Bichtspegel

Bichtspegel.
Dialect:	[[Dialekt:Ooldsassisch|]]
Text type:	Bichtspegel
Comment:
:

Ik giuhu goda alomahtigon fadar endi allon sīnon hêlagon uuīhethon èndi thī, godes manne, allero mīnero sundiono, thero the ik githāhta èndi gisprak èndi gideda fan thiu the ik êrist sundia uuerkian bigonsta.
Ôk iuhu ik sō huat sō ik thes gideda, thes uuithar mīneru cristinhêdi uuāri, èndi uuithar mīnamo gilôvon uuāri, èndi uuithar mīnemo bigihton uuāri, èndi uuithar mīnemo mêstra uuāri, èndi uuithar mīnemo hêrdōma uuāri, èndi uuithar mīnemo rehta uuāri.
-- Ik iuhu nīthas èndi avunstes, hètias èndi bisprākias, suèriannias èndi liagannias, firinlustono èndi mīnero gitīdio farlātanero, ovarmōdias èndi trāgi godes ambahtas, hōruuilliono, manslahtono, ovarātas èndi overdrankas; èndi ôk untīdion mōs fehoda Page in ed. Holth.: 203 èndi drank.
Ôk iuhu ik, that ik giuuīhid mōs èndi drank nithargôt, èndi mīnas hêrdōmas raka sō ne giheld, sō ik scolda, èndi mêr tèridat than ik scoldi.
iugiuhu, that ik mīnan fader èndi mōder sō ne êroda èndi sō ne minnioda, sō ik scolda, èndi ôk mīna brôthar èndi mīna suestar èndi mīna ōthra nāhiston èndi mīna friund sō ne êroda èndi sō ne minnioda, sō ik scolda.
Thes giuhu ik hluttarlīko, that ik arma man èndi ōthra èlilèndia sō ne êroda èndi sō ne minnioda, sō ik scolda.....
Ik gihôrda hêthinnussia èndi unhrênia sespilon.
Ik gilôfda thes ik gilôvian ne scolda.
Ik stal, ik farstolan fehoda, āna orlôf gaf, āna orlôf ant f eng, mênêth suōr an uuī[h]ethon, abolganhêd èndi gistrīdi an mī hadda èndi mistumft èndi avunst...
Èndi nū doͮn ik is allas hluttarlīkio mīnan bigihton goda, alomahtigon fadar, èndi allon sīnan hêlagon èndi thī, godas manna, gerno an godas uuillion te gibōtianna, èndi thī biddiu gibedas, that thū mī te goda githingi uuesan uuillias, that ik min līf èndi mīnan gilôvon an godas huldion gièndion mōti!