Ban/Gaguritan Amir Sesasakan

Naskah

[ 1 ]PERPUSTAKAAN
KTR.DOKBUD BALI
PROP.BALI
G/I/7/DOKBUD
Judul : GAGURITAN AMIR (SESAKAN).
Pnj. 32 cm. Lb. 3,5 cm. Jml.25 lb. H1
Asal : Muncan, Selat, Karangasem.

[᭑ 1A]
Judul : GAGURITAN AMIR (SESAKAN).
Pnj. 32 cm. Lb. 3,5 cm. Jml.25 lb. H1
Asal : Muncan, Selat, Karangasem.
G/7/ [ 2 ][᭑ 1B]
ᬧᬸᬦᬶᬓᬶᬮᭀᬦ᭄ᬢᬃᬤᬺᬯᬾᬦ᭄ᬳᬶᬫᬗ᭄ᬓᬸᬭᬶᬗᬶᬦ᭄

[᭒ 2A]
᭛᭜᭛ ᬑᬁᬵᬅᬯᬶᬖ᭄ᬦᬵᬫᬲ᭄ᬢᬸᬦᬫᬵᬲᬶᬥᬶ ᭛᭜᭛ ᬅᬦᬫᬗ᭄ᬓᬾᬓᬯᬃᬡ᭄ᬦᬳᬵ᭞ᬘᬵᬭᬶᬢᬦᬾᬯᭀᬂᬫᬾᬦᬓ᭄ᬳᬵᬫᬶᬃ᭞ᬅᬗ᭄ᬮᬸ
ᬭᬹᬕ᭄ᬧᬸᬦᬂᬦᬕᬭᬵ᭞ᬳᬦᭂᬗ᭄ᬕᬶᬳᬶᬂᬩᬸᬓᬶᬢ᭄ᬩᭂᬃᬚ᭄ᬚᬶ᭞ᬯᬸᬲ᭄ᬓᬡ᭄ᬤᬧ᭄‌ᬰ᭄ᬭᬷᬪᬸᬨᬝᬶ᭞ᬅᬫ᭄ᬱ᭄ᬬᬄᬚᬸᬫ᭄ᬦᭂᬂᬵᬨ᭄ᬭᬪᬹ᭞ᬮᬶᬦ᭄ᬝᬂᬯᬶᬃᬬ᭄ᬬᬓᬂᬦᬕᬭᬵ᭞ᬲᬂᬨ᭄ᬭᬪᬹ
ᬳᬶᬂᬩᬸᬓᬶᬢ᭄ᬩᭂᬃᬚ᭄ᬚᬶ᭞ᬳᬩᬯᬶᬣᬫᬭᬶᬂᬲᬶᬭᬵᬅᬫ᭄ᬫᬶᬃᬅᬧ᭄ᬱ᭄ᬬᬄ᭟ᬳ᭄ᬦᭂᬂᬵᬗᬓ᭄ᬦᬵᬲᬓ᭄ᬱᬡ᭞ᬭᬳᬤᬾᬦᬶᬃᬫ᭄ᬫᬦ᭄ᬓᬯᬃᬡ᭄ᬦᬶ᭞ᬲᬋᬂᬮᬦᬶᬧᬢᬶᬄᬩᬓ᭄ᬢ᭄ᬬᬃ᭞
ᬳᬦᬓᬾᬓᬶᬩᬓ᭄ᬝᬓ᭄ᬱᬶᬗ᭄ᬕᬶᬄ᭞ᬩᬓ᭄ᬢ᭄ᬬᬃᬯᬶᬯᬾᬓᬵᬰᬡ᭄ᬥᬶ᭞ᬳᬵᬗ᭄ᬮᬧ᭄ᬫᬃᬧᬸᬢ᭄ᬭᬦ᭄ᬲᬂᬨ᭄ᬭᬪᬹ᭞ᬳᬶᬂᬩᬵᬂᬩᬭᬶᬦᬕᬭᬵ᭞ᬢᬹᬃᬳᬕᬸᬂᬩᬮᬦ᭄ᬤᬺᬨ [ 3 ][᭒ 2B]
᭑
ᬣᬶ᭞ᬧᬸᬢ᭄ᬭᬦ᭄ᬦᬶᬭᬵᬤᬾᬯᬶᬍᬗ᭄ᬪᬰᬭᬶᬗᬭᬵᬦ᭄᭟ᬰᬓ᭄ᬢᬶᬯᬕᭂᬤ᭄ᬳᬗᬕᬦ᭞ᬲᬂᬨ᭄ᬭᬪᬹᬲᬸᬓᬵᬦᬫ᭄ᬧᬦᬶᬦ᭄᭞ᬳᬧᬦᬶᬃᬫ᭄ᬫᬦ᭄ᬲᬸᬲᬸᬳᬸᬦᬦ᭄᭞ᬧᬦᭂᬫ᭄ᬩᬳ
ᬦ᭄ᬲᬓᬾᬳᬶᬂᬇᬚᬶ᭞ᬳᬵᬗᬤᭂᬕ᭄‌ᬩᭀᬚᬦᬓᬺᬤ᭄ᬤᬶ᭞ᬳᬶᬂᬩᬵᬂᬩᬭᬶᬓᬃᬬ᭄ᬬᬳᬕᬸᬂ᭞ᬧᬧᬗ᭄ᬳ᭄ᬬᬦ᭄ᬭᬤᬾᬦᬶᬃᬫ᭄ᬫᬦ᭄᭞ᬮᬵᬯᬦ᭄ᬤᬾᬯᬶᬍᬗ᭄ᬓᬰᬭᬶ᭞ᬳᬵᬗ
ᬦ᭄ᬤᬶᬓᬵᬳᬶᬂᬫᬗ᭄ᬓᬾᬭᬵᬳᬤᬾᬦᬶᬃᬫ᭄ᬫᬦ᭄᭟ᬳᬶᬄᬢᬧᬫᬵᬦ᭄ᬧᬢᬶᬄᬩᬓ᭄ᬢ᭄ᬬᬃ᭞ᬮᬸᬗ᭄ᬳᬵᬫᬭᬶᬂᬩᬸᬯᬶᬢ᭄ᬩᭂᬃᬚᬶ᭞ᬮᬵᬯᬦ᭄ᬧᬢᬶᬄᬧᬹᬃᬯ᭄ᬯᬚᬕᬵᬢ᭄᭞ᬳᬶᬓᬹᬧᬧ
ᬢᬶᬄᬮᬶᬦᬸᬯᬶᬄ᭞ᬓᬵᬳᬡ᭄ᬤᭂᬮᬶᬂᬩᬵᬭᬶ᭞ᬧᬺᬯᬶᬭᬰᬓ᭄ᬢᬶᬯᬶᬦᬸᬯᬸᬲ᭄᭞ᬳᬸᬫᬢᬹᬃᬳᬶᬬᬢ᭄ᬬᬵ᭞ᬲᬶᬗ᭄ᬕᬶᬄᬓᬵᬯᬸᬮᬵᬮᬸᬫᬭᬶᬲ᭄᭞ᬓᬵᬓᬧᬵ

[᭓ 3A]
ᬢᬶᬄᬓᬓᬵᬅᬫ᭄ᬱ᭄ᬬᬄᬳᬸᬦ᭄ᬤᬗ᭄ᬳᬦ᭟ᬫᬗ᭄ᬤᬾᬦᬾᬯ᭄ᬭᬸᬳᬵᬯᬸᬕᬵ᭞᭠ᬳᬶᬂᬓᬃᬬ᭄ᬬᬦᬶᬭᬪᬹᬨᬣᬶ᭞ᬲᬶᬗ᭄ᬕᬶᬄᬳᬢᬸᬭᬾᬳᬶᬧᬢ᭄ᬬᬵ᭞ᬓᬵᬯᬸᬮᬵᬳᬦᭂᬤᭂᬂ
ᬳᬫᬶᬢ᭄᭞ᬳᬢᬹᬃᬲᭂᬫ᭄ᬩᬄᬮᬸᬫᬭᬶᬲ᭄᭞ᬩᬸᬓᬶᬢ᭄ᬩᬚᬶᬓᬂᬚᬶᬦᬸᬚᬸᬕ᭄᭞ᬲ᭄ᬬᬂᬮᬢ᭄ᬭᬶᬮᬸᬫᬫ᭄ᬧᬄ᭞ᬯᬸᬲ᭄ᬧ᭄ᬭᬧ᭄ᬢᬶᬭᬶᬂᬩᬸᬓᬶᬢ᭄ᬩᭂᬚᬶ᭞ᬓᬯᬗ᭄ᬲᬶᬢᬦ᭄ᬅᬫ᭄ᬱ᭄ᬬᬄ
ᬲᬶᬦᬾᬩᬳᬶᬂᬚᬩᬵ᭟ᬳᬧᬦ᭄ᬫᭂᬧᭂᬓᬶᬂᬧᬲᬾᬩᬦ᭄᭞ᬭᬵᬢᬹᬲ᭄ᬬᬸᬦᬕᬭᬵᬦᬗ᭄ᬓᬶᬮ᭄᭞ᬰ᭄ᬭᬷᬭᬹᬫᬺᬤᬗᬶᬦ᭄ᬲᬶᬦᬾᬩᬵ᭞ᬫᬶᬯᬄᬧᬺᬳᬕᬸᬂᬧᬺᬫᬦ᭄ᬢ᭄ᬭᬶ᭞ᬩᬵ
ᬗᬶᬂᬰ᭄ᬭᬷᬪᬯᬵᬚᬶ᭞ᬳᬩ᭄ᬭᬵᬲᬶᬦᬂᬩᬸᬰᬦᬫᭂᬜ᭄ᬘᬸᬃ᭟ᬮ᭄ᬯᬶᬃᬢᬲ᭄ᬓᬃᬲᬢᬫᬵᬦ᭄᭞ᬅᬜ᭄ᬘ᭄ᬭᬄᬳᬶᬓᬂᬲ᭄ᬓᬃᬰᬭᬷ᭞ᬮᬶᬦ᭄ᬢᬂᬮᬥᬸᬄᬳᬶᬂᬲ᭄ᬫᬸᬦᬶᬓᬦᬂᬲᬾᬩᬵ [ 4 ][᭓ 3B]
᭒
᭟ᬓᬜ᭄ᬘᬶᬢ᭄ᬥᬢᭂᬂᬵᬯᭀᬂᬤᬶᬦᬸᬣ᭞ᬭᬓ᭄ᬭ᭄ᬬᬦ᭄ᬩᬓ᭄ᬢ᭄ᬬᬃᬓᬂᬮᬸᬫᬭᬶᬲ᭄᭞ᬫ᭄ᬯᬂ᭠ᬧᬢᬶᬄᬧᬹᬃᬯ᭄ᬯᬚᬕᬢ᭄᭞ᬓᬢᬸᬚᬸᬘᬵᬭᬓᬵᬫᬶᬚᬶᬮ᭄᭞ᬧᬢᬶᬄᬤᬸᬣᬮᬶᬂᬦ᭄ᬬᬳᬭᬶ
ᬲ᭄᭞ᬢᬚᭀᬕᬦᬶᬗ᭄ᬲᬸᬦ᭄ᬫᬍᬪᬹ᭞ᬭᬶᬂᬳᬬᬸᬦ᭄ᬱᬶᬭᬅᬫ᭄ᬱ᭄ᬬᬄ᭞ᬳᬶᬗ᭄ᬲᬸᬦ᭄ᬥᬸᬣᬦᬾᬲᬂᬗ᭄ᬳᬚᬶ᭞ᬳᬶᬂᬩᬵᬂᬩᬭᬶᬲᬶᬭᬭᬵᬚᬵᬭᬤᬾᬦᬶᬃᬫ᭄ᬫᬦ᭄᭟ᬘᬵᬭᬓᬵ
ᬬᬸᬫᬓ᭄ᬯᬾᬂᬗ᭄ᬳᬃᬱ᭞ᬢᬸᬦᬸᬢ᭄ᬥᬾᬲᬶᬭᬳᬶᬧᬢᬶᬄ᭞ᬫᬍᬪᬸᬳᬶᬂᬧᬦᬗ᭄ᬓᬶᬮᬦ᭄᭞ᬳᬧ᭄ᬬᬓ᭄ᬓᬂᬢᬡ᭄ᬤᬵᬫᬦ᭄ᬢ᭄ᬭᬶ᭞ᬳᬶᬂᬗ᭄ᬳᬃᬱᬲᬶᬭᬧᬢᬶᬄ᭞ᬳᬦᭂᬫ᭄ᬩᬄᬲᬋᬂᬳᬸᬫᬵ
ᬢᬹᬃ᭞ᬭᬶᬂᬲᬶᬭᬵᬨ᭄ᬭᬪᬸᬳᬭᬵᬩ᭄᭟ᬗᬦᬶᬓᬵᬩᬕᬶᬡ᭄ᬥᬵᬅᬫᬶᬃ᭞ᬤᬸᬄᬳᬦᬓ᭄ᬩᬵᬓ᭄ᬢ᭄ᬬᬃ᭞ᬧᬭᬵᬦ᭄ᬓᬃᬬ᭄ᬬᬦᬶᬭᬧ᭄ᬭᬧ᭄ᬢᬵ᭟ᬨᬢᬶᬄᬩᬓ᭄ᬢ᭄ᬬᬃᬳᬸᬫᬢᬸᬭᬵ᭞

[᭔ 4A]
ᬲᬶᬗ᭄ᬕᬶᬄᬲᬤ᭄ᬬᬳᬗᬢᬸᬭᬶᬦ᭄᭞ᬭᬦ᭄ᬢᭂᬦ᭄ᬢᬸᬯᬦ᭄ᬭᬤᬾᬦᬶᬃᬫ᭄ᬫᬦ᭄᭞ᬳᬓᬃᬬ᭄ᬬᬩᭀᬚᬦᬓᬺᬤᬶ᭞ᬮᬯᬦ᭄ᬧᬸᬢ᭄ᬭᬦ᭄‌ᬪᬸᬨᬣᬶ᭞ᬳᬶᬂᬩᬵᬂᬩᬭᬶᬓᬃᬬ᭄ᬬᬳᬕᬸᬂ᭞
ᬨ᭄ᬭᬪᬸᬩᭀᬚᬵᬍᬗ᭄ᬓᬭ᭞ᬦᬫᬵᬤᬾᬯᬶᬍᬫ᭄ᬓᬰᬭᬶ᭞ᬧᬶᬦᬘᬗᬦ᭄‌ᬚᭀᬤᭀᬦᬾᬭᬳᬤᬾᬦᬶᬃᬫ᭄ᬫᬦ᭄᭟ᬫᬾᬲᭂᬫ᭄ᬢᬩᬕᬶᬡ᭄ᬥᬵᬅᬫ᭄ᬱ᭄ᬬᬄ᭞ᬧᬭᬦ᭄ᬓᬧᭀ
ᬤᬬᬦ᭄ᬫᬫᬶ᭞ᬫᬦᬶᬭᬢᬦ᭄ᬓᭂᬦᭂᬮᬸᬗ᭄ᬳᬵ᭞ᬧᬋᬓ᭄ᬭᬶᬂᬭᬢᬸᬫ᭄ᬤᬳᬶᬦ᭄᭞ᬳᬵᬗᬋᬧᬸᬦᬂᬓᬺᬤᬶ᭞ᬧᬢᬶᬄᬧᬸᬃᬯ᭄ᬯᬚᬕᬢ᭄ᬫᬢᬹᬃ᭞ᬕᬸᬲ᭄ᬢᬶᬧᬗᬾᬭᬦ᭄ᬳᬵᬫ᭄ᬱ᭄ᬬᬄ᭞ᬤᬶ
ᬤᬶᬦᭂᬢᬳᬦᬳᬸᬕᬶ᭞ᬤᬾᬦᬾᬳᬬᬸᬦ᭄᭞ᬢᬦ᭄ᬧᬤᭀᬦ᭄ᬓᬃᬬ᭄ᬬᬓᬵᬯᬸᬮᬵ᭟ᬧᬭᬵᬦ᭄ᬳᬢᬸᬭᬾᬓᬯᬸᬮᬵ᭞ᬭᬶᬂᬭᬦ᭄ᬢᭂᬦ᭄ᬢᬸᬯ᭄ᬯᬦ᭄‌ᬪᬸᬨᬣᬶ᭞ᬧ᭄ᬭ [ 5 ][᭔ 4B]
᭓
ᬪᬸᬭᬶᬂᬩᭀᬚᬍᬗ᭄ᬓᬭ᭞ᬳᬗᬦᬶᬓᬵᬩᬕᬶᬡ᭄ᬥᬵᬅᬫᬶᬃ᭞ᬧᬸᬢᬹᬫᬵᬲ᭄ᬭᬤᬾᬦ᭄ᬲᬳᬶᬤ᭄᭞ᬮᬄᬫᬗ᭄ᬕᬵᬮᬧᬸᬢᬸᬦᬶᬗ᭄ᬲᬸᬦ᭄᭞ᬭᬶᬂᬗ᭄ᬳᬃᬱᬲᬶᬭᬭᬳᬤ᭄ᬬᬦ᭄᭞
ᬮ᭄ᬯᬶᬃᬬᬂᬲ᭄ᬫᬵᬭᬓᬳᬓ᭄ᬱᬶ᭞ᬕᬶᬮᬂᬕᬶᬮᬵᬂ᭞ᬩᬕᬸᬲᬾᬢᬦ᭄ᬧᬢᬦ᭄ᬤᬶᬗ᭄ᬳᬦ᭄᭟ᬗᬦ᭄ᬥᬶᬓᬵᬩᬕᬶᬡ᭄ᬥᬵᬅᬫ᭄ᬱ᭄ᬬᬄ᭞ᬮᬸᬗ᭄ᬳᬲᬶᬭᬳᬶᬂᬩᬵᬂᬩᬭᬶ᭞ᬳᬾᬬᬂᬗᬶᬭ
ᬭᬤᬾᬦᬶᬃᬫ᭄ᬫᬦ᭄᭞ᬗᬤᭂᬕ᭄ᬓᬃᬬ᭄ᬬᬳᬧᬧᬗ᭄ᬕᬶᬄ᭞ᬮᬯᬦ᭄ᬧᬸᬢ᭄ᬭᬦ᭄ᬡᬺᬧᬣᬶ᭞ᬳᬶᬂᬩᬵᬂᬩᬭᬶᬓᬃᬬ᭄ᬬᬳᬕᬸᬂ᭞ᬮᬸᬗ᭄ᬳᬵᬮᬦ᭄ᬳᬶᬧᬢ᭄ᬬ᭞ᬮᬸᬫᬶᬭᬶᬂᬨ᭄ᬭᬪᬸᬪᬵᬚᬶ᭞᭠
ᬩᬸᬓᬶᬢ᭄ᬩᭂᬃᬚᬶᬫ᭄ᬯᬂᬭᬹᬫ᭄ᬩ᭄ᬭᬤᬗᬶᬦ᭄ᬭᬚᬵ᭟ᬭᬳᬤᬾᬦ᭄ᬲᬳᬶᬤ᭄ᬮᬸᬫᬫ᭄ᬧᬄ᭞ᬳᬵᬗ᭄ᬭᬗ᭄ᬲᬸᬓ᭄ᬩᬸᬰᬦᬍᬯᬶᬄ᭞ᬳᬓ᭄ᬭᬶᬲ᭄‌ᬮᬦ᭄ᬤᬾᬬᬦ᭄ᬓᬯᭀᬢ᭄᭞ᬲᬶᬦ᭄ᬮᬕᬶᬂᬫᬶ

