Ban/Gaguritan Arthawarsa

Naskah

[ 1 ]PERPUSTAKAAN
KTR. DOKBUD BALI
PROP. BALI
G/II/4/DOKBUD
Judul : GAGURITAN ARTHAWARSA.
Panj. 50 cm. Lb. 3,5 cm. Jml. 24 lb.
Asal : Pekandelan, Klungkung.

[᭑ 1A]
Judul : GAGURITAN ARTHAWARSA.
Panj. 50 cm. Lb. 3,5 cm. Jml. 24 lb.
Asal : Pekandelan, Klungkung.
G/II/4 [ 2 ][᭑ 1B]
᭑
᭚᭜᭚ᬧᬸᬧᬸᬄᬕᬶᬦᬤ᭚᭐᭚ᬘᬭᬶᬢᬚᬕᬢᬾᬭᬶᬂᬚᬯᬸᬄᬫᬵᬲ᭄᭞ᬢᭂᬤᬸᬄᬮᬦ᭄ᬤᬸᬄᬢᬶᬲᬶᬢᬶᬲ᭄᭞ᬚᬦᬲᬫᬲᬫᬩ᭄ᬬᬸᬳ᭞ᬲᬧᬫ᭄ᬯᬄᬧᬸᬗ᭄ᬕᬯᬇᬓᬸ᭞ᬲᬦᬾᬫᬵᬤᭂᬕ᭄‌ᬪᬹᬧᬢᬶᬳ᭞ᬧᬦᭂᬮᬄᬇᬓᬶ᭞ᬳᬶᬤᬧ᭄ᬭᬪᬸᬲᬸᬓᬥᬶᬧ᭟ᬫᬤᬸᬯᬾᬧᬸᬢᬺᬲᬦᬸᬗ᭄ᬕᬮ᭄᭞ᬩᬕᬸᬲᬾᬦᭀᬭᬲᬶᬦᬶᬧᬶ᭞ᬅ
ᬭᬦ᭄ᬫᬦ᭄ᬢ᭄ᬭᬶᬲᬶᬗᬜ᭄ᬚᬬ᭞ᬫᬤ᭄ᬯᬾᬭᬩᬶᬮᬶᬦ᭄ᬢᬂᬳᬬᬸ᭞ᬲᬶᬦᬭᭀᬜ᭄ᬘᬗᬭᬦ᭄ᬬ᭞ᬧᬜ᭄ᬚ᭄ᬭᭀᬯᬦ᭄ᬓᬮᬶᬄ᭞ᬚᭂᬕᬾᬕ᭄ᬚᭂᬕᬾᬕ᭄ᬭᬸᬧᬦ᭄ᬬ᭟ᬦᬶᬲ᭄ᬯᬦ᭄ᬢᬭᬗᬭᬦ᭄ᬬ᭞ᬫᬳᬤᬶᬦᬶᬲ᭄ᬯᬦ᭄ᬢᬭᬶ᭞ᬫᬮᬶᬄᬧᬋᬓᬦ᭄ᬓᬃᬯ᭞ᬳᬶᬧᬸᬦ᭄ᬢᬗᬭᬦᬶᬓᬸ᭞ᬳᬶᬚᭂᬭᬸᬤᬾᬄᬳᬤᬶᬦ᭄ᬬ᭞ᬇᬓᬭᬶᬳᬶᬦ᭄᭞ᬯᬯᬸᬯᬦ᭄ᬢᬄᬫᬢᬓᬯᬶᬳ
᭟ᬲᬶᬗᬜ᭄ᬚᬬᬓᬘᬭᬶᬢ᭞ᬭᬶᬂᬧᬸᬭᬶᬢᬗ᭄ᬓᬶᬮᬶᬂᬭᬩᬶ᭞ᬯ᭄ᬯᬂᬚᭂᬭᭀᬫ᭄ᬯᬄᬧᬋᬓᬦ᭄᭞ᬢᬸᬫᬸᬮᬶᬲᬶᬭᬳᬫᬸᬯᬸᬲ᭄᭞ᬲᬶᬦᬭᭀᬜ᭄ᬘᬅᬭᬶᬦᬶᬂᬗ᭄ᬯᬂ᭞ᬉᬯᬸᬲ᭄ᬮᬫᬶ᭞ᬳᬶᬗ᭄ᬲᬸᬦ᭄ᬳᬖᬭᬶᬡᬶᬲᬶᬭ᭟ᬭᬸᬧᬳᬦᬯᭀᬂᬯᬃᬱ᭞ᬳᭀᬮᬶᬄᬳᬶᬗ᭄ᬲᬸᬦ᭄ᬗᭂᬫ᭄ᬧᬸᬅᬭᬶ᭞ᬦᭀᬭᬤᬤ᭄ᬬᬳᬤ᭄ᬯᬾᬧᬸᬢᬺ᭞ᬭᬶᬫᬗ᭄ᬓ᭄ᬬᬧ᭄ᬭᬬᬦᬶᬗ᭄ᬲᬸ
ᬦ᭄᭞ᬗᬸᬮᬢᬶᬦ᭄ᬬᬬᬶᬯᬶᬲᬤ᭞ᬯᬶᬮᬶᬄᬯᬶᬮᬶᬄ᭞ᬳᬦᬓᬲᬸᬤ᭄ᬬᬦᬶᬳ᭄ᬬᬂ᭟᭚᭜᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬤᬸᬕ᭄ᬲᬸᬦ᭄ᬳᬗᬺᬗᭃᬯᬺᬢ᭄ᬢᬦᬶᬗ᭄ᬳᬯᬦ᭄᭞ᬓᭀᬘᬧ᭄ᬳᬦᬉᬱᬥᬲᬦ᭄ᬤᬶ᭞ᬇᬓᬭᬶᬂᬭᬵᬢ᭄ᬅᬃᬢ᭄ᬣᬯᬃᬱ᭞ᬏᬜ᭄ᬚᬂᬏᬜ᭄ᬚᬸᬂᬳᬶᬗ᭄ᬲᬸᬦ᭄ᬮᬸᬫᬭᬶᬲ᭄᭞ᬲᬶᬦᬭᭀᬜ᭄ᬘᬳᬗ᭄ᬮᬶᬗᬭᬶ
[᭒ 2A]
ᬲ᭄᭞ᬮᬝᬶᬕᭂᬦ᭄ᬤᬶᬲ᭄ᬯᬶᬤᬸᬄᬫᬤᬸ᭞ᬤᬦ᭄ᬫᬗ᭄ᬓᬦᬳ᭄ᬬᬸᬦ᭄ᬓᬓ᭞ᬬᬸᬓ᭄ᬢᬶᬳ᭄ᬦᬶᬂᬳᬾᬫ᭄ᬩᭂᬄᬬᬸᬓ᭄ᬢᬶ᭞ᬳᬶᬗ᭄ᬕᬶᬄᬳᬶᬗ᭄ᬲᬸᬦ᭄᭞ᬫᬘᬶᬢ᭄ᬢᬳᬗ᭄ᬤᬾᬫᬧᬸᬢᬺ᭟ᬫᬓᬧᬶᬤᬦ᭄ᬓᬓᬮᬸᬗ᭄ᬳ᭞ᬲᬶᬗᬜ᭄ᬚᬬᬦᬩ᭄ᬤᬳᬭᬶᬲ᭄᭞ᬳᬶᬗ᭄ᬲᬸᬦ᭄ᬮᬸᬗ᭄ᬳᬢ᭄ᬭᬶᬤᬾᬯᬰ᭞ᬬᬬᬶᬦᬸᬗ᭄ᬕᬸᬳᬦᬾᬂᬧᬸᬭᬶ᭞ᬲᬶᬦᬭᭀᬜ᭄ᬘᬳᬗ᭄ᬮᬶᬗᬭᬶᬲ᭄᭞ᬕᬜ᭄ᬚ
ᬭᬶᬦ᭄ᬳᬶᬗ᭄ᬲᬸᬦ᭄ᬭᬸᬫᬸᬳᬸᬦ᭄᭞ᬳᬦ᭄ᬢᬸᬓ᭄ᬭᬱᬾᬂᬢᬶᬕᬲ᭄ᬯᬭ᭞ᬤᬶᬯᬗ᭄ᬓᬭᬯᬸᬲ᭄ᬳᬗ᭄ᬭᬜ᭄ᬚᬶᬂ᭞ᬲᬶᬗᬜ᭄ᬚᬬ᭞ᬗᭀᬮ᭄ᬖᬭᬶᬡᬶᬗᬭᬲᬭᬦᬶᬸᬲ᭄᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬓᬮᬸᬓᬭᬦ᭄ᬲᬶᬦ᭄ᬢᭂᬂᬥᬥ᭞ᬲᬸᬲᬸᬦᬾᬜᬗ᭄ᬓᬶᬄᬓᬳᬫ᭄ᬩᬶᬮ᭄᭞ᬲᬶᬦᬭᭀᬜ᭄ᬘᬏᬫ᭄ᬩᬄᬲᬭ᭞ᬧᬗᬸᬘᬧᬾᬫᬦᬶᬲ᭄ᬜᬸᬜᬸᬃ᭞
ᬲᬶᬭᬓᬓᬓᬤᬶᬳ᭄ᬬᬂᬲ᭄ᬫᬭ᭞ᬢᭀᬬᬗᬶᬭᬶᬂ᭞ᬓᬧᬫᬺᬫᬦ᭄ᬗ᭄ᬭᬱᬾᬂᬢᬶᬕ᭟᭚᭐᭚ᬧᬸᬧᬸᬄᬧᬸᬘᬸᬂ᭚᭐᭚ᬲᬗᬩᬕᬸᬲ᭄᭞ᬳᬓᬭᭀᬦ᭄ᬮᬯᬦ᭄ᬲᬗᬬᬸ᭞ᬗ᭄ᬭᬜ᭄ᬚᬶᬂᬓᬧᬸᬭᬶᬬᬦ᭄᭞ᬫᬸᬗ᭄ᬕᬄᬫᬭᬶᬂᬢᬶᬮᬫ᭄‌ᬫ᭄ᬭᬶᬓ᭄᭞ᬥᬸᬄᬲᬂᬩᬕᬸᬲ᭄᭞ᬗᬫᬾᬢ᭄ᬭᬶᬩᬶᬲᬲᬶᬗᬶᬤᬦ᭄᭟᭚᭐᭚ᬧᬸᬧᬸᬄᬲᬶ
ᬦᭀᬫ᭄᭚᭐᭚ᬢᬜ᭄ᬘᬭᬶᬢᬭᬶᬂᬧᬕᬸᬮᬶᬗᬦ᭄᭞ᬧᬸᬦ᭄ᬢᬚᭂᬭᬸᬤᬾᬄᬘ᭄ᬭᬶᬢᬫᬗ᭄ᬓᬶᬦ᭄᭞ᬲᬋᬂᬭᬶᬂᬦᬶᬲ᭄ᬯᬦ᭄ᬢᬭ᭞ᬫᬶᬯᬄᬅᬭᬶᬦᬶᬲ᭄ᬯᬦ᭄ᬢᬭᬶ᭞ᬲᬫᬭᬶᬂᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬲᬯᭂᬗᬶᬦᭀᬭᬳᬢᬸᬭᬸ᭞ᬭᬳᬶᬦᬫᬗ᭄ᬓᬶᬜ᭄ᬘᬭᬶᬢ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷᬮᬦ᭄ᬲᬂᬤᬾᬯᬷ᭞ᬯᬸᬲᬯᬸᬗᬸ᭞ᬧᬜ᭄ᬚ᭄ᬭᭀᬯᬦ᭄‌ᬫ᭄ᬯᬂᬘ [ 3 ][᭒ 2B]
᭒
ᬭᬓ᭟ᬲᬶᬦᬭᭀᬜ᭄ᬘᬲᬶᬭᬦᬩ᭄ᬤ᭞ᬲ᭄ᬯᬦ᭄ᬢᬭᬫᬸᬯᬄᬲ᭄ᬯᬦ᭄ᬢᬭᬶ᭞ᬤᭀᬂᬘᬦᬗᬂᬦᬶᬭᬳᬾᬗ᭄ᬕᬮᬂ᭞ᬯ᭄ᬯᬂᬚᭂᬭᭀᬦᬾᬗᬍᬓᭂᬲ᭄ᬕᭂᬮᬶᬲ᭄᭞ᬧᬯᬶᬤᬸᬳᬦ᭄ᬲᬺᬕᭂᬧ᭄ᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬭᬶᬲ᭄ᬓᬵᬢᬹᬃ᭞ᬲᬶᬗ᭄ᬕᬶᬄᬲᬗ᭄ᬓᬤᬶᬰᬰᬗ᭄ᬓ᭞ᬧᬸᬦᬶᬓᬶᬤᬸᬭᬸᬲᬂᬳᬫ᭄ᬩᬶᬮ᭄᭞ᬭᬵᬤᬾᬦ᭄ᬤᬾᬯᬷ᭞ᬦᬭᬶᬫᬦᬸᬮᬶᬳᬗᬸᬘ
ᬧ᭄᭟ᬓᬓᬲᬗ᭄ᬓᬤᬶᬲ᭄ᬫᬭ᭞ᬓᬮᬶᬧᬸᬦᬧᬶᬫᬫᬃᬕ᭄ᬕᬶ᭞ᬧᬸᬦᬶᬓᬶᬘᬦᬂᬯᭀᬂᬲᭂᬤᬶᬳ᭞ᬫᬵᬲ᭄ᬢᬶᬕᬂᬤᬰᬫᬮᬶᬄ᭞ᬅᬃᬢ᭄ᬣᬢ᭄ᬭᬶᬤᬰᬢ᭄ᬭᬶ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫᬲᬵᬫ᭄ᬧᬸᬦ᭄᭞ᬦᭂᬳᭂᬂᬳᬦᬫ᭄ᬩᬸᬢ᭄ᬘᬸᬭᬶᬕ᭞ᬧᬚ᭄ᬦᭂᬗᬦ᭄ᬤᬳᬢ᭄ᬉᬢ᭄ᬢᬫᬶ᭞ᬲᬸᬂᬓ᭄ᬮᬶᬢ᭄ᬳᬶᬓᬸ᭞ᬧᬗᬗ᭄ᬕᬾᬦᬾᬢᬸᬳᬸᬳᬸᬩᬸᬗᬄ᭟᭚᭐᭚ᬧᬸᬧᬸᬄᬲᭂᬦ᭄ᬤᭀ
ᬦ᭄ᬓᬤᬶᬭᬶ᭚᭐᭚ᬳᬗ᭄ᬮᬶᬂᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬬᬬᬶᬓᬦ᭄ᬢᬸᬦ᭄ᬳᬦᬾᬂᬧᬸᬭᬶ᭞ᬯ᭄ᬯᬂᬚᭂᬭᭀᬳᬫᬶᬍᬢ᭟ᬅᬫᬶᬢᬶᬗ᭄ᬲᬸᬦ᭄ᬲᬗ᭄ᬓᬤ᭄ᬬᬬᬦ᭄ᬤ᭄ᬭ᭞ᬲᬶᬦᬭᭀᬜ᭄ᬘᬲᬸᬫᬳᬸᬭ᭞ᬫᬭᬶᬲ᭄ᬓᬓᬳᬗ᭄ᬤᬾᬳᬬᬸᬳ᭟ᬭᬵᬤᬾᬦ᭄ᬫᬦ᭄ᬢ᭄ᬭᬷᬲᬄᬫᬭᬶᬲ᭞ᬧᬸᬦ᭄ᬢᬚᭂᬭᬸᬤᬾᬄᬳᬗᬶᬢᬹᬢ᭞ᬢᬸᬭᬸᬜ᭄ᬚᬸᬭᬂᬫᬸᬗ᭄ᬕᬄᬧᬂᬯ᭄ᬯᬢ᭟ᬲᬂ
ᬦᬸᬲᬸᬧ᭄ᬳᬦᬾᬗ᭄ᬓᬦᬦ᭞ᬢᬯᬄᬓᭂᬦᬲ᭄ᬧᬶᬦᬗ᭄ᬕᬸᬳ᭞ᬳᬭᬶᬡᬮᬯᬦ᭄ᬮᬾᬫᬤᬦ᭄᭟ᬲᬤᬬᬲᬶᬭᬦᭂᬫ᭄ᬩᬳ᭞ᬭᬶᬂᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬯᬸᬲᬶᬦᭂᬫ᭄ᬩᬄᬓᬩᬾᬄᬓᬢᬸᬮᬂ᭟ᬭᬵᬤᬾᬦ᭄ᬫᬦ᭄ᬢ᭄ᬭᬷᬲᬶᬗᬜ᭄ᬘᬬ᭞ᬲᬶᬳᬂᬮᬢ᭄ᬭᬶᬫᬭᬶᬲ᭄ᬓᬦᬦ᭞ᬓᬘᬭᬶᬢᬯᬸᬲ᭄ᬤᬶᬦᬵᬳᬫᬤᬶᬳ᭟ᬯᬸᬲ᭄ᬳᬤᭂᬕ᭄ᬤᭂᬕ᭄ᬳ᭄ᬬᬂᬲᬹᬃᬬ᭄ᬬ᭞ᬧ᭄ᬭᬵ
[᭓ 3A]
ᬧ᭄ᬢᬵᬭᬶᬂᬅᬃᬢ᭄ᬣᬯᬃᬱ᭞ᬭᬶᬂᬚᬯᬶᬬᬲᬶᬭᬓᬗ᭄ᬕᭂᬓ᭟ᬅᬩᬶᬧ᭄ᬭᬬᬦᬶᬭᬫᬗ᭄ᬓ᭄ᬬ᭞ᬗᬲᬶᬄᬤ᭄ᬬᬄᬅᬚ᭄ᬜᬯᬢ᭄ᬬ᭞ᬭᬶᬂᬲᬶᬭᬲᬶᬦᭀᬫ᭄ᬧᬢ᭄ᬬ᭟ᬧᬸᬦ᭄ᬢᬚᭂᬭᬸᬤᬾᬄᬲᬯᬸᬃᬲᭂᬫ᭄ᬩᬄ᭞ᬬᬦ᭄ᬫᬗ᭄ᬓᬦᬇᬉᬦᬾᬂᬲᬶᬭ᭞ᬬᬸᬓ᭄ᬢᬶᬢᭂᬫᭂᬦ᭄ᬢᬲᬶᬭ᭟ᬅᬗ᭄ᬳᬶᬂᬰᬩ᭄ᬤᬲᬤᬭᬡ᭞ᬢᬦᬦᬲᬶᬯᬄᬓᬋᬗᭃ᭞ᬮᬾᬦ᭄ᬫᬗ᭄ᬓ᭄ᬬᬘᬶᬦᬭᬶᬢ᭟
᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬘᬭᬶᬢᬧ᭄ᬭᬪᬸᬅᬃᬢ᭄ᬣᬯᬃᬱ᭞ᬭᬶᬂᬚᬯᬶᬓᬢᭂᬧᭂᬓᬶᬦ᭄᭞ᬢᬹᬃᬲᬶᬭᬫᬯᬘᬦ᭞ᬲᬶᬭᬧᬢᬶᬄᬤ᭄ᬫᬸᬂᬢᬸᬫᭂᬗ᭄ᬕᬸᬂ᭞ᬅᬃᬬ᭄ᬬᬤ᭄ᬬᬓ᭄ᬱᬓᬦᬹᬃᬯ᭄ᬯᬦ᭄᭞ᬓᬶᬢᬲᬫᬶ᭞ᬋᬗᭃᬦᭂᬦ᭄ᬳᬸᬚᬃᬦᬶᬗ᭄ᬯᬂ᭟ᬲᬂᬦᭂᬧᭂᬓ᭄ᬲᬸᬫᬯᬸᬃᬲᬢ᭞ᬧᬸᬓᬸᬮᬸᬦ᭄ᬳᬶᬗ᭄ᬲᬸᬦ᭄ᬰ᭄ᬭᬶᬪᬹᬧᬢᬶ᭞ᬮᬄᬬᬳᬶᬗ᭄ᬲᬸᬦ᭄ᬯᬾᬄᬯ
ᬘᬦ᭞ᬳᬗ᭄ᬤᬾᬳᬶᬗ᭄ᬲᬸᬦ᭄ᬩ᭄ᬬᬓ᭄ᬢᬯ᭄ᬭᬸᬄ᭞ᬭᬶᬂᬳ᭄ᬬᬸᬦ᭄ᬲᬶᬭᬲᬂᬦᬵᬣ᭞ᬰ᭄ᬭᬷᬪᬹᬧᬢᬶ᭞ᬫᬸᬯᬄᬲᬶᬭᬫᬯᬘᬦ᭟ᬧ᭄ᬭᬬᬦᬶᬗ᭄ᬯᬂᬭᬶᬂᬫᬗ᭄ᬓ᭄ᬬ᭞ᬫ᭄ᬭᬗᬶᬤᬾᬢ᭄ᬬᬓᬵᬮᬩᬸᬫᬶ᭞ᬧᬢᬶᬦᬶᬭᬾᬂᬅᬚ᭄ᬜᬫᬹᬥ᭞ᬮᬸᬧᬸᬢ᭄ᬳᬶᬗᭀᬂᬦᭀᬭᬧᬵᬲᬸᬂ᭞ᬳᬗᬮᬶᬄᬅᬚ᭄ᬜᬯᬢ᭄ᬬ᭞ᬦᭂᬳᭂᬃᬦᬂᬢᬗᬶᬦ᭄᭞ᬳᬬᬸᬤ᭄ᬥᬭᬶᬂᬚ
ᬗ᭄ᬕᬮᬚᬶᬫ᭄ᬩᬃ᭟ᬧᬸᬦᬧᬓᬶᬢᬧ᭄ᬭᬲᬫ᭞ᬬᬦ᭄ᬲᬶᬭᬓᬃᬬ᭄ᬬᬵᬲᬶᬄ᭞ᬫᬪᬹᬧᬢᬶᬫᬭᬶᬂᬳᬶᬗᭀᬂ᭞ᬧ᭄ᬭᬗᬶᬦ᭄ᬤᬾᬢ᭄ᬬᬧ᭄ᬭᬪᬸ᭞ᬬᬦ᭄ᬲᬶᬭᬢᬸᬳᬸᬯᬦᬶᬳ᭞ᬢᬺᬱ᭄ᬡᬾᬂᬉᬭᬶᬧ᭄᭞ᬫᬗ᭄ᬓ᭄ᬬᬳᬶᬗᭀᬂᬳᬫᬕᬸᬢ᭟ᬯᬸᬲᬶᬭᬲᬫᬗ᭄ᬓᬦ᭞ᬉᬚᬭᬾᬭᬶᬂᬲᬂᬳᬦᬗ᭄ᬓᬶᬮ᭄᭞ᬰ᭄ᬭᬷᬭᬵᬤᬾᬦ᭄ᬲᬶᬗᬜ᭄ᬚᬬ᭞ [ 4 ][᭓ 3B]
᭓
ᬧ᭄ᬭᬵᬧ᭄ᬢᬲᬶᬭᬫᬮᬸᬗ᭄ᬕᬸᬄ᭞ᬭᬶᬗᬚᭂᬂᬲᬶᬭᬲᬂᬦᬵᬣ᭞ᬰ᭄ᬭᬷᬪᬹᬧᬢᬶ᭞ᬮᬶᬦᬸᬤ᭄ᬲᬶᬭᬫᬯᬘᬦ᭟ᬭᬵᬦᬓ᭄ᬫᬦ᭄ᬢ᭄ᬭᬷᬩᬯᬸᬧ᭄ᬭᬧ᭄ᬢᬵ᭞ᬧᬸᬦᬧᬇᬓᬂᬓᬶᬦᬧ᭄ᬢᬶ᭞ᬓᬤᬶᬕᬢᬶᬧᭀᬮᬳᬶᬭ᭞ᬧᬸᬦ᭄ᬢᬚ᭄ᬭᬸᬤᬾᬄᬢᬶᬦᬹᬭᬸᬢ᭄᭞ᬥᬶᬧᬲᬸᬢᬳᬩᬦ᭄ᬢᭂᬦ᭞ᬥᬹᬄᬲᬗ᭄ᬳᬚᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬸᬦᬶᬗᬬᬂ᭟ᬅᬯᬶ
ᬦᬦ᭄ᬢᬶᬢ᭄ᬬᬂᬧ᭄ᬭᬵᬧ᭄ᬢ᭞ᬧᭂᬤᭂᬓ᭄ᬭᬶᬚᭂᬂᬲᬂᬪᬹᬧᬢᬶ᭞ᬲᬥ᭄ᬬᬦ᭄ᬢᬶᬢ᭄ᬬᬂᬫᬧᬶᬦᬸᬦᬲ᭄᭞ᬭᬶᬂᬳᬶᬭᬢᬸᬲᬂᬧ᭄ᬭᬪᬸ᭞ᬫᬗ᭄ᬤᬾᬘᭀᬓᭀᬃᬤ᭄ᬥᬲᭂᬯᬾᬘ᭄ᬙ᭞ᬫᬗᬶᬘ᭄ᬙᬾᬦᬶᬦ᭄᭞ᬲᬂᬧᬸᬢ᭄ᬭᬶᬅᬚ᭄ᬜᬯᬢᬶᬬ᭟ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬬᬜ᭄ᬚᬯᬶᬦᬶᬂᬩᬗᭂᬢ᭄ᬮᬮᬶ᭞ᬫᬧᬸᬢᬺᬭᬶᬂᬢᬶᬢ᭄ᬬᬂᬦᬶᬱ᭄ᬝ᭞ᬥᬹᬄᬲᬵᬫ᭄ᬧᬸᬜ᭄ᬚ᭄ᬯᬲᬂ
ᬧ᭄ᬭᬪᬸ᭞ᬢᬸᬮᬓ᭄ᬭᬶᬂᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬪᬓ᭄ᬢᬶ᭞ᬲᬥᬶᬬᬢᬦ᭄ᬢᭂᬫ᭄ᬧᬮ᭄ᬲᬢᬢ᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬲᬳᬗᭂᬮᬸᬢ᭄ᬩᬳᬸᬦᬗᬶᬲ᭄᭞ᬥᬹᬄᬦᬦᬓ᭄ᬲᬩᬕᬸᬲ᭄ᬳᬦᭀᬫ᭄᭞ᬳᬢᬚᬷᬯᬦ᭄ᬩᬧᬩᬕᬸᬲ᭄᭞ᬦᬾᬚᬦᬶᬩᬧᬫᬶᬤᬃᬣ᭞ᬧᬶᬋᬂᬉᬕᬶ᭞ᬓᬦ᭄ᬤᬦ᭄ᬧᬓᬾᬯᭂᬄᬩᬧ᭟ᬚᬢᬶ
