Ban/Gaguritan I Gusti Wayan Kaprajaya

Naskah

[ 1 ][PERPUSTAKAAN KTR.DOKBUD BALI PROP.BALI
G/VIII/13/DOKBUD]
Judul: GAG.IGST.WAYAN KAPRAJAYA
Pnj. 45 cm. lb. 3,5 cm. Jl.19 lb
Asal : Petak, Gianyar.
[᭑ 1A]
Judul: GAG.IGST.WAYAN KAPRAJAYA
Pnj. 45 cm. lb. 3,5 cm. Jl.19 lb
Asal : Petak, Gianyar. [ 2 ][᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬕᬕᬸᬭᬶᬢᬦ᭄ᬳᬶᬕᬸᬲ᭄ᬢᬶᬯᬬᬦ᭄ᬓᬧ᭄ᬭᬚᬬ᭚ᬲᬶᬗ᭄ᬕᬶᬄᬳ᭄ᬬᬂᬓᬯᬷᬰ᭄ᬯᬭ᭞ᬕᬶᬦᭂᬮᬭᬦ᭄ᬲᬂᬳ᭄ᬬᬂᬅᬚᬶ᭞ᬯᬶᬯᬶᬢᬦᬾᬗᬯᬾᬕᬶᬢ᭞ᬓᬃᬬ᭄ᬬᬢᬸᬦᬢᬦ᭄ᬧᬅᬚᬶ᭞ᬫᬦᬯᬶᬓᬶᬭᬗᬦ᭄ᬲᬫᬶ᭞ᬳᬶᬤᬭᬢᬸᬢᬸᬮᬸᬲ᭄ᬳᬲᬸᬂ᭞ᬜᭀᬓᭀᬃ
ᬦᬸᬦᬲ᭄ᬧᬲ᭄ᬯᬾᬘ᭄ᬙᬦ᭄᭞ᬫᬗ᭄ᬤᬾᬦᬾᬧ᭄ᬭᬲᬶᬤ᭄ᬥᬳᬸᬕᬶ᭞ᬩᬕ᭄ᬬᬦᬸᬮᬸᬲ᭄᭞ᬳᬧᭀᬮᬄᬲᬂᬫᬗ᭄ᬭᬸᬗ᭄ᬯ᭟ᬓᬯᬶᬢ᭄ᬢᬶᬢ᭄ᬬᬂᬗᬯᬾᬕᬶᬢ᭞ᬰᬵᬓᬓᬵᬮᬦᬾᬯᬶᬮᬗᬶᬦ᭄᭞ᬧᬤᬰᬸᬦ᭄ᬬᬮᬯᬂᬪ᭄ᬯᬦ᭞ᬯᬿᬰᬓᬧᬹᬃᬡᬫᬫᬲᬶᬤ᭄ᬥᬶ᭞ᬯᬢᬸᬕᬸᬦᬸᬂ
ᬢᬶᬩᬧᬢᬶ᭞ᬘᭀᬫᬉᬫᬦᬶᬲᬾᬧᬸᬧᬸᬢ᭄᭞ᬢᬸᬗ᭄ᬮᬾᬄᬧᬲᬄᬦᬸᬚᬸᬚᬬ᭞ᬧᭂᬧᭂᬢ᭄‌ᬭᬵᬓ᭄ᬱᬲᬦᭂᬫᭀᬦᬶᬦ᭄᭞ᬦᭀᬳᬦ᭄ᬕᬸᬭᬸ᭞ᬩ᭄ᬯᬢ᭄ᬲᭂᬩᭂᬢ᭄ᬲᬤᬬᬢᬦ᭟ᬢᬳᬸᬦ᭄ᬫᬰᬾᬳᬶᬦᬾᬯᬶᬮᬂ᭞ᬲᬶᬬᬸᬲᬗᬂᬳᬢᬸᬲ᭄ᬮᭂᬩᬶᬄ᭞ᬯᭀᬮᬸᬂ
ᬤᬰᬢᬸᬢᬸᬧ᭄ᬩᬸᬮᬦ᭄᭞ᬫᬋᬢ᭄ᬢᬶᬕᬂᬤᬰᬲᬶᬓᬶ᭞ᬧᬸᬧᬸᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬯᬶ᭞ᬲᬓᬾᬯᬦ᭄ᬢᭂᬦ᭄ᬢᬸᬦᬮᬗ᭄ᬓᬸᬂ᭞ᬳᬫ᭄ᬧᬸᬭᬬᬂᬭᬢᬸᬢᬶᬢ᭄ᬬᬂ᭞ᬧᬸᬭᬸᬦ᭄ᬦᬸᬮᬤ᭄ᬫᬶᬮᬸᬗᬯᬶ᭞ᬥᬷᬃᬖᬵᬳᬬᬸ᭞ᬲᬗᬫᬘᬳᬗᬶᬥᬸᬗᬂ᭟ᬳᬯᬶᬦᬦ᭄ᬢᬶᬢ᭄ᬬᬂᬗ

[᭒ 2A]
᭒
ᬯᭂᬤᬃ᭞ᬕᬶᬢᬘᬭᬶᬢᬧᬸᬦᬶᬓᬶ᭞ᬳᬗ᭄ᬕᬾᬦ᭄ᬰ᭄ᬭᬡᬲᬲᭂᬫ᭄ᬩᬳᬦ᭄᭞ᬭᬶᬂᬚᭃᬂᬲᬂᬫᬭᬕᬍᬯᬶᬄ᭞ᬲᬂᬲᬶᬤ᭄ᬥᬧᬸᬧᬸᬢᬶᬂᬓᬷᬃᬣᬶ᭞ᬲᬵᬓ᭄ᬱᬵᬢ᭄‌ᬘᬸᬧᬸᬢᭀᬬᬦ᭄ᬫᬥᬸ᭞ᬲᬂᬧ᭄ᬭᬲᬶᬤ᭄ᬥᬳᬫ᭄ᬭᬚᬬ᭞ᬯᬂᬧᬸᬭᬸᬱᬧᬕᭂᬄᬓᬷᬃᬣᬶ᭞ᬓᬜ᭄ᬚᭂᬂᬳᬬᬸ᭞ᬬᭀᬯᬦᬰᬰᬶᬲᬸ
ᬦᬫ᭟ᬭᬶᬂᬳᬶᬤᬢᬶᬢ᭄ᬬᬂᬗᬯᬸᬮ᭞ᬕᭂᬦᬄᬢᬶᬢ᭄ᬬᬂᬗᬦ᭄ᬢᬸᬂᬳᬸᬭᬶᬧ᭄᭞ᬫᬜᭂᬭᬳᬂᬧᬤᬾᬯᬾᬓᬦ᭄᭞ᬲᬳᬸᬤᬸᬮᬸᬃᬳᬢᬸᬃᬫᬦᬶᬲ᭄᭞ᬳᬶᬗ᭄ᬕᬶᬄᬭᬢᬸᬲᬂᬤ᭄ᬬᬄᬤᬾᬯᬶ᭞ᬤᬾᬯᬳᬬᬸᬤᬸᬭᬸᬲ᭄ᬳᬲᬸᬂ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬧᬜᬸᬧᬢᬦ᭄᭞ᬫᬗ᭄ᬤᬾᬲᬶ
ᬤ᭄ᬥᬢᬶᬢ᭄ᬬᬂᬳᬸᬭᬶᬧ᭄᭞ᬲᬶᬤ᭄ᬥᬮᬦᬸᬲ᭄᭞ᬳᬬᬄᬢᬶᬢ᭄ᬬᬂᬭᬶᬂᬳᬶᬫᬶᬭᬄ᭟ᬩᭀᬬᬚᬲᬗ᭄ᬓᬦᬶᬂᬢᬶᬢ᭄ᬬᬂ᭞ᬩᬸᬤᬸᬄᬧᬮᬶᬂᬭᬶᬂᬳᬶᬫᬡᬶᬓ᭄᭞ᬳ᭄ᬬᬂᬲ᭄ᬫᬭᬫᬗᬸᬤᬸᬳᬂ᭞ᬳᬶᬤᬯᬦ᭄ᬢᬄᬫᬦᬸᬭᭀᬦᬶᬦ᭄᭞ᬭᬶᬂᬳᬺᬤᬬᬫᬮᬶᬗ᭄ᬕᬶᬄ᭞ᬳᬦᭂᬭᬸᬲ᭄‌ᬧᬦᭀᬦ᭄ᬜᬸᬲᬸ
ᬧ᭄᭞ᬗᬯᬾᬩᬸᬤᬸᬄᬓᬲᭂᬫᬭᬦ᭄᭞ᬢᬦ᭄ᬲᬶᬤ᭄ᬥᬧᬘᬂᬢᬫ᭄ᬩᬦᬶᬦ᭄᭞ᬯᬦ᭄ᬢᬄᬭᬢᬸ᭞ᬫᬭᬕᬩᬮ᭄ᬬᬦ᭄‌ᬳᬸᬢ᭄ᬢᬫ᭟ᬤᬸᬭᬸᬲᬂᬭᬢᬸᬧᬶᬘᬬᬂ᭞ᬭᬶᬂᬓᬯᬸᬮᬦᬾᬲᬸᬩᬓ᭄ᬢᬶ᭞ᬦᬾᬧᬶᬗᬶᬢᬂᬭᬢᬸᬫᬶᬭᬄ᭞ᬲᬦᬾᬳᬚᬓ᭄ᬢᬶᬢ᭄ᬬᬂᬲᬳᬶ᭞ [ 3 ][᭒ 2B]
᭒
ᬭᬵᬳᬶᬦᬯᭂᬗᬶᬗᬱ᭄ᬝᬶᬢᬶ᭞ᬦᬸᬦᬲ᭄ᬮᬾᬤᬂᬭᬶᬂᬳᬶᬭᬢᬸ᭞ᬫᬮᬭᬧᬦ᭄ᬕᬶᬢᬲᭂᬫ᭄ᬩᬳᬦ᭄᭞ᬫᭀᬕᬶᬭᬢᬸᬫᬗᬓ᭄ᬱᬶᬦᬶᬦ᭄᭞ᬚᬤ᭄ᬫᬤᬸᬲᬸᬦ᭄᭞ᬗᬧᬾᬦᬸᬦᬲ᭄ᬓᬮᬗᭀᬦᬦ᭄᭟᭜᭟ᬳᬤᬲᬢ᭄ᬯᬦ᭄ᬜᬦᬾᬲᬸᬩ᭞ᬫᬸᬗ᭄ᬕᬄᬭᬶᬂᬩᬩᬤ᭄ᬧ᭄ᬭᬰ
ᬲ᭄ᬢᬶ᭞ᬓᬳᬶᬓᭂᬢ᭄ᬓᬳᬗ᭄ᬕᬾᬦ᭄ᬕᬶᬢ᭞ᬫᬸᬜᬶᬮᬸᬫ᭄ᬩ᭄ᬭᬄᬳᬯᭀᬃᬳᬤᬸᬓ᭄᭞ᬲᭀᬃᬲᬶᬗ᭄ᬕᬶᬄᬪᬵᬱᬫᬤ᭄ᬬ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬫᬗ᭄ᬤᬮᬾᬤᬂᬗᬫ᭄ᬧᬸᬭᬬᬂ᭟ᬕᬸᬲ᭄ᬢᬶᬯᬬᬦ᭄ᬲᬢ᭄ᬭ᭄ᬬᬚᬯ᭞ᬱᬃᬬ᭄ᬬᬯᬶᬚᬯᬗ᭄ᬰᬚᬢᬶ᭞ᬕᬸᬲ᭄ᬢᬶᬧ᭄ᬭᬯᬸᬧᬦ᭄ᬳᬶᬓᬂᬬᬬᬄ᭞ᬫ
ᬤᬕ᭄ᬭᬢᬸᬩᬮᬾᬳᬕᬸᬂ᭞ᬲᬤᬸᬭᬸᬗᬾᬓᬮᬶᬬᬸᬕ᭞ᬤᬦᬾᬫᬸᬓ᭄ᬢᬶ᭞ᬓᬚᬦᬦᬸᬭᬵᬕᬦ᭄ᬧᬜ᭄ᬚᬓ᭄᭟ᬭᬯᬸᬄᬫᬱᬓᬮᬶᬬᬸᬕ᭞ᬤᬯᭂᬕ᭄ᬧᬕᭂᬩᬸᬕᬾᬗᬸᬦᬶ᭞ᬉᬤ᭄ᬬᬦᬮᬦ᭄ᬩ᭄ᬭᬲᬶᬓ᭞ᬲᬫᭂᬢᭀᬦᬾᬧᬤᬭᬭᬸᬤ᭄᭞
ᬗᬸᬫ᭄ᬩᬭᬫᬫᬭᬄᬤᬾᬰ᭞ᬧᬤᬗᬸᬗ᭄ᬲᬶ᭞ᬗᬾᬮᬶᬗᬶᬦ᭄ᬕᭂᬦᬳᬾᬲᭀᬯᬂ᭟ᬕᬸᬲ᭄ᬢᬶᬕᭂᬥᬾᬭᬓᬳᭀᬓ᭞ᬫᬓ᭄ᬢᬓᬮᬶᬮᬶᬭᬦ᭄ᬓᭂᬭᬶᬲ᭄᭞ᬭᬶᬂᬓᬭᬗᬲᭂᬫ᭄ᬫᬕᭂᬦᬄ᭞ᬳᬶᬕᬸᬲ᭄ᬢᬶᬯᬬᬦ᭄ᬮᬸᬫᬓᬸ᭞ᬳᬜᬸᬲᬸᬧ᭄ᬳ

[᭓ 3A]
᭓
ᬮᬲ᭄ᬩᭂᬮᬜ᭄ᬘᬦ᭄᭞ᬦᬾᬦ᭄ᬢᭂᬦ᭄ᬮᬮᬶ᭞ᬧ᭄ᬬᬕᭂᬫ᭄ᬮᬦ᭄ᬓᭂᬭᬶᬲ᭄ᬩᬾᬭᬂ᭟ᬓᬶᬕᬸᬲ᭄ᬢᬶᬤᭂᬫᬂᬭᬶᬂᬧᬾᬢᬓ᭄᭞ᬕᬸᬲ᭄ᬢᬶᬓᬜ᭄ᬘᬶᬂᬫᬲᬸᬯᬶ᭞ᬭᬶᬂᬢᬵᬫ᭄ᬩᬵᬦ᭄ᬤᬦᬾᬫᬕᭂᬦᬄ᭞ᬲᬫᬶᬧᬤᬗᬸᬗ᭄ᬲᬶᬮᬸᬗ᭄ᬕᬸᬄ᭞ᬦᬾᬭᬶᬂᬩ᭄ᬮᬜ᭄ᬘᬦ᭄ᬓᬯᭂᬥᬃ᭞
ᬓᭀᬘᬧ᭄ᬫᬮᬶᬄ᭞ᬜᬸᬤᬸᬢ᭄ᬳᬮᬲ᭄ᬧ᭄ᬭᬭᬵᬕᬦ᭄᭟ᬫᬮᬶᬗ᭄ᬕᬶᬄᬦᬦ᭄ᬤᬂᬤᬸᬳ᭄ᬓᬶᬢ᭞ᬦᬗᬶᬲ᭄ᬤᬦᬾᬗᬲᬶᬄᬳᬲᬶᬄ᭞ᬓᬗᭂᬦ᭄ᬫᬭᬶᬂᬳᬗ᭄ᬕᬦ᭄ᬳᬶᬤ᭞ᬢᬺᬳᬶᬂᬳᬦᬓ᭄‌ᬫ᭄ᬭᬕᬳᬕᬸᬂ᭞ᬧ᭄ᬭᬪᬸᬍᬯᬶᬳᬶᬂᬳᬸᬢᬫ᭞ᬲᬶᬳᬶᬂᬕᬸᬫᬶ᭞ᬫ
ᬗ᭄ᬓᬶᬦ᭄ᬗᭂᬦᭂᬲ᭄ᬤ᭄ᬭᭀᬦᬶᬂᬯᬦ᭟ᬓᬸᬤ᭄ᬬᬂᬚᬦᬶᬩᬵᬦ᭄ᬫᬤᬬ᭞ᬫᬾᬄᬲᬸᬩᬧᬗᭂᬦ᭄ᬤᬦ᭄‌ᬯᬶᬥᬷ᭞ᬲᬂᬳ᭄ᬬᬂᬢᬸᬤᬸᬄᬫᬗᭂᬫ᭄ᬩᬓᬂ᭞ᬩᬬᬦᬾᬢᭀᬂᬤᬤᬶᬢᬸᬮᬸᬂ᭞ᬫᬫᬸᬓ᭄ᬢ᭄ᬬᬂᬓᬃᬫ᭄ᬫᬨᬮ᭞ᬕᬯᬾᬗᬸᬦᬶ᭞ᬲᬗ᭄ᬓᬦ᭄ᬳᬤᬦᬾᬢᬫ᭄ᬬᬂ᭟
ᬲᬧᬸᬦᬶᬓᬳᬗᭂᬦ᭄ᬳᬶᬤ᭞ᬲ᭄ᬭᬸᬧᬢᬦᬾᬦᬺᬩᭂᬲ᭄ᬫᬶᬚᬶᬮ᭄᭞ᬫᭂᬫ᭄ᬩᬄᬫᬶᬮᬶᬢᬦ᭄ᬧᭂᬕᬢᬦ᭄᭞ᬮᬦ᭄ᬢᬭᬦ᭄ᬓᬬᬸᬦᬾᬲᬸᬗ᭄ᬲᬸᬢ᭄᭞ᬳᬶᬘᬫᬭᬫᬓᬸᬯᬸᬲᬦ᭄᭞ᬢᭂᬫ᭄ᬧᬸᬄᬳᬗᬶᬦ᭄᭞ᬢᬗᬶᬲ᭄ᬳᬮᬲᬾᬗᬶᬭᬶᬗᬂ᭟ [ 4 ][᭓ 3B]
᭓
ᬲᬃᬯᬧᬓ᭄ᬱᬶᬫᬲ᭄ᬯᬭ᭞ᬳᬶᬢᬤᬳᬲᬶᬄᬫᬗᭂᬮᬶᬂ᭞ᬫᬭᬶᬩ᭄‌ᬬᬫᬜᬶᬭ᭄ᬬᬂ᭞ᬓᬶᬤᬂᬩᭀᬚᭀᬕ᭄ᬮᬦ᭄ᬓᬧᬾᬢᬸ᭞ᬳᬦᬹᬢ᭄ᬫᬩᬾᬮᬲᬸᬗ᭄ᬓᬯ᭞ᬢᬓᭂᬄᬦᬗ᭄ᬓᬶᬮ᭄᭞ᬧᬤᬦᬦ᭄ᬤᬂᬓᬤᬸᬳ᭄ᬓᬶᬢᬦ᭄᭟ᬢᬦ᭄ᬳᬸᬘᬧ᭄ᬘᬶᬭᬶᬦ᭄ᬳᬮᬲ᭄᭞ᬲᬕᬾᬢ᭄ᬳ
ᬤᬳᬦᬓ᭄ᬧ᭄ᬭᬧ᭄ᬢᬶ᭞ᬩᬮᬯᬤ᭄ᬯᬦᬾᬗᬶᬭᬶᬗᬂ᭞ᬧᬲᭂᬓ᭄ᬩᬦ᭄ᬤᬾᬰᬧᬫᬸᬘᬸᬓ᭄᭞ᬫᬗᬢᬸᬭᬶᬦ᭄ᬤᬦᬾᬩᬸᬤᬮ᭄᭞ᬢᬸᬃᬫᬫᬃᬕᬶ᭞ᬗᬸᬗ᭄ᬲᬶᬯᬯᬮᬂᬧ᭄ᬭᬤᬾᬰ᭟ᬕᭂᬦᬳᬾᬲᬦᬾᬓᬢᬶᬗ᭄ᬕᬮ᭄᭞ᬜᬩ᭄ᬭᬦ᭄ᬜᬩ᭄ᬭᬦ᭄ᬓᬢᭀᬦ᭄ᬗᭂᬦ᭄ᬤᬶᬄ᭞
ᬢᬾᬚᬕᭂᬦᬶᬲ᭄ᬨᬝᬷᬓ᭞ᬲᬯᭀᬂᬤᬾᬰᬦᬾᬫᬗ᭄ᬭᬸᬗᬸ᭞ᬳᬶᬗ᭄ᬓᬸᬧ᭄ᬗᬯᬗᬸᬦᬂᬧᬸᬭ᭞ᬕᭂᬦᬄᬰᬸᬘᬷ᭞ᬧᬮᬶᬗ᭄ᬕᬶᬄᬳᬶᬤᬪᬝᬵᬭ᭟᭜᭟ᬳᬮᬲ᭄ᬩᭂᬮᬜ᭄ᬘᬦ᭄ᬢᬶᬗ᭄ᬕᬮᬂ᭞ᬭᬶᬂᬯᬯᬮᬂᬳᬸᬘᬧᬂᬫᬗ᭄ᬓᬶᬦ᭄᭞ᬮᬶᬗ᭄ᬕᬶᬄᬤᬦᬾᬕᬸ
ᬲ᭄ᬢᬶᬯᬬᬦ᭄᭞ᬚᭂᬦᭂᬓ᭄ᬤᬦᬾᬦᬗᬸᬦ᭄ᬧᬸᬭᬷ᭞ᬧᬭᬭᬾᬜ᭄ᬘᬂᬲᬫᬶᬗᬶᬭᬶᬂ᭞ᬧᬭᬲᬦᬓ᭄ᬧᬤᬳᬶᬗ᭄ᬓᬸᬧ᭄᭞ᬢᬺᬳᬶᬂᬧᬲᭂᬓ᭄ᬲᬶᬦᬫ᭄ᬬᬦ᭄᭞ᬧᬤᬲᬸᬩᬓ᭄ᬢᬶᬫᬕᬸᬲ᭄ᬢᬶ᭞ᬧᬤᬮᬸᬮᬸᬢ᭄᭞ᬓᬲᬶᬄᬓᬸᬫᬲᬶᬄᬓ

