Biblia/Nove Testamento/Hebreos/Hebreos 7
Epistola al Hebreos
[edit]Capitulo 7
[edit]Natura del sacerdotio de Melchisedech
[edit]1Iste Melchisedech esseva rege del citate de Salem e sacerdote del summe Deo. Durante que Abraham retornava a domo depost haber battite le reges, Melchisedech le incontrava e le benediceva[1]. 2Deinde Abraham prendeva le decimo de tote su butino de guerra e le dava a Melchisedech. Le nomine Melchisedech significa “rege de justitia”, e rege de Salem significa “rege de pace”. 3On sape nihil in re su patre, o re su matre, o re su genealogia; on sape nihil mesmo in re le initio o le fin de su vita. Ille remane sacerdote a perpetuitate, similemente al Filio de Deo.
4Considera igitur quanto eminente esseva iste Melchisedech! Mesmo Abraham, le eminente patriarcha de Israel, recognosceva isto del facto que ille le dava le decimo[2] de tote su butino de guerra. 5Ora, le Lege de Moses require que le sacerdotes, qui es descendentes de Levi, ha le mandato de sumer un decima ab le populo de Israel, quanquam etiam illes es descendentes de Abraham. 6Melchisedech, tamen, qui non esseva un descendente de Levi, sumeva un decima ab Abraham. E Melchisedech impartiva un benediction a Abraham, quamquam ille jam habeva recipite le promissas de Deo. 7On pote dicer sin timor de esser contradicite que le persona qui ha le facultate de impartir un benediction es plus eminente que le persona qui lo recipe. 8Le sacerdotes qui sume decimas es homines mortal, assi Melchisedech es plus eminente que illes, quia nos recipeva le testimonio que ille continua viver. 9In ultra, nos poterea dicer que mesmo iste Levitas - qui recipeva le decimas - pagava le decima a Melchisedech quando lor ancestre Abraham le pagava le decima. 10De facto, quamquam Levi non ancora esseva nate, ex le semine del qual ille proveniva, ille esseva jam in le corpore de Abraham quando Melchisedech sumeva le decima de ille.
Jesus e le sacerdotio de Melchisedech
[edit]11Si, ergo, le sacerdotio levitic, sur cuje base le populo habeva recipite le Lege, haberea potite attinger le perfection que Deo require, quare Deo necessitava establir un sacerdotio differente, con un sacerdote secundo le ordine de Melchisedech, in loco del ordine de Levi e Aaron? 12E si le sacerdotio es cambiate, le lege alsi debe esser cambiate pro permitter lo. 13Quia le sacerdote del qual nos parla pertine a un altere tribo, cuje membros nunquam serviva al altar qua sacerdotes. 14Lo que io intende dicer es que nostre Senior proveniva del tribo de Juda, e Moses nunquam mentionava sacerdotes proveniente de ille tribo. 15E amplemente manifeste es ille cambio, pois que surgeva un differente sacerdote simile a Melchisedech. 16Jesus deveniva sacerdote non gratias al requisito legal de pertiner al tribo de Levi, ma per le potentia de un vita indestructibile. 17De facto, a iste reguardo le psalmista rende iste testimonio: “Tu es sacerdote a perpetuitate secundo le ordine de Melchisedech[3]”. 18Si, le precedente mandato sacerdotal esseva ponite a parte[4] proque illo esseva inadequate e inutile. 19Quia le lege nunquam rendeva alco perfecte. Nunc, tamen, nos confide in un sperantia melior, per le qual nos pote approximar nos a Deo. 20Iste nove systema esseva establite con un juramento solemne. Le descendentes de Aaron deveniva sacerdotes sin un tal juramento. 21Ma il habeva un juramento concernente Jesus, quia Deo le diceva: “Le Senior prestava un juramento e ille non lo infringera: ‘Tu es sacerdote a perpetuitate’. 22Propter iste juramento, Jesus es le garante de iste melior pacto[5] con Deo. 23Sub le vetule systema il habeva multe sacerdotes, quia lor morte les impediva de permaner in lor officio. 24Jesus, tamen, vive eternemente: isto es le ration proque su sacerdotio es eternemente efficace[6]. 25Ecce proque ille pote salvar secur- e permanentemente tote illes qui accede a Deo per su medio: ille vive pro semper ut interceder in lor favor. 26Ille es le specie de summe sacerdote que nos necessita, quia ille es sancte, innocente, non maculate de peccato. Ille ha essite ponite a parte del peccatores e le esseva date le plus alte placia de honor in celo. 27A differentia de ille altere summe sacerdotes, ille non necessita offerer sacrificios omne die. Illes offereva iste sacrificios primo pro lor proprie peccatos e deinde pro le peccatos del populo. Jesus, tamen, lo faceva semel quando ille offereva se ipse como le sacrificio de expiation pro le peccatos del populo. 28Le lege appunctava summe sacerdotes qui esseva limitate per lor debilitate human. Depost que le lege esseva date, Deo appunctava su Filio con un juramento, e su Filio esseva rendite Summe Sacerdote a perpetuitate.