[᭕ 5A]
ᬭᬄᬳᬤ᭄ᬥᬶ᭞ᬤᬸᬫᬶᬮᬄᬘᬳ᭄ᬬᬦᬾᬳᭂᬦ᭄ᬦᬶᬂ᭞ᬮ᭄ᬯᬶᬃᬬᬂᬲ᭄ᬫᬭᬳᬦᬸᬭᬸᬦ᭄᭞ᬫᬵᬓᬫᬶᬯᬄᬳᬶᬓᬂᬯᬤ᭄ᬯᬵ᭞ᬓᬗᬶᬭᬶᬧ᭄ᬭᬪᬸᬪᬯᬚᬶ᭞ᬭᬤᬾᬦ᭄ᬲᬳᬶᬤ᭄‌ᬲᬫ᭄ᬧᬸᬦᬫᬶᬢ᭄ᬭᬶᬂᬳ᭄ᬬᬂ
ᬅᬫ᭄ᬱ᭄ᬬᬄ᭟ᬫᬶᬯᬄᬧᬢᬶᬄᬧᬹᬃᬯ᭄ᬯᬚᬕᬢ᭄᭞ᬭᬓ᭄ᬭ᭄ᬬᬦ᭄ᬩᬓ᭄ᬢ᭄ᬬᬃᬯᬸᬲ᭄ᬫᬧᬫᬶᬢ᭄᭞ᬰᬶᬕᬺᬩᬸᬩᬃᬲᬫᬸᬤᬬᬵ᭞ᬮᬸᬫᬶᬭᬶᬂᬧ᭄ᬭᬪᬸᬪᬯᬵᬚᬶ᭞ᬫ᭄ᬯᬂᬰ᭄ᬭᬷᬭᬸᬫ᭄ᬩ᭄ᬭᬵᬤᬗᬶᬦ᭄᭞ᬧᬶᬭᬂᬤᬶᬦ
ᬳᬦᬾᬂᬳᭂᬦ᭄ᬦᬸ᭞ᬲ᭄ᬬᬂᬮᬢ᭄ᬭᬶᬮᬸᬫᬫ᭄ᬧᬄ᭞ᬯᬸᬲ᭄ᬧ᭄ᬭᬧ᭄ᬢᬾᬂᬫᬭᬶᬂᬩᬵᬂᬩᬭᬷ᭞ᬓᬵᬯᬗ᭄ᬲᬶᬢᬦ᭄‌ᬲᬂᬦᬣᬤᬯᭂᬕ᭄ᬲᬶᬦᬾᬩᬵ᭟ᬯᬸᬲ᭄ᬕᭂᬢᭂᬧᬶᬓᬂᬗ᭄ᬳᬲᬾᬩᬵ᭞ᬧᬸᬗ᭄ᬳᬯᬫ᭄ᬯᬂ
ᬧᬭᬫᬦ᭄ᬢ᭄ᬭᬶ᭞ᬫ᭄ᬯᬂᬢᬲᬶᬭᬭᬤᬾᬦᬶᬃᬫ᭄ᬫᬵᬦ᭄᭞ᬫᬶᬯᬄᬭᬢᬸᬳᬶᬂᬩᬵᬂᬩᬭᬶ᭞ᬢᬦ᭄ᬮ᭄ᬬᬦ᭄ᬭᬶᬦᬯᭀᬲᬶᬦ᭄᭞ᬧᬢᬶᬄᬤᬹᬣᬓᬂᬮᬸᬫᬓᬸᬄ᭞ᬦᬾᬦᬾᬯᬸᬲ᭄ᬮᬫᬵᬢᬦ᭄ᬧ᭄ᬭᬧ᭄ᬢᬵ [ 6 ][᭕ 5B]
᭔
᭞ᬤᬸᬢ᭄ᬢᬦᬾᬲᬶᬭᬲᬂᬗᬚᬶ᭞ᬫᬮᬄᬓᬦ᭄ᬢᬸᬦ᭄‌ᬲᬧ᭄ᬢᬤᬶᬦᬳᬶᬓᬂᬓᬵᬃᬬ᭄ᬬ᭟ᬓᬵᬜ᭄ᬘᬶᬢ᭄ᬥᬢᭂᬂᬓᬂᬤᬶᬦᬸᬣ᭞ᬯᭀᬂᬚ᭄ᬭᭀᬲᬫᬶᬳᬗᬓ᭄ᬱᬶ᭞ᬲᬫᬶᬲᬶᬭᬓᬕᬕᬯᭀᬓ᭄᭞ᬳ
ᬦᬶᬗ᭄ᬳᬮᬶᬦ᭄ᬭᬤᬾᬦ᭄ᬲᬳᬶᬤ᭄᭞ᬢᬦ᭄ᬓᬾᬢᬂᬳᬦᬓ᭄ᬭᬩᬶ᭞ᬫᬗ᭄ᬤᬯᭀᬮᬶᬄᬬᬳᬦᬸᬮᬸ᭞ᬓᬵᬯᬃᬡ᭄ᬦᬲᬶᬭᬭᬳᬤ᭄ᬬᬦ᭄᭞ᬯᬸᬲ᭄ᬫᬜ᭄ᬚᬶᬗᬶᬂᬧᬜ᭄ᬘᬦᬶᬣᬶ᭞ᬭᬭᬶᬲ᭄ᬫᬸᬗ᭄ᬕᬄᬭ
ᬤᬾᬦ᭄ᬲᬳᬶᬤ᭄ᬭᬶᬂᬩᬜ᭄ᬘᬶᬗᬄ᭟ᬭᬳᬤᬾᬦ᭄ᬲᬳᬶᬤ᭄ᬢᬸᬫᬶᬗ᭄ᬳᬮ᭄᭞ᬭᬶᬂᬧ᭄ᬭᬭᬢᬹᬲᬤᬾᬬᬓᬶ᭞ᬗᬦ᭄ᬤᬶᬓᬭᬳᬤᬾᬦᬶᬃᬫ᭄ᬫᬦ᭄᭞ᬳᬶᬬᬲᬶᬭᬭᬤᬾᬦ᭄ᬲᬳᬶᬤ᭄᭞ᬳᬵ
ᬩᬧᬵᬫᬃᬫ᭄ᬫᬦᬾᬓᬶ᭞ᬓᬭᬦᬾᬬᬂᬤᬢᬦ᭄ᬭᬯᬸᬄ᭞ᬳᬸᬫᬢᬹᬃᬲᬳᬶᬤ᭄ᬭᬳᬤ᭄ᬬᬦ᭄᭞ᬓᬃᬬ᭄ᬬᬦ᭄ᬢᬸᬯᬦ᭄ᬩᭀᬚᬦᬓ᭄ᬋᬤ᭄ᬥᬶ᭞ᬳᬾᬬᬂᬅᬫ᭄ᬩᬵᬧᬦ᭄ᬓᬦ᭄ᬢᬸᬦ᭄ᬭᬶᬂᬚ᭄ᬭᭀᬦᬕ

[᭖ 6A]
ᬭᬵ᭟ᬲᬂᬧ᭄ᬭᬪᬸᬩᭀᬚᬍᬗ᭄ᬓᬭ᭞ᬗᬦ᭄ᬤᬶᬓᬵᬭᬶᬂᬭᬤᬾᬦ᭄ᬲᬳᬶᬤ᭄᭞ᬤᬸᬄᬲᬳᬶᬤ᭄ᬫᬲ᭄ᬚᬶᬯᬦᬶᬗ᭄ᬯᬂ᭞ᬤᬶᬤᬶᬦᬾᬢᬳᬦᬳᬸᬕᬶ᭞ᬧᬦ᭄ᬳᬾᬬᬂᬗᬦ᭄ᬤᬶᬓᬵᬫᬗ᭄ᬓᬶᬦ᭄᭞
ᬳᬧᬗ᭄ᬕᬶᬳᬫᬸᬮᬵᬓᬬᬸᬦ᭄᭞ᬦᬶᬤᬾᬯᬶᬍᬗ᭄ᬓᬰᬃᬭ᭄ᬬ᭞ᬓᬭᬦᬾᬬᬂᬳᬵᬗᬢᬸᬭᬶᬦ᭄᭞ᬳᬾᬬᬅᬫ᭄ᬱ᭄ᬬᬄᬳᬮᬸᬗ᭄ᬕᬸᬳᬶᬂᬳᬚᭂᬂᬓᬃᬬ᭄ᬬ᭟ᬲᬫᬶᬓᬂᬲᬶᬦᬸᬗᬦ᭄ᬢᬵ
ᬥᬄ᭞ᬲᬓᬢᬶᬳᬶᬂᬓᬂᬳᬗᬶᬭᬶᬂ᭞ᬭᬵᬚᬵᬭᬹᬫ᭄ᬩ᭄ᬭᬵᬤᬗᬶᬦ᭄ᬦᬥᬄ᭞ᬫᬶᬯᬄᬧ᭄ᬭᬪᬸᬩᬸᬓᬶᬢ᭄ᬩᭂᬃᬚᬶ᭞ᬓᬯᬃᬡ᭄ᬦᬦᬭᬤᬾᬦ᭄ᬤᬾᬯᬶ᭞ᬳᭀᬮᬶᬄᬯᭀᬃᬢ᭄ᬢᬯᬾᬦ᭄ᬢᭂᬦ᭄ᬢ
ᬫ᭄ᬬᬸ᭞ᬋᬓᬾᬯᭀᬂᬲᬓᬶᬂᬗ᭄ᬳᬭᬵᬩ᭄᭞ᬩᬕᬸᬲᬦᭀᬫ᭄ᬢᬦ᭄ᬧᬢᬵᬦ᭄ᬤᬶᬂ᭞ᬲᬂᬥ᭄ᬬᬄᬦᭀᬦ᭄ᬢᭀᬦ᭄ᬳᬦᬭᬶᬂᬮᬸᬯᬸᬃᬮᬮᬾᬬᬦ᭄᭟ᬳᬶᬗ᭄ᬢ᭄ᬬᬲ᭄ᬳᬚᬵ [ 7 ][᭖ 6B]
᭕
ᬯᭀᬂᬯᬶᬓᬦ᭄᭞ᬓᬤᬸᬮᬹᬭᬳᬤᬾᬦ᭄ᬲᬳᬶᬤ᭄᭞ᬫ᭄ᬯᬂᬲᬶᬭᬭᬤᬾᬦᬶᬃᬫ᭄ᬫᬵᬦ᭄᭞ᬮ᭄ᬯᬶᬃᬯᬸᬮᬦ᭄ᬮᬦ᭄ᬯᬢᬸᬯᬶᬮᬶᬲ᭄᭞ᬫᬗ᭄ᬓᬾᬲᬂᬭᬵᬚᬵᬢ᭄ᬭᬷ᭞ᬳᬢ᭄ᬫᬄᬢ᭄ᬯᬲᬾᬳᬸᬮᬗᬸ
ᬦ᭄᭞ᬳᬗ᭄ᬮᬸᬂᬳᬗᬶᬮᬂᬢᬢ᭞ᬲᬳᬶᬤ᭄ᬳᭀᬮᬶᬄᬳᬦᬶᬂᬳᬮᬶᬦ᭄᭞ᬯᬸᬲ᭄ᬓᬵᬢᬭᬵᬤᬾᬦᬾᬲᬂᬧᬸᬢ᭄ᬭᬶᬓᬕᬶᬯ᭄ᬯᬂ᭟ᬲᬂᬧᬸᬢ᭄ᬭᬶᬳᬮᬶᬦ᭄ᬢᬸᬫᭂᬤᬓ᭄᭞ᬳᬗ᭄ᬮᬶᬂᬫᬭᬶᬂ
ᬳᬶᬩᬦᬾᬓᬶ᭞ᬧᬭᬦ᭄ᬧᭀᬮᬄᬧᬭᬦ᭄ᬢᭂᬫᬄ᭞ᬢᬦ᭄ᬯᬗ᭄ᬤᬾᬳᬶᬗ᭄ᬲᬸᬦ᭄ᬦᭂᬫᬲᬶᬦ᭄᭞ᬳᬫ᭄ᬩᬾᬮᬦᬶᬦ᭄ᬭᬤᬾᬦ᭄ᬲᬳᬶᬤ᭄᭞ᬫᬗ᭄ᬓᬾᬯᬸᬲ᭄ᬳᬦ᭄ᬢᬓᬦᬶᬗ᭄ᬲᬸ
ᬦ᭄᭞ᬳᬸᬫᬢᬹᬃᬳᬶᬩᬵᬳᭂᬫ᭄ᬩᬦ᭄᭞ᬲᬶᬗ᭄ᬕᬶᬄᬢᬮᬫᬸᬦ᭄ᬲᬯᬯᬶ᭞ᬤᬾᬯᬲ᭄ᬓᬃᬲᬳᬶᬤ᭄ᬳᬸᬧᬫ᭄ᬬᬵᬂᬩ᭄ᬭᬵᬳ᭄ᬫᬭᬵ᭟ᬳᬵᬦ᭄ᬤᬶᬓᬫᬶᬦᬗ᭄ᬓᬯᬸᬮᬦ᭄᭞ᬲᬳᬶ᭠

[᭗ 7A]
ᬤ᭄ᬫᬶᬦᬗ᭄ᬓᬭᬵᬭᬯᬶ᭞ᬳᬤᭀᬄᬢᬦ᭄ᬤᬶᬂᬮᬯᬦᬶᬃᬫ᭄ᬫᬦ᭄ᬮ᭄ᬯᬶᬃᬬᬓ᭄ᬱᬓᬩᬸᬭᬂᬩᬭᬶᬂ᭞ᬲᬂᬤᬾᬯᬶᬫᬸᬯᬸᬄᬲ᭄ᬥᬶᬄ᭞ᬫᬸᬗ᭄ᬕᬳᬶᬂᬧᬢᬸᬭᭀᬦ᭄ᬳᬭᬹᬫ᭄᭞ᬢᬸᬫᬗ᭄ᬓᭂ
ᬩᬵᬦ᭄ᬭᬶᬂᬢᬶᬮᬫ᭄᭞ᬢᬦ᭄ᬓᬾᬫᬹᬢ᭄ᬭᬶᬬᬓ᭄ᬧᬢᬶ᭞ᬳᭂᬫ᭄ᬩᬦᬶᬩᬵᬕᬸᬧᬸᬄᬳᬦᬸᬮᬹᬂᬲᬂᬥ᭄ᬬᬄ ᭚᭜᭚ ᬓᬸᬫᬫ᭄ᬩᬵᬂ ᭚᭜᭚ ᬓᬵᬯᬡ᭄ᬦᬳᬵ᭞ᬦᬶᬤᬾᬯ᭄ᬯᬶᬫ
ᬲ᭄‌ᬍᬗ᭄ᬓᬵᬰᬭᬶ᭞ᬳᬦᭂᬂᬧᬢᬸᬭᭀᬦᬦ᭄᭞ᬓᬵᬲ᭄ᬫᬭᬵᬦ᭄ᬳᬧᬸᬮᬂᬭᬲ᭄ᬫᬶᬦ᭄᭞ᬲᬳᬶᬤ᭄ᬢᬦ᭄ᬧ᭄ᬕᬢ᭄ᬳᬶᬂᬗᬸᬘᬧ᭄᭟ᬲᬲᬫ᭄ᬩᬢ᭄ᬢᬾ᭞ᬦᬶᬫᬵᬲ᭄ᬥᬾᬯᬶᬍᬗ᭄ᬓᬵᬰᬭᬶ᭞ᬤᬾᬦ᭄ᬢᬸᬮᬸ
ᬰᬶᬳᬶᬭᬵ᭞ᬳᬚᬫ᭄ᬧ᭄ᬬᬦᬶᬂᬮᬭᬕ᭄ᬭᬶᬂ᭞ᬢᬸᬮᬸᬲ᭄ᬧ᭄ᬚᬄᬦᬦ᭄ᬤᬂᬩ᭄ᬭᬗ᭄ᬢᬵ᭟ᬢᬸᬮᬸᬲᬦ᭞ᬰᬶᬳᬶᬭᬓᬓᬵᬲᬳᬶᬤ᭄᭞ᬧ᭄ᬭᬧ᭄ᬢᬵᬗᬯᬾᬭᬶᬫᬂ᭞ᬢᬫ᭄ᬩᬦᭂᬦ᭄ᬮᬭᬓ᭄ᬨ [ 8 ][᭗ 7B]
᭖
ᬢ᭄ᬝᬶ᭞ᬲᬸᬦ᭄ᬲᬢ᭄ᬬᬦᭂᬦ᭄ᬳᬸᬭᬶᬧ᭄‌ᬧ᭄ᬚᬄ᭟ᬲ᭄ᬬᬵᬂᬤᬮᬹ᭞ᬲᬂᬤ᭄ᬬᬄᬢᬦ᭄ᬧ᭄ᬕᬢ᭄ᬳᬦ᭄ᬦᬵᬗᬶᬲ᭞ᬢᬦ᭄ᬮᬾᬦᬗᬶᬗᬾᬢ᭄ᬝᬂ᭞ᬓᬵᬬᬓᬵᬬᬲᬦ᭄ᬤᬶᬂᬕᬸᬮᬶᬂ᭞ᬮᬯᬦ᭄ᬭᬤᬾᬦ᭄ᬋᬢᬺᬅ
ᬭᬵᬩ᭄᭟ᬬᬦᬢᬸᬭᬹ᭞ᬳᬲᬸᬧ᭄ᬦᬵᬫᬓᬭᬲ᭄ᬫᬶᬦ᭄᭞ᬳᬦᬗ᭄ᬓᭂᬩᬶᬂᬚᬚ᭞ᬳᬦ᭄ᬮᬲ᭄ᬓᬬᬸᬦ᭄ᬓᬭᬰ᭄ᬫᬦ᭄᭞ᬲᬢᬗᬶᬦᬾᬕᬸᬭᬬᬗᬦ᭄᭟ᬩᬸᬮᬲᬳᬦ᭄᭞ᬳᬗ᭄ᬮᬸ
ᬮᬹᬃᬰᬭᬶᬭᬳᬤ᭄ᬥᬶ᭞ᬗᬸᬘᬧ᭄ᬳᬤᬸᬄᬳᭂᬫ᭄ᬩᬵᬦ᭄᭞ᬧᬭᬦ᭄ᬓᬧᭀᬤᬬᬦ᭄ᬫᬫ᭄ᬫᬶ᭞ᬮᬄᬳᬸᬦ᭄ᬤᬗᭂᬦ᭄ᬲᬓ᭄ᬥᬧ᭄᭟ᬭᬤᬾᬦ᭄ᬲᬳᬶᬤ᭄᭞ᬳᬢᭂᬭᬳᬸᬕᬵᬲᬯ᭄ᬗᬶ᭞ᬲᬸᬦ᭄ᬦᭂᬤᭂᬢ
ᬢᬫ᭄ᬩᬵ᭞ᬳᬚᬫ᭄ᬧ᭄ᬬᬦᬶᬂᬗ᭄ᬮᬭᬕ᭄ᬭᬶᬂ᭞ᬳᬶᬩᬵᬳᭂᬫ᭄ᬩᬦ᭄ᬳᬸᬫᬢᬸᬭᬵ᭟ᬤᬸᬄᬭᬢᬸᬫᬵᬲ᭄᭞ᬳᬬᬸᬰᬰᬭᬶᬦᬶᬂᬧᬹᬭᬶ᭞ᬲᬫ᭄ᬧᬸᬦ᭄ᬳᬸᬕᬫᬶᬭᬄ᭞ᬤᬾᬯᬳᬗ᭄ᬮᬫ᭄ᬧᬄ

