Biblia/Vetule Testamento/Psalmos/Psalmos 76

Psalmos

76. Deo es honorate in Juda

Le psalmista representa Deo como un potente guerrero que destrue le inimicos de Israel

¹Pro le magistro del choro. Un Salmo de Asaph. Un canto que debe esser accompaniate per instrumentos a corda. Deo es honorate^[1] in Juda; su reputation^[2] es grande in Israel. ²Ille vive in Salem; ille demora in Sion. ³Ibi ille fracassava le flechas, le scuto, le gladio, e le resto del armas de guerra. Interludio.

⁴Dum tu descende del collinas ubi tu occideva tu predas, tu resplende luminosemente e revela tu majestate. ⁵Tu spoliava le inimicos le plus defiante^[3]. Illes jace ante nos in le somno del morte. Nulle guerrero poteva levar mesmo plus un mano contra nos. ⁶Al sono de tu crito de guerra, oh Deo de Jacob, sia le cavallero que le cavallos cadeva in le somno del morte.

⁷Tu es meraviliose! Si, tu! Qui poterea resister ante tu intense ira? ⁸Del celo tu annunciava qual haberea essite lor punition. Le terra tremulava e remaneva in silentio ⁹quando Deo surgeva pro executar su judicio e pro liberar tote le opprimitos del terra. Interludio.

¹⁰Certemente tu irate judicamento super le homines va promover tu gloria^[4]: tu revela quanto extense es tu ira. ¹¹Face votos al Senior vostre Deo e compli los. Que tote illes que le circumfere^[5] porta tributos al Meraviliose. ¹²Ille fracassa le orgolio de princes, e le reges del terra le time^[6].

Notas

1. O “Deo ha facite se cognoscer a”.
2. O “nomine”.
3. O “brave”.
4. O “laudes”.
5. Probabilemente le membros del corte divin, le angelos.
6. O “le considera tremende”.