Ban/Gaguritan Ajar Pikatan

Naskah

[ 1 ]I/01/G/PDKB
86
Nama/Judull: GAGURITAN AJAR PIKATAN=
Panj. 40 cm. Leb. 3,5 cm. Jml. 30 lb.
Asal : Jro Kanginan, Sidemen, kr-asem.
K.1.
PERPUSTAKAAN
KTR. DOKBUD BALI
PROP.BALI
G/I/2/DOKBUD

[᭑ 1A]
G/2/
Nama/Judull: GAGURITAN AJAR PIKATAN=
Panj. 40 cm. Leb. 3,5 cm. Jml. 30 lb.
Asal : Jro Kanginan, Sidemen, kr-asem. [ 2 ][᭑ 1B]
᭑
᭚᭜᭚ ᬧᬸᬄᬕᬶᬦᬵᬤ᭟ᬅᬦᬵᬭᬢᬸᬓᬯᬸᬯᬸᬲᬦ᭄᭞ᬭᬶᬂᬗ᭄ᬳᬚᬵᬃᬧᬶᬓᬢᬦ᭄ᬫᬗ᭄ᬓᬶᬦ᭄᭞ᬫᬤᬸᬯᬾᬳᭀᬓᬲᬧᬸᬮᭀ᭞ᬩᬕᬸᬲᬾᬲᬫ᭄ᬧᬸᬦ᭄ᬫᬦᬸᬮᬸᬲ᭄᭞ᬩᬸᬓᬵᬢ᭄ᬯᬭᬤᬬᬾ
ᬦ᭄ᬧᬤ᭞ᬫᬦᬦ᭄ᬤᬶᬗᬶᬦ᭄᭞ᬢᬸᬳᬸᬫᬹᬃᬢ᭄ᬢᬶᬲᬗ᭄ᬳ᭄ᬬᬂᬲ᭄ᬫᬭ᭟ᬯᬶᬲᬬᬦᬾᬫᬧᬶᬧᬶᬓᬢ᭄᭞ᬫᬩᬩᬸᬭᬸᬫᬭᬶᬂᬯᬸᬓᬶᬭ᭄᭞ᬓᬤᬾᬬᬦ᭄‌ᬗᬶᬭᬶᬂᬓᬮᬗᭀᬦ᭄᭞ᬜᬩ᭄ᬭᬦ᭄ᬤᬶᬦᬵᬫᬩᬩᬸᬭᬸ᭞
ᬳᬓᬾᬄᬧᭀᬮᬶᬄᬩᬩᬸᬭᭀᬦᬦ᭄᭞ᬫᬦ᭄ᬢᬸᬓ᭄‌ᬕ᭄ᬮᬶᬲ᭄᭞ᬲᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬩᬜ᭄ᬘᬶᬗᬄ᭟ᬳᭂᬦᭂᬗ᭄ᬳᬵᬓ᭄ᬦᬧᬸᬦᬶᬓ᭞ᬓᭀᬘᬧᬦ᭄ᬜᬲᬫ᭄ᬧᬸᬦ᭄‌ᬯ᭄ᬗᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬳᬸᬭᭀᬦ᭄
᭞ᬓᬤᬮᭀᬦ᭄‌ᬧᬸᬮᭂᬲ᭄ᬫᬢᬸᬭᬸ᭞ᬓᬤᬾᬬᬦ᭄ᬲᬫᬶᬓᬮᭂᬲ᭄ᬯᬦ᭄᭞ᬧᬤ᭄ᬥᬳᬭᬶᬧ᭄᭞ᬓᭀᬘᬧᬦ᭄ᬲᬫ᭄ᬧᬸᬦ᭄ᬭᬳᬶᬦ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬢᬗ᭄ᬬ᭞ᬦᬦᭂᬂᬩᭂᬗᭀᬂ[strike/]ᬢ[/strike]ᬦᬸᬫᬮᬶᬗ᭄ᬕᬶᬄ᭞

[᭒ 2A]
ᬮᭂᬗ᭄ᬮᭂᬗ᭄ᬓᬗᭂᬦᬶᬂᬧᬢᬸᬭᭀᬦ᭄᭞ᬢᬸᬫᬸᬮᬶᬗᬦ᭄ᬤᬶᬓᬵᬳᬮᬸᬲ᭄᭞ᬧᬸᬢ᭄ᬭᬚ᭄ᬭᬸᬤᬾᬄᬫᬭᬾᬦᬬ᭞ᬕᬢᬶᬕᬢᬶ᭞ᬓᬗᬾᬬᬦ᭄‌ᬲᬫᬶᬫᬵᬭᬾᬓ᭟ᬢᬸᬫᬸᬮᬶᬫᬢᬸᬃᬳᬦᭂᬫ᭄ᬩᬄ᭞ᬤᬸᬄ
ᬤᬾᬯᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬬᬂᬢᬶᬢ᭄ᬬᬂᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬓᬳᬶᬗᬶᬧᬶᬳᬶᬩᬶᬲᬜ᭄ᬚ᭞ᬢᭂᬗᬄᬯ᭄ᬗᬶ᭞ᬜᬗ᭄ᬕ᭄ᬭᬵᬩᬸᬮᬦ᭄ᬯᬯᬸᬫ᭄ᬥᬮ᭄᭟ᬳᬸᬮᬸᬂᬫᬦᭂᬧᬾᬦ᭄ᬧ
ᬩᬶᬦᬦ᭄᭞ᬓᬾᬦ᭄ᬓᬾᬦ᭄ᬓᭀᬚᬭᬜᬚᬦᬶ᭞ᬓᬤᬾᬬ[strike]ᬦ᭄‌ᬳᬸᬫᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬩ᭄ᬘᬶᬓ᭄ᬥᬾᬯᬭᬢᬸ᭞ᬓᭀᬘᬧᬦ᭄ᬜᬮᬶᬗ᭄ᬳᬶᬂᬰᬲ᭄ᬢ᭄ᬭ᭞ᬯ᭄ᬬᬓ᭄ᬢᬶᬩ᭄ᬘᬶᬓ᭄᭞ᬫᬩᬩᬸᬭᬸᬫᬧᬶᬧᬶ᭠
ᬓᬢ᭄᭟ᬭᬳᬦᬾᬶᬸᬤᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬧᬸᬦ᭄ᬢᬵᬓ᭄ᬫᬗᬦ᭄ᬢᬾᬘᬶᬘᬶᬂ᭞ᬚ᭄ᬭᬸᬤᬾᬄᬲᬫᬚᬦᬶᬳᬾᬧᭀᬢ᭄᭞ᬜ᭄ᬫᬓ᭄ᬲᬦᬦ᭄‌ᬦ᭄ᬕᭂᬦ᭄ᬓᬸᬓᬹᬃ᭞ᬮᬾᬦ᭄ᬳᬤ᭄ᬥᬫᬗᬩᭂᬲᬦ᭄ᬤᬢ᭄᭞ᬮᬾᬦ᭄ᬫ [ 3 ][᭒ 2B]
᭒
ᬗᬫ᭄ᬩᬶᬮ᭄᭞ᬤ᭄ᬕᭂᬦ᭄ᬓᬾᬓᬾᬭᬾᬫᬵᬲ᭄ᬯᬭ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬓᬤᬾᬬᬦ᭄ᬲᬸᬫᬺᬕ᭄ᬫᬗᬶᬭᬶᬂ᭞ᬫᬫᬢᬲ᭄ᬕᬸᬦᬸᬂᬓᭀᬭᬶᬧᬦ᭄᭞ᬧᬫᬃᬕ᭄ᬕᬶᬦᬾᬬᭀᬯᬤ᭄ᬥᬦᬭᬸᬂ᭞ᬢᭂᬫᬸᬢ᭄ᬕᬮ᭄ᬫᬜ᭄ᬚᬶᬂᬗ᭄ᬳᬮᬲ᭄᭞
ᬲᬫ᭄ᬧᬸᬦ᭄‌ᬧ᭄ᬭᬵᬧ᭄ᬢᬶ᭞ᬫᬭᬶᬂᬕᬸᬦᬸᬂᬓᬳᬸᬭᬶᬧᬦ᭄᭟ᬲᬸᬳᬸᬂᬓᬾᬜᭂᬂᬫᬭᬶᬂᬳᬮᬲ᭄᭞ᬦᭀᬭᬧᬓ᭄ᬱᬶᬦᬾᬓᬧᬗ᭄ᬕᬶᬄ᭞ᬢᬦᬶᬓᬾᬓᬾᬃᬫᬶᬯᬄᬩᬸᬭᭀᬦ᭄᭞ᬲ᭄ᬧᬶᬤᬶᬳᬮᬲᬾᬫᬗ᭄ᬫᬸᬂ᭞
ᬲᬫ᭄ᬧᬸᬦ᭄‌ᬳᭂᬚᭀᬄᬫᬗ᭄ᬮᬶᬮᬦ᭞ᬦᬸᬚᬸᬲ᭄ᬧᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬭᬭ᭄ᬬᬦ᭄᭟ᬲᬫ᭄ᬧᬸᬦ᭄‌ᬲᬶᬗᬶᬢ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗ᭄ᬮᬶᬂ᭞ᬧᬸᬢ᭄ᬭᬚ᭄ᬭᬸᬤᬾᬄᬓᬳᬶᬳᭀᬳᭀᬦ᭄᭞᭠
ᬓ᭄ᬫᬓᬓᭂᬗ᭄ᬳᬮᬧ᭄ᬓᬸᬯᬸᬤ᭄᭞ᬳᭂᬦ᭄ᬢᭀᬧ᭄ᬦᬾᬓ᭄‌ᬓ᭄ᬫᭂᬳᬾᬗ᭄ᬕᬮᬂ᭞ᬜᬸᬄᬳᬳ᭄ᬯᬶᬢ᭄᭞ᬳᬶᬧᬸᬦ᭄ᬢᬭᬭᬶᬲ᭄ᬫᬚᬮᬦ᭄᭟ᬭᬯᬸᬄᬭᬶᬂᬢᬸᬩᬸᬄᬧᬸᬦᬶᬓ᭞ᬫᬗᬾᬗ᭄ᬕᬮᬂᬫᬦᬮᬶᬢᬶ᭞ᬜᬸᬳᬾᬲ

