Baxıtlılarmız (Qayıpnazarov)
Biz shadlımız, biziń kewlimizde yosh,
Biz kurǵınbız, biziń waktımız da xosh.
Biz súyemiz tuwısqanlıq, doslıqtı,
Baxıtlı jaslıqtı, waqtı xoshlıqtı.
Kútá qızıq biziń kewilli ómir,
Quwanıshlı, shadlı, baxıtlı dáwir.
Qayǵımız joq, shadlıǵımız artadı,
Qızıqtırıp kewlimizdi tartadı.
Talantlı jaslarmız talpınǵan órge,
Tuwısqan doslarmız, tilekler birge.
Tiyse dushpap eger bir kúni bizge,
Toz-tozın shıǵarıp, tıǵamız górge.
Táp berse tayarmız, qaytpas kúshimiz,
Talay dushpanlardı jeńdik, jeńemiz.
Tutıssaq jıramız, basımbız jawǵa,
Tap-tayar turıppız Watan qorǵawǵa.
Qolda qarıw, astımızda arǵımaq,
Qıraǵı er turmız Watandı qorǵap.
Qanday tásil etip topılsa da jaw,
Qıyratamız, hasla jibermeymiz saw.