Dat grote Höög- und Häwel-Book/Maleen's Antwoord

   Ick mag Dyn'n Snack van “söte Deern” woll lyden,
Man Dyn Geklöön van Bost un Selentagen,
Un denn dat leege Göör mit Pyl un Bagen,
   Will my, so geern ick't sehg, dörchuut nich glyden.

   Ick städig too, datt to gewissen Tyden,
Wenn ick Dy seh, my't upstigt ööwer'm Magen,
Man darum dröön'ck noch nich vam Himmelwagen;
   Ick denk: Wat kaam' schall kummt, wäs't ook vam wyden.

   Un hest Du Leev to my, so blyv nich sitten
By döös'gem Snack van “Oog un Gnidelsteen;”
Gah naa myn Ooldsch un bring ähr an Dyn Klöönschen,
Acht'rup vertell ähr nürig-snaaksche Döönschen,
Dee maakt, to fangen see, den besten Knütten,
   Un denn is't Dag un ick bün Dyn —

 Maleen.