[᭓ 3A]
ᬦ᭄᭞ᬢ᭄ᬕᭂᬄᬗᬬᭀᬦ᭄᭞ᬳᬸᬮᬳ[strike]ᬗ᭄ᬫᬲᬶᬄᬫᬜ᭄ᬚᬸᬚᬸᬄ᭞ᬗᭂᬦᬄᬢᬶᬗ᭄ᬕᬃᬫᬳᬶᬮᭂᬳᬦ᭄᭞ᬧᬲᬶᬃᬯᬸᬓᬶᬭ᭄᭞ᬓᬸᬤᬾᬦᭀᬭᬦᬩᬓᬢ᭄᭟ᬳᬶᬧᬸᬦ᭄ᬢᬚᭂᬚᭂ[strike]ᬳᬾᬮᬶᬯᬢ᭄᭞ᬢᬸᬯᬸᬦ᭄ᬬᬫ
ᬗ᭄ᬮᬯᬸᬢ᭄‌ᬕ᭄ᬮᬶᬲ᭄᭞ᬳᬗ᭄ᬓᬶᬬᬦᬾᬗᬗ᭄ᬲᬸᬃᬗ᭄ᬢᭀᬃ᭞ᬢ᭄ᬓᭂᬤ᭄‌ᬩ᭄ᬢᬾᬦ᭄ᬧᭂᬮᬸᬄᬓᬸᬘᬸᬢ᭄᭞ᬦᭀᬚᭀᬕ᭄ᬳᬋᬧᬦ᭄‌ᬭᬳᬤ᭄ᬬᬦ᭄᭞ᬫᬢᬹᬃᬕ᭄ᬮᬶᬲ᭄᭞ᬩᭀᬬᬩᬓᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬧᭂᬓᬾᬸᬶᬦ‌
ᬓ᭄ᬢᬶᬢ᭄ᬬᬂᬫᬦᭂᬕᭂᬳᬂ᭞ᬲᬫ᭄ᬧᬸᬦ᭄ᬢᬶᬗ᭄ᬕᬃᬓᬧᬲᬶᬲᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬶᬗ᭄ᬓ᭄ᬬᬮᭀᬦ᭄᭞᭠ᬓ᭄ᬫᬚ᭄ᬭᬸᬤᬾᬄᬗᬮᬧ᭄ᬓᬸᬯᬸᬤ᭄᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬲᬫ᭄ᬧᬸᬦ᭄ᬕᬢᬶ᭞ᬫᬸᬜᬶᬦᬾᬲᬤ᭄ᬥ᭠
ᬩᬚᬶᬕᬃ᭟ᬢᭂᬓᭂᬤ᭄ᬭᬶᬂᬢᬸᬩᬸᬄᬧᬸᬦᬶᬓ᭞ᬳᬾᬧᭀᬢ᭄ᬧᬸᬦ᭄‌ᬚ᭄ᬭᬸᬤᬾᬄᬦᬮᬶᬢᬶ᭞ᬜᬸᬳᬾᬲᬦ᭄ᬢ᭄ᬕᭂᬄᬗᬢᭀᬦ᭄᭞ᬲᬚᬳᬂᬳᬸᬮᬳᬂᬢᬸᬢᬸᬕ᭄᭞ᬚ᭄ᬜ᭄ᬕᬳᬂᬫᬸᬜᬶᬦᬾᬩᬸᬲᬦ᭄᭞ [ 4 ][᭓ 3B]
᭓
ᬢ᭄ᬓᬢ᭄ᬮᬶᬢᬶ᭞ᬧᬶᬦᬄᬧᬳᭂᬓ᭄ᬭᬶᬂᬗᬫ᭄ᬩᬵᬭ᭟ᬲᬗᭂᬢᬗᬶᬸ᭄‌ᬗᭂᬦᬄᬧ᭄ᬭᬯᬸᬚᬯ᭞ᬭᬶᬂᬧᬲᬶᬲᬶᬦ᭄ᬩᬜ᭄ᬯᬗᬶ᭞ᬧᬸᬦ᭄ᬚ᭄ᬭᬸᬤᬾᬄᬚᭂᬚᭂᬄᬫᬗ᭄ᬢᭀᬃ᭞ᬳᬶᬯᬲᬶᬦ᭄ᬕᬸᬦᬸᬗᬾᬳᬢᬸᬧ᭄᭞ᬓᬸᬯᬸᬤᬾᬢ᭄ᬯᬵ
ᬭᬤᬩᬓᬢ᭄᭞ᬢᬸᬯᬸᬦ᭄‌ᬕ᭄ᬮᬶᬲ᭄᭞ᬚ᭄ᬭᬶᬚᬶᬓᭂᬫ᭄ᬩᬸᬂᬢᬗ᭄ᬓᬄᬩᬩᬓ᭄᭟ᬢᭂᬓᭂᬤ᭄‌ᬩ᭄ᬢᬾᬦ᭄ᬲᭂᬗᬮ᭄ᬲᭂᬗᬮ᭄᭞ᬜᬾᬗ᭄ᬓᭀᬮ᭄‌ᬚ᭄ᬭᬶᬚᬶᬦᬾᬳᬸᬧᬶᬦᬶᬦ᭄᭞ᬓᭂᬫ᭄ᬩᬂᬧᬤ᭄ᬥᬧᬓᭂᬮᬾᬶᬸᬧ᭄ᬮᭀᬓ᭄
ᬧ᭄ᬮᭀᬓ᭄᭞ᬳᭂᬦ᭄ᬢᭀᬩᬚᬶᬕᬭᬾᬧᬸᬧᬸ᭞ᬜᬸᬄᬓᬾᬦ᭄ᬓᭂᬦ᭄ᬲᬶᬳᬤ[strike]ᬦ᭄ᬜ᭞ᬮᬶᬯᬢ᭄ᬘᭂᬮᬶᬄ᭞ᬚᬦᬶᬢᬫ᭄ᬧᭂᬓ᭄ᬭᬶᬂᬭᬳᬤ᭄ᬬᬦ᭄᭟ᬢᬸᬫᬸᬮᬶᬫᬢᬸᬃᬳᬦᭂ[strike]ᬫ᭄ᬩᬄ᭞ᬤᬸᬄᬤᬾᬯᬭᬳᬦᬾᬸᬶᬤᬦ᭄ᬫᬦ᭄ᬢ᭄ᬭᬶ᭞
ᬲᬶᬲᬶᬧ᭄ᬢᬶᬢ᭄ᬬᬂᬬᬤ᭄ᬬᬦ᭄ᬧᭀᬗᭀᬃ᭞ᬢᬶᬢ᭄ᬬᬂᬫᬗᬢᬸᬭᬂᬮᬸᬧᬸᬢ᭄᭞ᬓᬗ᭄ᬕᬾᬳᬶᬤᬾᬯᬫᬶᬤᬸᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬧᬓᬳ᭄ᬬᬸᬦᬦ᭄ᬳᬶᬤᬾᬯ᭟ᬩᭀᬬᬩᬓᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬓᬸᬯᬸᬤ᭄

[᭔ 4A]
ᬧᬸᬦᬶᬓᬵᬢ᭄ᬯᬄᬘᭂᬮᬶᬄ᭞ᬢᭂᬕᭂᬳᬾᬲᬫ᭄ᬧᬸᬦ᭄ᬫᬗᬬᭀᬦ᭄᭞ᬓᬢᭀᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬧ᭄ᬭᬢᬸ᭞ᬲᬓᬶᬂᬢ᭄ᬧᬶᬦᬶᬂᬲᬕᬭ᭞ᬩᬜᬸᬯᬗᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᭂᬦᬾᬓᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶ
ᬳᬗᬸᬘᬧ᭄᭞ᬤ᭄ᬧᬂᬓᬳᬶᬫ᭄ᬦᬾᬓ᭄ᬚᬦᬶ᭞ᬢᬸᬫᬸᬮᬶᬫᬫᬃᬕ᭄ᬕᬳᬾᬜ᭄ᬘᭀᬂ᭞ᬧ᭄ᬭᬵᬧ᭄ᬢᬶᬭᬶᬂᬢᬸᬩᬸᬄᬳᬗ᭄ᬭᬗ᭄ᬓᬸᬮ᭄᭞ᬭᬭᬶᬲ᭄ᬳᬶᬚᬸᬗᬫ᭄ᬦᬾᬓᬂ᭞ᬦᬸᬮᬶᬕ᭄ᬮᬶᬲ᭄᭞ᬓᬕᬾᬢ᭄ᬭᬯᬸᬄᬭᬶᬂᬧᬳᬸᬫᬦ᭄᭟
ᬭᬭᬶᬲ᭄‌ᬜᬶᬗᬓᬶᬦ᭄ᬦᬸᬳᬸᬦᬂ᭞ᬢᬦ᭄ᬤ᭄ᬯᬓᬢᭀᬦ᭄ᬩᬾᬚᬶᬗ᭄ᬭᬯᬶᬢ᭄᭞ᬭᬶᬂᬢ᭄ᬗᬄᬳᬮᬲᬾ᭠ᬋᬓᭀ᭞ᬓᬢᭀᬦ᭄ᬳᬦᬓ᭄ᬍᬯᬶᬳᬤ᭄ᬬᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬢᬲᬂ᭞ᬢ᭄ᬯᬄᬳᬲᬶᬓᬶ᭞ᬭ᭠
ᬭᬶᬲ᭄ᬢᬸᬳᬸᬦ᭄ᬫᬗᬾᬗ᭄ᬕᬮᬂ᭟ᬳᬕ᭄ᬮᬶᬲ᭄ᬧ᭄ᬭᬧ᭄ᬢᬫᬭᬶᬂᬮ᭄ᬫᬄ᭞ᬗᭀᬚᭀᬕ᭄ᬢᭂᬂ᭄‌ᬢᬸᬶ᭄ᬧᬸᬶᬦᬸᬶᬧᬶᬦ᭄‌ᬢ᭄ᬮᬕᬕᬶᬮᬶᬲ᭄᭞ᬫᬲᬗᬶᬤᬦ᭄ᬦᬦᭂᬂᬩ᭄ᬗᭀᬂ᭞ᬗᭂᬦᬄᬓᬸᬮᬫ᭄ᬩᬶᬦᬾᬫᬸᬭᬸᬩ᭄᭞ᬳᭂᬗ᭄ᬲᬸᬢ᭄ᬤᬶᬓ [ 5 ][᭔ 4B]
᭔
ᬬᬸᬓᬢ᭄ᬭᬗᬦ᭄᭞ᬦᬸᬮᬶᬓᬫ᭄ᬩᬶᬮ᭄᭞ᬫᬓ᭄ᬮᬶᬤ᭄ᬩᬢᬦ᭄ᬳᬗ᭄ᬲᭀᬓ᭟ᬭᬤᬾᬦ᭄ᬤᬾᬯᬶᬯᬸᬲ᭄ᬫᬲᬸᬭᬫ᭄᭞ᬮᬯᬸᬢ᭄ᬫᬯᬲ᭄ᬢ᭄ᬭᬳᬕ᭄ᬮᬶᬲ᭄᭞ᬚᭂᬫᬓ᭄ᬢᭂᬗ᭄ᬓᬮᬸᬗᬾᬩᭂᬗᭀᬂ᭞ᬓᬸᬮᬫ᭄ᬩᬶᬦᬾᬢ᭄ᬯᬵ
ᬭᬤᬶᬢᬸ᭞ᬭᬲᬦ᭄ᬜᬤᬶᬦᬶᬳᭂᬗ᭄ᬲᬸᬢᬂ᭞ᬢ᭄ᬯᬭᬤᬶᬦᬶ᭞ᬧᬶᬗᭂᬢᭂᬓᬬᬸᬓᬢ᭄ᬭᬗᬦ᭄᭟ᬳᭂᬜᬾᬦ᭄ᬲᬶᬳᬦᬓᬾᬜ᭄ᬚᬸᬯᬂ᭞ᬢ᭄ᬯᬭᬢᬳᬾᬦ᭄ᬳᬦᬓ᭄ᬫᬳᬶ᭞ᬫᬗ᭄ᬓᬶᬦ᭄ᬲᬬᬦᬼᬗᬼᬗᭀᬂ᭞ᬢᬸ
ᬫᬸᬮᬶᬗᬦ᭄ᬤᬶᬓᬲᬯᬸᬤ᭄᭞ᬮᬫᬸᬦ᭄ᬳᬤᬳᬦᬓ᭄ᬗᬸᬮ᭄ᬬᬂ᭞ᬧᬘᬂᬲᬸᬤ᭄ᬥᬶ᭞ᬦᬶᬭᬦ᭄ᬩᬸᬲ᭄ᬳᬸᬮᬶᬳᬵᬃᬢ᭄ᬣ᭟ᬬᬤ᭄ᬬᬦ᭄ᬳᬸᬮᬶᬩᬸᬗ᭄ᬓᬸᬂᬳ᭄ᬫᬲ᭄᭞ᬦᬾᬦᬾᬫᬚᬶᬤ᭄ᬯᬂᬓ᭄ᬢᬷ᭞ᬬᬤ᭄ᬬᬦ᭄ᬩᬸᬗ᭄ᬓᬸᬂᬭᬧᭂᬓ᭄‌ᬋᬓᭀ᭞
ᬦᬶᬭᬲᬸᬓᬵᬧᬘᬂᬦ᭄ᬩᬸᬲ᭄᭞ᬫᬲᬶᬄᬢ᭄ᬯᬭᬵᬤᬫᬗᭂᬦᬄ᭞ᬦᬾᬫᬗᬫ᭄ᬩᬶᬮ᭄᭞ᬫᬮᬶᬄᬲᬳᬸᬤ᭄ᬧᬗᬦ᭄ᬤᬶᬓ᭟ᬳᭂᬜᬾᬦ᭄ᬲᬶᬳᬦᬓᬾᬜᬸᬯᬂ᭞ᬬᬦ᭄ᬫᬦᬸᬱ᭄ᬲ᭄ᬬᬦ᭄ᬪᬝᬭᬶ᭞ᬲᬸᬓᬢᬶᬢ᭄ᬬᬂᬧ

