El Rosariu

by Jorge Suárez de la Riera

La hermosa, la fiel doncella
Más llinda que flor de Mayu
Ante quien todo empapiella
Pos la más clarina estrella
Sofre á so llumbre desmayu.
La Virxen, la que ensalzada
Fó sobre anxélicu exércitu
La en sin Ilixu inmaculada...
Más calle 'l que non ye péritu
Non diga una babayada...

Nunca pintar so guapeza
El home conseguiría
Frañiéndose la cabeza
Que todo nel ye torpeza
Pa icir quien ye María.
Aquesta xentil señora
¡ Ye tan bona, quiernos tantu !
Que pa libranos de llantu
Nin día pasa nin hora
En sin tendenos so mantu.
Siempre andevo por facer
Al home honrau y dichosu
Perlloca, y llegóse á ver
Al pié de un lleñu afrentosu
Sofrindu atroz padecer.
Un día vió perdidu
Al mundu y llocu dafecho,
Y dand' un fondu quexidu
Que taramielló so pecho
Fó al su arcón abastecidu.
De bones coses, abrió
Entró en so estoyu y sacando
La alhaxa meyor que vió
Pa hacia Dios se endereció
Y di isti modu y fó hablando.
Mira, fiu del alma, estoy
Enllena de pena y llantu
Mirando como está hoy

El mundu, y tantu querbantu
Derecha á curálu voy.
Ista alhaxa, don de afetu
Que pa Reina coronáme
Me regaló el Paracletu,
Voy dála al mundu y veráme
Con ella curá 'l so afletu.
Diói Dios á la Virxen pura
So parabién al miralla
Y al momentu á una cretura
Que l´ amaba con tenrura
Fóse con la presentalla.
Y ente rellumos de gloria
Tiendo na mano ´l distingu
« Toma ista rica memoria,
Toma y pedrica Domingu
Que ye sinu de vitoria.
Ye el rosariu, i diz, regalu
Que' l mió Amor me dió nes bodes
Con él será bonu 'l malu
Y anque´l mundu tá muy talu
Sanará sos penes todes.»
Y diói de ricos corales
Una sarta resplandiente,
Cigua contra toos los males
Con que esmesa crudamente
El democu á los mortales.
Entendió cuanto y dixera
Mingu de Dios allumau
Y en sin llevái muncha xera
Corrió con zanca lixera
Pe entre 'l probe y potentau.
Complió encargu tan brillante
Sin andar en patagüeyos
Esgañitau y costante
Y ente neños y ente vieyos
Fexo escollecha abondante.
Y Sataniques malditu
Que 'n unos diaños de herexes
Había metido so espritu
Ente gufidos y quexes
Dando´l rao se fó al percitu.

 Desde entoncenes acá
 Prebóse que ye 'l rosariu
 Un amuletu que dá
 Sosiego nisti calvariu
 Y atroca la gloria allá.
 El probe, que xime y llora
 Na miseria, si lu reza
 De la Virxen redentora
 Algama 'I bien que i' mplora
 Delixente y con presteza.
 El que na cama tendíu
 Llagau y fechu una plepa
 Tou él ye un puro quexíu
 Si á so madre tienru increpa
 Co 'l rosariu tá valíu.
 Y el pecador que doliosu
 Ente penes se ximelga
 Y en sin puntu de reposu,
 D' elles saldrá si afanosu
 Con el rosariu se fuelga.
 ¡ Ay ! Cuántes diches llogró,
 Cuántes Ilácares curó,
 Isti rosariu fecundu,
 Fexo él más bienes al mundo
 Que gotes l' orpín semó.
 Por eso en tiempos meyores
 Nunca desapartau yera
 Nin de probes nin señores,
 Y como perseu d' amores
 Tríenlu ena faltiquera.
 Y hoy que está 'l mundo más talu
 Que denyure, ¿ qué facemos ?
 ¿ Non hay modo de curálu ?
 No hay melecina pa´ l malo
 Y ansina nos morreremos ?
 Non, que la Virxen ta 'n cielo
 Y xime como ximía
 Al pié la Cruz fondu duelu,
 Y non ye utru, non, so anhelu
 Que damos pan y alegría.
 Quier que 'l rosario i recemos,
 Illa fará lo demás,

Ya entóncenes coyeremos
Vertú de que hoy carecemos
Y ceberá á maniegás.
Qué collecha fai el diañu
Desque el rosariu en olvidu
Se echó ! Yo xuro ¡ mal añu !
Non ficiés tantu sortidu
Como se rezara ogañu.
Que 'l rosariu prenda ye
Pa 'l que cabe si lu lleva
De que 'I esbarión non dé
Caendo á la fonda cueva
En que 'l malvadu se vé.
Y el que lu reza seguru
Puede andar que 'l complimientu
Fai, y que non tenga apuru
Que si aquí non tien ni un duru
Ya y dará la Virxen cientu.