Biblia/Vetule Testamento/Psalmos/Psalmos 6

Psalmo 6

1. Pro le chef del cantores. Per instrumentos con chordas. Secun le lyra con octo cordas. Psalmo de David

2. Eternal! non me reprehende in tu ira, e non me castiga in tu furor.

3. Ha misericordia re me, Eternal! nam io so debile; Sana me, Eternal! nam mi ossos son tremulante e in agonia.

4. Mi anima es in profunde angustia; e tu, Eternal! usque quando?...

5. Reveni, Eternal! libera mi anima; Salva me, ad causa de tu infallibile amor.

6. Inter le mortos, nemo proclama tu nomine. Qui te lauda ab le sepulcro del mortos?

7. Io so exhaurite per mi gemitos; Cata nocte mi lecto es bagnate per mi lacrimas, Mi divan es irrorate per mi luctos.

8. Io ha le facie usate per le tristitia; Omne celles qui me perseque face inveterar lo.

9. Remove vos ab me, vos omnes qui face le mal! Nam le Eternal audi le voce de mi lucto;

10. Le Eternal exaudi mi supplicationes, le Eternal accepta mi preces.

11. Omne mi inimicos son confuse, sasite per terror; Illi recede, e son subito coperte per vergonia.