[᭕ 5A]
ᬘᬂᬢᬸᬭᭀᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬢᬶᬢ᭄ᬬᬂᬗᬫ᭄ᬩᬸᬮ᭄ᬳᬢ᭄ᬫᬚᬶᬯ᭞ᬭᬤᬾᬦ᭄ᬤᬾᬯᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄ᬳᬶᬘ᭄ᬙ᭟ᬳᬶᬤᬾᬯᬫᬗᬸᬭᬶᬧ᭄ᬢᬶᬢ᭄ᬬᬂ᭞ᬤᬹᬄᬫᬲ᭄ᬫᬶᬭᬄᬭᬤᬾᬦ᭄ᬤᬾᬯᬶ᭞ᬤᬸ
ᬭᬸᬲ᭄ᬳᬶᬘ᭄ᬙᬦᬾᬫᬰᬶᬗᭀᬂ᭞ᬳᬫᬸᬧᬸᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬤᬭᬶᬰᬹᬧ᭄ᬭᬪᬳᬗᬸᬘᬧ᭄᭞᭠ᬯᭀᬂᬧᬸᬦᬧᬶ᭞ᬢᬶᬢ᭄ᬬᬂᬯᭀᬂᬗ᭄ᬳᬚᬃᬳᬶᬓᬢᬦ᭄᭟ᬥᬭᬶᬰᬹᬧ᭄ᬭᬪᬗᬦ᭄ᬤᬶᬓ᭞ᬲᬸᬤ᭄ᬭᬬᭀᬦ᭄
ᬢ᭄ᬯᬄᬳᬦᬓᬼᬯᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬶᬂᬦ᭄ᬬᬵᬮᭀᬦ᭄᭞ᬢᬶᬢ᭄ᬬᬂᬳᭀᬓᬦᬶᬤᬲᬂᬧ᭄ᬭᬪᬹ᭞ᬫᬦ᭄ᬢ᭄ᬭᬶᬦᬶᬂᬳᬸᬶᬗ᭄ᬳᬚᬃᬧᬶᬓᬢᬦ᭄᭞ᬢᬶᬢ᭄ᬬᬂᬧᬮᬶᬂ᭞ᬫᬩᬩᬸᬭᬸᬢᬦ᭄ᬕᭀᬮᬶᬳ᭟ᬤᬸᬭᬸᬲᬂᬳᬶ
ᬘ᭄ᬙᬦᬾᬫᬶᬭᬄ᭞ᬫᬗᬸᬭᬶᬧ᭄ᬯᭀᬂᬗ᭄ᬓᬯ᭄ᬮᬲ᭄ᬳᬲᬶᬄ᭞ᬲᬓᬤᬶᬳᬸᬚᬃᬫᬰᬶᬗᭀᬂ᭞ᬫᬲᬗ᭄ᬕᬸᬧ᭄ᬦᬸᬭᭀᬦᬶᬦ᭄ᬮᬫ᭄ᬧᬸᬲ᭄᭞ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬳᬤᬸᬄᬩ᭄ᬮᬶ᭞ᬦᬗᬶᬂᬳ᭄ᬥᬫ [ 6 ][᭕ 5B]
᭕
ᬗ᭄ᬯᬾᬭᬬᬂ᭟ᬢᬶᬢ᭄ᬬᬂᬢ᭄ᬯᬄᬫᬲᬗ᭄ᬕᬸᬧ᭄ᬲᬸᬓ᭞ᬩᬋᬂᬮᬫ᭄ᬧᬸᬲ᭄‌ᬢ᭄ᬓᬾᬦ᭄ᬩᭂᬮᬶ᭞ᬦᬗᬶᬂ᭠ᬢᬾᬳ᭄ᬦᬸᬫᬓ᭄ᬮᭀ᭞ᬧᬢᬧᬬᬂᬤᬶᬦᬶᬫᬮᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬗᬭᬲ᭄ᬗᬫ᭄ᬩᬶᬮ᭄᭞ᬓᬤ᭄ᬥᬶ
ᬫᬤᬸᬶᬥᬹᬫᬯᭀᬃᬕᬸᬮ᭟ᬢᬦ᭄ᬲᬄᬭᬤᬾᬦ᭄ᬫᬦ᭄ᬢ᭄ᬭᬶᬗᬭᬲ᭄᭞ᬢᬮᬳᭂᬃᬗᬫᬸᬜᬶᬦᬶᬦ᭄ᬫᬦᬶᬲ᭄᭞ᬤᬹᬄᬤᬾᬯᬭᬢᬸᬫᬲ᭄ᬳᬶᬗᭀᬂ᭞ᬧᬸᬧᬸᬢᬂᬳᬶᬘ᭄ᬙᬦᬾᬭᬢᬸ᭞ᬤᬾᬯᬶᬰᬹᬧ᭄ᬭᬪᬗᬦ᭄ᬤᬶᬓ
᭞ᬳᬤᬸᬄᬩ᭄ᬮᬶ᭞ᬓᬸᬮᬫ᭄ᬩᬶᬦ᭄ᬢᬶᬢ᭄ᬬᬂᬗᬾᬳᬸᬮ᭄ᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬦᬶᬓᬶᬳᬫ᭄ᬩᬶᬮ᭄ᬭᬤᬾᬦ᭄ᬤᬾᬯᬶ᭞ᬭᬤᬾᬦ᭄ᬕᬾᬮᬸᬄᬜᬸᬫ᭄ᬧᬸᬢ᭄ᬳᬮᭀᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬓᬸᬮ᭄ᬫᬢᬸᬭ᭄᭞
ᬢᬶᬢ᭄ᬬᬂᬦᬸᬦᬲ᭄ᬘᬶᬭᬶᬦ᭄ᬢ᭄ᬭᬲᬸᬶᬱ᭄ᬩ᭞ᬭᬶᬂᬢ᭄ᬯᬦ᭄ᬤᬾᬯᬶ᭞ᬤᬾᬯᬶᬰᬹᬧ᭄ᬭᬪᬗᬦ᭄ᬤᬶᬓ᭟ᬦᬶᬓᬶᬧᬓᬾᬮᬶᬂᬤᬶᬫᬦᬄ᭞ᬩᬸᬗ᭄ᬓᬸᬂᬢᬶᬢ᭄ᬬᬂᬗᬾᬧᬶᬮᬶᬳᬶᬦ᭄᭞ᬓᭂᬩᬢᬂᬚ᭄ᬭᬶᬚᬶᬦᬾᬫ᭄ᬭᭀᬲ᭄᭞ᬓᬸ