[᭔ 4A]
᭔
ᬢᬺᬱ᭄ᬡᬦ᭄᭟ᬓᬭᬯᬲ᭄ᬭᬯᬲ᭄ᬓᬘ᭄ᬭᬶᬢ᭞ᬕᬸᬲ᭄ᬢᬶᬯᬬᬦ᭄ᬓᬢᬗ᭄ᬓᬶᬮᬶᬦ᭄᭞ᬢᭂᬤᬸᬦ᭄ᬤᬦᬾᬓᬧᬲᬫ᭄ᬯᬦ᭄᭞ᬲᬫᭂᬢᭀᬦᬾᬧᬤᬧ᭄ᬭᬧ᭄ᬢᬶ᭞ᬕᬸᬲ᭄ᬢᬶᬢᬫ᭄ᬩᬳᬦ᭄ᬫᬓᬤᬶ᭞ᬕᬸᬲ᭄ᬢᬶᬢᬮᬶᬩᭂᬂᬚᬸᬫᬸᬚᬸᬂ᭞ᬧᬶᬂᬳᬸᬗ᭄ᬓᬸᬃᬓᬶᬕᬸᬲ᭄ᬢᬶᬤᭂ
ᬫᬂ᭞ᬲᬂᬓᬧᬵᬢ᭄ᬧᬤᬫᬮᬶᬗ᭄ᬕᬶᬄ᭞ᬲᬫᬶᬳᬶᬗ᭄ᬓᬸᬧ᭄᭞ᬢᬸᬗ᭄ᬕᬶᬮ᭄ᬓᬬᬸᬦᬾᬢᬦ᭄ᬧᬮᬲ᭄᭟ᬚᬗ᭄ᬓᭂᬧ᭄ᬲᬫ᭄ᬧᬸᬦ᭄ᬭᬭᬯᭀᬲᬦ᭄᭞ᬧᬘᬂᬗ᭄ᬯᬗᬸᬦᬂᬧᬮᬶᬗ᭄ᬕᬶᬄ᭞ᬧᬗᬬᭂᬂᬳᬶᬤᬪᬝᬵᬭ᭞ᬳᬶᬤᬤᬍᬫ᭄ᬦᬣᬾᬂᬳᬚᬶ᭞
ᬲᬂᬲᬵᬫ᭄ᬧᬸᬦ᭄ᬫᭀᬮᬶᬳᬶᬂᬮᬶᬗ᭄ᬕᬶᬄ᭞ᬳᬸᬫᭀᬭᬶᬂᬳᬶᬤᬳ᭄ᬬᬂᬯᬶᬱ᭄ᬡᬸ᭞ᬳᬶᬤᬧᬢᬹᬢ᭄ᬓᬳᬱ᭄ᬣᬯ᭞ᬜᬩ᭄ᬭᬦ᭄ᬜᬩ᭄ᬭᬦ᭄ᬓᬳᬱ᭄ᬣᬶᬢᬶ᭞ᬫᭀᬕᬶᬳᬲᬸᬂ᭞ᬗᬶᬘ᭄ᬙᬾᬦᬶᬦ᭄ᬯᬭᬦᬸᬕ᭄ᬭᬳ᭟ᬳᬧᬂᬳᬶᬤᬫᬗᬸᬤᬸᬳᬂ᭞ᬳᬦᬧᬭ
ᬳᬃᬬ᭄ᬬᬤᬶᬦᬶ᭞ᬫ᭄ᬯᬂᬧᬲᭂᬓ᭄ᬮᬦ᭄ᬩᬦ᭄ᬤᬾᬱ᭞ᬳᬶᬤᬜᬦ᭄ᬤᬂᬲᬸᬂᬲᬸᬂᬲᬳᬶ᭞ᬧᬸᬦᬶᬓᬤᬕᬶᬂᬜᬲᬫᬶ᭞ᬚᬗ᭄ᬓᭂᬧ᭄‌ᬭᬯᭀᬲᬾᬲᬮᬸᬂᬮᬸᬂ᭞ᬧᬭᬯᬤ᭄ᬯᬫᬗᬶᬭᬶᬗᬂ᭞ᬓᬸᬗ᭄ᬕᬳᬂᬧ᭄ᬬᬕᭂᬫ᭄ᬧ᭄ᬭᬰᬵᬱ᭄ᬣᬶ᭞ᬲᬶᬦᬄ [ 5 ][᭔ 4B]
᭔
ᬲᬵᬫ᭄ᬧᬸᬦ᭄᭞ᬫᬗ᭄ᬤᬲᬫᬶᬧᬯᬶᬓᬦ᭄᭟ᬲᬢᬺᬳᬦ᭄ᬓᬶᬧᬲᭂᬓ᭄ᬲᬧ᭄ᬢ᭞ᬫ᭄ᬯᬂᬯᬃᬕᬧᬸᬮᬰᬭᬷ᭞ᬯᭂᬦᬂᬤᬤᬶᬧᬜᬭᬶᬓᬦ᭄᭞ᬗᬶᬭᬶᬂᬤᬦᬾᬧᬭᬕᬸᬲ᭄ᬢᬶ᭞ᬯᭂᬦᬂᬫᬫᬸᬧᬸᬢᬂᬳᬘᬶ᭞ᬯᭂᬦᬂᬤᬦᬾᬫᬸᬗ᭄ᬕᬄᬢᭂᬤᬸᬦ᭄᭞ᬜᬗ᭄ᬓᬸᬮ᭄ᬧᬸᬢᬶᬄ
ᬫᬧᭀᬤ᭄ᬕᬮ᭞ᬗᬶᬭᬶᬂᬧᬓᬬᬸᬦᬦ᭄‌ᬯᬶᬥᬷ᭞ᬢᬢᬲ᭄ᬲᬵᬫ᭄ᬧᬸᬦ᭄᭞ᬲᬸᬭᬢᬶᬂᬢᭂᬫ᭄ᬩᬕᬯᬰ᭟ᬤᬍᬫ᭄ᬮᬕᬳᬦ᭄ᬫᬧᬭᬩ᭄᭞ᬓᬳ᭄ᬬᬗᬦ᭄ᬕᭂᬦᬄᬗᬱ᭄ᬣᬶᬢᬶ᭞ᬳᬗ᭄ᬕᬾᬦ᭄ᬧᬢᬶᬗᭂᬢ᭄ᬭᬶᬂᬫᬦᬄ᭞ᬲᬲᬵᬫ᭄ᬧᬸᬦ᭄‌ᬬᬸᬤ᭄ᬥᬦᬾᬗᬸᬦᬶ᭞
ᬩ᭄ᬭᬲᬶᬓᬉᬤ᭄ᬬᬦᬧᬸᬭᬷ᭞ᬫᬋᬧ᭄‌ᬳᬃᬬ᭄ᬬᬓᬚᬓᬯᬸᬄ᭞ᬲᬵᬫ᭄ᬧᬸᬦ᭄ᬲᬫᬶᬓᬧᬶᬤᬃᬣ᭞ᬓᬤᬶᬫᬸᬗ᭄ᬕᬄᬭᬶᬂᬧ᭄ᬭᬰᬵᬲ᭄ᬢᬶ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬓᭂᬘᬧ᭄ᬩᬯᭀᬲᬾᬭᬶᬂᬩᬩᬤ᭄᭟ᬓᬘ᭄ᬭᬶᬢᬲᬶᬦᬸᬭᬵᬢ᭄ᬫᬸᬯᬄ᭞ᬳᬶᬤᬾᬯ
ᬳᬩᬲᬦ᭄‌ᬗᬸᬦᬶ᭞ᬮᬭᬸᬢ᭄ᬗᬮᬾᬃᬓᬯᬸᬳᬂ᭞ᬧᬭᬭᬾᬜ᭄ᬘᬂᬲᬫᬶᬗᬶᬭᬶᬂ᭞ᬕᬸᬲ᭄ᬢᬶᬯᬬᬳᬦ᭄ᬓᬶᬦᬧ᭄ᬢᬶ᭞ᬫᬶᬫᬶᬢᬦᬾᬲᬶᬤ᭄ᬥᬧᬗ᭄ᬕᬸᬄ᭞ᬭᬶᬂᬳᬸᬫᬄᬍᬢ᭄ᬚᭂᬦᭂᬓ᭄ᬲᬶᬭ᭞ᬢᬸᬭᬶᬂᬲᬵᬫ᭄ᬧᬸᬦ᭄ᬦᬗᬸᬦ᭄ᬧᬸᬭᬷ᭞ᬧᬤᬳᬶᬕᬸ

[᭕ 5A]
᭕
ᬫ᭄᭞ᬗ᭄ᬯᬗᬸᬦ᭄ᬓᬳ᭄ᬬᬗᬦ᭄ᬳᬶᬭᬶᬓ᭟ᬫᬍᬢ᭄ᬕᭂᬤᬾᬧᬦᬢᬭᬦ᭄᭞ᬧᬗᬱ᭄ᬣᬯᬵᬦ᭄ᬲᬂᬳ᭄ᬬᬂᬯᬶᬥᬶ᭞ᬫᬶᬯᬄᬤᬾᬯᬪᬝᬵᬭ᭞ᬓᬲᬸᬗ᭄ᬓᭂᬫᬶᬦ᭄ᬲᬋᬂᬲᬫᬶ᭞ᬓ᭄ᬭᬫᬤᬾᬰᬦᬾᬫᬜᬶᬯᬶ᭞ᬤᬾᬯᬳᬩᬲᬦ᭄ᬧᬫᬸᬘᬸᬓ᭄᭞ᬲᬦᬓ᭄‌ᬭᬾ
ᬜ᭄ᬘᬂᬫᬓᬩᬾᬳᬦ᭄᭞ᬦᬶᬢ᭄ᬬᬫᬗᬢᬸᬭᬂᬳᬘᬶ᭞ᬫᬾᬕᬶᬳᬲᬸᬂ᭞ᬳᬶᬤᬪᬝᬵᬭᬲᬲᬸᬳᬸᬦᬦ᭄᭟ᬲᬸᬯᬾᬳᬶᬤᬾᬯᬳᬩᬲᬦ᭄᭞ᬚᭂᬦᭂᬓ᭄‌ᬭᬾᬜ᭄ᬘᬗᬾᬫᬗᬶᬭᬶᬂ᭞ᬯᬾᬦ᭄ᬢᭂᬦ᭄ᬲᬢᬸᬲ᭄ᬧᭂᬢᬂᬤᬰ᭞ᬲᬫᬶᬲᬸ
ᬢᬶᬦ᭄ᬤᬶᬄᬫᬕᬸᬲ᭄ᬢᬶ᭞ᬩᬬᬸᬂᬩᭀᬜᭀᬄᬲᭂᬓᬃᬤᬤᬶ᭞ᬲᬫ᭄ᬬᬦ᭄ᬧᬤᬲᬕᬸᬮᬸᬓ᭄᭞ᬤᬺᬤᬲᬸᬩᬓ᭄ᬢᬶᬗᬯᬸᬮ᭞ᬗᬶᬭᬶᬂᬲᬧᬶᬢᬸᬤᬸᬄᬕᬸᬲ᭄ᬢᬶ᭞ᬚᭂᬦᭂᬓ᭄ᬲᬵᬫ᭄ᬧᬸᬦ᭄᭞ᬳᬮᬲ᭄ᬩᬶᬦᬯᬓᬭᬩᬲ᭄᭟ᬲᬂᬦᬵᬣᬫᬤ᭄ᬬᬦᬵᬕ
ᬭ᭞ᬗᬭᬸᬗᬸᬳᬶᬦ᭄ᬤᬶᬓᬾᬲᬫᬶ᭞ᬕᭂᬮᬶᬲ᭄ᬳᬶᬤᬫᬧᬸᬢᬸᬲᬦ᭄᭞ᬫᬗ᭄ᬤᬤᬾᬳᬩᬲᬦ᭄ᬢᬗ᭄ᬓᬶᬮ᭄᭞ᬲᬂᬓᬤᬯᬸᬳᬶᬦ᭄ᬫᬫᬃᬕ᭄ᬕᬶ᭞ᬫᬜ᭄ᬚᬶᬂᬚᭂᬭᭀᬧᬸᬭᬶᬳᬕᬸᬂ᭞ᬳᬢᬓ᭄ᬯᬦ᭄ᬲᬶᬭᬲᬂᬦᬵᬣ᭞ᬧᬲᭂᬓ᭄ᬓᬶᬢᬯᬯᬸᬧ᭄ᬭᬧ᭄ᬢᬶ᭞ᬯᬭᬄ [ 6 ][᭕ 5B]
᭕
ᬳᬓᬸ᭞ᬳᬧᬕᬯᬾᬲᬶᬭᬭᬶᬂᬳᬮᬲ᭄᭟ᬫᬵᬢᬸᬃᬓᬶᬩᬦ᭄ᬤᬾᬱᬭ᭄ᬯ᭞ᬳᬢᬸᬭᬾᬳᬤᬸᬮᬸᬃᬩᬓ᭄ᬢᬶ᭞ᬢᬶᬢ᭄ᬬᬂᬗᭂᬦ᭄ᬢᭂᬩ᭄‌ᬗ᭄ᬭᬩᬲ᭄ᬯᬦ᭞ᬳᬧ᭄ᬢᬶᬦ᭄ᬢᬶᬢ᭄ᬬᬂᬗᬯᬾᬘᬭᬶᬓ᭄᭞ᬧᬦᭂᬕᬮᬦ᭄ᬲᬯᭀᬂᬣᬦᬷ᭞ᬧᬜ᭄ᬚᬓ᭄
ᬤ᭄ᬭᬸᬯᬾᬦ᭄ᬳᬶᬭᬢᬸ᭞ᬓᬧᬶᬗᭀᬦ᭄ᬳᬶᬤᬲᬂᬦᬵᬣ᭞ᬢᬸᬳᬸᬧᬲᭂᬓ᭄ᬰᬓ᭄ᬢᬶᬭᬶᬭᬶᬄ᭞ᬯᬦᬶᬦᭂᬫ᭄ᬧᬸᬃ᭞ᬳᬮᬲ᭄ᬢᭂᬗᭂᬢ᭄ᬓᬩᬶᬦᬯ᭟ᬮᬄᬢᬸᬮᬸᬲᬦᬳᬗ᭄ᬭᬩᬲ᭄᭞ᬗᬸᬮᬸᬦ᭄ᬫᬗ᭄ᬓᬾᬗᬮᬸᬕ᭄ᬭᬳᬶᬦ᭄᭞ᬫᬸᬯᬄᬗ᭄ᬳᬸᬮᬸᬦ᭄ᬫᬯᬾᬄ
ᬪᬱ᭞ᬧᬲᭂᬓ᭄ᬢᭂᬩᬸᬯᬦᬦᬾᬤᬤᬶ᭞ᬩᬦ᭄ᬤᬾᬰᬳᬩᬲ᭄ᬓᬂᬳᬭᬶ᭞ᬢᬺᬳᬶᬂᬓᬶᬢᬲᬢᬸᬳᬸ᭞ᬤᬤᬶᬢᭂᬩᬸᬯᬦᬳᬩᬲ᭄᭞ᬢᬸᬳᬸᬲᬶᬭᬩᬦ᭄ᬤᬾᬰᬚᬢᬶ᭞ᬜᬸᬫ᭄ᬩᬄᬫᬵᬢᬸᬃ᭞ᬧᬲᭂᬓ᭄‌ᬭ᭄ᬯᬫᬗᬶᬭᬶᬗᬂ᭟ᬦᭂᬗ
ᬓᭂᬦᬇᬓᬂᬓᬣ᭞ᬩᬩᬮᬂᬩᬯᭀᬲᬂᬫᬮᬶᬄ᭞ᬮᬶᬗ᭄ᬕᬶᬄᬤᬦᬾᬕᬸᬲ᭄ᬢᬶᬯᬬᬦ᭄᭞ᬳᬶᬗ᭄ᬓᬸᬧ᭄ᬲᬫᭂᬢᭀᬦᬾᬲᬫᬶ᭞ᬲᬮᬶᬂᬳᬲᬄᬲᬮᬶᬂᬳᬲᬶᬄ᭞ᬲᬸᬰᬷᬮᬥᬃᬫ᭄ᬫᬓᬕᬶᬦᬸᬂ᭞ᬕᬸᬲ᭄ᬢᬶᬯᬬᬦ᭄ᬗᬮᬧ᭄ᬧ᭄ᬭᬶ