[᭘ 8A]
ᬢᬦ᭄ᬬᬸᬓ᭄ᬢᬶ᭞ᬢᭂᬫᬄᬭᬸᬰᬓ᭄ᬓᬂᬦᬕᬭᬵ᭟ᬤᬾᬦᬶᬂᬫᬗ᭄ᬓᬶᬦ᭄᭞ᬳᬦ᭄ᬤᬶᬓᬵᬧᬘᬂᬳᬓ᭄ᬭᬰ᭄ᬫᬶᬦ᭄᭞ᬚᭀᬤᭀᬭᬤᬾᬦᬶᬃᬫ᭄ᬫᬦ᭄᭞ᬯᭀᬂᬗ᭄ᬳᬕᬸᬂᬲᬸᬲᬸᬦᬦ᭄ᬕᬸᬫᬶ᭞ᬢᬸᬮᬸᬲ᭄
ᬍᬩᬸᬃᬓᬂᬦᬕᬭᬵ᭟ᬲᬬᬦ᭄ᬓᬾᬯ᭄ᬭᬦ᭄᭞ᬢ᭄ᬯᬲᬾᬭᬳᬤᬾᬦ᭄ᬤᬾᬯ᭄ᬯᬶ᭞᭠ᬳᬫᬦ᭄ᬢᬶᬂᬰᬭᬶᬭ᭞ᬧᬢᬾᬦᭂᬦ᭄ᬫᬦᬶᬭᬩᭂᬩᬶ᭞ᬢᬦ᭄ᬓᬯᬱᬦᬦ᭄ᬤᬂᬩ᭄ᬭᬗ᭄ᬝ᭟ᬕᬕᬸᬮᬶᬗᬾ
᭞ᬧᬶᬦ᭄ᬓᬸᬮᬦ᭄ᬕᬸᬮᬓ᭄ᬕᬸᬮᬶᬓᬸ᭞ᬧᬶᬦ᭄ᬤᬬᬂᬭᬳᬤ᭄ᬬᬦ᭄᭞ᬯᬲ᭄ᬢ᭄ᬭᬲᬶᬜ᭄ᬚᬂᬢᬦ᭄ᬓᬳᬾᬮᬶᬂ᭞ᬫᭂᬜ᭄ᬘᬸᬃᬧᬸᬧᬸᬦᬾᬗᬾᬢ᭄ᬝᬓᬵ᭟ᬕ᭄ᬮᬸᬂᬮᬸᬓᬃ᭞ᬲᬸᬫ᭄ᬬᬃᬕ᭄ᬕᬦ᭄ᬤᬦᬶᬂᬯᬯᬗᬶ᭞ᬧᬵ
ᬦᭀᬭᬓᬳᬾᬢ᭄ᬢᬂ᭞ᬤᬾᬦᬾᬳᬸᬮᬗᬸᬦ᭄ᬢᬦ᭄ᬲᬶᬧᬶ᭞ᬢᬦᬢᬸᬭᬹ᭠ᬢᬦᬢᬥᬄ᭟ᬮ᭄ᬯᬶᬃᬓᬸᬦ᭄ᬤ᭄ᬭᬨ᭞ᬭᬕᬵᬦ᭄ᬦᬶᬭᬲᬂᬲᬸᬧᬸᬢ᭄ᬭᬶ᭞ᬓᬸᬓᬸᬯᬸᬗᬾᬳᬶᬮᬵᬂ [ 9 ][᭘ 8B]
᭗
ᬰᬭᬶᬭᬳᬫᬳᬭᬭᬳᬶ᭟ᬫᬹᬂᬲᬳᬶᬤ᭄ᬳᬸᬘᬧᬶᬂᬤ᭄ᬬᬄ᭟ᬲᬳᬶᬤ᭄ᬩᬬᬵ᭞ᬢᬦᬜ᭄ᬚᬦᬳᬢᬦᬗᬶᬧᬶ᭞ᬩᬵᬬᬢᬦ᭄ᬲᬳᬶᬫ᭄ᬩᬵᬂ᭞ᬤᬾᬦᬾᬳᬸᬮᬗᬸᬦ᭄ᬧ᭄ᬭᬶᬩᬤ᭄ᬥᬶ᭞
ᬮᬄᬢ᭄ᬫᬄᬩ᭄ᬭᬗ᭄ᬝᬢᬰᬶᬭᬵ᭟ᬫᭀᬕᬫᭀᬕ᭞ᬕᬸᬲ᭄ᬢᬶᬫᬶᬍᬢ᭄ᬓᬬᬸᬦ᭄ᬫᬵᬫ᭄ᬫᬶ᭞ᬧᬤᬦ᭄ᬫᬸᬭᬶᬫᬂ᭞ᬫᬗ᭄ᬤᬾᬦᬾᬢᬸᬮᬸᬲ᭄ᬓᬧᬗ᭄ᬕᬶᬄ᭞ᬮ᭄ᬯᬶᬃᬢᬭᬹᬳᭀᬮᬶᬄᬢᬢᬫ᭄ᬩᬵ᭟
ᬓᬵᬬᬳᬹᬮᬫ᭄᭞ᬓᬕ᭄ᬭᬶᬗᬦ᭄ᬢᬦ᭄ᬧᭀᬮᬶᬄᬯᬭᬶᬄ᭞ᬓᬵᬬᬧᬓ᭄ᬱᬶᬢ᭄ᬢᬥᬄ᭞ᬓᬲ᭄ᬬᬰᬶᬄᬢᬦ᭄ᬧᭀᬮᬶᬄᬭᬶᬭᬶᬲ᭄᭞ᬫᬵᬗ᭄ᬓᬦᬵᬳᬢᬹᬃᬓ᭄ᬓᬯᬸᬮᬵ ᭚᭜᭚
ᬧᬗ᭄ᬓᬸᬃ ᭚᭜᭚ ᬳ᭄ᬦᭂᬂᬵᬮ᭄ᬳᬾᬲᬂᬤ᭄ᬬᬄ᭞ᬲᬶᬭᬧᬢᬶᬄᬩᬓ᭄ᬢ᭄ᬬᬃᬦᬶᬓᬂᬯᬶᬦᬃᬡ᭄ᬦᬶ᭞ᬯ᭄ᬭᬸᬄᬲᬂᬧᬸᬢ᭄ᬭᬶᬳᬸᬮᬗᬸᬦ᭄᭞ᬫᬭᬶᬂᬲᬳᬤ᭄ᬭᬳᬤ᭄ᬬᬦ᭄᭞

[᭙ 9A]
ᬕ᭄ᬮᬶᬲ᭄ᬳᬸᬫᬢᬹᬃᬫᬭᬶᬂᬲᬶᬭᬲᬂᬇᬳᬸᬮᬸᬦ᭄᭞ᬫᬶᬯᬄᬫᬭᬶᬂᬭᬤᬾᬦᬶᬃᬫ᭄ᬫᬦ᭄᭞ᬲᬂᬧᬸᬢ᭄ᬭᬶᬓᬋᬧᬶᬂᬲᬳᬶᬤ᭄᭟ᬩᬸᬤᬸᬄᬮᬮᬶᬢ᭄ᬓᬾᬦ᭄ᬭᬕᬵ᭞ᬲ᭄ᬬᬂᬤᬮᬹᬢᬦ᭄ᬧ᭄ᬕᬢ᭄ᬮᬭ
ᬦᬗᬶᬲ᭄᭞ᬫᬗ᭄ᬓᬦᬵᬧᬸᬢ᭄ᬭᬦ᭄ᬲᬂᬧ᭄ᬭᬪᬹ᭞ᬍᬫᬄᬢᬦ᭄‌ᬓ᭄ᬦᬾᬂᬫᬹᬓ᭄ᬢ᭄ᬬ᭞ᬗᬚᬧ᭄ᬳᬳᬚᬧ᭄‌ᬢᬦ᭄ᬧ᭄ᬕᬢ᭄ᬭᬳᬶᬦᬤ᭄ᬤᬮᬸ᭞ᬦᭀᬭᬮ᭄ᬬᬦ᭄ᬓᬂᬳᬶᬦᬸᬘᬧ᭄᭞ᬫᬹᬂᬲᬶᬭᬭᬳ
ᬤ᭄ᬤᬾᬦ᭄ᬲᬳᬶᬤ᭄᭟ᬲᬫᬗ᭄ᬓᬦᬳᬢᬹᬃᬦᬶᬭᬵ᭞ᬲᬶᬭᬧᬢᬶᬄᬫᬢᬹᬃᬭᬶᬂᬗᬶᬤ᭄ᬥᬲᬂᬳᬚᬶ᭞ᬰ᭄ᬭᬷᬪᬸᬚᬵᬍᬗ᭄ᬓᬭᬨ᭄ᬭᬪᬸ᭞ᬓᬮᬶᬦ᭄ᬢᬂᬓᬵᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄᭞ᬫᬭᬶᬂ
ᬲᬳᬶᬤ᭄᭞ᬳᬗᬦ᭄ᬤᬶᬓᬵᬲᬂᬇᬳᬸᬮᬹᬦ᭄᭞ᬳᬗᬧᬵᬳᬶᬃᬫ᭄ᬫᬦ᭄ᬳᬦᬓ᭄ᬳᬶᬗ᭄ᬯᬵᬂ᭞ᬲᬳᬶᬤ᭄ᬫᬮᬫ᭄ᬧᬄᬢᬜᬸᬓ᭄ᬢᬶ᭟ᬗᬯᬾᬤᬸᬃᬫᬶᬢ᭄ᬓᬦᬶᬂᬚᬕᬵᬢ᭄᭞ᬳᬾᬄ [ 10 ][᭙ 9B]
᭘
ᬢᬧᬢᬶᬄᬧᬹᬃᬯ᭄ᬯᬚᬕᬢ᭄ᬤᬾᬦᬕ᭄ᬮᬶᬲ᭄᭞ᬧᬢᭂᬦᭂᬦ᭄ᬲᬳᬶᬤ᭄ᬧᬸᬦᬶᬓᬹ᭞ᬳᬸᬫᬢᬹᬃᬧᬢᬶᬄᬩᬓ᭄ᬢ᭄ᬬᬃ᭞ᬬᬦ᭄ᬫᬗ᭄ᬓᬦᬧᬗᬃᬢ᭄ᬢᬶᬓᬦᬾᬲᬂᬧ᭄ᬭᬪᬸ᭞ᬬᬸᬦ᭄ᬫᭂᬚᬄ
ᬲᬳᬶᬤ᭄ᬭᬳᬤ᭄ᬬᬦ᭄᭞ᬢᬦ᭄ᬯᬗ᭄ᬤᬾᬲᬳᬶᬤ᭄ᬗᭂᬫᬲᬶᬦ᭄᭟ᬲᬯᬸᬲᬾᬲᬳᬶᬤ᭄ᬧᬮᬢᬺ᭞ᬦᭀᬭᬯᬗ᭄ᬤᬾᬕᭂᬫ᭄ᬧᬸᬂᬧᬸᬦᬂᬗᬵᬭᬶ᭞ᬩᬵᬩᬭᬶᬢ᭄ᬫᬳᬦ᭄ᬩᬾᬲᬸᬓ᭄᭞
ᬤᬾᬦᬾᬲᬂᬚᬬᬾᬂᬭᬵᬦ᭞ᬫᬶᬯᬄᬳᬷᬓᬸᬉᬫᬃᬫ᭄ᬫᬬᬵᬢᬧᬸᬓᬸᬮᬸ᭠ᬦ᭄᭞ᬮᬯᬦ᭄ᬦᬃᬬ᭄ᬭ᭄ᬬᬋᬧᬢ᭄ᬫᬵᬚ᭞ᬳᬶᬂᬅᬰ᭄ᬭᬓ᭄ᬤᬾᬯᬶᬓᬸᬭᬾᬲᬶᬦ᭄᭟ᬲᬫᬢᬵ
ᬕᬕᬄᬧᬺᬓᭀᬲ᭞ᬚᬬᬾᬂᬭᬦᬰᬓ᭄ᬕᬶᬢᬶᬦᬾᬓᬕᬶᬭᬶᬕᬶᬭᬶ᭞ᬬᬦ᭄ᬲᬯᬯ᭄ᬯᬶᬢᬧᬸᬓᬸᬮᬸᬦ᭄᭞ᬫᬵᬦ᭄ᬢᬸᬓᬾᬬᬸᬦ᭄ᬳᬦ᭄ᬤᬶᬓᬵ᭞ᬧᬸᬃᬯ᭄ᬯᬵᬚᬕᬢ᭄‌ᬲ

[᭑᭐ 10A]
ᬋᬂᬮᬳᬦ᭄ᬳᬫ᭄ᬩᬵᬧᬸᬓᬸᬮᬸᬦ᭄᭞ᬳᬗ᭄ᬳᬯᬾᬰᬡ᭄ᬥᬶᬳᬸᬧᬵᬬ᭞ᬳᬗᬧᬸᬲ᭄ᬭᬳᬤᬾᬦ᭄ᬲᬳᬶᬤ᭄᭟ᬅᬩᬸᬩᬸᬭᬹᬫᬭᬶᬂᬯᬵᬦ᭞ᬤ᭄ᬭᭀᬧᭀᬦᬾᬫᬫᬗ᭄ᬕᬶᬄᬮᬭᬵ
ᬲᬳᬶᬤ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬮᬸᬲ᭄᭞ᬮᬄᬳ᭄ᬬᬲᬓᬃᬱᬦᬶᬭᬵ᭞ᬧᬢᬶᬄᬓᬭᭀᬳᬫᬶᬢ᭄ᬦᭂᬫ᭄ᬩᬄᬭᬶᬂᬲᬂᬧ᭄ᬭᬪᬹ᭞ᬓᬶᬩᬓ᭄ᬢ᭄ᬬᬃᬯᭀᬂᬢᭀᬢᭀᬲᬦ᭄᭞ᬯᬶ
ᬤᬕ᭄ᬥᬵᬳᬩᬯᬾᬤᭂᬗ᭄ᬓᬷ᭟ᬲᬵᬰᬦᬦᬶᬂᬩᬓ᭄ᬢᬓᬶᬬᬵ᭞ᬢᬦ᭄ᬦᬾᬯᭂᬳᬶᬂᬗ᭄ᬳᬯᬾᬉᬧᬬᬵᬤ᭄ᬓᬶᬮ᭄᭞ᬧᬢᬶᬄᬩᬓ᭄ᬢ᭄ᬬᬃᬓᬵᬂᬯᬶᬤᬸᬯᬸᬲ᭄᭞ᬯᬸᬲ᭄ᬧ᭄ᬭᬧ᭄ᬢᬵᬭᬶᬂᬭᬄ
ᬳᬤ᭄ᬬᬦ᭄᭞ᬧᬢᬶᬄᬫᬢᬹᬃᬤᬸᬄᬤᬾᬯᬭᬢᬸᬧᬸᬓᬸᬮᬸᬦ᭄᭞ᬳᬶᬂᬫᬗ᭄ᬓᬾᬧᬵᬦ᭄ᬓᬃᬬ᭄ᬬᬮᬵᬫ᭞ᬓᬃᬬ᭄ᬬᬦ᭄ᬳᬾᬬᬂᬗ᭄ᬳᬦ᭄ᬤᬶᬓᬵᬲᬶᬗ᭄ᬕᬶᬄ᭟ᬬᬦ᭄ᬲᬯᬯ᭄ᬯᬶᬳᬢᬹᬃ [ 11 ][᭑᭐ 10B]
᭙
ᬅᬫ᭄ᬩᬵ᭞ᬤᬾᬯᬤᬯᭂᬕ᭄ᬫᬩᬸᬩᬸᬭᬹᬳᬶᬂᬯᬦᬤ᭄ᬭᬶ᭞ᬮᬭᬗᬦ᭄ᬳᬾᬬᬂᬧᬸᬓᬸᬮᬸᬦ᭄᭞ᬫᬢᬾᬦᬶᬦ᭄ᬓᬶᬤ᭄ᬤᬂᬫᬜ᭄ᬚᬗᬦ᭄᭞ᬫᬶᬯᬄᬓᬜ᭄ᬘᬶᬮ᭄‌ᬩᬦ᭄ᬢᬾᬂᬓᬢᬄᬫᬭᬶᬂ
ᬕᬸᬦᬹᬂ᭞ᬭᬤᬾᬦ᭄ᬲᬳᬶᬤ᭄ᬮᬶᬦ᭄ᬢᬂᬲᬸᬓᬵ᭞ᬗᬦ᭄ᬤᬶᬓᬵᬭᬶᬂᬧᬵᬭᬫᬦ᭄ᬢ᭄ᬭᬶ᭟ᬳᬾᬰ᭄ᬭᬶᬪᬯᬵᬚᬶᬲᬶᬭᬵ᭞ᬫᬶᬯᬄᬳᬾᬬᬂᬳᭀᬭᬪᬹᬰ᭄ᬭᬷᬭᬹᬫ᭄ᬭᬵᬤᬗᬶᬦ᭄᭞ᬯᬤ᭄ᬯᬵᬭᬹᬫ᭄ᬲᬤ᭄ᬤᬵ
ᬬᬇᬓᬸ᭞ᬩᬸᬓᬶᬓ᭄ᬩᭂᬃᬚ᭄ᬚᬶᬰᬫᬦ᭄ᬢ᭞ᬓᬃᬱᬦᬶᬗ᭄ᬲᬸᬦ᭄‌ᬳᬩᬸᬩᬸᬭᬹᬭᬸᬂᬳᬮᬲ᭄ᬕᬸᬂ᭞ᬧᬢᬶᬄᬧᬸᬃᬯ᭄ᬯᬚᬕᬢ᭄ᬦᭂᬫ᭄ᬩᬵᬄ᭞ᬳᬬ᭄ᬯᬵᬢᬸᬯᬦ᭄ᬯᬮᬂᬗ᭄ᬳᬢ᭄ᬢᬶ᭟ᬓᬵᬯᬸᬮᬩᬵᬂᬩ
ᬭᬶᬢᬸᬯᬸᬦ᭄᭞ᬲᬵᬫ᭄ᬧᬸᬦ᭄ᬲᬫᬶᬲᬺᬕᭂᬧ᭄‌ᬯᬸᬲ᭄ᬘᬸᬫᬯᬶᬲ᭄᭞ᬚᬶᬋᬢ᭄ᬚᬭᬶᬂᬫᬶ᭠ᬯᬄᬢᬫ᭄ᬧᬸᬲ᭄᭞ᬤᬯᭂᬕ᭄ᬦᬶᬓᬵᬧᬗᬾᬭᬦ᭄᭞ᬲᬯᬾᬲᬦᬵᬉᬦ᭄ᬤᬓᬵᬦ᭄ᬲᬫ

