomak Saddusæalaǯain, — guđek bajasčuoǯǯelæme biettalek — botte su lusa, ja sust jerre, ja celkke:

²⁸ Oapatægje! Moses migjidi čali, jos gænge velj, gæst akka læ, jabma, ja mannatæbmen jab­ma, de galgga su velj su akka valddet, ja sieb­man velljasis čuoǯǯaldattet.

²⁹ De dal legje dast čiečča veljak, ja vuostas valdi akka, ja jami mannatæbmen.

³⁰ Ja nubbe valdi akka; son maida manna­tæbmen jami.

³¹ Ja goalmad valdi su; ja nuft buok čiečča; æi sist læm manak, ja si jabme.

³² Mutto maŋemusta sin buokain jami maida nisson.

³³ Bajasčuoǯǯelæme dillest nabbo dalle, gæn akka sin gaskast galgga son dalle læt? dastgo buok čiečča adne su akkan.

³⁴ Ja Jesus vastedi, ja sigjidi celki: dam mailme manak naittaladdek, ja naittujek;

³⁵ mutto si, guđek dokkalaǯǯan adnujek dom ilbmai særvolaǯǯan dakkujuvvut, ja jabmi bajas­čuoǯǯelæbmai, æi si naittusi valde, æige naittujuvu,

³⁶ dastgo æi si mate šat æmbo jabmet; dastgo engeli lakkasaǯak ja Ibmel manak si læk, dastgo bajasčuoǯǯelæme manak si læk.

³⁷ Mutto atte jabmek bajasboftujuvvujek, læ maida Moses dieđatam muittalusastes basstelis lanjai botto birra, go son goččo hærra: Abraham Ibmel, ja Isak Ibmel, ja Jakob Ibmel.

³⁸ Mutto i son læk jabmi Ibmel, mutto ælle [ 259 ]olbmui; dastgo sunji buokak ellek.

³⁹ Mutto soabmasak čaloappaǯain vastedegje, ja celkke: oapatægje, burist don sardnuk.

⁴⁰ Mutto æi si duosstam šat æmbo maidegen sust jærrat.

⁴¹ Mutto son sigjidi celki: moft sardnujuv­vu Kristus David bardnen?

⁴² ja David ješ cælkka salmai girjest: hærra celki muo hærrai: čokkan muo olgiš gieđa bællai,

⁴³ dassači go vašsalaǯaidad du julgidad vuollai mon bijam.

⁴⁴ De goččo nabbo David su hærranes; moft lægo son dalle su bardne?

⁴⁵ Mutto buok olbmui guladedin, de celki son mattajegjidassis.

⁴⁶ Varotækket ječaidædek čaloappavaǯain, gu­đek gukkis biftasi sist viggek vagjolet, ja šiljoin viggek diervatuvvut, ja boaššomuš čokkamsajid synagogai sist aldsesek dattuk, ja boaššomuš čok­kamsajid hæjain,

⁴⁷ guđek læskai viesoid borrek, ja gukkis rokkusid adnek olgoldas hame ditti; dade stuor­rab rangaštusa dak galle oǯǯuk.

21. Kapittal.

¹ Mutto go bajas gæčasti, de oini son daid javalaǯaid addaldaǥaidæsek tempal bomba sisa bigjamen.

² Mutto son oini maida vaivaš læsknisson guoft skillebæle dam sisa bigjamen.

³ Ja son celki: duođai mon digjidi cælkam, [ 260 ]dat vaivaš læsk æmbo læ bigjam go buokak.

⁴ Dastgo buok dak, mi ligas sist læi, si bigje addaldakkan Ibmeli; mutto su vaivašvuođastes son bijai buok su ællamušas.

⁵ Ja go muttomak tempal birra celkke, atte čigŋatuvvum dat læi čabba geđgi ja divrasvuo­đaiguim, de celki son:

⁶ Dai harrai, maid di oaidnebættet, de dak bæivek jovddek, go i guđujuvu gæđgge gæđge ala, mi i šadda njeiddujuvvut.

⁷ De si jerre sust, ja celkke: oapatægje! goas dappatuvvašgoatta dalle dat? ja mi læ mærk­kan, goas dat dappatuvvašgoatta?

⁸ Mutto son celki: varotækket ječaidædek amadek di fillijuvvut; dastgo ædnagak muo nabmi bottek, ja celkkek, atte mon de læm, ja atte aigge lakka læ boattam; allet damditti mana dai mield.

⁹ Mutto go di šaddabættet sođid gullat ja vuosstaihakkolašvuođaid, de allet suorggan; dastgo dat færtte vuost boattet, mutto loap i dallan boađe.

¹⁰ De celki son vela sigjidi: olbmuk olbmui vuosstai čuoǯǯelek, ja valddegodde valddegodde vuosstai.