[᭖ 6A]
᭖
ᬬ᭞ᬲᬦᬾᬳᬶᬲ᭄ᬢ᭄ᬭᬶᬳᬬᬸᬍᬯᬶᬄ᭞ᬧᬤᬳᬦᬹᬢ᭄᭞ᬲ᭄ᬫᬭᬭᬢᬶᬄᬬᬦ᭄ᬳᬸᬧᬫ᭟᭜᭟ᬤᬯᬸᬄᬓᬮᬶᬄᬫᭂᬤᬮ᭄ᬤᬦᬾᬕᬸᬲ᭄ᬢᬶᬯᬬᬦ᭄᭞ᬲᭂᬫᬸᬕᬃᬕᬶᬢᬳᬧᭂᬓᬶᬓ᭄᭞ᬤᬸᬫᬶᬮᬄᬯᬃᬡᬳᬗ᭄ᬕ᭞ᬢᬦ᭄ᬧᬾᬦ᭄ᬤᬄᬕᬶᬭᬶ
ᬦᬵᬣ᭞ᬮᬸᬯᬶᬃᬇᬦ᭄ᬤ᭄ᬭᬫᬜᬺᬯᬤᬶ᭞ᬳᬗᭀᬩ᭄ᬲᬂᬗᭂᬢᭀᬦ᭄᭞ᬓᬳᬸᬢ᭄ᬢᬫᬦ᭄‌ᬯᬗ᭄ᬕᬵᬤᬶ᭟ᬳᬩ᭄ᬭᬫᬸᬭᬸᬩ᭄ᬧ᭄ᬭᬪᬯᬦᬾᬢᬦ᭄ᬧᬧᬤ᭞ᬢᬸᬳᬸᬲᬢ᭄ᬭᬶᬬᬲᬸᬚᬢᬶ᭞ᬓᬵᬮᬦᬦ᭄ᬤᬂᬧᬳ᭄ᬬᬲ᭄᭞ᬜᬸᬗ᭄ᬓᭂᬮᬶᬲ᭄ᬓᭂᬭᬶ
ᬲ᭄ᬓᬮᬶᬮᬶᬭᬦ᭄᭞ᬳᬧᬧᭂᬢᭂᬢ᭄‌ᬧᬾᬃᬫᬲ᭄ᬯᬶᬮᬶᬲ᭄᭞ᬓᬫ᭄ᬧᬸᬳᬾᬳᬶᬚᭀ᭞ᬮᬜ᭄ᬘᬶᬗᬦ᭄ᬫᬧᬶᬮ᭄ᬧᬶᬮ᭄ᬳᬲ᭄ᬭᬶ᭟ᬧᭂᬧᭂᬓ᭄ᬧᭂᬦᬸᬄᬳᬶᬭᬶᬓᬭᬶᬂᬧᬦᬗ᭄ᬓᬶᬮᬦ᭄᭞ᬓᬶᬕᭂᬤᬾᬧᬸᬮᬲᬭᬷ᭞ᬲᬳᬳᬶᬩᬦ᭄ᬤᬾᬰ᭞ᬧ᭄ᬭᬬᬢ᭄ᬦ
ᬫᬗᬶᬭᬶᬗᬂ᭞ᬦᬢᬓ᭄‌ᬯᬘᬦᬦ᭄ᬓᬶᬬᬬᬶ᭞ᬧᬭᬓᬯᬸᬮ᭞ᬲᭂᬲᭂᬓ᭄ᬧᭂᬦᬸᬄᬧᬤᬗᬶᬭᬶᬂ᭟ᬭᬶᬓᬵᬮᬳᬾᬕᬃᬕᬃᬚ᭄ᬚᬶᬢᬭᬶᬂᬧᬲᬫ᭄ᬯᬦ᭄᭞ᬳᬦᬳᬸᬢᬸᬲᬦ᭄ᬧ᭄ᬭᬧ᭄ᬢᬶ᭞ᬭᬯᬸᬄᬕᬕᬶᬸᬲᬶᬸᬕᬾᬲᭀᬦᬦ᭄᭞ [ 7 ][᭖ 6B]
᭖
ᬲᬓᬶᬂᬫᬤ᭄ᬬᬦᬵᬕᬭ᭞ᬧ᭄ᬭᬬᬫᭂᬤᭂᬓ᭄ᬫᬦᬗ᭄ᬓᬶᬮ᭄᭞ᬭᬶᬂᬳᬚᭂᬂᬳᬶᬤ᭞ᬕᬸᬲ᭄ᬢᬶᬯᬬᬦ᭄ᬢᬦ᭄ᬫᬭᬶ᭟ᬧ᭄ᬭᬬᬓᬵᬢᬸᬃᬫᬗ᭄ᬤᬤᬦᬾᬗᬧᬸᬭ᭄ᬬᬂ᭞ᬩᬾᬜ᭄ᬚᬂᬳᬾᬜ᭄ᬚᬶᬂᬤᬶᬕᬢᬶ᭞ᬧᬗᬦ᭄ᬤᬶᬓᬦ᭄ᬳᬶᬤ᭞ᬤᬾᬯᬕᬸᬂᬭᬶᬂᬫ
ᬤ᭄ᬬᬦᬵᬕᬭ᭞ᬤᬶᬕᭂᬮᬶᬲ᭄‌ᬕᬸᬲ᭄ᬢᬶᬫᬦᬗ᭄ᬓᬶᬮ᭄᭞ᬳᬢᬸᬃᬲᬂᬥᬹᬢ᭞ᬩᬯᭀᬲ᭄ᬳᬶᬤᬩᭀᬩᭀᬢ᭄ᬕᬢᬶ᭟ᬦᬄᬓᭀᬘᬳᬶᬳᬸᬢᬸᬲᬦ᭄ᬳᬶᬤᬲᬂᬦᬵᬣ᭞ᬳᬢᬸᬭᬂᬭᬶᬂᬦᬵᬣᬾᬂᬳᬚᬶ᭞ᬕᭂᬮᬄᬢ᭄ᬯᬭᬢᭂᬫ᭄ᬧᬮ᭄᭞ᬫ
ᬦᬶᬕᭂᬮᬄᬧᬲᭂᬫᭂᬗᬦ᭄᭞ᬧᬘᬂᬢᬗ᭄ᬓᬶᬮ᭄ᬓᬧᬸᬭᬶ᭞ᬳᬶᬓᬂᬧᬸᬢᬸᬲᬦ᭄᭞ᬧᬫᬶᬢ᭄ᬜᬸᬫ᭄ᬩᬄᬢᬸᬃᬫᬯᬮᬶ᭟᭜᭟ᬩᬾᬜ᭄ᬚᬂᬲᭂᬫᭂᬂᬕᬸᬲ᭄ᬢᬶᬯᬬᬦ᭄᭞ᬓᬾᬭᬶᬂᬧᬲᭂᬓ᭄ᬮᬦ᭄ᬧᬸᬮᬲᬭᬶ᭞ᬢᬗ᭄ᬓᬶᬮ᭄ᬤᬦᬾᬗᬧᬸᬭ᭄ᬬᬂ᭞ᬧᬫᬃᬕ᭄ᬕᬶ
ᬦᬾᬲᬤᬕᬶᬲᬸ᭞ᬓᬾᬫᬦ᭄ᬤᬦᬾᬬᬦ᭄ᬓᬲᬾᬧᬦ᭄᭞ᬕᬗ᭄ᬲᬃᬕᬢᬶ᭞ᬦᬧᬓ᭄ᬭᬶᬂᬫᬤ᭄ᬬᬦᬵᬕᬭ᭟ᬲᬂᬦᬵᬣᬭᬶᬂᬧᬲᬾᬪᬵᬦ᭄᭞ᬲᬳᬭᬵᬓ᭄ᬭ᭄ᬬᬦ᭄ᬢᬡ᭄ᬥᬫᬦ᭄ᬢ᭄ᬭᬷ᭞ᬧᬺᬩᭂᬓᭂᬮ᭄‌ᬮᬦ᭄ᬧᬸᬗ᭄ᬕᬯ᭞ᬧᬡ᭄ᬥᬶᬢᬮᬦ᭄ᬧᬭᬳᭂ

[᭗ 7A]
᭗
ᬫ᭄ᬧᬸ᭞ᬓᬭᬶᬤᬦᬾᬕᬸᬲ᭄ᬢᬶᬯᬬᬦ᭄᭞ᬤᬸᬭᬸᬂᬧ᭄ᬭᬧ᭄ᬢᬶ᭞ᬓᭂᬫᭀᬳᬶᬩᬚ᭄ᬯᬦᬢᬲᬂ᭟ᬤᬶᬚᬩᬘᬳᬶᬧᭂᬤᬲᬂ᭞ᬫᬶᬭᬶᬩ᭄‌ᬬᬲᬸᬩᬧ᭄ᬭᬧ᭄ᬢᬶ᭞ᬧᬗᬦ᭄ᬤᬶᬓᬦ᭄ᬳᬶᬤᬲᬂᬦᬵᬣ᭞ᬲᬂᬓᭀᬢᬸᬲ᭄ᬕᭂᬮᬶᬲ᭄ᬮᬸᬫᬓᬸ᭞ᬕᬸᬲ᭄ᬢᬶᬯᬬᬦ᭄ᬲᬵ
ᬫ᭄ᬧᬸᬦ᭄ᬦᬧᬓ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬭᬭᬶᬲᬂᬕᬸᬲ᭄ᬢᬶᬗᬧᬸᬭ᭄ᬬᬂ᭟ᬲᬓᬶᬂᬤᭀᬄᬳᬗ᭄ᬮᬸᬗᬗ᭄ᬕ᭞ᬲᭀᬢᬦᬶᬂᬤᬦᬾᬫᬦᬗ᭄ᬓᬶᬮ᭄᭞ᬫᬵᬦᬹᬢᬶᬂᬥᬃᬫ᭄ᬫᬰᬲᬦ᭞ᬭᬶᬂᬳᬚᭂᬂᬳᬶᬤᬲᬂᬧ᭄ᬭᬪᬸ᭞ᬢᬢᬰᬷᬮᬫᬦᬹᬢ᭄ᬘᬭ᭞ᬫᬗᬜ᭄ᬚᬮᬶ᭞
ᬗᬳᭂᬤ᭄ᬗᬲᭀᬃᬦᬸᬦᬲ᭄ᬮᬸᬕ᭄ᬭ᭟ᬲᬂᬧ᭄ᬭᬪᬸᬮᬾᬤᬂᬫᬜᬶᬗᬓ᭄᭞ᬭᬭᬶᬲ᭄ᬳᬶᬤᬗᬫᬭᬦᬶᬦ᭄᭞ᬗᬫ᭄ᬩᭂᬮ᭄ᬩᬯᬸᬢᬸᬃᬫᬦᬦ᭄ᬤᬦ᭄᭞ᬫᬳᬶᬕᬸᬲ᭄ᬢᬶᬤᬶᬦᬶᬮᬓᬸ᭞ᬳᬚᬓ᭄ᬩᭂᬮᬶᬚ᭄ᬯᬫᬦᭂᬕᬓ᭄᭞ᬲᬂᬗᭂᬢᭀᬦᬶᬦ᭄᭞ᬓᬗᭂᬦ᭄ᬭᬶᬂᬲᬂ
ᬯᬯᬸᬧ᭄ᬭᬧ᭄ᬢ᭟ᬲᬂᬧ᭄ᬭᬪᬸᬫᬯᬘᬦ᭞ᬧᬭᬭᬓ᭄ᬭ᭄ᬬᬦ᭄ᬢᬡ᭄ᬥᬫᬦ᭄ᬢ᭄ᬭᬷ᭞ᬧᬸᬗ᭄ᬕᬯᬫᬜ᭄ᬘᬦᬵᬕᬭ᭞ᬫᬓᬤᬶᬦ᭄ᬜᬧᬭᬯᬶᬓᬸ᭞ᬧᬺᬩᭂᬓᭂᬮ᭄ᬮᬦ᭄ᬩᬦ᭄ᬤᬾᬰ᭞ᬦᬄᬦᬾᬚᬦᬶ᭞ᬭᬸᬗᬸᬦᬶᬭᬫᬯᬘᬦ᭟ᬬᬦ᭄ᬩᬸᬯᬢ᭄ᬧᬳᬶᬤᭂᬧ᭄ᬕᭂᬮᬄ᭞ [ 8 ][᭗ 7B]
᭗
ᬗᬯᬾᬲᬸᬢᬺᬧ᭄ᬢᬶᬦᬶᬂᬕᬸᬫᬶ᭞ᬤᬶᬦᬶᬤᬶᬫᬤ᭄ᬬᬦᬵᬕᬭ᭞ᬮᬭᬧᬦᬾᬳᬧᬂᬳᬶᬗ᭄ᬓᬸᬧ᭄᭞ᬢᬸᬲᬶᬂᬳᬤᬤᬹᬭᬵᬘᬭ᭞ᬫᬸᬲᬸᬄᬕᬸᬫᬶ᭞ᬳᬶᬤᭂᬧ᭄ᬧᬜ᭄ᬚᬓᬾᬩᭂᬲᬶᬓᬂ᭟ᬳᬦᬾᬚᬦᬶᬳᬶᬤᭂᬧ᭄ᬕᭂᬮᬄ᭞ᬫᬗᬤᭂᬕᬂᬫᬳᬵᬧ
ᬢᬶᬄ᭞ᬤᬶᬦᬶᬤᬶᬫᬤ᭄ᬬᬦᬵᬕᬭ᭞ᬲᬢ᭄ᬬᬦᬵᬕᬭᬧᬂᬳᬦᬹᬢ᭄᭞ᬧᬶᬦᬓᬧᬓᬸᬓᬸᬄᬚᬕᬢ᭄᭞ᬧ᭄ᬢᬶᬦ᭄ᬤᬶᬄᬕᬸᬫᬶ᭞ᬗᬯᬾᬲᬸᬢᬺᬧ᭄ᬢᬶᬦᬶᬂᬭᬵᬢ᭄᭟ᬢᬦ᭄ᬧᬜ᭄ᬚᬂᬕᭂᬮᬄᬫᬧᬚᬃ᭞ᬳᬤᬶᬦᬾᬲᬭᬵᬢᬶᬦ᭄ᬩᭂᬮᬶ᭞ᬩᬋᬂᬩᭂᬮᬶᬗᬶ
ᬲᬶᬧᬜ᭄ᬚᬓ᭄᭞ᬳᬤᬶᬫᬤᭂᬕ᭄ᬧᬢᬶᬄᬳᬕᬸᬂ᭞ᬲᬓᬸᬯᬸᬩ᭄ᬫᬤ᭄ᬬᬦᬵᬕᬭ᭞ᬕᬶᬲᬶᬦ᭄ᬳᬤᬶ᭞ᬲᬭᬳᬤᬶᬫᬦᬶᬢᬳᬂ᭟ᬕᬸᬲ᭄ᬢᬶᬯᬬᬦ᭄ᬫᬢᬸᬃᬲᭂᬫ᭄ᬩᬄ᭞ᬲᬫᬶᬢᬦᬾᬜᬸᬜᬸᬃᬫᬦᬶᬲ᭄᭞ᬲᬶᬗ᭄ᬕᬶᬄᬭᬢᬸᬲᬲᭂᬫ᭄ᬩᬳᬦ᭄᭞ᬲ
ᬓᬤᬶᬳᬃᬱᬦ᭄ᬳᬶᬭᬢᬸ᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬧᬲ᭄ᬯᬾᬘᬦ᭄᭞ᬲᬶᬤ᭄ᬥᬳᬸᬕᬶ᭞ᬫᬗ᭄ᬤᬮᬾᬤᬂᬗᬫ᭄ᬧᬸᬭᬬᬂ᭟ᬤᬸᬫᬤᬓ᭄ᬳᬶᬭᬢᬸᬧᬲ᭄ᬯᬾᬘ᭞ᬗᬮᬾᬤᬗᬶᬦ᭄ᬓᬤᬶᬫᬗ᭄ᬓᬶᬦ᭄᭞ᬓᬃᬬᬲᬾᬯᭀᬲᬦ᭄ᬧᬶᬘ᭄ᬙᬬᬂ᭞ᬢᬶᬢ᭄ᬬᬂᬲ