[᭑᭑ 11A]
ᬧ᭄ᬢᬾᬂᬲᬵᬫ᭄ᬧᬸᬦ᭄᭞ᬤᬶᬦᬳᬾᬜ᭄ᬚᬂᬩ᭄ᬘᬶᬓ᭄ᬮᬸᬗᬵ᭞ᬲ᭄ᬥᭂᬂᬧᬫᭂᬗ᭄ᬧᭂᬓᬂᬰᬭᬷ᭟ᬢᬦ᭄ᬓᬯᬃᬡ᭄ᬦᬭᬵᬳᬤ᭄ᬬᬦ᭄᭞ᬰᬶᬭᬧᬢᬶᬄᬧᬸᬃᬫ᭄ᬫᬚᬕᬢ᭄ᬯᬶᬦᬦ᭄ᬦᬶ᭞ᬮᬯᬦ᭄ᬧᬢᬶᬄᬩ
ᬓ᭄ᬢ᭄ᬬᬃᬇᬓᬸ᭞ᬢᬦ᭄ᬧ᭄ᬕᬢ᭄ᬳᬕᭂᬡ᭄ᬥᬸᬭᬱᬵ᭞ᬳᬜᬯᬶᬲᬂᬚᬶᬋᬢ᭄ᬚᬭᬶᬂᬫᬶᬯᬄᬢᬫ᭄ᬧᬸᬲ᭄᭞ᬩᬵᬫ᭄ᬩᬂᬯᬾᬢᬦ᭄ᬓᬯᬃᬡ᭄ᬦᬵᬳᬵ᭞ᬯᬤ᭄ᬯᬦᬾᬦᬩᬸᬄᬢ᭄ᬗᭂᬭᬶ᭟ᬜᬸ
ᬲᬸᬧ᭄ᬫᬭᬶᬂᬯ᭄ᬯᬮᬦ᭄ᬢᬕᬵ᭞ᬦᬸᬮ᭄ᬬᬦᬧᬓ᭄ᬯᬤ᭄ᬯᬵᬩᬵᬂᬩᬭᬶᬲᬫ᭄ᬫᬶ᭞ᬲᬵᬳᬶᬲᬶᬦᬶᬂᬗ᭄ᬳᬮᬲ᭄ᬳᬕᬸᬂ᭞ᬲᬫᬶᬧᬤ᭄ᬤᬧᬩ᭄ᬮᬲᬢ᭄᭞ᬓᬶᬤ᭄ᬤᬂᬓᬜ᭄ᬘᬶᬮ᭄‌ᬲᬵᬫ᭄ᬲ
ᬫᬓᬾᬄᬧᬤᬫ᭄ᬮᬬᬸ᭞ᬲᬶᬦᬸᬭᬓᬶᬂᬩᬵᬮᬢᬦ᭄ᬢ᭄ᬭᬵ᭞ᬫ᭄ᬮᬬᬸᬓᬯ᭄ᬭᬶᬦ᭄ᬯᭂᬭᬶᬦ᭄᭟ᬯ᭄ᬯᬾᬦ᭄ᬢᭂᬦ᭄ᬫᬜ᭄ᬚᬗᬦ᭄ᬲᬦᬶᬗ᭄ᬕᬮ᭄᭞ᬭᬹᬧᬦᬶᬧᬸᬦ᭄‌ᬓᬵᬬᬳᬕᬸᬂᬳ [ 12 ][᭑᭑ 11B]
᭑᭐
ᬗᬶᬗ᭄ᬕᬶᬢ᭄᭞ᬫᬦ᭄ᬜ᭄ᬚᬗᬦᬶᬓᬵᬧᬦ᭄ᬮᬚᬸ᭞ᬫᬭᬦᬶᬦ᭄ᬲᬶᬭᬭᬳᬤ᭄ᬬᬦ᭄᭞ᬭᬤᬾᬦ᭄ᬚᬳᬶᬤ᭄‌ᬫᬸᬗ᭄ᬕᬳᬶᬂᬢᬸᬭᬗ᭄ᬕᬵᬳᬰ᭄ᬭᬸᬄ᭞ᬳᬗ᭄ᬭᬸᬫ᭄ᬧᬓ᭄ᬧᬸᬦᬂᬓᬸᬤ᭄ᬥ᭞ᬫᬜ᭄ᬚ
ᬗᬦ᭄ᬩᬶᬦᬸᬭᬸᬕ᭄ᬮᬶᬲ᭄᭟ᬲᬶᬂᬮᬓᬸᬢᬶᬦᬸᬢ᭄ᬲᬧᬵᬭᬦ᭄᭞ᬲᬬᬦ᭄ᬳᬤᭀᬄᬫᬗ᭄ᬓᬾᬭᬳᬤᬾᬦ᭄ᬲᬳᬶᬤ᭄᭞ᬫᬜ᭄ᬚᬗᬦ᭄ᬳᬗᬦ᭄ᬢᭀᬲᬶᬓᬹ᭞ᬬᬵᬢ᭄ᬢᬓᬵᬮᬸᬦ᭄ᬢᬮᬸᬦ᭄ᬢ᭞
ᬳ᭄ᬬᬳᬶᬧᬢᬶᬄᬧᬹᬃᬯ᭄ᬯᬚᬕᬢ᭄ᬓᬂᬯᬶᬦᬸᬯᬸᬲ᭄᭞ᬰᬶᬖᬻᬲᬶᬭᬫᭂᬦ᭄ᬢᬂᬧᬦᬄ᭞ᬮᬶᬫᬹᬢ᭄ᬓᬬᬢ᭄ᬗᬄᬮᬢ᭄ᬭᬶ᭟ᬢᬦ᭄ᬯ᭄ᬭᬸᬄᬮᬓᬸᬦᬾᬮᭀᬃᬯᬾᬢᬦ᭄᭞ᬓᬸᬮᭀᬦ᭄ᬓᬶᬤᬸ
ᬮ᭄‌ᬤᬾᬦᬶᬂᬦᭀᬭᬓᬳᬓ᭄ᬱᬶ᭞ᬭᬳᬤᬾᬦ᭄ᬓᬾᬯᭂᬳᬶᬂᬓᬬᬸᬦ᭄᭞ᬤᬾᬦᬾᬫᬗ᭄ᬕᬶᬄᬲᬸᬗ᭄ᬓᬯᬵ᭞ᬫᬾᬗᬸᬢ᭄ᬲᬶᬭᬵᬳᬶᬗ᭄ᬓᬸᬤ᭄ᬦᬢᬲᬗᬩᬕᬸᬲ᭄᭞ᬳᭀ

[᭑᭒ 12A]
ᬮᬶᬄᬳᬧᬡ᭄ᬥᬓ᭄ᬢᬶᬗ᭄ᬳᬮ᭄᭞ᬮᬵᬯᬦ᭄ᬤᬾᬯ᭄ᬯᬶᬍᬗ᭄ᬓᬰᬭᬷ᭟ᬬᬦ᭄ᬯ᭄ᬭᬸᬄᬲᬸᬓᬵᬳᬫ᭄ᬩᬾᬮᬵ᭞ᬤᬹᬄᬭᬢᬸᬫᬵᬲ᭄ᬦᬶᬤᬾᬯ᭄ᬯᬶᬍᬗ᭄ᬓᬰᬭᬶ᭞ᬢᭀᬦ᭄ᬢᭀᬦᭂᬦ᭄ᬓᬯᬸᬮᬵᬫᬲ᭄ᬓᬸ᭞ᬓᬵ
ᬮᬭᬦ᭄ᬫᬃᬕᬾᬂᬰᬶᬭ᭞ᬬᬦ᭄ᬢᬸᬮᬸᬲᬶᬄᬫᬵᬰᬬᬹᬦᭂᬤᭂᬳᬦᬸᬲᬸᬮ᭄᭞ᬬᬦ᭄ᬲᬫ᭄ᬧᬸᬦ᭄ᬧᭀᬮᬶᬄᬲᭀᬘᬧᬦ᭄᭞ᬲᬋᬂᬦᭂᬫᬹᬳᬮᬵᬩ᭄ᬘᬶᬓ᭄᭟ᬤᬸᬄᬤᬾᬯᬵᬫᬵᬲ᭄ᬥᬾᬯ᭄ᬯᬵ
ᬦᬶᬗ᭄ᬯᬵᬂ᭞ᬬᬦ᭄ᬢᬦ᭄ᬢᬸᬮᬸᬲ᭄ᬅᬯᬶᬪᬵᬯᬵᬓᬭᬶᬫᬹᬓ᭄ᬢᬶ᭞ᬓᬦ᭄ᬢᬸᬦᬳᬦᬾᬂᬦᬵᬕᬦ᭄ᬢᬸᬦ᭄᭞ᬕᬸᬲ᭄ᬢᬶᬳᬫᬶᬧᬗ᭄ᬳᬾᬭᬦ᭄᭞ᬤᬾᬦᬩ᭄ᬘᬶᬓ᭄‌ᬳᬓ᭄ᬭᬫᬵᬧᬸᬢᬺᬫᬵᬤ᭄ᬬᬸᬦ᭄᭞ᬳᬵᬫᬸᬂ
ᬓᬯᬸᬮᬵᬧᬮᬢᬺ᭞ᬲᬯᬶᬚᬶᬯᭀᬂᬢᬦ᭄ᬦᬸᬤᬦᬶ᭟ᬓᬯᬃᬡ᭄ᬦᬲᬶᬭᬲᬵᬂᬦᬣ᭞ᬗᬸᬓᬶᬢ᭄ᬩᭂᬚ᭄ᬚᬶᬫ᭄ᬯᬂᬧ᭄ᬭᬪᬹᬭᬹᬫ᭄ᬭᬵᬤᬗᬶᬦ᭄᭞ᬳᬗᬸᬮᬢ᭄ᬢᬶᬭᬤᬾᬦ᭄ᬲᬸᬦᬸ᭞ᬳᬗᬶᬂ [ 13 ][᭑᭒ 12B]
᭑᭑
ᬦᭀᬭᬓᬧᭂᬦ᭄ᬤᬓ᭄᭞ᬭᬶᬦᬧᬸᬢᬦ᭄‌ᬲᬓ᭄ᬯᬾᬄᬳᬶᬓᬂᬗ᭄ᬳᬮᬲᬕᬸᬂ᭞ᬓᬾᬧ᭄ᬯᬦ᭄‌ᬢ᭄ᬯᬲᬾᬲᬂᬦᬵᬣ᭞ᬳᬗᬸᬮᬢᬶᬭᬤᬾᬦ᭄ᬲᬳᬶᬤ᭄᭟ᬫᬗ᭄ᬓᬾᬯᭀᬂᬩᬵ
ᬩᬭᬶᬲᬫ᭄ᬬᬦ᭄᭞ᬧᬤᬢᬸᬮᬓ᭄ᬱᬯᬶᬚᬶᬢᬦᬓᬭᬶ᭞ᬰ᭄ᬭᬶᬭᬸᬫ᭄ᬭᬵᬤᬗᬶᬦ᭄ᬳᬫᬸᬯᬸᬲ᭄᭞ᬬᬬᬶᬪᬯᬚᬶᬦᬣ᭞ᬓᬤ᭄ᬬᬂᬗ᭄ᬳᬧᬵᬯᭀᬂᬩᬵᬂᬩᬭᬶᬲᬫ᭄ᬬᬫᬵ
ᬦ᭄ᬢᬸᬓ᭄᭞ᬳᬶᬓᬶᬘᬶᬳ᭄ᬦᬦᬶᬂᬗᬸᬧᬵᬬ᭞ᬮᬄᬳ᭄ᬬᬗᭀᬫ᭄ᬩᬮᬶᬩᬵᬂᬩᬵᬭᬶ᭟ᬕᭂᬩᬸᬕ᭄ᬫᬗ᭄ᬓᬾᬕᭂᬩᬸᬭᬦ᭞ᬳᬫᬸᬓᬵᬦᬤᬾᬦ᭄ᬧ᭄ᬭᬧ᭄ᬢᬩᬢᬹᬃᬘᬡ᭄ᬥᬶ᭞ᬳᬚᬵ
ᬢᬳᬗᬸᬘᬧ᭄ᬫᬸᬦ᭄ᬥᬸᬃ᭞ᬲᬶᬗ᭄ᬕᬶᬄᬳᬢᬸᬭᬾᬲᬂᬦᬣᬵ᭞ᬤᬯᭂᬕ᭄ᬫᬗ᭄ᬓᬾᬳᬚᬵᬳᬶᬂᬩᬾᬜ᭄ᬚᬂᬳᬶᬗᬾᬲᬸᬓ᭄᭞ᬧ᭄ᬭᬶᬬᬢ᭄ᬦᬲᬋᬂᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬦᬶᬭᬵ

[᭑᭓ 13A]
ᬢ᭄ᬗᬄᬮᬢ᭄ᬭᬶ᭟ᬲᬓ᭄ᬯᬾᬳᬶᬂᬲᬯᬤ᭄ᬯᬦᬶᬭᬵ᭞ᬚ᭄ᬭᭀᬦᬶᬂᬓᬸᬝᬵᬗᬫᬹᬓᬵᬗᬸᬩᬢ᭄ᬢᬩᬶᬢ᭄᭞ᬩᬵᬂᬩᬭᬶᬓᬕ᭄ᬬᬢ᭄ᬓᬮᬗ᭄ᬓᬸᬂ᭞ᬫᬸᬲᬸᬄᬩᬸᬓᬶᬢ᭄ᬩᭂᬃᬚᬶᬧ᭄ᬭᬧ᭄ᬢᬵ᭞ᬕ᭄ᬮᬶᬲ᭄ᬳᬸ
ᬫᬢᬹᬃᬫᬭᬶᬂᬲᬶᬭᬲᬂᬗ᭄ᬳᬧ᭄ᬭᬪᬹ᭞ᬫᬸᬲᬸᬄᬩᬸᬓᬶᬢ᭄ᬩᭂᬃᬚᬶᬳᬧ᭄ᬭᬵᬂ᭞ᬲᬂᬦᬵᬣᬵᬳᬵᬓᭀᬦ᭄ᬫᭂᬤᬮᬶᬦ᭄᭟ᬲᬯ᭄ᬗᬶᬦᬸᬫ᭄ᬩᬵᬓᬵᬢᬸᬫ᭄ᬩᬵᬓ᭄᭞ᬕᭂᬦ᭄ᬢᭂᬭᬶᬂᬯᭀᬂᬯᬕ᭄ᬓᬾᬲᬸᬲᬸ
ᬦ᭄ᬳᬢᬶᬦ᭄ᬤᬶᬄ᭞ᬓᬵᬂᬲᬸᬭᬓ᭄ᬳᬢ᭄ᬭᬶᬕᬸᬫᬸᬭᬸᬄ᭞ᬳᬬᬸᬤ᭄ᬥᬢ᭄ᬓᬾᬂᬭᬳᬶᬦ᭞ᬩᬸᬓᬶᬢ᭄ᬩᭂᬃᬚᬶᬳᬶᬂᬚᬯᬶᬓᬶᬢ᭄ᬣᬳᬸᬫᬸᬦ᭄ᬥᬸᬃ᭞ᬗ᭄ᬕᬾᬦ᭄ᬬᬳᬫᬕᬸᬢ᭄ᬬᬸᬤ᭄ᬥ᭞ᬢᬦ᭄ᬧ᭄ᬕᬢᬵᬫᬗᬸᬦ᭄ᬚᬸ
ᬭᬶᬢ᭄᭟ᬯᭀᬂᬩᬵᬂᬩᬭᬶᬳᬓ᭄ᬯᬾᬄᬧ᭄ᬚᬄ᭞ᬓᬯᬃᬡ᭄ᬦᬵᬳᬦᬶᬤᬾᬯ᭄ᬯᬶᬍᬗ᭄ᬓᬵᬰᬭᬶ᭞ᬳᬦᬳᬦ᭄ᬤᬂᬩ᭄ᬭᬗ᭄ᬝ᭄ᬳᬸᬮᬗᬸᬦ᭄᭞ᬯ᭄ᬭᬸᬄᬭᬶᬂᬲᬳᬶᬤ᭄ᬭᬳᬤ᭄ᬬ [ 14 ][᭑᭓ 13B]
᭑᭒
ᬦ᭄᭞ᬓ᭄ᬦᬾᬂᬗ᭄ᬳᬧᬸᬲ᭄‌ᬤᬤ᭄ᬥᬶᬳᬢ᭄ᬫᬳᬦ᭄ᬘᬸᬘᬸᬄ᭞ᬳᬗ᭄ᬮᬫ᭄ᬧᬸᬲ᭄ᬢ᭄ᬯᬲᬾᬲᬂᬭᬢ᭄ᬦᬵ᭞ᬲᬸᬓᬵᬳᬫ᭄ᬩᬾᬮᬦᬶᬦ᭄ᬲᬳᬶᬤ᭄᭟ᬅᬗ᭄ᬭᬗ᭄ᬲᬸᬓ᭄ᬓᬧ᭄ᬭᬚᬸᬭᬶᬢ᭄ᬣᬦ᭄᭞ᬢ᭄ᬗᬄᬯ᭄ᬗᬶ
ᬳᬶᬘᬮ᭄ᬲᬸᬓᬶᬂᬚ᭄ᬭᭀᬧᬹᬭᬶ᭞ᬲᬂᬧᬸᬢ᭄ᬭᬶᬳᬃᬱᬳᬦᬸᬲᬸᬮ᭄᭞ᬫᬜ᭄ᬚᬶᬗᬶᬂᬯᬦᬚᭂᬫ᭄ᬩᬃ᭞ᬦᬦ᭄ᬤᬂᬢᬗᬶᬲ᭄‌ᬲᬧᬭᬧᬭᬦᬶᬂᬮᬓᬹ᭞ᬤᬶᬗ᭄ᬓᬾᬦ᭄ᬲᬶᬭᬧ
ᬗᬾᬭᬦ᭄᭞ᬓᬯᬸᬮᬵᬳᬶᬂᬓᬶᬗᬸᬮᬢ᭄ᬣᬶ᭟ᬅᬦ᭄ᬢᭀᬲᬳᬶᬓᬶᬓᬯᬸᬮᬵ᭞ᬢᬦ᭄ᬓᬾᬯᬱᬳᬦᬦ᭄ᬤᬂᬮᬭᬩ᭄ᬭᬗ᭄ᬝᬶ᭞ᬢᭀᬦ᭄ᬢᭀᬦᭂᬦ᭄ᬓᬯᬸᬮᬵᬫᬲ᭄ᬓᬸ᭞ᬉ
ᬭᬶᬧᬵᬢᬯᬧ᭄ᬚᬄ᭞ᬬᬦ᭄ᬓᬧᬗ᭄ᬕᬶᬄᬓᬵᬯᬸᬮᬵᬳᬦᬶᬓᬵᬫᬲ᭄ᬓᬸ᭞ᬲᬹᬦ᭄ᬲᬢ᭄ᬬᬦᬶᬦ᭄ᬳᬸᬭᬶᬧ᭄‌ᬧ᭄ᬚᬄ᭞ᬬᬦ᭄ᬓᬭᬶᬳᬸᬭᬶᬧ᭄ᬭᬶᬩᬤ᭄ᬥᬶ᭟ᬓᬯᬃᬡ᭄ᬦᬯᭀᬂ