¹¹ Ja stuorra ædnam doargastusak šaddek duobe dabe, ja nælgge ja rottodavdak, ja suor­gatusak dappatuvvek ja stuorra ibmašak almest.

¹² Mutto buok dam auddal de si gieđaid din ala bigjek, ja doarotek din, ja addek din syna­gogaidi ja giddagasaidi, ja gonagasai ja oaiva­muǯai ouddi si dolvvuk din muo nama ditti.

¹³ Mutto dat digjidi duođaštussan dappatuvvu.

[ 261 ]¹⁴ Bigjat dalle mielladek vuollai, atte æppet auddal di barggamen læk jurdašet moft vastedet.

¹⁵ Dastgo mon njalme digjidi addam ja vi­sesvuođa, maid buok din vuosstaičuoǯǯok æi nagad buođđot, æige vuosstaičuoǯǯot.

¹⁶ Mutto di šaddabættet maida bettujuvvut vanhemin, ja veljain, ja fulkin, ja ustebin, ja muttomid dist si goddek.

¹⁷ Ja di šaddabættet buokai vašše vuollai muo nama ditti.

¹⁸ Ja i mikkege vuoftačalmid oaivestædek duššat galga.

¹⁹ Varjalækket din sieloidædek gierdavaš­vuođa čađa.

²⁰ Mutto go Jerusalem di oaidnebættet soatte­væǥain buok birra birrastattujuvvum, dalle dovd­dat dam duššadubme lakka læ boattam.

²¹ Guđek dalle Judæast læk, batarekkusek varidi, ja guđek gavpugest læk, vulggusek dast erit, ja guđek gavpug olgobæld læk, ellusek gavpug sisa mannu.

²² Dastgo dak mavso bæivek læk, vai buok, mi læ čallujuvvum, ollašuvvu.

²³ Mutto voi sigjidi, guđek mana vuosstai, ja guđek njamatægjek læk dain beivin, dastgo stuorra hætte læ ædnam ald, ja moarre dai olb­mui bagjel.

²⁴ Ja mieke avjo vuollai si gačček, ja gidda dillest buok bakkeni lusa si šaddek dolvvujuvvut, ja Jerusalem šadda bakkenin dulbmujuvvut, das­sači go bakkeni aigge dievva.

[ 262 ]²⁵ Ja mærkak šaddek mannoi, bæivaši ja na­stidi, ja ædnamest valdda ballo ja dorvotesvuotta olbmuid, go appe ja barok maraidišgottek;

²⁶ go olbmuk famotuvvek balost ja vuord­demest, mi ædnam bagjeli boatta; dastgo alme væǥak likkatuvvumen læk.

²⁷ Ja olbmu barne si dalle oidnek balva sist boattemen ædnag famoin ja hærvasvuođain.

²⁸ Mutto go nuft dappatuvvušgoatta de gæč­čat bajas guvllui, ja bajedækket oividædek, dastgo din besstujubmadek læ dal lakkanæmen.

²⁹ Ja værdadusa son sigjidi celki: gæččat fikkonmuora ja buok muoraid:

³⁰ Go urbek jo luoddanišgottek, ja di dam oaidnebættet, de ječaldadek di dalle arvedæppet, lakka læ dal gæsse.

³¹ Nuft maida di, go daid dappatusaid di oaidnebættet, de di diettebættet lakka læ Ibmel valddegodde.

³² Duođai mon digjidi cælkam: i dat sokka­godde noǥa, auddal go dat buokrakkan dappatuvvu.

³³ Albme ja ædnam læva nokkamen; mutto muo sanek æi goassegen noǥa.

³⁴ Mutto varotækket ječaidædek amasek din vaimoidædek goassegen borrišvuođast ja juǥiš­vuođast šaddat lossodattujuvvut, ja morrašest ællamuša ditti, ja amas nuft dot bæivve fuob­maškættai din bagjeli boattet.

³⁵ Dastgo nuftgo giella dat buok dai bagjel boatta, guđek obba dam ædnam ald læk.

³⁶ Goccat damditti juokke aige, ja barggat [ 263 ]rokkadallat, vai dokkalaǯǯan di adnujuvvubættet buok dast erit vælttat, mi dappatuvvumen læ, ja olbmu barne audast bissot.

³⁷ Mutto bæiveg son oapati tempal sist, mutto ikko son olggobællai manai ja ija oroi son vare ald, mi olljovarren goččujuvvu.

³⁸ Ja buok olbmuk botte arrat, iđđedest tempali su lusa, su gullat.

22. Kapittal.

¹ Mutto surrokættes laibi basek, mak bæs­sačen goččujuvvujek, lakka legje.

