Nehemia

1

Un precaria de Nehemia

¹Istos es le parolas de Nehemia^[1], filio de Hacalia:

Il eveniva que in le mense de Kislev, in le vintesime anno^[2], io me trovava in Susa, la citadella. ²Hanani, que esseva un del mi parentes, insimul a alcun del homines de Juda, veniva a me, e io les demandava novas re le Judeos que habeva essite salvate del captivitate e re Jerusalem.

³Illes me diceva: “Le superviventes del captivitate qui vive ibi in provincia, se trova in un situation multo disgratiate e humiliante. Le muralias de Jerusalem jace in ruinas e su portas ha essite comburite”.

⁴Le triste novas que io sentiva me faceva seder plorante, e durante multe dies io esseva afflicte, digiunante e precante coram le Deo del celo. ⁵Io diceva:

“Ah, Senior Deo del celo, Deo grande e temibile! Tu custodia fidelmente le Alliantia con illes que te ama e obedi tu commandamentos. ⁶Que tu aures presta attention e que to oculos sia aperte pro audir le precaria de tu servitor. Die e nocte io te preca pro nos, le israelitas, tu servitores: recognosce le peccatos que nos committeva contra te. Io mesme e mi familia^[3] ha essite infidel a te! ⁷Nos esseva delinquente contra te e non obediva al commandamentos, al decretos e al prescriptiones que tu donava nos per medio de Moses, tu servitor. ⁸Recorda te del promissa que tu faceva a Moses: “Si vos age infidelmente, io dispergera vos intra populos estranie. ⁹Si, tamen, de vostre peccatos vos compunge e revolve vos a me, compli mi commandamentos e los pone in practica, alora mesmo si tu populo dispergite se trova in le placias le plus remote^[4], inde io colligera vos e io reconducera vos al loco que io seligeva como habitation pro mi nomine”. ¹⁰Senior, nos es tu servitores, nos es tu populo que tu liberava con grande fortia per tu mano potente. ¹¹Ah, Senior, ascolta attentivemente le precaria de tu servitor e le precarias de tu servitores que respecta tu nomine^[5]. Concede hodie successo e compassion a tu servitor ante iste homine”. In ille tempore io esseva cuppero del rege.

Notas

↑ In le Judaismo antique, Ezra e Nehemia esseva considerate un libro solmente con duo autores. Nehemia significa “le senior conforta”.
↑ In le vinteseme anno del regno del rege Antaserse.
↑ Let. “le casa de mi patre”.
↑ Let “al termino del celos”.
↑ O “vole timer”.

[1] In le Judaismo antique, Ezra e Nehemia esseva considerate un libro solmente con duo autores. Nehemia significa “le senior conforta”.

[2] In le vinteseme anno del regno del rege Antaserse.

[3] Let. “le casa de mi patre”.

[4] Let “al termino del celos”.

[5] O “vole timer”.

[1]

[2]

[3]

[4]

[5]