[᭑᭔ 14A]
ᬗᬶᬂᬦᬕᬭᬵᬰ᭄ᬭᬷᬪᬸᬨᬣᬶᬫᬶᬯᬄᬧᬸᬢ᭄ᬭᬫ᭄ᬤᬳᬶᬦ᭄᭞ᬓᬢᬸᬃᬳᬶᬮᬂᬭᬤ᭄ᬤᬾᬦ᭄ᬕᬮᬸᬄ᭞ᬯ᭄ᬗᬶᬢᬦᬦᬦᬯ᭄ᬭᬸᬳᬵ᭞ᬭᬤᬾᬦ᭄ᬦᬶᬃᬫ᭄ᬫᬦ᭄‌ᬓᬵᬕ᭄ᬬᬢ᭄ᬓᬬᬸᬦᬾᬳᬗ᭄ᬭᬸᬗᬸ᭞
ᬤᬸᬄᬫᬵᬲ᭄ᬫᬶᬭᬄᬳᬶᬗ᭄ᬲᬸᬦᬶᬮᬂ᭞ᬢᬶᬩᬦᬗᬶᬲ᭄ᬫᬗᬸᬮᬶᬮᬶᬂ᭟ᬢᬦᬾᬮᬶᬂᬭᬶᬂᬓᬳᬾᬭᬗᬦ᭄᭞ᬲᬚᭂᬫ᭄ᬩᬭᬾᬦᬢᬭᬾᬗᬸᬫ᭄ᬧᬕ᭄ᬳᬫ᭄ᬧᬶᬕ᭄᭞ᬫᬮᬄ
ᬭᬾᬫᬳᬂᬳᬍᬫ᭄ᬩᬸ᭞ᬯᭀᬓ᭄ᬩ᭄ᬭᬶᬲ᭄ᬦ᭄ᬬᬲᬶᬗ᭄ᬲᬮ᭄᭞ᬯᬲ᭄ᬢ᭄ᬭᬵᬓᬫ᭄ᬧᬸᬄᬦᬶᬭᬵᬢ᭄ᬯᬶᬲᬾᬢ᭄ᬲᬾᬢ᭄ᬲᬫ᭄ᬧᬸᬦ᭄᭞ᬤᬾᬦᬾᬯᬸᬲ᭄ᬮᬮᬶᬭᬶᬂᬭᬕᬵ᭞ᬕᬸᬫᬸᬭᬸᬄᬢᬗᬶᬲᬾᬂ
ᬧᬸᬭᬶ᭟ᬳ᭄ᬦᭂᬂᬵᬢᬗᬶᬲ᭄ᬢᬯᬃᬡ᭄ᬦᬵᬳ᭞ᬭᬤ᭄ᬤᬾᬦ᭄ᬲᬳᬶᬤ᭄‌ᬳᬦᬦ᭄ᬤᬂᬮᬭᬲ᭄ᬥᬶᬄ᭞ᬲᬧᬭᬦ᭄ᬧᬭᬦᬶᬂᬮᬓᬸ᭞ᬤᬾᬦ᭄ᬳᬫᬗ᭄ᬕᬶᬄᬳᬸᬤ᭄ᬬᬦ᭞ᬢᬢᬫᬦᬦ᭄‌ᬳᬰ᭄ᬭᬷᬓᬸ [ 15 ][᭑᭔ 14B]
᭑᭓
ᬭᬶᬦᬾᬳᬗᬸᬗ᭄ᬕᬸᬮ᭄᭞ᬳᬓᬾᬄᬯᬃᬡ᭄ᬦᬦᬶᬓᬂᬲ᭄ᬓᬃ᭞ᬢᬢᬫ᭄ᬫᬦᬦ᭄ᬧᬸᬢ᭄ᬭᬶᬳᭂᬚᬶᬫ᭄᭟ᬳᬦᭂᬗ᭄ᬕᬶᬄᬦᬕᬭᬵᬦ᭄ᬦᬶᬭᬵ᭞ᬧᬸᬮᭀᬳᬯ᭄ᬭᬶᬢ᭄‌ᬳᬦᬫᬵᬫᬶᬦ᭄ᬢᬸᬰᬭᬶ᭞ᬧᬸᬢ᭄ᬭᬶᬳᭂ
ᬚᬶᬫ᭄ᬓᬮᬶᬄᬳᬶᬓᬹ᭞ᬳᬚᬶᬫ᭄ᬧ᭄ᬭᬶᬢ᭄ᬢᬫᬾᬂᬬᬸᬤ᭄ᬤ᭞ᬦᬶᬤᬾᬯ᭄ᬯᬶᬫᬲ᭄‌ᬫᬺᬣᬯᬵᬢ᭄ᬣᬶᬓᬵᬂᬚᬚᬸᬮᬸᬓ᭄᭞ᬮᬯᬦ᭄ᬤᬾᬯᬶᬫᬺᬣᬲᬭ᭄ᬬ᭞ᬓᬮᬦ᭄ᬦ᭄ᬬᬳᬤ᭄ᬬᬸᬲᬶᬂᬩᬾᬚᬶ ᭚᭜᭚
ᬤᬗ᭄ᬤᬂ ᭚᭜᭚ ᬕᬵᬯᬃᬡ᭄ᬦᬵᬳᬭᬤᬾᬦ᭄ᬓᬢᬯᬦ᭄ᬲᬶᬄ᭟ᬲᬳᬶᬤ᭄ᬭᬳᬤ᭄ᬬᬦ᭄᭞ᬫᬵᬍᬪᬸᬳᬶᬂᬢᬫ᭄ᬫᬦ᭄᭞ᬧᬶᬦ᭄ᬢᬸᬧᬶᬂᬭᭀᬮᬓᬸᬦ᭄ᬦᬾ᭞ᬓᬵᬤᬸᬮᬸᬲᬶ
ᬭᬵᬯᭀᬂᬗ᭄ᬳᬤ᭄ᬬᬸᬲ᭄᭞ᬳᬬᬸᬳᬬᬸᬳᬗᬺᬫᬶᬂᬯᬭᬶᬄ᭞ᬓᬵᬤᬶᬕᬫ᭄ᬩᬵᬃᬯᬯᬗᬸᬦᬦ᭄᭞ᬲᬂᬧᬸᬢ᭄ᬭᬶᬳᬦ᭄ᬥᬸᬮᬹ᭞ᬯᭀᬂᬮᬦᬂᬫᬍᬩᬾᬂᬢᬫ᭄ᬫᬦ᭄᭞

[᭑᭕ 15A]
ᬮᬶᬦ᭄ᬢᬂᬩᬕᬸᬲ᭄᭞ᬯᬸᬦᬸᬗ᭄ᬓᬸᬮ᭄ᬧᬤᬩᬶᬩᬶᬲᬶᬓ᭄᭞ᬯᭀᬂᬲᬓᬶᬂᬇᬓᬶᬩᬬᬵ᭟ᬮᬶᬦ᭄ᬢᬂᬫᬾᬭᬂᬲᬂᬧᬸᬢ᭄ᬭᬶᬳ᭄ᬚᬶᬫ᭄ᬓᬮᬄ᭞ᬤᬾᬦᬾᬲᬵᬫ᭄ᬧᬸᬦ᭄‌ᬓᬢᭀ
ᬦ᭄ᬓᬂᬰᬭᬷᬭ᭞ᬧᬵᬦ᭄ᬳᬤ᭄ᬬᬸᬲ᭄ᬳᬸᬤ᭄ᬤᬦᬶᬋᬓᬾ᭞ᬮᬳᬶᬃᬩᬢᬶᬦ᭄ᬯᬸᬲ᭄ᬯ᭄ᬭᬸᬄ᭞ᬧᬵᬦ᭄ᬯᭀᬂᬇᬓᬶᬳᬶᬂᬭᬕᬦ᭄ᬫᬫ᭄ᬫᬶ᭞ᬳᬫᬸᬯᬸᬄᬢ᭄ᬯᬲᬾᬩ᭄ᬭᬵᬗ᭄ᬢ᭞ᬲᬂᬓᬮᬶᬄᬓᬧᬾ᭠
ᬜ᭄ᬘᬮ᭄᭞ᬫᬍᬰᬢ᭄ᬳᬜᬦ᭄ᬤᬓ᭄ᬯᬵᬲ᭄ᬢ᭄ᬭ᭞ᬧᬤ᭄ᬤᬲᬶᬜ᭄ᬚᬂ᭞ᬳᬗ᭄ᬮᬶᬂᬤ᭄ᬤᬾᬯᬶᬫᬺᬣᬯᬢ᭄ᬣᬶ᭞ᬬᬬᬶᬮᬄᬓᬬᬂᬗ᭄ᬳᬧᬵ᭟ᬳᬶᬂᬢ᭄ᬯᬲ᭄ᬳᬶᬗ᭄ᬲᬸᬦ᭄‌ᬬᬬᬶᬲᬸᬦ᭄ᬯᬭᬳᬶ᭞
ᬦ᭄᭞ᬦᭀᬭᬭᬓ᭄ᬦᬵ᭞ᬧᬶᬦᬶᬦ᭄ᬤᬓᬾᬤ᭄ᬤᬦᬦ᭄᭞ᬦᬶᬫᬺᬣᬲᬭᬶᬲᬯᬸᬭᬾ᭞ᬫ᭄ᬩᭀᬓ᭄ᬫᬦᬶᬭᬢᬸᬫᬹᬢ᭄᭞ᬢ᭄ᬓᬵᬳᬕᬸᬂᬓᬰᬭᬦ᭄‌ᬩ᭄ᬭᬵᬗ᭄ᬝᬶ᭞ᬤᬯᭂᬕ᭄ᬢᬧᬭᬵ [ 16 ][᭑᭕ 15B]
᭑᭔
ᬦᬦ᭞ᬭᬵᬳᬤ᭄ᬬᬦ᭄ᬓᬯᬸᬯᬸᬲ᭄᭞ᬳᬮᬶᬗ᭄ᬕᬶᬄᬲᭀᬃᬦ᭄ᬦᬕᬵᬧᬸᬱ᭄ᬧ᭞ᬲᬂᬤ᭄ᬬᬄᬓᬮᬶᬄ᭞ᬮᬫ᭄ᬧᬄᬳᬳᬫᬭᬧᭂᬓᬶᬦ᭄᭞ᬉᬚᬭᬾᬮᬶᬭᬶᬂᬩᬺᬗ᭄ᬢᬵ᭟ᬇᬄᬯᭀᬂ
ᬮᬦ᭄ᬦᬂᬲᬓᬶᬂᬗᭂᬦ᭄ᬤᬶᬧ᭄ᬭᬧ᭄ᬢᬶ᭞ᬚᬸᬫ᭄ᬭᭀᬚᭀᬕᬵ᭞ᬢ᭄ᬓᬵᬢᬦ᭄ᬤ᭄ᬭᬸᬄᬲᬶᬭ᭞ᬢᬵᬢᬓ᭄ᬭᬫᬵᬳᬶᬂᬗ᭄ᬳᬤ᭄ᬤᬢ᭄ᬢᬾ᭞ᬯᭀᬂᬮᬦᬂᬗ᭄ᬳᬯᬸᬳᬯᬸ᭞ᬦᭀᬭᬯ᭄ᬭᬸᬄᬢᬢᬦᬶᬂᬮᬓᬶ᭞
ᬲᬶᬭᬯᬸᬲ᭄ᬓᭂᬦᬾᬂᬥᬦ᭄ᬥᬵ᭞ᬓᬳᬸᬓᬸᬫᬵᬦ᭄ᬮᬫ᭄ᬧᬸᬲ᭄᭞ᬤᬾᬦᬾᬢᬦᬵᬫᬯ᭄ᬯᬢᬢ᭞ᬭᬤᬾᬦ᭄ᬲᬳᬶᬤ᭄᭞ᬦᬳᬸᬭᬶᬦ᭄ᬯᬘᬦᬫᬵᬦᬶᬲ᭄᭞ᬯᭀᬂᬗᬬᬸᬋ
ᬓᬾᬲᬶᬭᬵ᭟ᬲᬸᬤ᭄ᬯᬭᬳᬶᬦ᭄ᬢᬶᬗ᭄ᬓᬄᬢᬫᬵᬦ᭄ᬯᭀᬂᬍᬯᬶᬄ᭞ᬳᬦᬓ᭄ᬫᬶᬢ᭄᭞ᬳᬶᬂᬓᬸᬭᬶᬯᭀᬂᬮᬦᬂ᭞ᬲᬶᬭᬢᬸᬃᬳᬓᬾᬄᬭᬾᬯᬗᬾ᭞ᬮᬸᬫᬶᬭᬶᬂᬳᬶᬲ᭄ᬢ᭄ᬭᬶᬓᬵ

[᭑᭖ 16A]
ᬓᬸᬂ᭞ᬧᬵᬦ᭄ᬫᬗ᭄ᬓᬦᬢᬶᬗ᭄ᬓᬄᬯᭀᬂᬍᬯᬶᬄ᭞ᬳᬶᬓᬶᬤᬮᬦᬾᬳᬮ᭞ᬧᬵᬤ᭄ᬥᬳᬶᬲ᭄ᬢ᭄ᬭᬶᬳᬤ᭄ᬬᬸᬲ᭄᭞ᬩᬬᬵᬳᬶᬓᬶᬯᬸᬲᬵᬫ᭄ᬫᬬᬵ᭞ᬯᬵᬤᭀᬦ᭄ᬚᬮᬶᬃ᭞ᬳᬶᬂᬫᬗ᭄ᬓᬾ
ᬳᬶᬗ᭄ᬲᬸᬦ᭄ᬯᬲ᭄ᬢᬦᬶᬦ᭄᭞ᬳᬶᬓᬶᬢᬭᬸᬧᬵᬦ᭄ᬦᬶᬭᬵ᭟ᬳᬢᬕᭂᬮᬦ᭄‌ᬲᬯᬸᬭᬾᬧᬸᬢ᭄ᬭᬶᬳ᭄ᬚᬶᬫ᭄᭞ᬫᬶᬦ᭄ᬢᬅᬫ᭄ᬧᬸᬦ᭄᭞ᬗ᭄ᬕᬶᬄᬍᬫ᭄ᬧᬶᬃᬓᬯᬸᬮᬵ᭞ᬲᬓᬶᬂᬗᭂᬦ᭄ᬤᬶᬧᬦ
ᬗ᭄ᬓᬦᬾ᭞ᬅᬫ᭄ᬩᬵᬳᬶᬓᬶᬢᬫ᭄ᬩᬸᬄ᭞ᬫ᭄ᬯᬂᬲᬧᬵᬓᬂᬲᬶᬦᬫ᭄ᬩᬢᬶᬗ᭄ᬲᬶᬄ᭞ᬳᬶᬂᬗᭂᬦ᭄ᬤᬶᬧᬗᬭᬦ᭄ᬢ᭞ᬫ᭄ᬯᬂᬓᬃᬬ᭄ᬬᬦ᭄ᬦᬾᬭᬯᬸᬄ᭞ᬧ᭄ᬭᬧ᭄ᬢᬾᬂᬓᬾᬦᬾᬢᬦ᭄ᬧᬭᬾᬯ᭄ᬯᬂ᭞ᬯᬵᬭ
ᬳᬦ᭞ᬫᬦᬶᬭᬳᬕᬾᬳᬸᬪᬳᬦᬷ᭞ᬳᬶᬗ᭄ᬓᬃᬬ᭄ᬬᬦ᭄ᬤᬶᬓᬵᬢᬸᬯ᭄ᬯᬦ᭄᭟ᬭᬤᬾᬦ᭄ᬲᬳᬶᬤ᭄ᬫᬾᬲᭂᬫᬵᬜᬳᬸᬭᬶᬦ᭄᭞ᬳ᭄ᬬᬵᬳᬶᬗ᭄ᬲᬸᬦ᭄᭞ᬧᬸᬢ᭄ᬭᬦᬾᬯᭀᬂᬫ᭄ᬓᬄ [ 17 ][᭑᭖ 16B]
᭑᭕
ᬲᬶᬰᬳᬶᬤ᭄ᬳᬭᬦᬾᬚᬢᬾᬦ᭄᭞ᬲᬶᬭᬅᬫ᭄ᬱ᭄ᬬᬄᬳᬾᬬᬂᬳᬶᬗ᭄ᬲᬸᬦ᭄᭞ᬓᬵᬂᬚᬸᬫ᭄ᬦᭃᬂᬳᬶᬂᬧᬸᬲᭂᬃᬕᬸᬫ᭄ᬫᬶ᭞ᬅᬗᬺᬢᭂᬧᬸᬦᬂᬚᬕᬢ᭄᭞ᬇᬓᬹᬢᬦ᭄ᬤᬾᬦ᭄ᬯ᭄ᬭᬸᬄ᭞ᬲᬂᬧᬸᬢ᭄ᬭᬶ
ᬦ᭄ᬮᬲᬶᬂᬗ᭄ᬳᬸᬚᬃ᭞ᬦᬶᬭᬓ᭄ᬮᬶᬭ᭄‌ᬤᬹᬄᬤᬾᬯᬭᬳᬤ᭄ᬤᬾᬦ᭄ᬲᬳᬶᬤ᭄᭞ᬳᬵᬫ᭄ᬧᬸᬭᬦᭂᬦ᭄ᬓᬯᬸᬮᬵ᭟ᬓᬬᬂᬗᬧᬵᬓ᭄ᬭᬡ᭄ᬦᬦᬾᬧ᭄ᬭᬶᬩᬤ᭄ᬥᬶ᭞ᬢᬦ᭄ᬧᬭᬾᬯ᭄ᬯᬂ᭞ᬦᬯᬸᬭᬶᬦ᭄ᬭ
ᬳᬤ᭄ᬬᬦ᭄᭞ᬳᬧᬦ᭄ᬳᬶᬂᬳᬧᬸᬲ᭄ᬓᬭᬦ᭄ᬦᬾ᭞ᬓ᭄ᬦᬾᬂᬳᬶᬲ᭄ᬢᬶᬳᬚ᭄ᬭᬢ᭄ᬮᬶᬫᬸᬢ᭄᭞ᬓᬰᬓ᭄ᬢᬾᬦᬾᬲᬶᬭᬧᬢᬶᬄ᭞ᬦᬫᬵᬧᬢᬶᬄᬧᬸᬃᬯ᭄ᬯᬚᬕᬵᬢ᭄᭞ᬳᬶᬂᬩᬵᬂᬩᬭᬶ
ᬳᬶᬓᬹ᭞ᬳᬦᬧᬸᬢ᭄ᬭᬦᬾᬲᬂᬦᬵᬣ᭞ᬅᬓ᭄ᬭᬫᬵᬓᬮᬯᬦ᭄ᬧᬸᬢᬻᬫ᭄ᬤᬳᬶᬦ᭄᭞ᬦᬫᬵᬭᬳᬤᬾᬦᬶᬃᬫ᭄ᬫᬦ᭄᭟ᬧᬸᬢ᭄ᬭᬶᬳᬶᬓᬹᬧᬦ᭄ᬓᬋᬧᬶᬂᬓᬫ᭄ᬫᬶ᭞

[᭑᭗ 17A]
ᬦᬫᬶᬦᬶᬂᬤ᭄ᬬᬄᬍᬗ᭄ᬓᬵᬰᬭᬶᬳᬶᬓᬵ᭞ᬳᬶᬓᬹᬓᬭᬦᬾᬫᬶᬗ᭄ᬓᬾᬦ᭄ᬦᬾ᭞ᬲᬂᬧᬸᬢ᭄ᬭᬶᬓᬵᬭᭀᬫᬢᬹᬃ᭞ᬤᬸᬄᬤᬾᬯᬫᬵᬲ᭄ᬭᬤᬾᬦ᭄ᬲᬳᬶᬤ᭄᭞ᬤᬯᭂᬕ᭄ᬫᬦ᭄ᬢᬸᬓ᭄ᬧᬗᬾ
ᬭᬦ᭄᭞ᬓᬵᬯᬸᬮᬵᬳᬸᬮᬗᬹᬦ᭄᭞ᬲᬋᬂᬓᬮᬶᬄᬜᬦ᭄ᬤᬓᬵᬱ᭄ᬝᬓᬶᬯᬢ᭄ᬩᭃᬦ᭄᭞ᬧᬶᬦ᭄ᬓᬸᬮᬦ᭄ᬳᬶᬗᬭᬲᬶᬦ᭄᭞ᬕᬶᬦᬸᬩ᭄ᬮᬶᬂᬲᬂᬤ᭄ᬬᬄ᭟ᬤᬸᬄᬭᬤᬾᬦ᭄ᬲᬳᬶᬤ᭄ᬢᬫ᭄ᬩᬵᬦᭂᬦ᭄ᬳᬵ
ᬫ᭄ᬩᬵᬩ᭄ᬭᬗ᭄ᬝᬶ᭞ᬳᬶᬂᬩᬾᬲᬸᬓᬾ᭞ᬳᬓᭀᬦ᭄ᬳᬵᬫ᭄ᬩᬳᬧ᭄ᬭᬂ᭞ᬳᬫ᭄ᬲᭂᬄᬤᬾᬯ᭄ᬯᬰᬢ᭄ᬭᬸᬦᬾ᭞ᬢᬦ᭄ᬲᬄᬳᬶᬗᬭᬲ᭄ᬭᬶᬦᬗ᭄ᬓᬸᬮ᭄᭞ᬭᬤᬾᬦ᭄ᬲᬳᬶᬤ᭄ᬓᭂᬤᭂᬄᬢᬦᬵᬧ᭄ᬢᬶ᭞᭠
ᬓᬵᬯᬃᬡ᭄ᬦᬵᬦᬶᬫᬵᬲ᭄ᬭᬢ᭄ᬦᬵ᭞ᬍᬗ᭄ᬓᬵᬰᬭᬶᬇᬓᬹ᭞ᬅᬗᬸᬮᬢ᭄ᬢᬶᬭᬳᬵᬤ᭄ᬬᬦ᭄᭞ᬓᬵᬢᬸᬚᬸᬦᭂᬦ᭄‌ᬧ᭄ᬭᬧ᭄ᬢᬵᬭᬶᬂᬗᬸᬤ᭄ᬬᬦᬰᬭᬶ᭞ᬳᬧᬦ᭄ᬯᬕᭂᬤ᭄ᬳᬗ᭄ᬳᬕᬦᭂ [ 18 ][᭑᭗ 17B]
᭑᭖
᭟ᬲᬓᬶᬂᬮᬸᬯᬸᬃᬓᬢᭀᬦᬺᬤᬾᬦ᭄ᬲᬳᬶᬤ᭄᭞ᬕᬸᬦᬸᬩ᭄ᬮᬵᬦ᭄᭞ᬭᬶᬦᭂᬩᬸᬢ᭄ᬳᬶᬗᬭᬲ᭄᭞ᬯᬦ᭄ᬢᬶᬯᬦ᭄ᬢᬶᬧᬂᬳᬭᬱᬾ᭞ᬲᬂᬧᬸᬢ᭄ᬭᬶᬓᬭᭀᬗᬺᬩᬸᬢ᭄᭞ᬓᬵᬩ᭄ᬭᬵᬳ᭄ᬫᬦ᭄ᬢ᭄ᬬᬦᬶᬍ
ᬗ᭄ᬓᬵᬰᬭᬶ᭞ᬢᬸᬫᬸᬭᬸᬦ᭄ᬲᬃᬯ᭄ᬯᬶᬗᬸᬘᬧ᭄᭞ᬇᬄᬯᭀᬂᬕᬢᭂᬮ᭄ᬳᬶᬓᬹ᭞ᬩᬵᬬᬢᬦ᭄ᬦᬺᬩᬾᬯᬶᬭᬂ᭞ᬯᬵᬤᭀᬦ᭄ᬧᬭᬦ᭄᭞ᬢᬵᬦ᭄ᬓᭂᬦᬾᬂᬭᬗᬦ᭄ᬮᬓᬷ᭞ᬢ᭄ᬓᬵᬳᬗᬻ
ᬩᬸᬢ᭄ᬯᭀᬂᬮᬦ᭄ᬦᬂ᭟ᬧᬸᬢ᭄ᬭᬶᬓᬵᬮᬶᬄᬓᬕ᭄ᬬᬢ᭄ᬳᬵᬦᬶᬗᬮᬶᬦ᭄᭞ᬤᬾᬦᬾᬳᬦ᭞ᬯᭀᬂᬯᬤᭀᬦ᭄ᬧ᭄ᬭᬧ᭄ᬢᬵ᭞ᬳᬗᬯᬸᬳᬯᬸᬳᬸᬚᬭᬾ᭞ᬢᬢᬦ᭄ᬬ
ᬯᭀᬂᬕᬦ᭄ᬤᬮ᭄ᬳᬶᬓᬹ᭞ᬩᬵᬬᬫᬼᬤ᭄ᬲᬶᬭᬦᭀᬦ᭄ᬓᬫᬶ᭞ᬤᬾᬦᬾᬲᬸᬦ᭄ᬳᬗᬭᬲᬵᬭᬲ᭄᭞ᬲᬶᬭᬤᬾᬦᬯ᭄ᬭᬸᬄᬳᬶᬓᬶᬚᬢᬶᬮᬓᬶᬦ᭄ᬦᬶᬭ᭞ᬳᬵᬦ