² Ja bajemuš papak ja čaloappaaǯak bivdost legje moft su goddet; dastgo balost si legje olbmui ditti.

³ Mutto satan manai Judas sisa, gutte Iska­riottan goččujuvvu, gutte oft dain guoft nubbe lokkai sist læi.

⁴ Ja son bođi, ja arvvališgođi bajemuš papai ja oaivamuǯaiguim, moft su bættet sin gitti.

⁵ Ja si illoi šadde, ja loppedegje sunji ruđaid addet.

⁶ Ja loppadusas son addi; ja vuoǥas aige son bivdi su bættet sigjidi alma stoaǥataǥa.

⁷ Mutto surokættes laibi bæivve bođi, go bæssači labes njuvvujuvvut galgai.

⁸ Ja Jesus vuolgati Peter ja Johannes, ja celki: vuolgge, ja rakadække migjidi bæssači labba, vai mi dam borrap.

⁹ Mutto soi celkiga sunji: gost aigok don moi dam rakadet galgge?

[ 264 ]¹⁰ Mutto son celki sodnuidi: gæč, boađede­din gavpug sisa de olmuš dodnu audald boatta, gutte čaccelitte guodda; čuovvo su vieso sisa, gosa son sisa manna.

¹¹ Ja cælkke vieso isedi: oapatægje dunji cælket: gost læ visste, gost bæssači labba oaǯom borrat mattajegjidamguim?

¹² Ja son čajet dodnuidi stuorra stuopo, mi jo lageduvvum læ; dasa rakadække.

¹³ Mutto soi manaiga, ja gavnaiga nuftgo son læi cælkkam; ja soi rakadeiga bæssači labba.

¹⁴ Ja go aigge bođi, de son čokkani, ja guoft nubbe lokkai apostalak suin.

¹⁵ Ja son sigjidi celki: saggarakkan mon læm halidam dam bæssači labba dinguim borrat, auddal go mon gillagoađam.

¹⁶ Dastgo mon cælkam digjidi, atte im eise­gen šat dast bora, auddal go dat Ibmel valdde­goddest ollašuvvu.

¹⁷ Ja son valdi gæra, giti ja celki: valddet dam, ja juoǥadækket gaskanædek;

¹⁸ dastgo mon cælkam digjidi, atte vidne­muora šaddost im mon juǥa, auddal go Ibmel valddegodde boatta.

¹⁹ Ja son valdi laibe, giti ja doagjali dam, ja addi sigjidi, ja celki: dat læ muo rumaš, dat, mi din audast addujuvvu; dam dakkat muo muittem ditti.

²⁰ Nuft maida son gæra valdi, maŋŋel go mallasid si legje borram, ja celki: dat gærra læ dat ođđa testament muo varai sist, mak din audast golgatuvvujek.

[ 265 ]²¹ Mutto gæč, su giet, gutte muo bætta, bævde bagjel læ muin.

²² Ja olbmu bardne galle manna dokko, nuftgo asatuvvum læ; mutto voi dam suddogassi, gæn boft son bettujuvvu.

²³ Ja si arvvališgotte gaskanæsek, guttemuš sin gaskast dat læǯǯa, gutte dam dakkamen læi?

²⁴ Mutto naggo læi maida sin gaskast dam harrai, guttemuš sist stuorramus adnujuvvut gal­gai?

²⁵ Mutto son sigjidi celki: olbmui gonagasak valddastallamen læk sin bagjel, ja si, gæin fabmo sin bagjel læ, armogas hærran goččujuvvujek.

²⁶ Mutto allet di nuft daǥa, mutto boarra­samus din gaskast galgga læt nuftgo nuoramus; ja alemus nuftgo balvvalægje.

²⁷ Dastgo guabba stuorrab læ? dat, gutte bævdest čokka? daihe dat, gutte balvval? Igo dat, gutte bævdest čokka? mutto mon din ga­skast læm, nuftgo son, gutte balvvalægje læ.

²⁸ Mutto di læppet dak, guđek bisovaǯǯan orrom læppet muo lut muo gæččalusai sist.

²⁹ Ja mon asatam digjidi valddegodde, nuftgo aččam munji dam asati,

³⁰ atte borrat ja jukkat di galggabættet muo bævdest muo valddegoddam sist, ja thruonoi ald čokkat, ja guoft nubbe lokkai Israel sokkagoddid dubmit.

³¹ Mutto hærra celki: Simon! Simon! gæč, satan bivdi din siftit nuftgo nisu.

³² Mutto mon rokkadallim du audast, amas [ 266 ]du ossko nokkat, ja go ofti don buorradusa daǥak, de nane veljaidad.

³³ Mutto son celki sunji: hærra! garves læm duin mannat sikke giddagassi ja jabmem vuollai.

