Emancipation Anniversary Speech

Mi dier breda ah sista, mi ed kwait fulop a jai fi si aal a unu so frii ah api ya tide. Deh howaz ya ina slieb taim, wi aal afi go a di fiil fi dig kien uol ar pik kaafi ah ef wi sik Bakra flag wi fi chuu, ah no ie wen wi baal fi moersi. Bot nou no Busha kyaah kom ah jraib wi aaf go a fiil. Nou wi kiah wok wen wi laik, ah tan a yaad wen wi sik. Wi kiah bai wi uona lan, bil wi uona ous, ah go a wi uona choch.