ᬲᬓᬶᬂᬲᬯᬸᬄᬭᬯᭀᬲ᭄᭞ᬢᭂᬓᬾᬦᬶᬂᬳᬶᬤᬾᬢ᭄ᬬᬧᬢᬶ᭞ᬓᬵᬮᬦᬵᬕᬭᬳᬤᬦ᭄ᬜ᭞ᬤᬾᬢ᭄ᬬᬰᬓ᭄ᬢᬶᬩᬮᬯᬶᬪᬸᬄ᭞ᬬᬦ᭄ᬳᬶᬦᬦᬓ᭄ᬲᬭᬢ᭄᭞ᬮᬾᬤᬂᬫᬗᬦ᭄ᬢᬶᬦᬶᬦ᭄᭞ᬗᬫᬢᬶᬬᬂᬳᬶᬭᬵᬓ᭄ᬱᬲ᭟ᬲᬶᬮᬶᬄᬩᬶᬮᬶᬄᬫᬜᬶᬤ᭄ᬥᬬᬂ᭞ᬲᬶᬤ᭄ᬥᬫᬗᭂᬫ᭄ᬩᬦ᭄ᬧᬯᬾᬲ᭄ᬢ᭄ᬭᬶ᭞ᬓᬦᬵᬕᬭᬚᬯᬸᬄᬫᬵ
[᭔ 4A]
ᬲ᭄᭞ᬥᬶᬧᬲᬸᬢᬦᬸᬮᬶᬫᬵᬢᬹᬃ᭞ᬬᬸᬓ᭄ᬢᬶᬳᬶᬓᬬᬦ᭄ᬫᬗ᭄ᬓᬦ᭞ᬧᬢᬶᬓ᭄ᬳᬚᬶ᭞ᬫᬗ᭄ᬓᬶᬦ᭄ᬫᬗ᭄ᬓᬸᬧᬢᬶᬬᬦᬶᬳ᭟ᬅᬕ᭄ᬬᬓᬵᬋᬧ᭄ᬳᬶᬗ᭄ᬲᬸᬦᬯᬦ᭄᭞ᬕ᭄ᬭᬶᬯᬦᬶᬂᬤᬾᬢ᭄ᬬᬧᬢᬶ᭞ᬅᬧᬦ᭄ᬳᬢ᭄ᬬᬦ᭄ᬢᬭᬶᬂᬪᬸᬱ᭄ᬝ᭞ᬫᬹᬃᬓ᭄ᬓᬤᬫᬳᬶᬦᬢᬸᬳᬸ᭞ᬫᬾᬦᬓ᭄‌ᬓᬵᬋᬧᬶᬂᬧᬢᬶᬓ᭄ᬩ᭄ᬭ᭞ᬫᬫᭂᬚᬳᬶ᭞ᬢᬦ᭄ᬯᬸᬦ᭄ᬬᬫᬢ᭄ᬫᬄᬅ
ᬢ᭄ᬫ᭟ᬬᬧ᭄ᬯᬦ᭄ᬬᬫᬭᬰ᭄ᬭᬬ᭞ᬲᬗᬪᬹᬧᬢᬶᬗᬦ᭄ᬢᬶᬦᬶᬦ᭄᭞ᬢᬦ᭄ᬯᬸᬭᬸᬂᬳᬢ᭄ᬫᬄᬅᬱ᭄ᬝᬶᬬ᭞ᬤᬾᬧᬢᬶᬓ᭄ᬩ᭄ᬭᬧᬸᬓᬸᬮᬸᬦ᭄᭞ᬩ᭄ᬬᬓ᭄ᬢᬵᬗ᭄ᬕᬯᬾᬲᬸᬓᬾᬂᬢ᭄ᬯᬲ᭄᭞ᬧ᭄ᬭᬫᬫᬶ᭞ᬳᬦᬾᬂᬫᬥ᭄ᬬᬦᬶᬂᬭᬡᬗ᭄ᬕ᭟ᬓᬮᬶᬗᬦ᭄ᬬᬲᬶᬲᬂᬦᬵᬣ᭞ᬳᬬ᭄ᬯᬢᬯᬶᬓᬮ᭄ᬧᬾᬂᬩᬸᬤ᭄ᬥᬶ᭞ᬉᬮᬸᬦ᭄ᬢᬳᬸᬫᬓᬸᬲᬭ᭞ᬧᬢᬶ
ᬦᬶᬂᬰᬢ᭄ᬭᬸᬲᬂᬧ᭄ᬭᬪᬸ᭞ᬅᬧᬦ᭄ᬳᬕ᭄ᬬᬓᬵᬋᬧᬶᬗᭀᬂ᭞ᬫᬫᬾᬢ᭄ᬤᬾᬯᬷ᭞ᬧᬸᬢ᭄ᬭᬶᬰ᭄ᬭᬷᬧᬭᬫᬾᬰ᭄ᬯᬭ᭟ᬦᬵᬮᬶᬂᬭᬵᬤᬾᬦ᭄ᬲᬶᬗᬜ᭄ᬚᬬ᭞ᬫᬫᬾᬢ᭄ᬲᬸᬓᬢ᭄ᬯᬲ᭄ᬦᬶᬗ᭄ᬳᬚᬶ᭞ᬳᭂᬦ᭄ᬢᬶᬲᬸᬓᬳᬃᬱᬲᬂᬦᬵᬣ᭞ᬭᬸᬫ᭄ᬗᭃᬲᭀᬚᬃᬦᬶᬭᬾᬓᬸ᭞ᬓᬭᬡᬦᬶᬫᭂᬓᬸᬮ᭄ᬓᬡ᭄ᬝ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬮᬶᬦᬸᬤ᭄ᬰᬩ᭄ᬤ
ᬧ᭄ᬭᬲᬫ᭟ᬓᬶᬧᬢᬶᬄᬕᬸᬡᬫᬢᬾᬓ᭞ᬧᬋᬂᬭᬓ᭄ᬭ᭄ᬬᬦ᭄ᬲᬸᬫᬵᬥᬶ᭞ᬧᬢᬶᬄᬯᬶᬦᬸᬦ᭄‌ᬦ᭄ᬤᬢᬦ᭄ᬓᬲᬄ᭞ᬧᬋᬂᬫᬵᬮᬧᬓ᭄ᬦᬯᬸᬯᬸᬲ᭄᭞ᬓᬧ᭄ᬯᬫᬵᬢᬹᬃᬲᬳᬲᭂᬫ᭄ᬩᬄ᭞ᬫᬶᬦ᭄ᬢᭀᬫᬶᬭᬶᬂ᭞ᬳᬗ᭄ᬓᬢᬶᬭᬲᬶᬗᬜ᭄ᬚᬬ᭟ᬳᬗ᭄ᬳᬶᬂᬦ᭄ᬤᬢᬦ᭄ᬲᬶᬦᬦ᭄ᬫᬢ᭞ᬤᬾᬭᬰ᭄ᬭᬷᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬦᬸᬮᬶᬫᬗ᭄ᬓᬢ᭄ᬲᬶ [ 5 ][᭔ 4B]
᭔
ᬭᬰᬶᬖᬺ᭞ᬧᬸᬦ᭄ᬢᬚ᭄ᬭᬸᬤᬾᬄᬓᬂᬳᬦᬸᬢᬸᬃ᭞ᬲᬵᬫ᭄ᬧᬸᬦᬶᬂᬅᬫᬶᬢᬶᬂᬲᬶᬭ᭞ᬲᬂᬪᬹᬧᬢᬶ᭞ᬳ᭄ᬦᭂᬗᬓ᭄ᬦᬲᬶᬭᬾᬗ᭄ᬳᬯᬦ᭄᭟ᬉᬘᬧᬦᬶᬓᬂᬫᭂᬥᭂᬓ᭄᭞ᬓᬂᬓᬶᬦᬃᬬ᭄ᬬᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬓᬵᬧᬸᬲ᭄ᬯᬸᬲ᭄ᬳᬮ᭄ᬯᬭᬦ᭄᭞ᬳᬦ᭄ᬢᬸᬓᬶᬂᬯᬾᬰ᭄ᬫᬦᬶᬭᬾᬓᬸ᭞ᬫᬓᬤᬶᬲᬶᬭᬲᬂᬦᬵᬣ᭞ᬯᬸᬲᬸᬫᬸᬮᬶᬄ᭞ᬇᬦᬶᬭᬶᬗᬶᬂ
ᬲᭀᬧᬘᬭ᭟ᬯᬮᬸᬬᬵᬓ᭄ᬦᬂᬘᬭᬶᬢ᭞ᬢᭀᬚᬭᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬮᬓᬸᬦᬶᬭᬢᬦᬳᬮᭀᬦ᭄᭞ᬧ᭄ᬭᬵᬧ᭄ᬢᬾᬂᬢ᭄ᬕᬮᬬᬃᬲᬵᬫ᭄ᬧᬸᬦ᭄᭞ᬪᬵᬲ᭄ᬓᬭᬯᬸᬲ᭄ᬦᬸᬗ᭄ᬕᬂᬕᬕᬺ᭞ᬲᬸᬫᬸᬭᬸᬧ᭞ᬓᬸᬮ᭄ᬯᬦ᭄ᬓᬢᭀᬦ᭄ᬋᬗ᭄ᬓᬧ᭄ᬭᬪ᭟ᬲᬯᬯᬦ᭄ᬦᬾᬢ᭄ᬭᬦᬶᬗᬶᬲ᭄ᬢ᭄ᬬ᭞ᬭᬧᬸᬳᭀᬕᬢᬶᬗ᭄ᬕᬮ᭄ᬧ᭄ᬭᬶᬬᬶ᭞ᬫ
ᬦᬸᬓ᭄ᬫᬸᬦᬶᬳᬦᬾᬂᬧᬂ᭞ᬓᬭᬦ᭄ᬢᬗᬶᬲ᭄ᬦ᭄ᬬᬳᬯᬸ᭞ᬭᬯᬶᬲᬵᬫ᭄ᬧᬸᬦ᭄ᬲᬸᬫᬸᬭᬸᬧ᭞ᬥᬢᭂᬂᬯᭂᬗᬶ᭞ᬮ᭄ᬯᬶᬃᬫᭂᬢᬸᬲᬓᬾᬂᬕᬸᬳ᭟ᬤᬶᬓ᭄ᬤᬰᬤᬾᬰᬢᬦ᭄ᬓᬢᭀᬦ᭄᭞ᬲᬶᬦᬧᬸᬢᬦ᭄ᬤᬾᬦᬶᬂᬯᭂᬗᬶ᭞ᬮ᭄ᬯᬶᬃᬫᬓᭀᬦ᭄ᬳᬭᬵᬃᬬ᭄ᬬᬦ᭞ᬇᬓᬂᬚᬕᬢ᭄ᬫᬗᬜᬦᬸ᭞ᬦᬓ᭄ᬱᬢᬺᬓᬾᬯᬮᬓᬢᭀᬦ᭄᭞ᬢᬸ
ᬳᬸᬳᬗ᭄ᬭᬯᬶᬢ᭄᭞ᬮ᭄ᬯᬶᬃᬤᬶᬧᬦᬶᬫᬦ᭄ᬫᬣᬶ᭟ᬢᬸᬭᬸᬂᬩᭂᬲᬸᬃᬳ᭄ᬬᬂᬓᬤᬧ᭄ᬧ᭞ᬅᬫᬦᬄᬯ᭄ᬯᬗᬶᬪᬹᬫᬶ᭞ᬧᬓᬲᬸᬮᬸᬄᬦᬶᬓᬂᬯᬶᬦ᭄ᬢᬂ᭞ᬧᬓᬧᬦᬄᬦᬶᬭᬂᬫᬺᬘᬸ᭞ᬇᬓᬂᬕᬺᬄᬫᬸᬦᬶᬳᬮ᭄ᬯᬦ᭄᭞ᬮ᭄ᬯᬶᬃᬓᬺᬘᬶᬓᬶᬂ᭞ᬢᬮᬶᬦᬶᬂᬧᬦᬳᬶᬦᬬᬢ᭄᭟ᬢᬗᬾᬄᬬᬤᬶᬦ᭄ᬓᬯᬃᬡ᭄ᬦᬳ᭞ᬲᬶᬗᬜ᭄ᬚᬬᬓᭀ
[᭕ 5A]
ᬘᬧ᭄ᬫᬮᬶᬄ᭞ᬅᬭᬵᬃᬬ᭄ᬬᬦ᭄ᬲᬶᬭᬾᬂᬚᬗ᭄ᬕᬮ᭞ᬫᬳ᭄ᬬᬸᬦ᭄ᬲᬶᬭᬲᬗᬩᬕᬸᬲ᭄᭞ᬅᬲᬮᬶᬦ᭄ᬯᬃᬡ᭄ᬦᬦᬶᬭᬾᬓ᭞ᬬᭀᬕᬲᬶᬤ᭄ᬥᬶ᭞ᬳᬯᬃᬡ᭄ᬦᬳᬶᬲᬶᬦᭀᬫ᭄ᬧᬢ᭄ᬬ᭟ᬓᬶᬧᬸᬦ᭄ᬢᬫᬗ᭄ᬓᬶᬦ᭄ᬯᬶᬦᬲ᭄ᬢᭀᬦ᭄᭞ᬢᬸᬳᬸᬲᬶᬭᬬᭀᬕᬲᬶᬤ᭄ᬥᬶ᭞ᬓ᭄ᬱᬡᬳᬲᬮᬶᬦ᭄ᬭᬸᬧ᭞ᬯᬬᬯᬃᬡ᭄ᬦᬦ᭄ᬬᬓᬤᬸᬮᬸ᭞ᬳ
ᬢᬸᬃᬧᬢᬶᬄᬫᬵᬬᬕᬸᬡ᭞ᬢᬸᬳᬸᬩᬗ᭄ᬓᬶᬢ᭄᭞ᬓᬶᬚ᭄ᬭᬸᬤᬾᬄᬫᬗ᭄ᬓᬾᬯᬶᬦᬲ᭄ᬢᭀᬦ᭄᭟ᬯᬮᬸᬬᬢ᭄ᬫᬄᬳᬶᬲᬫᬵᬥᬶᬬ᭞ᬭᬹᬧᬦᬾᬢᬸᬳᬸᬗᬾᬤᬦᬶᬦ᭄᭞ᬍᬯᬶᬄᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬯᬃᬡ᭄ᬦᬦᬶᬭᬢᬸᬳᬸᬩᬕᬸᬲ᭄᭞ᬢᬸᬳᬸᬢᬸᬳᬸᬭᬵᬚᬧᬸᬢᬺ᭞ᬅᬮᬧ᭄ᬲᬭᬶ᭞ᬓᬤᬶᬲᬂᬳ᭄ᬬᬂᬢᬮᬤ᭄ᬯ
ᬚ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬭᭀᬫᬯ᭄ᬬᬂᬓᬤᬶᬫᬾᬖ᭞ᬥᬗᬲ᭄ᬢ᭄ᬭᬓᬗ᭄ᬓᭂᬦ᭄ᬢᬝᬶᬢ᭄᭞ᬯᭂᬢᬸᬦᬶᬂᬰᬩ᭄ᬤᬫᬦ᭄ᬤ᭄ᬭ᭞ᬳᬢᬸᬃᬕᬺᬳᬶᬂᬧᬮ᭄ᬕᬸᬦᬶ᭞ᬢᬶᬢᬶᬳᬦᬶᬂᬲ᭄ᬯᬾᬤᬫᬶᬚᬶᬮ᭄᭞ᬬᬾᬓᬤᬺᬲ᭄ᬉᬤᬦᬶᬓᬸ᭞ᬯᭂᬢ᭄ᬯᬦᬶᬂᬉᬲᬸᬳᬲ᭞ᬪᬵᬬᬸᬩᬚ᭄ᬭᬧᬥᬦᬾᬓᬶ᭞ᬓ᭄ᬭᬸᬭ
ᬢᬸᬳᬸ᭞ᬕᬸᬡᬦᬾᬢᬓᬸᬢ᭄ᬦᬶᬂᬫᬶᬳᬢ᭄᭟ᬦᬸᬮᬶᬲᬶᬭᬫᬯᬘᬦ᭞ᬭᬶᬧᬭᬭᬵᬓ᭄ᬭ᭄ᬬᬦ᭄ᬧᬢᬶᬄ᭞ᬅᬇᬓᬶᬢᬧᬢᬶᬄᬧ᭄ᬭᬲᬫ᭞ᬭᬢᬕ᭄ᬫᬗ᭄ᬓᬾᬯᬤ᭄ᬯᬦ᭄ᬢᬾᬓᬶ᭞ᬯᬵᬳᬦᬤᬾᬲ᭄ᬦᬤ᭄ᬥᬲᬵᬫ᭄ᬧᬸᬦ᭄᭞ᬳᬕ᭄ᬬᬳᬶᬗ᭄ᬲᬸᬦ᭄ᬭᬸᬫᬸᬭᬳᬂ᭞ᬦᬵᬕᬭᬾᬂᬅᬃ [ 6 ][᭕ 5B]
᭕
ᬢ᭄ᬯᬯᬂᬱᬾᬓᬶ᭞ᬫᬭᬦᬼᬩᬸᬃ᭞ᬭᬫ᭄ᬧᬲᭂᬦ᭄ᬢᭂᬓᬾᬂᬭᬢᬸᬦ᭄ᬬ᭟ᬓᬤᬘᬶᬢ᭄ᬥᬢᭂᬂᬲᬸᬫᬳᬩ᭄᭞ᬯᬸᬲᬶᬂᬭᬸᬫ᭄ᬗᭃᬯᬗ᭄ᬲᬶᬢᬶᬂ᭞ᬕᭂᬦ᭄ᬤᭀᬗᬦᬶᬓᬂᬢᬶᬦᭂᬯᬓ᭄᭞ᬕᬸᬫᬸᬭᬸᬤᬸᬕ᭄ᬮᬓᬸᬦᬾᬓᬶ᭞ᬮ᭄ᬯᬶᬃᬳᭀᬫ᭄ᬩᬓᬶᬂᬉᬤᬤᬶ᭞ᬲᬸᬭᬓ᭄ᬳᬢᬸᬃᬢᭂᬓᬾᬂᬯᬶᬦ᭄ᬤᬸ᭞ᬮᬓᬸᬦ᭄ᬬᬳᬫ᭄ᬩᬮᬩᬃ᭞ᬓᬧ᭄ᬯᬦᬗ᭄ᬓᭂᬧᬶ
ᬤ᭄ᬰᬦᬾᬓᬶ᭞ᬲᬕᬸᬫᬸᬭᬸᬄ᭞ᬫᬶᬦ᭄ᬢᭀᬦᬓᭂᬦ᭄ᬕᬶᬳᬾᬧ᭄ᬭᬂ᭟ᬰᬶᬖ᭄ᬭᬵᬗ᭄ᬓᬢᬶᬭᬲᬂᬦᬵᬣ᭞ᬅᬓᬾᬭᬶᬂᬧᬢᬶᬄᬧᬸᬗ᭄ᬕᬯᬶ᭞ᬫ᭄ᬯᬫᬦ᭄ᬢ᭄ᬭᬶᬯᬤ᭄ᬯᬦᬶᬭ᭞ᬩᬮᬭᬓ᭄ᬱᬦ᭄ᬤᬢᬦ᭄ᬓᬭᬶ᭞ᬉᬫ᭄ᬬᬂᬳᬦᬸᬗ᭄ᬕᬗᬶᬂᬅᬱ᭄ᬝᬶ᭞ᬅᬦᬦᬸᬗ᭄ᬕᬂᬓᬸᬤᬇᬓᬸ᭞ᬫᬓᬤᬶᬲᬶᬭᬲᬂᬦᬵᬣ᭞ᬫᬸᬗ᭄ᬕᬳᬦᬾᬂᬭᬱ
ᬫᬡᬓ᭄᭞ᬅᬤᬺᬫᬸᬭᬸᬩ᭄᭞ᬓᬤᬶᬅᬕ᭄ᬦᬶᬧ᭄ᬭᬮᬬ᭟ᬢᬦ᭄ᬳᬦᬚᬗ᭄ᬕᬮᬚᬸᬭᬂ᭞ᬮ᭄ᬩᬓ᭄ᬕᬸᬦᬸᬂᬳᬶᬩᭂᬓ᭄ᬲᬫᬶ᭞ᬤᬾᬦᬶᬂᬓ᭄ᬯᬾᬄᬦᬶᬓᬂᬯᬤ᭄ᬯ᭞ᬲᬲᭂᬓᬶᬦᬫ᭄ᬩᬳᬦ᭄ᬲᬫᬶ᭞ᬢᬥᬦᬵᬦ᭄ᬢᬭᬯᬸᬲ᭄ᬧ᭄ᬭᬵᬧ᭄ᬢ᭞ᬳᬦᬾᬂᬢᭂᬕᬮ᭄ᬮᬬᬲᬵᬫ᭄ᬧᬸᬦ᭄᭞ᬓᬢᭂᬫᬸᬲᬂᬲᬶᬦᭀᬫ᭄‌ᬧᬢ᭄ᬬ᭞ᬥᬶᬳᬫ᭄ᬢᬦ᭄ᬳᬦᬩ᭄ᬤ
ᬫᬮᬶᬄ᭞ᬤᬶᬦᬮᬸᬫᬸᬓ᭄᭞ᬲᬶᬦᭀᬫ᭄ᬧᬢᬶᬧ᭄ᬭᬵᬚ᭄ᬜᬾᬂᬧ᭄ᬭᬂ᭟ᬳᬢᬓᬶᬲ᭄ᬢᬶᬢᬶᬃᬳᬗᬤᭂᬕ᭞ᬩᬮᬬᬓ᭄ᬱᬓᬾᬄᬗᭂᬫᬲᬶ᭞ᬗᬫ᭄ᬩᬸᬮᬶᬦ᭄ᬤᬢᬦ᭄ᬧᬦ᭄ᬢᬭ᭞ᬦ᭄ᬤᬢᬦ᭄ᬓᬾᬗ᭄ᬕᬸᬄᬲᬶᬦᭀᬫ᭄ᬧᬢᬶ᭞ᬳᬓ᭄ᬯᬾᬄᬳᬦ᭄ᬢᬸᬓᬗᬮ᭄ᬯᬗᬶ᭞ᬭᬶᬦᭂᬫ᭄ᬧᬓ᭄ᬲᬶᬂᬢᬶᬦᬫ᭄ᬧᬸᬄ᭞ᬓᬧ᭄ᬯᬋᬩᬄᬰᬶᬃᬡ᭄ᬦᬧᭂᬚᬄ᭞ᬧᭂ
[᭖ 6A]
ᬚᬄᬢᬦ᭄ᬧᬗᬸᬦ᭄ᬤᬶᬮᬶ᭞ᬫᬭᬦᬼᬩᬸᬃ᭞ᬭᬫ᭄ᬧᬲᭂᬦ᭄ᬢᭂᬓᬾᬂᬭᬢᬸᬦ᭄ᬬ᭟ᬲᬶᬗᬸᬫᬭᬬᬶᬭᬵᬗ᭄ᬮᬯᬦ᭄᭞ᬧᬸᬧᬸᬕ᭄ᬧᬸᬦᬄᬫᬗᭂᬫᬲᬶ᭞ᬫᬢᬗᬓ᭄ᬯᬾᬄᬦᬶᬓᬂᬯᬤ᭄ᬯ᭞ᬯᬶᬭᬸᬦ᭄ᬫᬳᬗᬸᬗ᭄ᬲᬶᬉᬭᬶᬧ᭄᭞ᬅᬦᬦ᭄ᬢᬶᬫ᭄ᬧᬂᬮᬭᬓᬦᬶᬦ᭄᭞ᬭᬄᬦ᭄ᬬᬤᬺᬲ᭄ᬳᬸᬫᭂᬢᬸ᭞ᬅᬦᬫᬢᬶᬳᬦᬾᬗ᭄ᬳᬯᬓ᭄᭞ᬳᭀ
ᬦ᭄ᬬᬭᬸᬫᬗ᭄ᬓᬂᬮᬸᬫᬭᬶᬲ᭄᭞ᬇᬓᬂᬢᬓᬸᬢ᭄᭞ᬢᬦ᭄ᬓᬦᬶᬦ᭄ᬫᬗᬸᬗ᭄ᬲᬶᬯᬦ᭟ᬓᬧ᭄ᬯᬉᬫᭂᬢᬦᬾᬗᬮᬲ᭄᭞ᬮᬾᬦ᭄ᬭᬶᬂᬮᭂᬩᬓ᭄ᬫᬗᬸᬗ᭄ᬲᬶ᭞ᬳᬦᬾᬓᬂᬫᬲᬸᬓᬶᬂᬕᬸᬳ᭞ᬤᬾᬦᬶᬂᬚ᭄ᬭᬶᬄᬦ᭄ᬬᬢᬦ᭄ᬲᬶᬧᬶ᭞ᬩᬯᬄᬓᬂᬢᬺᬱ᭄ᬡᬾᬂᬉᬭᬶᬧ᭄᭞ᬢᬸᬲᬧᬢᬤᬾᬢ᭄ᬬᬧ᭄ᬭᬪᬸ᭞ᬅᬗ᭄ᬭᬓ᭄‌ᬓ᭄ᬭᬸᬭᬓ᭄ᬭᭀᬥ᭞ᬢᬸᬫ
ᬦ᭄ᬤᬂᬢᬦ᭄ᬢᬳᭂᬦ᭄ᬳᬢᬶ᭞ᬫᬯᬮᬶᬧᬸᬂ᭞ᬫᬪᬾᬭᬯᬵᬗᬫᬳᬫᬄ᭟ᬇᬄᬓᬶᬢᬲᬶᬦᭀᬫ᭄ᬧᬢ᭄ᬬ᭞ᬫᬗ᭄ᬓᬾᬢᬗ᭄ᬕᬮ᭄‌ᬮᬶᬧᬸᬗᬾᬓᬶ᭞ᬢᬦ᭄ᬯᬸᬦ᭄ᬓᬶᬢᬵᬢ᭄ᬫᬄᬅᬢ᭄ᬫ᭞ᬅᬢ᭄ᬫᬫᬸᬮᬩ᭄ᬯᬶᬯᬾᬘᬶ᭞ᬤᬦᭂᬡ᭄ᬥᬾᬂᬓᬶᬗ᭄ᬓᬵᬭᬧᬢᬶ᭞ᬤᭀᬱᬫᬸᬯᬵᬫᬦᬇᬃᬬ᭄ᬬᬓᬸ᭞ᬳᬗᬮᬗᬶᬯ᭄ᬯᬂᬅᬭᬩᬶᬬ᭞
ᬬᬾᬓᬫᬓᬳᬯᬦ᭄ᬢᬾᬓᬶ᭞ᬦ᭄ᬤᬢᬦ᭄ᬯᬸᬭᬸᬂ᭞ᬫᬲ᭄ᬢᬓᬫᬸᬋᬫᭂᬓ᭄ᬫᬗ᭄ᬓ᭄ᬬ᭟ᬢ᭄ᬮᬲᭂᬦ᭄ᬲᬳᬰ᭄ᬭᬦᬵᬣ᭞ᬲᬾᬯᬸᬤᬾᬯᬳᬗᬦ᭄ᬢᬶᬦᬶᬦ᭄᭞ᬦ᭄ᬤᬢᬦᬶᬓᬢᬫᬃᬕ᭄ᬕᬦ᭄ᬢ᭞ᬯᬦ᭄ᬤ᭄ᬬᬳᬗᭂᬫᬲᬶᬂᬚᬸᬭᬶᬢ᭄᭞ᬇᬫ᭄ᬩᬸᬄᬲᬳᬬᬦ᭄ᬢᬧᬢᬶ᭞ᬓᬳᬶᬦ᭄ᬬᬦ᭄ᬢᬸᬗ᭄ᬕᬮ᭄ᬓᬫᬸ᭞ᬦ᭄ᬤ᭄ᬬᬫᬗ᭄ᬓᬾᬓᬂᬧᬭᬦ᭄ᬢ᭞ [ 7 ][᭖ 6B]
᭖
ᬫᬮᬬᬹᬉᬫᬳᭂᬢ᭄ᬉᬭᬶᬧ᭄᭞ᬫᬸᬗ᭄ᬕᬄᬢᭂᬤᬸᬦ᭄᭞ᬢᬦ᭄ᬯᬸᬦ᭄ᬓᬯᭂᬦᬂᬤᬾᬗ᭄ᬓ᭄ᬯ᭟ᬲᬶᬦᭀᬫ᭄ᬧᬢᬶᬳᬲᬯᬸᬭ᭞ᬅᬇᬓᬶᬢᬓᬶᬤᬸᬱ᭄ᬝᬧᬢᬶ᭞ᬳᬬ᭄ᬯᬢᬓᭀᬳᬓ᭄ᬯᬾᬳᬦ᭄ᬳᬸᬚᬃ᭞ᬢᬦᬶᬓᬫᬃᬕ᭄ᬕᬦᬶᬂᬓᬫᬶ᭞ᬯᭂᬤᬶᬫᬮᬬᬹᬯᬮᬸᬯᬶ᭞ᬤᬸᬤᬸᬓ᭄ᬱᬢ᭄ᬭᬶᬬᭀᬢ᭄ᬢᬫᬅᬓᬸ᭞ᬬᬦ᭄ᬳᬯᭂᬤᬶᬂᬰ
ᬩ᭄ᬤᬖᭀᬭ᭞ᬓᬸᬗ᭄ᬓᬂᬧᬥᬦ᭄ᬬᬢᬾᬓᬶ᭞ᬦ᭄ᬤᬢᬦ᭄ᬢᬸᬳᬸ᭞ᬢᬓᭀᬓᬤᬶᬰᬩ᭄ᬤᬾᬗᬸᬚᬃ᭟ᬪᬖ᭄ᬦᬬᬾᬓᬸᬓᬤ᭄ᬕᬦ᭄ᬢᬾᬓ᭞ᬲᬶᬯᬸᬦᬼᬩᬸᬃᬫᬢᭂᬫᬄᬅᬲ᭄ᬢᬶ᭞ᬯᬮᬸᬬᬢᭂᬫᬄᬤ᭄ᬭᬯ᭞ᬓᬤᬶᬤᬸᬓᬸᬢ᭄ᬢᬶᬩᬾᬂᬕ᭄ᬦᬶ᭞ᬫᬗ᭄ᬓᬬᬦ᭄ᬳᬶᬂᬦᬶᬩᬦ᭄ᬢᬾᬓᬶ᭞ᬭᬶᬯᬬᬯᬗ᭄ᬓᬸᬓᬢᭂᬕᬸᬄ᭞ᬮᬄᬢᬫᬗ᭄ᬓᬾ
