Dat grote Höög- und Häwel-Book/Morgensegen för lütje Kinnderkens

Dat grote Höög- und Häwel-Book

(Naa dem Engelschen van Watts.)

Herr God, dee Du dyn Sünn verklarst
   Un uns to rechter Tyd
Dörch see Dyn hillig Lichd verwahrst
   Wyd, rund üm'n Häwen wyd!

So as see uut der Morgenpoort
   Herupstiggt hell un blank,
Un nümmers uutblivt, jümmers foort
   Schynt, heel de Weld henlang:

So lykerwys — 't is woll myn Will —
   Wäs' ook myn Daagwark dahn;
By Tyds to'm Anfang, fraam un still
   Den Weg to God to gahn!

Help, Herrgod my uut aller Nood,
   Laat my vöör Dy bestahn,
Un mynes Läwens Morgenrood
   Nich heel verlaren gahn!