[᭖ 6A]
ᬓᬸᬦᬾᬮ᭄ᬯᬶᬃᬫᬵᬖᬶᬓ᭄ᬩᬜᬸ᭞ᬲᬶᬂᬗ᭄ᬓᬬᬸᬦᬂᬩᭂᬮᬶᬜᬸᬯᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬜᬸᬫ᭄ᬧᬸᬢ᭄ᬩᬸᬗ᭄ᬓᬸᬂᬲᬓᬶᬂᬢᬗᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬓᬦ᭄ᬢᬸᬦ᭄ᬚᬩᭂᬮᬶᬳᬶᬭᬶᬓᬶ᭞ᬢᬶᬢ᭄ᬬᬂᬫᬦ᭄ᬢᬸ
ᬓ᭄ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬗ᭄ᬭᬗ᭄ᬲᬸᬓ᭄᭞ᬓᬸᬮᬫ᭄ᬩᬶᬳᬵᬱ᭄ᬝᬓᬸᬲᬸᬶᬫᬸᬶ[strike]ᬰᬹᬫ᭞ᬢᬹᬃᬫᬫᬸᬱ᭄ᬝᬶ᭞ᬫᬫ᭄ᬧᭂᬄᬓᬢᭀᬦ᭄ᬳᬗᬬ[strike]ᬗ᭄ᬳᬬᬂ᭟ᬳᬕ᭄ᬮᬶᬲ᭄ᬧ᭄ᬭᬵᬢ᭄ᬢᬫᬭᬶᬂᬰ᭄ᬯᬃᬕ᭄ᬖᬦ᭄᭞ᬢᬦ᭄ᬓᭀ
ᬘᬧᬦ᭄ᬭᬤᬾᬦ᭄ᬤᬾᬯᬶ᭞ᬓᭀᬘᬧ᭄ᬭᬤᬾᬦ᭄ᬫᬦ᭄ᬢ᭄ᬭᬶᬩᭂᬗᭀᬂ᭞ᬓᬗᬶᬦ᭄ᬫᬦᬳᬾᬫᬦ᭄ᬤᬸ᭠ᬮᬸ᭞ᬤᬤ᭄ᬬᬦ᭄ᬜᬲᭂᬤᬶᬄᬮᬭ᭞ᬢᬹᬃᬫᬦᬗᬶᬲ᭄᭞ᬳᬾᬮᬶᬂᬩᬋᬂᬫᬓᬮᬶᬳᬦ᭄᭟ᬲᬭᬸᬲ
ᬭᬸᬯᬂᬢᭀᬂᬮᬶᬦ᭞ᬓᬗᭂᬦ᭄ᬩᭂᬗᭀᬂᬧᬤᬶᬤᬶᬳᬶ᭞ᬳᬶᬗᭂᬢᬾᬩᬋᬂᬲᬭᭀᬭᬾᬸᬶᬭᬵ᭞ᬗᬭᬲ᭄ᬗᬩᬶᬦ᭄ᬭᬤᬾᬦ᭄ᬕᬮᬸᬄ᭞ᬳᭂᬗ᭄ᬲᬧᬂᬢᭀᬂᬤᬤᬶᬧᬹᬃ[strike]ᬖ᭄ᬦ᭞ᬫᬲᬶᬳᬾᬮᬶᬂ᭞ᬜᬦ᭄ᬤᬶᬂᬥᬥ [ 7 ][᭖ 6B]
᭖
ᬭᬶᬰᬹᬧ᭄ᬭᬪ᭟ᬩᬸᬗ᭄ᬓᬸᬂᬭᬸᬧᭂᬢᬾᬯᬬᬗᬂ᭞ᬚ᭄ᬭᬶᬚᬶᬦᬾᬲᬫᬶᬳᬲᬸᬓᬶᬦ᭄᭞ᬮᭂᬮᬗᬂᬤᬶᬢᬗᬦ᭄ᬓᬭᭀ᭞ᬲᭂᬤᭂᬂᬗ᭄ᬫᬸᬶᬫ᭄ᬮᬳᬫᬘᭂᬮᬸᬧ᭄᭞ᬳᬧᬦᬶᬂᬩᬸᬗ᭄ᬓᬸᬂᬳᬸᬢ᭄ᬣᬫ᭞ᬢᬸᬳᬸᬮᬸᬯᬶᬄ᭞ᬧ
ᬳᬶᬘᬦ᭄ᬤᬾᬯᬶᬰᬷᬧ᭄ᬭᬪ᭟ᬓᬗᭂᬦ᭄ᬳᬢᬶᬦᬾᬜᬗᭂᬢᬂ᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬲᬬᬦ᭄ᬓᬸᬭᬸᬲᭂᬤᬶᬄᬩᭂᬗᭀᬂ᭞ᬤᬶᬚᭂᬭᬸᬭᬸᬄᬭᬾᬤᬾᬦ᭄ᬕᬮᬸᬄ᭞ᬓ᭄ᬮᬧ᭄ᬓᭂᬮᬧ᭄ᬩᬸᬓᬗᭂᬦᬄ᭞ᬩᬋᬂᬓᭂᬜᬶᬂ
᭞ᬲᬓᬶᬂᬧᬶᬗ᭄ᬕᬶᬭᬶᬂᬢᬮᬕ᭟ᬭᬳ[strike]ᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬓᬗᭂᬦ᭄ᬫᬦᬳᬾᬢᬦ᭄ᬲᬶᬧᬶ᭞ᬭᬶᬫ᭄ᬧ᭄ᬬᬄᬭᬶᬫ᭄ᬧ᭄ᬬᬸᬄᬦᬦᭂᬂᬩᭂᬗᭀᬂ᭞ᬓᬢᭂᬮᭂᬃᬩ᭄ᬓᬤᬸᬗᬜᬸᬲᬸᬧ᭄᭞ᬲᬫ᭄ᬧᬸᬦ᭄ᬢᬫ᭄ᬧᭂ᭠
ᬓ᭄ᬭᬶᬂᬳᬶᬧᬸᬦ᭄ᬢ᭞ᬚ᭄ᬭᬸᬤᬾᬄᬓᬭᬶ᭞ᬓᬮᭂᬲᭀᬦ᭄ᬧᬤ᭄ᬥᬳᬢᬸᬭ᭄ᬯ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬧᬸᬦ᭄ᬢᬚ᭄ᬭᬸᬤᬾᬄᬩᬗᬸᬦ᭄ᬚᬦᬶ᭞ᬓᬤᬾᬬᬦᬾᬩᬗᬸᬦ᭄ᬳᬾᬧᭀᬢ᭄᭞ᬧᬤ᭄ᬥᬳᬦᭂ

[᭗ 7A]
ᬫ᭄ᬩᬄᬳᬸᬫᬢᬸᬃ᭞ᬲ᭄ᬯᬾᬢᬶᬢ᭄ᬬᬂᬫᬗᬦ᭄ᬢᭀᬲᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬍᬲᬸᬭᬶᬂᬭᬸᬶᬕᬸᬶᬭᬵᬕ᭄ᬕ᭟ᬳᬶᬧᬸᬦ᭄ᬢᬫᬢᬸᬃᬳᬦᭂᬫ᭄ᬩᬄ᭞ᬤᬹᬄᬤᬾᬯᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬵᬃᬕ᭄ᬕᬶᬫᬦ᭄ᬢᬸᬓ᭄ᬭᬶᬂᬦᬵᬕᬭ᭞
ᬫᬚᬮᬦ᭄ᬧᬤ᭄ᬥᬦᬭᬸᬭᬸᬂ᭞ᬲᬫ᭄ᬩᬸᬮ᭄ᬫᬧᬚᬃᬭᬶᬂᬚᬮᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬚ᭄ᬭᬸᬤᬾᬄᬓ᭠ᬮᬯᬦ᭄ᬳᬶᬧᬸᬦ᭄ᬢ᭟ᬗᭀᬭᬳᬂᬳᬶᬧ᭄ᬬᬦ᭄ᬫᭂᬮᬄ᭞ᬫᬩᬸᬭᬸᬫᬧᬶᬓᬢ᭄ᬳᭀᬮᬶᬄ᭞ᬓᬧᬸᬧᬸᬢᬦ᭄ᬲᬸᬳᬸᬂ
ᬋᬓᭀ᭞ᬲ᭄ᬧᬶᬤᬶᬳᬮᬲᬾᬳᬕᬸᬂ᭞ᬢᬦᬶᬩᬸᬭᭀᬓᬸᬶᬦ᭄ᬓᭂᬓᬢᭂᬫ᭄ᬯ᭞ᬬᬓᬾᬧᬓ᭄ᬱᬶ᭞ᬗᭀᬭᬳᬂᬳᬶᬧ᭄ᬬᬦ᭄ᬫᭂᬮᬄ᭟ᬓᬤᬾᬬᬦ᭄ᬫᬢᬹᬃᬳᬦᭂᬫ᭄ᬩᬄ᭞ᬲᬶᬲᬶ[strike]ᬧ᭄ᬢᬶᬢ᭄ᬬᬂᬤᬾᬯᬳᬸᬶᬚᬸᬶᬕᬸᬲ᭄ᬢᬶ᭞
ᬳᬗ᭄ᬤᬾᬜᬢᬶᬢ᭄ᬬᬂᬓᬧᭀᬗᭀᬃ᭞ᬚ᭄ᬭᬶᬚᬶᬦ᭄ᬢᬶᬢ᭄ᬬᬂᬲᬫᬶᬓ᭄ᬩᬸᬲ᭄᭞ᬓᬸᬯᬸᬤᬾᬢ᭄ᬯᬭᬤᬩᬓᬢ᭄᭞ᬧᭂᬮᬸᬄᬧᬶᬤᬶᬢ᭄᭞ᬢᬶᬢ᭄ᬬᬂᬢᬸᬬᬸᬄᬢᬦ᭄ᬧᬦᭂᬤ᭄ᬥ᭟ᬳᬶᬚ᭄ᬭᬸᬤᬾᬄᬲᬤ᭄ᬥᬩ᭠ [ 8 ][᭗ 7B]
᭗
ᬚᬶᬕᬃ᭞ᬚ᭄ᬭᬶᬚᬶᬦᬾᬚᬳᬸᬧᬶᬦ᭄ᬳᬸᬧᬶᬦ᭄᭞ᬓᭂᬤᬾᬓ᭄ᬓᬤᬾᬬᬦᬾᬲᬸᬫ᭄ᬬᭀᬓ᭄᭞ᬢᬗ᭄ᬓ᭠ᬳᬾᬢᬢᬩᬶᬦ᭄ᬳᬸᬲᬸᬤ᭄᭞ᬩᬩᬓ᭄ᬲᬗᬶᬢ᭄‌ᬓ᭄ᬩᬸᬲ᭄ᬩᬳᬂ᭞ᬳᬸᬧᬶᬦ᭄ᬳᬸᬧᬶᬦ᭄᭞ᬲᬶᬬᬢ᭄ᬲᬶᬬᬸᬢ᭄ᬫᬦᬳ᭠
ᬦᬂ᭟ᬓᭀᬘᬧ᭄ᬧ᭄ᬭᬵᬧ᭄ᬢᬭᬶᬂᬦᬕᬭ᭞ᬓᬤᬾᬬᬦ᭄ᬲᬫᬶᬳᬗᬶᬭᬶᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬶᬂᬦ᭄ᬬᬮᭀᬦ᭄᭞ᬓ᭄ᬫᭂᬳᬶᬩᬧᬤ᭄ᬥᬜᬢᬸ᭞ᬧᬜ᭄ᬭᭀᬯᬦ᭄ᬳ[strike]ᬮᬶᬳᬶᬦ᭄ᬢᬦᬤᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭟ᬚᬸᬫᬸᬚᬸ
ᬕ᭄ᬫᬵᬭᬶᬂᬧᬫ᭄ᬭᬫᬦ᭄᭟ᬢᬦ᭄ᬓᭀᬘᬧᬯᭀᬂᬓᬤᬾᬬᬦ᭄᭞ᬯᬸᬯᬸᬲᭂᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲ᭄ᬥᬶᬄᬓᬗᭂᬦ᭄ᬤᬶᬧᬢᬸᬃᬭᭀᬦ᭄᭞ᬦ᭄ᬤᬸᬮᬫᬾᬭᬳᬤᬾᬦ᭄ᬕᬮᬸᬄ᭞[strike]ᬤᬹᬄᬤᬾᬯᬳᬢ᭄ᬫᬚ᭄ᬯᬶᬢ᭄ᬣ᭞ᬭᬤᬾ
ᬦ᭄ᬤᬾᬯᬶ᭞ᬲᬗ᭄ᬳ᭄ᬬᬂᬫᬹᬱ᭄ᬝᬶᬓᬦᬶᬂᬲ᭄ᬫᬭ᭟ᬳᬶᬤᬾᬯᬤᬶᬢᬸᬗ᭄ᬢᬸᬂᬢᬶᬗ᭄ᬳᬮ᭄᭞ᬢᬸᬳᬸᬫᬹᬱ᭄ᬝᬶᬓᬦᬶᬂᬫᬦᬶᬲ᭄᭞ᬭᬲᬜᬩᬋᬂᬲᬢᬸᬭᭀᬦ᭄᭞ᬭᬶᬂᬧᬶᬗ᭄ᬕᬶᬭᬶᬂᬢ᭄ᬮᬕᬓ᭄ᬜᬸᬂ᭞ᬲᬓᬶᬢ᭄ᬲᬦ᭄ᬢᬶᬢ᭄ᬬᬂ