ᬧᬶᬮᬶᬳᭂᬦ᭄᭞ᬦ᭄ᬤᬶᬳᬋᬧ᭄ᬢᬦᬶᬩᬦᬶᬓᬶ᭞ᬢᬦ᭄ᬤ᭄ᬯᬤᬶᬦᬸᬓ᭄᭞ᬤᬾᬲᬗ᭄ᬓᬵᬮᬦᬵᬕᬭᬾᬓ᭟ᬲᬶᬦᭀᬫ᭄ᬧᬢᬶᬅᬢᬶᬲ᭄ᬢᬶᬭ᭞ᬮ᭄ᬯᬶᬃᬕᬸᬦᬸᬂᬢᭂᬫ᭄ᬧᬸᬳᬗᬶᬦ᭄᭞ᬯ᭄ᬬᬓ᭄ᬢᬶᬢᬦ᭄ᬳᬦᬗᬧ᭞ᬓᬵᬮᬦᬵᬕᬭᬳᬜ᭄ᬚ᭄ᬭᬶᬢ᭄᭞ᬫᬸᬯᬄᬲᬶᬭᬳᬦᬸᬯᬶᬓᬶ᭞ᬢᬶᬢᬶᬃᬢᬦ᭄ᬧᬢᬳᭂᬦ᭄ᬳ᭄ᬬᬸᬦ᭄᭞ᬳᬦᬾᬂᬯᬸᬗ᭄ᬓᬸ
ᬳᬦᬾᬗᬋᬧ᭄᭞ᬯ᭄ᬬᬓ᭄ᬢᬶᬲᬂᬲᬶᬦᭀᬫ᭄ᬧᬢᬶ᭞ᬢᭂᬕᬸᬄᬢᬶᬫ᭄ᬩᬸᬮ᭄᭞ᬳᬢᬸᬃᬩᬶᬤᬸᬭᬯᬓ᭄ᬦ᭄ᬬ᭟ᬫᬗ᭄ᬓᬶᬦ᭄ᬲᬶᬭᬅᬫ᭄ᬩᬍᬲ᭞ᬓᬤᬦ᭄ᬥᬢᬫᬺᬕᬧᬢᬶ᭞ᬫᬓᬢᬧᬓᬦ᭄ᬬᬋᬓᭀ᭞ᬧᭂᬚᬄᬓᬭᭀᬢᬦ᭄ᬗᬸᬤᬶᬮᬶ᭞ᬫᬓᬶᬦ᭄ᬓ᭄ᬭᭀᬥᬤᬾᬢ᭄ᬬᬧᬢᬶ᭞ᬮᬕᬯᬧᬧ᭄ᬭᬗᬦᬾᬓᬸ᭞ᬓᬧ᭄ᬯ
[᭗ 7A]
ᬬᬲᬶᬮᬶᬄᬢᬸᬧᭂᬓ᭄᭞ᬧᬥᬬᬧᬦ᭄ᬤᬶᬢᬾᬂᬚᬸᬭᬶᬢ᭄᭞ᬅᬲᬶᬮᬶᬄᬢᬸᬃ᭞ᬫ᭄ᬯᬄᬧᬥᬳᬫᬾᬢ᭄ᬘᬶᬤᬺ᭟ᬯ᭄ᬬᬓ᭄ᬢᬶᬯᬶᬭᬲᬶᬦᭀᬫ᭄ᬧᬢ᭄ᬬ᭞ᬳᬗᬰ᭄ᬘᬃᬬ᭄ᬬᬾᬂᬯ᭄ᬯᬂᬫᬸᬮᬢᬶ᭞ᬭᬶᬧᭀᬮᬳᬶᬭᬭᬶᬂᬬᬸᬤ᭄ᬥ᭞ᬘᭂᬢ᭄ᬳᬯᬲ᭄ᬘᭂᬢ᭄‌ᬦ᭄ᬤᬢᬦ᭄ᬓᬵᬓ᭄ᬱᬶ᭞ᬓᬵᬮᬩᬸᬫᬶᬳᬓ᭄ᬯᬾᬄᬓᬦᬶᬦ᭄᭞ᬘᭂᬢ᭄ᬓᬂᬯᬶᬸᬧᬯᬦ
ᬫ᭄ᬬᬸᬲ᭄᭞ᬲᬃᬯ᭄ᬯᬢᬳᭂᬦ᭄ᬓᬩᬾᬄᬋᬩᬄ᭞ᬋᬩ᭄ᬋᬩ᭄ᬳ᭄ᬬᬂᬲᬸᬢᬲᬸᬦᬶ᭞ᬪᬹᬄᬲᬸᬫᬧᬸᬢ᭄᭞ᬓᬂᬬᬸᬤ᭄ᬥᬳᬲᬶᬮᬶᬄᬤᬦ᭄ᬥ᭟ᬦᭂᬳᭂᬃᬲᬶᬭᬲᬶᬦᭀᬫ᭄ᬧᬢ᭄ᬬ᭞ᬧ᭄ᬭᬵᬚ᭄ᬜᬳᬗᬸᬦᬸᬲ᭄ᬓ᭄ᬭᬶᬲ᭄᭞ᬓ᭄ᬭᬶᬲᬶᬂᬤᬾᬢ᭄ᬬᬭᬓ᭄ᬯᬬ᭞ᬓᬂᬓᭂᬦᬶᬭᬶᬦᭂᬩᬸᬢᬶᬓᬶ᭞ᬓᬵᬮᬩᬸᬫᬶᬦᭂᬳᭂᬃᬫᬹᬃᬘ᭄ᬘᬶ᭞ᬢᬦ᭄ᬯᬦᬾᬂᬲᬶ
ᬭᬵᬧᬕᬸᬢ᭄᭞ᬮᬶᬫᬾᬮ᭄ᬯᬶᬃᬦᭀᬭᬂᬫᭀᬮᬄ᭞ᬓᬾᬯᬮᬯᭂᬦᬂᬳᬯᬸᬦᬶ᭞ᬦᬸᬮᬶᬉᬫᬵᬢᬹᬃ᭞ᬳᬫᬶᬦ᭄ᬢᬉᬭᬶᬧ᭄‌ᬯᭂᬓᬲᬦ᭄᭟ᬲᬶᬦᭀᬫ᭄ᬧᬢᬶᬦᭀᬭᬯᭂᬮᬲ᭄᭞ᬲᬳᬲᬲᬶᬭᬦᬸᬤᬶᬗᬶ᭞ᬪᭀᬄᬇᬄᬓᬶᬢᬓᬵᬮᬫᬹᬥ᭞ᬦᬶᬘ᭄ᬙᬢᬦ᭄ᬢᬸᬳᬸᬧ᭄ᬭᬚᬸᬭᬶᬢ᭄᭞ᬮ᭄ᬯᬶᬃᬦᬶᬱ᭄ᬝᬦᬶᬂᬓᬸ
ᬫᬶᬮᬶᬧ᭄᭞ᬤᬹᬭᬦ᭄ᬲᬶᬭᬲᬸᬫᬸᬗ᭄ᬳᬬᬸ᭞ᬅᬢ᭄ᬫᬫᬸᬳᬗᭂᬦ᭄ᬢᬓᭂᬦ᭄ᬢᬓ᭄᭞ᬚᭂᬫᬄᬭᬶᬂᬮᭀᬓᬳᬯᬾᬘᬶ᭞ᬅᬯᬦ᭄ᬓᬫᬸ᭞ᬲᬶᬦᬗ᭄ᬲᬭᬾᬂᬬᬵᬫᬩᬮ᭟ᬬᬾᬓᬶᬂᬓᬤ᭄ᬕᬧ᭄ᬯᬫᬭᬦ᭄ᬢ᭞ᬫᬦᭂᬫᬸᬚᬕᬢ᭄ᬳᬯᬾᬘᬶ᭞ᬮᬶᬳᬢᬶᬓᬶᬢᬶᬓ᭄ᬱ᭄ᬡᬦ᭄ᬬ᭞ᬓᬤᬶᬓᬵᬮᬵᬦ᭄ᬢᬓᬫᬹᬃᬢ᭄ᬢᬶ᭞ᬢᬸᬳᬸᬓᬂ [ 8 ][᭗ 7B]
᭗
ᬫᬗᬮᬧ᭄ᬉᬭᬶᬧ᭄᭞ᬢᬸᬫᬸᬮᬶᬚᬶᬦᬫ᭄ᬩᬓ᭄ᬲᬵᬫ᭄ᬧᬸᬦ᭄᭞ᬢᬦ᭄ᬤ᭄ᬯᬢᬢᬶᬦᬶᬕᬲ᭄᭞ᬕᬸᬮᬸᬦᬾᬲᬗ᭄ᬓᬵᬮᬪᬹᬫᬶ᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬓᬂᬓ᭄ᬭᬶᬲ᭄ᬧᬶᬦᬲᬸᬓᬓᭂᬦ᭄᭟ᬢᬸᬘᬧᬭᬶᬯᬸᬲᬶᬂᬧᭂᬚᬄ᭞ᬲᬶᬭᬢᬲᬗ᭄ᬓᬵᬮᬪᬹᬫᬶ᭞ᬇᬓᬂᬚᬕᬢ᭄ᬦᬸᬮ᭄ᬬᬵᬲᬶᬦᬂ᭞ᬬᬾᬓᬦ᭄ᬢᬲᬂᬲᬶ
ᬦᭀᬫ᭄ᬧᬢᬶ᭞ᬅᬫᬸᬱ᭄ᬝᬶᬳᬲᬸᬓᬸᬢᬸᬗ᭄ᬕᬶᬮ᭄᭞ᬫᬾᬗ᭄ᬕᬮ᭄ᬲᬶᬤ᭄ᬥᬓᬂᬢᬶᬦᬸᬚᬸ᭞ᬯᬮᬸᬬᬢᬚᬢᬶᬭᬹᬧ᭞ᬓᬂᬢᭂᬫᬄᬓᬶᬲᬶᬦᭀᬫ᭄ᬧᬢᬶ᭞ᬓᬤᬶᬤᬗᬸ᭞ᬯᬮᬸᬬᬲᬶᬲᬶᬗᬜ᭄ᬚᬬ᭟ᬧᬸᬦ᭄ᬢᬚ᭄ᬭᬸᬤᬾᬄᬯᬶᬦᬲ᭄ᬢᭀᬦ᭄᭞ᬤᬾᬲᬂᬲᬶᬗᬜ᭄ᬚᬬᬕᭂᬮᬶᬲ᭄᭞ᬲᬓ᭄ᬱᬡᬯᬮᬸᬬᬚᬢ᭄ᬬ᭞ᬅ
ᬭᬹᬧᬫᬬᬢᬦ᭄ᬓᬭᬶ᭞ᬚ᭄ᬦᬃᬧᬸᬦ᭄ᬢᬚ᭄ᬭᬸᬤᬾᬄᬚᬢᬶ᭞ᬲᬶᬗᬶᬜ᭄ᬚᬬᬦᬗ᭄ᬓᬶᬲ᭄ᬫᬸᬯᬸᬲ᭄᭞ᬇᬄᬧᬸᬦ᭄ᬢᬚ᭄ᬭᬸᬤᬾᬄᬓᬶᬢ᭞ᬢᬯᬦᭂᬦ᭄ᬕ᭄ᬭᬶᬯᬦᬾᬇᬓᬶ᭞ᬲᬗ᭄ᬓᬮᬩᬸᬄ᭞ᬧᬵᬯᬢᬶᬲᬶᬭᬲᬂᬦᬵᬣ᭟ᬕᬯᬾᬉᬭᬸᬧᬦᬦᬶᬭ᭞ᬧᬸᬢ᭄ᬭᬦᬶᬭᬅᬚ᭄ᬜᬯᬢᬷ᭞ᬧᬸᬦ᭄ᬢᬚ᭄ᬭᬸᬤᬾᬄᬦᬸᬮ᭄ᬬᬦᬫ᭄ᬩᬸᬢ᭞ᬰᬶᬃᬱᬦᬶᬂᬲᬂᬤᬿᬢ᭄ᬬ
ᬧᬢᬶ᭞ᬓᬧ᭄ᬯᬳᬃᬱᬭᬶᬓᬗ᭄ᬳᬢᬶ᭞ᬅᬧᬦ᭄ᬮ᭄ᬯᬶᬃᬳᬶᬦᬓ᭄ᬯᬶᬓᬸ᭞ᬓᬯ᭄ᬦᬂᬦᬶᬂᬅᬚ᭄ᬜᬯᬢ᭄ᬬ᭞ᬮᬓᬸᬦ᭄ᬬᬦ᭄ᬤᬢᬦ᭄ᬳᬭᬶᬲ᭄᭞ᬧᬶᬮᬶᬄᬲᬵᬫ᭄ᬧᬸᬦ᭄᭞ᬧᬋᬓᬶᬂᬭᬵᬢ᭄ᬅᬃᬢ᭄ᬣᬯᬃᬱ᭞ᬦ᭄ᬤᬢᬢᬶᬢᬦᭂᬦ᭄ᬢᬲᬶᬭ᭞ᬓᭀᬘᬧ᭄‌ᬧ᭄ᬭᬪᬸᬲᬶᬦᭀᬫ᭄ᬧᬢᬶ᭞ᬦᬩ᭄ᬤᬫᬭᬶᬂᬧᬸᬢ᭄ᬭᬶᬦᬶᬭ᭞ᬢᬦ᭄ᬮ᭄ᬬᬦᬶᬓᬂᬓᬓᬲᬶᬄ᭞ᬤᬾ
[᭘ 8A]
ᬯᬶᬅᬚ᭄ᬜᬯᬢᬷᬚᬢᬶ᭞ᬯᬘᬦᬦᬾᬗᭂᬢᬸᬲ᭄ᬓᬳ᭄ᬬᬸᬦ᭄᭞ᬥᬹᬄᬦᬦᬓ᭄ᬲᬂᬅᬚ᭄ᬜᬯᬢ᭄ᬬ᭞ᬲᬂᬚᬷᬯᬵᬢ᭄ᬫᬦᬶᬗ᭄ᬯᬂᬤᬾᬯᬷ᭞ᬫᬗ᭄ᬤᬢᬸᬮᬸᬲ᭄᭞ᬓᬫᬢᬶᬬᬦ᭄ᬢᬭᬶᬂᬢᬧ᭟ᬧᬦᬦᬧᬸᬦᬕᬶᬳᬳ᭞ᬘᬯᬸᬄᬭᬶᬂᬲᬶᬗᬜ᭄ᬚᬬᬾᬓᬶ᭞ᬲᬫᬬᬗ᭄ᬓᬸᬫᬵᬯᬾᬄᬓᬶᬢ᭞ᬬᬦ᭄ᬲᬶᬤ᭄ᬥᬤᬾᬦ᭄ᬬᬫᭂᬮᬶ᭞ᬤᬾ
ᬦᬶᬂᬰᬶᬃᬱᬤᬾᬢ᭄ᬬᬧᬢᬶ᭞ᬫᬗ᭄ᬓᬢᬂᬰᬩ᭄ᬤᬓᬘᬯᬸᬄ᭞ᬳᬬ᭄ᬯᬢᬓᬶᬢᬯᬶᬳᬗ᭞ᬭᬶᬂᬲᬧᬓᭀᬦ᭄ᬩᬧᬦ᭄ᬢᬯᬶᬄ᭞ᬦᬦᬓ᭄ᬳᬬᬸ᭞ᬫᬃᬕ᭄ᬕᬦᬶᬗᭀᬂᬫᬧᬾᬢ᭄ᬳᬬᬸᬳ᭟ᬬᬦ᭄ᬮᬩ᭄ᬤᬫᬾᬄᬫᬾᬗ᭄ᬕᬮ᭄ᬳᬢᬄ᭞ᬥᬢᭂᬗᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬅᬧᬦ᭄ᬯᬸᬲ᭄ᬮᬫᬮᬸᬗ᭄ᬳᬳ᭞ᬫᬢᬂᬦ᭄ᬬᬳᬬ᭄ᬯᬤᬾᬯᬷ᭞
ᬓᬭᬶᬳᬺᬢ᭄ᬲᬮ᭄ᬬᬾᬗ᭄ᬳᬢᬶ᭞ᬲᬸᬓᬦ᭄ᬢᬢᬄᬕᬯᬬᬗ᭄ᬓᬸ᭞ᬧᬸᬢᬺᬉᬢ᭄ᬢᬫᬨᬮᬦ᭄ᬬ᭞ᬤᬶᬃᬕ᭄ᬖᬵᬬᬸᬄᬲᬶᬤ᭄ᬥᬭᬶᬂᬓᬵᬧ᭄ᬢᬶ᭞ᬓᬂᬧᬶᬦᬗ᭄ᬕᬸᬄ᭞ᬬᬦ᭄ᬪᬓ᭄ᬢᬶᬭᬶᬂᬳᬢᬸᬳ᭟᭚᭐᭚ᬧᬸᬧᬸᬄᬲᭂᬦ᭄ᬤᭀᬦ᭄᭚᭐᭚ᬅᬚ᭄ᬜᬯᬢᬶᬲᬸᬫᬳᬸᬭ᭞ᬲᬶᬗ᭄ᬕᬶᬄᬲᬶᬭᬭᬵᬫᬵᬚᬶᬬ᭞ᬬᬦ᭄ᬫᬗ᭄ᬓᬦ
ᬳ᭄ᬬᬸᬦ᭄ᬢᬲᬶᬭ᭟ᬅᬋᬧ᭄ᬳᬶᬗ᭄ᬲᬸᬦ᭄ᬳᬲ᭄ᬯᬫᬶᬬ᭞ᬬᬾᬓᬭᬶᬗ᭄ᬓᬓᬫᬦ᭄ᬢ᭄ᬭ᭄ᬬ᭞ᬬᬦ᭄ᬲᬵᬫ᭄ᬧᬸᬦ᭄ᬳ᭄ᬬᬸᬦ᭄ᬳᬚ᭄ᬬ᭟ᬦᬩ᭄ᬤᬲᬶᬭᬲᬶᬦᭀᬫ᭄ᬦᬵᬣ᭞ᬬᬦ᭄ᬥᬢᭂᬂᬲᬶᬗᬜ᭄ᬚᬬ᭞ᬅᬫᬯᬉᬮᬸᬦ᭄‌ᬤᬵᬦᬯ᭟ᬯᬸᬲ᭄ᬦᬩ᭄ᬤᬲᬫᬗ᭄ᬓᬦ᭞ᬥᬢᭂᬂᬲᬶᬭᬦᬺᬧᬲᬸᬢ᭞ᬫᬯᬉᬮᬸᬦᬶᬂᬤᬵᬦᬯ᭟ᬳᬮᬸ [ 9 ][᭘ 8B]
᭘
ᬗ᭄ᬕ᭄ᬯᬶᬂᬚᭃᬂᬲᬂᬦᬵᬣ᭞ᬲᬤᬸᬮᬸᬃᬦᭂᬫ᭄ᬩᬄᬫᬸᬯᬸᬲ᭄᭞ᬮᬩ᭄ᬤᬳᬶᬗ᭄ᬲᬸᬦ᭄‌ᬮ᭄ᬯᬶᬃᬲᬓᬭᬦ᭄ᬢ᭟ᬲᬶᬗ᭄ᬕᬶᬄᬲᬶᬭᬭᬵᬫᬅᬚ᭄ᬬ᭞ᬧᭀᬫᬲᬶᬭᬦᬭᬶᬂᬰᬩ᭄ᬤ᭞ᬢᬶᬦᬶᬩᬳᬦᬭᬶᬗ᭄ᬯᬂ᭟ᬮᬶᬗᬶᬭᬲᬶᬦᭀᬫ᭄ᬧᬢ᭄ᬬ᭞ᬥᬹᬄᬲᬶᬭᬲᬶᬗᬜ᭄ᬚᬬ᭞ᬳᬶᬗ᭄ᬲᬸᬦᭀᬭᬅᬤ᭄ᬯᬯᬘᬦ᭟᭚᭐᭚ᬧᬸ
ᬧᬸᬄᬕᬶᬦᬤ᭚᭐᭚ᬳᬶᬗ᭄ᬲᬸᬦ᭄ᬲᬸᬤᬯᬸᬲ᭄ᬯᬘᬦ᭞ᬭᬶᬂᬲᬶᬭᬅᬚ᭄ᬜᬯᬢᬷ᭞ᬳᬋᬧ᭄ᬲᬶᬭᬫ᭄ᬭᬗ᭄ᬓᭂᬧ᭄ᬭᬶᬲᬶᬭ᭞ᬳᬢ᭄ᬫᬳᬢᬸᬓᬃᬉᬮᬸ᭞ᬲᬶᬗᬜ᭄ᬚᬬᬳᬬ᭄ᬯᬮᬸᬧ᭞ᬭᬵᬫᬅᬚᬷ᭞ᬅᬦᬭᬶᬂᬰᬭᬷᬭᬦᬶᬗ᭄ᬯᬂ᭟ᬮᬄᬰᬩ᭄ᬤᬦᬶᬂᬅᬚ᭄ᬜᬯᬢ᭄ᬬ᭞ᬳᭂᬫ᭄ᬩᬸᬦ᭄ᬓᬚᬯᬸᬄᬦᬵᬕᬭᬶ᭞ᬲᬶᬗᬜ᭄ᬚ
ᬬᬮᬶᬂᬦ᭄ᬬᬳᬮᭀᬦ᭄᭞ᬫᭂᬮᬢᬶᬕᭂᬦ᭄ᬤᬶᬲ᭄ᬫᬯᬶᬤᬸᬄᬚᬸᬭᬸᬄ᭞ᬭᬱᬗᬸᬯᬸᬳᬂᬓᬲ᭄ᬫᬵᬭᬦ᭄᭞ᬅᬚ᭄ᬜᬯᬢᬷ᭞ᬫᬗ᭄ᬓ᭄ᬬᬲᬶᬭᬭᬗ᭄ᬓᭂᬧ᭄ᬭᬶᬂᬗ᭄ᬯᬂ᭟ᬤᬾᬯᬷᬅᬚ᭄ᬜᬯᬢ᭄ᬬᬲᬸᬓ᭞ᬳᬓᬃᬫ᭄ᬫᬮᬦ᭄ᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬤᬾᬦᬶᬂᬓᬢᭀᬦ᭄ᬓᬤ᭄ᬬᬂᬲ᭄ᬫᬵᬭ᭞ᬧᬶᬲᭂᬄᬍᬫ᭄ᬩᬶᬫᬸᬯᬄᬲᬸᬲᬸ᭞ᬫ᭄ᬯᬄᬫᬺᬢ᭄ᬢ
ᬚ᭄ᬭᭀᬦᬶᬂᬲᬶᬜ᭄ᬚᬂ᭞ᬰᬩ᭄ᬤᬫᬦᬶᬲ᭄᭞ᬮᬮᬢᬦᬾᬮ᭄ᬯᬶᬃᬫᬲᭀᬮᬄ᭟ᬫᬗ᭄ᬓᬦᬳ᭄ᬬᬸᬦ᭄ᬭᬵᬫᬅᬚ᭄ᬬ᭞ᬳᬋᬧ᭄ᬳᬶᬗ᭄ᬲᬸᬜ᭄ᬚᬲᬸᬯᬫᬶ᭞ᬭᬶᬗ᭄ᬓᬓᬲᬶᬗᬜ᭄ᬚᬬ᭞ᬥᬶᬧᬧᬸᬢᬺᬮᬕ᭄ᬬᬵᬫᬸᬯᬸᬲ᭄᭞ᬲᬶᬗ᭄ᬕᬶᬄᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬗ᭄ᬲᬸᬦ᭄ᬳᬫ᭄ᬯᬶᬢ᭄᭞ᬲᬂᬦᬵᬣᬮᬕ᭄ᬬᬵᬗᬸᬘᬧ᭄᭟
[᭙ 9A]
᭚᭐᭚ᬧᬸᬧᬸᬄᬤᬸᬃᬫ᭄ᬫ᭚᭐᭚ᬥᬹᬄᬭᬦᬓ᭄ᬲᬶᬭᬫᬦ᭄ᬢ᭄ᬭᬷᬗᬜ᭄ᬚᬬ᭞ᬅᬦᬧᬵᬯᬾᬳᬶᬗᭀᬂᬘᬶᬭᬶ᭞ᬅᬗ᭄ᬳᬶᬂᬲᬥᬭᬡ᭞ᬋᬡᬦᬶᬂᬗᭀᬂᬳᬲᬸᬢ᭞ᬭᬶᬂᬲᬶᬭᬅᬚ᭄ᬜᬯᬢᬷ᭞ᬭᬚᬢᬫ᭄ᬯᬂᬫᬵᬲ᭄᭞ᬫ᭄ᬯᬄᬲᬃᬯ᭄ᬯᬪᬹᬱᬦᬵᬤᬶ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬓᬶᬘ᭄ᬙᬾ
ᬦ᭄ ᬯ᭄ᬯᬂᬚ᭄ᬭᭀᬲᬦᬸᬗ᭄ᬕᬮ᭄᭞ᬘᬶᬤᬺᬬᬦᬦᬫᬦᬾᬓᬶ᭞ᬥᬶᬧᬧᬸᬢᬺᬱᬸᬫᬳᬸᬭ᭞ᬳᬶᬗ᭄ᬲᬸᬦ᭄ᬫᬶᬦ᭄ᬢᬯᬾᬄᬦᬺᬧᬢᬶ᭞ᬳᬫᬶᬢ᭄ᬮᬬᬃᬮᬸᬫᬭᬶᬲ᭄᭞ᬲᬘᬢᬹᬭᬲᬶᬭᬵᬗᬶᬢᬹᬢ᭄᭞ᬫᬥ᭄ᬬᬭᬢ᭄ᬭᬶᬲᬶᬭᬧ᭄ᬭᬵᬧ᭄ᬢ᭞ᬅᬦᬭᬶᬂᬫᬬᬧᬸᬭᬶ᭞ᬫᬗ᭄ᬓ᭄ᬬᬘᬭᬶᬢ᭞ᬲᬶᬦᬭᭀᬜ᭄ᬘᬲᬶᬭᬵᬗᬸᬘ
ᬧ᭄᭟ᬓᬓᬲᬶᬭᬯᬳᬸᬧ᭄ᬭᬵᬧ᭄ᬢ᭞ᬬᬾᬓᬶᬲᬶᬭᬳᬗᬶᬢᬹᬢᬶᬂ᭞ᬯᬥᬸᬭᭀᬭᭀᬳᬬᬸᬳᬦᭀᬫ᭄᭞ᬯᬭᬳᭂᬦ᭄ᬤᬾᬦᬶᬗ᭄ᬲᬸᬦ᭄ᬯ᭄ᬭᬸᬳᬶ᭞ᬲᬶᬗᬜ᭄ᬚᬬᬦᬩ᭄ᬤᬳᬭᬶᬲ᭄᭞ᬲᬶᬗ᭄ᬕᬶᬄᬬᬬᬶᬲᬗᬳᬬᬸ᭞ᬬᬾᬓᬶᬖᬭᬶᬡᬶᬳᬶᬗ᭄ᬯᬂ᭞ᬅᬭᬦ᭄ᬤᬾᬯᬷᬅᬚ᭄ᬜᬯᬢᬷ᭞ᬬᬾᬓᬶᬧᬯᭀᬗᬦ᭄
᭞ᬳᬗᬭᬦ᭄ᬦᬶᬘᬶᬤ᭄ᬭᬬᬦ᭟ᬳᭀᬮᬶᬄᬗᬦ᭄ᬢᬶᬭᬶᬂᬅᬃᬢ᭄ᬣᬯᬃᬱ᭞ᬭᬶᬂᬲᬂᬧ᭄ᬭᬪᬸᬲᬶᬦᭀᬫ᭄ᬧᬢᬶ᭞ᬳᭀᬮᬶᬳᬶᬂᬢᭂᬗ᭄ᬕᭂᬓ᭄ᬤᬵᬦᬯ᭞ᬦᬾᬧᬦᭂᬮᬄᬳᬶᬓᬵᬮᬪᬹᬫᬶ᭞ᬲᬤᬸᬮᬸᬃᬓᬦᬵᬕᬭᬶ᭞ᬫᬦᬫᬅᬚ᭄ᬜᬫᬹᬥᬇᬓᬸ᭞ᬲᬶᬦᬭᭀᬡᬶᬲᬥ᭄ᬭᬡ᭞ᬳᬾᬲᭂᬫᬾᬢᬦ᭄ᬓᬯᬲ [ 10 ][᭙ 9B]
᭙
ᬗᬵᬓ᭄ᬱᬶ᭞ᬲᬶᬗᬜ᭄ᬚᬬ᭞ᬫᬸᬗ᭄ᬕᬄᬗᭂᬫ᭄ᬩᬦ᭄ᬳᬗ᭄ᬓᭂᬧᬦ᭄ᬬ᭟ᬅᬤᬸᬤᬸᬭᬶᬂᬳᬤᬸᬗ᭄ᬓᬗᬶᬦ᭞ᬫᬗ᭄ᬓᬸᬲᬶᬭᬗᬭᬲ᭄‌ᬍᬫ᭄ᬩᬶ᭞ᬅᬗᬲᬄᬧᬸᬘᬓ᭄ᬦᬸᬭᭀᬚ᭞ᬲᬶᬦᬭᭀᬜ᭄ᬘᬢᬦ᭄ᬫᬸᬮᬢᬶ᭞ᬲᬶᬭᬗᭂᬘᭂᬂᬦᭂᬗᭂᬦ᭄ᬓᬾᬭᬶ᭞ᬗᬸᬭᬸᬢ᭄ᬯᬤᬸᬓ᭄ᬫᭂᬢᬶᬓ᭄ᬧᬸᬧᬸ᭞ᬦᭂᬳᭂᬃᬢᬫᬭᬶᬂᬧᬢᬸᬭᭀᬦ᭄᭞ᬅᬗ
ᬤᭀᬦᬂᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬢᬹᬃᬫᬕᭂᬮᬸᬢ᭄᭞ᬅᬭᬗ᭄ᬓᭂᬧᬶᬅᬚ᭄ᬜᬯᬢ᭄ᬬ᭟ᬘᬶᬢᬗ᭄ᬭᬜ᭄ᬚᬶᬂᬲᬂᬳ᭄ᬬᬂᬲᬹᬃᬬ᭄ᬬ᭞ᬫᬸᬗ᭄ᬕᬄᬲᬭᬶᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬳᬦᬶᬤᬺᬳᬦᬭᬶᬂᬢᬶᬮᬫ᭄᭞ᬫᭂᬤᭂᬓ᭄ᬳᬲ᭄ᬢᬗᬭᬲ᭄‌ᬍᬫ᭄ᬩᬶ᭞ᬓᬶᬯᬢᭂᬗᭂᬦᬶᬓᬢᬶᬳᬶᬂ᭞ᬦᭂᬳᭂᬃᬲᬶᬭᬳᬢᬸᬫ᭄ᬧᬂᬧᬸᬧᬸ᭞ᬗᬤᬸᬮᬸᬳᬂᬮᬫ᭄ᬩᬾ
