Biblia/Vetule Testamento/Chronicas/1Chronicas 11
1 Chronicas
[edit]11
[edit]David deveni rege de tote Israel
[edit]1Igitur, tote Israel se congregava in presentia de David a Hebron e le diceva: “Ecce, nos es tu carne e sanguine ipse. 2In le passato, mesmo quando Saul esseva nostre rege, tu esseva le commandante general del fortias armate de Israel. Le Senior tu Deo te habeva dicite: ‘Tu essera le pastor de Israel, mi populo; tu essera principe super illo’”[1]. 3Quando ergo tote le seniores de Israel veniva incontral le rege a Hebron, David faceva con illes un pacto a Hebron coram le Senior. Illes consecrava David rege super Israel secundo lo que le Senior habeva promittite per le medio del propheta Samuel.
David conquire Jerusalem
[edit]4Assi David e le armea integre de Israel avantiava verso Jerusalem (o Jebus, como illo soleva esser appellate). Le jebusitas esseva le habitatores original de celle terra e viveva ibi. 5Le habitantes de Jebus diceva a David: “Tu non pote invader iste placia!”. David, tamen, capturava le fortalessa de Sion, que es nunc appellate le Citate de David.
6David diceva a su truppas: “Quicunque essera le prime a attaccar le jebusitas devenira le commandante[2] general de mi armeas!”. Joab, filio de Zeruia esseva le prime a ascender ibi e attaccar - assi ille deveniva le commandante del armeas de David.
7David rendeva celle fortalessa su habitation - pro iste ration illo es appellate le Citate de David. 8Ille faceva extender le urbe circum illo, ab le terrassamentos al muralias que lo circumfereva. In le mesme tempore Joab faceva restaurar le resto de Jerusalem. 1Intertanto le poter de David deveniva semper plus grande, quia le Senior del universo esseva con ille.
Le tres guerreros le plus eminente de David
[edit]10Istes es le principes del potente guerreros de David qui, insimul a tote Israel, le adjuvava e qui le establiva rege super tote Israel, justo como le Senior habeva promittite concernente Israel. 11Isto es le lista del guerreros de David:
Jashobeam, un hacmonita, esseva principe del officieros. Ille occideva tres cento homines con su lancea in un singule battalia.
12Le proxime in le commando esseva Eleazar filio de Dodo le ahohita. Ille esseva un del tres guerreros le plus eminente. 13Ille esseva con David in Pas Dammim quando le philisteos se habeva congregate pro le battalia. In un area del campo que esseva plen de hordeo, le armea reculava ante le philisteos, 14ma pois illes se haltava in le medio de celle area. Ille lo defendeva e batteva le philisteos; le Senior le dava un grande victoria.
15Tres del trenta principes descendeva verso le precipitio roccose al cava de Adullam, durante que le armea philistee esseva campate in le vallea de Rephaim. 16In celle tempore David esseva in le fortalessa, durante que un garnison philistee esseva in Bethlehem. 17David habeva sete e diceva: “Oh si alicuno me darea un poco del bon aqua ex le puteo[3] que se trova apud le porta a Bethlehem!”. 18Ergo le Tres penetrava inter le fortias philistee e hauriva un poco de aqua ex le puteo apud le porta de Bethlehem e lo portava retro a David. David, tamen, refusava biber lo. Al contrario, ille lo effundeva qua libation al Senior, 19e diceva: “Que Deo non me permitte facer isto! Esque io deberea biber le sanguine de iste homines qui pro me poneva al hasardo lor vita?”. David habeva assi refusate de biber lo proque celle homines habeva ponite al hasardo lor vita pro portar le lo. Isto esseva un exemplo del gestas del Tres.
Le trenta guerreros le plus eminente de David
[edit]20Abishai, le fratre de Joab esseva le principe del Trenta[4]. Un vice ille empleava su lancea pro occider tres cento guerreros inimic in un singule battalia. Il esseva pro tal factos que ille deveniva tanto famose quanto le Tres. 21Abishai esseva le plus famose del Trenta e esseva lor commandante, mesmo si ille non esseva un del Tres.
22Il habeva alsi Benaia, filio de Jehoiada, un guerrero coragiose de Kabzeel. Ille faceva multe actos heroic, que includeva occider duo propugnatores de Moab. Un altere vice, in un tempore de nive, ille persequeva un leon usque a un cisterna e lo occideva. 23Un vice, armate solmente de un fuste, ille occideva un guerrero egyptian cuje statura esseva de cinque cubitos e qui esseva armate con un lancea tanto spisse quanto un trave de texitor. Benaia sasiva le lancea ab le mano del egyptiano e le occideva per illo. 24Gestas como istos rendeva Benaia tanto famose quanto le tres guerreros le plus eminente. 25Ille esseva le plus honorate membro del Trenta, ben que ille non esseva un del Tres. David le nominava capitano del guarda personal.
26Le guerreros le plus eminente de David includeva:
Asahel le fratre de Joab, Elhanan filio de Dodo, ab Bethlehem, 27Shammoth le harorita, Helez le pelonita, 28Ira, filio de Ikkesh le tekoita, Abiezer le anathothita, 29Sibbekai the Hushathite, Ilai le ahohita, 30Maharai le netophathita, Heled filio de Baanah le netophathita, 31Ithai filio de Ribai ab Gibeah in le territorio benjaminita, Benaiah le pirathonita, 32Hurai ab le valleas de Gaash, Abiel le arbathita, 33Azmaveth le baharumita, Eliahba le Shaalbonita, 34le filios de Hashem le gizonita, Jonathan filio de Shageh le hararita, 35Ahiam filio de Sakar le Hararita, Eliphal filio de Ur, 36Hepher le mekerathita, Ahijah le pelonita, 37Hezro le carmelita, Naarai filio de Ezbai, 38Joel le fratre de Nathan, Mibhar filio de Hagri, 39Zelek le ammonita, Naharai le beerothita, le scudero de Joab filio de Zeruiah, 40Ira le ithrita, Gareb le ithrita, 41Uriah le hittita, Zabad filio de Achli, 42Adina filio de Shiza le reubenita, principe del reubenitas e le trenta guerreros con ille, 43Hanan filio de Maacah, Joshaphat le mithnita, 44Uzzia le ashterathita, Shama e Jeiel, le filios de Hotham le Aroerita, 45Jediael filio de Shimri, e Joha du fratre, le tizita, 46Eliel le mahavita, e Jeribai e Joshaviah, le filios de Elnaam, e Ithmah le moabita, 47Eliel, e Obed, e Jaasiel le mezobaita.