[᭑᭘ 18A]
ᬯᬸᬭᬦ᭄᭞ᬦᬶᬍᬗ᭄ᬓᬵᬰᬭᬶᬮᬶᬂᬦ᭄ᬬᬭᬶᬲ᭄᭞ᬳᬾᬄᬕᬢᭂᬮ᭄ᬥᬾᬦ᭄ᬢᬯ᭄ᬭᬸᬄᬳᬵ᭟ᬫᬦᬶᬭᬾᬓᬶᬫᬸᬤᬸᬄᬓᬵᬭᬶᬳᬶᬦ᭄᭞ᬓ᭄ᬭᬵᬦᬦᬾ᭞ᬭᬳᬤ᭄ᬬᬦ᭄ᬓᬮᬭᬦ᭄᭞
ᬳᬶᬂᬯᬦᬫᬸᬭᬂᬮᬫ᭄ᬧᬳᬾ᭞ᬳᬧᬦ᭄ᬓᭂᬦᭂᬳᬶᬗᬧᬸᬲ᭄᭞ᬤᬾᬦᬾᬧᬸᬃᬯ᭄ᬯᬚᬕᬢ᭄ᬮᬶᬦᬸᬯᬶᬄ᭞ᬧᬧᬢᬶᬄᬭᬫᬦ᭄ᬦᬶᬭᬵ᭞ᬧᬸᬢ᭄ᬭᬶᬓᬵᬮᬶᬄᬫᬸᬯᬸᬲ᭄᭞ᬬᬵᬦ᭄ᬫᬵ
ᬗ᭄ᬓᬵᬦᬮᬄᬬᬵᬩᬸᬤ᭄ᬥᬮ᭄᭞ᬦᭀᬭᬧᬯᬾᬄ᭞ᬫᬦᬶᬭᬳᬶᬓᬶᬰᬵᬚᬢ᭄ᬣᬶ᭞ᬧᬵᬦ᭄ᬮᬩᭂᬢᬶᬂᬮᬭᬵᬗ᭄ᬳᬦ᭄᭟ᬳᬧᬵᬦ᭄ᬓᭂᬦᭂᬳᬗᭂᬭᬶᬘᬓ᭄ᬱᬳᬶᬤ᭄᭞
ᬬᬦᬫᬵᬓ᭄ᬱ᭞ᬫᬵᬦᬶᬭᬢᬦᬰ᭄ᬭᬄ᭞ᬳᬶᬂᬫᬗ᭄ᬓᬾᬧᬭᬦ᭄ᬓᬋᬧᬾ᭞ᬦᬶᬍᬗ᭄ᬓᬵᬰᬭᬶᬫᬸᬯᬸᬲ᭄᭞ᬲᬸᬦ᭄ᬩᬾᬮᬦᬶᬦ᭄ᬢᭂᬫᬄᬧᬢ᭄ᬣᬶ᭞ᬢᬦ᭄ᬧᬯᬾᬄ [ 19 ][᭑᭘ 18B]
᭑᭗
ᬧᬫᬾᬢ᭄ᬢᬦ᭞ᬓᬭᬦ᭄ᬲᬸᬦ᭄ᬳᬦᬸᬲᬸᬮ᭄᭞ᬫᬦᬶᬭᬯᬦ᭄ᬬᬧᬮᬢᬺ᭞ᬲ᭄ᬭᬸᬄᬳᬗᬺᬩᬢ᭄᭞ᬲᬳᬶᬤ᭄ᬭᬶᬦᭂᬩᬸᬢᬶᬦ᭄᭞ᬯᭀᬮᬶᬄᬧᬸᬢ᭄ᬭᬶᬚᬶᬫ᭄ᬳᬗᬺᬩᬢ᭄
᭚᭜᭚ ᬤᬸᬫ᭄ᬫᬵ ᭚᭜᭚ ᬦᬭᬶᬓ᭄ᬧ᭄ᬤᬂᬦᬶᬍᬗ᭄ᬓᬰᬭᬶᬳᬬᬸᬦ᭄ᬤ᭞ᬫᬺᬣᬯᬢᬶᬳᬂᬳᬯ᭄ᬬᬝᬶ᭞ᬲᬳᬶᬤ᭄ᬧᬶᬦᬮᬵᬬ᭄ᬯᬦ᭄᭞ᬫᬺᬣᬰᬭᬶᬳᬬᬸᬤ᭄ᬤ᭞ᬮᬯᬦ᭄ᬤᬾ
ᬯᬶᬍᬗ᭄ᬓᬵᬰᬭᬶ᭞ᬲᬫᬵᬧᬺᬯᬶᬭᬵ᭞ᬧᬸᬢ᭄ᬭᬶᬚᬶᬫ᭄‌ᬲ᭄ᬫᬸᬓᬕᬶᬗ᭄ᬲᬶᬃ᭟ᬫᬻᬣᬯᬢᬶᬯᬸᬲᬵᬤᭀᬄᬧᬮᬬᭀᬦᬶᬭ᭞ᬳᬗᬶᬂᬦᭀᬭᬓᬳᬓ᭄ᬱᬶ᭞ᬓᬵᬂᬭᬬᬶᬳᬧ᭄ᬭᬂ
᭞ᬳᬶᬂᬕᬕᬡ᭄ᬦᬳᬬᬸᬤ᭄ᬤ᭞ᬫᬗ᭄ᬓᬾᬤ᭄ᬤᬾᬯᬶᬫᬺᬣᬰᬭᬶ᭞ᬢᬦ᭄ᬓᬢᬶᬗ᭄ᬳᬵᬮᬦ᭄᭞ᬤᬾᬦᬾᬮᬮᬓᭀᬦ᭄ᬳᭂᬚᬶᬫ᭄᭟ᬧᬸᬢ᭄ᬭᬶᬳᭂᬚᬶᬫ᭄‌ᬫᬵᬦ᭄ᬢᬸᬓᬶᬂᬦᬕᬭᬦᬶᬭ᭞

[᭑᭙ 19A]
ᬳᬶᬂᬧᬸᬮᭀᬫᬶᬦ᭄ᬢᬸᬰᬭᬶ᭞ᬳᬜᬶᬗᬶᬤ᭄ᬭᬳᬤ᭄ᬬᬦ᭄᭞ᬭᬶᬂᬫᬤ᭄ᬬᬦᬶᬂᬳᬘᬵᬮ᭞ᬲᬋᬂᬳᬗᬭᬲᬵᬭᬲᬶᬦ᭄᭞ᬤᬾᬯᬭᬳᬤ᭄ᬬᬦ᭄᭞ᬕᬸᬲ᭄ᬢᬶᬤᬾᬦ᭄ᬢᬸᬮᬸᬲ᭄ᬳᬵᬰᬶᬄ᭟
ᬳᬢ᭄ᬫᬵᬚᬶᬯ᭄ᬯᬳᬋᬧᬫᬭᬶᬂᬓᬯᬸᬮᬵ᭞ᬳᬚᬵᬫ᭄ᬧ᭄ᬬᬦᬶᬗ᭄ᬮᬭᬕ᭄ᬭᬶᬂ᭞ᬤᬾᬦ᭄ᬢᬸᬮᬸᬲ᭄ᬳᬵᬰᬶᬄᬳᬵ᭞ᬭᬳᬤ᭄ᬬᬦ᭄ᬳᬗᬦ᭄ᬤᬶᬓᬵ᭞ᬤᬸᬄᬫᬲ᭄ᬫᬶᬭᬄᬧᬸᬢ᭄ᬭᬶᬳᭂᬚᬶᬫ᭄᭞ᬲᬵᬫ᭄ᬧᬸᬦ᭄ᬦᬵ
ᬋᬧ᭄ᬘᬶᬢ᭄ᬢᬵ᭞ᬢᬦᬋᬧᬶᬗ᭄ᬲᬸᬦ᭄ᬳᬓ᭄ᬭᬰ᭄ᬫᬶᬦ᭄᭟ᬳᬾᬜ᭄ᬚᬂᬳᬾᬲᬸᬓ᭄‌ᬲᬸᬦ᭄ᬮᬫᬭᬳᬸᬕᬶᬲᬶᬭᬵ᭞ᬳᬾᬫᬦ᭄ᬯᬃᬦ᭄ᬦᬦ᭄ᬫᬲ᭄ᬬᬬᬶ᭞ᬳᬬᬸᬳᬬᬸᬤᬳᬵᬢ᭄᭞ᬲᬸᬦ᭄ᬯᬾᬄᬲᬶᬭᬲ᭄ᬫᬵ
ᬬᬵ᭞ᬳᬚᬵᬲᬶᬭᬫᬗ᭄ᬮᬾᬦ᭄ᬮᬾᬦ᭄᭞ᬤᬹᬄᬬᬬᬶᬳᬫᬵᬲ᭄᭞ᬳᬸᬘᬧ᭄ᬮᬦᬳᬶᬂᬭᬕᬦ᭄ᬫᬫ᭄ᬫᬶ᭟ᬳᬚᬵᬲᬶᬭᬳᬫ᭄ᬓᬸᬮᬵᬳᬯᬓᬶᬗ᭄ᬯᬵᬂ᭞ᬲᬯᬸᬭᬾᬧᬸᬢ᭄ᬭᬶ [ 20 ][᭑᭙ 19B]
᭑᭘
ᬓᬮᬶᬄ᭞ᬤᬸᬄᬤᬾᬯᬭᬳᬤ᭄ᬬᬦ᭄᭞ᬳᬧᬦ᭄ᬮᬶᬦ᭄ᬢᬂᬓᬾᬤ᭄ᬤᬦᬦ᭄᭞ᬳᬸᬧᬫ᭄ᬬᬂᬦ᭄ᬤᬶᬓᬵᬰᬭᬶ᭞ᬅᬫ᭄ᬩᬵᬩ᭄ᬭᬵᬳ᭄ᬫᬭᬵᬢᬦ᭄ᬧ᭄ᬕᬢ᭄ᬳᬗᬶᬲᭂᬧ᭄ᬲᬭᬶ᭟ᬫᬗ᭄ᬓᬾᬤᬾᬯ᭄ᬯᬳ
ᬋᬧᬵᬫᬭᬶᬂᬓᬵᬯᬸᬮᬵ᭞ᬢᬫ᭄ᬩᬦᭂᬦ᭄ᬮᬭᬲ᭄ᬥᬶᬄ᭞ᬲ᭄ᬓᬭᭀᬦ᭄ᬦᬾᬳᬫ᭄ᬩᬵ᭞ᬳᬾᬲᬸᬓ᭄ᬳᬚᬵᬧᬗᬾᬭᬦ᭄᭞ᬭᬶᬂᬭᬡᬗ᭄ᬕᬦᬳᬚᬸᬭᬶᬢ᭄᭞ᬯᬸᬯᬸᬲᬶᬂᬓᬵᬯᬸᬮᬵ᭞ᬢᬦᬾᬫᬦ᭄ᬢᭂᬫᬄ
ᬧᬢ᭄ᬣᬶ ᭚᭜᭚ ᬫᬶᬚ᭄ᬚᬶᬮ᭄ ᭚᭜᭚ ᬓᬵᬯᬃᬡ᭄ᬦᬵᬳᬵ᭞ᬤ᭄ᬤᬾᬯᬶᬍᬗ᭄ᬓᬳᬭᬷ᭞ᬢᬦ᭄ᬯ᭄ᬭᬸᬄᬮᬓᬸᬦᬶᬂᬯᭀᬂ᭞ᬧᬸᬢ᭄ᬭᬶᬚᬶᬫ᭄ᬢᬦ᭄ᬓᬤᬸᬮᬸᬋᬓᬾ᭞ᬳᬰ᭄ᬭᬸᬄᬢᬗᬶᬲᬾᬳ
ᬦᬶᬗ᭄ᬕᬶᬢᬶᬗ᭄ᬕᬶᬢ᭄᭞ᬤ᭄ᬤᬾᬯᬶᬍᬗ᭄ᬓᬵᬰᬭᬶ᭞ᬬᬦᬸᬫᬦ᭄ᬢᬸᬓ᭄ᬢᬦᬧᬸᬭᬸᬦ᭄᭟ᬳ᭄ᬦᭃᬗᬓ᭄ᬦᬵ᭞ᬯᭀᬂᬫᬦᬓ᭄ᬓᬵᬯᬃᬡ᭄ᬦᬶ᭞ᬩᬸᬓᬶᬢ᭄ᬩᭂᬃᬚ᭄ᬚᬶᬋᬓᭀ᭞ᬢᬦ᭄ᬲᬄᬳᬗᬸᬘᬧᬸᬢᬸᬦ᭄ᬦᬾ᭞

[᭒᭐ 20A]
ᬤᬾᬦᬾᬮᬫᬶᬧᬵᬦᭀᬭᬧ᭄ᬭᬧ᭄ᬢᬶ᭞ᬯᭀᬂᬫᬾᬦᬓ᭄ᬦᬩ᭄ᬤᬵᬳᬭᬶᬲ᭄᭞ᬳᬸᬫᬃᬫ᭄ᬫᬵᬬᬳᬶᬂᬗᬸᬢᬸᬲ᭄᭟ᬅᬦᬸᬲᬸᬮᬶ᭞ᬫᬭᬳᬶᬂᬩᬵᬂᬩᬭᬶ᭞ᬳᬗ᭄ᬳᬕᬦᬳᬮᭀᬦ᭄᭞ᬳᬗᬶᬗ᭄ᬓᬸᬮᬶ
ᬳᬮᬲᬵᬕᬸᬂᬋᬓᬾ᭞ᬤᬦ᭄ᬳᬗ᭄ᬭᬸᬗᬸᬲ᭄ᬯᬭᬦ᭄ᬦᬶᬓᬂᬢᬗᬶᬲ᭄᭞ᬓᬵᬂᬲᬶᬦᬫ᭄ᬩᬵᬢ᭄ᬲᬳᬶᬤ᭄᭞ᬓᬵᬕ᭄ᬬᬢ᭄ᬯᬵᬲᬾᬳᬗ᭄ᬭᬸᬗᬸ᭟ᬉᬫᬃᬫᬬᬵ᭞ᬢᬸᬫᬸᬭᬸᬦ᭄ᬳᬵᬕ᭄ᬮᬶᬲ᭄᭞ᬲᬵᬬᬸᬦ᭄ᬧ᭄ᬭᬧ᭄ᬢᬾᬂ
ᬲᭀᬭ᭄᭞ᬤ᭄ᬤᬦᬦᬸᬮᬹᬯᭀᬂᬓᬦ᭄ᬬᬦᬾᬯᬾᬓ᭄᭞ᬳᬮᬸᬗ᭄ᬕᬸᬄᬲᭀᬭᬶᬂᬢ᭄ᬢᬭᬹᬳᬗᬶᬂᬕᬶᬮ᭄᭞ᬢᬸᬫᬸᬗ᭄ᬓᬸᬮ᭄ᬳᬦᬗᬶᬲ᭄᭞ᬦᬸᬮᬶᬳᬦᬯᭀᬭᬂᬮᬸᬗ᭄ᬕᬸᬄ᭟ᬲᬶᬦᬵᬧᬵᬬ᭞
ᬯᭀᬂᬗᭂᬦ᭄ᬤᬶᬤᬾᬯᬳᬶᬓᬶ᭞ᬦᬗᬶᬲ᭄ᬳᬵᬓᭂᬮᬭᭀᬦ᭄᭞ᬫᬭᬶᬂᬗ᭄ᬳᬮᬲ᭄ᬳᬵᬕᬸᬂᬳᭂᬗ᭄ᬕᬾᬦᬾ᭞ᬮᬶᬦ᭄ᬢᬂᬓᬕ᭄ᬬᬢ᭄ᬤᬾᬯᬶᬍᬗ᭄ᬓᬵᬰᬭᬶ᭞ᬳᬦᬯᬸᬭᬶᬦ᭄ᬳᬵᬭᬶᬲ᭄᭞ᬫᬦᬶ [ 21 ][᭒᭐ 20B]
᭑᭙
ᬭᬾᬓᬶᬯᭀᬂᬂᬳᬫᬸᬤᬸᬄ᭟ᬤᬾᬦᬾᬳᬢ᭄ᬫᬦ᭄᭞ᬳᬶᬗ᭄ᬲᬸᬦ᭄ᬭᬤᬾᬦ᭄ᬲᬳᬶᬤ᭄᭞ᬲᬓᬶᬂᬗ᭄ᬳᬭᬵᬩ᭄ᬓᬂᬯᭀᬂ᭞ᬓ᭄ᬦᬾᬂᬳᬶᬗᬧᬸᬰᬶᬫ᭄ᬫᬃᬦ᭄ᬭᬳᬤᬾᬦ᭄᭞ᬤᬾᬦᬾᬳᬶᬗ᭄ᬲᬸᬦ᭄ᬳᬓᬋᬧ
ᬓᬰᬶᬄ᭞ᬮᬦ᭄ᬫᬲ᭄ᬭᬤᬾᬦ᭄ᬲᬳᬶᬤ᭄᭞ᬇᬓᬹᬓᬭᬦᬾᬳᬫᬸᬤᬸᬄ᭟ᬉᬫᬃᬫ᭄ᬫᬵᬬ᭞ᬓᬕ᭄ᬬᬢ᭄ᬳᬗ᭄ᬭᬸᬗᬸᬢᬾᬓᬶ᭞ᬫᬶᬭᬄᬕᬸᬲ᭄ᬢᬶᬦ᭄ᬦᬶᬗᭀᬂ᭞ᬧᬸᬢᬸᬦᬶᬗ᭄ᬲᬸᬦ᭄ᬲᬳᬶᬤ᭄ᬭᬳ
ᬤᬾᬦ᭄᭞ᬮᬄᬳᬶᬂᬫᬗ᭄ᬓᬾᬳᭂᬦ᭄ᬤᬶᬭᬤ᭄ᬤᬾᬦ᭄ᬲᬳᬶᬤ᭄᭞ᬲᬂᬧᬸᬢ᭄ᬭᬶᬦᬯᬸᬭᬶᬦ᭄᭞ᬧᬶᬦᬮᬵᬬ᭄ᬯᬦᬲᬫ᭄ᬧᬸᬦ᭄᭟ᬤᬾᬦᬾᬧᬸᬢ᭄ᬭᬶᬳᭂᬚᬶᬫ᭄ᬓᬂᬓᬓᬮᬶᬄ᭞ᬉᬮᬗᬸᬦ᭄ᬲᬓᬵ
ᬭᭀ᭞ᬧᬶᬦᭀᬦ᭄ᬤᭀᬂᬳᬶᬘᬮᬾᬭᬳᬤᬾᬦ᭄᭞ᬮᬵᬫᭀᬦ᭄ᬤᬶᬓᬵᬧᬸᬢᬸᬭᬤᬾᬦ᭄ᬲᬳᬶᬤ᭄᭞ᬢᬸᬮᬸᬂᬓᬵᬯᬸᬮᬾᬓᬶ᭞ᬫᬗ᭄ᬤᬾᬦᬾᬓᬵᬢ᭄ᬫᬸ᭟ᬉᬫᬃᬫ᭄ᬫᬬᬵ᭞ᬫᬵ

