Biblia/Vetule Testamento/Psalmos/Psalmos 48

Psalmos

48. Le Senior es magne e certo laudabile

Iste psalmo esseva appellate “Canto de Sion”, e celebra la grandessa e la gloria del Tempo de Jerusamen, ubi illo reside. Su presentia in le citate lo eleva super omne alteres e assecura su securitate..

¹Un canto. Un psalmo del descendentes de Kora. Le Senior es magne e certo laudabile in le citate de nostre Deo^[1], que sede sur su monte sancte. ²Illo es excelse e admirabile, un fonte de gaudio pro le terra integre. Le Monte Sion resimila al piccos de Zaphon: illo es le citate del grande Rege! ³Deo, in su fortalessa se faceva cognoscer como su defensor. ⁴Quia ecce, le reges del terra se congregava e univa lor fortias pro attaccar lo. ⁵Quando, tamen, illes lo videva, illes remaneva esturdite; illes esseva terrificate e fugiva. ⁶Un forte tremor les apprehendeva; illes se contorqueva in dolores como de parturiente. ⁷Con un vento oriental tu destrueva le potente naves de Tharsis. ⁸Nos audiva re le actos potente del Senior: nunc nos los vide, in le citate del Senior del universo, in le citate de nostre Deo. Deo lo ha rendite permanentemente secur. [Interludio]. ⁹In le medio de tu templo nos cogita re tu misericordia, oh Deo. ¹⁰Como tu nomine merita, oh Deo, tu essera laudate usque al confinios del terra. Tu forte mano dextere es plen de victoria. ¹¹Que se allegra le populo sur le monte Sion! Que tote le citates de Juda exulta propter tu justitia! ¹²Vade, inspecta le citate de Jerusalem! Cammina circa lo e conta le numero de su turres! ¹³Considera su defensas! Percurre su fortalessas - assi vos potera contar re illo al proxime generation! 48:14 Quia hic es Deo, nostre Deo in eterno e in le seculos del seculos, e ille nos guidara per tote nostre vitas.

Notas

1. Jerusalem.