Biblia/Vetule Testamento/Psalmos/Psalmos 109

Psalmos

109. Oh Deo, quem io lauda, non me ignorar

Appellante se al justitia de Deo, le psalmista pete a Deo de vindicar le e de facer cader un pesante judicio super su inimicos.

¹Al maestro del choro, un psalmo de David. Oh Deo, quem io lauda, non me ignora, ²quia gente malefic me dice cosas cruel e captiose: illes dice mendacios super me. ³Illes me circumfere e me dice cosas odiose; illes me attacca pro nulle ration. ⁴Illes repaga mi amor con accusationes, ma io continua orar pro illes! ⁵Illes me repaga mal pro bon, e odio pro amor.

⁶Illes dice: “Que nos trova un persona malefic^[1] que le testifica contra. Que un accusator le traina ante a un tribunal. ⁷Quando ille essera judicate, que ille sia trovate culpabile. Tunc su oration essera considerate peccaminose. ⁸Que le longor de su vita sia breve; que un altere persona assume su occupation. ⁹Que su filios deveni orphanos e su uxor un vidua. ¹⁰Que su filios vaga como mendicantes e sia ejectate ruinate de lor domo. 1¹¹Que su creditores sasi tote su substantias e que estranieros le spolia de su proprietate. ¹²Que nemo le commisera e que nemo habe compassion de su infantes private de lor patre. ¹³Que omne su descendentes mori. Que su nomine de familia sia delite in le proxime generation. ¹⁴Que le Senior nunquam oblida le peccatos de su patre; que le peccatos de su matre non sia plus oblidate. ¹⁵Que le Senior sempre se rememora de iste peccatos e que su nomine dispare ab le memoria human. ¹⁶Quia ille semper refusava miserar altere personas; ille persequeva le paupere e le necessitose, e chassava le affligite usque facer le morir. ¹⁷Ille amava maledicer altere personas: assi tal maledictiones recadeva super su capite. Ille habeva nulle desiro de benedicer altere personas: assi ille esseva private del experientia de benedictiones. ¹⁹Ille rendeva le malediction su proprie stilo de vita, tanto que maledictiones entrava in su stomacho sicut aqua e sicut oleo in su ossos. 109:19 Ora, que su maledictiones retorna e se glutina a ille qua un vestimento; que illos le sia ligate circum su corpore sicut un cinctura”.

²⁰Que le Senior repaga mi accusatores malefic, illes qui, in iste maniera, dice cosas mal a mi reguardo. ²¹Oh soveran Senior, interveni in mi favor propter tu nomine, quia suave es tu misericordia. Libera me, ²²quia io es opprimite e paupere e mi corde es vulnerate intra me. ²³Io me distinge sicut un umbra al termino del die. Io es brossate via sicut un locusta del vestimento. ²⁴Un longe jejuno debilitava mi genus e io deveniva tanto emaciate que io pare solmente pelle e ossos. ²⁵Io suffre le ignominia de omnes: quando le gente me vide illes succute lor capites con disdigno. ²⁶Adjuva me, oh Senior, mi Deo. Salva me secundo tu misericordia. ²⁷Que illes vide que mi salvation es tu obra, que tu, Senior, lo compliva. ²⁸Illes me maledice, ma tu me benedice. Quando illes me attacca, illes essera humiliate, ma tu servitor se allegrara. ²⁹Mi accusatores essera coperite de vergonia, drappate in humiliation sicut un roba.

³⁰Io regratiara le Senior profusemente, In le medio de un turba io le laudara, ³¹quia ille se pone al dextera del necessitose pro liberar le ab illes qui menacia su vita.

Notas

1. O “un peccator”.