ᬦ᭄ᬲᬶᬜ᭄ᬚᬂ᭞ᬅᬚ᭄ᬜᬯᬢᬷᬜ᭄ᬫᬵᬭᬩᬸᬤ᭄ᬥᬶ᭞ᬫᬗ᭄ᬓ᭄ᬬᬧᬸᬢᬸᬲ᭄᭞ᬗᬫᬾᬢ᭄ᬭᬩᬶᬳᬗᬤᬸᬲ᭄ᬫᬵᬭ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬲᬶᬦᬭᭀᬜ᭄ᬘᬘᬶᬦᬭᬶᬢ᭞ᬲᬘᬦ᭄ᬤ᭄ᬭᬫ᭄ᬯᬂᬲᬧ᭄ᬢᬭᬢ᭄ᬭᬶ᭞ᬳᬓᬭᭀᬦ᭄ᬲᬶᬄᬗᬶᬩᭂᬓᬶᬓᬧ᭄ᬢ᭄ᬬ᭞ᬧᬥᬯᬶᬤᬕ᭄ᬤᬾᬂᬮᬸᬮᬸᬢ᭄᭞ᬓᬧ᭄ᬯᬲᬳᬃᬱᬘᬶᬢ᭄ᬢ᭞
ᬦᭂᬭᬂᬭᬸᬦ᭄ᬢᬶᬓ᭄᭞ᬢᬸᬳᬸᬳᬮᬧ᭄ᬧᬓᬸᬭᬦᬶᬭ᭟ᬲᬶᬦᬭᭀᬜ᭄ᬘᬫᬗ᭄ᬓ᭄ᬬᬵᬗᬸᬘᬧ᭄᭞ᬲᬶᬗ᭄ᬕᬶᬄᬓᬓᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬲᬶᬦᬫ᭄ᬩ᭄ᬬᬳᬫ᭄ᬓᬸᬮ᭄ᬗᬭᬲ᭄᭞ᬯᬘᬦᬦᬾᬗᭂᬢᬸᬲ᭄ᬓᬳ᭄ᬬᬸᬦ᭄᭞ᬥᬹᬄᬓᬓᬲᬂᬓᬤ᭄ᬬᬲ᭄ᬫᬵᬭ᭞ᬫᬦᬸᬭᬸᬦᬶ᭞ᬯᬲᬲᬶᬭᬲᬫᬗ᭄ᬓᬦ᭟ᬅᬦᬯᬦᭂᬂᬳᬗ᭄ᬕᬦᬶᬗ᭄ᬯᬂ᭞ᬯᬦᭂᬂ
[᭑᭐ 10A]
ᬅᬦᬭᬶᬂᬢᭂᬫ᭄ᬩᬶᬂ᭞ᬲᬵᬫ᭄ᬧᬸᬦᬭᬶᬂᬤᬍᬫ᭄ᬲᬶᬜ᭄ᬚᬂ᭞ᬯᬲᬢᬦ᭄ᬓᬤ᭄ᬬᬯᬸᬯᬸᬲ᭄᭞ᬯᬦᭂᬂᬦ᭄ᬬᬜᬢᬹᬃᬤᬶᬯᬰ᭞ᬓᬓᬫᬦ᭄ᬢ᭄ᬭᬶ᭞ᬗᬸᬱᬥᬗᭀᬂᬓᬲ᭄ᬫᬵᬭᬦ᭄᭟ᬳᬗᬸᬘᬧ᭄ᬳᬶᬲᬶᬗᬜ᭄ᬚᬬ᭞ᬢᬹᬃᬳᬗᬭᬲ᭄ᬦᭂᬗᭂᬦ᭄ᬓᬾᬭᬶ᭞ᬳᬦᬫ᭄ᬧᬶᬳᬮᬫᬜ᭄ᬘᬭᭀᬭᭀ᭞ᬯᬸᬲ᭄ᬳᬶᬗ᭄ᬲᬸᬦ᭄ᬫᬗ᭄ᬓᬾᬲᬮᬸᬮᬸᬢ᭄
᭞ᬳᬖᬭᬶᬡᬶᬦᬭᬶᬂᬲᬶᬭ᭞ᬲᬶᬦᬭᭀᬡᬶ᭞ᬢᬦ᭄ᬧᬫ᭄ᬯᬶᬢ᭄ᬲᬶᬭᬢᬸᬮᬃ᭟ᬥᬢᭂᬂᬲᬶᬭᬦᬭᬶᬂᬯᬶᬰ᭄ᬫ᭞ᬚᬸᬫᬸᬚᬸᬕ᭄‌ᬦᭂᬳᭂᬃᬗ᭄ᬭᬜ᭄ᬚᬶᬂ᭞ᬯᬸᬲ᭄ᬫᬗ᭄ᬓᬦᬢᬦ᭄ᬓᭀᬘᬧ᭄᭞ᬲᬶᬦᭀᬫ᭄ᬧᬢᬶᬫ᭄ᬯᬄᬓᬯᬸᬯᬸᬲ᭄᭞ᬩᬘᬾᬮᭀᬂᬉᬮᬸᬦ᭄ᬲᬂᬤᬵᬦᬯ᭞ᬓ᭄ᬯᬾᬳᬶᬦᬶᬭᬶᬂ᭞ᬅᬦᬭᬾᬂᬲᬫᬸᬤᬺᬯᬾᬭ᭟
ᬘᬭᬶᬢᬭᬵᬢ᭄ᬅᬚ᭄ᬜᬫᬹᬥ᭞ᬯᭂᬗ᭄ᬓᬦ᭄ᬧ᭄ᬭᬪᬸᬲᬶᬦᭀᬫ᭄ᬧᬢᬶ᭞ᬳᭂᬦ᭄ᬢᬸᬕ᭄ᬋᬡᭃᬩᬮᬦᬾᬓᬩᬾᬄ᭞ᬦᬵᬕᬭᬦᬾᬯᬶᬪᬹᬄᬮᬦ᭄ᬤ᭄ᬭᬸᬄ᭞ᬲᬶᬯᬄᬓᬤ᭄ᬬᬭᬶᬗ᭄ᬓᬦ᭞ᬤᬸᬓ᭄ᬦᬶᬂᬓᬭᬶ᭞ᬯ᭄ᬓᬦ᭄ᬤᬾᬢ᭄ᬬᬓᬵᬮᬚᬕᬢ᭄᭟ᬲᬳᬸᬯᬸᬲ᭄ᬦ᭄ᬬᬲᬫᬗ᭄ᬓᬦ᭞ᬲᬶᬗᬜ᭄ᬚᬬᬘᬭᬶᬢᬫᬮᬶᬄ᭞ᬅᬲ᭄ᬯᬫᬶᬅ
ᬚ᭄ᬜᬯᬢᬶᬬ᭞ᬮᬫᬘᬢᬹᬃᬢᭂᬮᬸᬮᬲ᭄ᬢᬗ᭄ᬰᬸ᭞ᬯᬸᬲᬶᬭᬳᬤᬺᬯ᭄ᬬᬧᬸᬢᬺ᭞ᬓᬓᬸᬂᬲᬤᬶᬭᬶ᭞ᬧ᭄ᬓᬶᬓᬾᬢᬦ᭄ᬲᬫᬭᬶᬂᬭᬵᬢ᭄᭟ᬯᬸᬲ᭄ᬳᬬᬸᬱᬢᬶᬕᬂᬘᬦ᭄ᬤ᭄ᬭ᭞ᬇᬩᬸᬦ᭄ᬬᬢᬶᬦᬶᬩᬦ᭄ᬕ᭄ᬭᬶᬂ᭞ᬲᬸᬲᬸᬦᬾᬢᬦ᭄ᬯᭂᬢᬸᬢᭀᬬ᭞ᬤᬸᬮᬸᬭᬦ᭄‌ᬗ᭄ᬕᬦᬶᬭᬓᬸᬭᬸ᭞ᬲᬸᬫᬶᬗ᭄ᬓᬶᬦ᭄‌ᬮᭂᬧᬼᬧ᭄ᬓᬲᬺᬧᬦ᭄᭞ᬭᬵ [ 11 ][᭒᭐ 10B]
᭒᭐
ᬤᬾᬦ᭄ᬫᬦ᭄ᬢ᭄ᬭᬷ᭞ᬫᬶᬯᬄᬯ᭄ᬯᬂᬚ᭄ᬭᭀᬓᬾᬫᭂᬗᬦ᭄᭟ᬫᬓᬤᬶᬯ᭄ᬯᬂᬚ᭄ᬭᭀᬧᬸᬭ᭞ᬓᬾᬧ᭄ᬯᬦ᭄ᬓᬧ᭄ᬯᬫᬭᬶᬗ᭄ᬳᬢᬶ᭞ᬳᬗ᭄ᬭᬱᬵᬦᬾᬮᬭᬦᬶᬭ᭞ᬲᬂᬮᬭᬮᬯᬸᬢ᭄ᬳᬫᬸᬯᬸᬲ᭄᭞ᬳᬥᬹᬄᬓᬓᬲᬶᬗᬜ᭄ᬚᬬ᭞ᬦᭀᬭᬦᭀᬢᬶ᭞ᬳᭀᬮᬶᬳᬶᬗ᭄ᬲᬸᬦ᭄ᬦᬦ᭄ᬤᬂᬮᬭ᭟ᬬᬦᬶᬗ᭄ᬲᬸᬦ᭄ᬳᬦᬶᬮᬃᬧᭂᬚᬄ᭞ᬭᬶᬂᬧᬸᬢᬺ
ᬳᬬ᭄ᬯᬢᬮᬮᬶ᭞ᬲᬶᬗᬜ᭄ᬚᬬᬮᬶᬂᬦ᭄ᬬᬳᬮᭀᬦ᭄᭞ᬥᬹᬄᬬᬬᬶᬲᬂᬭᬢᬶᬳᬬᬸ᭞ᬳᬬ᭄ᬯᬲᬶᬭᬲᬫᬗ᭄ᬓᬦ᭞ᬲᬶᬭᬬᬬᬶ᭞ᬮᬭᬦ᭄ᬢᬚᬸᬕᬓᬾᬗᭂᬢ᭟ᬧᬸᬢ᭄ᬭᬦᬾᬫᬗ᭄ᬓᬶᬜ᭄ᬘᬭᬶᬢ᭞ᬳᬫ᭄ᬮᬤ᭄ᬧ᭄ᬭᬡᬵᬦᬗᬶᬲ᭄᭞ᬗ᭄ᬓᬶᬓ᭄‌ᬗ᭄ᬓᬶᬓ᭄ᬫᬫᬸᬮᬶᬲᬄ᭞ᬤᬾᬦᬶᬂᬢᬦ᭄ᬓᭂᬦᬭᬶᬂᬲᬸᬲᬸ᭞ᬓ᭄ᬯᬾᬄᬳ
ᬗ᭄ᬕᬾᬦ᭄ᬬᬳᬗ᭄ᬓᬶᬮ᭞ᬲᬃᬯ᭄ᬯᬩ᭄ᬘᬶᬓ᭄᭞ᬚᬸᬕᬢᬦ᭄ᬫᬕᬯᬾᬧᬹᬃᬡ᭄ᬦ᭟ᬯᬵᬲ᭄ᬢ᭄ᬯᬫᬾᬯᭂᬄᬓᬂᬫᬗᭂᬫ᭄ᬩᬦ᭄᭞ᬭᬭᬾᬦᬾᬫᬫᬸᬗ᭄ᬲᬂᬫᬗ᭄ᬲᬶ᭞ᬧᬥᬳᬗᭂᬦ᭄ᬫᬗᬢᭀᬦᬂ᭞ᬢᬦᬸᬘᬧᬦ᭄‌ᬯ᭄ᬯᬂᬚ᭄ᬭᭀᬯᬶᬰ᭄ᬫᬾᬓᬸ᭞ᬦᬸᬮᬶᬓᬤᬶᬧᬓᭀᬦᬶᬂᬳ᭄ᬬᬂ᭞ᬅᬦᬫᬗ᭄ᬓᬶᬦ᭄᭞ᬯ᭄ᬯᬂᬚᬤᬓᬗ᭄ᬓᬸᬂᬧ᭄ᬭᬵᬧ᭄ᬢ᭟ᬧ᭄ᬭᬬ
ᬳᬫᭂᬥᭂᬓ᭄ᬭᬶᬂᬲᬶᬭ᭞ᬭᬶᬭᬵᬳᬤᬾᬦ᭄ᬫᬦ᭄ᬢ᭄ᬭᬷᬢᬾᬓᬶ᭞ᬲᭀᬮᬄᬳᬍᬧ᭄ᬓᬢᭀᬦ᭄᭞ᬮ᭄ᬯᬶᬃᬓᬤᬶᬯ᭄ᬯᬂᬳᬧᬸᬢᬸᬲ᭄᭞ᬢᬸᬫᬸᬮᬶᬲᬶᬭᬦᬗ᭄ᬓᬶᬮ᭞ᬦᬸᬮ᭄ᬬᬫᬗ᭄ᬓᬶᬦ᭄᭞ᬮᬬᬃᬲᬶᬭᬫᬯᬘᬦ᭟ᬧᬫᬜ᭄ᬚᬤᬯᬭᬸᬧ᭄ᬭᬵᬧ᭄ᬢ᭞ᬢᭂᬫ᭄ᬩᬾᬧᬫᬦ᭄ᬫᬦᬗ᭄ᬓᬶᬮ᭄᭞ᬧᬸᬦᬧᬅᬦᬾᬓᬂᬲᬭᬵᬢ᭄᭞
[᭑᭑ 11A]
ᬳᬶᬧᬫᬦ᭄ᬫᬗᬦ᭄ᬢᬶᬦ᭄ᬫᬸᬯᬸᬲ᭄᭞ᬲᬶᬗ᭄ᬕᬶᬄᬧᬓᬦᬶᬭᬫᬶᬳᬃᬱ᭞ᬳᬦᬾᬂᬫᬃᬕ᭄ᬕᬶ᭞ᬧᬢ᭄ᬦᬷᬭᬵᬤ᭄ᬬᬦ᭄ᬓᭀᬘᬧ᭄ᬲᬸᬗ᭄ᬓᬦ᭄᭟ᬲᬶᬗ᭄ᬕᬶᬄᬬᬸᬓ᭄ᬢᬶᬓᬤᬶᬯᬺᬢ᭄ᬢ᭞ᬤᬳᬢ᭄‌ᬢ᭄ᬫᭂᬦ᭄ᬢᬫ᭄ᬩᬶᬲ᭄ᬫ᭄ᬭᬬᬢᬶ᭞ᬫᬗ᭄ᬓᬦᬾᬗ᭄ᬲᬸᬦ᭄ᬫᬭᬳᬕ᭄ᬬ᭞ᬳᬾᬢᬸᬦᬶᬗᭀᬂᬫᬭᬗ᭄ᬓᬾᬭᬯᬸᬄ᭞ᬳᬶᬗᭀᬂᬲᬸᬫᬥ᭄ᬬᬲᬸᬪ
ᬓ᭄ᬢ᭄ᬬ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬮᬬᬃᬢᬲᬶᬭᬳᬶᬦᬸᬚᬃ᭟ᬬᬸᬓ᭄ᬢᬶᬧᬫᬦ᭄ᬲᬫᬗ᭄ᬓᬦ᭞ᬮᬭᬲᬶᬭᬢᬵᬚ᭄ᬜᬯᬢᬷ᭞ᬮᬫᬲᬓᬶᬂᬲᬧ᭄ᬢᬤᬶᬦᬵ᭞ᬮᬭᬓᬸᬭᬂᬢᭀᬬᬲᬸᬲᬸ᭞ᬫ᭄ᬯᬄᬓᬸᬭᬸᬳᬗ᭄ᬕᬦ᭄ᬬ᭞ᬫᬳᬤᬶᬭᬶ᭞ᬅᬲᬶᬂᬯᬶᬱᬥᬓᬢᬸᬮᬃ᭟ᬫᬗ᭄ᬓ᭄ᬬᬧᬫᬦ᭄ᬳᬗᬸᬱᬥ᭞ᬢᬸᬫᬸᬮᬶ
ᬳᬸᬫᬵᬢᬹᬃᬲᬶᬗ᭄ᬕᬶᬄ᭞ᬓᬾᬯᬮᬅᬓ᭄ᬱᬫᬧᬶᬲᬦ᭄᭞ᬳᬬ᭄ᬯᬲᬸᬓᬬᬦ᭄ᬓᬲᬶᬤ᭄ᬥᬾᬓᬸ᭞ᬯᬮᬶᬓ᭄ᬦ᭄ᬬᬳᬬ᭄ᬯᬤᬸᬓ᭞ᬬᬦᬶᬂᬓᬭᬶ᭞ᬧᬶᬦᬸᬗ᭄ᬓᬦᬶᬂᬭᬵᬤᬾᬦ᭄ᬤᬾᬯ᭄ᬬ᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬫᬯᬘᬦ᭞ᬧᬫᬦ᭄ᬓᬂᬕᬯᬾᬰ᭄ᬭᬡᬶ᭞ᬲᬂᬩᬮ᭄ᬬᬦ᭄ᬳᬸᬫᬵᬢᬹᬃᬲᭂᬫ᭄ᬩᬄ᭞ᬅᬦᬓ᭄ᬦᬲᬚᬶᬓᬵᬢᬹᬃ᭞ᬭᬶᬂ
ᬯᬶᬥᬷᬫᬭᬦ᭄ᬢᭂᬕᭂᬧ᭞ᬫ᭄ᬯᬄᬧᬢᬶᬓ᭄᭞ᬯᬾᬳᬶᬓᬸᬫ᭄ᬩᬫᬾᬲᬶᬢᭀᬬ᭟ᬫ᭄ᬯᬂᬲᬂᬯ᭄ᬯᬯᬗᬶᬯᬗ᭄ᬬ᭞ᬲᬃᬯ᭄ᬯᬲᬚᬶᬤᬸᬧᬅᬤᬶ᭞ᬫᬭᬦ᭄‌ᬦ᭄ᬤᬢᬦ᭄ᬓᬯᬶᬖ᭄ᬦ᭞ᬧᭀᬮᬳᬦᬶᬗ᭄ᬲᬸᬦ᭄ᬳᬫᬸᬧᬸᬕ᭄᭞ᬮᬭᬦᬶᬭᬭᬤᬾᬦ᭄ᬤᬾᬯ᭄ᬬ᭞ᬦᬸᬮ᭄ᬬᬕᭂᬮᬶᬲ᭄᭞ᬓᬶᬧᬯᭀᬗᬦ᭄ᬢᬸᬫᬦ᭄ᬤᬶᬗ᭟ᬯᬸᬲ᭄ᬧᬸᬢᬸᬲ᭄ᬰᬷᬖᬺᬓᬵ [ 12 ][᭑᭑ 11B]
᭑᭑
ᬢᬹᬭ᭞ᬭᬶᬲᬶᬭᬲᬂᬅᬗᬸᬱᬥᬶ᭞ᬦᬸᬮ᭄ᬬᬲᬶᬭᬫ᭄ᬯᬂᬬᭀᬕ᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄ᬫᬭᬶᬂᬓᬳ᭄ᬬᬸᬦ᭄᭞ᬳᬗᬸᬧ᭄ᬢᬶᬲᬂᬉᬱᬥ᭞ᬫᬵᬢᬹᬃᬕᭂᬮᬶᬲ᭄᭞ᬲᬂᬩᬮ᭄ᬬᬦ᭄ᬫᬭᬶᬤᬃᬣᬬᬂ᭟ᬢᭀᬬᬇᬓᬶᬢᬶᬢᬶᬲᬓᭂᬦ᭄᭞ᬧᬶᬂᬢᬶᬕᬦᭂᬳᭂᬃᬓᬶᬸᬪᬸᬫᬶ᭞ᬧᬶᬗ᭄ᬳᬸᬮᬸᬦ᭄ᬳᬬ᭄ᬯᬗᬸᬭᬗ᭞ᬭᬳᬸᬧᬦ᭄ᬧᬶᬂᬲᬗ᭄ᬳᬇᬓᬸ᭞ᬲᬾ
ᬲᬦ᭄ᬬᬢᬭᬸᬳᬓᭂᬦ᭄᭞ᬫᬓᬲᬫᬶ᭞ᬳᬦᬾᬂᬰᬷᬯᬤ᭄ᬯᬭᬦ᭄ᬬ᭟ᬫ᭄ᬯᬳᬶᬗ᭄ᬲᬸᬦ᭄ᬳᬫᬶᬤᬃᬣ᭞ᬲᬸᬗ᭄ᬓᬦᬶᬭᬭᬵᬤᬾᬦ᭄ᬤᬾᬯᬷ᭞ᬬᬦ᭄ᬲᬓᬶᬂᬲᬧ᭄ᬢᬤᬶᬯᬰ᭞ᬧᭀᬫᬗᭀᬂᬭᬶᬂᬰᬵᬲ᭄ᬢᬺᬫᬹᬗ᭄ᬕᬸᬄ᭞ᬯ᭄ᬯᬂᬯᬥᬸᬳᬫᬮᬓᬺᬢ᭄ᬢ᭞ᬧᬸᬮᬸᬂᬦᬸᬮᬸᬭᬶ᭞ᬬᬾᬓᬶᬕ᭄ᬭᬶᬂᬦᭀᬭᬥᬹᬭ᭟ᬫᬗ᭄ᬓ᭄ᬬᬲᬶᬭᬢᬸᬮᬓᬶᬗ᭄ᬯᬂ᭞ᬘᬶ
ᬤ᭄ᬭᬬᬦᬵᬫᬸᬯᬸᬲᬭᬶᬲ᭄᭞ᬬᬾᬓᬶᬅᬃᬢ᭄ᬣᬧᬫᬦ᭄ᬢ᭄ᬭᬶᬫ᭞ᬓ᭄ᬯᬾᬄᬦ᭄ᬬᬧᬜ᭄ᬘᬳᬢᬸᬲ᭄᭞ᬲᬂᬤᬸᬓᬸᬦ᭄ᬲᬸᬓᬦᬭᬶᬫ᭞ᬗ᭄ᬳᬶᬂᬲᬩᬕᬶ᭞ᬲᬂᬤᬸᬓᬸᬦ᭄ᬳᬕᬾᬫᬫᬶᬦ᭄ᬤᬄ᭟ᬦᬺᬧᬧᬸᬢᬺᬘᬶᬦᬭᬶᬢ᭞ᬦᬶᬩᭀᬱᬥᬭᬶᬲᬂᬕᭂᬭᬶᬂ᭞ᬲᬓᬤᬶᬢᬸᬤᬸᬳᬶᬂᬯᬮ᭄ᬬᬦ᭄᭞ᬓᭀᬘᬧ᭄ᬫᬗ᭄ᬓᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞
ᬦᬺᬧᬲᬸᬢᬫᬶᬜ᭄ᬘᬦᬾᬂᬘᬶᬢ᭄ᬢ᭞ᬭᬶᬂᬖᬭᬶᬡᬶ᭞ᬲᬶᬭᬤᬾᬯᬶᬲᬶᬦᬭᭀᬦ᭄ᬬ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬭᬳᬢ᭄ᬩ᭄ᬭᬳ᭄ᬫᬢ᭄ᬬᬦᬶᬭ᭞ᬮᬬᬃᬫᬗ᭄ᬓ᭄ᬬᬯᬶᬦᬸᬮᬢᬶ᭞ᬳᬦᬾᬂᬧᬓᬲᬸᬢᬦ᭄ᬯᬾᬢᬦ᭄᭞ᬲᬶᬦᬭᭀᬜ᭄ᬘᬲᬶᬭᬵᬕᬸᬮᬶᬂ᭞ᬧᬾᬧᬾᬄᬤᬸᬮᬸᬳᬱ᭄ᬝᬓᬮᬶᬄ᭞ᬧᬸᬧᬸ
[᭑᭒ 12A]
ᬓᬭᭀᬰ᭄ᬯᬾᬢᬕᭂᬫᬸᬄ᭞ᬍᬫ᭄ᬩᬶᬦᬾᬢᭂᬗᭂᬦ᭄ᬫᬓᬢᭀᬦ᭄᭞ᬇᬓᬂᬲᬸᬲᬸᬢᬦ᭄ᬬᬸᬤᬦ᭄ᬢᬶ᭞ᬓᬜ᭄ᬘᬶᬢ᭄ᬭᬯᬸᬄ᭞ᬲᬶᬭᬭᬵᬤᬾᬦ᭄ᬥᬷᬧᬧᬸᬢᬺ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬫᭀᬕᬢᬸᬗ᭄ᬕᬮ᭄ᬮᬯᬂᬦ᭄ᬬ᭞ᬢᭂᬭᬸᬲᬶᬭᬳᬗᬭᬜ᭄ᬚᬶᬂ᭞ᬓᬵᬯᬲ᭄‌ᬲ᭄ᬯᬫᬶᬲᬫᬗ᭄ᬓᬦ᭞ᬯᬶᬦᭂᬳᭂᬃᬲᬶᬭᬳᬫᬸᬯᬸᬲ᭄
᭞ᬲᬶᬭᬬᬬᬶᬓᬭᬶᬄᬳᬶᬗ᭄ᬯᬂ᭞ᬯᬸᬗᬸᬭᬸᬫᬶᬳᬶᬦ᭄᭞ᬮᬶᬳᬢ᭄ᬗᭀᬂᬥᬢᭂᬗᬶᬂᬲᬶᬭ᭟ᬲᬶᬦᬭᭀᬜ᭄ᬘᬾᬫᬗᬸᬯ᭞ᬳᬗᬸᬘᬧ᭄ᬢᬹᬃᬫᭂᬗ᭄ᬓᭂᬄᬕᬶᬕᬶᬃ᭞ᬤᬳᬢ᭄ᬓᬓᬩᭂᬦᭂᬂᬭᬶᬂᬳᬶᬗᭀᬂ᭞ᬭᬾᬄᬳᬯᬾᬢ᭄ᬦᭀᬭᬢᬶᬦᭂᬫᬸ᭞ᬫᬗ᭄ᬓ᭄ᬬᬓᬓᬧᭀᬫᬭᬶᬗ᭄ᬯᬂ᭞ᬧᬭᬦ᭄ᬢᬾᬓᬶ᭞ᬮᬄᬓᬓᬳᬗ᭄ᬭᬲᬾᬂᬢᬶᬕ᭟
᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬥᬷᬧᬧᬸᬢᬺᬦᭂᬳᭂᬃᬅᬗ᭄ᬭᬡ᭞ᬍᬫ᭄ᬩᬶᬦ᭄ᬲ᭄ᬯᬫᬶᬢᭂᬗᭂᬦ᭄ᬓᬾᬭᬶ᭞ᬳᬜᬧᬸᬄᬯᬓ᭄ᬱᬯᬶᬭᭀᬚ᭞ᬧᬸᬘᬓ᭄ᬯᬶᬮᭂᬲ᭄ᬳᭀᬮᬶᬄᬚᬭᬶᬚᬶ᭞ᬦᭂᬳᭂᬃᬤᬾᬯᬶᬲᬶᬦᬭᭀᬡᬶ᭞ᬗᬸᬯᬤᬭᬂᬧ᭄ᬝᬓ᭄ᬧᬸᬧᬸ᭞ᬮᬫ᭄ᬩᬾᬦ᭄ᬲᬶᬜ᭄ᬚᬂᬓᬋᬕᭂᬳᬂ᭞ᬭᬯᬸᬳᬶᬂᬥᬢᭂᬗᬾᬂᬮ
ᬫ᭄ᬧᬶᬲ᭄᭞ᬥᬷᬧᬧᬸᬢᬺ᭞ᬳᬦᭂᬳᭂᬃᬳᬗᬕᭂᬫ᭄ᬭᭀᬫ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬓᬯᬶᬚᬶᬮᬂᬥᬢᭂᬗᬾᬦᬢᬃ᭞ᬦᭂᬳᭂᬃᬲᬧᬸᬄᬦ᭄ᬬᬓᬳᬫ᭄ᬩᬶᬮ᭄᭞ᬓᬳᬜᬮ᭄ᬢᬹᬭᬶᬂᬓᬢᬫ᭄ᬧ᭄ᬬᬮ᭄᭞ᬳᬋᬧ᭄ᬳᬸᬗ᭄ᬓᬸᬃᬦ᭄ᬬᬓᬲᬦ᭄ᬤᬸᬂ᭞ᬲᬤᬸᬮᬸᬃᬲᬶᬭᬵᬦᬩ᭄ᬤ᭞ᬮᬦ᭄ᬢᬹᬢ᭄ᬳᬸᬲᬶᬦ᭄᭞ᬤᭀᬱᬲᬶᬭᬉ [ 13 ][᭑᭒ 12B]