³⁴ Mutto son celki: Peter! mon cælkam dunji: vuonces odna bæive i biško, auddal go don golm gærde læk biettalam muo dovddat.

³⁵ Ja son celki sigjidi: go mon vuolgatim din bursa ja sæka ja gabmagitaǥa, læigo vajeg­vuotta dalle dist? mutto si celkke: i læm.

³⁶ De celki son sigjidi: mutto dal, gæst burssa læ, valddus son dam, nuft maida sækka, ja gæst i mikkege læk, vuvddus son biftases, ja osstus mieke.

³⁷ Dastgo mon cælkam digjidi: ain dat færtte muo ala ollašuvvut, mi čallujuvvum læ: son læ maida værredakki særvvai lokkujuvvum; dastgo mak muo birra čallujuvvum læk, loappamen dal læk.

³⁸ Mutto si celkke: hærra! gæč, dast læva guoft miekke. Mutto son celki sigjidi: galle dat læ.

³⁹ Ja son olgus manai, ja vieros mield son olljovarrai manai; mutto su mattajægjek maida čuvudegje su.

⁴⁰ Mutto baikkai boattam, de celki son sigjidi: rokkadallat, amadek di gæččalussi šaddat.

⁴¹ Ja son rotti ječas sin gaskast gæđge bal­kastaǥa duokkai, ja čibbides ala manai, rokka­dallai ja celki:

⁴² Ačačam, aigokgo dam gæra must erit [ 267 ]valddet? — ellus almaken muo datto dakkujuvvu, mutto du.

⁴³ Mutto engel almest sust oidnujuvui, ja su appasmatti.

⁴⁴ Ja go garaset jabmem baloin doarromen læi, de æljobun son rokkadallai; mutto su biva­staǥak šadde nuftgo varračalmek, mak ædnami gačče.

⁴⁵ Ja go čuoǯǯelam læi rokkadallamestes, ja bođi mattajegjides lusa, de oađđemen son gavnai sin morrašest.

⁴⁶ Ja son celki sigjidi: manne oađđebættet di? likkat bajas, ja rokkadallat, amadek di gæč­čalusa sisa šaddat.

⁴⁷ Mutto go ain sardnomen læi, gæč, de bođi joavkko; ja muttom dain guoft nubbe lokkai sist, Judasen goččujuvvum, sin audast manai, ja Jesusi lakkani su cubmam ditti.

⁴⁸ Mutto Jesus sunji celki: Judas! bætakgo olbmu barne cumain?

⁴⁹ Mutto go si, guđek su lut legje, oidne mi šaddagođi, de si celkke sunji: hærra! galggapgo mi mikiguim čassket?

⁵⁰ Ja muttom sist bajemuš papa balvvalægje časki, ja su olgiš bælje erit čuopai.

⁵¹ Mutto Jesus vastedi ja celki: luoittet sin dam ragjai mannat. Ja son guoskati su bælje, ja buorredi su.

⁵² Mutto Jesus cælki bajemuš papaidi, ja tempal oaivamuǯaidi, ja vuorrasidi, guđek legje su lusa boattam: di vuolggam læppet, dego rievar [ 268 ]vuosstai, miki ja muoraiguim.

⁵³ Go juokke bæive din lut mon tempal sist legjim, de æppet di gieđaidædek geiggim muo vuosstai; mutto dat læ din boddo, ja sævdnjadasa fabmo.

⁵⁴ Mutto go si legje valddam su, de si dolvvu su erit, ja bufte su bajemuš pap vieso sisa; mutto Peter viek gaskast čuovvomen læi.

⁵⁵ Mutto go si dakkam legje dola gasko vieso, ja čokkanam legje čoakkai, de čokai Pe­trus sin gaskast.

⁵⁶ De muttom nieid oini su dollagaddest čokkamen, ja gæčai su ala, ja celki: dat maida suin læi.

⁵⁷ Mutto son biettali su, ja celki: nisson! im dovda su.

⁵⁸ Ja uccanaš dastmaŋŋel, de oini nubbe su, ja celki: don maida læk sin særvve olmuš. Mutto Petrus celki: olmuš! im læk.

⁵⁹ Ja lakka oft boddo gæčest dastmaŋŋel, de nanosti nubbe garaset, ja celki: duođai, dat maida læi su lut; dastgo son læ maida galilæalaš.

⁶⁰ Mutto Petrus celki: olmuš! im dieđe maid don halak. Ja dallan, go ain sardnomen læi, de biškoi vuonces.

⁶¹ Ja hærra ječas jorggali, ja gæčai Petrus ala, ja Peter muiti hærra sanid, moft son sunji cælkkam læi: auddal go vuonces bišško, de biet­talak don muo golm gærde.

⁶² Ja Peter manai olgus, ja baččaget čierro­gođi.

