Confiteor
Sont nassuu el dì vott del mes de Luj
de l’ann mila vottcent e vintitrii
e, fors, perchè in quell mes de cald se bui,
capissi che sont no nassuu vestii
de quella tal benedetta camlsa
che fa l’omm fortunaa, anch se l’è lisa !
Difatti, fin de quand s’eri de tetta,
la mia bajla, che l’era de Gaggian,
per non lassa andà in terra la basletta,
che gh’era scarligaa foeura di man,
la m’ ha lassaa andà mi cont el eoo ingiò...
E de la botta porti el segn anmò !