᭑᭒
ᬜ᭄ᬚᬸᬓ᭄ᬭᬵᬢ᭄᭟ᬳᬗ᭄ᬮᬭᬦᬶᬅᬚ᭄ᬜᬯᬢ᭄ᬬ᭞ᬲᬶᬦᬭᭀᬜ᭄ᬘᬾᬢᬦᬳᬸᬭᬶ᭞ᬢᬦ᭄ᬓᬯᬰᬵᬦᬦ᭄ᬤᬂᬮᬭ᭞ᬢᬶᬦᭂᬳᭂᬃᬲᬶᬭᬫᬮᬬᬹ᭞ᬋᬩᬄᬉᬗᬸᬫᬭᬶᬂᬫᬃᬕ᭄ᬕ᭞ᬢᬹᬃᬯᬶᬦᬸᬗ᭄ᬲᬶ᭞ᬇᬩᬸᬦᬾᬳᬶᬓᬸᬡ᭄ᬥᬗᬫ᭄ᬩᬃ᭟ᬭᬶᬂᬦᬵᬕᬭᬧ᭄ᬭᬜ᭄ᬘᬦ᭞ᬫᬸᬂᬧᬸᬂᬲᬗᬶᬩᬸᬫᬮᬶᬗ᭄ᬕᬶᬄ᭞ᬅᬦᬭᬶᬂᬧᬤᬸᬗ᭄ᬓᬂᬓᬜ᭄ᬘ
ᬦ᭞ᬯ᭄ᬯᬂᬚ᭄ᬭᭀᬓᬩᬾᬄᬳᬫᭂᬓᬸᬮ᭄᭞ᬲᬶᬦᬭᭀᬜ᭄ᬘᬾᬲᬶᬭᬧ᭄ᬭᬵᬧ᭄ᬢ᭞ᬮᬭᬳᬯᬶᬦ᭄ᬤᬶᬦ᭄᭞ᬗᬤᭀᬮ᭄ᬚᭂᬲᬶᬭᬳᬶᬩ᭄ᬬᬂ᭟ᬦᬩ᭄ᬤᬲᬶᬭᬓᬸᬡ᭄ᬥᬗᬫ᭄ᬩᬃ᭞ᬯᬲᬦᬦᬓ᭄ᬥᬢᭂᬂᬳᬦᬗᬶᬲ᭄᭞ᬢᬹᬃᬳᬗ᭄ᬕᬓᬦᬶᬦ᭄ᬲᬫ᭄ᬬᬦ᭄᭞ᬲᬶᬦᬭᭀᬡᬶᬬᬲᬸᬫᬳᬸᬃ᭞ᬲᬶᬗ᭄ᬕᬶᬄᬇᬩᬸᬢᬸᬦᬶᬗ᭄ᬯᬂ᭞ᬥᬢᭂᬂᬫᬸᬮᬶᬄ᭞
ᬳᬶᬗ᭄ᬲᬸᬦ᭄ᬓᬧᬸᬧᬸᬄᬓᬢᬫ᭄ᬧ᭄ᬬᬮ᭄᭟ᬓᬫᬦ᭄ᬤᬸᬂᬭᬶᬂᬳᬋᬧᬶᬂᬉᬕᬢ᭄᭞ᬲᬶᬦᬗ᭄ᬲᬬᬳᬗ᭄ᬭᬶᬗᬶᬦ᭄᭞ᬦᬶᬤ᭄ᬬᬄᬤᬾᬯᬷᬅᬚ᭄ᬜᬯᬢ᭄ᬬ᭞ᬤᬸᬭᬸᬗᬶᬗ᭄ᬲᬸᬦ᭄ᬫᬍᬲ᭄ᬳᬫᬸᬯᬸᬲ᭄᭞ᬳᬕᬾᬳᬶᬗ᭄ᬲᬸᬦ᭄ᬫᬮᬬ᭄ᬯ᭞ᬦᭀᬭᬦᬸᬕᬶ᭞ᬳᭀᬮᬶᬳᬶᬗ᭄ᬲᬸᬦ᭄ᬦᬦ᭄ᬤᬂᬮᬭ᭟ᬬᬦ᭄ᬢᬦ᭄ᬳᬕᬾᬗᭀᬂᬮᬬ᭄ᬯ᭞ᬳᬯᬲ᭄ᬳᬶᬗ᭄ᬯᬂ
ᬗ᭄ᬫᬲᬾᬂᬧᬢᬶ᭞ᬲᬫᬗ᭄ᬓᬦᬳᬾᬢᬸᬦᬶᬗᭀᬂ᭞ᬭᬶᬫᬗ᭄ᬓᬾᬬᬲᬶᬭᬇᬩᬸ᭞ᬓᬵᬃᬬ᭄ᬬᬲᬸᬤ᭄ᬥᬶᬫᬮᬫ᭄ᬧᬶᬲ᭄ᬗ᭄ᬯᬂ᭞ᬳᬶᬗ᭄ᬲᬸᬦ᭄ᬳᬓᬲᬶᬄ᭞ᬅᬭᬸᬄᬤᬳᬢ᭄ᬫᬯᬶᬰᬾᬱ᭟ᬳᬶᬗ᭄ᬲᬸᬦ᭄ᬳᬗᬯᬮ᭄ᬬᬂᬮᬭ᭞ᬏᬭᬂᬳᬶᬗᭀᬂᬢᬦ᭄ᬲᬶᬦᬶᬧᬶ᭞ᬲᬗᬶᬩᬸᬳᬦᬩ᭄ᬤᬳᬮᭀᬦ᭄᭞ᬥᬹᬄᬤᬾᬯᬮᬫ᭄ᬧᬶᬲᬶᬗ᭄ᬲᬸᬦ᭄᭞ᬳᬶ
[᭑᭓ 13A]
ᬗ᭄ᬲᬸᬦ᭄ᬧᬯᬾᬳᬭᬓᬶᬢ᭞ᬲᬶᬦᬭᭀᬡᬶ᭞ᬦ᭄ᬭᬶᬫᬳᬭᬸᬄᬍᬗᬤᬹᬃᬕ᭄ᬕ᭟ᬫᬗ᭄ᬓᬾᬮᬶᬲᬄᬦᬭᬶᬂᬭᭀᬫ᭞ᬲᬸᬫ᭄ᬩᬸᬃᬲᬸᬫ᭄ᬩᬸᬃᬦ᭄ᬬᬗ᭄ᬮᬶᬂ᭞ᬮᬄᬓᬓᬲᬶᬗᬜ᭄ᬚᬬ᭞ᬫᬗ᭄ᬓᬾᬢᬍᬤ᭄ᬘᬶᬢ᭄ᬢᬦᬶᬗ᭄ᬲᬸᬦ᭄‌᭞ᬲᬶᬭᬇᬩᬸᬫ᭄ᬯᬶᬢᬶᬗ᭄ᬯᬂ᭞ᬇᬩᬸᬦ᭄ᬬᬵᬗ᭄ᬮᬶᬂ᭞ᬭᬭᬶᬲ᭄ᬦᬦᬓ᭄ᬳᬦ᭄ᬤᬾᬳᬕ᭄ᬬ᭟ᬘᬭᬶᬢᬫᬗ᭄ᬓᬾᬫᬥ᭄ᬬᬾᬂᬓᬸ
ᬮᭀᬦ᭄᭞ᬫᬗ᭄ᬓᬢ᭄ᬤᬾᬯᬷᬲᬶᬦᬭᭀᬡᬶ᭞ᬢᬦ᭄ᬳᬯᬾᬢ᭄ᬲᬶᬭᬧ᭄ᬭᬵᬧ᭄ᬢ᭞ᬅᬦᬭᬶᬂᬲᬾᬢᬺᬳᬕᬸᬂ᭞ᬲᬶᬧᭂᬂᬢᬦᬦᬫᬭᬦ᭄᭞ᬦᭂᬳᭂᬃᬳᬫᬸᬱ᭄ᬝᬶ᭞ᬢᬦ᭄ᬫᬮᬫᬫᬢ᭄ᬫᬳᬦ᭄᭟ᬧᬦ᭄ᬤᬯᬓ᭄ᬭᬸᬭᬭᬹᬧ᭞ᬦᬾᬢ᭄ᬭᬓᬤᬶᬲᬹᬃᬬ᭄ᬬᬓᬮᬶᬄ᭞ᬲᬶᬬᬸᬗᬾᬮ᭄ᬯᬶᬃᬘᬸᬭᬶᬕ᭞ᬢᬫ᭄ᬩᬾᬦᬾᬤᬾᬦ᭄ᬦᬫ᭄ᬧᬸᬄᬯᬤᬸᬓ᭄᭞
ᬦ᭄ᬭᭀᬚᬓᬤᬶᬧᭂᬤᭂᬓᬃᬯ᭄ᬯ᭞ᬧᬸᬗ᭄ᬓᬸᬄᬥᬢᭂᬗᬶᬂ᭞ᬦᬓᬮᬸᬗᬶᬤ᭄ᬮ᭄ᬯᬶᬃᬕᬜ᭄ᬚᬶᬭ᭟ᬯᬵᬲ᭄ᬢ᭄ᬭᬘᬂᬘᬂᬫ᭄ᬯᬄᬮᬫ᭄ᬧ᭄ᬬᬲ᭄᭞ᬮᬸᬳᬸᬭᬦ᭄ᬭᬶᬂᬩᬸᬓᬸᬦᬶᬂᬯᭂᬢᬶᬲ᭄᭞ᬭᭀᬫᬦ᭄ᬲᬶᬭᬭᬶᬂᬚ᭄ᬭᭀᬦᬶᬂᬲᬶᬜ᭄ᬚᬂ᭞ᬮᬾᬫᬤ᭄‌ᬲᬶᬢᬶᬦᬾᬓᬲᬧᬸᬄ᭞ᬭᬹᬗᬭᬶᬫ᭄ᬭᬶᬫᬶᬘᬶᬢ᭄ᬢ᭞ᬦᭂᬳᭂᬃᬳᬗ᭄ᬮᬶᬂ᭞ᬲ᭄ᬯᬗᬶᬂᬳᬦᬓ᭄ᬲᬓᬶᬂᬰᬭᬷᬭ᭟
ᬯ᭄ᬢᬸᬲᬶᬭᬭᬦᬓ᭄ᬳᬶᬗᭀᬂ᭞ᬫᬓᬳᬶᬃᬘᬭᬶᬂᬘᬶᬗ᭄ᬓᬸᬦᬶᬂ᭞ᬲᬶᬭᬩᬾᬗ᭄ᬓᬾᬂᬮᬩᬕᭀᬦ᭄ᬤᭀᬃ᭞ᬋᬗ᭄ᬕᬩᬶᬗ᭄ᬓᬂᬮᬦ᭄ᬳᬶᬓᭂᬫ᭄ᬧ᭄ᬭᬸᬂ᭞ᬳᬶᬕᬾᬫ᭄ᬩ᭄ᬭᭀᬂᬮᬦ᭄ᬳᬶᬮᬬᬄᬮᬸᬫ᭄ᬩᬂ᭞ᬦᬾᬢᬺᬯᬶᬚᬶ᭞ᬕᬸᬡᬲᬸᬡ᭄ᬥᬕᬸᬡᬗᬤᬂ᭟ᬅᬚ᭄ᬭᬓᬶᬗ᭄ᬓᬂᬳᬶᬲᬸᬓᬸᬢᬸᬗ᭄ᬕᬮ᭄᭞ᬋᬫ᭄ᬧᬸᬳᬶᬂᬫᬬᬂᬳᬶᬳᬫ᭄ᬩᬸᬳᬮᬶᬩ᭄᭞ᬭᬢ᭄ᬦᬲᬸ [ 14 ][᭑᭓ 13B]
᭑᭓
ᬫᭂᬤᬂᬳᬶᬧᬸᬥᬓ᭄᭞ᬧᬾᬕᬸᬫ᭄ᬧ᭄ᬭᬸᬂᬳᬯᬶᬤᬸᬄᬩᬶᬭᬸ᭞ᬯᭂᬢᬸᬢᬲᬲᬦᬦ᭄ᬢ᭞ᬯᬤᬸᬲᬫᬶ᭞ᬯᬦᭂᬂᬧᬸᬓᬸᬄᬯᭀᬲ᭄ᬢ᭄ᬭᬦ᭄ᬬ᭟ᬅᬗ᭄ᬮᬶᬂᬚᭀᬚᭀᬢ᭄ᬦ᭄ᬬᬢᬦᬯᬲ᭄᭞ᬲᬫᬦ᭄ᬬᬕᬃᬚ᭄ᬚᬶᬢᬾᬗ᭄ᬳᬢᬶ᭞ᬢᬶᬦᬗ᭄ᬓᭂᬧ᭄ᬫᬯᬶᬭᬯᬶᬭᬦ᭄᭞ᬳᬸᬯᬸᬲ᭄ᬦ᭄ᬬᬫᭂᬥᭂᬓᬫᬸᬯᬸᬲ᭄᭞ᬲᬶᬗ᭄ᬕᬶᬄᬇᬩᬸᬳᬾᬢᬸᬓᬦ᭄ᬲᬶᬭ᭞
ᬗᬫ᭄ᬢᬸᬇᬓᬶ᭞ᬬᬦ᭄ᬯᬲᬳᬮᬄᬯᬸᬯᬸᬲᬂ᭟ᬳᬗ᭄ᬤᬾᬳᬶᬗᭀᬂᬗᬯ᭄ᬭᬸᬳ᭞ᬲᬗᬶᬩᬸᬳᬦᬩ᭄ᬤᬳᬭᬶᬲ᭄᭞ᬲ᭄ᬯᬭᬦᬾᬮ᭄ᬯᬶᬃᬕᭂᬫ᭄ᬩᬃᬕᭂᬫ᭄ᬩᭀᬃ᭞ᬬᬦ᭄ᬭᬦᬓ᭄ᬳᬧ᭄ᬢ᭄ᬬᬫᬯ᭄ᬭᬸᬄ᭞ᬫᬇᬩᬸᬮᬓᬸᬧᬢᬶᬦ᭄ᬬ᭞ᬗᬫᭂᬢᬸᬇᬓᬶ᭞ᬲᬶᬭᬫᬦ᭄ᬢ᭄ᬭᬷᬥᬶᬧᬧᬸᬢᬺ᭟ᬥᬢᭂᬂᬲᬓᬸᬳᬸᬩᬦ᭄ᬬ᭞ᬮᬸᬧᬸᬢᬾᬭᬳᬤᬾᬦ᭄ᬫ
ᬦ᭄ᬢ᭄ᬭᬷ᭞ᬗ᭄ᬭᬶᬫ᭄ᬧᬸᬂᬳᬶᬗᭀᬂᬳᬓᬭᬶᬬ᭞ᬗᭀᬂᬓᬮᬭᬦ᭄ᬓᬧᬸᬧᬸᬄ᭞ᬭᬦᬓ᭄ᬦ᭄ᬬᬲᬯᬸᬃᬧᬓ᭄ᬱ᭄ᬬ᭞ᬗᭀᬂᬅᬯᬶᬍᬢᬶ᭞ᬲᬯᬘᬦᬾᬩᬸᬦᬶᬗ᭄ᬯᬂ᭟ᬲᬯᬶᬚᬶᬯᬶᬚᬶᬳᬓᬃᬱ᭞ᬳᬗᭂᬦ᭄ᬯᭀᬯᭀᬄᬫ᭄ᬯᬄᬲᬸᬯᬳᬶᬦᬶ᭞ᬫᬯᬢᭂᬓ᭄ᬤᬕᬶᬂᬤᬍᬫ᭄᭞ᬉᬦ᭄ᬢᭂᬓ᭄ᬫᬓᬤᬶᬲᬲᬸᬕᬸᬮ᭄᭞ᬅᬦᬗᬃᬱᬋᬕᬄ
ᬭᬸᬥᬶᬭ᭞ᬲᬫᬫᬦᬶ᭞ᬢᬹᬃᬫᬲᬗᬋᬧᬂᬭᭀᬫ᭟ᬲᬗᬶᬩᬸᬫᬯᬘᬦ᭞ᬬᬦ᭄ᬫᬗ᭄ᬓᬦᬭᬦᬓ᭄ᬲᬫᬶ᭞ᬳᬍᬫᬍᬫ᭄ᬲᬶᬭᬲᬫ᭞ᬭᬶᬫᬗ᭄ᬓ᭄ᬬᬦᭂᬳᭂᬃᬮᬸᬫᬓᬸ᭞ᬥᬢᭂᬂᬭᬶᬂᬮᭂᬩᬸᬄᬧᬕ᭄ᬭᬦ᭄ᬬ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬦᭂᬳᭂᬃᬗ᭄ᬭᬜ᭄ᬚᬶᬂᬳᬗᬭᬸᬳ᭟ᬘ᭄ᬭᬶᬢᬲᬶᬭᬥᬶᬧᬧᬸᬢᬺ᭞ᬳᬦᬾᬂᬧᬸᬭᬶᬫᬶᬧᬶᬢ᭄ᬓ
[᭑᭔ 14A]
ᬭᬶᬄ᭞ᬯ᭄ᬯᬂᬚᭂᬭᭀᬫ᭄ᬯᬂᬘᬭᬓ᭞ᬭᬶᬫ᭄ᬭᬶᬫ᭄ᬘᬶᬢ᭄ᬢᬦ᭄ᬬᬳᬾᬫ᭄ᬩᬸᬄ᭞ᬮ᭄ᬯᬶᬃᬢᬸᬗ᭄ᬓᬧ᭄ᬳᭀᬮᬶᬄᬫᬾᬖ᭞ᬧᬸᬢᬺᬧᬢᬶ᭞ᬳᬾᬫ᭄ᬩᭂᬄᬳᬾᬫ᭄ᬩᭂᬄᬭᬶᬫ᭄ᬭᬶᬫ᭄ᬦ᭄ᬬ᭟ᬓᬢ᭄ᬭᬶᬡᬶᬓᬂᬧᬜ᭄ᬚᭂᬭᭀᬯᬦ᭄᭞ᬲᬶᬭᬕᬶᬮᬳᬕᬦ᭄ᬢᬶᬕᬦ᭄ᬢᬶ᭞ᬦᭀᬭᬧᭀᬫᬫᬭᬶᬂᬳᬗ᭄ᬕ᭞ᬳᬯ᭄ᬥᬶᬤᬳᬢ᭄ᬭᬶᬂᬢᬦᬸ᭞ᬓᭀᬲᬢᬦ᭄ᬓ
ᬯᬰᬕᬶᬦᬫᭂᬮ᭄᭞ᬓᬯᬶᬱᬥᬳᬶᬦ᭄᭞ᬳᭀᬮᬶᬄᬓᬸᬓᬸᬲ᭄ᬫᬵᬫ᭄ᬩᬸᬳᬮ᭟ᬘᬭᬶᬢᬲᬮ᭄ᬩᬸᬄᬧᬕᭂᬭᬦ᭄᭞ᬢᬦ᭄ᬫᬋᬦ᭄ᬯᬶᬦᬘᭂᬧᬶᬂ᭞ᬦ᭄ᬳᭂᬃᬗ᭄ᬭᬜ᭄ᬚᬶᬂᬭᬶᬗ᭄ᬓᬸᬮᬫᬤ᭄ᬬ᭞ᬥᬷᬧᬧᬸᬢᬺᬲᬶᬭᬯᭂᬢᬸ᭞ᬓᬢᭀᬦ᭄‌ᬯ᭄ᬯᬂᬫᬓᬩᬾᬳᬦ᭄᭞ᬕᬶᬮᬲᬫᬶ᭞ᬳᬾᬦ᭄ᬤᬄᬫᬳᬵᬭᬹᬧᬦ᭄ᬬ᭟ᬦ᭄ᬳᭂᬃᬳᬗᬸᬦᬸ
ᬲ᭄ᬘᬸᬭᬶᬕ᭞ᬳᬮᬬᬹᬕᬶᬮᬦᬾᬲᬤᬬᬶ᭞ᬳᬶᬕᬶᬮᬢᬦ᭄ᬯᬦ᭄ᬬᬫᬸᬮᬢ᭄᭞ᬋᬲ᭄ᬋᬲᭂᬦ᭄ᬦᭂᬳᭂᬃᬫᬮᬬᬹ᭞ᬲᬶᬮᬶᬄᬢᭂᬫᬸᬲᬶᬮᬶᬄᬢᬸᬗ᭄ᬕᬂ᭞ᬬᬦ᭄ᬳᬸᬧᬫᬶ᭞ᬓᬤ᭄ᬬᬵᬗ᭄ᬭᬶᬭᬶᬩᬸᬭᭀᬦ᭄ᬲᭀᬫ᭟ᬲᬫᬳᬭᬸᬄᬦ᭄ᬬᬮᬸᬲᬂ᭞ᬅᬦᬫᬢᭂᬫᬳᬲᬤᬕᬢᬶ᭞ᬅᬦᬓᬗᬢ᭄ᬫᬄᬯᬾ᭞ᬅᬦᬫᬢ᭄ᬫ
ᬳᬦ᭄ᬳᬦ᭄ᬢᬸ᭞ᬅᬦᬓᬾᬗᬶᬦ᭄ᬭᬶᬢᬶᬍᬗᭂ᭞ᬮᬭᬾᬂᬪᬹᬫᬶ᭞ᬬᬦᬶᬓᬵᬦᬶᬩᬦᬶᬯ᭄ᬯᬂ᭟ᬓᬤ᭄ᬬᬵᬗᬧᬲᬭᬢ᭄ᬦ᭄ᬬ᭞ᬢᬦ᭄ᬓᬯᬰᬅᬫ᭄ᬭᬬᬢᬶ᭞ᬬᬦ᭄ᬢᬦ᭄ᬢᭂᬫ᭄ᬧᬸᬄᬮᬭᬾᬂᬲᬶᬯᬄ᭞ᬲᬫᬗ᭄ᬓᬦᬾᬓᬂᬓᬯᬸᬯᬸᬲ᭄᭞ᬤᬾᬢ᭄ᬬᬯᬥᬸᬓᬘᬭᬶᬢ᭞ᬓᬢᬓᭀᬦᬶᬦ᭄᭞ᬮᬫ᭄ᬧᬶᬲ᭄ᬦ᭄ᬬᬕᬭᬸᬫ᭄ᬮᬬ᭄ᬯ᭟ [ 15 ][᭑᭔ 14B]
᭑᭔
᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬤᬳᬢ᭄ᬓᬳᬾᬭᬂᬳᬾᬭᬂᬦ᭄ᬬ᭞ᬦ᭄ᬳᭂᬃᬳᬗ᭄ᬭᬧᬓᬧᬸᬭᬶ᭞ᬲᬸᬲᬸᬦᬾᬳᬜᬧᬸᬮᭂᬫᬄ᭞ᬳᬯᬲᬶᬭᬲᬸᬢᬧᬢᬶ᭞ᬦ᭄ᬳᭂᬃᬲᬶᬭᬢᬶᬦᬜᬓᬦᬶ᭞ᬬᬇᬄᬲᬶᬭᬤᬵᬦᬯᬯᬥᬸ᭞ᬥᬢᭂᬂᬭᬾᬓᬶᬤᭂᬤᭂᬢ᭞ᬮ᭄ᬯᬶᬃᬤᬹᬃᬕ᭄ᬕᬇᬓᬂᬯᬃᬡ᭄ᬦᬶ᭞ᬭᬹᬧᬯ᭄ᬭᬸᬄ᭞ᬢᬦ᭄ᬯᬶᬓᬦᬶᬂ
ᬳᬭᬦ᭄ᬬ᭟ᬦ᭄ᬤᬶᬦᬵᬕᬭᬦᬾᬲᬶᬭ᭞ᬲ᭄ᬬᬧᬓᬂᬫᬓᭀᬦ᭄ᬫᬭᬾᬓᬶ᭞ᬮᬕ᭄ᬬᬧᬶᬤᬃᬣᬵᬓ᭄ᬦ᭞ᬳᬗ᭄ᬤᬾᬦᬾᬗᭀᬂᬳᬘᬘᬗᬶ᭞ᬬᬓ᭄ᬱᬳᬦᬩ᭄ᬤᬳᬭᬶᬲ᭄᭞ᬕᬸᬡᬭᭀᬫ᭄ᬩᬾᬦᬫᬦᬶᬗᬯᬸᬦ᭄᭞ᬢ᭄ᬫᬳᬦᬶᬲᬶᬦᬭᭀᬜ᭄ᬘᬾ᭞ᬚᬕᬬᬢ᭄ᬦᬲᬸᬢᬧᬢᬶ᭞ᬫᬲᬮᬸᬧᬸᬢ᭄᭞ᬫᬗ᭄ᬓ᭄ᬬᬢᬯᬸᬃ
ᬳᭀᬮᬶᬄᬧᬢ᭄ᬬ᭟ᬢᬦ᭄ᬧᭀᬫᬲᬶᬭᬭᬶᬂᬤᭀᬱ᭞ᬲᬤᬸᬓᬾᬳᬦᬭᬶᬂᬧᬸᬭᬶ᭞ᬬᬦ᭄ᬢᬦ᭄ᬳᬶᬗᭀᬂᬳᬓᭀᬦ᭄ᬥᬸᬭ᭞ᬫᬾᬄᬧᬢᬶᬫᬗ᭄ᬓᬾᬢᬯᬸᬭᬶ᭞ᬇᬭᬶᬗᭀᬂᬫᬗ᭄ᬓ᭄ᬬᬲᬧ᭄ᬢᬶ᭞ᬳᬦᭂᬮᬸᬄᬲᬸᬢᬦ᭄ᬲᬂᬧ᭄ᬭᬪᬸ᭞ᬥᬶᬧᬧᬸᬢᬺᬩ᭄ᬭᬵᬳ᭄ᬫᬢ᭄ᬬ᭞ᬗᬺᬗᭃᬉᬚᬃᬲᬶᬦᬭᭀᬡᬶ᭞ᬦᬸᬤᬶᬂᬫᬸᬯᬸᬲ᭄᭞ᬮᬄᬲᬶᬭ
ᬫᬗ᭄ᬓᬾᬲᬶᬦᬭᭀᬜ᭄ᬘᬾ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬬᬦ᭄ᬲᬶᬭᬵᬦᭂᬮᬸᬄᬳᬶᬗ᭄ᬯᬂ᭞ᬳᬬ᭄ᬯᬢᬳᬦᬭᬾᬓᬶ᭞ᬮᬄᬳᬦᬭᬶᬂᬲᬾᬢᬺᬉᬕᬄ᭞ᬳᬗ᭄ᬤᬾᬢᬦᬦᬯ᭄ᬯᬂᬯ᭄ᬭᬸᬄ᭞ᬕ᭄ᬮᬶᬲ᭄ᬫᬗ᭄ᬓᬾᬮᬸᬫᬓ᭄ᬯ᭞ᬘᬭᬵᬦᬹᬢᬶ᭞ᬥᬷᬧᬧ᭄ᬭᬂᬦᬵᬫᬦ᭄ᬬ᭟ᬫᬗ᭄ᬓ᭄ᬬᬥᬢᭂᬂᬳᬦᬾᬂᬲᬾᬢᬺ᭞ᬫᭂᬦᭂᬂᬢᬦ᭄ᬳ
[᭑᭕ 15A]
ᬦᬩ᭄ᬤᬮᬕᬶ᭞ᬦ᭄ᬳᭂᬃᬳᬭᬸᬓᭂᬢ᭄ᬳᬮᬕ᭞ᬲᬫᬦᭀᬭᬯ᭄ᬭᬸᬄᬫᬸᬦ᭄ᬤᬸᬃ᭞ᬳᬲᬶᬫ᭄ᬩᬦ᭄ᬲᬶᬫ᭄ᬩᬭᬶᬂᬲᭀᬭᬦ᭄᭞ᬦᭀᬭᬵᬦᬓᬦᬶᬦ᭄᭞ᬲᬵᬫ᭄ᬧᬸᬦ᭄ᬢᬚᭂᬕ᭄ᬳ᭄ᬬᬂᬰᬰᬗ᭄ᬓ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬫᬥ᭄ᬬᬾᬗ᭄ᬓᬸᬍᬫ᭄‌ᬥᬷᬧᬲᬸᬢ᭞ᬫᬗᬸᬗ᭄ᬲᬶᬕᬸᬡᬪᬹᬫᬶ᭞ᬓᬤᬶᬅᬦ᭄ᬤᬭᬸᬬᬦᬶᬂᬓ
ᬢᭀᬦ᭄᭞ᬕᬸᬡᬭᭀᬫ᭄ᬩᬾᬓᬢᬸᬤᬶᬗᬶ᭞ᬦ᭄ᬳᭂᬃᬓᬾᬗᬶᬦ᭄ᬲᬶᬦᬭᭀᬡᬶ᭞ᬳᬭᬸᬄᬦ᭄ᬬᬢᬸᬮᬃᬯᬩᬸᬃ᭞ᬫᬢ᭄ᬫᬳᬦᬼᬧᬸᬓ᭄ᬫᬾᬖ᭞ᬮᬕᬶᬯᬶᬦᬜ᭄ᬘᬲᬦ᭄ᬤᬸᬗᬶᬦ᭄᭞ᬦᬫ᭄ᬧ᭄ᬬᬮ᭄ᬳᬸᬮᬸ᭞ᬳᬤᬸᬮᬸᬃᬰᬩ᭄ᬤᬢᬦ᭄ᬫᬾᬦᬓ᭄᭟ᬲᬶᬦᬭᭀᬜ᭄ᬘᬾᬧᬸᬢ᭄ᬭᬷᬦᬶᬱ᭄ᬝ᭞ᬢᬍᬤ᭄ᬘᬶᬢ᭄ᬢᬦᬶᬗ᭄ᬲᬸᬦ᭄ᬫᬗ᭄ᬓᬶᬦ᭄᭞ᬳᬶ
ᬦᬶᬓᭂᬢᬶᬂᬲᭀᬃᬢᬦᬸᬕᬢ᭄᭞ᬉᬍᬃᬓ᭄ᬯᬾᬗᬮᬓᬸᬯᬶᬦ᭄᭞ᬲᬶᬦᬭᭀᬜ᭄ᬘᬾᬦᬩ᭄ᬤᬳᬯᬶᬦ᭄ᬤᬶᬲ᭄᭞ᬕᬸᬮᬶᬂᬮᭀᬃᬕᬸᬮᬶᬂᬓᬶᬤᬸᬮ᭄᭞ᬲᬶᬭᬓᬓᬲᬶᬗᬜ᭄ᬚᬬ᭞ᬢᬦᬧᭀᬫᬤᬸᬓᬾᬂᬗᬹᬦᬶ᭞ᬦᭀᬭᬳᬶᬗ᭄ᬲᬸᬦ᭄᭞ᬘᬦ᭄ᬤ᭄ᬭᬘᬦ᭄ᬤ᭄ᬭᬮᬦ᭄ᬗᬸᬮᬢᬶᬓᬓ᭟ᬢᬦ᭄ᬲᬸᬫᬯᬸᬲᬶᬧᬧᬸᬢᬺ᭞ᬓᬾᬲᬄ