[ 269 ]⁶³ Ja olbmak, guđek dolle Jesus, bilkedegje su, ja cabme su.

⁶⁴ Ja govčas su bagjel bigje, oarsskalegje su muođoid, ja jerre sust, ja celkke: enost! gi læ dat, gutte cami du?

⁶⁵ Ja ædnag ærra bilkadusa sanid celkke si sunji.

⁶⁶ Ja go bæivve šaddai, de čoagganegje olb­mui vuorrasak, ja bajemuš papak ja čaloappava­ǯak, ja si dolvvu su sin digge ouddi,

⁶⁷ Ja celkke: lækgo don Kristus? cælke mi­gjidi dam. Mutto son sigjidi celki: jos cælkam digjidi dam, de æppet di jake.

⁶⁸ Mutto jos mon maida jærragoađam, de æppet di muo vasted, æppetgo muo luoite.

⁶⁹ Dalaǯest de čokkamen læ olbmu bardne Ibmel famo olgiš gieđa bæld.

⁷⁰ Mutto si buokak celkke: lækgo don dat Ibmel bardne? mutto son sigjidi celki: di cælkke­bættet dam, dastgo læm galle.

⁷¹ Mutto si celkke: mid darbašæp mi vela duođaštusaid? dastgo ješ mi læp dam gullam su njalmest.

23. Kapittal.

¹ Ja obba sin joavkko čuoǯǯeli, ja Pilatus ouddi su doalvoi.

² Mutto si vaiddegotte su, ja celkke: dam mi læp gavdnam olbmuid fillijægjen, ja gielddemen kæisari væro gæssemest, ja ječas Kristusen, go­nagassan cælkkemen.

[ 270 ]³ Mutto Pilatus sust jærai, ja celki: lækgo don dat Judalaǯai gonagas? mutto son vastedi sunji, ja celki: don cælkak dam.

⁴ Mutto Pilatus celki bajemuš papaidi ja olb­muidi: im mon gavna maidegen aššid dam olbmu duokken.

⁵ Mutto si bissu garaset vaiddemestæsek, ja celkke: son čuoǯǯaldatta olbmuid oapatedines obba Judæa mietta Galilæa rajast, gost son algeti, ja gidda dam rajai.

⁶ Mutto go Pilatus Galilæa gulai, de jærai son, lægo dat olmuš Galilæalaš.

⁷ Ja go oaǯoi i diettet son Herodes valde vu­luš læi, de vuolgati son su Herodes lusa, gutte maida ješ læi Jerusalamest dain beivin.

⁸ Mutto go Herodes oini Jesus, de šaddai son stuorra illoi; dastgo aiggai jo miela adnam læi su oaidnet, dastgo ollo son læi gullam su birra, ja doaivoi mærka sust oaidnet.

⁹ Mutto son jærai sust ollo saniguim, mutto i son vastedam sunji maidegen.

¹⁰ Mutto bajemuš papak ja čaloappavaǯak čuǯǯu, ja vaiddelegje su saggarak.

¹¹ Mutto go Herodes soattevæǥaidegsguim bilkedam ja digjedam læi su, de vilgis biftas su birra son bijai, ja vuolgati su Pilatus lusa ruogtot.

¹² De dam bæive šaddaiga Pilatus ja Hero­des ustebak guabba guiminæsga; dastgo guabba guoimes vaššalaš soi læiga auddal.

¹³ Mutto Pilatus čoakkai gočoi bajemuš pa­paid, ja oaivamuǯaid, ja olbmuid,

[ 271 ]¹⁴ ja celki sigjidi: di læppet dam olbmu muo lusa doalvvom, danen, gutte olbmuid fillijægje læ; ja gæč, sogardam læm su din guladedin, ja im gavna maidegen aššid dam olbmu duokken, man ditti di guoddelæppet su.

¹⁵ Mutto ige Herodes; dastgo vuolgatim din su lusa; ja gæč, i mikkege hægaššid sust læk dakkujuvvum.

¹⁶ De damditti rangaštastet aigom su, ja de luoitam mon su.

¹⁷ Mutto gædnegasvuotta sust læi oft olbmu sigjidi bæsstet basin.

¹⁸ Mutto obba joavkko čuorvoi, ja celki: valde dam erit, mutto bæste migjidi Barnabas.

¹⁹ — gutte giddagassi bigjujuvvum læi vuos­staihaǥo ditti, mi gavpugest dakkujuvvum læi, ja olbmugoddem ditti. —

²⁰ Pilatus čuorvoi dalle fastain sigjidi, ja viggai Jesus luoittet.

²¹ Mutto si čurvvu sunji, ja celkke! russi­navli! russinavli su!

