Etkurur ko‘nglimga olam ranju ozor, alg‘iyos...
Etkurur ko‘nglimga olam ranju ozor, alg‘iyos,
Ne iloj etkum mani ranjur nochor, alg‘iyos.
Goh hazinu, gohi malomat, goh kulfat, gohi g‘am,
Yetkurur jonimg‘a davroni sitamkor, alg‘iyos.
Bir kishi yetmas mani dil xastaning faryodig‘a,
Telmurub yig‘lab desam har lahza sadbor, alg‘iyos,
Bir g‘amimg‘a chora topmoq istasam yuz say’ ila,
Dahr etar uldam manga ming g‘am padidor, alg‘iyos.
Rozi erdim har jafo yetsa manga ag‘yordin,
Har nafas yuz javr etar man zorg‘a yor, alg‘iyos.
Alg‘iyos, ey qoziyyul-hojat, o‘zing qil yorlig‘,
Qilmadi faryodraslik kimsa izhor, alg‘iyos.
Yuklanur boshig‘a Rojiyning damodam bori g‘am,
Aylagil bir lutf ila oni sabukbor, alg‘iyos.
|
This work was published before January 1, 1929, and is in the public domain worldwide because the author died at least 100 years ago. |