ᬫᬦ᭄ᬢᬸᬓ᭄ᬳᬦᬾᬂᬧᬸᬭᬶ᭞ᬥᬷᬭᬵᬧ᭄ᬭᬂᬢᬦ᭄ᬓᬦ᭄ᬢᬸᬦ᭞ᬲᬓ᭄ᬱᬡᬥᬢᭂᬗᬾᬂᬧᬸᬭᬶ᭞ᬓᬯᬸᬯᬸᬲ᭄ᬦᬶᬲᬶᬦᬭᭀᬡᬶ᭞ᬭᬶᬂᬲᬾᬢᬺᬯᬶᬦ᭄ᬤᬸᬳᬫᬸᬯᬸᬲ᭄᭞ᬬᬦ᭄ᬫᬾᬗ᭄ᬓᬾᬦᬾᬮᬭᬦᬶᬗ᭄ᬯᬂ᭞ᬋᬜᭂᬳᬶᬗ᭄ᬲᬸᬦ᭄‌ᬫ᭄ᬭᬬᬢᬶ᭞ᬓᬘᬭᬶᬢ᭞ᬲᬵᬫ᭄ᬧᬸᬦ᭄ᬫᬗ᭄ᬓᬾᬢᬫ᭄ᬩᬶᬲ᭄ᬲᬶᬬᬂ᭟ᬓᭀᬬᬦ᭄ᬓ᭄ᬯᬾᬄᬫ [ 16 ][᭑᭕ 15B]
᭑᭕
ᬲᬸᬯᬭ᭞ᬧᬓ᭄ᬱᬶᬲ᭄ᬭᬸᬤᬸᬓ᭄ᬫᬜᬯᬸᬭᬶᬦ᭄᭞ᬫᬩᬸᬓᬉᬜ᭄ᬘᬓᬦ᭄ᬧᬗᬦ᭄᭞ᬫᬮᬸᬂᬫᬮᬸᬗᬾᬫᬫᬸᬜᬶ᭞ᬲᬍᬫᬼᬮ᭄ᬓᬓᬶᬮᬮᬕᬶ᭞ᬲᬂᬯᬮᬓᬧᬶᬗᬾᬭᬯᬸᬄ᭞ᬲᬄᬳᬦᬾᬂᬉᬚᬸᬂᬯᬦ᭄ᬤᬶᬭ᭞ᬫᭂᬥᭂᬓ᭄ᬤᬾᬯᬶᬲᬶᬦᬭᭀᬡᬶ᭞ᬲᬶᬭᬯ᭄ᬭᬸᬄ᭞ᬳᬦᬩ᭄ᬤᬮ᭄ᬯᬶᬃᬫᬦᬸᬱ᭟ᬲᬶᬦᬭᭀᬡᬶᬲᬶ
ᬭᬦᬩ᭄ᬤ᭞ᬯᬮᬓᬧᬶᬗᬾᬯᬯᬸᬧ᭄ᬭᬵᬧ᭄ᬢᬶ᭞ᬬᬧ᭄ᬯᬦ᭄ᬲᬶᬭᬭᬡᬲᬥ᭄ᬬ᭞ᬢᬶᬮᬃᬮᬯᬾᬦᬶᬗ᭄ᬲᬸᬦ᭄ᬳᬶᬓᬶ᭞ᬬᬦᬶᬂᬲᬶᬭᬦ᭄ᬤᬢᬦ᭄ᬳᬲᬶᬄ᭞ᬧᬓ᭄ᬱᬶᬳᬶᬗ᭄ᬲᬸᬦ᭄ᬫᬦ᭄ᬤ᭄ᬬᬮᬫ᭄ᬧᬸᬲ᭄᭞ᬯᬮᬓᬧ᭄ᬝᬓ᭄ᬳᬦᬩ᭄ᬤ᭞ᬫ᭄ᬯᬶᬢ᭄ᬗ᭄ᬯᬶᬗᬮᬶᬡᬳᬶᬦ᭄᭞ᬦᭀᬭᬧᬵᬢᬹᬢ᭄᭞ᬧᬫᬸᬱ᭄ᬧᬳᬦ᭄ᬳᬶᬗᭀᬂᬲᬶᬭ᭟ᬳᬶᬕ
ᬮᭀᬓ᭄ᬗᭂᬮᬾᬲᬂᬪᬰ᭄ᬫ᭞ᬳᬦᬫ᭄ᬧᬸᬮ᭄ᬦᬶᬲᬶᬦᬭᭀᬡᬶ᭞ᬳᬶᬕᬮᭀᬓ᭄ᬲᬶᬭᬳᬦᬩ᭄ᬤ᭞ᬉᬥᬹᬄᬲᬶᬭᬲᬶᬦᬭᭀᬡᬶ᭞ᬳᬬ᭄ᬯᬲᬶᬭᬦᬩ᭄ᬤᬮᬕᬶ᭞ᬫᬾᬗ᭄ᬓᬾᬦᬾᬗ᭄ᬲᬸᬦ᭄ᬯᬸᬲ᭄ᬯ᭄ᬭᬸᬄ᭞ᬢᬗ᭄ᬓᬄᬧ᭄ᬭᬂᬋᬧ᭄ᬲᬶᬗᬜ᭄ᬚᬬ᭞ᬮᬄᬲᬶᬭᬳᬦ᭄ᬢᬸᬓᬶᬂᬧᬸᬭᬶ᭞ᬦ᭄ᬳᭂᬃᬯᬸᬯᬸᬲ᭄᭞ᬲᬶᬭᬕᬮᭀᬓ᭄ᬢᬸᬮᬭᬶᬗ᭄ᬯᬂ᭟ᬧ
ᬓ᭄ᬱᬶᬕᬕᬓ᭄ᬢᬜ᭄ᬘᬭᬶᬢ᭞ᬮᬸᬫᬭᬶᬲ᭄ᬳᬶᬲᬶᬦᬭᭀᬡᬶ᭞ᬳᬕᬾᬲᬶᬭᬢᬦ᭄ᬥᬢᭂᬗ᭞ᬳᬶᬭᬶᬓᬭᬶᬂᬫᬬᬧᬸᬭᬶ᭞ᬉᬫᭂᬥᭂᬓ᭄ᬭᬶᬂᬲᬶᬭᬦᬪᬶ᭞ᬦᬪᬶᬦ᭄ᬬᬓᭀᬚᬗᬫᬸᬯᬸᬲ᭄᭞ᬥᬢᭂᬂᬲᬶᬭᬮᬫ᭄ᬧᬶᬲᬶᬗ᭄ᬯᬂ᭞ᬧᬸᬦᬧᬢᬲᬶᬭᬚᬸᬭᬶᬢ᭄᭞ᬯᬶᬦᬚᭂᬗ᭞ᬳᬦᬭᬶᬂᬳᬶᬲᬶᬗᬜ᭄ᬚᬬ᭟ᬳᬩᬦ᭄ᬢᭂᬦᬶ
[᭑᭖ 16A]
ᬳᬶᬲᬭᭀᬡᬶᬬ᭞ᬅᬭᬄᬳᬮᬄᬗ᭄ᬯᬗᬶᬂᬚᬸᬭᬶᬢ᭄᭞ᬯᬸᬲ᭄ᬗᭀᬂᬳᬢ᭄ᬫᬄᬤᬵᬦᬯ᭞ᬮᬫ᭄ᬧᬶᬲᬶᬗᭀᬂᬦᬪ᭄ᬬᬵᬚᬸᬭᬶᬢ᭄᭞ᬯᬸᬲ᭄ᬓᬲᬶᬤ᭄ᬥᬉᬫᬶᬚᬶᬮ᭄᭞ᬲᬫᬢᬬᬾᬓᬫᬮᬬᬹ᭞ᬳᬶᬦ᭄ᬤᬶᬄᬫᬦᬗ᭄ᬓᬦᬚᬸᬕ᭞ᬳᬶᬦᬪᬶᬳᬦᬩ᭄ᬤᬳᬭᬶᬲ᭄᭞ᬬᬦ᭄ᬫᬗ᭄ᬓᬦ᭞ᬯᬸᬲ᭄ᬗᬮᬕᬦᬲᬶᬗᬜ᭄ᬚᬬ᭟ᬘᬶ
ᬤᬺᬬᬰᬲ᭄ᬯᬦ᭄ᬢᬭ᭞ᬘᬭᬶᬢᬯᬭᬲ᭄ᬓᬤᬶᬗᬹᬦᬶ᭞ᬫᬩᬦ᭄ᬢᭂᬦ᭄ᬭᬶᬲᬶᬗᬜ᭄ᬚᬬᬢ᭄ᬓ᭞ᬥᬹᬄᬲᬶᬭᬯᬯᬸᬧ᭄ᬭᬵᬧ᭄ᬢᬶ᭞ᬲᬶᬗᬜ᭄ᬚᬬᬦᬸᬚᬃᬳᬭᬶᬲ᭄᭞ᬯᬸᬲ᭄ᬥᬢᭂᬂᬰᬭᬷᬭᬦᬶᬗ᭄ᬲᬸᬦ᭄᭞ᬦᭂᬳᭂᬃᬲᬫᬳᬗᬺᬜ᭄ᬚᬶᬗ᭞ᬘᬭᬶᬢᬫᬶᬧᬶᬢ᭄ᬓᬭᬶᬗ᭄ᬭᬶᬂ᭞ᬢᬜ᭄ᬘᬭᬶᬢ᭞ᬲᬶᬦᬭᭀᬜ᭄ᬘᬾᬓᬯᬸᬯᬸᬲᬦ᭄᭟ᬮᬦᬮᬦ᭄ᬭᬶᬂᬲᬶ
ᬗᬜ᭄ᬚᬬ᭞ᬭᬹᬧᬾᬂᬳᬦᬩᬕᬶᬰᬰᬶᬄ᭞ᬳᬗ᭄ᬕᬃᬩᬶᬦᬶᬜᬭᬢ᭄ᬭᭀᬫ᭞ᬲᬓᬶᬂᬤᭀᬦ᭄ᬲᬶᬗᬜ᭄ᬚᬬᬫᬦ᭄ᬢ᭄ᬭᬷ᭞ᬯᬭᬢᬾᬢᬦ᭄‌ᬫ᭄ᬩᬦ᭄ᬯᬭᬶᬄ᭞ᬢᬶᬢᬶᬃᬳᬜᭂᬧᬳᬮᬧᬸ᭞ᬦᬺᬧᬢᬶᬖᬭᬶᬮᬸᬃᬭᬶᬂᬢᬶᬮᬫ᭄᭞ᬳᬦᬭᬶᬂᬲᬶᬗᬜ᭄ᬚᬬᬫᬦ᭄ᬢ᭄ᬭᬷ᭞ᬬᬾᬓᬫᭂᬢᬸ᭞ᬓᬫᬦᬭᬶᬓᬸᬮᬫᬺᬢ᭄ᬢ᭟ᬓᬶᬳᬸᬯᬸ
ᬲᬫᬗ᭄ᬓᬦ᭞ᬲᬶᬦᬭᭀᬡᬶᬫᬾᬗᭂᬢ᭄ᬭᬶᬂᬭᬩᬶ᭞ᬭᬶᬫᬸᬗᬸᬦᬾᬗᬦ᭄ᬢᬶᬲᬶᬜ᭄ᬚᬂ᭞ᬭᬾᬄᬤ᭄ᬫᬓ᭄ᬳᭀᬮᬶᬄᬯᬭᬶᬄᬫᬡᬶᬓ᭄᭞ᬧᬧᭂᬤᭂᬓᬾᬳᬶᬦ᭄ᬤᬓᬭᬶᬄ᭞ᬓᬸᬦ᭄ᬓᬸᬦ᭄ᬢᬸᬫ᭄ᬧᬗᬾᬂᬧᬸᬓᬸᬄ᭞ᬫ᭄ᬯᬄᬢᬸᬫ᭄ᬧᬗᬂᬭᬶᬂᬚᬚ᭞ᬇᬓᬫᭂᬢᬸᬓᬫᬯᬭᬶᬄ᭞ᬳᬾᬢᬸᬦ᭄ᬬᬲᬭᬢ᭄᭞ᬅᬚ᭄ᬜᬯᬢ᭄ᬬᬓᬘᬭᬶᬢ᭟ [ 17 ][᭑᭖ 16B]
᭑᭖
᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬳᬸᬯᬸᬲ᭄ᬯᬭᬲ᭄ᬮ᭄ᬯᬶᬃᬓᬸᬦ᭞ᬳᬦᭂᬳᭂᬃᬲᬶᬭᬉᬫᬶᬚᬶᬮ᭄᭞ᬫᭂᬦ᭄ᬤᭂᬢ᭄ᬲᬸᬯᬾᬳᬾᬂᬭᬵᬚ᭄ᬬ᭞ᬫᬤᬸᬮᬸᬃᬕᬶᬢᬫᬦᬸᬗ᭄ᬓᬸᬮ᭄᭞ᬘᬘᬦ᭄ᬥᬶᬭᬯᬶᬦᭂᬫ᭄ᬧᬶᬳᬂ᭞ᬍᬜᬤ᭄ᬳᬃᬣᬶ᭞ᬗᬸᬭᬶᬧᬸᬭᬶᬧ᭄‌ᬲ᭄ᬫᬵᬭᬘᬶᬢ᭄ᬢ᭟ᬲᬶᬗᬜ᭄ᬚᬬᬳᬾᬫ᭄ᬩᭂᬄᬓᬲ᭄ᬫᬵᬭᬦ᭄᭞ᬗᬫ᭄ᬩᬸᬳᬋᬧ᭄ᬚᬚᬵᬦᬾᬂᬭᬩᬶ
᭞ᬯᬗᬶᬜᭂᬜᭂᬭᬾᬢᬦ᭄ᬲᬫ᭞ᬦᭂᬳᭂᬃᬓᬡ᭄ᬝᬦᬾᬓᬕᭂᬮᬸᬢ᭄᭞ᬉᬮᬶᬳᬸᬦ᭄ᬬᬅᬱ᭄ᬝᬓᬶᬯ᭞ᬢᬹᬃᬗᬭᬲ᭄‌ᬍᬫ᭄ᬩᬶ᭞ᬕᬦ᭄ᬢᬶᬕᬦ᭄ᬢᬶᬢᭂᬗᭂᬦ᭄ᬓᬶᬯ᭟ᬓᬤ᭄ᬬᬵᬗᬸᬜ᭄ᬚᬸᬓ᭄‌ᬲ᭄ᬫᬵᬭᬾᬂᬘᬶᬢ᭄ᬢ᭞ᬲᬶᬭᬲᭂᬦ᭄ᬤᬸᬅᬚ᭄ᬜᬯᬢᬶ᭞ᬳᬗᬶᬜᭂᬢ᭄ᬜᬦ᭄ᬢᬸᬓ᭄ᬳᬦᬫ᭄ᬧ᭄ᬬᬮ᭄᭞ᬦᭂᬳᭂᬃᬗᬕᭂᬫ᭄ᬯᬵᬲ᭄ᬢ᭄ᬭᬵᬦᬸᬗ᭄ᬓᬸᬮ᭄᭞ᬳᭀᬮᬶᬄᬧ
ᬜ᭄ᬘᬦᬾᬭᬶᬗ᭄ᬓᬶᬯ᭞ᬫᬗᬜᬮᬶᬦ᭄᭞ᬳᭀᬮᬶᬄᬲᬯ᭄ᬦᬂᬭᬯᬢ᭄ᬚᭂᬦᬃ᭟ᬤᬸᬮᬸᬃᬰᬩ᭄ᬤᬲᬸᬓᬾᬂᬬᬸᬓ᭄ᬢ᭄ᬬ᭞ᬥᬹᬄᬲᬶᬭᬓᬓᬫᬦ᭄ᬢ᭄ᬭᬷ᭞ᬫᬗ᭄ᬓ᭄ᬬᬫᬸᬳᬸᬦ᭄ᬗᬫᬾᬢ᭄ᬳᬶᬗᭀᬂ᭞ᬳᬦᬭᬶᬂᬤᬍᬫᬶᬗ᭄ᬓᬲᬸᬃ᭞ᬳᬶᬦᬩ᭄ᬤᬰᬩ᭄ᬤᬳᬭᬶᬲ᭞ᬬᬦ᭄ᬫᬗ᭄ᬓᬾᬓᬶ᭞ᬳᬦᬭᬶᬂᬳᬶᬲᬶᬗᬜ᭄ᬚᬬ᭟ᬓᬭᬶᬮᬭᬾᬧᬸᬢ᭄ᬭᬾᬬᬾᬓ᭄ᬬ
ᬦᬶᬦ᭄ᬭᭀᬂᬧᬸᬮᬸᬯᬦᭂᬂᬮᬕᬶ᭞ᬬᬦ᭄ᬲᬶᬢᬗᬤᬸᬓᬵᬫ᭞ᬫᬳᬾᬦ᭄ᬭᭀᬚᬗᬭᬲ᭄‌ᬍᬫ᭄ᬩᬶ᭞ᬳᬗ᭄ᬤᬾᬲᬵᬫ᭄ᬧᬸᬦ᭄ᬳᬶᬗ᭄ᬲᬸᬦ᭄ᬓᬓᬶ᭞ᬧᬸᬢᬺᬰᬩ᭄ᬤᬲᬸᬓᬾᬂᬫᬤᬸᬮᬸᬃ᭞ᬥᬹᬄᬲᬶᬭᬓᬓᬫᬦ᭄ᬢ᭄ᬭ᭄ᬬ᭞ᬫᬗ᭄ᬓ᭄ᬬᬫᬸᬳᬸᬦ᭄ᬗᬫᬾᬢ᭄ᬫᬫᬶ᭞ᬦᬸᬤᬶᬂᬫᬸᬯᬸᬲ᭄᭞ᬮᬄᬲᬶᬭᬫᬗ᭄ᬓᬾᬲᬶᬦᬭᭀᬜ᭄ᬘᬾ᭟᭚᭐᭚
[᭑᭗ 17A]
ᬧᬸᬧᬸᬄᬘᬘᬦ᭄ᬤᬶᬭᬦ᭄᭚᭐᭚ᬘᬭᬶᬢᬳᬸᬯᬸᬲ᭄ᬳᬗ᭄ᬭᬜ᭄ᬚᬶᬂ᭞ᬲᬶᬭᬳ᭄ᬬᬂᬪᬵᬱ᭄ᬓᬭ᭞ᬭᬶᬫᬗ᭄ᬓᬾᬯᬸᬲ᭄ᬤᬮᬸ᭞ᬲᬶᬗᬜ᭄ᬚᬬᬦᭀᬭ᭞ᬳᬗᬶᬥᭂᬧ᭄ᬯᬸᬯᬸᬲ᭄ᬖᬭᬶᬡᬶ᭟ᬬᬦ᭄ᬯᬸᬲ᭄ᬭᬕᬄᬲᬸᬯᬃ᭞ᬧᬥᬗ᭄ᬭᬜ᭄ᬚᬶᬂᬅᬚ᭄ᬜᬯᬢ᭄ᬬ᭞ᬯᬸᬲ᭄ᬧᬶᬓᭂᬲᬶᬓᬂᬲᬸᬦᬸᬂ᭞ᬦᭂᬳᭂᬃᬓᬢᬶᬤ᭄ᬭᬬᬂ᭞ᬲᬗᬶᬩᬸᬦᬶᬤ᭄ᬭᬵᬦᭂ
ᬫ᭄ᬩᬶᬗᬶ᭟ᬧᬶᬓᭂᬲ᭄ᬲᬋᬂᬧᬸᬢᬺ᭞ᬲᬶᬗᬜ᭄ᬚᬬᬫᬸᬮᬢ᭄᭞ᬍᬫ᭄ᬩᬶᬦ᭄ᬖᬦᬶᬦᬾᬮᬸᬫ᭄ᬮᬸᬫ᭄᭞ᬓᬺᬩ᭄ᬚᬚᬦᬾᬮᬶᬦᬸᬓᬃ᭞ᬓᬢᭀᬦ᭄ᬲᬸᬲᬸᬜᬮᬂᬤᬸᬯᬶ᭟ᬯᬵᬲ᭄ᬢ᭄ᬭᬦ᭄ᬬᬓᬤᬸᬮᬸᬯᬂ᭞ᬳᬦᬭᬶᬂᬮᬫ᭄ᬧᬶᬲ᭄ᬦ᭄ᬬ᭞ᬓᬢᭀᬦ᭄ᬧᬸᬓᬸᬄᬧᬶᬗ᭄ᬳᬾᬮᬸᬫ᭄ᬮᬸᬫ᭄᭞ᬫᬺᬢ᭄ᬢᬓᬸᬍᬫᬾᬢᬦ᭄ᬢᬶᬗ᭄ᬳᬮ᭄᭞ᬦᬾ
ᬭᬶᬂᬧᬸᬧᬸᬓᬯᬶᬮᬢᬶ᭟ᬤᬾᬯᬶᬅᬚ᭄ᬜᬯᬢᬷ᭞ᬧᬶᬓᭂᬲᬶᬭᬳᬦᬾᬂᬳᬾᬫ᭄ᬩᭂᬳ᭞ᬲᬶᬗᬜ᭄ᬚᬬᬲ᭄ᬫᬵᬭᬫ᭄ᬯᬄ᭞ᬯᬭᬲᬶᬭᬦᭀᬭᬢᬸᬦ᭞ᬳᬦᭂᬫᬸᬲ᭄ᬯᬫᬶᬧᬶᬓᭂᬲ᭄ᬳᬭᬶᬲ᭄᭟ᬤᬾᬯᬷᬅᬚ᭄ᬜᬯᬢ᭄ᬬ᭞ᬯᬸᬲᬶᬭᬓ᭄ᬭᬱᬾᬂᬢᬶᬕ᭞ᬯᬳᬸᬗ᭄ᬭᬱᬭᬱᬾᬗ᭄ᬳᬬᬸ᭞ᬫᬗ᭄ᬓ᭄ᬬᬤᭀᬦ᭄ᬧᬧᬶ
ᬗᬶᬢᬦ᭄᭞ᬲᬗ᭄ᬓᬓᬸᬂᬢᬦ᭄ᬯᬰᬓᬦ᭄ᬤᬕᬶ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬧᬶᬦ᭄ᬤᬳ᭄ᬭᬢ᭄ᬲᬶᬦᬗ᭄ᬓᬭ᭞ᬯᬬᬕᬶᬢᬲᬶᬭᬲᬶᬦᬶᬯᬶ᭞ᬳᬃᬚ᭄ᬚᬳᬾᬫ᭄ᬩᬄᬭᬶᬂᬳ᭄ᬬᬂᬲ᭄ᬫᬵᬭ᭞ᬓᬃᬯ᭄ᬯᬲᬸᬦᬸᬯᬦᬶᬭᬯᬥᬸ᭞ᬯᬢᬶᬬᬦ᭄ᬬᬳᬦᬹᬃᬯ᭄ᬯᬂᬉᬮᬦ᭄᭞ᬳᬦ᭄ᬯᬫ᭄ᬓᬭᬶ᭞ᬇᬓᬦᭀᬭᬯᬭᬂᬩᬶ [ 18 ][᭑᭗ 17B]
᭑᭗
ᬳᬾᬂ᭟ᬯᬶᬍᬢ᭄ᬘᬭᬯᬤ᭄ᬯᬧᬜ᭄ᬘ᭞ᬳᬭᬜ᭄ᬘᭀᬦ᭄ᬤᭀᬂᬩᬬᬦ᭄ᬲᬗᬶᬢ᭄᭞ᬧᬲᬶᬭᬦ᭄ᬮᬦ᭄ᬧᬗᭂᬦᭂᬗᬦ᭄᭞ᬜ᭄ᬘᬮᬶᬲᬶᬭᬳᬦᬾᬂᬧᬯᬸᬯᬸᬄ᭞ᬧᬶᬦ᭄ᬤᬧ᭄ᬭᬪᬸᬫᬬᬕᬶᬢ᭞ᬳᬦᬭᬶᬂᬚᬯᬶ᭞ᬓᬢᭂᬧᭂᬓᬶᬦ᭄ᬳᭀᬮᬶᬄᬩᬮ᭟ᬢᬸᬫᬸᬮᬶᬲᬶᬭᬲᬶᬦᬩ᭄ᬤ᭞ᬮᬝᬶᬦ᭄ᬬᬮ᭄ᬯᬶᬃᬕᭂᬦ᭄ᬤᬶᬲ᭄᭞ᬫᬥᬸᬚᬸ
ᬭᬸᬄᬯᬶᬤᬸᬄᬦ᭄ᬬ᭞ᬲᬶᬭᬧᬢᬶᬄᬤ᭄ᬫᬸᬂᬢᬸᬫᭂᬗ᭄ᬕᬸᬂ᭞ᬅᬃᬬ᭄ᬬᬥ᭄ᬬᬓ᭄ᬱᬓᬦᬸᬭᬸᬯᬦ᭄᭞ᬲᬶᬭᬲᬫᬶ᭞ᬋᬗᭃᬲᬉᬚᬭᬦᬶᬗ᭄ᬯᬂ᭟ᬢᬶᬦᬶᬩᬳᬦᬭᬶᬂᬲᬶᬭ᭞ᬧ᭄ᬭᬬᬦᬶᬗ᭄ᬲᬸᬦ᭄ᬏᬜ᭄ᬚᬂᬳᬚᬸᬭᬶᬢ᭄᭞ᬳᬗ᭄ᬮᬸᬭᬸᬕ᭄ᬭᬵᬢ᭄ᬳᬃᬢ᭄ᬣᬯᬃᬱ᭞ᬳᬫ᭄ᬚᬄᬲᬶᬭᬲᬂᬧ᭄ᬭᬪᬸ᭞ᬯᬸᬲᬶᬗᭀᬂᬳᬲᬗ᭄ᬓᬾᬢ᭞ᬭᬶᬂᬲᬶᬦᭀᬫ᭄ᬧᬢᬶ
ᬳᬍᬫ᭄ᬲᬶᬭᬧ᭄ᬭᬲᬫ᭄ᬬ᭟ᬮᬄᬉᬫᬦ᭄ᬢᬸᬓ᭄ᬲᬶᬭᬧᬺᬲᬫ᭞ᬭᬶᬂᬯ᭄ᬗᬶᬫᬗ᭄ᬓ᭄ᬬᬵᬓᬶᬦ᭄ᬓᬶᬦ᭄᭞ᬤᬾᬓᬧ᭄ᬯᬲᬗ᭄ᬕ᭄ᬭᬳᬲᬶᬓᭂᬧ᭄᭞ᬫ᭄ᬯᬂᬓᭀᬱᬯᬮᬦᬾᬓᬸ᭞ᬳᬬ᭄ᬯᬢᬢᬦ᭄ᬳᬲ᭄ᬦᬤ᭄ᬥ᭞ᬓᬶᬢᬲᬫᬶ᭞ᬏᬲᬸᬓᬶᬂᬯᬸᬦᬶᬦᬶᬂᬢ᭄ᬗᭂᬭᬦ᭄᭟ᬬᬦ᭄ᬓᬶᬢᬲᬫᬹᬳᬪᬶᬢ᭞ᬳᬫᬕᬸᬢᬶᬲᬶᬦᭀᬫ᭄ᬧᬢᬶ᭞ᬳᬶ
ᬲ᭄ᬢᬦᬶᬗᭀᬂᬳᬜᬭᬶᬳ᭞ᬲᬗᬸᬫᭂᬥᭂᬓ᭄ᬲᬯᬸᬃᬫᬦᬸᬓ᭄᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬶᬗ᭄ᬯᬂᬗᬜ᭄ᬚᬮᬶ᭞ᬳᬦ᭄ᬤᬮ᭄ᬫᬤᬦ᭄ᬲᬶᬭᬲᬫ᭟ᬦᬩ᭄ᬤᬲᬶᬭᬫᬬᬕᬶᬢ᭞ᬳᬍᬫ᭄ᬲᬶᬭᬧ᭄ᬭᬲᬫᬶ᭞ᬮᬄᬉᬫᬦ᭄ᬢᬸᬓᬶᬢᬧ᭄ᬭᬲᬫ᭞ᬲᬗᬶᬦᬸᬚᬭᬦ᭄ᬳᬸᬫᬵᬢᬹᬃ᭞ᬫ᭄ᬯᬶᬢᬶᬗ᭄ᬲᬸᬦ᭄‌ᬦ᭄ᬳᭂᬃᬳᬤ
[᭑᭘ 18A]
ᬮᬦ᭄᭞ᬲᬫᬶᬫᬸᬮᬶᬄ᭞ᬳᬗᬸᬗ᭄ᬲᬶᬬᬯᬾᬰ᭄ᬫᬦ᭄ᬬᬲ᭄ᬯᬂ᭟ᬫᬬᬲᬶᬭᬲᬮᬶᬮᬶᬭ᭞ᬓᬩᬾᬄᬯᬤ᭄ᬯᬳᬦᬹᬫᬸᬢᬶ᭞ᬧ᭄ᬭᬵᬧ᭄ᬢᬲᬶᬭᬫᬭᬶᬂᬧᬸᬭ᭄ᬬ᭞ᬲᬫᬸᬮᬶᬄᬯᬤ᭄ᬯᬬᬾᬓᬸ᭞ᬲᬶᬦᭀᬫ᭄ᬧᬢᬶᬕᬸᬡᬫᬬ᭞ᬮᬦ᭄ᬲᬫᬵᬥᬶ᭞ᬫᬗ᭄ᬓ᭄ᬬᬲᬶᬭᬧᬓᭀᬦᬶᬗ᭄ᬯᬂ᭟ᬮᬸᬗ᭄ᬳᬓᬭᬵᬢ᭄ᬚᬯᬸᬄᬓ
ᬜ᭄ᬘᬦ᭞ᬫᬦ᭄ᬢᭂᬦ᭄ᬭᬶᬂᬭᬦ᭄ᬢᭂᬦ᭄ᬫᬦ᭄ᬢ᭄ᬭᬷ᭞ᬏᬜ᭄ᬚᬂᬏᬜ᭄ᬚᬶᬂᬭᬶᬓᬶᬧᬓᭀᬦ᭄᭞ᬳᬦ᭄ᬤ᭄ᬬᬲᬶᬭᬵᬘᬼᬓ᭄ᬤᬸᬳᬸᬂ᭞ᬦᬾᬭᬶᬦᬫᬳᬶᬕᬸᬡᬾᬂᬭᬵᬢ᭄᭞ᬲᬶᬭᬧᬢᬶᬄ᭞ᬯᬶᬦᭂᬳᭂᬃᬲᬸᬫᬯᬸᬭ᭟ᬲᬶᬗ᭄ᬕᬶᬄᬭᬱᬳᬗ᭄ᬕᬦᬶᬗ᭄ᬯᬂ᭞ᬳᬫ᭄ᬯᬶᬢᬶᬗ᭄ᬲᬸᬦ᭄ᬮᬬᬃᬮᬸᬫᬭᬶᬲ᭄᭞ᬥᬢᭂᬂᬫᬗ᭄ᬓᬾᬳᬦᬭᬶᬗ᭄ᬳᬯᬦ᭄᭞ᬲᬶ
ᬗᬜ᭄ᬚᬬᬫᬗ᭄ᬓ᭄ᬬᬯᬸᬯᬸᬲ᭄᭞ᬢᬦ᭄ᬲᬄᬗᭂᬫ᭄ᬩᬦ᭄ᬓᬭᬶᬄᬦ᭄ᬬ᭞ᬲᬶᬬᬂᬮᬢ᭄ᬭᬶ᭞ᬳᬗᬸᬳᬗᬸᬦᬭᬱᬢᬶᬕ᭟ᬅᬚ᭄ᬜᬯᬢᬶᬉᬜ᭄ᬚᬸᬓᬤᬳ᭞ᬓᬳᬶᬬᬾᬦᬶᬬᬾᬦ᭄ᬳᭀᬮᬶᬄᬭᬩᬶ᭞ᬳᬋᬧᬾᬳᬦ᭄ᬫᬸᬓᬵᬫ᭞ᬦᭀᬭᬗᬾᬢᬂᬲᬶᬬᬂᬤᬮᬸ᭞ᬮᬸᬧᬸᬢ᭄ᬤᬳᭂᬢ᭄ᬓᬚ᭄ᬭᭀᬦᬶᬂᬲᬶᬜ᭄ᬚᬂ᭞