²² Mutto goalmad gærde son sigjidi celki: maid bahaid daǥai son dalle? im mon gavna maidegen hægaššid su duokken: de damditti mon rangaštastam su, ja de luoitam su.

²³ Mutto stuorra čuorvvomin si Pilatus ba­gjeli manne, ja gaibedegje su russinavllijubmai; ja sin ja bajemuš papai bišškom vuiti.

²⁴ Mutto Pilatus dubmi, sin gaibbadus dak­kujuvvut galgai.

²⁵ Mutto son luiti sigjidi dam, gutte [ 272 ]vuosstaihaǥo ja olbmugoddem ditti giddagassi bigju­juvvum læi; mutto Jesus addi son dokko sin datosek vuollai.

²⁶ Ja go si dolvvu su erit, de si doppijegje muttom Simon Syrenest, gutte mæcest bođi, ja ruosa si su ala bigje dam Jesus maŋest guoddet.

²⁷ Mutto stuorra ædnagvuotta olbmuin ja nis­sonin čuovoi su, gutte su sikke arkalmasti ja čieroi.

²⁸ Mutto Jesus ječas jorggali sin bællai, ja celki: allet muo čiero, di Jerusalem nieidak! mutto čierrot ješječaidædek, ja din manaidædek.

²⁹ Dastgo gæč, bæivek bottek, go olmuš cælkkegoatta: audogasak šaddotæmek læk, ja hæggak, mak æi rieǥadattam, ja njiǯak, mak æi njamatam.

³⁰ De si cælkkegottek varidi: gaččat min bagjel! ja divaidi: čiekkat min!

³¹ Dastgo jos si ruonas murri nuft dakkek, mi dakkujuvvu dalle asstam murri?

³² Mutto guoft ærra værredakkek maida of­tanaǥa suin dolvvujuvuiga, hæggatuttujuvvut.

³³ Ja go si boattam legje baikkai, mi oaivve­gallobaikken goččujuvvu, de si russinavlijegje su dasa, ja værredakkid, nubbe olgiš, nubbe guoro giettabællai.

³⁴ Mutto Jesus celki: ačačam, adde sigjidi andagassi! dastgo æi si dieđe, maid si dakkek. Mutto si juoǥadegje su biftasid ja daid vuorb­badalle.

³⁵ Ja olbmuk čuǯǯu ja gæčadegje. Mutto [ 273 ]oaivamuǯak maida oftanaǥa singuim bilkedegje su, ja celkke: ærrasid son læ bæsstam, besstus son ješječas, jos son læ Kristus, dat Ibmel val­ljijuvvum!

³⁶ Mutto soatteolbmak maida bilkedegje su, loaidestegje su lusa, ja adde sunji eddik, ja celkke:

³⁷ jos don læk dot Judalaǯai gonagas, de bæste ješječčad.

³⁸ Mutto bagjelčal bigjujuvvum læi su bagjel, grekalaš ja latinalaš ja ebræalaš gilli čallujuvvum: Dat dat Judalaǯai gonagas læ.

³⁹ Mutto nubbe værredakkin, guđek harca­stuvvum læiga, bilkedi su, ja celki: lækgo don Kristus, de bæste ješječčad ja modnu.

⁴⁰ Mutto nubbe vastedi, ja cuoigoi su, ja celki: ikgo donge bala Ibmelest, go damaka duomo vuold læk?

⁴¹ Ja moi galle vuoigadvuođa mield; dastgo moi oaǯǯo, maid modnu daǥok læk ansašam; mutto dat i dakkam maidegen heivvimættom­vuođaid.

⁴² Ja son celki Jesusi: hærra, muite muo, go valddegoddassad don boađak!

⁴³ Ja Jesus sunji celki: duođai mon dunji cælkam: odna bæive don oftanaǥa muin læk paradisast.

⁴⁴ Mutto guđad boddo muddost læi, ja sævd­njadas bođi obba dam ædnam bagjel ovtsad boddo ragjai.

⁴⁵ Ja bæivaš sevdnjudi, ja auddaluovdde tempalest guovdad gaikkani.

[ 274 ]⁴⁶ Ja Jesus čuorvoi alla jenain, ja celki: ača­čam! muo vuoigŋam mon ravvim du gitti; ja go son dam celki, de addi son vuoiŋas.

⁴⁷ Mutto go soatteoaivveolmai oini, mi šad­dai, de gudnietti son Ibmel, ja celki: duođairak, dat olmuš vanhurskes læi.

⁴⁸ Ja buok olbmuk, guđek čoakkai legje boattam gæččam ditti, go si oidne, mi šaddai, de si čormadegje raddidæsek, ja jorgetegje ruoftot.