[᭘ 8A]
᭘
ᬤ᭄ᬬᬧᬘᬂᬢᬶᬦᬹᬢ᭄᭞ᬧᬭᬫᬩᬾᬮᬭᬶᬂᬩᬬ᭞ᬦᬾᬦ᭄ᬢᭂᬦ᭄‌ᬯᭂᬤᬶ᭞ᬲᬓᬦ᭄ᬢᬸᬦ᭄ᬢᬶᬢ᭄ᬬᬂᬫᬚᬶᬯ᭟ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬘᭂᬦ᭄ᬤᭂᬢ᭄ᬩᭂᬮᬶᬫᬜᬭᬢᬶᬦ᭄᭞ᬢᬡ᭄ᬥᬫᬦ᭄ᬢ᭄ᬭᬷᬫᬜᬭᬢᬂ᭞ᬳᬧᬂᬳᬤᬶᬫᬤᭂᬕ᭄ᬳᬕᬸᬂ᭞ᬧᬗᬶ
ᬓᭂᬢ᭄ᬢᬸᬗ᭄ᬕᬮᬶᬂᬚᬕᬢ᭄᭞ᬲᬶᬤ᭄ᬥᬢᬺᬧ᭄ᬢᬶ᭞ᬕᬸᬫᬶᬤᬶᬫᬤ᭄ᬬᬦᬵᬕᬭ᭟ᬢᬡ᭄ᬥᬫᬦ᭄ᬢ᭄ᬭᬷᬫᬜ᭄ᬘᬦᬵᬕᬭ᭞ᬧᬺᬩᭂᬓᭂᬮ᭄ᬧᬸᬗ᭄ᬕᬯᬗᬶᬭᬶᬂ᭞ᬲᬂᬯᬶᬓᬸᬫᬚᬬᬚᬬ᭞ᬳᬲ᭄ᬢᬸᬢᬶᬚᬬᬳᬲ᭄ᬢᬸ᭞ᬤᬸᬫᬤᬓ᭄ᬧᬲ᭄ᬯᬾᬘᬳ᭄ᬬᬂ᭞ᬦᬦᬓ᭄ᬕᬸᬲ᭄ᬢᬶ᭞
ᬦᬦᬓ᭄ᬳᬶᬭᬶᬂᬧᬓᬬᬸᬦᬦ᭄᭟ᬩ᭄ᬯᬢ᭄ᬤᬾᬯᬰᬳᬪᬶᬰᬾᬓ᭞ᬤᬶᬦᬦᬾᬩᬶᬦ᭄ᬢᭂᬮᬸᬦ᭄ᬚᬦᬶ᭞ᬧᬳᬶᬂᬮᬡ᭄ᬥᭂᬧ᭄ᬤᬶᬦᬩᬸᬤ᭄ᬥ᭞ᬰᬸᬓ᭄ᬮᬧᬓ᭄ᬱᬢᬗ᭄ᬕᬮ᭄ᬳᬶᬧᬸᬦ᭄᭞ᬓᬧᬶᬂᬢ᭄ᬮᬸᬮᬲ᭄ᬰᬰᬶᬄᬓᬧᬵᬢ᭄᭞ᬤᬶᬦᬍᬯᬶᬄ᭞ᬧ᭄ᬭᬪᬸᬯᬶᬩᬸᬄᬗ
ᬭᬦ᭄ᬬ᭟ᬧᬺᬩᭂᬓᭂᬮᬾᬫᬦᬶᬢᬳᬂ᭞ᬦᬾᬓᭀᬤᬩ᭄ᬤᬩᬂᬦᬾᬚᬦᬶ᭞ᬳᬸᬧᬘᬭᬳᬪᬶᬰᬾᬓ᭞ᬭᬫᬾᬭᬫᬾᬢᭂᬮᬸᬂᬤᬮᬸ᭞ᬧᬺᬩᭂᬓᭂᬮᬾᬫᬗᬶᬭᬶᬗᬂ᭞ᬗ᭄ᬕᬶᬄᬦᬺᬧᬢᬶ᭞ᬢᬶᬢ᭄ᬬᬂᬜᬸᬯᬸᬦ᭄ᬧᬯᬘᬦ᭟ [ 9 ][᭘ 8B]
᭘
᭜᭟ᬢᬦ᭄ᬓᭀᬘᬧᬦ᭄ᬤᬶᬦᬦᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬵᬫ᭄ᬬᬓᬯᭀᬢ᭄᭞ᬫᬃᬕᬶᬦᬾᬭᬶᬂᬓᬸᬢ᭞ᬳᬲ᭄ᬭᬶᬗ᭄ᬭᬯᬶᬢ᭄ᬳ᭄ᬬᬲᬦᬾ᭞ᬧᬾᬜ᭄ᬚᭀᬃᬓᭀᬩᬾᬃᬳᬸᬫ᭄ᬩᬸᬮ᭄ᬳᬸᬫ᭄ᬩᬸᬮ᭄᭞ᬕᬧᬸᬭᬦᬾᬗᬸᬮᬗᬸᬦᬶᬦ᭄᭞ᬯᬃᬡᬯᬃᬡᬶᬓᬯ᭄ᬬ
ᬦ᭄ᬲᭂᬓᬃ᭞ᬕᬕᬫᭂᬮᬦ᭄ᬧᬤᬦᬩᬸᬄ᭞ᬳᬸᬫᬸᬂᬲᬤᬃᬧ᭄ᬧᬖᬹᬃᬡᬷᬢ᭞ᬮ᭄ᬯᬶᬃᬩ᭄ᬭᬫᬭ᭞ᬫᬩ᭄ᬬᬬᬸᬳᬦ᭄ᬗᬶᬲᭂᬧ᭄ᬰᬭᬷ᭞ᬜᭂᬧᬸᬓᬂᬓᬮᬗᭂᬦ᭄ᬫᬦᬄ᭟ᬓᬯᬸᬮᬦᬾᬫᬫᬦᬄᬫᬩᬮᬶᬄ᭞ᬲᬭᬦ᭄ᬢᬩᬦ᭄᭞ᬘᭂᬭᬶᬓ᭄ᬓᭂᬮᬶᬄᬯᬺᬤ᭄ᬥ᭞
ᬯᬃᬡᬯᬃᬡᬷᬧᬗᬗ᭄ᬕᬾᬦᬾ᭞ᬭᬫ᭄ᬩᬸᬢᬾᬫᬧᬸᬲᬸᬂᬕᭂᬮᬸᬂ᭞ᬧᬭᬳᬶᬲ᭄ᬢ᭄ᬭᬷᬳᬦᭀᬫ᭄ᬮᭂᬯᬶᬄ᭞ᬯᬲ᭄ᬢ᭄ᬭᬩᬢᬶᬓ᭄ᬓᬓᭂᬫ᭄ᬩᬗᬦ᭄᭞ᬫᬤᬲᬃᬳᬶᬋᬗᬾᬳᬮᬸᬲ᭄᭞ᬢᬸᬮᬶᬲ᭄ᬢᬗᬦ᭄ᬯᬶᬚᬶᬮ᭄ᬚᬯ᭞ᬳᬦᬹᬢ᭄ᬧᬶᬲᬦ᭄᭞ᬫᬲᬦ᭄ᬤᬶᬂᬧᭂ
ᬢᭂᬢᬾᬧᬸᬢᬶᬄ᭞ᬫᬲᬸᬫ᭄ᬧᬂᬘᭂᬫ᭄ᬧᬓᬧᭂᬢᬓ᭄᭟ᬕᭂᬫᭂᬃᬮᬧᬦ᭄ᬓᬍᬚᬫᬦ᭄ᬲᬂᬳ᭄ᬬᬂᬭᬯᬶ᭞ᬧᬓᬩ᭄ᬬᬄᬩ᭄ᬬᬄ᭞ᬲᬸᬢ᭄ᬭᬓᬸᬦᬶᬂᬧᭂᬢᬓ᭄᭞ᬳᭀᬫ᭄ᬩᬓ᭄ᬳᭀᬫ᭄ᬩᬓᬦ᭄ᬳᬾᬚᬦᬾ᭞ᬗᬯᬾᬳᬸᬮᬧ᭄ᬲᬂᬗᬭᬸᬗᬸ᭞ᬳᬯᭀᬃ

[᭙ 9A]
᭙
ᬢᬾᬚᬫᬶᬭᬄᬳᬤᬶ᭞ᬲᭀᬘᬦ᭄ᬧᬶᬗ᭄ᬕᭂᬮᬾᬳᬸᬢᬫ᭞ᬯᬶᬦ᭄ᬢᭂᬦ᭄‌ᬩᭂᬃᬮ᭄ᬬᬦ᭄ᬫᬶᬭᬄᬩᬜᬸ᭞ᬘᬗ᭄ᬓᭀᬓᬦᬾᬫᬲ᭄ᬲ᭄ᬮᬓ᭞ᬯᬲ᭄ᬢ᭄ᬭᬦᬳᬶᬤ᭞ᬧᬭᬳᬶᬲ᭄ᬢ᭄ᬭᬷᬳᬦᭀᬫ᭄ᬮᭂᬯᬶᬄ᭞ᬫᬸᬗ᭄ᬕᬳᬶᬂᬩᬮᬾᬧᬦᬶᬜ᭄ᬚᭀᬯᬦ᭄᭟ᬓᬤᬶᬲᭂᬫᬸᬢ᭄‌ᬚᬤ᭄ᬫᬦᬾᬓᬸᬤᬂᬓᭂ
ᬢᬶ᭞ᬫᭂᬫ᭄ᬩᬄᬧ᭄ᬭᬧ᭄ᬢ᭞ᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬚᭂᬚᭂᬮ᭄ᬭᬶᬂᬚᬩᬓᬸᬢᬦᬾ᭞ᬕᭀᬂᬪᬾᬭᬶᬲᬵᬫ᭄ᬧᬸᬦ᭄ᬦᬩᬸᬄ᭞ᬩᬭᬶᬲ᭄ᬕᭂᬤᬾᬗᬭᬸᬦ᭄ᬢᬸᬢᬶᬦ᭄᭞ᬢᭀᬧᬾᬂᬲᬶᬤ᭄ᬥᬓᬃᬬ᭄ᬬᬗᭂᬫ᭄ᬩᬢ᭄᭞ᬗᬯᬾᬭᬵᬫ᭄ᬬᬳᬸᬮᬗᬸᬦ᭄᭞ᬋᬕᭂᬤ᭄ᬫᬦᬄᬫᬮᬳᬶᬮᬂ᭞
ᬳᬶᬸᬮᬶᬸᬳᬾᬕᬃᬘᬶᬢ᭞ᬫᬹᬃᬡᬬᬂᬫᬦᬳᬾᬲᭂᬤᬶᬄ᭞ᬲᬸᬓᬲᬫᬤ᭄ᬬᬦᬵᬕᬭ᭟ᬧᬦ᭄ᬢᬭᬦᬶᬂᬧᬭᬳᬬᬸᬍᬯᬶᬄ᭞ᬢᭂᬤᬲ᭄ᬕᬮᬂ᭞ᬲ᭄ᬯᬢᬾᬚᬦᬾᬫᬸᬜ᭄ᬘ᭄ᬭᬢ᭄᭞ᬳᬶᬲ᭄ᬢ᭄ᬭᬷᬳᬬᬸᬧᬗᬯᬶᬢᬾ᭞ᬭᬫ᭄ᬩᬸᬢᬾᬫᬧᬸᬲᬸᬂᬕᭂᬮᬸᬂ᭞
ᬳᬮᬶᬲᬾᬢᬚᭂᬧ᭄ᬜᬭᬶᬭᬶᬢ᭄᭞ᬧᬦᭀᬦᬾᬩᬶᬦ᭄ᬢᬂᬓᬃᬢᬶᬓ᭞ᬳᬘᭂᬓᭂᬮ᭄ᬕᭀᬦ᭄ᬤᬮᬬᬸ᭞ᬮᬗ᭄ᬲᬶᬂᬮᬜ᭄ᬚᬃᬫᬤ᭄ᬬᬋᬗ᭄ᬓ᭄ᬬᬂ᭞ᬢᬸᬮ᭄ᬬᬯᬶᬡ᭞ᬘᬃᬫᬦᬾᬳᬧᬸᬢᬶᬄᬲᬭᬷ᭞ᬮ᭄ᬯᬶᬃᬳ᭄ᬬᬂᬭᬢᬶᬄᬜᬮᬦ᭄ᬢᬭ᭟ᬕᬸᬲ᭄ᬢᬶᬳᬬᬸ [ 10 ][᭙ 9B]
᭙
ᬗᬸᬭᬄᬳᬦᭀᬫ᭄ᬧᬶᬦᬢᬶᬄ᭞ᬳᬬᬸᬗᬬᬂ᭞ᬍᬫᬸᬄᬫᬕᬾᬮᭀᬳᬦ᭄᭞ᬲ᭄ᬮᬶᬬᬕ᭄ᬲ᭄ᬮᬶᬬᭀᬕ᭄ᬧᬫᬃᬕᬶᬦᬾ᭞ᬢᬬᬸᬗᬦ᭄ᬮᭂᬫᭂᬢ᭄ᬫᬍᬗ᭄ᬓᬸᬂ᭞ᬲᬫᬶᬢᬦᬾᬜᬸᬜᬸᬃᬫᬦᬶᬲ᭄᭞ᬲᬵᬫ᭄ᬧᬸᬦ᭄ᬳᬚᬢᬸᬓᬃᬫ᭞ᬗᬶᬓᭂᬢ᭄ᬲᬸᬢᬺᬱ᭄ᬡᬦᬾᬮᬸᬮᬸᬢ᭄᭞
ᬢᬦᬲᬸᬯᬾᬓᬯᬭᬗᬂ᭞ᬳᬦ᭄ᬢᬸᬓ᭄ᬳᬶᬤ᭞ᬲᬂᬭᬵᬓ᭄ᬭ᭄ᬬᬦ᭄ᬫᬳᬧᬢᬶᬄ᭞ᬳᬾᬜ᭄ᬚᬶᬂᬗ᭄ᬓᬾᬦᬾᬳᬩᬶᬰᬾᬓ᭟᭜᭟ᬤᬯᬸᬄᬓᬮᬶᬄᬲᬵᬫ᭄ᬧᬸᬦᬳ᭄ᬬᬲ᭄ᬫᬶᬚᬶᬮ᭄ᬲᬂᬦᬵᬣ᭞ᬭᬶᬂᬢᭂᬧᬮ᭄ᬳᬮᬶᬗ᭄ᬕᬶᬄ᭞ᬳᬯᬲ᭄ᬢ᭄ᬭᬧᭂᬢᬓ᭄᭞ᬳᬓᬫ᭄ᬧᬸᬄᬲᬸ
ᬢ᭄ᬭᬚᬶᬗ᭄ᬕ᭞ᬳᬓᬺᬢᬫ᭄ᬲᬸᬢ᭄ᬭᬦᬾᬓᬸᬦᬶᬂ᭞ᬕᬕᬸᬮᬸᬂᬧᬺᬫ᭄ᬧᭀᬦ᭄᭞ᬳᬧᬶᬦ᭄ᬤᬧᬢ᭄ᬭᬲᬭᬷ᭟ᬳᬶᬗᬋᬧᬂᬩᬾᬭᬂᬧᬗᬯᬶᬦ᭄ᬮᬦ᭄ᬢᬸᬫ᭄ᬩᬓ᭄᭞ᬳᬶᬦᬧᬶᬢ᭄ᬢᬫ᭄ᬬᬂᬲᬭᬷ᭞ᬳᬶᬗᬸᬗ᭄ᬓᬭᬦ᭄ᬤᭂᬮᬜ᭄ᬘᬂ᭞ᬳᬧᭂᬧᭂᬓ᭄ᬱᭀᬧᬘᬭ᭞ᬓ
ᬧ᭄ᬭᬪᭀᬦ᭄ᬓᬵᬤᬶᬧᬢᬶ᭞ᬳᬢᬶᬢᬶᬦᬵᬕᬭ᭞ᬫᬲᬦ᭄ᬤᬶᬂᬧᬤᬫᬮᬶᬗ᭄ᬕᬶᬄ᭟ᬩᬳᬸᬤᬡ᭄ᬥᬮᬦ᭄ᬧᬸᬗ᭄ᬕᬯᬢᬡ᭄ᬥᬫᬦ᭄ᬢ᭄ᬭ᭄ᬬ᭞ᬫ᭄ᬯᬂᬧᬺᬩᭂᬓᭂᬮ᭄ᬫᬗᬶᬭᬶᬂ᭞ᬮᬦ᭄ᬧᬲᭂᬓ᭄ᬩᬦ᭄ᬤᬾᬰ᭞ᬚᭂᬚᭂᬮ᭄ᬫᭂᬍᬤ᭄ᬳᬦᭀᬦ᭄ᬢᭀᬦ᭄᭞ᬲᭂᬲᭂᬓ᭄ᬧᭂ

[᭑᭐ 10A]
᭑᭐
ᬧᭂᬦᬸᬄᬘᭂᬭᬶᬓ᭄ᬓᭂᬮᬶᬄ᭞ᬤᬩ᭄ᬤᬩ᭄ᬫᬦᭂᬕᬓ᭄᭞ᬕᭀᬂᬪᬾᬭᬶᬦᬾᬗᬸᬮᬗᬸᬦᬶᬦ᭄᭟ᬧᬚᭂᬦᭂᬗᬦᬾᬫᬲ᭄ᬯᬭᬤᬸᬗ᭄ᬤᭂᬢ᭄ᬤᬸᬗ᭄ᬤᬢ᭄᭞ᬲᭀᬧᬘᬭᬯᬸᬲ᭄‌ᬘᬸᬫᬯᬶᬲ᭄᭞ᬋᬱᬶᬰᬶᬯᬩᬸᬤ᭄ᬥ᭞ᬗᬋᬧᬂᬫᬚᬬᬚᬬ᭞ᬗᬸᬜ᭄ᬘᬭᬂ
ᬯᬾᬤᬳᬰᬓ᭄ᬢᬶ᭞ᬯᬺᬤ᭄ᬥᬬᬸᬰ᭞ᬤᬾᬯᬵᬰ᭄ᬭᬬᬳᬸᬧᬲᬵᬓ᭄ᬱᬶ᭟ᬳᬃᬱᬘᬶᬢ᭄ᬢᬲᬯᭀᬗᬶᬂᬫᬤ᭄ᬬᬦᬵᬕᬭ᭞ᬳᬗ᭄ᬳᬶᬂᬢᬸᬗ᭄ᬕᬶᬮ᭄ᬲᬸᬓᬳᬾᬱ᭄ᬝᬶ᭞ᬕᬸᬲ᭄ᬢᬶᬳᬬᬸᬗᬸᬭᬄ᭞ᬳᬦᬸᬮᬸᬧᬦ᭄ᬤᭂᬗᬶᬂᬧᬦᭀᬦ᭄᭞ᬢᬦ᭄ᬮᭂᬧᬲ᭄ᬮᭂᬧᬲ᭄ᬫᬗᬓ᭄ᬱᬶ᭞
ᬲᬂᬓᬢᬶᬗ᭄ᬳᬮ᭄᭞ᬧᬤᬦᬦ᭄ᬤᬂᬓᬭᬰ᭄ᬫᬶᬦ᭄᭟ᬦᬾᬦ᭄ᬢᭂᬦ᭄ᬲᬸᬯᬾᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬳᬸᬧᬘᬵᬭ᭞ᬧᬭᬳᬕᬸᬂᬩᬸᬤᬮ᭄ᬳᬭᬶᬲ᭄᭞ᬧᬤᬲᬸᬓᬘᬶᬢ᭄ᬢ᭞ᬧᬜ᭄ᬚᬫᬍᬕᬍᬕᬦ᭄᭞ᬭᬫᬾᬭᬫᬾᬢᭂᬮᬸᬂᬮᬢ᭄ᬭᬶ᭞ᬕᬫ᭄ᬩᬸᬄᬮ
ᬦ᭄ᬳᬃᬚ᭄ᬚ᭞ᬮᬾᬕᭀᬂᬢᭀᬧᬾᬂᬫᬶᬯᬄᬩᬭᬶᬲ᭄᭟᭜᭟ᬢᬺᬧ᭄ᬢᬷᬓᬂᬚᬕᬢ᭄ᬲᬤᬬ᭞ᬲᬫᬤᭂᬕᬾᬕᬸᬲ᭄ᬢᬶᬧᬢᬶᬄ᭞ᬢᬦ᭄ᬳᬦᬯᭀᬂᬯᬦᬶᬮᬸᬫᬶᬳᬢ᭄᭞ᬧᬜ᭄ᬚᬓ᭄ᬦᬸᬗ᭄ᬓᬸᬮ᭄ᬧᬤᬪᬓ᭄ᬢᬶ᭞ᬲᬦᬾᬘᭀᬭᬄᬯᭂᬢᬸ [ 11 ][᭑᭐ 10 B]
᭑᭐
ᬯᭂᬤᬶ᭞ᬫᬮᬶᬂᬤᬸᬱ᭄ᬝᬧᬤᬢᬓᬸᬢ᭄᭞ᬫᭂᬢᬸᬫᬦᬄᬜᬦᬾᬢᬺᬱ᭄ᬡ᭞ᬓᬸᬫᬜᬫᬲᬶᬮᬶᬄᬳᬲᬶᬄ᭞ᬕᬸᬫᬶᬮᬦ᭄ᬤᬸᬄ᭞ᬢᬦ᭄ᬓᬶᬭᬗᬦ᭄ᬲᬦ᭄ᬤᬂᬧᬗᬦ᭄᭟ᬳᬲᬶᬓᬶᬲᬦᬾᬓᬧ᭄ᬭᬶᬳᬂ᭞ᬳᭀᬮᬶᬄᬲᬂᬫᬜᬓ᭄ᬭᬯᬃᬢ᭄ᬢᬶ᭞
ᬪᬓ᭄ᬢᬶᬦ᭄ᬧᬜ᭄ᬚᬓᬾᬗᬯᬸᬮ᭞ᬢᭀᬤᬤᬶᬧᬓᬸᬓᬸᬄᬕᬸᬫᬶ᭞ᬲᬶᬦᬄᬦᬵᬕᬭᬦᬾᬢᬺᬧ᭄ᬢᬶ᭞ᬲᬶᬤ᭄ᬥᬢᬦ᭄ᬳᬦᬧᬓᬾᬯᬸᬄ᭞ᬫᬮᬭᬧᬦ᭄‌ᬯᬷᬱ᭄ᬡᬸᬩ᭄ᬭᬢ᭞ᬦᬷᬢ᭄ᬬᬗᭂᬢᭀᬦ᭄ᬧᬜ᭄ᬚᬓ᭄ᬢᬦᬶ᭞ᬲᭂᬦ᭄ᬤᬶᬓᬸᬓᬸᬄ᭞
ᬗᬸᬓᬸᬳᬂᬭᬚᭂᬕ᭄‌ᬦᬵᬕᬭ᭟ᬧ᭄ᬭᬚ᭄ᬜᬦ᭄ᬢᬸᬳᬸᬯᬶᬤᬕ᭄ᬥ᭞ᬲᬸᬥᬃᬫ᭄ᬫᬍᬯᬶᬳᬶᬂᬓᬷᬃᬣᬶ᭞ᬯᬶᬘᬓ᭄ᬱᬵᬡᬭᬶᬂᬯᬶᬯᬾᬓ᭞ᬦᬬᬳᬦᬹᬢ᭄ᬮᬶᬗᬶᬂᬳᬚᬶ᭞ᬫᬦᬯᬥᬃᬫ᭄ᬫᬫᬓᬤᬶ᭞ᬯᬭᬄᬯᬭᬄᬲᬳ᭄ᬬᬂᬫᬦᬸ᭞ᬤᬡ᭄ᬥᬦᬷ
ᬢᬶᬳᬃᬣᬰᬵᬲ᭄ᬢ᭄ᬭ᭞ᬫ᭄ᬯᬂᬰᬵᬲ᭄ᬢ᭄ᬭᬲᬭᭀᬤᬺᬱ᭄ᬝᬶ᭞ᬳᬗᬾᬦ᭄ᬲᬸᬮᬸᬄ᭞ᬫᬜᬸᬮᬸᬳᬶᬦ᭄ᬧᭂᬢᭂᬂᬚᬕᬢ᭄᭟ᬜᬩ᭄ᬭᬦ᭄ᬤᬶᬦᬗ᭄ᬮᬂᬮᬂᬤᬾᬰ᭞ᬦᬶᬮᬶᬓᬶᬦ᭄ᬧᬜ᭄ᬚᬓᬾᬲᬫᬶ᭞ᬗᬮᬶᬫ᭄ᬩᬓᬂᬦᬬᬩ᭄ᬭᬢ᭞ᬮᬫᬓ

