Ey dilbari jononim, ko‘p nozu itob etma...
Ey dilbari jononim, ko‘p nozu itob etma,
Yuz jabru jafo birlan holimni xarob etma.
Mastona ko‘zing birla qoshing qilichin tortib,
Bir-birga imo aylab, qatlimga xitob etma.
Husning haqqi, ey jonon, qilma meni ko‘p shaydo,
Ag‘yor ila may ichib, bag‘rimni kabob etma.
Dod ila fig‘onimga bo‘lgaymu qiyo boqsang,
Zor ila, ayo dilbar, hajringda azob etma.
Qonimni to‘kar bo‘lsang, ey ko‘zlari jallodim,
Qo‘y holima bir soat, o‘ymoqqa shitob etma.
La’lingni zakotidin Miskinga karam ayla,
Kelganda eshigingga sen tarki javob etma.
|
This work is first published in Uzbekistan and is now in the public domain because its copyright protection has expired by virtue of the Law of the Republic of Uzbekistan on Copyright and Related Rights, enacted 2006, amended 2021. The work meets one of the following criteria:
|
|