ᬦᭂᬤᬮᬕᬶ᭞ᬧ᭄ᬭᬵᬧ᭄ᬢᬾᬂᬧᬢᬶᬄᬕᬸᬡᬲᬫᬥ᭄ᬬ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬫᬦ᭄ᬢᭂᬦᬭᬶᬂᬍᬩᬸᬄᬢᬸᬓᬸᬧᬦ᭄᭞ᬥᬹᬄᬲᬶᬭᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬯᭂᬤᬃᬢᬲᬶᬭᬯᭂᬤᬭ᭞ᬲᬶᬗᬜ᭄ᬚᬬᬦᭂᬳᭂᬃᬫᬶᬚᬶᬮ᭄᭞ᬢᬸᬫᬸᬮᬶᬳᬦᬩ᭄ᬤᬳᬭᬶᬲ᭄᭞ᬧᬫᬦ᭄ᬧᬢᬶᬄᬯ [ 19 ][᭑᭘ 18B]
᭑᭘
ᬯᬸᬯᬶᬦᭂᬤᬸᬕ᭄᭞ᬧᬸᬦᬧᬳᬦᬾᬂᬲᬭᬵᬢ᭄᭞ᬮᬄᬳᬶᬗ᭄ᬲᬸᬦ᭄ᬯᬶᬦᬸᬯᬸᬲᬶᬦ᭄᭞ᬳᬶᬧᬢᬶᬄᬲᬸᬫᬯᬸᬃ᭞ᬲᬶᬗ᭄ᬕᬶᬄᬢᬲᬶᬭᬭᬳᬤ᭄ᬬᬦ᭄᭟᭚᭐᭚ᬧᬸᬧᬸᬄᬲᬲᭂᬦ᭄ᬤᭀᬦ᭄᭚᭐᭚ᬲᬯᬸᬭᬶᬗ᭄ᬲᬸᬫ᭄ᬢᬦᬧᬜ᭄ᬚᬂ᭞ᬮᬸᬗ᭄ᬳᬓᬃᬭᬵᬢ᭄ᬅᬃᬢ᭄ᬣᬯᬃᬱ᭞ᬧᭂᬥᭂᬓ᭄ᬭᬶᬂᬬᬬᬄ
ᬧ᭄ᬭᬪᬸ᭟ᬅᬦ᭄ᬤᬾᬲᬶᬭᬘᭂᬮᭂᬓ᭄ᬘᬸᬭᬶᬕ᭞ᬳᬶᬗ᭄ᬲᬸᬦ᭄ᬦᬧ᭄ᬲᬶᬃ᭞ᬭᬸᬧᬲᬶᬭᬓᭀᬦ᭄ᬫᬬᬸᬤ᭄ᬥ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬮᬶᬗᬶᬭᬲᬶᬗᬜ᭄ᬚᬬ᭞ᬗᭀᬂᬢᬸᬫᬹᬮ᭄ᬭᬶᬂᬮᬶᬰ᭄ᬭᬷᬪᬹᬧᬢᬶ᭞ᬳᬶᬧᬢᬶᬄᬲᬸᬫᬯᬸᬃᬳᬮᭀᬦ᭄᭞ᬲᬶᬭᬫᬗ᭄ᬓᬾᬧᬶᬦ᭄ᬤᬄᬳᬶᬗ᭄ᬲᬸᬦ᭄᭞ᬦ
ᬩ᭄ᬤᬲᬶᬭᬲᬶᬗᬜ᭄ᬚᬬ᭞ᬮᬄᬮᬸᬫᬭᬶᬲ᭄᭞ᬳᬶᬧᬢᬶᬄᬲᬶᬭᬮᬸᬫᬓ᭄ᬯ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬮᬶᬗᬶᬭᬲᬶᬗᬜ᭄ᬚᬬ᭞ᬲᬶᬭᬬᬬᬶᬅᬚ᭄ᬜᬯᬢᬷ᭞ᬳᬶᬗ᭄ᬲᬸᬦ᭄ᬓᬢᬸᬮᬭᬶᬦ᭄ᬲᬶᬭ᭞ᬓᬅᬃᬢ᭄ᬣᬯᬃᬱᬦᬵᬕᬭᬶ᭞ᬫᭂᬥᭂᬓ᭄ᬭᬶᬂᬰ᭄ᬭᬷᬪᬹᬧᬢᬶ᭞ᬯᬯᬸᬳᬦᬤᬸᬢᬭ
ᬯᬸᬄ᭞ᬧᬫᬦ᭄ᬧᬢᬶᬄᬕᬸᬡᬫᬬ᭞ᬲᬶᬭᬬᬬᬶᬳᬦ᭄ᬤ᭄ᬬᬵᬗᬶᬮᬶᬲ᭄᭞ᬳᬢᬢᬸᬗ᭄ᬕᬸ᭞ᬳᬦᬾᬂᬯᬾᬰ᭄ᬫᬗᭂᬫ᭄ᬩᬦ᭄ᬧᬸᬢ᭄ᬭ᭄ᬬ᭟ᬳᬬ᭄ᬯᬗᬺᬗᬸᬢ᭄ᬗᬺᬗᬸᬢ᭄ᬧᬸᬢᬺ᭞ᬳᬦ᭄ᬤᬾᬢᬦ᭄ᬢᬶᬢᬶᬃᬳᬯᬶᬦ᭄ᬤᬶᬲ᭄᭞ᬧᬭᬦ᭄ᬧᬭᬦᬦᬤᭀᬦ᭄᭞ᬧᬯᭀᬗᬦ᭄ᬧᬓᭀᬦᬮᬶᬗᬶᬂ᭞ᬫ᭄ᬯᬄᬲᬂᬳᬲᬕᭂᬃᬧᬸᬭᬶ᭞ᬅ
[᭑᭙ 19A]
ᬚ᭄ᬜᬯᬢᬷᬮᬶᬦᬸᬤ᭄ᬲᬸᬫᬯᬸᬃ᭞ᬢᬦ᭄ᬲᬄᬫᬗᭂᬫ᭄ᬩᬦ᭄ᬧᬸᬢᬺ᭞ᬥᬹᬄᬲᬶᬭᬓᬓᬫᬦ᭄ᬢ᭄ᬭᬷ᭞ᬬᬦ᭄ᬲᬶᬭᬾᬓᬸ᭞ᬳᬦᬸᬮᬭᬶᬦ᭄ᬳᬗ᭄ᬕᬦᬶᬗ᭄ᬯᬂ᭟᭚᭐᭚ᬧᬸᬧᬸᬄᬘᬘᬦ᭄ᬤᬶᬭᬦ᭄᭚᭐᭚ᬳᬬ᭄ᬯᬲᬶᬭᬮᬫ᭞ᬫᬦᬶᬮᬭᬶᬗ᭄ᬯᬂ᭞ᬧᬸᬢᬺᬳᬦᬾᬂᬮᬭᬾᬤᬸᬮᬸ᭞ᬳᬗᭂᬦ᭄ᬭᬶᬭᬭᬶᬓᬢ᭄᭞ᬫ᭄ᬯᬂᬧᬸᬢᬺᬓᭀᬱᬳ
ᬯᬶᬦ᭄ᬤ᭄ᬬ᭟ᬓᬓᬳᬤᬦ᭄ᬫᬗ᭄ᬓᬢ᭞ᬳᬶᬗ᭄ᬲᬸᬦ᭄ᬫᬶᬦ᭄ᬢᭀᬱᬥ᭞ᬳᬋᬧᬾᬮᬸᬳᬸᬭᬶᬗ᭄ᬓᬲᬸᬃ᭞ᬢᬶᬗ᭄ᬓᬄᬗᬤᬸᬲ᭄ᬫᬵᬭ᭞ᬲᬶᬗᬜ᭄ᬚᬬᬗᬭᬲ᭄‌ᬍᬫ᭄ᬩᬶ᭟ᬯᬸᬲᬶᬭᬓᬳᬭᬲ᭄᭞ᬮᬶᬦᬸᬤ᭄ᬋᬕᬳᬦᬾᬂᬧᬦᬶᬤᬺ᭞ᬲᬸᬦ᭄ᬯᬸᬲ᭄ᬓᬢᬸᬭᬸ᭞ᬦᭂᬳᭂᬃᬗᬭᬲ᭄ᬢᬶᬕ᭞ᬭᬶᬳᬸᬯᬸᬲᬾᬜᬫ᭄ᬩᬸᬢ᭄ᬓ᭄ᬭᬶᬲ᭄᭟ᬭᬶᬳᬸᬯᬸ
ᬲ᭄ᬗ᭄ᬭᬗ᭄ᬲᬸᬓ᭄‌ᬪᬹᬱᬡ᭞ᬘᬭᬶᬢᬳᬶᬤᬲᬂᬳ᭄ᬬᬂᬲᬹᬃᬬ᭄ᬬ᭞ᬯᬸᬲ᭄ᬯᭂᬢᬸᬦᬸᬗ᭄ᬕᬂᬅᬤ᭄ᬭᬶᬓᬸ᭞ᬲᬶᬗᬜ᭄ᬚᬬᬳᬦᬩ᭄ᬤ᭞ᬲᬶᬭᬬᬬᬷᬲᬸᬦ᭄ᬳᬫ᭄ᬯᬶᬢ᭄᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬅᬚ᭄ᬜᬯᬢᬷᬳᬩᬦ᭄ᬢᭂᬦ᭞ᬳᬗ᭄ᬤᬾᬍᬫᭂᬢ᭄ᬲᬶᬭᬭᬶᬗᬯᬶᬦ᭄᭞ᬢᬸᬫᬸᬮᬶᬄᬦ᭄ᬬᬮᬸᬫᬭᬶᬲ᭞ᬧᬸᬦ᭄ᬢᬚ᭄ᬭᬸᬤᬾᬄ
ᬳᬗᭂᬢᬹᬢ᭄᭞ᬲᬶᬦᭀᬫ᭄ᬧᬢᬶᬓᬸᬳᬗᬸᬦ᭞ᬳᬦ᭄ᬭᬶᬧᬸᬢ᭄ᬭᬶ᭞ᬤᬸᬤᬸᬦᬭᬶᬂᬳᬸᬗ᭄ᬓᬓᬜ᭄ᬘᬦ᭟ᬳᬗ᭄ᬕᬾᬭᬲᬧ᭄ᬭᬵᬧ᭄ᬢᬦᬶᬭ᭞ᬲᬶᬗᬜ᭄ᬚᬬᬦᭂᬳᭂᬃᬧ᭄ᬭᬵᬧ᭄ᬢᬶ᭞ᬯᬶᬦᬶᬍᬢ᭄‌ᬚ᭄ᬭᬸᬤᬾᬄᬮᬦ᭄ᬧᬸᬦ᭄ᬢ᭞ᬓᬶᬚᭂᬂᬳᬚᬲᬶᬭᬤᬸᬤᬸ᭞ᬰ᭄ᬭᬷᬪᬹᬧᬢᬶᬲᬶᬭᬵᬦᬧ᭞ᬮᬫ᭄ᬧᬶᬲ᭄ᬫᬦ᭄ᬢ᭄ᬭᬷ᭞ᬉᬥᬹᬄᬲᬶᬭᬯᬯᬸᬧ᭄ᬭᬵ [ 20 ][᭑᭙ 19B]
᭑᭙
ᬧ᭄ᬢ᭄ᬬ᭟ᬫᬦ᭄ᬢᭂᬦ᭄ᬲᬶᬭᬲᬶᬗᬜ᭄ᬚᬬ᭞ᬲᬶᬗ᭄ᬕᬶᬄᬧᬸᬦᬧᬲᬶᬭᬫᬗ᭄ᬕᬶᬮ᭄᭞ᬫᬶᬦ᭄ᬤᬓᬤᬶᬳᬗ᭄ᬕᬦᬶᬗᭀᬂ᭞ᬬᬦ᭄ᬯᬲᬳᬬᬸᬯᬶᬦᬸᬯᬸᬲ᭄᭞ᬳᬗ᭄ᬤᬾᬳᬶᬗ᭄ᬲᬸᬦ᭄ᬫᬮᬃᬯ᭄ᬭᬸᬳ᭞ᬰ᭄ᬭᬷᬪᬹᬧᬢᬶ᭞ᬦᭂᬳᭂᬃᬲᬶᬭᬵᬦᬶᬩᬯᬘᬦ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬲᬶᬭᬭᬦ᭄ᬢᭂᬦ᭄ᬲᬶᬗᬜ᭄ᬚᬬ᭞ᬲᬸ
ᬩᬩᬶᬗᭀᬂᬫᬗᬯᬾᬳᬶ᭞ᬲᬳᬶᬭᬶᬩ᭄ᬳᬗ᭄ᬕᬦᬾᬲᬶᬭ᭞ᬫᬗ᭄ᬓ᭄ᬬᬗ᭄ᬲᬸᬦ᭄ᬳᬸᬗ᭄ᬯᬾᬚᬸᬭᬶᬢ᭄᭞ᬓᬵᬚᭃᬂᬲᬶᬦᬗ᭄ᬓᬭᬩᬸᬤ᭄ᬥᬶ᭞ᬫᬕᬸᬢ᭄ᬫᬬᬕᬶᬢᬧ᭄ᬭᬪᬸ᭞ᬲᬶᬭᬢᬸᬥᬸᬳᬶᬗ᭄ᬯᬂ᭞ᬳᬦ᭄ᬤ᭄ᬬᬯᬤᬸᬦ᭄ᬓᬩ᭄ᬬᬗᬶᬢᬹᬢᬶᬂ᭞ᬅᬭᬶᬫᬗ᭄ᬓ᭄ᬬ᭞ᬓᬾᬢᬭᬶᬂᬤᬳᬢ᭄ᬲᬫᬸᬤᬺ᭟ᬮᬶᬗᬶᬭᬲᬶᬗᬜ᭄ᬚᬬ᭞ᬳᬶ
ᬗᭀᬦᬾᬮ᭄ᬯᬶᬃᬳᭀᬤᬮᬶᬦ᭄᭞ᬭᬶᬗ᭄ᬓᬭᬶᬄᬲᬸᬢᬮᬾᬧᬶᬬ᭞ᬲᬶᬗ᭄ᬕᬶᬄᬲᬶᬭᬰ᭄ᬭᬷᬪᬹᬧᬢᬶ᭞ᬲᬶᬭᬫᬗ᭄ᬓ᭄ᬬᬵᬚᭃᬂᬳᬚᬸᬭᬶᬢ᭄᭞ᬳᬶᬗ᭄ᬲᬸᬦ᭄ᬳᬧᬕᬾᬂᬭᬶᬧᬸ᭞ᬓᬥᬷᬭᬦ᭄ᬳᬶᬫᬬᬕᬶᬢ᭞ᬗᭂᬫ᭄ᬩᬦ᭄ᬳᬶᬗ᭄ᬲᬸᬜ᭄ᬘᬭᬓᬮᬶᬄ᭞ᬦᬫᬦᬾᬓᬸ᭞ᬚ᭄ᬭᬸᬤᬾᬄᬓᬮᬯᬦ᭄ᬳᬶᬧᬸᬦ᭄ᬢ᭟᭚᭐᭚ᬧᬸᬧᬸᬄ
ᬕᬶᬦᬤ᭚᭐᭚ᬫᬳᬫᬸᬯᬄᬩᬮᬦ᭄ᬬ᭞ᬳᬶᬗᭀᬂᬦᬶᬢᬶᬂᬳᬫᭂᬚᬳᬶ᭞ᬯᬬᬳᬫᭂᬚᬄᬭᬶᬜᭂᬢᬦ᭄᭞ᬳᬶᬗᬦᬶᬂᬳᬫ᭄ᬧᬸᬲᬩᬮᬸᬦ᭄᭞ᬢᬹᬢᬶᬗ᭄ᬲᬸᬦ᭄ᬳᬫ᭄ᬭᬗ᭞ᬓᬬᬇᬓᬶ᭞ᬘᬭᬓᬶᬗ᭄ᬲᬸᬦ᭄‌ᬚ᭄ᬭᬸᬤᬾᬄᬧᬸᬦ᭄ᬢ᭟ᬳᬬ᭄ᬯᬲᬶᬭᬦᭂᬧᬓ᭄ᬩᬸᬮᬸᬲᬦ᭄᭞ᬳᬗ᭄ᬤᬾᬢᬦᬸᬫᬸᬂᬦᬵᬕᬭᬶ᭞
[᭒᭐ 20A]
ᬳᬗᭂᬢᬹᬢ᭄ᬳᬗ᭄ᬕᬦᬶᬗ᭄ᬯᬂ᭞ᬧᬶᬦ᭄ᬤᬳᬶᬗᭀᬂᬲᬶᬭᬲᬂᬧ᭄ᬭᬪᬸ᭞ᬲᬶᬦᭀᬫ᭄ᬧᬢᬶᬲᬶᬭᬵᬦᬩ᭄ᬤ᭞ᬦᬦᬓ᭄ᬫᬦ᭄ᬢ᭄ᬭᬷ᭞ᬫᬭᬶᬲᬶᬭᬳᬦ᭄ᬤ᭄ᬬᬮᬫᬢ᭄᭟ᬲᬄᬲᬓᬶᬂᬲᬶᬗᬜ᭄ᬚᬬ᭞ᬘᬭᬓᬭᭀᬳᬗ᭄ᬯᬶᬍᬢᬶ᭞ᬯᬾᬢᬦ᭄ᬫᬭᬶᬂᬤᬳᬢ᭄ᬲᬫᬸᬤᬺ᭞ᬦᬫᬦ᭄ᬬᬧᬲᬶᬃᬕᬫ᭄ᬩᬸᬄ᭞ᬮᬬᬃᬋᬕᭂᬧ᭄‌ᬳᬤᬏᬓ᭞ᬲᬶᬂ
ᬳᬮᬫᬶ᭞ᬫᬢᭂᬫᬳᬦ᭄ᬲᬶᬦᭀᬫ᭄ᬦᬵᬣ᭟ᬦᭂᬳᭂᬃᬓᬸᬫᭂᬢᬸᬚ᭄ᬭᬸᬤᬾᬄᬧᬸᬦ᭄ᬢ᭞ᬩᬵᬦ᭄ᬳᬮᬲᬶᬭᬦᬶᬗ᭄ᬳᬮᬶ᭞ᬲᬸᬫᬵᬥᬶᬮᬦ᭄ᬕᬸᬡᬫᬬ᭞ᬯᬶᬦᭂᬳᭂᬃᬲᬶᬭᬯᬶᬦᬳᬸᬢ᭄᭞ᬇᬓᬂᬢᬭᬸᬳᬤᬶᬕᭂᬮᬦ᭄ᬤᬗᬦ᭄᭞ᬘᬭᬓᬤ᭄ᬯᬶ᭞ᬓ᭄ᬭᬸᬦᬧ᭄ᬭᬪᬸᬫᬬᬕᬶᬢ᭟ᬓᬭᬶᬲᬶᬭᬓᬧᬮᬕᬦ᭄᭞ᬳ
ᬦᬶᬢᬶᬳᬶᬤ᭄ᬯᬶᬧᬓ᭄ᬧᬸᬢᬶᬄ᭞ᬢᬭᬶᬓ᭄ᬫᬦ᭄ᬢ᭄ᬭᬶᬧᬢᬶᬄᬮᬦ᭄‌ᬤ᭄ᬫᬂ᭞ᬅᬃᬬ᭄ᬬᬤ᭄ᬬᬓ᭄ᬱᬮᬦ᭄ᬢᬸᬫᭂᬗ᭄ᬕᬸᬂ᭞ᬧᬭᬫᬦ᭄ᬢ᭄ᬭᬶᬚᬦᬲᬫ᭞ᬓᬭᬸᬡᬲᬫᬶ᭞ᬭᬶᬩᬂᬮ᭄ᬯᬶᬃᬭᬶᬓᬸᬲᬸᬫ᭟ᬢᬦ᭄ᬳᬗᬯᬲᬜ᭄ᬚᬢ᭞ᬩᬸᬮᬸᬲ᭄ᬳᬧ᭄ᬯᬭᬢᬶᬢᬶᬃ᭞ᬲᬸᬭᬩᬮᬫᬪᬾᬭᬯ᭞ᬤᬸᬮᬸᬧᬧᬾᬢᬂᬢᬶᬦᬩᬸᬄ᭞ᬫᬓᬤᬶ
ᬕᬶᬭᬶᬫᭂᬮᬄ᭞ᬫᬮᬶᬗᬶᬂᬓᬸᬧᬶᬂ᭞ᬭᬱᬯᬶᬦᬘᬸᬭᬾᬂᬲᬭᬵᬢ᭄᭟ᬘᬶᬫᬃᬯ᭄ᬯᬲᬸᬭᬧ᭄ᬭᬵᬧ᭄ᬢ᭞ᬳᬦᬾᬂᬧ᭄ᬭᬂᬢᭂᬫ᭄ᬩᬶᬂᬧᬲᬶᬃ᭞ᬲᬫᬵᬦ᭄ᬤᬸᬮᬸᬤᬸᬭᬵᬢ᭄ᬫᬓ᭞ᬢᬹᬃᬗᬯᬂᬯᬂᬲᬲᬸᬫ᭄ᬩᬃᬳᬯᬸ᭞ᬬᬇᬧ᭄ᬭᬪᬸᬲᬶᬦᭀᬫ᭄ᬧᬢ᭄ᬬ᭞ᬳᬩᬮᬤ᭄ᬯᬶ᭞ᬗᬚᬗᬾᬂᬭᬵᬢ᭄ᬲᬶᬦᬗ᭄ᬓᬭ᭟ᬭᬢᬕ᭄ᬩᬮᬅᬃᬢ᭄ᬣᬯᬃᬱ᭞ [ 21 ][᭒᭐ 20B]
᭒᭐
ᬮᭀᬳᬶᬗᭀᬂᬳᬫᬕᬸᬢᬶ᭞ᬳᬧ᭄ᬢᬶᬦᬶᬗ᭄ᬯᬂᬳᬦᬶᬓᭂᬧ᭄ᬲᬶᬭ᭞ᬳᬦ᭄ᬤ᭄ᬬᬢᭂᬢᭂᬕᬸᬭᬶᬧᬸ᭞ᬳᬧ᭄ᬢᬶᬗ᭄ᬯᬂᬳᬗ᭄ᬭᬶᬗ᭄ᬭᬶᬗ᭞ᬲᬶᬦᭀᬫ᭄ᬧᬢᬶ᭞ᬗᬺᬗᭃᬉᬚᬃᬲᬶᬦᬗ᭄ᬓᬭ᭟ᬭᬳᬢ᭄ᬓᬩ᭄ᬭᬵᬳ᭄ᬫᬢ᭄ᬬᬦ᭄ᬬ᭞ᬫᬤᬸᬮᬸᬃᬲᬶᬭᬳᬗ᭄ᬮᬶᬂ᭞ᬮᬄᬓᬶᬢᬯᭀᬂᬲᬶᬦᬗ᭄ᬓᬭ᭞ᬳᬬ᭄ᬯᬓᬶᬭᬳᬓ᭄ᬯᬾᬄᬯᬸᬯᬸᬲ᭄᭞ᬮᬄᬉᬦᬸᬲ᭄ᬘᬸ
ᬭᬶᬕᬦ᭄ᬢ᭞ᬓᬬᬇᬓᬶ᭞ᬲᬮᬶᬭᬦ᭄ᬳᬗ᭄ᬕᬦᬶᬗ᭄ᬯᬂ᭟ᬳᬦᬾᬂᬳᬚᭃᬂᬳᬦᬾᬯᬸᬦ᭄ᬢᬢ᭄᭞ᬬᬧ᭄ᬯᬦ᭄ᬳᬦᬭᬶᬂᬳᬫ᭄ᬧᬶᬄ᭞ᬳᬬ᭄ᬯᬓᬶᬢᬳᬗ᭄ᬓᬭᬾᬂᬉᬚᬃ᭞ᬩᬮᬲᬶᬦᬗ᭄ᬓᬭᬕᬦ᭄ᬢᬸᬦ᭄᭞ᬢᬹᬃᬓᬮᬗ᭄ᬓᬸᬧ᭄ᬲᬶᬦᭀᬫ᭄ᬧᬢ᭄ᬬ᭞ᬢᬦ᭄ᬫᭀᬮᬶᬳᬶᬂ᭞ᬫᬬᬫᬬᬳᬗ᭄ᬕᬦ᭄ᬬ᭟ᬳᬦᭂᬳᭂᬃᬲᬶᬭᬳᬧ᭄ᬭᬂ᭞ᬯᬤ᭄ᬯᬲᬶᬦ
ᬗ᭄ᬓᬭᬓ᭄ᬯᬾᬄᬫᬢᬶ᭞ᬲᬶᬗᬫᬍᬲᬶᬧᭂᬚᬄ᭞ᬳᬦᬾᬓᬂᬯ᭄ᬥᬶᬫᬮᬬᬹ᭞ᬓᬵᬢᬹᬢᬹᬢ᭄ᬓᬤᬡ᭄ᬥᬤᬡ᭄ᬥ᭞ᬓᬩᬾᬄᬓᬦᬶᬦ᭄᭞ᬓ᭄ᬦᬓᬤᬡ᭄ᬥᬳᭀᬮᬶᬄᬦ᭄ᬬ᭟ᬢᬸᬳᬸᬳᬕᬸᬦᬸᬂᬓᬸᬦᬧ᭞ᬭᬳᬾᬬᬫᬗᬃᬡ᭄ᬦᬯᬶ᭞ᬫ᭄ᬯᬳᬦᬰᬯᬓᬸᬫᬫ᭄ᬩᬂ᭞ᬓ᭄ᬯᬾᬄᬢᬦ᭄ᬓᭂᬦᬳᬶᬗᬶᬢᬸᬂ᭞ᬫ᭄ᬯᬂᬳᬓ᭄ᬯᬾᬄᬢᬾᬚᬓ
ᬢᭀᬦ᭄᭞ᬢᬾᬚᬕᬸᬮᬶᬂ᭞ᬳᬗᬾᬩᭂᬓᬦᬭᬶᬂᬫᬾᬖ᭟ᬢᬶᬢᬶᬮᬶᬡ᭄ᬥᬸᬦᬶᬓᬂᬭᬵᬢ᭄᭞ᬫ᭄ᬯᬳᬶᬯᬓ᭄ᬳᬦᬾᬂᬧᬲᬶᬃ᭞ᬯᬦᬸᬄᬦᭂᬮᬸᬄᬰᬯᬦᬶᬂᬯ᭄ᬯᬂ᭞ᬚᬤᬓᬫᬶᬯᬄᬩᬚᬸᬮ᭄᭞ᬫ᭄ᬯᬳᬶᬯᬓ᭄ᬖᭀᬭᬖᭀᬭᬬᬦ᭄᭞ᬰᬯᬭᬶᬂᬢᭂᬫ᭄ᬩᬶᬂ᭞ᬋᬜᭂᬫ᭄ᬮᬍᬃᬓᭀᬝᬶᬓᭀᬝᬶᬬᬦ᭄᭟ᬫ᭄ᬯᬄᬦ᭄ᬬ
[᭒᭑ 21A]
ᬮᬍᬭᬶᬰᬯ᭞ᬗᬋᬜᭂᬫ᭄‌ᬯ᭄ᬯᬂᬫ᭄ᬭᬬᬢᬶ᭞ᬫᬍᬲ᭄ᬫᬗ᭄ᬓᬾᬳᬶᬫᬬᬕᬶᬢ᭞ᬓᬲᬳᬶᬩ᭄ᬤᭂᬫᬸᬂᬢᬸᬫᭂᬗ᭄ᬕᬸᬂ᭞ᬅᬃᬬ᭄ᬬᬤ᭄ᬬᬓ᭄ᬱᬓᬦᬸᬭᬸᬳᬦ᭄᭞ᬧᬢᬶᬄᬫᬦ᭄ᬢ᭄ᬭᬶ᭞ᬦᬵᬳᬦ᭄ᬢᭂᬓᬳᬕᬭᬧ᭄ᬮᬕ᭟ᬫᬗ᭄ᬓ᭄ᬬᬵᬦ᭄ᬫᬸᬲᬶᬦᭀᬫ᭄ᬧᬢ᭄ᬬ᭞ᬮᬳ᭄ᬬᬦᬩ᭄ᬤᬲᬶᬭᬕᬶᬢᬧᬢᬶ᭞ᬅᬇᬲᬶᬭᬲᬶᬦᭀ
ᬫ᭄ᬧᬢ᭄ᬬ᭞ᬭᬶᬫᬗ᭄ᬓ᭄ᬬᬗᭀᬗᬧ᭄ᬢ᭄ᬬᬳᬦᬫ᭄ᬩᬸᬢ᭄᭞ᬚᬯᬦ᭄ᬢᬢᭂᬓᬾᬂᬦᬵᬕᬭ᭞ᬓᬮᬶᬗᬦᬶ᭞ᬫᬕᬸᬢ᭄ᬳᬶᬗᭀᬂᬢᬦ᭄ᬧᬩᬮ᭟ᬤ᭄ᬯᬶᬧᬓ᭄ᬦ᭄ᬬᬦᭂᬳᭂᬃᬫᬲ᭄ᬯᬭ᭞ᬓᬸᬫ᭄ᬢᬇᬓᬂᬧᬺᬣᬶᬯᬶ᭞ᬳᬶᬧᬦᬭᬶᬩ᭄ᬧ᭄ᬭᬲᬫ᭞ᬫᬗᬸᬦᬸᬲ᭄ᬧᬸᬦᬂᬤᬸᬳᬸᬃ᭞ᬬᬧ᭄ᬯᬦ᭄ᬧ᭄ᬭᬪᬸᬫᬬᬕᬶᬢ᭞ᬲᬶᬦᭀᬫ᭄ᬧᬢᬶ
᭞ᬩ᭄ᬭᬵᬳ᭄ᬫᬢ᭄ᬬᬦ᭄‌ᬢᬹᬃᬳᬦᬩ᭄ᬤ᭟ᬇᬄᬢᬓᭀᬂᬫᬬᬕᬶᬢ᭞ᬉᬮᬢ᭄ᬬᬗᭀᬂᬲᬦᬵᬕᬭᬶ᭞ᬲᬯᬦᭂᬂᬓ᭄ᬯᬾᬄᬦ᭄ᬬᬭᭀᬂᬲᬗ᭄ᬳ᭞ᬳᬗ᭄ᬤᬾᬳᬰ᭄ᬭᬡᬳ᭄ᬬᬸᬦ᭄᭞ᬢ᭄ᬯᬶᬳᬶᬗ᭄ᬲᬸᬦ᭄ᬢᬦ᭄ᬯᭂᬤᬶᬬ᭞ᬦᭂᬳᭂᬃᬳᬚᬸᬭᬶᬢ᭄᭞ᬳᬗᬋᬧ᭄ᬳᬜᬳᬶᬄᬦ᭄ᬬ᭟ᬓᬤᬡ᭄ᬥᬧ᭄ᬭᬲᬫᬧᭂᬚᬄ᭞ᬉᬫᬦ᭄ᬲᬶᬭ
