Bir menmenge (Qayıpnazarov)
Qıyal alıp qashtıma,
Kewliń ósip tastı ma,
Bar nárseni joq deyseń,
Ya bir ǵaplet bastı ma?
Tolmaysań ba qap bolsań,
Sınbaysań ba sap bolsań,
Ókinerseń xalıńtıń,
Tarpıwına tap bolsań.
Ótirik jaylap ishińdi,
Ep-sepke salmay isińdi,
Kózińdi ashıp kara sen,
Tawıpsań oynar kisińdi.
Ádil sın — tezge salınsań,
Qazıqtay julıp alınsań,
Bul kókirekten ayrılıp,
Ózińnen óziń nalırsań.