El mè salari
SIssignor, sur Andreja,
l’è insci ! Nanca on fili...
Nè de pii, nè de men !
Sont ligaa a 1’ Ospedal
tutt el di senza aveggli
on minutt mai de ben !...
E me tocca de famm tutt i spes
cont quij porcili cent svànzegh al mes !
Vedel, donca, anca lu, el mè car scior,
se anca mi ghoo on ciccin de reson,
quand, di volt, resti li,
per di òr, gnucch, invers,
e me salta i mincion
perchè pensi a tant cruzzi,
a tant spes, per quij porcili
cent svanzegli al mes!
Ma el fastidi pù gross
che ghe sia, per mi, adess,
le indovina mai pù !
L’è de vèss relegaa chi a Pavia
per tutt l’ann, come on poer lurlurù,
de lontan di mè car milanes...
per quij porchi cent svànzegh al mes !