En gaujiun dles solenitês por i trëi M.R.S. Primizianć ladins
En gaujiun dles solenitês por i trëi M.R.S. Primizianć ladins Florian Palfrader, Francësch Konroter e Angelo Videsott. Ćiantia
- Söles parores dl Salmo 113, 4: Montes exultaverunt ut arietes.
N gran momënt ó la süa ciantia!
Fortuná sunse nos Ladins:
N bel trafëi dal Cil tla mantia
Onorunse te nüsc confins;
Trëi prosc fis deboriada
Dî nes mëna – de bëgns na coada.
Trëi de grazies braui Ministri
Saludunse te n colp incö;
Da saré l' infern sarái mistri
Y a daurí le Paraisc. Ci plü?
Do so ejëmpl y süa parora
Junse 'ci al monn sön bëgns a tora.
Chësc descëda gran solenités
En Marou y ta San Martin,
Ch' i fajess prësc scür a Les Antles.
Can odará te' festes le Ladin?
Viva ai trëi proi, al Palfrader –
Le nosc trafëi – Videsott Conrader.
Plan de Corones, Piz da Peres
Ëi lomina, ingherdenësc;
Corn y Pütia cun Auneres
Büsia sciöche t' ega le pësc:
Cil y tera fej a strita
Por scorné l' infern, ch' i sita.
Na parora ai Primizianc;
A Osc onur tl temporal,
Vires en Os e in tutti quanti
Del giudizio gran segnal;
Cun divin Spirit y Zelo
A nes condü, gnide, düc en Cielo.