Jeremia

37

Introduction al evenimentos occurrite durante le regno de Zedekia

¹Zedekia, filio de Josia, succedeva a Jehoiakin, filio de Jehoiakim, qua rege de Juda. Ille esseva appunctate per Nebuchadnezzar, rege de Babylon. ²Ni ille, ni le officieros qui le serviva, ni le populo de Juda tamen, prestava ulle attention a lo que le Senior diceva per le medio del propheta Jeremia.

³Totevia, rege Zedekia mandava Jehucal, filio de Shelemia, e Zephania le sacerdote, filio de Maaseia, peter a Jeremia: “Preca le Senior nostre Deo pro nos”. ⁴Tunc Jeremia ambulava liberemente in le medio del populo: ille non ancora habeva essite imprisionate.

⁵In ille tempore le fortias babylonian habeva temporarimente suspendite lor assedio de Jerusalem. Illos se habeva retirate depost audir que le armea del pharaon Ophra habeva apparite al confinios meridional de Juda.

⁶Tunc le Senior transmitteva iste message a Jeremia: ⁷‘Isto es lo que le Senior, le Deo de Israel, dice: Le rege de Juda te mandava querer me quid es sur le puncto de evenir. Dice le: Le armea del pharaon es preste retornar in Egypto, su pais, benque illo veniva hic pro adjutar vos. ⁸Postea le fortias babylonian retornara. Illos attaccara le citate, lo capturara e lo incendiara’.

⁹Isto es lo que le Senior dice: ‘Non decipe vos mesme in pensar que le Babylonianos partiva e va lassar vos in pace. Quia illos non vadera via. ¹⁰Mesmo si vos batterea tote le fortias babylonian tanto que solmente homines vulnerate remaneva in lor tentas, illes se levarea e incendiarea iste citate!’.

Jeremia es imprisionate

¹¹Quando le armea babylonian quitava le assedio de Jerusalem proque le armea de Pharaon se approximava, ¹²Jeremia esseva sur le puncto de quitar Jerusalem e vader a in le territorio de Benjamin pro assecurar se su portion del proprietate que su parentes se habeva dividite ibi. ¹³Ille tamen, succedeva arrivar solmente al Porta de Benjamin. Ibi un officiero responsabile del guardas, appellate Irija, qui esseva le filio de Shelemia e le granfilio de Hanania, le haltava. Ille sasiva Jeremia e diceva: “Tu fugi verso le babylonianos!”. ¹⁴Jeremia respondeva: “Isto es false! Io non fugi verso le babylonianos! Io ha nulle intention de facer lo!”. Irija, tamen, non le credeva e duceva Jeremia ante le officieros. ⁵Le officieros esseva irate contra Jeremia, assi illes le faceva flagellar e le imprisionava in le domo de Jonathan, le secretario regal, que habeva essite convertite in un prision.

¹⁶Assi Jeremia esseva detenite in prision in le donjon del domo de Jonathan. Ille esseva detenite ibi pro multe dies.

¹⁷Plus tarde, rege Zedekia secretemente quereva que Jeremia esseva portate al palatio, ubi le rege le demandava: “Esque tu ha ulle message ab le Senior?”. “Si, io lo ha,” diceva Jeremia, “tu essera consignate al rege de Babylonia”.

¹⁸Alora Jeremia demandava a rege Zedekia: “Qual crimine ha io committite contra te o contra le officieros qui te servi, o contra le populo de Juda? Quare tu faceva imprisionar me? ¹⁹Ubi es nunc le prophetas que prophetisava a vos que le rege de Babylonia non haberea attaccate te o iste pais? ²⁰Nunc ergo audi, io te obsecra, domine, mi rege, e accepta mi requesta de misericordia: non me remitter al domo de Jonathan, le secretario regal. Si tu lo face, io morira ibi”. ²¹Alora rege Zedekia ordinava que Jeremia esseva committite al corte del guardas. Ille ordinava alsi que un pan le esseva date cata die ab le via del furneros, donec tote le pan del citate haberea exhaurite se. Assi Jeremia esseva retenite in le corte del guardas.

Notas