[᭘ 8A]
ᬳᬳᬳᭂᬦᬂ᭞ᬤᬾᬯᬕᬸᬲ᭄ᬢᬶ᭞ᬢᬦ᭄ᬓᭂᬦᬢᬸᬭᬸᬮᬦ᭄ᬯᬤᬄ᭟ᬲᬫ᭄ᬧᬸᬦ᭄‌ᬯ᭄ᬓᬶᬸᬲ᭄ᬗᬶᬓ᭄ᬓᬯᬸᬯᬸᬲᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬶᬯᬢ᭄‌ᬲ᭄ᬥᬶᬄ᭞ᬫᬦ᭄ᬤᬸᬮᬫᬾᬭᬶᬂᬧᬢᬸᬭᭀᬦ᭄᭞ᬤᬹᬄᬤᬾᬯᬭᬳᬤᬾᬦ᭄ᬕᬮᬸᬄ᭞
ᬫᭂᬮᬄᬓᬾᬢᬶᬢ᭄ᬬᬂᬓᬮᬭᬦ᭄᭞ᬲᭂᬤᬶᬄᬓᬶᬗ᭄ᬓᬶᬂ᭞ᬳᬶᬤᬾᬯᬚ[strike]ᬓ᭄ᬮᬧ᭄‌ᬓ᭄ᬮᬧ᭄᭟ᬤᬾᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬸᬳᬸᬦ᭄ᬓᭀᬤᬾᬯᬫᬲ᭄ᬫᬡᬶᬓ᭄᭞ᬫᬓ᭄ᬮᬧ᭄‌ᬭᬲᬦ᭄ᬜᬓᬢᭀᬦ᭄᭞ᬓᬮᬶ
ᬲ᭄ᬫᬫ᭄ᬮᬲᬶᬦ᭄ᬳᬸᬦ᭄ᬤᬸᬓ᭄᭞ᬫ᭄ᬮᬄᬢᬶᬢ᭄ᬬᬂᬲ᭄ᬤᬶᬄᬮᬭ᭞ᬫᬦᬮᬶᬧ᭄ᬥᬶᬧ᭄᭞ᬩᬸᬓᬢᭀᬬᬦᬾ᭠ᬕᬾᬜ᭄ᬚᭀᬗᬂ᭟ᬤᬤᬶᬫᬩᬾᬬᭀᬓ᭄ᬫᬦᬸᬗ᭄ᬕᬮ᭄᭞ᬢᭀᬂᬤᬤᬶᬩᬳᬦ᭄ᬫᬫᬮᬶᬄ᭞ᬩᬾᬢᬾᬮ᭄ᬤᬶ
ᬢᬸᬗ᭄ᬢᬸᬗᬶᬂᬧᬦᭀᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬓᬢᭀᬦ᭄ᬤᬶᬢᬼᬗᬶᬂᬫᬦᬄ᭞ᬲ᭠ᬗ᭄ᬓᬦ᭄ᬧᬮᬶᬂ᭞ᬭᬱᬩᬋᬂᬤᬶᬢᬮᬕ᭟ᬩᬸᬗ᭄ᬓᬸᬗᬾᬮᬶᬂᬮᬶᬂᬯᬬᬗᬂ᭞ᬚ᭄ᬭᬶᬚᬶᬦᬾᬲᬫᬶᬳᬲᬸ᭠ [ 9 ][᭘ 8B]
᭘
ᬓᬶᬦ᭄᭞ᬢᭂᬓ᭄ᬥᬂᬭᬭᬶᬲ᭄ᬓᬩᬯᭀᬂ᭞ᬲ᭄ᬤᭂᬂᬫ᭄ᬮᬳᬫᬘ᭄ᬮᬸᬧ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬮᬭ᭞ᬲᬳᬶᬦᬗᬶᬲ᭄᭞ᬫᬲᬲᬫ᭄ᬩᬢᬦ᭄‌ᬗᬸᬮᬗ᭄ᬲᬄ᭟ᬳ᭄ᬦᭂᬂᬗᬓ᭄ᬦᭂᬭᬳᬤ᭄ᬬᬦ᭄᭞ᬲᬫ᭄ᬧᬸᬦ᭄ᬭᬳᬶᬦᬦᬾ᭠
ᬫᬗ᭄ᬓᬶᬦ᭄᭞ᬯᬸᬯᬸᬲᭂᬦ᭄ᬳᬶᬤᬲᬗ᭄ᬓᬢᭀᬂ᭞ᬓᬢᬗ᭄ᬓᬶᬮ᭄ᬓᬤᬾᬬᬦ᭄ᬲᬫ᭄ᬧᬸᬦ᭄᭞ᬩᬹᬚᬗ᭄ᬕ᭠ᬋᬱᬶᬮᬦ᭄ᬳᬭ᭄ᬬ᭞ᬲᬫ᭄ᬧᬸᬦ᭄ᬢᬶᬢᬶᬩ᭄᭞ᬲᬂᬧ᭄ᬭᬪᬹᬳᬮᭀᬦ᭄ᬳᬗᬸᬘᬧ᭄᭟ᬧᬸᬦ᭄ᬢᬚ᭄ᬭᬸᬤᬾᬄᬓᬢ
ᬓᭀᬦᬂ᭞ᬕᬸᬲ᭄ᬢᬶᬦ᭄ᬳᬶᬩᬦᬦᬓ᭄ᬫᬦ᭄ᬢ᭄ᬭᬶ᭞ᬳᬶᬧᬸᬦ᭄ᬢᬫᬢᬹᬃᬳᬮᭀᬦ᭄᭞ᬳᬶᬗ᭄ᬕᬶᬄᬤᬯᭂᬕᬾᬳᬶᬢ᭄ᬮᬸᬦ᭄᭞ᬳᬶᬤᬫᬦ᭄ᬢᬸᬓ᭄ᬭᬶᬂᬧᬫ᭄ᬭᬫᬦ᭄᭞ᬢᬦ᭄ᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬤ᭄ᬭᬶᬓᬶᬭᬶᬂᬩᬜ᭄ᬘᬶᬗᬄ᭟ᬲᬂᬧ᭄ᬭ
ᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᭂᬚ᭄ᬭᬸᬤᬾᬄᬳᬮᬶᬄᬦᬓᬸᬶᬦᬓ᭄ᬫᬦ᭄ᬢ᭄ᬭᬶ᭞ᬳᬶᬧᬸᬦ᭄ᬢᬫᬫᬃᬕ᭄ᬕᬶᬳᬮᭀᬦ᭄᭞ᬭᬯᬸᬄᬭᬶᬂᬧᬫᬺᬫᬦ᭄ᬲᬫ᭄ᬧᬸᬦ᭄᭞ᬤ᭄ᬤᬸᬄᬤᬾᬯᬭᬢᬸᬭᬳᬤ᭄ᬬᬦ᭄᭞ᬲᬸᬶᬰ᭄ᬭᬶᬦᬺᬧᬢᬶ᭞