⁴⁹ Mutto buok su oappasak viek gaskast čuǯǯu; nuft maida, nissonak, guđek čuovvom legje su Galilæast, ja si oidne mi šaddai.

⁵⁰ Ja gæč, olmai, gæn namma Joseph læi, gutte digge olmai læi, šiega ja vanhurskes olmai,

⁵¹ — dat i læm mieđetam sin arvvalussi ja dakkoi; — Judalaǯai gavpugest Arimathæast, ja son maida ješ Ibmel valddegodde vurdi.

⁵² son Pilatus lusa manai, ja Jesus rub­maš anoi.

⁵³ Ja valdi dam vuolas, ja giesai dam fines line sisa, ja bijai dam havddai, mi bavte sisa roggujuvvum læi, gosa i vela oftage læm bigju­juvvum.

⁵⁴ Ja rakadusa bæivve læi, ja sabbat lakka­nišgođi.

⁵⁵ Mutto maida nissonak čuvudegje, guđek suin boattam legje Galilæast, ja si havde oidne, ja moft su rumaš bigjujuvui.

⁵⁶ Mutto si jorgetegje ruoftot, ja divras hurtasid ja vuoidasid si rakadegje, ja sabbaten si vuoiŋadegje laǥa mield.

[ 275 ]

24. Kapittal.

¹ Mutto vako algo bæive, hui arrat, de vulgge si havddai, ja divras hurtasid gudde, maid si ra­kadam legje, ja muttomak singuim manne.

² Mutto gæđge gavdne si fieraldattujuvvum havde audast erit.

³ Ja si sisa manne, ja hærra Jesus rubmaš si æi gavdnam.

⁴ Ja dappatuvui, go si dast æppadusast legje, gæč, de guoft olbmak sin lut čuoǯoiga čuvgis biftasi sist.

⁵ Mutto go si balle, ja sogjalatte muođoid­æsek ædnam guvllui, de celkiga soi sigjidi: manne occabættet di su, gutte ælla, jabmi gaskast?

⁶ I son dast læk, mutto bajasčuoǯǯelam son læ; muittet moft son digjidi sarnoi, go son ain Galilæast læi, ja celki:

⁷ Olbmu bardne færtte suddolaš olbmui gitti addujuvvut, ja russinavllijuvvut, ja goalmad bæive bajasčuoǯǯelet.

⁸ Ja si muitte su sanid.

⁹ Ja si vulgge havde lut fast, ja muittalegje buok daid saǥaid dai oft nubbe lokkasidi, ja buok ærrasidi.

¹⁰ Mutto dat Maria Magdalena læi; ja Johan­na, ja Maria Jakob ædne, ja ærra nissonak ofta­naǥa singuim, guđek apostalidi daid muittalegje.

¹¹ Ja sin sanek orru sin mielast dego dušše njalme saǥak, ja æi si jakkam sigjidi.

¹² Mutto Peter likkai bajas, ja viekkali havde lusa, ja go sisa guvli, de oini son dušše linid [ 276 ]oftonessi orromen, ja vulgi, ja vaimostes son dam ovduši, mi dappatuvvum læi.

¹³ Ja gæč, guoft sist manaiga damanaǥa bæive buttom siddi, mi gut loǥe stadiaid gukken Jerusalamest læi, man namma læi Emmaus.

¹⁴ Ja soi sarnoiga gaskanæsga buok dam, mi dappatuvvum læi.

¹⁵ Ja dappatuvui, go soi sardnomen ja arv­valæmen læiga gaskastæsga, de bođi maida Jesus ješ, ja vagjoli sodnuin.

¹⁶ Mutto sodnu čalmek dappum legje, atte æva soi dovddam su.

¹⁷ Mutto son celki sodnuidi: mak saǥaid dak de læk, maid doi maŧkest gaskastæde hallabætte, ja morrašest læppe?

¹⁸ De nubbe sodnust, gæn namma Kleophas læi, vastedi, ja sunji celki: lækgo don oft amas olmuš Jerusalamest, ja ik dieđe, mi dasa dappa­tuvvum læ dain beivin?

¹⁹ Ja son celki sodnuidi: mi dat læ? mutto soi celkiga sunji: Jesus harrai, dat nasaræalaš, gutte prophet læi, famolaš daǥoidi ja sanidi Ibmel ja buok olbmui audast.

²⁰ Ja moft bajemuš papak, ja min oaivamu­ǯak adde su jabmem duomo vuollai, ja russi­navllijegje su.

²¹ Mutto mi dam doaivost læimek, atte son de læi dat Israel lonestægje; ja odna bæivve goalmad bæivve læ, go dat dappatuvui.

²² De læk maida muttomak min nissonin suor­gatam min, go si arrat havde lut legje,

[ 277 ]²³ ja go si æi gavdnam su rubmaš, de si botte, ja celkke, atte si maida engeli oainatus oaidnam legje, guđek su ællen celkkek.

