Fur di speranze, e prif d’ogni confuar
«Fur di speranze, e prif d’ogni confuart»
Fur di speranze, e prif d’ogni confuart
Colloret il tò cas è zà spedit,
Ogni tò pregio prest sarà sparit,
Se la Felicitat da te si part.
Ah! che si smembre la plui bielle part,
Ch’animave il tò cuarp chiar, e gradit;
Tu restis senze spirt, tu sès finit,
Clame pur ajut, che tu sès muart.
Oh Cil! oh Dios! mo ce fatalitat
Influiso cà j ú sui cuarps umans,
Che anchie fra ’l so sanch no è caritat.
Felicite si part, e và a Susans,
E lasse Colloret abbandonat
Cun doi toraz, e quattri barbezuans.