[᭙ 9A]
ᬗᬦ᭄ᬤᬶᬓᬬᬂᬓᬩᬜ᭄ᬘᬶᬗᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬯᬃᬡ᭄ᬦᬦ᭄ᬤᬦᬾᬓ᭄ᬘᬸᬤ᭄ᬓᬸᬦᬶᬂ᭞ᬢᬦ᭄ᬧᬦᬤᬄᬭᬶᬂᬧᬢᬸᬭᭀᬦ᭄᭞ᬓᬸᬤ᭄ᬬᬂᬢᬦᬶᬓᭂᬫ᭄ᬩᬂᬮᬬᬸ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬭᬤᬾ
ᬦ᭄ᬫᬦ᭄ᬢ᭄ᬭᬶ᭞ᬲᬂᬧ᭄ᬭᬪᬹᬳᬮᭀᬦ᭄ᬳᬗᬸᬘᬧ᭄᭟ᬦᬦᬓ᭄ᬩᬕᬸᬲ᭄ᬢᬾᬓ᭄ᬦᬵᬧ᭞ᬲᬗ᭄ᬓᬦ᭄ᬓᬾᬦᬾᬓ᭄ᬘᬸ᭠ᬤ᭄ᬓᬸᬦᬶᬂ᭞ᬚ᭄ᬦᭂᬂᬩᬸᬓᬲᬓᬶᬢ᭄ᬯᬤᭀᬦ᭄᭞ᬳᭀᬭᬳᬶᬦᬸᬶᬜ᭄ᬚ[strike]ᬪᬧᬵᬩᬕᬸᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲ
ᬳᬸᬃᬲ᭄ᬩᬄ᭞ᬕᬸᬭ᭄ᬯᬚᬶ᭞ᬢᬶᬢ᭄ᬬᬂᬦᭀᬭᬯᬯᬤᭀᬦᬦ᭄᭟ᬲᬂᬧ᭄ᬭᬪᬹᬕ᭄ᬮᬶᬲ᭄‌ᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬚᬧᬜᬸᬗ᭄ᬓᬦ᭄ᬘᬳᬶ᭞ᬳᭀᬭᬳᬶᬦ᭄ᬩᬧᬫᬲ᭄ᬳᬶᬗᭀᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬸᬫᬢᬹᬃ᭞ᬢᬶ
ᬢ᭄ᬬᬂᬫᬗᭀᬳᭀᬦ᭄ᬓᬯᬮ᭞ᬢᬶᬕᬂᬲᭂᬮᬶ[strike‌/]ᬢ[/strike]ᬤ᭄᭞ᬤᬯᭂᬕ᭄ᬢᬶᬢ᭄ᬬᬗᬾᬫᬧᬶᬓᬢ᭄᭟ᬲᬂᬡᬣᬵᬓᬾᬯᭂᬄᬗᬦ᭄ᬤᬶᬓ᭞ᬧᬢᬶᬄᬮᬦ᭄ᬩᬸᬚᬗ᭄ᬕᬋᬱᬶ᭞ᬭᬯᭀᬲᬶᬦ᭄ᬭᬤᬾᬦ᭄ᬫᬲ᭄ᬳᬶᬦᭀ᭞ᬬ [ 10 ][᭙ d9B]
᭙
ᬦ᭄ᬧᬸᬦᬧᬶᬲᬸᬗ᭄ᬓᬦ᭄ᬳᬶᬧᬸᬦ᭄᭞ᬬᬦ᭄ᬳᬮ᭄ᬬᬂᬩᬮ᭄ᬬᬦ᭄ᬳᬾᬗᬾᬗᬦ᭄᭞ᬧᬭᬋᬱᬶᬱᬢᬸᬢ᭄ᬩᬮ᭄ᬬᬦᬶᬦᬶᬸ᭄‌[strike]ᬦᬾᬗᬾᬂᬗᬦ᭄᭟ᬲᬂᬧ᭄ᬭᬪᬹᬕᬶᬧᬶᬄᬗᬦ᭄ᬤᬶᬓ᭞ᬓ᭄ᬫᭂᬗᬮᬶᬄᬩᬮ᭄ᬬᬦ᭄ᬳᬕ᭄ᬮᬶᬲ᭄᭞ᬓᬤᬾ
ᬬᬦ᭄ᬫᬚᬮᬦ᭄ᬕᬾᬗ᭄ᬲᭀᬄ᭞ᬫᬗᬮᬶᬄᬩᬮ᭄ᬬᬦ᭄ᬫᬢ᭄ᬦᬸᬂ᭞ᬢᬸᬫᬸᬮᬶᬳᬕ᭄ᬮᬶᬲ᭄ᬬᬧ᭄ᬭᬵᬧ᭄ᬢ᭞ᬩ᭠ᬮ᭄ᬬᬦ᭄ᬳᬶᬲ᭄ᬢ᭄ᬭᬶ᭞ᬩᬮᬸᬩᬚᬂᬢᬹᬃᬧ᭄ᬭᬵᬫᬾᬦᬓ᭄᭟ᬲᬂᬧ᭄ᬭᬪᬹᬕ᭄ᬮᬶᬲ᭄‌ᬗᬦ᭄ᬤᬶᬓ᭞ᬚ᭄ᬭᭀᬩᬮ᭄ᬬᬦᬾ
ᬦᬶᬸᬢ᭄ᬦᬸᬗᬶᬦ᭄᭞ᬳᬶᬩᬕᬸᬲᬵᬓᬶᬢ᭄ᬫᬗᭀᬳᭀᬦ᭄᭞ᬚ᭄ᬭᭀᬧᬂᬚᬢᬶᬚᭂᬫᭂᬢ᭄ᬦᬸᬂ᭞ᬢᬓ᭄ᬲᬸᬚ᭄ᬭᭀᬦᬾᬢ᭄ᬤᬸᬦᬂ᭞ᬫᬜᬸᬮᬸᬳᬶᬦ᭄᭞ᬧᬂᬜ᭄ᬚᬢᬶᬫᬓᬤ᭄ᬥᬲᬸᬗ᭄ᬓᬦ᭄᭟ᬩᬮ᭄ᬬᬦᬾᬫᬢᬹᬃᬳᬦᭂᬫ᭄ᬩᬄ
ᬦᬸᬦᬲᬶᬩᬸᬄᬫᬦᬶᬦᬸᬗᬶᬦ᭄᭞ᬢᬓ᭄ᬲᬸᬦ᭄ᬢᬶᬢ᭄ᬬᬂᬚᬢᬶᬧᭀᬮᭀᬲ᭄᭞ᬫᬗᬫ᭄ᬩᬶᬮ᭄ᬲᬶᬩᬸᬄᬫᬢ᭄ᬦᬸᬂ᭞ᬭᬭᬶᬲ᭄ᬫᬧᬚᬃᬧᬶᬂᬢᬶᬕ᭞ᬗᭂᬦᬄᬚᬢᬶ᭞ᬭᬭᬶᬲ᭄ᬫᬢᬹᬃᬲᬂᬓᬵᬝ᭟ᬳᬶᬗ᭄ᬕᬶᬄᬭᬢᬸᬰ᭄ᬭᬶ

[᭑᭐ 10A]
ᬦᬭᬾᬦ᭄ᬤ᭄ᬭ᭞ᬧᬜᬸᬗ᭄ᬓᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬤᬓᬲᬶᬄᬫᬭᬶᬂᬲᬸᬘ᭄ᬬᬦ᭄᭞ᬭᬶᬂᬤᬾᬯᬶ[strike]ᬰᬹᬧ᭄ᬭᬪᬳᬶᬓᬸ᭞ᬧᬸᬦᬶᬓᬫᬵᬃᬕ᭄ᬕᬶᬦᬶᬦ᭄‌ᬲᬸᬗ᭄ᬓᬦ᭄᭞ᬬᬾᬦ᭄ᬓᬧᬗ᭄ᬕᬶᬄ᭞ᬫᬭᬶᬂᬤᬤᬭᬶᬲᬸᬶᬰᬹᬧ᭄ᬭᬪ᭟ᬦᬯᬶ
ᬓᬾᬦᬓᬦ᭄ᬭᬳᬤ᭄ᬬᬦ᭄᭞ᬗᬦ᭄ᬤᬶᬓᬰ᭄ᬭᬶᬦᬯᬧᬢᬶ᭞ᬲᬚᬩᬕᬸᬲ᭄ᬩᬸᬓᬓᬾᬢᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬸᬫᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬯᬶᬤ᭄ᬬᬥᬭᬶ᭞ᬫᬸᬮᬤᬶᬰ᭄ᬯᬃᬕᬦ᭄ᬢᭀ
ᬗᭀᬲᬶᬸᬱ᭟ᬲᬂᬧ᭄ᬭᬪᬹᬩᭂᬦ᭄ᬥᬸᬗᬦ᭄ᬤᬶᬓ᭞ᬭᬶᬂᬳᬶᬩᬮ᭄ᬬᬦ᭄ᬫᬦᭂ[strike]ᬦᬸᬗᬶᬦ᭄᭞ᬢ᭄ᬯᬶᬩᬮ᭄ᬬᬦ᭄ᬩᬶᬗᬸᬂᬓᭀᬮᭀᬓ᭄᭞ᬦᬾᬦᬾᬳᭂᬚᭀᬄ(*)ᬳ᭄ᬚᭀᬄᬭᬸᬭᬸᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬤᬶ
ᬚᬳᬮᬶᬄ᭞ᬳᬦᬓ᭄ᬮᬸᬳᬸᬭᬶᬂᬗ᭄ᬳᬫ᭄ᬩᬭ᭟ᬓ᭄ᬫᭂᬩᬮ᭄ᬬᬦ᭄ᬫᭂᬮᬶᬧ᭄ᬢᬦ᭄᭞ᬗᬸᬤ᭄ᬬᬂᬫᬗᬤᭀᬯᬂᬤᬶᬦᬶ᭞ᬢ[strike]ᬜ᭄ᬘᬭᬶᬢ᭄ᬣᬩᬮ᭄ᬬᬦ᭄ᬋᬓᭀ᭞ᬯᬸᬯᬸᬲᭂᬦ᭄ᬳᬶᬤ᭄ᬥᬲᬂᬧ᭄ᬭᬪᬹ᭞ᬫᬗ᭄ᬭᬯᭀᬲ᭄ᬳᬦᬾᬂ [ 11 ][᭑᭐ 10B]
᭑᭐
ᬩᬜ᭄ᬘᬶᬗᬄ᭞ᬭᬶᬂᬧᬧᬢᬶᬄ᭞ᬳᬧᭂᬗ᭄ᬮᬭᬦᬶᬦ᭄ᬳᬶᬦᬦᬓ᭄᭟ᬧᬧᬢᬶᬄᬫᬢᬸᬃᬳᬦᭂᬫ᭄ᬩᬄ᭞ᬬᬦ᭄ᬧᬶᬜᬸᬗ᭄ᬓᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬩᬢᬂᬢᬶᬢ᭄ᬬᬂᬲᬸᬗ᭄ᬓᬦ᭄ᬯᬤᭀᬦ᭄᭞ᬘᬶᬭᬾᬦᬶᬦ᭄ᬧᬸᬢ᭄ᬭᬶᬮᬶᬲ᭄ᬢ᭄ᬯᬬᬸ᭞ᬢᬸ
ᬫᬸᬮᬶᬳᬕ᭄ᬮᬶᬲ᭄ᬯᬶᬦᬭᬄ᭞ᬗ᭄ᬭᬸᬭᬸᬄᬳᭀᬯᬸᬢ᭄ᬭᬶ᭞ᬓᬢᬸᬚᬦ᭄ᬧᬵᬤ᭄ᬥᬫᬚᬮᬦ᭄᭟ᬧᬫᬵᬃᬕ᭄ᬕᬶᬦᬾᬫᬜ᭄ᬘᬤᬾᬱ᭞ᬲᬫ᭄ᬧᬸᬦ᭄ᬧᭀᬮᬶᬄᬗ᭄ᬭᬸᬭᬸᬄᬧᬸᬢ᭄ᬭᬶ᭞ᬬᭂᬦ᭄ᬢᭂᬦ᭄ᬮᬶᬫᭀᬮᬲ᭄ᬓᬚ᭄ᬭᭀ᭞ᬭᬸᬧᬦᬾᬲ
ᬫᬶᬮᬶᬲ᭄ᬢ᭄ᬯᬬᬸ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬩᬸᬗᬄ᭞ᬲᬸᬢ᭄ᬭᬓᬸᬦᬶᬂ᭞ᬲᬹᬢ᭄ᬭᬤᬤᬸᬫᬳᬾᬦ᭄ᬤᬳᬦ᭄᭟ᬲᬂᬧ᭄ᬭᬪᬹᬳᬮᭀᬦ᭄‌ᬗᬦ᭄ᬤᬶᬓ᭞ᬦᬓᬸᬶᬦᬓ᭄ᬫᬦ᭄ᬢ᭄ᬭᬶᬦᬾᬧᬶᬮᬶᬳᬶᬦ᭄᭞ᬲᬶᬗ᭄ᬓᬬᬸᬦᬂᬳᬫ᭄ᬩᬶ
ᬮ᭄ᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬢᬶᬢ᭄ᬬᬂᬤᬯᭂᬕ᭄‌ᬢ᭄ᬯᬄᬫᬫᬶᬦ᭄ᬤᬄ᭞ᬧᬘᬂᬗᬫ᭄ᬩᬶᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬳᬸᬢᬂ᭟ᬓᬾᬯᭂᬳᬦ᭄‌ᬰ᭄ᬭᬶᬦᬭᬦᬵᬝ᭞ᬫᬗ᭄ᬭᬯᭀᬲᬶᬦ᭄ᬦᬦ