ᬕᬶᬢᬧᬢᬶ᭞ᬅᬦ᭄ᬥᬶᬭᬵᬦᬸᬗ᭄ᬕᬂᬓᬸᬚᬭ᭞ᬤᬸᬦᬸᬗᬾᬯᬶᬳᭀᬲ᭄ᬓᬉᬦᬸᬲ᭄᭞ᬗᬶᬘᬗᬶᬯᬢᬹᬃᬳᬦᬩ᭄ᬤ᭞ᬲᬶᬦᭀᬫ᭄ᬧᬢᬶ᭞ᬮᬄᬚᬕᬢᭂᬢᭂᬕᬲᬶᬭ᭟ᬲᬶᬦᭀᬫ᭄ᬧᬢᬶᬩ᭄ᬭᬵᬳ᭄ᬫᬢ᭄ᬬᬦ᭄᭞ᬳᬗᭂᬘᭂᬃᬫᬸᬯᬳᬗ᭄ᬮᬶᬂ᭞ᬮᬳ᭄ᬬᬓᬶᬢᬫᬬᬕᬶᬢ᭞ᬳᬬ᭄ᬯᬓᬶᬢᬩᬯᬄᬯᬸᬯᬸᬲ᭄᭞ [ 22 ][᭒᭑ 21B]
᭒᭑
ᬕᬦᭂᬳᭂᬃᬲᬫᬢᬶᬦᬶᬗ᭄ᬓᬄ᭞ᬦᭂᬳᭂᬃᬳᬚᬸᬭᬶᬢ᭄᭞ᬓ᭄ᬦᬶᬓᬥᭂᬳᭂᬢᬶᬓᬂᬓᬸᬜ᭄ᬚᬭ᭟ᬧᬶᬂᬭ᭄ᬯᬳᬦᭂᬳᭂᬃᬧᭂᬚᬄ᭞ᬯᬮᬂᬲᬶᬭᬕᬶᬢᬧᬢᬶ᭞ᬳᬗ᭄ᬮᬶᬂᬢᬦ᭄ᬳᬓ᭄ᬭᬲ᭄ᬤᬸᬭ᭞ᬦ᭄ᬳᭂᬃᬗᬺᬕᭂᬧ᭄ᬦᬸᬗ᭄ᬕᬮ᭄ᬲᬸᬓᬸ᭞ᬲᬶᬦ᭄ᬤᭂᬂᬢ᭄ᬭᬸᬲ᭄ᬫᬢᭂᬫᬳᬦ᭄᭞ᬬᬓ᭄ᬱᬅᬧ᭄ᬯᬶ᭞ᬲᬶᬤᬂᬫᬮᬸᬉᬮᬸᬦ᭄ᬬ᭟ᬪᬶᬭᬫᬓᬭᬹᬧᬦ᭄ᬬ᭞
ᬧᬫᬮ᭄ᬯᬶᬃᬳᬦ᭄ᬢᬃᬧᬢᬶ᭞ᬯᬬᬳᬭᭀᬫᬧᬯᬓ᭞ᬧᬦᭀᬦ᭄ᬓᬭᭀᬓᬤᬶᬢᬗ᭄ᬰᬸ᭞ᬯᬮᬶᬲᬸᬯᬃᬳ᭄ᬬᬂᬪᬵᬱ᭄ᬓᬭ᭞ᬲᬉᬮᬶᬳᬶᬂ᭞ᬧᬦᬦ᭄ᬢᬶᬦ᭄ᬳᬶᬫᬬᬕᬶᬢ᭟ᬓᬤᬶᬕᬜ᭄ᬚᬭᬋᬓᭀᬄᬦ᭄ᬬ᭞ᬲ᭄ᬬᬸᬂᬧᬶᬗᬾᬓᬤᬶᬧᬦ᭄ᬤᭂᬲᬶᬦ᭄᭞ᬮᬕ᭄ᬬᬉᬮᬢᬶᬲᬶᬦᭀᬫ᭄ᬧᬢ᭄ᬬ᭞ᬯᬸᬲ᭄ᬓᬢ᭄ᬫᬸᬦᭂᬳᭂᬃ
ᬳᬫᬸᬯᬸᬲ᭄᭞ᬲ᭄ᬯᬭᬓᬤᬶᬭᬾᬩᬾᬓᬶᬂᬫᬾᬖ᭞ᬲᬶᬦ᭄ᬯᬫ᭄ᬧᬢᬶ᭞ᬤᬤᭂᬮᬸᬳᬦᬶᬗᭀᬂᬲᬶᬭ᭟ᬮᬄᬫᬗ᭄ᬓᬾᬚᬢᭂᬢᭂᬕᬦ᭄ᬢ᭞ᬜᬯᬶᬲᬶᬭᬲᬶᬦᭀᬫ᭄ᬧᬢᬶ᭞ᬓᬮᬶᬗᬦᬾᬫᬬᬕᬶᬢ᭞ᬫᬢᭂᬫᬳᬦ᭄ᬤᬵᬦᬯᬳᬕᬸᬂ᭞ᬫᬳᬤᬶᬭᬶᬯ᭄ᬢᬸᬧᬯᬓ᭞ᬦᭂᬳᭂᬃᬫᬗ᭄ᬓᬶᬦ᭄᭞ᬲᬓᬶᬂᬤᬸᬭᬫᭂ
ᬢᬸᬫᬾᬖ᭟ᬢᬦᬮᬫᬯᬱᬖᭀᬭ᭞ᬲᬤᬕᬢ᭄ᬬᬕᬸᬂᬦᬸᬮᬸᬭᬶᬦ᭄᭞ᬲᬓ᭄ᬱᬡᬓᬂᬕ᭄ᬦᬶᬧᭂᬚᬄ᭞ᬦᭂᬳᭂᬃᬫᬬᬸᬤ᭄ᬥᬫᬚᬯᬸᬄ᭞ᬲᬶᬦᭀᬫ᭄ᬧᬢ᭄ᬬᬓᬤ᭄ᬬᬫᬬᬕᬶᬢ᭞ᬲᬶᬭᬢᬢᬶᬃ᭞ᬓᭂᬦᬶᬓᬤᬡ᭄ᬥᬫᬾᬖ᭟ᬦᬳᭂᬃᬳᬮᬚᭂᬂᬓ᭄ᬭᬸᬫᬰᬯ᭞ᬮᬕ᭄ᬬᬯᬲᬕᬶᬢᬧᬢᬶ᭞ᬲᬶ
[᭒᭒ 22A]
ᬦᭀᬫ᭄ᬧᬢᬶᬳᬗᭂᬢᬹᬢ᭞ᬳᬶᬕᬸᬡᬭᬵᬢ᭄‌ᬦᭂᬳᭂᬃᬓᬉᬦᬸᬲ᭄᭞ᬓᬘᭂᬗᬶᬂᬳᬶᬫᬬᬕᬶᬢ᭞ᬳᭀᬮᬶᬄᬓ᭄ᬭᬶᬲ᭄᭞ᬦᭂᬳᭂᬃᬢᬦ᭄ᬓᬯᬰᬫᭀᬮᬄ᭟ᬓᬭᬱᬦᭀᬭᬧᬧᬾᬢᬺ᭞ᬳᬗᬭᬱᬢᬦ᭄ᬧᬕᬮᬶᬄ᭞ᬳᬗ᭄ᬳᬶᬂᬰᬩ᭄ᬤᬦᬸᬢᭂᬢᭂᬕ᭞ᬳᬯᬶᬦ᭄ᬤᬶᬲᬶᬭᬳᬫᬸᬯᬸᬲ᭄᭞ᬥᬹᬄ
ᬲᬶᬭᬅᬃᬢ᭄ᬣᬧᬢ᭄ᬬ᭞ᬳᬶᬗᭀᬂᬳᬓᬲᬶᬄ᭞ᬳᬢᭂᬢᭂᬕ᭄ᬳᬦᬭᬶᬂᬲᬶᬭ᭟ᬦᬩ᭄ᬤᬲᬶᬭᬲᬶᬦᭀᬫ᭄ᬧᬢ᭄ᬬ᭞ᬮᬳ᭄ᬬᬲᬶᬭᬕᬶᬢᬧᬢᬶ᭞ᬳᬬ᭄ᬯᬲᬶᬭᬳᬓ᭄ᬯᬾᬳᬸᬚᬃ᭞ᬯᬶᬦᭂᬳᭂᬃᬳᬗᬕᭂᬫ᭄ᬕᬸᬮᬸ᭞ᬓᬘᬭᬶᬓ᭄ᬢᬫ᭄ᬧᬄᬦ᭄ᬬ᭞ᬦᭂᬳᭂᬃᬫᬶᬚᬶᬮ᭄᭞ᬭᬸᬥᬶᬭᬦ᭄ᬬᬫᬸᬮᬓᬦ᭄᭟ᬳᬕᬸᬮᬶᬂ
ᬲᬶᬭᬵᬦᬾᬂᬮ᭄ᬫᬄ᭞ᬲᬶᬦᭀᬫ᭄ᬧᬢᬶᬧ᭄ᬭᬮᬕᬶ᭞ᬫᬢᭂᬫᬳᬦ᭄ᬲᬶᬗᬜ᭄ᬚᬬ᭞ᬳᬶᬧᬢᬶᬄᬓᬭᭀᬯᬶᬦᬲ᭄ᬢᬸ᭞ᬓᬾᬗᬶᬦ᭄‌ᬚ᭄ᬭᬸᬤᬾᬄᬮᬦ᭄ᬧᬸᬦ᭄ᬢ᭞ᬲᬄᬮᬸᬫᬭᬶᬲ᭄᭞ᬫᬸᬗ᭄ᬲᬶᬯᬾᬰ᭄ᬫᬫᬬᬕᬶᬢ᭟ᬭᬶᬗ᭄ᬳᬯᬦ᭄ᬢᬦ᭄ᬯᬦᬸᬦ᭞ᬯᬶᬦ᭄ᬢᬂᬳᬭᬸᬫ᭄ᬯᬗᬸᬦ᭄ᬮᬕᬶ᭞ᬫᬳᭂᬫ᭄ᬫᬸᬯᬄᬅᬭᬶᬦ᭄ᬬ᭞
ᬓᬯᬶᬍᬢ᭄ᬭᬶᬳᬦ᭄ᬢᬸᬓᬼᬩᬸ᭞ᬯᬤᬸᬧᬜ᭄ᬚᬓ᭄ᬭᬄᬦ᭄ᬬ᭞ᬦᭂᬳᭂᬃᬫᬶᬚᬶᬮ᭄᭞ᬯᬶᬦᬗ᭄ᬓᬮ᭄ᬳᭀᬮᬶᬄᬲᭀᬦ᭟ᬮᬶᬦᬸᬤ᭄ᬓᬳᬭᭀᬦ᭄ᬯᬬᬲ᭞ᬲᬶᬬᬂᬮᬍᬃᬳᬗᬺᬜᭂᬫᬶ᭞ᬓᬃᬡ᭄ᬦᬮᬓ᭄ᬯᬶᬂᬋᬜᭂᬢᬦ᭄᭞ᬧᬯᭀᬗᬦ᭄ᬳᬫᬸᬭᬸᬳᬲᬸ᭞ᬳᬶᬕᬮᭀᬓ᭄ᬢᭂᬭᬸᬲ᭄ᬦᬋᬩᬂ᭞ᬇᬓᬂᬳᬜ᭄ᬚᬶᬂ [ 23 ][᭒᭒ 22B]
᭒᭒
ᬮᬬᬸᬩᬸᬫ᭄ᬧᬂᬳᭀᬮᬶᬄᬲᬾᬮ᭟ᬮᬕᬶᬗᬸᬭᬄᬯᬤ᭄ᬯᬵᬧ᭄ᬭᬂ᭞ᬳᬕᬦ᭄ᬢᬶᬲᬶᬮᬶᬄᬩᬸᬭᬸᬳᬶᬦ᭄᭞ᬮᬸᬮᬸᬂᬦᬶᬬᬲᬫᬭᬶᬃᬬ᭄ᬬᬓ᭄᭞ᬭᭀᬇᬩᬸᬭᭀᬂᬧᬸᬮᬸ᭞ᬮᬕ᭄ᬬᬭᬸᬦ᭄ᬢᬸᬄᬳᬬᬸᬦᬦ᭄ᬬ᭞ᬤᭂᬓᬓ᭄ᬓᭀᬘᬶᬂ᭞ᬳᬶᬯᬓ᭄‌ᬓᭂᬤᬶᬲ᭄ᬳᬸᬦ᭄ᬤᬦᬼᬫ᭄ᬩᬦ᭄᭟ᬤᬾᬓᬭᭀᬲᬶᬭᬵᬦᬩ᭄ᬤ
᭞ᬦᬶᬘᭀᬦ᭄ᬤᭀᬂᬩᬬᬦ᭄ᬲᬗᬶᬢ᭄᭞ᬧᬲᬶᬭᬦ᭄ᬧᬗᭀᬦᭂᬗᬦ᭄᭞ᬯᬲᬮᬸᬧᬸᬄᬰᬭᬷᬭᬦᬶᬗ᭄ᬲᬸᬦ᭄᭞ᬫ᭄ᬯᬄᬘᬶᬢ᭄ᬢᬉᬜ᭄ᬚᬸᬓᬮ᭞ᬭᬫᬅᬚᬶ᭞ᬮᬶᬮᬶᬬᬭᬹᬧᬲᬶᬭᬧ᭄ᬭᬂ᭟ᬦᬶᬘᭀᬦ᭄ᬤᭀᬂᬲᬸᬫᬯᬸᬃᬪᬓ᭄ᬢ᭄ᬬ᭞ᬥᬹᬄᬢᬲᬶᬭᬪᬝᬵᬭᬶ᭞ᬭᬹᬧᬬᬸᬓ᭄ᬢᬶᬲᬫᬗ᭄ᬓᬦ᭞ᬲᬓᬤᬶᬲᬶᬭ
ᬫᬯᬸᬯᬸᬲ᭄᭞ᬬᬦᬶᬂᬬᬸᬓ᭄ᬢᬶᬲᬫᬗ᭄ᬓᬦ᭞ᬓᬤ᭄ᬬᬢᬧ᭄ᬲᬶᬃ᭞ᬗᭀᬂᬢᭂᬫᬄᬯᬲᬚᬭᬳᬦ᭄᭟ᬯᬗᬸᬦ᭄ᬥᬢᭂᬂᬯ᭄ᬯᬂᬓᬓᬸᬬᬤ᭞ᬳᬤᬸᬂᬮᬸᬗ᭄ᬕᬸᬄᬭᬶᬂᬚᭃᬂᬤᬾᬯᬶ᭞ᬓᬸᬫᬸᬲᬸᬲ᭄ᬲᬶᬭᬢᬸᬗ᭄ᬕᬄ᭞ᬳᬗ᭄ᬮᬶᬂᬲᬶᬭᬯᬶᬦ᭄ᬢᬂᬳᬭᬹᬫ᭄᭞ᬲᬶᬭᬯᬬᬄᬯᬯᬸᬧ᭄ᬭᬵᬧ᭄ᬢ᭞ᬭᬹᬧᬚᬸᬕᬶ᭞ᬳᬕᬾᬳᬩᬦ᭄ᬢᭂᬦ᭄ᬭᬶᬂᬳᬶ
ᬗᭀᬂ᭟ᬅᬩᬦ᭄ᬲᬶᬭᬯ᭄ᬯᬂᬚᬤ᭞ᬲᬶᬗ᭄ᬕᬶᬄᬲᬶᬭᬤ᭄ᬬᬄᬪᬝᬵᬭᬶ᭞ᬫᬸᬗ᭄ᬕᬸᬳᬶᬂᬦᬺᬧᬢᬶᬲᬶᬭ᭞ᬦᬸᬯᬢᬭᬶᬂᬲᭂᬢᬺᬳᬕᬸᬂ᭞ᬳᬧ᭄ᬭᬂᬢᬲᬶᬭᬳᬮᬄ᭞ᬯᬶᬦᬚᭂᬗᬶᬂ᭞ᬲᬶᬭᬧ᭄ᬭᬪᬸᬲᬶᬦᭀᬫ᭄ᬧᬢ᭄ᬬ᭟ᬬᬦ᭄ᬲᬶᬭᬬᬤᬶᬦᬶᬗ᭄ᬯᬂ᭞ᬬᬾᬓᬶᬳᬦᬘᬶᬦᬾᬬᬸᬓ᭄ᬢᬶ᭞ᬳᬮᬶᬓᬜ᭄ᬘᬦᬭᭀᬯ᭞ᬳ
[᭒᭓ 23A]
ᬲᭀᬘᬳᬦᬇᬓᬸ᭞ᬤᬾᬯᬶᬓᬭᭀᬫᬦᬭᬶᬫ᭞ᬦᭂᬳᭂᬃᬳᬯᬶᬦ᭄ᬤᬶᬲ᭄᭞ᬲᬂᬯᬭᬤᬳᬫᬶᬢ᭄ᬳᬢᬸᬮᬃ᭟ᬯᬶᬦ᭄ᬤᬶᬲᬾᬉᬫᬸᬃᬭᬶᬂᬧᬸᬭ᭞ᬲᬫ᭄ᬩᬢ᭄ᬥᬹᬄᬲᬶᬭᬦᬺᬧᬢᬶ᭞ᬯᬯᬸᬤᬶᬦᬫ᭄ᬩᬦ᭄ᬳᬓ᭄ᬭᬸᬡ᭞ᬭᬶᬂᬫᬗ᭄ᬓᬾᬲᬶᬭᬮᬫ᭄ᬧᬸᬲ᭄᭞ᬦᭂᬳᭂᬃᬥᬢᭂᬂᬲᬶᬗᬜ᭄ᬚᬬ᭞ᬳᬫᬋᬓᬶᬂ᭞ᬤᬾᬯᬷᬓᬭᭀᬏ
ᬤᬦ᭄ᬢᬸᬫᬶᬗ᭄ᬳᬮ᭄᭟ᬳᭀᬮᬶᬄᬳᬃᬚ᭄ᬚᬦ᭄ᬬᬢᬦ᭄ᬲᬫ᭞ᬲᬫᬧᬹᬃᬡ᭄ᬦᬲᭀᬓᬵᬦᬶᬢᬶᬲ᭄᭞ᬲᬶᬦᬧᬸᬢᬶᬂᬘᬶᬢ᭄ᬢᬓᬵᬫ᭞ᬍᬫ᭄ᬩᬶᬭᭀᬚᬲᬮᬦᬶᬂᬧᬸᬓᬸᬄ᭞ᬇᬓᬫᬗ᭄ᬓᬾᬕᭂᬮᬶᬲ᭄ᬫᭀᬮᬄ᭞ᬯᬯᬸᬗᬓ᭄ᬱᬶ᭞ᬯᬃᬡ᭄ᬦᬦᬶᬂᬲᬶᬲᬶᬗᬜ᭄ᬚᬬ᭟ᬳᬦᭂᬳᭂᬃᬳᬕᬾᬳᬦᬩ᭄ᬤ᭞ᬲᬶᬭᬾᬗ᭄ᬕᬦᬶᬥᬢᭂᬗᬾᬭᬶᬓᬶ᭞
ᬳᬶᬗᭀᬂᬯᬸᬲ᭄‌ᬯ᭄ᬭᬸᬳᬾᬂᬭᬹᬧ᭞ᬬᬦ᭄ᬳᬓᬲᬶᬄᬗᭀᬂᬢᬦ᭄ᬯ᭄ᬭᬸᬄ᭞ᬭᬵᬢ᭄ᬲᬶᬭᬇᬩᬸᬬᬬᬄ᭞ᬦᬾᬗᭀᬂᬘᬘᬗᬶᬂ᭞ᬳᬕ᭄ᬬᬚᬢ᭄ᬬᬭᬶᬗ᭄ᬯᬂ᭟᭚᭐᭚ᬧᬸᬧᬸᬄᬲᭂᬦ᭄ᬤᭀᬦ᭄ᬓᬤᬶᬭᬶ᭚᭐᭚ᬜᬯᬶᬲ᭄ᬲᬶᬭᬥᬷᬧᬧᬸᬢᬺ᭞ᬳᬶᬗ᭄ᬲᬸᬦ᭄ᬮᬫ᭄ᬧᬶᬲ᭄ᬦᬺᬧᬢᬶᬬ᭞ᬳᬦᬭᬶᬂᬭᬵᬢ᭄ᬚᬯᬸᬄᬓᬜ᭄ᬘᬦ᭟ᬓᬲᬶᬳᬶ
ᬗᭀᬲᬶᬗᬜ᭄ᬚᬬ᭞ᬗᬸᬘᬧ᭄ᬲᬶᬭᬤᬾᬯᬶᬓᬭ᭄ᬯ᭞ᬅᬧ᭄ᬢᬶᬲᬶᬭᬜᬩᬸᬭᬶᬗ᭄ᬯᬂ᭟ᬬᬦ᭄ᬲᬶᬭᬢᬦ᭄ᬯ᭄ᬭᬸᬳ᭞ᬳᬶᬗᭀᬂᬮᬫ᭄ᬧᬶᬲ᭄ᬦᬺᬧᬢᬶᬬ᭞ᬯᬶᬦ᭄ᬢᬗᬭᬹᬫ᭄ᬧᬦᭂᬮᬄᬳᬶᬗ᭄ᬯᬂ᭟ᬬᬾᬓᬶᬮᬫ᭄ᬧᬶᬲ᭄ᬳᬭᬶᬦᬶᬗ᭄ᬯᬂ᭞ᬳᬭᬦ᭄ᬳᬶᬯᬦ᭄ᬢᬗᬭᬶ᭞ᬬᬾᬓᬶᬧᬜ᭄ᬘᬧᬯᭀᬗᬦᬶᬗ᭄ᬯᬂ᭟ᬤᬸᬕ᭄ᬲᬸᬦ᭄ᬳᬸᬫᬦᬢᭂᬢᭂᬕ᭞ [ 24 ][᭒᭓ 23B]
᭒᭓
ᬫ᭄ᬩᬦ᭄ᬳᬶᬗᭀᬂᬲᬧ᭄ᬢ᭞ᬬᬾᬓᬶᬯᬥᬸᬯᬤ᭄ᬯ᭟ᬢᬯᬦ᭄ᬧᬧ᭄ᬯᬭᬲᬸᬦ᭄ᬢᭂᬢᭂᬕ᭞ᬭᬾᬄᬭᬶᬂᬭᬵᬢ᭄ᬳᬶᬗᭀᬂᬳᬮᬄ᭞ᬬᬬᬳᬶᬗᭀᬂᬯᬸᬲ᭄ᬳᬮᬄ᭟ᬅᬦᬭᬶᬂᬲᬾᬢᬺᬖᭀᬭ᭞ᬲᬶᬦᭀᬫ᭄ᬧᬢᬶᬳᬫᭂᬚᬳᬶᬂ᭞ᬇᬓᬫᬃᬕ᭄ᬕᬦᬶᬂᬤᬸᬄᬓᬶᬢ᭟ᬫᬗ᭄ᬓᬦᬢᬶᬗ᭄ᬓᬄᬳᬶᬗ᭄ᬯᬂ᭞ᬯᬾᬯᬲᬶᬗ᭄ᬯᬂᬦ᭄ᬤᬢᬦ᭄ᬢᬢᬲ᭄᭞
ᬜᬯᬶᬲ᭄ᬲᬶᬭᬲᬶᬗᬜ᭄ᬚᬬ᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬬᬦ᭄ᬫᬗ᭄ᬓᬦᬲᬶᬭᬓᬭ᭄ᬯ᭞ᬳᬋᬧ᭄ᬲᬶᬭᬳᬓᬭᬶᬄ᭞ᬳᬦᬭᬶᬂᬳᬗ᭄ᬕᬦᬶᬗ᭄ᬯᬂ᭞ᬮᬓᬢᬲᬶᬭᬳᬸᬫᬦ᭄ᬢᬸᬓ᭄᭞ᬳᬦᬭᬶᬂᬭᬵᬢᬶᬗ᭄ᬯᬂ᭞ᬳᬬ᭄ᬯᬅᬭᬶ᭞ᬳᬭᬸᬭᬸᬩ᭄ᬭᬶᬂᬲ᭄ᬯᬦᬵᬕᬭ᭟ᬫᬸᬯᬳᬶᬂᬲᬶᬭᬭᬵᬫ᭞ᬤᬾᬦᬶᬂ
ᬤᬾᬲᬶᬳᬬᬄᬧᬢᬶ᭞ᬳᬬ᭄ᬯᬧᬸᬢᬾᬂᬲᬫᬗ᭄ᬓᬦ᭞ᬯᬬᬳᬶᬗᭀᬂᬳᬚᬚᬩᬸᬃ᭞ᬳᬦᬭᬶᬂᬳᬗ᭄ᬕᬦᬾᬂᬲᬶᬭ᭞ᬤᬾᬯᬶᬓᬮᬶᬄ᭞ᬳᬗᬯᬶᬲ᭄ᬋᬡᬦᬶᬂᬘᬶᬢ᭄ᬢ᭟ᬬᬦ᭄ᬲᬶᬭᬳᬲ᭄ᬯᬫᬶᬳᬶᬗ᭄ᬯᬂ᭞ᬳᬶᬗ᭄ᬲᬸᬦ᭄ᬫᬹᬥᬮᬕ᭄ᬬᬯᭂᬘᬶᬮ᭄᭞ᬳᬗ᭄ᬳᬶᬗ᭄ᬲᬸᬦ᭄ᬯᬸᬲ᭄ᬓᬭᬸᬥᬶᬭᬦ᭄᭞ᬭᬹᬧᬳᬦᬧᬾᬂᬘᬢᬹᬃ᭞
ᬬᬬᬶᬦᬶᬗ᭄ᬯᬂᬯᬸᬲ᭄ᬳᬾᬓ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬯᭂᬯᭂᬄᬲᬶᬭᬲ᭄ᬫᬵᬭᬾᬂᬘᬶᬢ᭄ᬢ᭟ᬦᭂᬳᭂᬃᬳᬗᭀᬮ᭄ᬤᬾᬯᬶᬓᬭ᭄ᬯ᭞ᬗᬭᬲ᭄‌ᬍᬫ᭄ᬩᬶᬳᬕᬦ᭄ᬢᬶᬕᬦ᭄ᬢᬶ᭞ᬧᬜ᭄ᬘᬓᬭᭀᬏᬦ᭄ᬭᭀᬚ᭞ᬧᬯᭀᬗᬦ᭄‌ᬍᬓ᭄ᬢᭀᬦ᭄ᬳᬮᬶᬗᬸᬲ᭄᭞ᬲᬂᬤᬾᬯᬷᬗ᭄ᬭᬱᬾᬗᬶᬂᬮ᭄ᬯ᭞ᬦᬾᬦᬾᬫᬗ᭄ᬓᬶᬦ᭄᭞ᬦᭀᬭᬯᬮᬶ
[᭒᭔ 24A]
ᬘᬶᬢ᭄ᬢᬦ᭄ᬲᬂᬓᬭ᭄ᬯ᭟ᬭᬾᬄᬓ᭄ᬭᬱᬾᬂᬭᬱᬳᬬᬸᬳ᭞ᬳᬶᬧᬸᬦ᭄ᬢᬳᬩᬦ᭄ᬢᭂᬦ᭄ᬳᬭᬶᬲ᭄᭞ᬲᬶᬗ᭄ᬕᬶᬄᬢᬲᬶᬭᬭᬳᬤ᭄ᬬᬦ᭄᭞ᬳᬗ᭄ᬳᬶᬂᬲᬯᬸᬭᬶᬗᭀᬂᬮᬸᬧᬸᬢ᭄᭞ᬳᬸᬯᬸᬲ᭄ᬳᬖᬭᬶᬡᬶᬤᬸᬭᬵᬢ᭄ᬫᬓ᭞ᬢ᭄ᬭᬸᬲ᭄ᬳᬧᬢᬶ᭞ᬳᬦ᭄ᬤᬾᬢᬦᬦᬘᬶᬢ᭄ᬢᬫ᭄ᬯᬄ᭟ᬳᬦ᭄ᬤᬾᬲᬶᬭᬳᬫᬗ᭄ᬕᬸᬳ᭞ᬭᬵᬫᬵᬚᬶᬦ᭄ᬬ
ᬳᬦᬾᬂᬮᬢ᭄ᬭᬶ᭞ᬳᬬ᭄ᬯᬲᬶᬭᬳᬗᬍᬫ᭞ᬭᬾᬄᬲᬶᬭᬯᬸᬲ᭄ᬳᬗ᭄ᬮᬫ᭄ᬧᬸᬲ᭄᭞ᬭᬵᬫᬵᬚᬶᬦ᭄ᬬᬵᬦᬾᬂᬲᬾᬢᬺ᭞ᬫᬸᬯᬸᬲᬭᬶᬲ᭄᭞ᬲᬶᬭᬭᬵᬤᬾᬦ᭄ᬲᬶᬗᬜ᭄ᬚᬬ᭟ᬬᬸᬓ᭄ᬢᬶᬓᬤᬶᬲᬯᬸᬯᬸᬲᬶᬭ᭞ᬳᬦᭂᬳᭂᬃᬳᬗᬸᬦᬸᬲ᭄ᬓ᭄ᬭᬶᬲ᭄᭞ᬤ᭄ᬬᬄᬤᬾᬯᬶᬯᬶᬦ᭄ᬤᬶᬲ᭄ᬳᬗ᭄ᬭᬓ᭄᭞ᬳᬗ᭄ᬳᬶᬂᬲᬶᬭᬢᬦ᭄ᬧᬓᬸᬓᬸᬄ᭞
ᬫ᭄ᬯᬄᬯ᭄ᬯᬗᬦ᭄ᬬᬧᬜ᭄ᬘ᭞ᬦᭂᬳᭂᬃᬓᬘᬭᬶᬓ᭄᭞ᬫᬓᬲᬧ᭄ᬢᬲᬶᬭᬧᭂᬚᬄ᭟ᬲ᭄ᬮᬦᬶᬂᬲᭂᬲᭂᬧ᭄ᬓᬦᬶᬦ᭄ᬲᬫ᭞ᬫᭂᬢᬸᬭᬄᬦ᭄ᬬᬲᬸᬫᬶᬭᬶᬢ᭄᭞ᬲᬫᬋᬩᬳᬦᬾᬂᬮ᭄ᬫᬄ᭞ᬧ᭄ᬭᬯᬾᬰᬦᬾᬗ᭄ᬭᬶᬫ᭄ᬭᬶᬫ᭄ᬓᬳ᭄ᬬᬸᬦ᭄᭞ᬪᬵᬱ᭄ᬓᬭᬦᬢᬭᬦ᭄ᬢᬾᬚ᭞ᬯᬃᬱᬳᬮᬶᬢ᭄᭞ᬤᬸᬮᬸᬃᬕᬺᬄᬳᬦᬭᬶᬂᬫᬾᬖ᭟ᬮᬶ
ᬦᬸᬤ᭄ᬮᬶᬡ᭄ᬥᬸᬲᬓᬩᬶᬬᬲᬦ᭄᭞ᬕᬕᬓ᭄ᬧ᭄ᬭᬵᬧ᭄ᬢᬦᬫ᭄ᬩᭂᬃᬲᬂᬧᬢᬶ᭞ᬳᬦᬦ᭄ᬤᬜ᭄ᬚᬷᬯᬵᬢ᭄ᬫᬦ᭄ᬬ᭞ᬦᭂᬫ᭄ᬯᬂᬭᬶᬗ᭄ᬳᬚᬶᬧ᭄ᬭᬪᬸ᭞ᬅᬢ᭄ᬫᬫᬬᬕᬶᬢᬦᬩ᭄ᬤ᭞ᬦᬦᬓ᭄ᬳᬤ᭄ᬯᬶ᭞ᬫᬸᬯᬄᬧᬯᭀᬗᬦ᭄ᬧᬜ᭄ᬘ᭟᭐᭟ᬧᬸᬦᬶᬓᬶᬕᬕᬸᬭᬶᬢᬦ᭄ᬅᬃᬢ᭄ᬣᬯᬃᬱᬯᬸᬲ᭄ᬧᬰ᭄ᬘᬢ᭄ᬲᬶᬦ᭄ᬭᬵᬢ᭄ᬭᬶᬂᬭᬳᬶᬦᬵ᭞ᬯᬺ [ 25 ][᭒᭔ 24B]
᭒᭔
ᬧ᭞ᬉᬓᬸᬢᬫ᭄ᬩᬶᬃ᭞ᬢᬗ᭄ᬕᬮ᭄᭞᭑᭘᭞᭗᭞᭑᭙᭙᭑᭞ᬤᬾᬓᬗᬧᬗᭃᬃᬅᬭᬶᬓᬘᬢᬹᬃᬲᬦᬓ᭄᭞ᬭᬶᬂᬧᬉᬫᬦ᭄‌ᬦᬶᬰ᭄ᬘᬬᬮᭀᬃ᭞ᬲ᭄ᬫᬵᬭᬧᬸᬭ᭟᭐᭟