[᭑᭙ 21A]
ᬗ᭄ᬓᬾᬳᬦᬩ᭄ᬤᬳᬭᬶᬲ᭄᭞ᬲᬧᬵᬳᬭᬦ᭄ᬫᬲ᭄ᬳᬶᬗᭀᬂ᭞ᬳᬾᬫᬦ᭄ᬤᬾᬯ᭄ᬯᬳᬶᬂᬳᬬᬸᬯᬃᬡ᭄ᬦᬦᬾ᭞ᬳᬦᬯᬸᬭᬶᬦ᭄‌ᬳᬭᬦᬼᬗ᭄ᬓᬵᬰᬭᬶ᭞ᬦᬵᬕᬭᬵᬩᬵᬂᬩᬭᬶ᭞ᬦᬶᬗ᭄ᬲᬸᬦ᭄ᬧᬸᬢ᭄ᬭ
ᬦᬾᬲᬂᬧ᭄ᬭᬪᬹ᭟ᬩᭀᬚᬵᬍᬗ᭄ᬓᬵᬭ᭞ᬳᬭᬦ᭄ᬦᬾᬪᬹᬨᬣᬶ᭞ᬉᬫᬃᬫ᭄ᬫᬬᬫᬗ᭄ᬓᭀ᭞ᬮᬶᬗᬾᬮᬶᬦᬸᬭᬸᬳᬦ᭄ᬳᭂ+(ᬗ᭄ᬕᬾ)ᬦ᭄ᬦᬾ᭞ᬳᬧᬦ᭄ᬳᭂᬚᬶᬫ᭄‌ᬧᬦᭀᬭᬓᬳᬓ᭄ᬱᬶ᭞ᬳᬾᬫᭂᬂᬵᬢ᭄ᬯ
ᬲᬾᬓᬵᬮᬶᬄ᭞ᬬᬵᬢᬳᬦᬵᬓᬂᬯᬶᬦᬸᬯᬸᬲ᭄᭟ᬧᬸᬢ᭄ᬭᬶᬳᭂᬚᬶᬫ᭄᭞ᬓᬵᬮᬶᬄᬓᬵᬂᬓᬯᬃᬡ᭄ᬦᬶ᭞ᬢᬦ᭄ᬧ᭄ᬕᬢ᭄ᬳᬗᬾᬫᭀᬂ᭞ᬭᬳᬤ᭄ᬬᬦ᭄ᬢᬦ᭄ᬲᬄᬳᬶᬗᬭᬱᬾ᭞ᬳᬗᬦ᭄ᬤᬶᬓᬵᬤᬾ
ᬯᬶᬫᬺᬣᬯᬢ᭄ᬣᬶ᭞ᬮᬤᬶᬫᬺᬣᬰᬭᬶ᭞ᬮᬄᬳ᭄ᬬᬫᬗ᭄ᬓᬾᬮᬸᬫᬓᬹ᭟ᬯᬸᬮᬢ᭄ᬢᬦ᭞ᬲᬸᬦ᭄ᬥᭂᬮ᭄‌ᬍᬗ᭄ᬓᬵᬰᬭᬶ᭞ᬤᬸᬄᬭᬤᬾᬦ᭄ᬫᬲᬶᬗᭀᬂ᭞ᬳᬶᬗ᭄ᬓᬾᬦᬾᬮᬶᬗ᭄ᬕᬶᬳᬾ [ 22 ][᭒᭑ 21B]
᭒᭐
ᬭᬳᬤ᭄ᬬᬦ᭄᭞ᬅᬫ᭄ᬩᬵᬧᬫᬶᬢ᭄ᬲᬓ᭄ᬤᬧ᭄ᬫᬲ᭄ᬕᬸᬲ᭄ᬢᬶ᭟ᬲᬵᬫ᭄ᬧᬸᬦ᭄ᬢᬮᬸᬫᬭᬶᬲ᭄᭞ᬭᬤᬾᬦ᭄‌ᬯᬸᬲ᭄ᬓᬧᬸᬗ᭄ᬓᬸᬃ ᭚᭜᭚ ᬧᬗ᭄ᬓᬸᬃ ᭚᭜᭚ ᬲᬂᬤ᭄ᬬᬄᬓᬮᬶᬄᬳᬗ᭄ᬳᬫ᭄ᬩᬵᬭᬵ᭞
ᬳᬗᬸᬗ᭄ᬓᬸᬮᬶᬦ᭄ᬧ᭄ᬭᬦᬳᬾᬍᬗ᭄ᬓᬵᬰᬭᬶ᭞ᬓᬢᭀᬦ᭄ᬲᬧᬸᬢ᭄ᬭᬶᬳᬮᬸᬗ᭄ᬕᬸᬄ᭞ᬓᬵᬮᬶᬄᬮᬦ᭄ᬳᬸᬫᬃᬫ᭄ᬫᬬᬵ᭞ᬢᭂᬤᬓᬵᬮᭀᬦ᭄‌ᬧᬸᬢ᭄ᬭᬶᬚᬶᬫ᭄ᬗᬤᭂᬕᬶᬂᬧᬸᬗ᭄ᬓᬸᬃ᭞ᬦᬶᬍᬗ᭄ᬓᬵᬰᬭᬶ
ᬢᬸᬫᬶᬗ᭄ᬳᬮ᭄᭞ᬲᬧ᭄ᬭᬧ᭄ᬢᬦᬾᬧᬸᬢ᭄ᬭᬶᬳᬾᬚᬶᬫ᭄᭟ᬤᬾᬯᬶᬍᬗ᭄ᬓᬵᬰᬭᬶᬗᬸᬦᬧ᭄᭞ᬳ᭄ᬬᬳᬶᬓᬶᬳᭂᬚᬶᬫ᭄ᬕᬢᭂᬮ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬳᬸᬫᬃᬫ᭄ᬫᬬᬵᬦᬸᬮᬹ᭞ᬳᬗ᭄ᬮᬶᬂᬯᭀᬂᬗᭃ
ᬦ᭄ᬤᬶᬲᬶᬭ᭞ᬳᬬᬸᬳᬦᭀᬫ᭄᭞ᬮ᭄ᬯᬶᬃᬳᬧ᭄ᬱᬭᬷᬢᬸᬫᬸᬭᬸᬦ᭄᭞ᬧᬸᬢ᭄ᬭᬶᬚᬶᬫ᭄ᬓᬮᬶᬄᬳᬗᬸᬘᬧ᭄᭞ᬢ᭄ᬓᬵᬲᬤ᭄ᬬᬲᬸᬦ᭄ᬫᬭᬾᬓᬶ᭟ᬲᭂᬫ᭄ᬩᬾᬃᬲᬸᬦ᭄ᬤᭂᬮᬶᬗ᭄ᬲᬸᬦ᭄ᬲᬤ᭄ᬬ᭞

[᭒᭒ 22A]
ᬲᬳᬶᬤ᭄ᬧᬾᬳᬶᬗ᭄ᬲᬸᬦ᭄ᬫᬗ᭄ᬓᬾᬦᬸᬢᬸᬢᬶᬦ᭄᭞ᬦᬶᬍᬗ᭄ᬓᬵᬰᬭᬶᬳᬫᬸᬯᬸᬲ᭄᭞ᬲᬃᬯ᭄ᬯᬶᬦᬸᬤᬶᬗᬶᬦ᭄ᬲᬶᬭ᭞ᬳᬜ᭄ᬚᬶᬂᬳᭂᬚᬶᬫ᭄‌ᬧᬬᬸᬳᬧ᭄ᬭᬂᬳᬘᬸᬘᬸᬄ᭞ᬫᬵᬃᬫ᭄ᬫᬬᬵ
ᬳᬮᭀᬩ᭄ᬳᬗᬸᬘᬧ᭄᭞ᬲᬸᬦ᭄ᬢᬢᬦ᭄ᬬᬫ᭄ᬭᬶᬂᬲᬶᬭᬾᬓᬶ᭟ᬳᭂᬦ᭄ᬤᬶᬲᬳᬶᬤ᭄ᬧᬸᬢᬸᬦ᭄ᬦᬶᬗ᭄ᬯᬵᬂ᭞ᬲᬸᬦ᭄ᬢᭂᬩᬸᬲᭂᬦ᭄ᬲᬳᬃᬕ᭄ᬕᬳᬃᬕ᭄ᬕᬦᬾᬓᬶ᭞ᬤᬾᬯᬶᬫᬺᬣᬯᬢᬶᬲᬸᬫᬯᬸᬃ᭞
ᬯᭂᬄᬦᬶᬭᬬᬦᬰ᭄ᬭᬄ᭞ᬓᬃᬱᬦᬶᬗ᭄ᬲᬸᬦ᭄ᬳᬵᬲ᭄ᬯᬫᬶᬮᬦ᭄ᬲᬗ᭄ᬳᬧᬸᬢᬹ᭞ᬲᬸᬦ᭄ᬗᬯᬸᬮᬵᬧᬢᬶᬕ᭄ᬲᬂ᭞ᬳᬶᬂᬭᬕᬦᬾᬭᬤᬾᬦ᭄ᬲᬳᬶᬤ᭄᭟ᬮᬄᬳ᭄ᬬᬮᬶᬗᬾᬉᬫᬃ
ᬫ᭄ᬫᬬᬵ᭞ᬳᬶᬂᬩᬾᬲᬸᬓᬾᬲᬸᬦ᭄ᬮᬫᬭᬲᬶᬭᬾᬓᬶ᭞ᬦᬶᬫᬺᬣᬯᬢᬶᬲᬸᬫᬯᬸᬃ᭞ᬲᬸᬦ᭄ᬯᬢᬭᬫᬵᬦᬯ᭞ᬓ᭄ᬦᬾᬂᬗᬧᬸᬲ᭄‌ᬘᬶᬢᬓᬓᬵᬂᬳᬶᬂᬢ᭄ᬬᬲᬶᬗ᭄ᬲᬸ [ 23 ][᭒᭒ 22B]
᭒᭑
ᬦ᭄᭞ᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄ᬓᬶᬉᬫᬃᬫ᭄ᬫᬬᬵ᭞ᬳᬗ᭄ᬮᬶᬂᬮᬄᬬᬵᬲᬾᬢᬦ᭄ᬳᭂᬚᬶᬫ᭄᭟ᬲᬵᬲᭂᬫ᭄ᬩᬾᬃᬧᬶᬧᬶᬭᬓᬤ᭄ᬥᬃᬦ᭄ᬬ᭞ᬉᬫᬃᬫ᭄ᬫᬬᬵᬳᬦᬭᬶᬓ᭄ᬩᬚ᭄ᬭᬵᬢᬫ᭄ᬧᬶᬃ᭞ᬧᬸᬢ᭄ᬭᬶᬚᬶᬫ᭄ᬳᬫᭂᬦ᭄ᬢᬂ᭞
ᬳ᭄ᬭᬸ᭞ᬳᬦᬭᬶᬓ᭄ᬧ᭄ᬤᬂᬧᬶᬦ᭄ᬤᬂ᭞ᬍᬗ᭄ᬓᬵᬰᬭᬶᬳᬶᬂᬫᬗ᭄ᬓᬾᬳᬧ᭄ᬭᬂᬘᬸᬘᬸᬄ᭞ᬧᬵᬤ᭄ᬥᬳᬭᬸᬓᭂᬢ᭄ᬬᬸᬤ᭄ᬥ᭞ᬲᬸᬤᬸᬓ᭄ᬱᬶᬦᬸᬤᬸᬓᬦ᭄ᬓᬮᬶᬄ᭟ᬲᬂᬤ᭄ᬬᬄᬫᬸᬮᬸᬓᬶᬂᬗᬫ᭄ᬩᬵᬭᬵ᭞ᬍᬯᬶᬄ
ᬧᬺᬯᬶᬭᬵᬲᬂᬧᬸᬢ᭄ᬭᬶᬳᭂᬚᬶᬫ᭄ᬓᬮᬶᬄ᭞ᬩᬶᬦᬦ᭄ᬢᬶᬂᬉᬫᬃᬫ᭄ᬫᬬᬵᬇᬓᬸ᭞ᬕᬶᬩᬵᬳᬶᬂᬫᬤ᭄ᬬᬦᬶᬂᬗ᭄ᬳᬃᬖ᭄ᬕ᭞ᬳᬢᬶᬕ᭄ᬧᬵᬂᬳᬗ᭄ᬳᬕᬡᬫᬮᬶᬄᬳᬰ᭄ᬭᬸᬄ᭞ᬤᬾᬯᬶᬍ
ᬗ᭄ᬓᬵᬰᬭᬶᬳᬬᬸᬤ᭄ᬥ᭞ᬲᬮᬶᬂᬧ᭄ᬤᬵᬂᬯᬦ᭄ᬢᬶᬯᬦ᭄ᬢᬶ᭟ᬫᬸᬯᬸᬄᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄ᬫᬃᬫ᭄ᬫᬬᬵ᭞ᬧᬸᬢ᭄ᬭᬶᬳᭂᬚᬶᬫ᭄ᬲᬓᬭᭀᬦᬾᬩᬶᬦᬦ᭄ᬢᬶᬂ᭞ᬓᬢ᭄ᬬᬸᬧᬶᬂᬫᬭᬸᬢ᭄ᬣᬳᬕᬸᬂ᭞ᬤᬾ

[᭒᭓ 23A]
ᬦᬾᬓᬶᬉᬫᬃᬫ᭄ᬫᬬᬵ᭞ᬧᬸᬢ᭄ᬭᬶᬳᭂᬚᬶᬫ᭄‌ᬳᬗ᭄ᬮᬬᬂᬮᬬᬂᬭᬶᬂᬮᬸᬯᬸᬃ᭞ᬧ᭄ᬭᬧ᭄ᬢᬳᬶᬂᬦᬵᬕᬭᬦ᭄ᬦᬶᬭᬵ᭞ᬦᬫᬵᬯᬸᬮᭀᬫᬶᬦ᭄ᬢᬸᬚᬭᬶ᭟ᬧ᭄ᬭᬪᬹᬚᬶᬫ᭄‌ᬭᬭᬫᬵᬦ᭄ᬦᬶᬭ᭟ᬗᬭᬦ᭄ᬭᬚᬵ
ᬫᬺᬣᬲᬫ᭄ᬩᬵᬭᬍᬯᬶᬄ᭞ᬘᬂᬓ᭄ᬭᬫᬵᬮᬦ᭄ᬧᬢᬶᬄᬳᬶᬧᬸᬦ᭄᭞ᬳᬶᬗᬮᬲ᭄ᬓᬂᬗᬚᭂᬫ᭄ᬩᬃ᭞ᬦᬫᬵᬧᬢᬶᬄᬓᬵᬭᬸᬦ᭄ᬢᬕᬕᬸᬂᬗᬮᬸᬳᬸᬃ᭞ᬳᬦᬸᬮᬹᬧᬸᬢ᭄ᬭᬶᬗ᭄ᬮᬬᬵᬂ᭞
ᬳᬕᬾᬲᬶᬦᬫ᭄ᬩᬸᬢ᭄ᬯᬦ᭄ᬤᬾᬯ᭄ᬯᬶ᭟ᬯᬸᬲ᭄ᬓᭂᬦᬶᬲᬓᬭᭀᬦᬶᬭ᭞ᬢᬶᬦᬓᬾᬦ᭄ᬦᬵᬦ᭄‌ᬤᬸᬫᬢᭂᬂᬲᬓᬶᬂᬳᭂᬦ᭄ᬤᬶ᭞ᬓᬬᬵᬯᭀᬂᬳᬧ᭄ᬭᬂᬧᬸᬧᬸᬄ᭞ᬲᬶᬗ᭄ᬕᬶᬄᬳᬢᬸᬭᬾᬲᬂᬤ᭄ᬬᬄ᭞ᬳᬶ
ᬱ᭄ᬝᬸᬓᬬᬵᬧᬗᬃᬢ᭄ᬢᬶᬓᬵᬦᬾᬲᬂᬨ᭄ᬭᬪᬹ᭞ᬓᬵᬲᭀᬭᬦ᭄ᬫᭂᬲᭂᬄᬯᭀᬂᬗ᭄ᬳᬭᬵᬩ᭄᭞ᬦᬫᬵᬉᬫᬃᬫ᭄ᬫᬬᬳᬶᬓᬶ᭟ᬮᬶᬦ᭄ᬢᬂᬳᬕᬸᬂᬳᬾᬭᬂᬳᬫ᭄ᬩᬵ᭞ᬅᬫ᭄ᬩᬵᬧᬫᬶᬢ᭄ᬫᬮᬶᬄ [ 24 ][᭒᭓ 23B]
᭒᭒
ᬳᬫ᭄ᬲᭂᬄᬚᬸᬭᬶᬢ᭄᭞ᬲᬂᬦᬵᬣᬗᬦ᭄ᬤᬶᬓᬵᬳᬮᬸᬲ᭄᭞ᬧᬭᬵᬦ᭄ᬓᬭᬦᬾᬳᬧ᭄ᬭᬵᬂ᭞ᬳᬢᬹᬃᬦᬶᬭᬵᬩᭀᬦ᭄ᬢᭂᬦ᭄ᬓᬯᬸᬮᬵᬳᬸᬫᬢᬹᬃ᭞ᬓᬵᬯᬸᬮᬳᬫᬓ᭄ᬱᬳᬸᬕᬵ᭞ᬳ
ᬦᭂᬫ᭄ᬩᬄᬳᬫᬶᬢ᭄ᬮᬸᬫᬭᬶᬲ᭄᭟ᬲᬂᬦᬵᬣᬯᬶᬚᬶᬮᬶᬂᬰᬩ᭄ᬤᬵ᭞ᬮᬄᬳ᭄ᬬᬧᬢᬶᬄᬓᬵᬭᬸᬦ᭄ᬢᬕᬵᬮᬸᬫᬭᬶᬲ᭄᭞ᬩᬦ᭄ᬢᭀᬦᭂᬦ᭄ᬫᬗ᭄ᬓᬾᬳᬘᬸᬘᬸᬄ᭞ᬲᬶᬗ᭄ᬕᬶᬄᬳᬢᬹᬃᬓᬵᬭᬹ
ᬦ᭄ᬢᬕᬵ᭞ᬅᬫ᭄ᬩᬵᬗᬶᬭᬶᬂᬧᬗᬃᬢ᭄ᬢᬶᬓᬦᬾᬲᬂᬧ᭄ᬭᬪᬹ᭞ᬧ᭄ᬭᬧ᭄ᬢᬳᬶᬂᬧᬺᬦᬳᬶᬂᬬᬸᬤ᭄ᬥᬵ᭞ᬲᬂᬧᬸᬢ᭄ᬭᬶᬳᬫᬗᬸᬦ᭄ᬚᬸᬭᬶᬢ᭄᭟ᬮᬯᬦ᭄ᬳᬸᬫᬃᬫ᭄ᬫᬬᬵᬳᬧ᭄ᬭᬵᬂ᭞ᬲᬫᬵᬭᬸᬓᭂᬢ᭄ᬧ᭄ᬤᬵᬂᬧᬶᬦ᭄ᬤᬂ
ᬓᬮᬶᬄ᭞ᬧᬢᬶᬄᬚᬭᬹᬦ᭄ᬢᬕᬵᬫᬸᬯᬸᬲ᭄᭞ᬯᭀᬂᬗᬦ᭄ᬤᬧ᭄ᬳᬮᬶᬢ᭄ᬲᬶᬭᬵ᭞ᬳᬱ᭄ᬝᬦᬶᬗ᭄ᬲᬸᬦ᭄‌ᬓᬵᬂᬓᬶᬯᬵᬦᭀᬭᬦᬓᬾᬗ᭄ᬕᬸᬄ᭞ᬳᭀᬮᬶᬄᬩᬶᬦᬦ᭄ᬢᬶᬂᬭᬳᬤ᭄ᬬᬦ᭄᭞

