Dò parali de prefazion
Dò parali de prefazion :
Hoo poeù pensaa che, se tutta divisa,
r Italia no l’avuu, per soa sventura,
per tucc la lingua pura,
che se parla a Fiorenza, a Sienna, a Pisa,
I’ ha però faa i dialett,
che se poden ciamà lingu anca lor,
perchè, a senti a discor on Genoves,
mi no capissi on etti
Da quest deriva che,
se nun Italian gh’emm on linguagg
per scriv e per stampa,
se servem, per parla, d’on alter,
tant el popol che i paisan.
Vun l’è fiss impietraa in del Dizionari,
e guai a chi le tocca;
l’alter, de bocca in bocca,
el gira, el cambia e l’è semper in ari.
Ma, sto ultim linguagg, l’è come fiamma
che, pussee la se moeuv, la se raviva!
L’è propi lingua viva
cont bonna part di merit de la Mamma !
No soo come la sia, ma, sto dialett,
el parlen di milion , esprimend i passion
e i sò dolor con vera poesia.