[᭑᭑ 11A]
᭑᭑
ᬲᬶᬤ᭄ᬥᬳᬸᬦᬶᬂ᭞ᬧᬶᬭᬧᬜ᭄ᬚᬓᬾᬲᬸᬩᬓ᭄ᬢᬶ᭞ᬢᬶᬦ᭄ᬤᬶᬄᬩᬓ᭄ᬢᬶᬭᬶᬂᬲᬂᬧ᭄ᬭᬪᬸ᭞ᬲᬓᬜ᭄ᬘᬦᬶᬂᬫᭂᬲᭂᬄᬚᬕᬢ᭄᭞ᬦᬾᬲ᭄ᬢᬢᬗ᭄ᬭᬸᬲᬸᬳᬶᬦ᭄ᬕᬸᬫᬶ᭞ᬦᬾᬦ᭄ᬢᭂᬦ᭄ᬮᬸᬧᬸᬢ᭄᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬓᬲᬶᬲᬶᬧᬂ᭟ᬧᬕᭂᬄᬤᬦᬾᬦᬗᬸᬦ᭄‌ᬩ᭄ᬭᬢ᭞ᬯᬶᬪᬯᬲᬶᬤ᭄ᬥ
ᬓᬧᬗ᭄ᬕᬶᬄ᭞ᬭᬶᬓᬵᬮᬦᬶᬂᬦᬦ᭄ᬤᬂᬧᬬᬲ᭄᭞ᬲᬧᭀᬘᬭᬳᬤᬶᬫᬦ᭄ᬢ᭄ᬭᬶ᭞ᬢᬸᬳᬸᬯᬷᬱ᭄ᬡᬸᬫᬜᬺᬯᬤᬶ᭞ᬓᬦ᭄ᬤᬧᬦ᭄ᬮᬶᬗ᭄ᬕᬶᬄᬲᬂᬧ᭄ᬭᬪᬸ᭞ᬜᬩ᭄ᬭᬦ᭄ᬜᬩ᭄ᬭᬦ᭄‌ᬦᬸᬗ᭄ᬕᬂᬚᬭᬦ᭄᭞ᬩᬾᬤᬦᬵᬣᬮᬶᬗ᭄ᬕᬶᬄᬳᬚᬶ᭞ᬤᬤᬶᬲᬭᬸ᭞ᬲᬂᬦᬵᬣᬢᬸᬦ
ᬯᬶᬪᬯ᭟ᬳᭂᬦ᭄ᬢᭀᬳᬦᬾᬗᬭᬡᬬᬂ᭞ᬓᬲᬸᬳᬸᬃᬍᬯᬶᬳᬶᬂᬓᬶᬃᬣᬶ᭞ᬧᬜ᭄ᬚᬓ᭄ᬲᬫᬤ᭄ᬬᬦᬵᬕᬭ᭞ᬩᬦ᭄ᬢᬶᬦ᭄ᬜᬦᬾᬢᬦᬓᬶᬓᬶᬢ᭄᭞ᬍᬯᬶᬳᬦ᭄ᬭᬶᬂᬦᬵᬣᬾᬂᬳᬚᬶ᭞ᬳᬢᬸᬃᬧᬜ᭄ᬚᬓ᭄ᬤᬤᬶᬧᬢᬸᬄ᭞ᬳᬧᬦ᭄ᬓᬯᬶᬢᬾᬢᬦ᭄ᬩᬾᬤ᭞ᬲᬫ
ᬲᬫᬲᬢ᭄ᬭ᭄ᬬᬚᬢᬶ᭞ᬲᬦᬾᬤᬗᬸ᭞ᬤᬦᬾᬯᬦ᭄ᬢᬄᬧᬘᭂᬓ᭄ᬚᬕᬢ᭄᭟ᬲᬧᬸᬦᬶᬓᬧ᭄ᬭᬚ᭄ᬜᬦ᭄ᬳᬶᬤ᭞ᬗᬫ᭄ᬩᭂᬮ᭄ᬲ᭄ᬯᬥᬃᬫ᭄ᬫᬦᬶᬂᬧᬢᬶᬄ᭞ᬲᬂᬦᬵᬣᬧᬭᬫᬮᬾᬤᬂ᭞ᬧᬜ᭄ᬚᬓᬾᬧᬤᬲᬸᬩᬓ᭄ᬢᬶ᭞ᬳᬶᬕᬸᬲ᭄ᬢᬶᬧᬢᬶᬄᬓᬧᬸᬭᬶ᭞ᬫ [ 12 ][᭑᭑ 11B]
᭑᭑
ᬦᭂᬕᭂᬕᬂᬥᬃᬫ᭄ᬫᬲᬤᬸ᭞ᬦᬶᬢ᭄ᬬᬗᬯᬾᬲᬸᬪᬓᬃᬫ᭄ᬫ᭞ᬢᬦ᭄ᬲᬸᬭᬸᬤ᭄ᬗᬱ᭄ᬝᬶᬣᬶᬯᬶᬥᬶ᭞ᬮᬦ᭄ᬮᭂᬮᬸᬳᬸᬃ᭞ᬮᬫᬓᬦ᭄ᬫᬗ᭄ᬕᬶᬄᬓᬲᬶᬤ᭄ᬥᬦ᭄᭟᭜᭟ᬓᬧᬸᬗ᭄ᬓᬸᬃᬫᬮᬶᬄᬓᬘ᭄ᬭᬶᬢ᭞ᬓᭀᬘᬧ᭄ᬲᬂᬦᬵᬣᬭᬶᬂᬫᬤ᭄ᬬᬧᬸᬭᬷ᭞ᬲᬵᬫ᭄ᬧᬸᬦ᭄ᬮᬷᬦᬲᬂᬧ᭄ᬭᬪᬸ᭞
ᬦᬵᬣᬾᬳᬦᭀᬫ᭄ᬳᬪᬶᬰᬾᬓ᭞ᬯᬮᬸᬬᬦ᭄ᬜᬫᬦᬶᬓᬶᬂᬦᬵᬕᬭᬢᬸᬳᬸ᭞ᬮ᭄ᬯᬶᬃᬲᬂᬳ᭄ᬬᬂᬫᬺᬢᬗ᭄ᬰᬶᬸᬗ᭄ᬕ᭞ᬪᬯᬳᬩ᭄ᬭᬢᬸᬃᬳᬧᭂᬓᬶᬓ᭄᭟ᬤᬾᬯᬳᬦᭀᬫ᭄ᬮᭀᬭᬶᬂᬧᬶᬸᬲᬶᬸᬃᬲᬪ᭞ᬧᬸᬱ᭄ᬧᬢᬦ᭄ᬳᬶᬤᬫᬹᬃᬥᬦᬶᬂᬕᬸᬫᬶ᭞ᬲᬫᬤ᭄ᬬᬦᬵᬕ
ᬭᬫᬜᬸᬗ᭄ᬲᬸᬂ᭞ᬧ᭄ᬭᬚ᭄ᬜᬦ᭄ᬗᬫ᭄ᬩᭂᬮ᭄ᬚᬕᬢ᭄᭞ᬲ᭄ᬢᬢᬳᬗᬸᬮᬶᬄᬧᬦᬵᬕᬭᬦᬾᬭᬵᬳᬬᬸ᭞ᬗ᭄ᬳᬶᬂᬳᬦᬗᬯᬾᬘᬾᬤ᭞ᬲ᭄ᬫᬭᬤᬸᬤᬸᬦᬾᬳᬸᬮᬸᬭᬶᬦ᭄᭟ᬳᬾᬫᬦ᭄ᬳᬶᬤᬭᬶᬂᬲ᭄ᬯᬦᬶᬢ᭞ᬗ᭄ᬭᬸᬫ᭄ᬭᬸᬫ᭄ᬚᬮᬸᬭᬵᬳᬶᬦᬯᭂᬗᬶ᭞ᬗᬫ᭄ᬩᭂᬓᬂᬲ᭄ᬫ
ᬭᬤᬸᬤᬸ᭞ᬧᬧᬢᬶᬳᬾᬢᬢᬦᬶᬸᬲ᭄ᬯᬶᬓᬦ᭄᭞ᬧᬸᬭᬸᬦ᭄ᬤᬦᬾᬫᬧᬓᬾᬮᬶᬂᬦᬵᬣᬾᬂᬩᬕᬸᬲ᭄᭞ᬤᬾᬯᬵᬕᬸᬂᬳᬦᭀᬫ᭄‌ᬦ᭄ᬤᬯᭂᬕᬂ᭞ᬧ᭄ᬭᬲᬗ᭄ᬕᬢᬶᬢ᭄ᬬᬂᬫᬧᬓᬾᬮᬶᬂ᭟ᬧᬸᬭᬸᬦ᭄ᬢᬶᬢ᭄ᬬᬂᬧ᭄ᬭᬲᬗ᭄ᬕ᭞ᬧ᭄ᬮᬗ᭄ᬧᬂᬭᬶᬂᬳᬗ᭄ᬕᬦ᭄ᬲᬂᬦᬵᬣᬾᬂ

[᭑᭒ 12A]
᭑᭒
ᬳᬚᬶ᭞ᬲᬗ᭄ᬓᬦᬶᬂᬲᬸᬩᬓ᭄ᬢᬶᬢᬸᬳᬸ᭞ᬫᭀᬕᬶᬢᬦ᭄ᬲᬮᬶᬢ᭄ᬳᬃᬱ᭞ᬳᬢᬸᬃᬢᬶᬢ᭄ᬬᬂᬭᬶᬂᬳᬭᬢᬸᬬᬦ᭄ᬓᬧᬢᬹᬢ᭄᭞ᬯᬸᬲᬦᬂᬭᬢᬸᬯᬸᬲᬦᬂ᭞ᬳᭀᬦᭂᬂᬳᬶᬭᬢᬸᬧᬸᬗ᭄ᬕᭂᬮᬶᬦ᭄᭟ᬘᬶᬳ᭄ᬦᬦ᭄‌ᬦᬵᬕᬭᬦᬾᬭᬸᬲᬓ᭄᭞ᬬᬦᬶᬂᬲᬂᬦᬵᬣᬧ᭄ᬮᬂᬧᬂᬭᬶᬂ
ᬳᬚᬶ᭞ᬓᬭᬢᭀᬦᬾᬲᬶᬤ᭄ᬥᬍᬩᬸᬃ᭞ᬫᭂᬲᭂᬳᬾᬭᬯᬸᬄᬫᬗ᭄ᬭᬸᬲᬓ᭄᭞ᬧᬜ᭄ᬚᬓ᭄‌ᬯᭂᬤᬶᬫᬓᬩᬾᬮᬦᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬫᬾᬄᬯᬮᬶᬓ᭄ᬗᬫᭂᬲᭂᬳᬶᬦ᭄ᬚᬕᬢ᭄᭞ᬫᬧᬦ᭄ᬥᬃᬫ᭄ᬫᬦᬾᬫᬧᬮᬶᬃ᭟ᬘᭂᬦ᭄ᬤᭂᬢ᭄ᬧᬓᬾᬮᬶᬂᬳᬢᬸᬃᬢᬶᬢ᭄ᬬᬂ᭞
ᬧ᭄ᬭᬲᬶᬤ᭄ᬥᬳᬶᬭᬢᬸᬫᬶᬓᬬᬸᬦᬶᬦ᭄᭞ᬳᬶᬯᬂᬧᬫᬃᬕ᭄ᬕᬶᬦ᭄ᬳᬶᬭᬢᬸ᭞ᬫᬦᬹᬢ᭄ᬓᭂᬘᬧᬶᬂᬳᬕᬫ᭞ᬜᭂᬢ᭄ᬳᬶᬤᬧᬭᬶᬧᭀᬮᬄᬳᬶᬤᬤᬸᬤᬸ᭞ᬦᬦᭂᬂᬢᬦ᭄‌ᬯᭂᬢᬸᬯᬘᬦ᭞ᬩᭂᬦ᭄ᬤᬸᬓᬬᬸᬦᬾᬢᬦ᭄ᬲᬶᬧᬶ᭟ᬦᬣᬾᬳᬦᭀᬫ᭄ᬲᬮᬶᬢ᭄ᬳᬃᬱ᭞
ᬩ᭄ᬭᬫᬶᬢᬓᬬᬸᬦᬾᬢᬦ᭄ᬲᬶᬧᬶ᭞ᬫᬵᬗᭂᬦ᭄ᬳᬗᭂᬦ᭄ᬭᬶᬂᬓᬬᬸᬦ᭄᭞ᬚᭂᬮᬾᬩᬶᬓᬲ᭄‌ᬕᬸᬲ᭄ᬢᬶᬯᬬᬦ᭄᭞ᬢᬦ᭄‌ᬯᬸᬭᬸᬗᬦ᭄‌ᬓᬶᬢᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬭᬩᬶᬦ᭄ᬘᬳᬶᬕᭂᬮᬄᬜᬸᬯᬂ᭞ᬳᬧᬦ᭄ᬳᬬᬸᬫᬗᭂᬦᭀᬢᬶᬦ᭄᭟ᬓᬵ [ 13 ][᭑᭒ 12B]
᭑᭒
ᬮᬦᬶᬂᬳᬲᬧᬸᬦᬶᬓ᭞ᬲᬕᬾᬢ᭄ᬳᬦᬤᬹᬢᬭᬯᬸᬄᬤᬶᬕᬢᬶ᭞ᬳᬸᬢᬸᬲᬦ᭄ᬳᬶᬤᬲᬂᬧ᭄ᬭᬪᬸ᭞ᬉᬤ᭄ᬬᬦᬦᬵᬕᬭ᭞ᬗᬢᬸᬭᬂᬰᬾᬯᬮᬧᬢ᭄ᬭᬭᬶᬂᬲᬂᬩᬕᬸᬲ᭄᭞ᬤᬾᬯᬵᬕᬸᬂᬳᬦᭀᬫ᭄ᬫᬦᬗ᭄ᬕᬧ᭄᭞ᬲᬸᬭᬵᬢᬾᬓᬧᬘᬳᬭᬶᬲ᭄᭟ᬘᭂᬦ᭄ᬤᭂ
ᬢ᭄ᬤᬕᬶᬗᬶᬂᬰᬾᬯᬮᬧᬢ᭄ᬭ᭞ᬕᬸᬲ᭄ᬢᬶᬯᬬᬦ᭄ᬫᬗ᭄ᬤᬧ᭄ᬭᬲᬶᬤᬫᬢᬶ᭞ᬳᬸᬭᬶᬧ᭄ᬤᬦᬾᬦᬾᬓᬩᬜ᭄ᬘᬸᬢ᭄᭞ᬓᬩᬯᭀᬲ᭄ᬜᬫᬶᬦᬶᬦ᭄ᬦᬵᬣ᭞ᬫᬸᬲᬸᬄᬲᬶᬮᬶᬩ᭄‌ᬗᬶᬦ᭄ᬓᬶᬦᬂᬦᬬᬢᬦ᭄ᬧᬢᬹᬢ᭄᭞ᬗ᭄ᬭᬸᬭᬸᬄᬓᬲᬶᬳᬦᬶᬂᬧᬜ᭄ᬚᬓ᭄᭞ᬗᬦ᭄ᬤᬧᬂ
ᬯᬶᬪᬯᬦ᭄ᬧᬸᬭᬷ᭟ᬓᬲᬸᬯᬾᬦ᭄ᬲᬸᬯᬾᬦ᭄ᬲᬶᬦᬄᬲᬶᬤ᭄ᬥ᭞ᬳᬃᬬ᭄ᬬᬓᬚᬓᬯᬸᬄᬳᬦᬾᬗᬶᬲᬶᬕᬸᬫᬶ᭞ᬫᬸᬲᬸᬄᬩᬸᬬᬸᬢᬦᬾᬫᬮᬸ᭞ᬲᬢᬢᬗᬯᬾᬩᬬ᭞ᬧᬸᬧᬸᬢ᭄ᬳᬢᬸᬃᬕᬸᬲ᭄ᬢᬶᬯᬬᬦ᭄ᬳᬧᬂᬮᬫ᭄ᬧᬸᬲ᭄᭞ᬗᬯᬾᬥᬷᬃᬖᬬᬸ
ᬱᬦ᭄ᬚᬕᬢ᭄᭞ᬓᬮᬗ᭄ᬕᭂᬗᬦ᭄ᬫᬤ᭄ᬬᬪᬸᬫᬶ᭟᭜᭟ᬦᬵᬣᬾᬂᬳᬦᭀᬫ᭄ᬢᬢᬲ᭄᭞ᬤᬕᬶᬂᬭᬯᭀᬲᬾᬭᬶᬂᬢᬸᬮᬶᬲ᭄᭞ᬮᬾᬤᬂᬳᬶᬤᬦᬾᬓᬮᬶᬯᬢ᭄᭞ᬲᬫᭂᬢᭀᬦᬾᬧᬤᬳᬦᬹᬢ᭄᭞ᬧᬘᬂᬗ᭄ᬮᭂᬩᬸᬃᬕᬸᬲ᭄ᬢᬶᬯᬬᬦ᭄᭞

