Cesar, chel grant Imperador roman
Cesar, chel grant Imperator roman, Quant
che dal traditor ij fo portat
L’onorat chiaf, di lagrimis lu plat,
Bagnà par squindi miei lu cur di chian.
Filip des falsis Spagnis dur tiran
Une devote Glesie ha consacrat
A Sent Laurinz, mostrant pure pietat
Par podè squindi miei l’ anim maran.
La fabriche è ben dutte signoril;
Ma fra lis maraveis mi parè
In cheste sole havè intrigat iu pis:
Vedei inzenoglat Filip humil
In cheste glesie; mi parè vedè
Un guarp in cil e l’ anime in abis.