Erk qumar azamatqa (Qayıpnazarov)
Erksizlikten túsip ketken eńsesi,
Kóter eńseńdi sen, tiklen azamat.
Óz eziwshisine xalıktıń hámmesi,
Qarsı kóterildi, bil sen azamat.
Qara ońı-solǵa kózińdi ashıp,
Dos penen dushpandı tanıp al anık,
Xalıq ushın sóyleseń tilden dúr shashıp,
Gúresseń, gúresti quwatlar xalıq.
Dúnya qızıq, dúnya gúres qızǵan jer,
Gúres hak is ushın, sap hújdan menen,
Erkin jasaw ushın jawlaip ypǵan er,
Gúres jeńgenińshe qas dushpan menen.
Adam tolı jumırı jer ústinde,
Ómir ushın, ólmew ushın gúres sen!
Bel buwınıp bellesiwge tústińbe?
Dushpanıńdı jerlew ushın gúres sen!