[᭑᭓ 13A]
᭑᭓
ᬘᬳᬶᬧᬢᬶᬄ᭞ᬢᬦ᭄‌‌ᬯᬸᬭᬸᬗᬦ᭄ᬘᬳᬶᬧᭂᬚᬄ᭟ᬗᬫ᭄ᬩᬶᬮ᭄ᬮᭀᬦ᭄ᬢᬃᬢᬸᬃᬫᬜᬸᬭᬢ᭄᭞ᬫᭂᬓᭂᬮ᭄ᬮᭀᬃᬓᬢᬶᬩᬦᬶᬦ᭄᭞ᬲᬶᬕᬫᭂᬓᭂᬮ᭄‌‌ᬦᬶᬭᬲᬵᬭᬢ᭄᭞ᬤᬶᬤᬶᬦᬾᬧ᭄ᬭᬲᬶᬤ᭄ᬥᬍᬩᬸᬃ᭞ᬕᬸᬲ᭄ᬢᬶᬯᬬᬦ᭄‌‌ᬤᬸᬭᬵᬢ᭄ᬫᬓ᭞ᬫᬸᬲᬸᬄᬕᬸᬫᬶ᭞
ᬤᬾᬦ᭄ᬢᬳᬾᬜ᭄ᬚᬶᬂᬓᬧ᭄ᬭᬚᬬ᭟ᬲᬶᬕᬓᭀᬦ᭄ᬦᬶᬭᬫ᭄ᬭᬚᬬ᭞ᬳᬚᬲᬶᬗ᭄ᬲᬮ᭄‌‌ᬯᬭᬄᬓᬳᬶ᭞ᬬᬢ᭄ᬦᬮᬯᬦ᭄‌‌ᬭᭀᬯᬂᬲᬶᬕ᭞ᬧᬶᬭᬩᬓ᭄ᬢᬶᬦ᭄ᬫᬸᬭᬶᬳᬓᬸ᭞ᬓᬮᬧ᭄ᬭᬧ᭄ᬢᬲᬶᬭᬩᬾᬜ᭄ᬚᬂ᭞ᬋᬩᬸᬢ᭄ᬧᬢᬾᬦᬶᬦ᭄᭞ᬧᭂᬚᬄᬧ᭄ᬫᬕᬸᬲ᭄ᬢᬶᬯ
ᬬᬦ᭄᭟ᬲᬧᬸᬦᬶᬓᬩᬯᭀᬲ᭄ᬳᬶᬤ᭞ᬫᬦᬹᬢ᭄ᬓᭂᬘᬧᬾᬭᬶᬂᬢᬸᬮᬶᬲ᭄᭞ᬓᬩᬩᬮᬂᬫᬧᬸᬢᬸᬲᬦ᭄᭞ᬗᬢᬸᬭᬶᬦ᭄ᬳᬗ᭄ᬮᬸᬭᬄᬳᬕᬸᬂ᭞ᬕᬸᬲ᭄ᬢᬶᬧᬢᬶᬄᬫᬗ᭄ᬤᬮᬸᬗ᭞ᬩᬾᬜ᭄ᬚᬂᬳᬾᬜ᭄ᬚᬶᬂ᭞ᬫᬭᬶᬓᬓᬩ᭄ᬭᬫ᭄ᬩᬦᬦ᭄᭟ᬗᬺᬋᬄ
ᬳᬸᬧᭂᬢᬶᬦᬶᬂᬚᬕᬢ᭄᭞ᬯᬤ᭄ᬯᬓᬮᬾᬃᬓᬯᬸᬄᬫᬗᬶᬭᬶᬂ᭞ᬳᬢᬸᬃᬜᬦᬾᬲᬂᬧᬸᬢᬸᬲᬦ᭄᭞ᬤᬦᬾᬓᬶᬧᬢᬶᬄᬫᬗ᭄ᬭᬸᬗᬸ᭞ᬦᬶᬭᬮᬓᬃᬫᬗᬶᬭᬶᬗᬂ᭞ᬓᭂᬫᬫᬸᬮᬶᬄ᭞ᬳᬶᬧᬸᬢᬸᬲᬦ᭄ᬧᬫᬶᬢ᭄ᬩᬸᬤᬮ᭄᭟ᬧᬸᬢᬶᬄᬢᭂᬫᬸᬃᬳᬩᬂ [ 14 ][᭑᭓ 13B]
᭑᭓
ᬯᬾᬢᬦ᭄᭞ᬕᬸᬲ᭄ᬢᬶᬯᬬᬦ᭄‌ᬯᬸᬲ᭄ᬫᬢᬗᬶ᭞ᬭᬩᬶᬦᬾᬓᬕᭂᬮᬸᬢᬺᬓᭀ᭞ᬳᬯᭀᬃᬓᬭᬰ᭄ᬫᬶᬦ᭄ᬲᬮᬸᬮᬸᬢ᭄᭞ᬜᬧᬸᬓᬂᬘᬸᬫ᭄ᬩᬦᬭᬲ᭞ᬫᬧᬲᬶᬳᬶᬦ᭄᭞ᬳᬤᬶᬳᬬᬸᬩᭂᬮᬶᬮᬸᬗ᭟ᬚᬸᬫᬄᬳᬤᬶᬳᬧᬂᬫᭂᬮᬄ᭞
ᬩᭂᬮᬶᬧᬫᬶᬢ᭄‌‌ᬦᬾᬦᬾᬫᬗ᭄ᬓᬶᬦ᭄᭞ᬫᬭᬶᬓᬓᬩ᭄ᬭᬫ᭄ᬩᬦᬦ᭄᭞ᬧᬶᬢᬸᬤᬸᬄᬳᬦᬓᬾᬳᬕᬸᬂ᭞ᬫᬸᬯᬢᬂᬳᬸᬧᭂᬢᬶᬦ᭄ᬚᬕᬢ᭄᭞ᬦᬾᬫᬗᬶᬭᬶᬂ᭞ᬧᬜ᭄ᬚᬓ᭄‌ᬯᬤ᭄ᬯᬩ᭄ᬬᬩᬬ᭟ᬯᬤᬸᬦᬾᬳᭂᬗ᭄ᬲᭂᬓ᭄ᬢᬦᬗᬸᬘᬧ᭄᭞ᬜ᭄ᬭᬧ᭄ᬘᬧ᭄ᬓᬂ
ᬢᭀᬬᬦ᭄ᬳᬓ᭄ᬱᬶ᭞ᬲᬵᬫ᭄ᬧᬸᬦ᭄ᬫᬭᬲᬭᬶᬂᬫᬦᬄ᭞ᬪᬬᬦᬾᬲᬶᬦᬄᬓᬧᬗ᭄ᬕᬸᬄ᭞ᬤᬸᬮᬸᬃᬢᬗᬶᬲ᭄ᬫᬗᬦ᭄ᬤᬶᬓ᭞ᬤᬸᬭᬸᬲ᭄ᬩᭂᬮᬶ᭞ᬮᬸᬗ᭄ᬳᬩᭂᬮᬶᬫᬤᬩ᭄ᬤᬩᬦ᭄᭟ᬫᬗ᭄ᬓᬶᬦ᭄ᬫᬓᬶᬭᬾᬫᬫᬃᬕ᭄ᬕ᭞ᬦᬾᬓᬓᬸᬂᬫᬦᭀᬮᬄᬦᭀᬮᬶᬄ᭞ᬭ
ᬩᬶᬦᬾᬫᬮᬶᬗ᭄ᬕᬶᬄᬩᭂᬗᭀᬂ᭞ᬲᬸᬯᬸᬂᬩᬸᬓᬢᬦ᭄ᬧᬩᬬᬸ᭞ᬫᬍᬘᬢ᭄ᬭᬲᬳ᭄ᬬᬂᬳᬢ᭄ᬫ᭞ᬢᬗᬶᬲ᭄ᬲᭂᬤᬶᬄ᭞ᬗᬶᬭᬶᬂᬧᬫᬃᬕᬦ᭄ᬲᬂᬮᬸᬗ᭄ᬳ᭟ᬳᬾᬫᬦ᭄ᬳᬾᬫᬦ᭄ᬕᬸᬲ᭄ᬢᬶᬯᬬᬦ᭄᭞ᬢᬦᬶᬳᬲᬶᬦ᭄‌ᬦᬶᬓᬸᬮ᭄ᬩᭂᬤᬶᬮ᭄᭞ᬧᬦ᭄ᬢᭂᬲ᭄ᬤᬦᬾ

[᭑᭔ 14A]
᭑᭔
ᬦᬸᬗ᭄ᬕᬂᬚᬭᬦ᭄᭞ᬧ᭄ᬭᬪᬯᬦᬾᬳᬩ᭄ᬭᬫᬸᬭᬸᬩ᭄᭞ᬓᬵᬮᬦᬶᬂᬫᬦᬦ᭄ᬤᬂᬧᬬᬲ᭄᭞ᬢᬸᬃᬫᬫᬃᬕᬶ᭞ᬫᬭᬶᬓᬓᬩ᭄ᬭᬫ᭄ᬩᬦᬦ᭄᭟ᬲᬂᬓᬭᬶᬮᬯᬦ᭄ᬲᬂᬮᬸᬗ᭄ᬳ᭞ᬧᬤᬫᬭᬲᬭᬶᬂᬳᬢᬶ᭞ᬫᬗ᭄ᬭᬭᬶᬲ᭄ᬓᬯᭀᬦᬶᬦ᭄ᬋᬓᭀ᭞ᬭᬩᬶᬦᬾᬫ
ᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬗᬶᬭᬶᬗᬂᬳᬦ᭄ᬢᬸᬓ᭄ᬘᬘᬶᬗᬓ᭄᭞ᬤᬸᬮᬸᬃᬲᭂᬤᬶᬄ᭞ᬢᬗᬶᬲᬾᬢᬦ᭄ᬧᬧᭂᬕᬢᬦ᭄᭟ᬢᬸᬫᬸᬭᬸᬦ᭄ᬲᬵᬫ᭄ᬧᬸᬦ᭄ᬭᬶᬂᬦᬢᬃ᭞ᬲᬶᬦᬦ᭄ᬤᭂᬃᬓᬶᬮᬧ᭄ᬮᬦ᭄ᬧᬓ᭄ᬱᬶ᭞ᬳᬚᬦ᭄ᬭᬚᬦᬾᬫᬲᬾᬬᭀᬓ᭄᭞ᬢᬾᬚᬕᬸᬮᬶᬂᬮᬦ᭄ᬓᬓᬸ
ᬯᬸᬂ᭞ᬓᭂᬢᬸᬕ᭄ᬮᬶᬦᬸᬄᬫᬕᭂᬜ᭄ᬚᭀᬗᬦ᭄᭞ᬓᬶᬮᬧ᭄ᬢᬢᬶᬢ᭄᭞ᬕᭂᬋᬳᬾᬫᬭᬶᬂᬳᬫ᭄ᬩᬭ᭟ᬧᬓ᭄ᬱᬶᬕᭀᬯᬓ᭄ᬫᬩ᭄ᬬᬬᬸᬳᬦ᭄᭞ᬫᬜ᭄ᬘᭂᬕ᭄ᬤᬶᬓᬬᬸᬦᬾᬮᬶᬕᬶᬃ᭞ᬫᬶᬭᬶᬩ᭄ᬳᭂᬦ᭄ᬢᭀᬫᬜᬶᬭ᭄ᬬᬂ᭞ᬩᬬᬧᬢᬶᬦᬾᬓᬧᬗ᭄ᬕᬶᬄ᭞
ᬕᬸᬲ᭄ᬢᬶᬳᬬᬸᬲᬵᬫ᭄ᬧᬸᬦ᭄ᬢᬢᬲ᭄᭞ᬲᭂᬤᬶᬄᬓᬶᬂᬓᬶᬂ᭞ᬢᬗᬶᬲ᭄ᬤᬦᬾᬜᬸᬫᬶᬗ᭄ᬓᬶᬦᬂ᭟ᬲᭂᬕᬸᬲᭂᬕᬸᬫᬲᬫ᭄ᬩᬢᬦ᭄᭞ᬲᭂᬤᬶᬄᬗᬸᬦ᭄ᬗᬸᬦ᭄ᬫᬜᬸᬭᬶᬫᬶᬓ᭄᭞ᬗᭂᬢᭀᬦ᭄ᬘᬶᬭᬶᬦᬾᬳᬶᬩᬸᬲᬦ᭄᭞ᬪᬬᬦᬾᬚᬦ᭄ᬢᭂᬦ᭄ᬓᬧᬗ᭄ᬕᬸᬄ᭞ᬓᬧᬸ [ 15 ][᭑᭔ 14B]
᭑᭔
ᬭᬗᬢᬸᬭᬂᬘᬦᬂ᭞ᬫᬗᬱ᭄ᬝᬶᬣᬶ᭞ᬫᭀᬕᬶᬓᬲ᭄ᬯᬾᬘᬦᬦ᭄ᬳ᭄ᬬᬂ᭟ᬲᬂᬮᬸᬗ᭄ᬳᬫᬭᬲᬭᬶᬂᬘᬶᬢ᭄ᬢ᭞ᬚ᭄ᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄᬫᬫᬃᬕ᭄ᬕᬶ᭞ᬜᬩ᭄ᬭᬦ᭄ᬜᬩ᭄ᬭᬦ᭄ᬫᬭᬃᬬ᭄ᬬᬦ᭄᭞ᬍᬫᭂᬢ᭄ᬭᬲᬢᬦ᭄ᬧᬩᬬᬸ᭞ᬳᬾᬮᬶᬂᬭᬶᬂᬲᬂᬓᬢᬶᬗ᭄ᬕᬮ᭄᭞ᬦᬦ᭄ᬤᬂ
ᬲᭂᬤᬶᬄ᭞ᬭᬶᬂᬧᬸᬭ᭄ᬬᬦ᭄ᬫᬜᬦ᭄ᬢᭀᬲᬂ᭟ᬓᬬᬸᬦ᭄ᬤᬦᬾᬫᬦᭂᬭᬯᬂ᭞ᬓᬫ᭄ᬩᬂᬓᬸᬫ᭄ᬩᬂᬭᬶᬂᬧᬫᬃᬕ᭄ᬕᬶ᭞ᬲᬭᬯᬸᬄᬭᬶᬂᬢᬸᬓᬤ᭄ᬲᬂᬲᬂ᭞ᬘᭀᬓᭀᬭᬾᬓᬢᬜ᭄ᬚᬸᬂᬩᬢᬸ᭞ᬜᬮᬾᬫ᭄ᬧᭀᬄᬤᬦᬾᬭᬶᬂᬳᬯᬦ᭄᭞ᬢᬸᬃᬫᬮᬶᬗ᭄ᬕᬶᬄ᭞ᬲᬶᬦᬦ᭄ᬤᭂᬭ
ᬦ᭄ᬧᬓ᭄ᬱᬶᬕᭀᬯᬓ᭄᭟ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬜᬶᬭ᭄ᬬᬂ᭞ᬩᬬᬦᬾᬧᬘᬂᬓᬧᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬫᬭᬲᬭᬶᬂᬘᬶᬢ᭄ᬢ᭞ᬲᬶᬦᬄᬤᬦᬾᬧᬘᬂᬮᬫ᭄ᬧᬸᬲ᭄᭞ᬳᬦᬓᬾᬳᬕᬸᬂᬜᬶᬲᬶᬧᬂ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬬᬸ
ᬦᬦ᭄᭟ᬳᬶᬭᬢᬸᬫᬗᬶᬦ᭄ᬤ᭄ᬭᬚᬮ᭞ᬲᬓᬤᬶᬧᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬤᬸᬭᬸᬲᬂᬭᬢᬸᬜᬶᬲᬶᬧᬂ᭞ᬢᬶᬢ᭄ᬬᬂᬲᬤ᭄ᬬᬧᬘᬂᬮᬫ᭄ᬧᬸᬲ᭄᭞ᬦᭂᬕᭂᬕᬂᬲᬢ᭄ᬬᬩᬭᬢ᭞ᬮᬶᬗ᭄ᬕᬶᬄᬧᬢᬶᬄ᭞ᬜᬸᬯᬸᬦ᭄ᬢᬶᬢᬳᬶᬂᬲᬂᬦᬵᬣ᭟