²⁴ Ja muttomak sist, guđek min lut legje, manne havde lusa, ja gavdne nuftgo nissonak legje cælkkam; mutto su æi si oaidnam.

²⁵ Ja son celki sodnuidi: voi doi jallak ja hiljan vaimolaǯak buok dasa jakket, maid prophe­tak læk cælkkam!

²⁶ Igo Kristus ferttim buok dam gillat, ja hærvasvuottasis sisamannat?

²⁷ Ja son algeti Moses rajast, ja buok pro­phetai rajast, ja buok čallagi sist sodnuidi son čilgi, mi čallujuvvum læi sust.

²⁸ Ja lakka soi bođiga dam siddi, gosa soi mannamen læiga, ja son daǥai, dego miella lifči gukkebuid mannat.

²⁹ Ja soi naggiga su sagga, ja celkiga: oro modnu lut, dastgo ækked bællai jo læ, ja bæivve nokkagoatta jo; ja son sisa manai sodnu lut orrot.

³⁰ Ja dappatuvui, čokadedines bævdest sodnu lut, de valdi son laibe, buristsivnedi ja doagjali dam, ja sodnuidi addi.

³¹ Mutto sodnu čalmek rappasegje, ja soi dov­daiga su, ja oaidnemættosen son šaddai sodnuidi.

³² Ja soi celkiga guobba guoibmasæsga: igo modnu vaibmo buollam sistame, go sarnedæmen son læi modnuidi maŧkest, ja go čielgadi mod­nuidi čallagid?

³³ Ja soi čuoǯǯeleiga damanaǥa boddost, ja macaiga Jerusalami, ja gavnaiga daid oft nubbe [ 278 ]lokkai čoakest, ja sin, guđek sin lut legje, guđek celkke:

³⁴ Hærra læ duođairakkan bajasčuoǯǯelam, ja Simonest oidnujuvvum.

³⁵ Ja soi muittaleiga, mi dappatuvvum læi maŧke ald, ja moft son dovddujuvui sodnust, go laibe son doagjali.

³⁶ Mutto go soi dam sardnomen læiga, de čuoǯoi Jesus gasko sin gaskast, ja celki sigjidi: raffhe digjidi!

³⁷ De si suorgganegje, ja balle, ja gadde vuoiŋa oaidnet.

³⁸ Ja son sigjidi celki: manne læppet di nuft suorgganam? ja manne bottek daggar jurddagak din vaimoidi?

³⁹ Gæččat muo gieđaid ja muo julgid, atte mon de læm ješ, gulddalækket muo, ja gæččat; dastgo vuoiŋast i læk oaǯǯe, æige davtek, nuftgo di oaidnebættet must læk.

⁴⁰ Ja go son dam celki, de čajeti son sigjidi gieđaides ja julgides.

⁴¹ Mutto go si æi vela jakkam ilo ditti, ja ibmaštallamen legje, de celki son sigjidi: lægo borramuš dist dast?

⁴² Mutto si adde sunji bassum guolle bittaš, ja honning gakko bittaš.

⁴³ Ja son valdi dam, ja borai dam sin oainededin.

⁴⁴ Mutto son celki sigjidi: dak de læk dak sanek, maid digjidi celkkim, go ain din lut legjim, atte buokrakkan ollašuvvut færtte, mi čallujuvvum læ must Moses laǥa ja prophetai ja salmai sist.

[ 279 ]⁴⁵ De ravasti son sin jierme, atte si arvede­gje čallagid:

⁴⁶ Ja son celki sigjidi: nuft læ čallujuvvum, ja nuft ferti Kristus gillat, ja goalmad bæive jabmi dillest bajasčuoǯǯelet,

⁴⁷ ja su nabmi sarneduvvut jorggalæbme ja suddoi andagassi addujubme buok olbmuidi, Jeru­salemest algo daǥadedin.

⁴⁸ Mutto di læppet buok dam duođaštægjek.

⁴⁹ Ja gæč, aččam loppadusa mon din bagjel vuolgatam. Mutto Jerusalem gavpugest di galg­gabættet orrot, dassači go famoin di garvotuvvu­bættet allagasast.

⁵⁰ Mutto son doalvoi sin olgus, Bethania guvl­lui; gieđaides bajasbajedi, ja buristsivnedi sin.

⁵¹ Ja dappatuvui, go son sin buristsivnedæ­men læi, de ærrani son sin lut, ja albmai son bajasmannai.

⁵² Ja si rokkadalle su, ja Jerusalami si ruoftot jorggalegje stuorra iloin.

⁵³ Ja alelessi si legje tempal sist, ja Ibmel gitte ja gudniette. Amen.