[᭑᭑ 11A]
ᬓ᭄ᬫᬦ᭄ᬢ᭄ᬭᬶ᭞ᬩᬸ[strike]ᬚᬗ᭄ᬕᬧᬧᬢᬶᬄᬋᬓᭀ᭞ᬗᬕᬄᬉᬱᬥᬫᬗ᭄ᬭᬸᬭᬸᬄ᭞ᬓᭀᬘᬧᬜᬸᬶᬦ᭄ᬜᬮᬶᬂᬦᬶᬂᬰᬵᬲ᭄ᬢ᭄ᬭ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬬᭀᬕ᭄ᬬᬓᬸᬢᬂᬓᬰᬵᬕᬭ᭟ᬳᬕ᭄ᬮᬶᬲ᭄ᬫᬢᬹᬃᬭᬶᬂᬲᬂᬦᬵᬝ᭞
ᬓᬸᬢᬂᬳᭀᬓᬦᬾᬢᬩ᭄ᬮᬦᬶᬦ᭄᭞ᬩᭂᬓᭂᬮᬶᬦ᭄‌ᬲ᭄ᬥᬄᬫᬧᭀᬭᭀᬲ᭄᭞ᬲᬸᬮᬲᬶᬄᬓ᭄ᬚᬾᬧᬸᬦᬶᬓᬶ᭞ᬭᬭᬶᬲ᭄ᬳᬜᬸᬢ᭄ᬓᬲᬸᬶᬰᬵᬕᬭ᭞ᬰ᭄ᬭᬶᬪᬹᬧᬢᬶ᭞ᬗᬦ᭄ᬤᬶᬓᬬᬂᬂᬳ[strike]ᬯᬢᬩ᭄ᬮ᭟ᬳᬸᬦ᭄ᬤᬕᬶ
ᬕ᭄ᬮᬶᬲ᭄ᬫᬓᬵᬃᬬ᭄ᬬ᭞ᬢᬦ᭄ᬘᬭᬶᬢᬦᬾᬳᬸᬦ᭄ᬤᬕᬶ᭞ᬓᭀᬘᬧ᭄ᬧᬸᬢ᭄ᬭᬶᬦᬾᬤᬶᬚ᭄ᬭᭀ᭞ᬳᬸᬭᬸᬂᬓᬘᬶᬭᬾᬦᬦ᭄ᬫᬦ᭄ᬢᬸᬓ᭄᭞ᬧᬤ᭄ᬥᬯᬶᬭᬂᬭᬶᬂᬳ᭄ᬭᬤ᭄ᬥᬬ᭞ᬩᬶᬲᬶᬓ᭄ᬩᬶᬲᬶᬓ᭄᭞ᬲᬫᬶᬧᬤ᭄ᬥᬗᬸᬗ᭄ᬲᬶᬳᬸ᭠
ᬗ᭄ᬕ᭄ᬯᬦ᭄᭟ᬳ᭄ᬦᭂᬗᬓ᭄ᬦᬧᬸᬦᬶᬓ᭞ᬢᬩ᭄ᬮᬦᬾᬯᬸᬲ᭄ᬧᬸᬧᬸᬢ᭄ᬳᬕ᭄ᬮᬶᬲ᭄᭞ᬤᬕᬶᬗᬶᬦ᭄‌ᬲ᭄ᬥᬄᬫᬧᭀᬭᭀᬲ᭄᭞ᬲᬸᬮᬲᬶᬄᬓ᭄ᬚᬾᬦ᭄ᬧᬸᬦᬶᬓ᭞ᬲᬂᬧ᭄ᬭᬪᬹᬲ᭄ᬤᭂᬂᬗᭂᬦ᭄ᬤᬶᬓ᭞ᬦᬓᬸᬶᬦᬓ᭄ᬫᬦ᭄ᬢ᭄ᬭᬶ᭞ᬓ᭄ᬫᭂ [ 12 ][᭑᭑ 11B]
᭑᭑
ᬫᬸᬗ᭄ᬕᬄᬫᬭᬶᬂᬢᬩᬼ᭟ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬫᬸᬗ᭄ᬕᬄ᭞ᬢᬶᬦᬫ᭄ᬧᭂᬓ᭄ᬚᬾᬦᬾᬕ᭄ᬮᬶᬲ᭄᭞ᬓᬤᬾᬬᬦ᭄ᬢᬶᬢᬶᬩ᭄ᬫᬗᭀᬲᬵᬂ᭞ᬲᬂᬦᬵᬝᬭᬶᬂᬚᭀᬮᬶᬧᬸᬗ᭄ᬓᬸᬃ᭞ᬲᬋᬂᬭᬶᬂᬰ᭄ᬭᬶᬧ᭄ᬭᬵᬫᬶᬰ᭄ᬯᬭᬶ᭞ᬍᬗᬼᬗᭂᬂᬲ᭄ᬥᬶᬄ᭞ᬳᬗᭂ
ᬫ᭄ᬩᭂᬗᭂᬫ᭄ᬩᭂᬂᬬᬾᬄᬢᬶᬗ᭄ᬳᬮ᭄᭟ᬲᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬰᬵᬕᬭ᭞ᬩᬶᬦᬸᬜ᭄ᬘᬮ᭄‌ᬢᬫᬸᬶᬩ᭄ᬮᬦᬾ᭠ᬳᬕ᭄ᬭᬸᬕ᭄ᬮᬶᬲ᭄᭞ᬓᬤᬾᬬᬦᬾᬲ᭄ᬥᬶᬄᬩᭂᬗᭀᬂ᭞ᬲᬂᬧ᭄ᬭᬪᬹᬦᬗᬶᬲ᭄ᬢᬸᬫᬸᬭᬸᬦ᭄᭞ᬦᬸᬢᬸᬕ᭄ᬧᬸᬢ᭄ᬭᬦᬾ
ᬭᬳᬤ᭄ᬬᬦ᭄᭞ᬲᬶᬭᬧᬢᬶᬄ᭞ᬳᬕ᭄ᬮᬶᬲ᭄‌ᬦᬫ᭄ᬩᬸᬢ᭄‌ᬰ᭄ᬭᬶᬦᬭᬾᬦ᭄ᬤ᭄ᬭ᭟ᬢᬗᬶᬲᬾᬳᬸᬫᬸᬂᬭᬶᬂᬲᭀᬯᬦ᭄᭞ᬧᬧᬢᬶᬄᬓᬤᬾᬬᬦ᭄‌ᬲ᭄ᬥᬶᬄ᭞ᬫᬲᬲᬫ᭄ᬩᬢᬦ᭄ᬫᬗᬮᭀᬦ᭄᭞ᬤᬸᬄᬤᬶᬚᭂᬳᬚ
ᬦᬶᬭᬸᬭᬸᬄ᭞ᬭᬢᬸᬳᬲᬶᬓᬶᬩ᭄ᬯᬶᬦ᭄ᬓᬸᬢᬂ᭞ᬲᬫᬶᬲ᭄ᬥᬶᬄ᭞ᬫᬧᬸᬦ᭄ᬤᬸᬄᬧᬸᬦ᭄ᬤᬸᬄᬭᬶᬂᬲᭀᬯᬦ᭄᭟ᬲᬂᬧ᭄ᬭᬪᬹᬲ᭄ᬥᬶᬳᬾᬮᬶᬯᬢ᭄᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬤᬸᬄᬤᬾᬯᬭᬢᬸᬫᬰᬶᬗᭀᬂ᭞ᬫᬤ