[᭑᭕ 15A]
᭑᭕
ᬫᬸᬗ᭄ᬕᬄᬗᬮᬾᬃᬓᬯᬸᬳᬂ᭞ᬕᬕᬜ᭄ᬘᬗᬦ᭄ᬫᬫᬃᬕ᭄ᬕᬶ᭞ᬫᬗ᭄ᬤᬾᬦᬾᬦᬾᬦ᭄ᬢᭂᬦ᭄ᬓᬲᬾᬧᬦ᭄᭞ᬭᬯᬸᬄᬫᬭᬶᬂᬓᬮᬾᬃᬓᬯᬸᬄ᭞ᬯᬤ᭄ᬯᬦᬾᬳᬓᬾᬄᬫᬗᬶᬭᬶᬗᬂ᭞ᬯᬸᬲ᭄ᬜᬦ᭄ᬢᭀᬲᬶᬦ᭄᭞ᬫᬭᬶᬓᬭᬶᬂᬩ᭄ᬭᬫ᭄ᬩᬗᬦ᭄᭟ᬮᬸᬫᬓᬸᬫ
ᬗ᭄ᬓᬶᬦ᭄ᬗᬮᬾᬭᬂ᭞ᬓᬸᬤᬂᬤᬾᬰᬓᬮᬶᬦ᭄ᬢᬗᬶᬦ᭄᭞ᬫᬫᬃᬕ᭄ᬕᬶᬫᬸᬗ᭄ᬕᬳᬂᬳᬮᭀᬦ᭄᭞ᬫᬶᬭᬶᬩ᭄ᬤᬦᬾᬲᬵᬫ᭄ᬧᬸᬦ᭄ᬮᭂᬲᬸ᭞ᬤᬾᬦᬶᬂᬧᬫᬃᬕᬶᬦᬾᬲᭂᬗ᭄ᬓ᭞ᬦᬸᬳᬹᬢ᭄ᬩᬸᬓᬶᬢ᭄᭞ᬜᬸᬲᬸᬧ᭄ᬚᬸᬭᬂᬳᬮᬲ᭄‌‌ᬯᬬᬄ᭟ᬤᬦᬾᬫᭂᬓᭂᬮ᭄ᬫᬗ
ᬋᬧᬂ᭞ᬕᬸᬲ᭄ᬢᬶᬯᬬᬦ᭄ᬫᬦᬓᭀᬦᬶᬦ᭄᭞ᬓᬾᬦ᭄ᬓᬾᬦ᭄ᬧᬫᬦ᭄‌‌ᬯᬸᬲ᭄ᬲᬬᬕ᭞ᬧᬶᬭᬭᭀᬯᬗᬾᬲᬢᬶᬦᬹᬢ᭄᭞ᬤᬦᬾᬫᭂᬓᭂᬮ᭄ᬫᬢᬸᬃᬜᬸᬫ᭄ᬩᬄ᭞ᬲᬵᬫ᭄ᬧᬸᬦ᭄ᬕᬸᬲ᭄ᬢᬶ᭞ᬲᬵᬫ᭄ᬧᬸᬦ᭄ᬳᬦ᭄ᬢᬃᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬤᬩ᭄ᬤᬩᬂᬧᬫᬦ᭄ᬤᬩ᭄ᬤ
ᬩᬂ᭞ᬗᬮᬦ᭄ᬢᬸᬃᬚᬦᬶᬫᬫᬃᬕ᭄ᬕᬶ᭞ᬭᭀᬯᬗᬾᬬᬢ᭄ᬦᬗᬶᬭᬶᬗᬂ᭞ᬢᬹᬢ᭄ᬮᬫ᭄ᬧᬄᬳᬗ᭄ᬮᬸᬭᬄᬳᬕᬸᬂ᭞ᬤᬦᬾᬫᭂᬓᭂᬮ᭄ᬫᬗᬋᬧᬂ᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬗᬶᬭᬶᬂᬕᬸᬲ᭄ᬢᬶᬫᬭᬃᬭ᭄ᬬᬦ᭄᭟ᬧᬶᬦᬶᬄᬭᬶᬳᬶᬦ᭄ᬳᬫ᭄ᬧᬸᬭᬬᬂ᭞ᬧ᭄ᬭᬲᬗ᭄ᬕᬢᬶ [ 16 ][᭑᭕ 15B]
᭑᭕
ᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬧᬸᬭᬸᬦ᭄ᬢᬶᬢ᭄ᬬᬂᬓᬮᬶᬯᬢᬦ᭄᭞ᬗᬶᬭᬶᬂᬩᬯᭀᬲ᭄ᬳᬦᬓᬾᬳᬕᬸᬂ᭞ᬤ᭄ᬯᬦᬶᬂᬢᬶᬢ᭄ᬬᬂᬫᬗᬯᬸᬮ᭞ᬦᬶᬓᬶᬕᬸᬲ᭄ᬢᬶ᭞ᬲ᭄ᬯᬮᬧᬢ᭄ᬭᬓᬳᬢᬸᬭᬂ᭟ᬤᬦᬾᬕᬸᬲ᭄ᬢᬶᬭᬭᬶᬲ᭄ᬦᬗ᭄ᬕᬧ᭄᭞ᬲᬸᬭᬵᬢᬾᬓᬧᬘ
ᬭᬭᬶᬲ᭄᭞ᬲᬵᬫ᭄ᬧᬸᬦ᭄ᬫᬭᬲᬭᬶᬂᬘᬶᬢ᭄ᬢ᭞ᬳᬦᬓᬾᬳᬕᬸᬂᬫᬦᬸᬤᬸᬄ᭞ᬦᬦᭂᬂᬤᬦᬾᬜᬶᬓ᭄ᬬᬂᬘᬶᬢ᭄ᬢ᭞ᬓᭀᬲᭂᬓ᭄ᬳᬢᬶ᭞ᬳᬮᭀᬦ᭄ᬩᬯᭀᬲᬾᬗᬦ᭄ᬤᬶᬓ᭟ᬧᬫᬦ᭄ᬫᭂᬓᭂᬮ᭄ᬕᭂᬮᬄᬲᬸᬓ᭄ᬱ᭄ᬫ᭞ᬗᬶᬭᬶᬂᬧᬓᬬᬸᬦᬦ᭄ᬕᬸᬲ᭄ᬢᬶ᭞ᬲᭀᬢᬦᬶᬂ
ᬤᬾᬯᬾᬓ᭄ᬫᬫᬜ᭄ᬚᬓ᭄᭞ᬳᬲᬶᬂᬩᬯᭀᬲ᭄ᬜᬦ᭄ᬤᬂᬢᬶᬦᬹᬢ᭄᭞ᬳᬗ᭄ᬳᬶᬂᬕᭂᬮᬄᬗᬶᬤᬶᬄᬢᬾᬫ᭄ᬧᭀ᭞ᬦᬸᬫᬩᬺᬲᬶᬄ᭞ᬧ᭄ᬭᬬᬫᭂᬤᭂᬓ᭄ᬲᬲᬸᬳᬸᬦᬦ᭄᭟᭜᭟ᬢᬦᬲᬸᬯᬾᬧᬸᬧᬸᬢ᭄ᬳᬩᬺᬲᬶᬄᬳᬓ᭄ᬭᬫᬲ᭄᭞ᬳᬲᬮᬶᬦ᭄
ᬯᬲ᭄ᬢ᭄ᬭᬧᬸᬢᬶᬄ᭞ᬭᬭᬶᬲ᭄ᬫᬤᬩ᭄ᬤᬩᬦ᭄᭞ᬳᬢᬓᬶᬗᬸᬗ᭄ᬲᬶᬲ᭄ᬯᬃᬕ᭄ᬕ᭞ᬫᬗ᭄ᬮᬭᬂᬲᬂᬳ᭄ᬬᬂᬳᬚᬶ᭞ᬢ᭄ᬭ᭄ᬬᬵᬓ᭄ᬱᬵᬭ᭞ᬰᬵᬲ᭄ᬢ᭄ᬭᬳᬸᬢ᭄ᬢᬫᬦᬾᬧᬶᬗᬶᬢ᭄᭟ᬅᬁᬭᬶᬂᬚᬚᬗ᭄ᬓᬸᬕᭂᬦᬶᬲᬕᬸᬦᬸᬂᬤᬸᬫᬶᬮᬄ᭞ᬗᭂᬲᭂᬂᬲᬃᬯ᭄ᬯ

[᭑᭖ 16A]
᭑᭖
ᬭᭀᬕᬤᬶ᭞ᬉᬁᬭᬶᬂᬳᬺᬤᬬ᭞ᬳᬫᭂᬢᬸᬯ᭄ᬯᬿᬫᬗ᭄ᬤᭂᬍ᭞ᬲᬃᬯ᭄ᬯᬯᬶᬕ᭄ᬦᬫᬓᬤᬶ᭞ᬓᬳᬜᬸᬤᬂ᭞ᬢᭂᬓᬳᭂᬦᬶᬂᬚᬢᬶᬍᬯᬶᬄ᭟ᬫᬁᬭᬶᬂᬯᬵᬓ᭄ᬢ᭄ᬭᬳᬗᬶᬦ᭄ᬮᬶᬦᬸᬲ᭄ᬓᬯᭂᬢ᭄ᬯᬂ᭞ᬫᬗᬫ᭄ᬧᭂᬳᬂᬲᬃᬯᬵᬤᬶ᭞ᬲᬧᬧᬧᬢᬓ᭞ᬳᬳᭂᬦᬶᬂ
ᬓᬂᬰᬭᬷᬭ᭞ᬫᬫ᭄ᬧᬓ᭄ᬲ᭄ᬯᬃᬕ᭄ᬕᬦᬾᬲᬫᬶ᭞ᬯᬸᬲ᭄ᬓᬋᬕᭂᬧᬂ᭞ᬧᬲᬶᬫ᭄ᬧᭂᬦᬦ᭄ᬰᬵᬲ᭄ᬢ᭄ᬭᬧᬶᬗᬶᬢ᭄᭟ᬩᬾᬢᬾᬮ᭄ᬢᬶᬗ᭄ᬳᬮ᭄‌‌ᬲ᭄ᬯᬃᬕ᭄ᬕᬦᬾᬭᬶᬂᬕᬕᬦ᭞ᬭᬶᬂᬧᬹᬃᬯ᭄ᬯᬓᬾᬤᭂᬧ᭄ᬧᬸᬢᬶᬄ᭞ᬳᬲ᭄ᬭᬶᬫᬓᬫ᭄ᬩᬗᬦ᭄᭞ᬫᬭᬳᬩ᭄ᬲ᭄ᬮᬓ᭞
ᬲᬧᬦᬶᬰ᭄ᬓᬭᬲᬃᬯ᭄ᬯᬧᬸᬢᬶᬄ᭞ᬇᬰ᭄ᬯᬭᬧᬤ᭞ᬲᬢ᭄ᬬᬩ᭄ᬭᬢᬓᬗᬫᬸᬓ᭄ᬢᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬗᭂᬮᬭᬂᬲᬂᬳ᭄ᬬᬂᬆᬓ᭄ᬱᬭ᭞ᬗᬦ᭄ᬤᬶᬓᬕᬸᬲ᭄ᬢᬶᬧᬢᬶᬄ᭞ᬦᬄᬮᬯᬸᬢᬂᬧᬫᬦ᭄᭞ᬕᭂᬮᬄᬮᬲ᭄ᬬᬫᬗᬶᬭᬶᬗᬂ᭞ᬲᬧᬶᬢᬸ
ᬤᬸᬄᬦᬣᬾᬳᬚᬶ᭞ᬫᬗ᭄ᬤᬾᬦᬾᬲᬶᬤ᭄ᬥ᭞ᬳᬶᬤᬫᬫᬗ᭄ᬕᬶᬳᬶᬦ᭄ᬩᭂᬘᬶᬓ᭄᭟ᬫᬢᬸᬃᬜᬸᬫ᭄ᬩᬄᬤᬦᬾᬫᭂᬓᭂᬮ᭄ᬦᬸᬦᬲ᭄ᬮᬸᬕ᭄ᬭ᭞ᬳᬫ᭄ᬧᬸᬭᬢᬶᬢ᭄ᬬᬂᬕᬸᬲ᭄ᬢᬶᬧᬢᬶᬄ᭞ᬧ᭄ᬭᬲᬗ᭄ᬕᬓᬮᬶᬦ᭄ᬢᬂ᭞ᬧᬸᬭᬸ [ 17 ][᭑᭖ 16B]
᭑᭖
ᬦ᭄ᬢᬶᬢ᭄ᬬᬂᬫᬗᬶᬭᬶᬗᬂ᭞ᬧᬗᬦ᭄ᬤᬶᬓᬦ᭄ᬦᬣᬾᬂᬅᬚᬶ᭞ᬫᭀᬕᬶᬲ᭄ᬯᬾᬘ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬤᬶ᭟ᬤᬦᬾᬫᭂᬓᭂᬮ᭄ᬗᬸᬦᬸᬲ᭄ᬓᭂᬭᬶᬲ᭄ᬓᬮᬶᬮᬶᬭᬦ᭄᭞ᬫᬗᬭᬦ᭄ᬓᬶᬩᬜᬸᬯᬗᬶ᭞ᬫᬗᬺᬚᭂᬓ᭄ᬲᬳᬲ᭞ᬕᬸᬲ᭄ᬢᬶᬯᬬᬦ᭄ᬓᬦᬶᬦ᭄
ᬭ᭄ᬯ᭞ᬫᬸᬜ᭄ᬘ᭄ᬭᬢ᭄‌‌ᬭᬄᬫᭂᬭᬶᬓ᭄ᬲᬸᬫᬶᬭᬶᬢ᭄᭞ᬓᬶᬦᬲᬶᬳᬦ᭄ᬢᬶᬢᬄ᭞ᬫᬮᬶᬫ᭄ᬧᬸᬕᬦ᭄ᬳᬜᭂᬓᬃᬦᬤᬶ᭟ᬢᬦᬲᬸᬯᬾᬲᬾᬤᬲᬵᬫ᭄ᬧᬸᬦ᭄ᬕᬸᬲ᭄ᬢᬶᬯᬬᬦ᭄᭞ᬮᬬᭀᬦᬾᬧᬸᬢᬶᬄᬕᬤᬶᬂ᭞ᬭᬶᬲᬢ᭄ᬲᬢ᭄ᬳᬢᬸᬃᬯ᭄ᬯ᭞ᬯᬤᬦᬕ
ᬮᬂᬤᬸᬫᬶᬮᬄ᭞ᬳᬗᭀᬩ᭄ᬲᬂᬫᬗᬢᭀᬦᬶᬦ᭄᭞ᬍᬯᬶᬳᬶᬂᬯᬶᬪᬯ᭞ᬲᬂᬲᬵᬫ᭄ᬧᬸᬦ᭄ᬳᬸᬫᭀᬭᬶᬂᬯᬶᬥᬷ᭟ᬫᬓᬘᬶᬳ᭄ᬦᬧᭂᬢᭂᬂᬤᭂᬤᭂᬢ᭄ᬭᬶᬂᬳᬫ᭄ᬩᬭ᭞ᬓᬶᬮᬧ᭄ᬢᬢᬶᬢ᭄ᬫᬜᬦ᭄ᬤᭂᬭᬶᬦ᭄᭞ᬲᬚᬳᬦ᭄ᬳᬸᬚᬦ᭄ᬢᬶᬩ᭞ᬳᬗᬶᬦ᭄ᬮᬶᬦᬸ
ᬲ᭄ᬤᬶᬦᬸᬮᬸᬭᬦ᭄᭞ᬮ᭄ᬯᬶᬃᬲᬗ᭄ᬳᬭᬦᬶᬂᬪᬸᬫᬶ᭞ᬓᬕ᭄ᬬᬢ᭄ᬓᬕᬯᭀᬓ᭄᭞ᬯᬤ᭄ᬯᬦᬾᬲᬫᬶᬫᬮᬳᬶᬩ᭄᭟ᬧᬢᬶᬮᬸᬧ᭄ᬮᬸᬧ᭄ᬢᬶᬩᬧᬭᬦᬶᬂᬮᬫ᭄ᬧᬄ᭞ᬳᬚ᭄ᬭᬶᬄᬗᬋᬲ᭄ᬋᬲᬶᬦ᭄᭞ᬧᬤᬫᬲᬶᬦᬸᬢᬦ᭄᭞ᬩᬮᬸᬲ᭄ᬩᭂ

[᭑᭗ 17A]
᭑᭗
ᬗᬶᬮ᭄ᬗᬶᬮ᭄ᬕᬶᬮᬂ᭞ᬓᬫ᭄ᬩᭂᬦ᭄‌‌ᬯᬾᬓ᭄ᬧᬲᬸᬭᬦ᭄ᬢᬶᬂ᭞ᬳᬗ᭄ᬓᬶᬳᬦ᭄‌‌ᬓᭀᬳᭀᬲ᭄᭞ᬗᭀᬚᭀᬕ᭄ᬳᬸᬫᬄᬦᬶᬭᬶᬦᬶᬭᬶ᭟᭜᭟ᬧᭂᬢᭂᬂᬤᭂᬤᭂᬢ᭄ᬳᬚᬦ᭄ᬰᬷᬃᬡᬲᬵᬫ᭄ᬧᬸᬦ᭄᭞ᬧᬸᬢ᭄ᬭᬓ᭄ᬭᬶᬂᬕᬕᬦᬦᬾ᭞ᬲᬶᬦᬄᬓᬦ᭄ᬢᭂᬦ᭄ᬘᬶᬭᬶᬦ᭄ᬮᬗᬶᬢ᭄᭞ᬢᬾᬚᬗ
ᬤᭂᬕ᭄ᬮᬦ᭄ᬓᬓᬸᬯᬸᬂ᭞ᬤᬶᬦᬸᬮᬸᬭᬦ᭄ᬓᭂᬢᬸᬕ᭄ᬮᬶᬦᬸᬄ᭞ᬫᬲᬶᬬᭀᬓ᭄ᬳᬸᬚᬦ᭄‌‌ᬭᬵᬚᬦᬾ᭞ᬢᭂᬗᭂᬭᬦ᭄ᬲᬂᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬲᬂᬫᬗ᭄ᬕᭂᬳᬂᬲᬢ᭄ᬬᬩ᭄ᬭᬢ᭞ᬳᬧᬦ᭄ᬓᬶᬦᬲᬶᬳᬶᬂᬳ᭄ᬬᬂ᭟ᬲᬶᬭᬤᬸᬓᬸᬄᬬᬢ᭄ᬦᬜᬶᬗᬓ᭄ᬲᬵᬫ᭄ᬧᬸᬦ᭄᭞ᬢᭂᬗᭂᬭᬦ᭄ᬚ
ᬕᬢᬾ᭞ᬲᬶᬦᬄᬲᬵᬫ᭄ᬧᬸᬦ᭄ᬫᬃᬕᬍᬯᬶᬄ᭞ᬧᬫᬃᬕᬶᬦ᭄ᬲᬂᬲᬵᬫ᭄ᬧᬸᬦ᭄ᬯᭂᬭᬸᬄ᭞ᬗᬸᬗ᭄ᬲᬶᬲ᭄ᬯᬃᬕ᭄ᬕᬦᬾᬮᬸᬳᬸᬃ᭞ᬤᬾᬤᬸᬓᬸᬄᬳᬢᬓ᭄ᬯᬦ᭄ᬫᬗ᭄ᬓᬾ᭞ᬭᭀᬯᬗᬶᬭᬜᬸᬫ᭄ᬩᬄᬫᬵᬢᬸᬃ᭞ᬕᬸᬲ᭄ᬢᬶᬯᬬᬦ᭄ᬓᭀᬘᬧ᭄‌‌ᬲᬾᬤ᭞ᬲᬂᬦᬵᬣᬓᭀ
ᬦᬵᬫ᭄ᬭᬚᬬ᭟ᬕᬸᬲ᭄ᬢᬶᬯᬬᬦ᭄ᬲᬢ᭄ᬬᬩ᭄ᬭᬢᬢᬸᬳᬸ᭞ᬯᭂᬦᬂᬲᬶᬭᬫᬗ᭄ᬓᬾ᭞ᬓᬮᬸᬕ᭄ᬭᬤᬾᬲᬂᬳ᭄ᬬᬂᬯᬶᬥᬷ᭞ᬮᬬᭀᬦᬾᬯᭂᬦᬂᬧᬳᬬᬸ᭞ᬤᬶᬤᬶᬦᬾᬫᬗ᭄ᬕᬶᬄᬭᬵᬳᬬᬸ᭞ᬫᭀᬚᬃᬲᬶᬭᬶᬸᬭᬭᬶᬂᬭᭀᬯᬗᬾ᭞ᬲᭀ [ 18 ][᭑᭗ 17B]
᭑᭗
ᬧᬘᬭᬦᬶᬂᬲᬂᬮᬫ᭄ᬧᬸᬲ᭄᭞ᬓᭂᬫᬘᬳᬶᬘᬸᬫᬯᬶᬲᬂ᭞ᬧᬗ᭄ᬭᬾᬓᬵᬦ᭄ᬮᬦ᭄ᬧᬩᬺᬲᬶᬳᬦ᭄᭟ᬳᬾᬕᬃᬫᬦᬳᬶᬭᬲᬂᬤᬸᬓᬸᬄ᭞ᬓᬳᬶᬭᬶᬂᬭᭀᬯᬗᬾ᭞ᬗᬸᬗ᭄ᬲᬶᬕᭂᬦᬄᬕᬸᬲ᭄ᬢᬶᬧᬢᬶᬄ᭞ᬮᬬᭀᬦᬾᬮ᭄ᬯᬶᬃᬳᬢᬸᬭᬸ᭞ᬫᬳᬫ᭄ᬩᬸᬫᬶᬬᬶ
ᬓᬾᬗᬮᬸᬧ᭄᭞ᬓᬓᭂᬢᬸᬲ᭄ᬭᬲᬫᬦᬳᬾ᭞ᬭᭀᬯᬂᬤᬦᬾᬲᬶᬭᬤᬸᬓᬸᬄ᭞ᬗᭂᬮᬶᬂᬗᬶᬭᬶᬂᬫᬧ᭄ᬮᬶᬲᬳᬦ᭄᭞ᬓᬗᭂᬦ᭄ᬭᬶᬂᬲᬂᬲᬵᬫ᭄ᬧᬸᬦ᭄ᬲᬾᬤ᭟ᬮᬬᭀᬦᬾᬫᬗ᭄ᬓᬾᬧᬶᬦᬵᬬᬸ᭞ᬫᬸᬗ᭄ᬕᬄᬳᬾᬢᬾᬄᬳᬾᬢᬾᬄ᭞ᬲᬵᬧᬘᬭ
ᬦᬶᬗᬩᬺᬲᬶᬄ᭞ᬳᬤ᭄ᬬᬸᬲ᭄ᬳᬲᬶᬲᬶᬕ᭄ᬮᬦ᭄ᬳᬫ᭄ᬩᬸᬄ᭞ᬩᭂᬩᭂᬓ᭄ᬯᬗᬶᬍᬗᬶᬲ᭄ᬓᬧᬸᬃ᭞ᬓᬲᬶᬫ᭄ᬩᬸᬳᬶᬦ᭄‌‌ᬤᭀᬦ᭄ᬢᬸᬯᬸᬗᬾ᭞ᬤᭀᬦ᭄ᬳᬶᬦ᭄ᬢᬭᬦ᭄ᬮᬦ᭄ᬤᭀᬦ᭄ᬫᭂᬦᬸᬄ᭞ᬫᭀᬦ᭄ᬫᭀᬦ᭄‌‌ᬫᬶᬭᬄᬯᬶᬡ᭄ᬥᬸᬰᬭ᭞ᬫᬍᬫ᭄ᬢᬮᬸᬄᬮᬦ᭄ᬲᬶᬓᬧ᭟ᬧᬸᬧᬸᬢ᭄ᬲ
ᬫᬶᬓᬫᬃᬕ᭄ᬬᬂᬲᬵᬫ᭄ᬧᬸᬦ᭄᭞ᬧᬗ᭄ᬭᬾᬓᬦᬾᬫᬗ᭄ᬓᬾ᭞ᬓᬯᬗᬾᬦᬾᬫᬦᬹᬢ᭄ᬮᬶᬗ᭄ᬕᬶᬄ᭞ᬢᬗᬦ᭄ᬘᭀᬓᭀᬭᬾᬓᬢᭂᬕᬸᬮ᭄᭞ᬮ᭄ᬯᬶᬃᬳᬫᬸᬱ᭄ᬝᬶᬗᬲ᭄ᬢᬸᬧᬸᬗ᭄ᬓᬸ᭞ᬢᬮᬶᬳᬶᬢᬶᬓ᭄ᬳᬶᬢᬶᬓ᭄ᬧᬦᭂᬕᬸᬮᬦᬾ᭞ᬮᬦ᭄ᬢᬾᬧᬜᬮᬶᬦᬾ

