Gózzal qızǵa (Qayıpnazarov)
Jańa tuwǵan ayǵa megzer sırlı kózleri,
Tal shıbıqtay názik belli shiyrin sózleri,
Qasın qaǵıp júregime kettiń ot jaǵıp,
Sınǵırlaǵan kúlkin menen biylep alǵan qız.
Ay jamalıń, kórkiń meni otlarǵa salıp,
Kóz aldımda eles-eles nazlarıń qaldı,
Kózlerimnen túnler boyı uyqımdı alıp,
Gozzal húsniń qıyalımdı biylep alǵan qız.
Seni ańsap kóp qaradım baǵıp jollarda,
Kózimdi ilmey kórdim talay atqan tańlardı,
Júregimde seniń otlı kózleriń qaldı,
Nurlı kózin ıqlasımdı jeńip alǵan qız.
Qayda júrsen men izlegen gozzal dilbarım,
Bir kórinshi kúlim kaǵıp jetkerip nazdı,
Bul dúnyada ózin sherttiń kewlimnin tarın.
Júregimnen orın aldı biylep alǵan qız.