[᭒᭔ 24A]
ᬫᬵᬃᬫ᭄ᬫᬬᬵᬯᬸᬲ᭄ᬢᬶᬩᬾᬂᬲᬶᬝᬶ᭟ᬤᬶᬍᬗ᭄ᬓᬵᬰᬭᬶᬳᬬᬸᬤ᭄ᬥ᭞ᬫᭂᬲᭂᬄᬳ᭄ᬢᬶᬫ᭄ᬓᬭᭀᬫᬗ᭄ᬓᬾᬲᬂᬧᬸᬢ᭄ᬭᬶ᭞ᬩᬶᬦᬦ᭄ᬢᬶᬗᬦ᭄ᬲᬂᬤ᭄ᬬᬄᬳᬬᬹ᭞ᬓᬲᬼᬓᬶᬂᬯᬦᬳᭂᬫ᭄ᬩᬃ᭞
ᬳᬧᬦ᭄ᬫᬗ᭄ᬓᬶᬦ᭄᭞ᬤᬮᬸᬯᬸᬲ᭄ᬳᬧ᭄ᬭᬂᬘᬸᬘᬸᬄ᭞ᬳᬹᬫᬃᬫ᭄ᬫᬬᬵᬅᬭᬃᬭ᭄ᬬᬦ᭄᭞ᬫᬶᬯᬄᬤᬾᬯᬶᬍᬗ᭄ᬓᬵᬰᬭᬶ᭟ᬤᬳᬢ᭄ᬮᬲᬹᬉᬫᬃᬫ᭄ᬫᬬᬵ᭞ᬳᬗᬦ᭄ᬤᬶᬓᬵᬤᬸᬄᬤᬾ
ᬯᬶᬫᬵᬲ᭄[strike]ᬍᬦ᭄ᬓᬵᬰᬭᬷ᭞ᬳᬶᬂᬫᬗ᭄ᬓᬾᬯ᭄ᬗᬶᬫᬵᬲᬬᬹ᭞ᬳᬾᬬᬂᬦᬶᬦᬺ‌ᬲᬓ᭄ᬤᬧ᭄᭞ᬮᬶᬦ᭄ᬢᬂᬗᬭᬶᬧ᭄᭞ᬓ᭄ᬫᬶᬢᭂᬦ᭄ᬳᬶᬬᬂᬳᬢᬸᬭᬹ᭞ᬳᬫᬸᬂᬲᬓ᭄ᬤᬧ᭄ᬓᬾᬯᬮᬵ᭞ᬯᬸᬲ᭄ᬢᬸᬭᬹᬫᬃᬫ᭄ᬫ
ᬬᬵᬦᬸᬮᬶ᭟ᬲᬓᬶᬂᬧ᭄ᬭᬫᬦᬶᬂᬳ᭄ᬬᬂᬲᬹᬓ᭄ᬱ᭄ᬫᬵ᭞ᬧᬸᬢ᭄ᬭᬶᬳ᭄ᬚᬶᬫ᭄‌ᬳᬫᬲᬂᬲᬶᬲᬶᬋᬧ᭄‌ᬍᬯᬶᬄ᭞ᬤᬾᬯᬶᬍᬗ᭄ᬓᬵᬰᬭᬶᬢᬸᬭᬹ᭞ᬓ᭄ᬦᭂᬂᬧᬗᬯᬶᬪᬵᬯ᭞ᬧᬸᬢ᭄ᬭᬶᬳ᭄ᬢᬶᬫ᭄ [ 25 ][᭒᭔ 24B]
᭒᭓
ᬢᬸᬫᬸᬭᬸᬦ᭄ᬮᬦ᭄ᬧᬢᬶᬄᬳᬶᬧᬸᬦ᭄᭞ᬢᬶᬦᬮᬾᬦ᭄ᬓᬶᬉᬫᬃᬫ᭄ᬫᬬᬵ᭞ᬓᬭᬶᬤᬾᬯᬶᬍᬗ᭄ᬓᬵᬰᬭᬶ᭟ᬉᬫᬵᬃᬫ᭄ᬫᬬᬵᬯᬸᬲ᭄ᬩᬶᬦᬓ᭄ᬢᬵ᭞ᬫᬭᬶᬂᬕᬸᬦᬸᬂᬕ᭄ᬯᬵᬚ᭄ᬦᬃᬳᬯ᭄ᬭᬶᬢ᭄᭞ᬤᬾ
ᬯᬶᬍᬗ᭄ᬓᬵᬰᬭᬶᬓᬦ᭄ᬢᬸᬦ᭄᭞ᬫᬸᬮᬵᬕᬶᬦᬯᬾᬕᬸᬬ᭄ᬯᬦ᭄᭞ᬤᬾᬦᬾᬲᬶᬭᬧᬸᬢ᭄ᬭᬶᬚᬶᬫ᭄ᬓᬭᬦᬶᬗ᭄ᬓᬦ᭄ᬢᬸᬦ᭄᭞ᬉᬫᬃᬫ᭄ᬫᬬᬵᬯᬸᬲ᭄ᬩᬶᬦ᭄ᬯᬂ᭞ᬳᬗᬧᬶᬢ᭄ᬫᬮᬾᬮᬰᬦ᭄ᬤᬶ᭟ᬤᬾᬯ᭄ᬯᬶ
ᬍᬗ᭄ᬓᬵᬰᬭᬶᬳᬶᬗ᭄ᬯᬵ᭞ᬢᬶᬦᬶᬂᬳᬮᬦ᭄ᬳᬸᬫᬃᬫ᭄ᬫᬬᬵᬢᬦ᭄ᬓᬭᬶ᭞ᬲᬂᬤᬾᬯᬶᬓᬵᬕ᭄ᬬᬢᬶᬂᬓᬵᬬᬸᬦ᭄᭞ᬫᬮᬶᬄᬧ᭄ᬭᬶᬩᬤ᭄ᬥᬶᬲᬶᬭᬵ᭞ᬓᬵᬯᬃᬡ᭄ᬦᬵᬳᬧᬸᬢ᭄ᬭᬶᬳ᭄ᬚᬶᬫ᭄ᬮᬧᬢᬶᬓᬵ
ᬭᬸᬦ᭄᭞ᬳᬃᬱᬵᬗᬸᬮᬢᬶᬭᬳᬤ᭄ᬬᬦ᭄᭞ᬭᬶᬗ᭄ᬕᬾᬦᬾᬲᬳᬶᬤ᭄‌ᬲᬶᬦᬗᬶᬤ᭄᭟ᬳ᭄ᬦᭂᬂᬵᬫᬗ᭄ᬓᬾᬓᬯᬃᬡ᭄ᬦᬵᬳ᭞ᬯᭂᬦ᭄ᬢᭂᬦ᭄ᬭᬢᬹᬤ᭄ᬤᬦᬯᬵᬕᬸᬂᬳᬗᬶᬗ᭄ᬕᬶᬮ᭄᭞

[᭒᭕ 25A]
ᬳᬶᬂᬂᬳᬮᬲ᭄ᬧᬲᬸᬭ᭄ᬯᬵᬦ᭄ᬭᬯᬸᬄ᭞ᬓᬮᬶᬄᬮᬦ᭄ᬧᬢᬶᬄᬳᬶᬭᬵ᭞ᬤᬾᬢ᭄ᬬᬓᬸᬫ᭄ᬩᬵᬗ᭄ᬓᬭᬳᬭᬦᬾᬲᬂᬧ᭄ᬭᬪᬹ᭞ᬧᬢᬶᬄᬗᬭᬦ᭄ᬩᬸᬝᬵᬤᭀᬕᬦ᭄᭞ᬓᬭᭀᬦ᭄ᬬᬫᬃᬕ᭄ᬕᬾᬂ
ᬗ᭄ᬳᬯ᭄ᬬᬝᬶ᭟ᬲ᭄ᬯᬭᬦ᭄ᬢᬗᬶᬲ᭄ᬓᬭᬸᬗ᭄ᬯᬵᬦ᭄᭞ᬧᬶᬂᬫᬤ᭄ᬬᬦᬶᬂᬓᬵᬗ᭄ᬳᬘᬮᬳᬵᬯ᭄ᬭᬶᬢ᭄᭞ᬲᬂᬤᬾᬢ᭄ᬬᬕ᭄ᬮᬶᬲ᭄ᬢᬸᬫᬸᬭᬹᬦ᭄᭞ᬓ᭄ᬧᬗ᭄ᬕᬶᬄᬲᬶᬭᬭᬳᬤ᭄ᬬᬦ᭄᭞ᬭᬤᬾᬦ᭄ᬲᬳᬶᬤ᭄᭞
ᬢᬦ᭄ᬧ᭄ᬕᬢ᭄ᬳᬦᬳᭂᬦ᭄ᬲᬸᬗ᭄ᬲᬸᬢ᭄᭞ᬲ᭄ᬕᬵᬓ᭄ᬱ᭄ᬕᬵᬓ᭄ᬓᬵᬂᬤ᭄ᬤᬦᬯᬵ᭞ᬇᬄᬯᭀᬂᬘᬶᬮᬶᬓ᭄ᬱᬓᬶᬂᬗᭂᬦ᭄ᬤᬶ᭟ᬯᬭᬳᬦ᭄ᬫᬦᬶᬭᬳᬾᬗ᭄ᬕᬮ᭄᭞ᬮᬶᬦ᭄ᬢᬂᬲ᭄ᬯᬾᬤᬸᬭᬹᬂᬳᬫᬗ᭄ᬕᬶᬄᬪᬸᬓ᭄ᬢᬶ᭞ᬭ
ᬳᬤᬾᬦ᭄ᬲᬳᬶᬤ᭄ᬱᬸᬫᬯᬸᬃ᭞ᬧᬗᬦᭂᬦ᭄ᬦᬶᬭᬬᬓ᭄ᬱ᭞ᬢᬦ᭄ᬓᬲᬦ᭄ᬤᬂᬳᬦᬳᬦ᭄ᬢᬮᬯᬦ᭄ᬦᬶᬗ᭄ᬲᬸᬦ᭄᭞ᬯᭀᬂᬗᬭᬩ᭄ᬳᬶᬓᬶᬫᬦᬶᬭᬵ᭞ᬧᬸᬢ᭄ᬭᬦ᭄ᬧ᭄ᬭᬪᬸᬧᬸᬲᭂᬃᬵ [ 26 ][᭒᭕ 25B]
᭒᭔
ᬪᬹᬫ᭄ᬫᬶ᭟ᬇᬓᬶᬲᬳᬶᬤ᭄ᬦᬫᬦᬶᬭᬵ᭞ᬤᬾᬢ᭄ᬬᬭᬚᬵᬜᬦ᭄ᬤᬓ᭄ᬱᬃᬯ᭄ᬯᬶᬜᭀᬦᭀᬢ᭄ᬢᬶᬦ᭄᭞ᬢᬦ᭄ᬕᬶᬦᬲ᭄ᬭᬳᬤᬾᬦ᭄ᬲᬸᬦᬹ᭞ᬯᬦ᭄ᬢᬶᬯᬦ᭄ᬢᬶᬳᬫᬓ᭄ᬧᬓ᭄᭞ᬮᬦ᭄ᬳᬶᬧᬢᬶᬄᬳ
ᬜᭀᬓᭀᬢ᭄ᬲᬋᬂᬳᬗᬺᬩᬸᬢ᭄᭞ᬢᬵᬗᬶᬦᬲ᭄ᬳᬫᬸᬂᬓᬵᬮᬭᬦ᭄᭞ᬧᬢᬾᬦᭂᬦ᭄ᬫᬦᬶᬭᬬᬓ᭄ᬱᬷ᭟ᬢᬦ᭄ᬓᬯᬰᬦᬦ᭄ᬤᬂᬗᬭᬵ᭞ᬭᬢᬸᬬᬓ᭄ᬱᬵᬳᬗᬸᬘᬧ᭄ᬢᬦ᭄ᬲ
ᬫᬇᬓᬶ᭞ᬲᬓᬾᬳᬶᬂᬚᬵᬦ᭄ᬫᬢᬸᬫᬸᬯᬸᬄ᭞ᬦᭀᬭᬦᬓᬬᬲᬶᬭᬵ᭞ᬇᬱ᭄ᬢᬸᬲᬶᬭᬵᬧᬸᬢᬸᬦᬶᬂᬭᬢᬹᬮᬶᬦᬸᬯᬸᬂ᭞ᬩ᭄ᬘᬶᬓ᭄ᬱᬸᬦ᭄ᬓᬃᬬ᭄ᬬᬦᭂᬦ᭄ᬳᬦᬓ᭄᭞ᬧᬶᬦᬸᬦ᭄ᬥᬸ
ᬢ᭄ᬳᬵᬗᬯ᭄ᬬᬣᬶ᭟ᬓᬯᬃᬡ᭄ᬦᬵᬧᬸᬢ᭄ᬭᬶᬚᬶᬫ᭄ᬧ᭄ᬭᬧ᭄ᬢᬵ᭞ᬲᬤ᭄ᬬᬦᬶᬭᬵᬗᬸᬮᬵᬢ᭄ᬢᬶᬭᬤᬾᬦ᭄ᬲᬳᬶᬤ᭄᭞ᬭᬳᬤ᭄ᬤᬾᬦᭀᬭᬓᬢ᭄ᬫᬸ᭞ᬧᬫᬵᬦ᭄ᬧᬢᬶᬄᬤᬾᬦᬓᭂᬩᬢ᭄

[᭒᭖ 26A]
᭞ᬲᬫᬗ᭄ᬓᬦᬧᬗᬦ᭄ᬤᬶᬓᬦᬾᬢ᭄ᬯᬦ᭄ᬕᬮᬸᬄ᭞ᬫᬭᬳᬶᬂᬧᬫᬶᬤ᭄ᬥᬶᬦᬶᬭᬵ᭞ᬮᬄᬢᬸᬢᬸᬕᭂᬦ᭄ᬧᬸᬦᬂᬬᬓ᭄ᬱᬶ᭟ᬲᬋᬂᬢᬢᬶᬕᬵᬗ᭄ᬳᬕᬵᬦ᭄ᬦᬵ᭞ᬓᬤᬶᬓᬶᬮᬢ᭄‌ᬧᬓ᭄ᬩᬸᬃᬭᬾᬲᬂᬧᬸᬢ᭄ᬭᬶ᭞
ᬤ᭄ᬤᬦᬯᬵᬳᭀᬮᬶᬄᬓᬘᬸᬡ᭄ᬥᬸᬓ᭄᭞ᬧᬸᬢ᭄ᬭᬶᬳ᭄ᬚᬶᬫᬵᬫᬦᬄᬬᬓ᭄ᬱᬓᬭᭀ᭞ᬳᬵᬲ᭄ᬕᬵᬓ᭄ᬱ᭄ᬕᬵᬓ᭄ᬳᬫᬸᬯᬸᬲ᭄᭞ᬗ᭄ᬕᬄᬲᬧᬵᬮᬗ᭄ᬕᬦᬧ᭄ᬭᬧ᭄ᬢᬵ᭞ᬮ᭄ᬯᬶᬃᬥᬾᬗ᭄ᬤᬾᬂᬳᬦᬗ᭄ᬢᬂᬖ᭄ᬦᬶ᭟ᬲᬶᬭᬧ
ᬢᬶᬄᬓᬭᬸᬦ᭄ᬢᬕᬵ᭞ᬗᬸᬜ᭄ᬘᬮ᭄ᬧᬦᬄᬲᬓᬶᬂᬤᭀᬄᬫᬫᬦᬳᬶᬦ᭄᭞ᬧᬵᬦ᭄ᬓᬲᭀᬭᬦ᭄ᬥᬾᬦᬶᬂᬗ᭄ᬳᬫ᭄ᬩᬸ᭞ᬚᬶᬫ᭄ᬫᬫᬸᬲᬸᬄᬤᬾᬢ᭄ᬬ᭞ᬫᬃᬫ᭄ᬫᬦᬶᬭᬵᬲᬂᬧᬸᬢ᭄ᬭᬶᬓᬮᬶᬄᬢᬦ᭄ᬧᬸᬭᬸᬦ᭄᭞
ᬗᬸᬜ᭄ᬘᬮ᭄ᬧᬦᬄᬲᬓᬶᬂᬓᬤᭀᬳᬦ᭄᭞ᬢᬦ᭄ᬓᬯᬱᬭᬸᬓᭂᬢ᭄ᬚᬸᬭᬶᬢ᭄᭟ᬓᬾᬧ᭄ᬯᬵᬦ᭄ᬢ᭄ᬯᬲᬾᬲᬂᬭᬢ᭄ᬦᬵ᭞ᬦᭀᬭᬯ᭄ᬦᬂᬗᬸᬫ᭄ᬩᬵᬮᬶᬦᬦ᭄ᬤᬂᬢᬗᬶᬲ᭄᭞ᬭᬤᬾᬦ᭄ᬲᬳᬶᬤ᭄ᬕᬸ [ 27 ][᭒᭖ 26B]
᭒᭕
ᬲ᭄ᬢᬶᬦᬶᬗ᭄ᬲᬸᬦ᭄᭞ᬤᬶᬗ᭄ᬓᬾᬦ᭄ᬤᬾᬯᬵᬓᬧᭂᬦ᭄ᬥᬓ᭄᭞ᬭᬤᬾᬦ᭄ᬲᬳᬶᬤ᭄‌ᬫᬗ᭄ᬓᬾᬫᬃᬕ᭄ᬕᬵᬦᬶᬭᬮᬫ᭄ᬧᬸᬲ᭄᭞ᬧᬢᬶᬄᬓᬭᬸᬦ᭄ᬢᬕᬵᬦᭂᬫ᭄ᬩᬵᬄ᭞ᬫᬢᬹᬃᬤᬸᬄᬫᬵᬲᬂᬮ᭄ᬯᬶᬃᬭᬢ᭄ᬣᬶᬄ᭟ᬤᬯᭂᬕ᭄ᬥᬾᬯᬧᬫ
ᬦ᭄ᬢᬸᬓᬵ᭞ᬧᬭᬦ᭄ᬬᬸᬦᬾᬭᬵᬫᬲᬂᬰ᭄ᬭᬶᬪᬸᬨᬝᬶ᭞ᬤᬾᬯᬳᬸᬮᬗᬸᬦᬶᬂᬓᬵᬓᬹᬂ᭞ᬲᬂᬧᬸᬢ᭄ᬭᬶᬓᬮᬶᬄᬗᬸᬘᬧ᭄᭞ᬦᭀᬭᬭᬓ᭄ᬦᬵᬳᬦᬦ᭄ᬤᬗᬶᬦ᭄ᬮᬭᬩᬸᬤᬹᬄ᭞ᬳᬗᬸᬃᬲᬸᬦ᭄ᬳᬫ᭄ᬯᬵᬂᬭᬖᬵ᭞ᬧ᭄ᬚᬄ
ᬫᬃᬕ᭄ᬕᬾᬂᬕᬸᬲ᭄ᬢᬶᬲᬳᬶᬤ᭄ ᭚᭜᭚ ᬤᬹᬃᬫ᭄ᬫᬵ ᭚᭜᭚