Biblia/Vetule Testamento/Numeros/Numeros 2

Numeros

2

Disposition del campamentos

¹Le Senior parlava ancora a Moses e a Aaron. Ille diceva: ²Cata uno del Israelitas debe campar se sub su proprie standardo con le emblema de su familia^[1]; illes debe campar se a un certe distantia circum le Tenta del Incontro^[2].

Le tribos del levante

³Ora, illes qui se campara ad oriente, verso levante, es le divisiones del campamento de Juda sub lor proprie standardo. Illes essera commandate per Naasson, filio de Aminadab. ⁴Illes qui es enumerate in su division es 74.600. ⁵Juxta illes se campara le tribo de Issachar, commandate per Nathanael, filio de Suar. ⁶Illes qui es enumerate in su division es 54.400. ⁷A sequer es le tribo de Zabulon, commandate per Eliab, filio de Helon. ⁸Illes qui es enumerate in su division es 57.400. ⁹Totes illes qui es enumerate in le campamento de Juda, secundo lor divisiones, es 186.400. Illes aperira le marcha^[3].

Le tribos del meridie

¹⁰In le meridie il habera le divisiones del campamento de Ruben sub lor proprie standardo. ¹¹Illes qui es enumerate in su division es 46.500. ¹²Illes qui se campara juxta illes es le tribo de Simeon. Le commandante del tribo de Simeon es Salamiel filio de Surisaddai; ¹³Illes qui es enumerate in su division es 59.300. ¹⁴A sequer es le tribo de Gad. Le commandante del tribo de Gad es Eliasaph filio de Deuel; ¹⁵Illes qui es enumerate in su division es 46.650. ¹⁶Totes illes qui es enumerate in le campamento de Ruben, secundo lor divisiones, es 151.450. Illes vadera in secunde loco durante le marcha.

Le tribos del centro

¹⁷Deinde, le Tenta del inconro con le campamento del Levitas marchara in le medio del campamentos. Illes marchara in le mesme ordine que ille habeva quando se campava: cata uno in su proprie placia sub su proprie standardo.

Le tribos del Occidente

¹⁸In le parte occidental il habera le divisiones del campamento de Ephraim sub su proprie standardo. Le commandante del tribo de Ephraim es Elisama, filio de Ammiud. ¹⁹Totes illes qui es enumerate in su campamento es 40.500. ²⁰Juxta illes il habera le tribo de Manasse. Le commandante del tribo de Manasse es Gamaliel, filio de Phadassur. ²¹Totes illes qui es enumerate in su division es 32.000. ²²A sequer es le tribo de Beniamin. Le commandante del tribo de Beniamin es Abidan, filio de Gedeoni. ²³otes illes qui es enumerate in su divisiones es 35.400. ²⁴Totes illes qui es enumerate in le campamento de Ephraim, secundo lor divisiones, es 108.100. Illes marchara in le tertie loco.

Le tribos del nord

²⁵In le nord il habera le divisiones del campamento de Dan, sub lor proprie standardo. Le commandante del tribo de Dan es Ahiezer, filio de Ammisaddai. ²⁶Totes illes qui es enumerate in le su division es 62.700. ²⁷Illes que se campara juxta illes es le tribo de Aser. Le commandante del tribo de Aser es Phegiel, filio de Ochran. ²⁸Totes illes qui es enumerate in su divisiones es 41.500. ¹²⁹A sequer es le tribo de Nephtali. Le commandante del tribo de Nephtali es Ahira, filio de Enan. ³⁰Totes illes qui es enumerate in su divisiones es 35.400. ³¹Totes illes qui es enumerate in le campamento de Dan es 157.600. Illes marchara ultime, sub su proprie standardo.

Summario

³²Istes es le israelitas enumerate secundo lor familias. Totes illes qui es enumerate in le campamentos, secundo lor divisiones, es 603.550. ³³Ma le Levitas non esseva enumerate inter le altere Israelitas, quomodo le Senior habeva commandate a Moses.

³⁴Le Israelita faceva toto exactemente como le Senior habeva commandate a Moses; illo es le maniera que illes se campava sub lor standardos, e illo es le maniera in le qual illes marchava, cata uno con su clan e familia.

Notas

1. Litt. “casa de lor patres”.
2. O “tabernaculo”.
3. O “illes viagiara in le fronte”.