Brrr!... (Cantoni)
Seri adrê a visità 'n bèl palassion
tut a gran ôrnament, tut a salon:
gh'êra piêtar pressiôs, tapèd, pitur,
richèss pr'i paviment e sù pr'i mur,
e rob ad l'altar mond da chì e da lì
ca m'ivan quasi fat istupidì!
E mi pensavi: "Quand l'er abità
chissà che sfogio chi siôroni là!
E chi matronn chissà che bei vistì!
Che pèral, che brilant, e soja mi!
E insima da sti sœl tut bei lusent
chissà che pê gh'è stat, chissà che gent!"
E intant ho fat par vèrr una pôrtina...
ma brrr!.... l'ho sarà svelt, l'er la latrina!