Gúlnara
Kel degen jerińe keldim, kelmediń,
Ketip qalsam, uzak kúttim dermediń.
Seni bunsha kim egledi bilmedim,
Kóp kúttirmey kel tezirek, Gúlnara.
Yadımda keshegi kel degen sóziń,
Men bilemen kelmey qalmaysan óziń.
Úmit penen qarar jolıńa kózim,
Kóp kúttirmey kel tezirek, Gúlnara.
Wádelesken waqıt baratır ótip,
Umıttıń ba turgan dostıńdı kútip.
Bulttan shıqqan ayday júziń jarq etip.
Kóp kúttirmey kel tezirek, Gúlnara.
Tursam, keshikkeniń júregimdi jep,
Kimdi kútip tursız deұshiler de kóp.
Aytaman ózimniń kútkenim bar dep,
Kóp kúttirmey kel tezirek, Gúlnara.