Biblia/Vetule Testamento/Psalmos/Psalmos 7

Psalmo 7

1. Composition musical per David, le qual ille ha cantate al Eterne, re Cush, le Benjaminite.

2. Oh Eternal, mi Deo, in te io ha trovate refugio. Salva me ab omne mi persecutores e libera me,

3. sinon illi me lacera in pecias como un vorante leon, illi me disrumpera in fragmentettos e nemo venira ad mi succurso.

4. Oh Eternal, mi Deo, si io ha facite lo quem illi dice, o so culpabile de actiones injuste,

5. o ha traite mi alliato, o ha adjuvate su inique inimico,

6. tunc permitte que un inimico me implacabilemente perseque e me attinge; permitte que ille me calca usque al morte e me trahe jacer dishonorate tra le pulvere.

7. Oh Eterne, in tu ira, leva te e erige te contra le furor de celles qui son mi adversarios; tu commanda que justitia sia facte!

8. Lassa le populo se colliger circa te. Regna super illes ex alto.

9. Le Eternal judicara le populos. Vindica me, oh Eterne, nam io so innocente, nam io so immaculate, oh Altissimo.

10. Ergo pone un termino al malefactos del iniquo e fortifica le justo - tu qui es juste e qui examina le pensatas e le emotiones.

11. Mi scuto es Deo Altissime. Ille salva celle qui ha pur e sincer corde.

12. Deo es un juste judice qui, cata die, face sentir su indignation verso celle qui non se repente e non retorna ad ille.

13. Le inimico affila su spatha, ille tende su arco, se prepara pro tirar su arco e mira;

14. Per curvar su arco, ille lo rende preste pro tirar. Ille prepara su mortal armas e los converte ad in sagittas flammante.

15. Ecce, le impio produce injustitia, concipe malitia e parturi mendacios.

16. Ille prepara un trappa, excavante un fossa profunde, sed tunc ille justo cade in le insidia quem ille ha facite!

17. Su malitia retorna sur su capite; su violentia recade sur su proprie cranio.

18. Io laudara le Senior pro su justitia, e cantara le nomine de Deo, le Altissimo.