Dat grote Höög- und Häwel-Book/Dat goldne A. B. C.

Dat goldne A. B. C.,
för aller Manns Kind.

Arbeid laat Dy nich verdreeten.
Bäden doh by all Dyn'm Dohn.
Christlich wäs', doh't nich man heeten.
Demood wäs' Dyn Kron un Thron.
Ehrbarkeid vöör allen Lüden,
Fründschop hoold nich ööwerall.
God mit Dy, kann nicks Dy brüden.
Hoogmood — wahr Dy! — bringt to Fall.
Jung by Jung un Oold by Oolden.
Knäp to maken wäs' Dyn Dood.
Leev versprick, man doh s' ook hoolden.
Mood is good, nich Ööwermood.
Naasnack kaam nich up Dyn' Lippen.
Ohren twee, man eenen Mund.
Peetjen Puup verbrennt syn'n Slippen.
Quaddohn lett keen Hart gesund.
Rykdaag magst Du Dy verdeenen.
Segen is en gollden Kron.
Truw by Leev, so müttst Du't meenen.
Unrechd lyden, man nich dohn.
Va'r un Moder hoold in Ehren.
Wysen Wind — jo ja, jo ja!
Zippelthränken mag sick schären.
Amen! Denk un doh darnaa!