[᭑᭘ 18A]
᭑᭘
ᬗᬸᬮᬸᬂ᭞ᬢᬢᬶᬦ᭄ᬤᬶᬳᬾᬲᬸᬢ᭄ᬭᬧᭂᬢᬓ᭄᭞ᬲᬶᬭᬤᬸᬓᬸᬄᬫᬗᬺᬕᭂᬧᬂ᭟ᬫᬦ᭄ᬢ᭄ᬭᬧᬸᬚᬧ᭄ᬭᬮᬷᬡᬦᬾᬲᬵᬫ᭄ᬧᬸᬦ᭄᭞ᬭᬯᬸᬳᬶᬂᬢᭀᬬᬦᬾ᭞ᬮᬬᭀᬦ᭄ᬤᬦᬾᬓᬲᬶᬭᬢᬶᬦ᭄᭞ᬢᬦᬲᬸᬯᬾᬕᭂᬮᬶᬲ᭄ᬧᬸᬧᬸᬢ᭄᭞ᬲᬵᬧᬘᬭᬦᬶᬂᬲᬂᬮ
ᬫ᭄ᬧᬸᬲ᭄᭞ᬓᬧᭂᬦ᭄ᬤᭂᬫ᭄ᬫᬗ᭄ᬓᬶᬦ᭄ᬮᬬᭀᬦᬾ᭞ᬳᬜ᭄ᬘᬓ᭄ᬱᬚᬶᬧᭂᬭᬶᬂᬩᬸᬮᬸᬄ᭞ᬧᬧᬕᭂᬳᬦᬾᬳᬸᬢᬫ᭞ᬧᬕᭂᬳᬶᬂᬲᬂᬲᬢ᭄ᬬᬩ᭄ᬭᬢ᭟ᬯᬮᬶᬓ᭄ᬫᬸᬯᬄᬤᬦᬾᬲᬶᬭᬤᬸᬓᬸᬄ᭞ᬓᬳᬶᬭᬶᬂᬭᬾᬜ᭄ᬘᬗᬾ᭞ᬭᬶᬂᬧᬤᬸᬓᬸᬳᬦ᭄ᬭᬯᬸᬄᬕᭂᬮᬶᬲ᭄᭞ᬭᬭᬶᬲ᭄ᬲᬶ
ᬭᬫᬧᬶᬢᬸᬢᬸᬃ᭞ᬲᬶᬦᬄᬢᬦ᭄‌‌ᬭᬳᬬᬸᬧᬗ᭄ᬕᬸᬄ᭞ᬲᬶᬭᬲᬂᬦᬵᬣᬭᬶᬂᬗ᭄ᬓᬾᬦᬾ᭞ᬳᬧᬦ᭄ᬳᬮᬄᬘᬭᬤᬸᬤᬸ᭞ᬳᬫᭂᬚᬳᬦᬢᬦ᭄ᬧᬤᭀᬱ᭞ᬓᭂᬦᬾᬂᬧᬫᬶᬤᬶᬧ᭄ᬯᬲᬶᬭ᭟᭜᭟ᬲᬂᬓᬭᬶᬫᬗ᭄ᬓᬶᬦ᭄ᬓᬳᬸᬘᬧ᭄᭞ᬭᬶᬂᬯᬯᬮᬂᬫ
ᬮᬶᬗ᭄ᬕᬶᬄ᭞ᬓᭂᬘᬸᬤ᭄ᬫᬦᬳᬾᬜᬦ᭄ᬢᭀᬲᬂ᭞ᬕᬸᬲ᭄ᬢᬶᬯᬬᬦ᭄ᬤᬸᬭᬸᬂᬭᬯᬸᬄ᭞ᬓᬚᬩᬤᬦᬾᬦᬢᬲᬂ᭞ᬯᬾᬦ᭄ᬢᭂᬦ᭄ᬳᭀᬃᬢᬶ᭞ᬳᬶᬧᬗᬮᬸᬫᬗᬢ᭄ᬭᬬᬂ᭟ᬕᬸᬲ᭄ᬢᬶᬧᬢᬶᬄᬲᬵᬫ᭄ᬧᬸᬦ᭄ᬮᬷᬡ᭞ᬓᬲᬾᬤᬬᬂᬲᬦᬾᬤᬶᬩᬶ᭞ᬫᭂᬓᭂᬮ᭄ᬮᭀᬃᬓᬸᬮᭀ [ 19 ][᭑᭘ 18B]
᭑᭘
ᬦ᭄ᬫ᭄ᬭᬚᬬ᭞ᬧᬶᬢᬸᬤᬸᬄᬳᬶᬤᬲᬂᬧ᭄ᬭᬪᬸ᭞ᬕᬸᬲ᭄ᬢᬶᬳᬬᬸᬲᬵᬫ᭄ᬧᬸᬦ᭄ᬢᬢᬲ᭄᭞ᬩᬄᬧ᭄ᬭᬫᬗ᭄ᬓᬶᬦ᭄᭞ᬓᬦ᭄ᬢᬸᬢᬦ᭄ᬳᬾᬮᬶᬂᬭᬶᬂᬭᬵᬕ᭟ᬧᬜ᭄ᬭᭀᬯᬦᬾᬬᬫᬜᬕ᭄ᬚᬕ᭄᭞ᬗᬋᬧᬂᬫᬵᬢᬸᬃᬢᬢᬗᬶ᭞ᬕᬸᬲ᭄ᬢᬶᬳᬬᬸᬫᬗᬮ᭄ᬬᬩ᭄᭞ᬚᬦ᭄ᬢᭀᬲ᭄ᬢᬶ
ᬢ᭄ᬬᬂᬩᬮᬶᬳᬕᬸᬂ᭞ᬢᬶᬢ᭄ᬬᬂᬲᬢ᭄ᬬᬫᬗᬶᬭᬶᬗᬂ᭞ᬲᬋᬂᬫᬹᬓ᭄ᬢᬶ᭞ᬲ᭄ᬯᬃᬕ᭄ᬕᬦᬭᬓᬭᬶᬯᭂᬓᬲ᭄᭟ᬦᬧᬶᬧ᭄ᬯᬭᬦ᭄ᬤᬾᬯᬾᬓ᭄ᬢᬶᬢ᭄ᬬᬂ᭞ᬦᬦ᭄ᬤᬂᬲᬗ᭄ᬲᬵᬭᬦᬾᬤᬶᬦᬶ᭞ᬩᭂᬮᬶᬮᬲ᭄ᬬᬦᬶᬗ᭄ᬕᬮ᭄ᬢᬶᬢ᭄ᬬᬂ᭞ᬚᬦ᭄ᬢᭀᬲ᭄ᬢᬶᬢ᭄ᬬᬂᬩᭂᬮᬶᬳᬕᬸᬂ᭞ᬢᬶᬢ᭄ᬬᬂ
ᬲᬢ᭄ᬬᬫᬗᬶᬭᬶᬗᬂ᭞ᬫᬜᬢ᭄ᬬᬦᬶᬦ᭄᭞ᬢᬶᬢ᭄ᬬᬂᬢᬍᬃᬧᬚᬶᬸᬧᬶᬸᬘᬂᬧᭂᬚᬄ᭟ᬓᬕᭂᬤᭀᬂᬗᬫ᭄ᬩᬶᬮ᭄ᬧᬸᬱ᭄ᬝᬓ᭞ᬓᭂᬭᬶᬲ᭄ᬫᬗᬭᬦ᭄ᬓᬶᬮᭀᬢᬶᬂ᭞ᬲᬭᬯᬸᬄᬤᬦᬾᬭᬶᬂᬦᬢᬃ᭞ᬓᬢᬸᬯᭂᬓ᭄ᬤᬦᬾᬢᬸᬫᬸᬲ᭄᭞ᬫᬸᬜ᭄ᬘ᭄ᬭᬢ᭄ᬫᬸ
ᬫ᭄ᬩᬸᬮ᭄ᬳᬶᬓᬂᬭᬄ᭞ᬫᬵᬫ᭄ᬩᬸᬯᬗᬶ᭞ᬘᬶᬭᬶᬦ᭄ᬤᬦᬾᬲᬢ᭄ᬬᬩ᭄ᬭᬢ᭟ᬳᬢ᭄ᬫᬦ᭄ᬤᬦᬾᬫᬗ᭄ᬮᬬᬂ᭞ᬗᬕᬦᬳᬶᬤᬭᬶᬂᬫᬃᬕᬶ᭞ᬫᬗᬾᬢᬦ᭄ᬧᬫᬃᬕ᭄ᬕᬦ᭄ᬳᬶᬤ᭞ᬳᬶᬭᬶᬓᬤᬦᬾᬓᬘᬸᬦ᭄ᬤᬸᬓ᭄᭞ᬕᬸᬲ᭄ᬢᬶᬯᬬᬦ᭄ᬫᬜᬦ᭄ᬢᭀᬲᬂ᭞ᬤᬶᬳᭀ

[᭑᭙ 19A]
᭑᭙
ᬩᬕ᭄ᬓᭀᬭᬶ᭞ᬮᬯᬗᬦ᭄ᬇᬰ᭄ᬯᬭᬧᬤ᭟ᬫᬤᬦ᭄ᬤᬦ᭄ᬢᬗᬦ᭄ᬫᬫᬃᬕ᭄ᬕ᭞ᬚᭀᬮᬶᬫᬲᬾᬫᬫᭂᬦ᭄ᬤᬓᬶᬦ᭄᭞ᬯᬾᬄᬦᬸᬕ᭄ᬭᬳᬤᬾᬳ᭄ᬬᬂᬥᬃᬫ᭄ᬫ᭞ᬧᭀᬮᬶᬄᬕᭂᬦᬄᬦᬾᬭᬶᬂᬫᬾᬭᬸ᭞ᬲᬢ᭄ᬬᬩ᭄ᬭᬢᬰᬸᬪᬓᬃᬫ᭄ᬫ᭞ᬦᬾᬧᬸᬧᭀᬦᬶ
ᬦ᭄᭞ᬦᭂᬫᬸᬲ᭄ᬯᬃᬕ᭄ᬕᬦᬾᬳᬸᬢ᭄ᬢᬫ᭟ᬲᬂᬓᬭᬶᬫᬗ᭄ᬓᬶᬦ᭄ᬓᬳᬸᬘᬧ᭄᭞ᬳᬕᬸᬗᬾᬭᬶᬂᬫᬤ᭄ᬬᬧᬸᬭᬷ᭞ᬕᭂᬭᬶᬂᬳᬶᬤᬓᬕᭂᬮᭀᬕᭂᬮᭀ᭞ᬜᭂᬦᭂᬂᬢ᭄ᬯᬭᬢᬶᬤᭀᬂᬮᬫ᭄ᬧᬸᬲ᭄᭞ᬳᬧᬦ᭄ᬧᬗᭂᬦ᭄ᬤᬹᬦ᭄ᬲᬂᬧᭂᬚᬄ᭞ᬦᬾᬫᬓᬃᬤᬶ᭞ᬘᬶᬭᬶ
ᬦ᭄ᬓᬭᬢᭀᬦᬾᬭᬸᬲᬓ᭄᭟ᬭᬶᬂᬲᬓᬸᬮᬯᬃᬕ᭞ᬫᭂᬢᬸᬳᬾᬤᬦ᭄ᬳᬦᬕᭂᬭᬶᬂ᭞ᬳᬥᬃᬫ᭄ᬫᬓᬃᬫ᭄ᬫᬢ᭄ᬯᬶᬮᬓ᭄ᬱᬡ᭞ᬲᬂᬳᬶᬩᬸᬳᬯᭀᬃᬲᬮᬸᬮᬸᬢ᭄᭞ᬫᬦ᭄ᬢᬸᬓᬾᬭᬶᬂᬲᬂᬧᬸᬢ᭄ᬭ᭞ᬫᭂᬢᬸᬧᬮᬶᬂ᭞ᬲ᭄ᬫᬭᬤᬸᬤᬸᬦᬾᬫᬃᬕ᭄ᬬᬂ᭟᭜᭟
ᬧᬸᬧᬸᬢ᭄᭟ᬕᬕᬸᬭᬶᬢᬦ᭄ᬧᬸᬦᬶᬓᬶᬓᬓᬯ᭄ᬬᬦ᭄ᬤᬦᬾ᭝ᬤᭀᬓ᭄ᬢᭀᬭᬦ᭄ᬤᬸᬲ᭄‌‌ᬳᬶᬜᭀᬫᬦ᭄ᬲᬶᬗ᭄ᬕᬶᬦ᭄‌‌ᬯᬶᬓᬃᬫ᭄ᬫᬦ᭄᭞ᬓᬓᭂᬢᬸᬲ᭄ᬲᬓᬶᬂᬩᬩᬤ᭄‌‌ᬅᬃᬬ᭄ᬬᬯᬬᬩ᭄ᬬ᭞ᬤᬺᬯᬾᬦ᭄᭝ᬳᬶᬕᬸᬲ᭄ᬢᬶᬓᭂᬢᬸᬢ᭄ᬧᬸᬡ᭄ᬬᬩᬩᬮᬂ᭞ [ 20 ][᭑᭙ 19B]
᭑᭙
ᬲᬂᬧᬗᬯᬶᬳᬫᭀᬮᬄᬭᬶᬂᬓᬸᬢᬭᬵᬚᬩᬗ᭄ᬮᬶ᭞ᬓᬗᬸᬫᬤᭂᬕ᭄᭝ᬕᬸᬭᬸᬆᬕᬫᬭᬶᬂ᭞ᬏᬲ᭄᭞ᬏᬫ᭄᭞ᬅ᭞ᬦᭂᬕᭂᬭᬶ᭞᭒᭞ᬩᬗ᭄ᬮᬶ᭟ᬕᬕᬸᬭᬶᬢᬦ᭄ᬧᬸᬦᬶᬓᬶᬧᬸᬧᬸᬢ᭄ᬓᬲᬮᬶᬦ᭄ᬤᬸᬓ᭄‌‌ᬭᬵᬳᬶᬦ᭝ᬋ᭞ᬯ᭞ᬯᬬᬂ᭞ᬧᬂ᭞ᬧᬶᬂ᭞᭑᭑᭞
ᬰᬕᬶᬄ᭞᭘᭞ᬇᬰᬓᬯᬃᬱ᭞᭑᭙᭑᭒᭞10~2~1991᭞ᬳᭀᬮᬶᬄ᭝ᬯᬬᬦ᭄ᬩᬸᬤ᭄ᬥᬕᭀᬢ᭄ᬢᬫ᭞ᬯᬾᬰ᭄ᬫᬰᬦ᭄ᬢᬶᬕ᭄ᬭᬳ᭞ᬩᬜ᭄ᬚᬃᬫᬦ᭄ᬢ᭄ᬭᬶᬂ᭞ᬤᬾᬰᬧᬾᬢᬓ᭄᭞ᬓᬘᬫᬢᬦ᭄ᬮᬦ᭄ᬓᬪᬸᬧᬢᬾᬦ᭄‌‌ᬕ᭄ᬬᬜᬃ᭟᭜᭟
ᬒᬁᬰᬦ᭄ᬢᬶ᭞ᬰᬦ᭄ᬢᬶ᭞ᬰᬦ᭄ᬢᬶ᭟᭜᭟