[᭑᭒ 12A]
ᬓ᭄ᬭᬤᬾᬦ᭄ᬫᬦ᭄ᬢ᭄ᬭᬶᬭᬯᬸᬄ᭞ᬲᬢᬶᬩᬢᬶᬩᬦᬶᬂᬧᬭᬦ᭄᭞ᬳᬧᬂᬳᬸᬭᬶᬧ᭄᭞ᬫᬤᬓ᭄ᬭᬯᬸᬄᬭᬶᬂᬦᬕᬭᬶ᭟ᬲᬂᬧ᭄ᬭᬪᬹᬢᬸᬫᬸᬮᬶᬩᬸᬤᬮ᭄᭞ᬓᬸᬩᭂᬓᬦ᭄‌ᬗ᭄ᬮᬯᬦ᭄ᬮᬯᬦᬶᬦ᭄᭞ᬢᬦ᭄ᬲᬄᬗᬸᬲᬧᬶᬦ᭄ᬬᬾᬄᬧ
ᬦᭀᬦ᭄᭞ᬮᬫ᭄ᬧᬳᬾᬦᭀᬮᬶᬓᬧᬸᬗ᭄ᬓᬸᬃ᭞ᬢᭀᬂᬮᬫ᭄ᬧ᭄ᬬᬲ᭄ᬩᬦ᭄ᬫᬢᬶᬦ᭄ᬤᬓᬦ᭄᭞ᬫᬲᬶᬄᬳᬾᬮᬶᬂ᭞ᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬸᬢᬂ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬦᬵᬕᬭ᭞ᬰ᭄ᬭᬶᬪᬹᬧᬢᬶᬢᬦ᭄ᬲᬄᬲ᭄ᬥᬶᬄ᭞ᬫᬗᭂ
ᬦᬂᬫᬸᬢ᭄ᬭᬦᬾᬋᬓᭀ᭞ᬫᬦ᭄ᬤᬸᬮᬫᬾᬲ᭄ᬥᬶᬄᬲᬸᬗ᭄ᬲᬸᬢ᭄᭞ᬤᬸᬫᬤᬓ᭄ᬚᬘᬳᬶᬢ᭄ᬓᭂ᭞ᬫᬗ᭄ᬓᬾᬳᬸᬭᬶᬧ᭄᭞ᬫᬳᬶᬫᬸᬮᬶᬄᬳᬾᬗ᭄ᬕᬮᬾᬗ᭄ᬕᬮ᭄᭟ᬬᬾᬦ᭄ᬢ᭄ᬯᬭᬳᬶᬤᬾᬯᬢ᭄ᬓᭂ᭞ᬦᬵᬕᬭᬩᬸᬢ᭄ᬧᬥᬂ
ᬯᬶᬮᬶᬲ᭄᭞ᬜᬾᬦ᭄ᬫᬗ᭄ᬭᬶᬲᬓᬶᬦ᭄ᬤᬶᬚ᭄ᬭᭀ᭞ᬧ᭄ᬥᬲᬸᬩᬚᬦᬶᬘᬫ᭄ᬧᬸᬢ᭄᭞ᬜᬾᬦ᭄ᬲᬶᬄᬚᬦᬶᬗᭀᬤᬕᬂ᭞ᬜᬓ᭄ᬭᬯᬺᬢ᭄ᬢᬶ᭞ᬫᬗ᭄ᬓᬶᬦ᭄ᬫᬯᬸᬯᬸᬄᬲᬗ᭄ᬲᬭ᭟ᬢᬦ᭄ᬓᭀᬘᬧᬭᬶᬂᬦᬵᬕᬭ᭞ᬯᬸ [ 13 ][᭑᭒ 12B]
᭑᭒
ᬯᬸᬲᭂᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᬩ᭄ᬮᬦᬾᬓᬲᬫ᭄ᬧᭂᬄᬋᬓᭀ᭞ᬭᬶᬂᬧᬲᬶᬲᬶᬦ᭄ᬳᬮᬲ᭄ᬳᬕᬸᬂ᭞ᬩ᭄ᬮᬄᬫᬦᬫ᭄ᬧ᭄ᬮᬶᬕ᭄ᬧᬭᬗᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬫᬵᬃᬕ᭄ᬕᬶᬜᬸᬲᬸᬧ᭄ᬭᬶᬂᬗ᭄ᬳᬮᬲ᭄᭟ᬢᬸᬗ᭄ᬓᬸᬮ᭄‌ᬲ᭄ᬥᬶᬄᬫᬲ
ᬲᬫ᭄ᬩᬢ᭄᭞ᬤᬹᬄᬤᬾᬯᬭᬳᬤᬾᬦ᭄ᬤᬾᬯᬶ᭞ᬘᬶᬗᬓᬶᬦ᭄ᬢᬶᬢ᭄ᬬᬂᬫᬰᬶᬗᭀᬂ᭞ᬲ᭄ᬯᬾᬲᬦ᭄ᬓᭀᬢᬶᬢ᭄ᬬᬂᬲᬸᬗ᭄ᬲᬸᬢ᭄᭞ᬢᬦ᭄‌ᬓ᭄ᬦᬢᬸᬭᬸᬮᬦ᭄ᬢᬤᬄ᭞ᬲᬳᬶᬲ᭄ᬥᬶᬄ᭞ᬳᬶᬤᬾᬯᬚᬓ᭄ᬮᬧ᭄ᬓᭂᬮᬧ᭄᭟
ᬲᬫ᭄ᬩᬶᬮᬂᬫᬲᬶᬄᬫᬚᬮᬦ᭄᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬥᬹᬄᬤᬶᬚᬳᬚ᭄ᬯᬫᬳᭂᬗ᭄ᬕᭀᬦ᭄᭞ᬤᬾᬯᬦ᭄ᬢᬶᬢ᭄ᬬᬗᬾᬳᬶᬭᬢᬸ᭞ᬫᬫᬸᬭᬂᬫᬸᬭᬂᬭᬶᬂᬗ᭄ᬳᬮᬲ᭄᭞ᬢᬦ᭄ᬲᬄᬦᬗᬶᬲ᭄᭞ᬭᬶᬂᬢ᭄ᬗᬄ
ᬳᬮᬲ᭄‌ᬕᬸᬮᬶᬗᬦ᭄᭟ᬲᬕᬾᬢ᭄ᬓᬘᬸᬦ᭄ᬤᬸᬓ᭄ᬲᬂᬦᬵᬕ᭞ᬫᬚᬗ᭄ᬕᬃᬫᬢ᭄ᬮᬢᬄᬮᬫ᭄ᬩᬶᬄ᭞ᬓᭀ[strike/]ᬬ[/strike]ᬯᬾᬃᬓᭀ[strike/]ᬬ[/strike]ᬯᬾᬃᬳᬾᬮᭀᬕ᭄ᬕᬾᬮᭀᬕ᭄᭞ᬫᬓᭂᬫ᭄ᬩᬭᬦ᭄ᬦᬕᭂᬳᬕᬸᬂ᭞ᬭᬳᬤᬾᬦ᭄ᬫ

[᭑᭓ 13A]
ᬫᬦ᭄ᬢ᭄ᬭᬶᬢᬦ᭄ᬚ᭄ᬭᬶᬳ᭞ᬫᬫᬧᬕᬶᬦ᭄᭞ᬢᬸᬫᬸᬮᬶᬳᬮᭀᬦ᭄ᬳᬗᬸᬘᬧ᭄᭟ᬳᬤᬸᬄᬓᬓᬶᬗ᭄ᬮᬄᬤᬾᬱ᭞ᬦᬶᬭᬯᭀᬂᬓᬮᬭᬦ᭄ᬫᬳᬶ᭞ᬕ᭄ᬫᭂᬲ᭄ᬓᬓᬶᬢᬤᬄᬳᬶᬗᭀᬂ᭞ᬳᬧᬂᬦᬶᬭᬧᬶᬲᬦ᭄ᬮᬫ᭄ᬧᬸᬲ᭄
᭞ᬲᬸᬓᭂᬬᬦ᭄‌ᬗ᭄ᬫᬲᬶᬦ᭄ᬧ᭄ᬚᬄ᭞ᬮᬫᬸᬦ᭄ᬓᬓᬶ᭞ᬳᭀᬮᬲ᭄ᬫᬫᬸᬧᬸᬢᬂᬦᬶᬭ᭟ᬲᬂᬦᬵᬣᬳᬲᬳᬸᬃᬲᭂ[strike/]ᬩ[/strike]ᬫ᭄ᬩᬄ᭞ᬢᬶᬢ᭄ᬬᬂᬫᬶᬦ᭄ᬤᬄᬦᬤᬄᬕᬸᬲ᭄ᬢᬶ᭞ᬧᬦᭂᬫ᭄ᬩᬳᬦᬾᬫᬰᬶᬗᭀᬂ᭞ᬳᭂᬦ᭄ᬤᬶᬧᬮᬸᬗ
ᬦ᭄ᬳᬶᬭᬢᬸ᭞ᬳᬶᬤᬾᬯᬢ᭄ᬯᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬯᬸᬄᬫ᭄ᬭᬶᬓᬶ᭞ᬲᬓᬶᬂᬧᬸᬦᬧᬶᬳᬶᬤᬾᬯ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬦᬶᬭᬳᭀᬓᬦ᭄ᬰ᭄ᬭᬶᬪᬸᬧᬢᬶ᭞ᬭᬶᬂᬗ᭄ᬳᬚᬃᬧᬶᬓᬢᬦ᭄ᬳᬶᬗᭀᬂ᭞ᬫᬫᬸᬭᬂ
ᬲᬢᬶᬩᬮᬓᬸ᭞ᬳᬸᬭᬶᬧ᭄ᬬᬦ᭄ᬓᬮᬯᬦ᭄ᬧ᭄ᬚᬄ᭞ᬗ᭄ᬮᬮᬸᬧᬢᬶ᭞ᬲᬂᬦᬵᬕᬳᬲᬯᬸᬃᬲᭂᬫ᭄ᬩᬄ᭟ᬧᬸᬦᬧᬶᬓᬃᬬ᭄ᬬᬳᬶᬤᬾᬯ᭄ᬯ᭞ᬫᬭᬦᬶᬦ᭄ᬳᬮᬲ᭄ᬫᬭᬶᬓᬶ᭞ᬧᬗᬦ᭄ᬤᬶᬓᬬᬂᬬᬾᬦ᭄ᬤᬤᭀᬲ᭄᭞ [ 14 ][᭑᭓ 13B]
᭑᭓
ᬢᬶᬢ᭄ᬬᬂᬗᬶᬭᬶᬗᬂᬳᬶᬭᬢᬸ᭞ᬗᬮᬶᬄᬳ᭄ᬫᬲ᭄‌ᬬᬤ᭄ᬬᬦ᭄ᬫᬶᬭᬄ᭞ᬭᬢ᭄ᬦᬳᬤ᭄ᬥᬶ᭞ᬢᬶᬢ᭄ᬬᬂᬲᬸᬓᬫᬗᬶᬭᬶᬗᬂ᭟ᬭᬤᬾᬦ᭄ᬫᬦ᭄ᬢ᭄ᬭ᭄ᬬᬶᬮᭀᬦᬗᬸᬘᬧ᭄᭞ᬲᬗ᭄ᬓᬦᬶᬭᬢ᭄ᬓᭂᬤ᭄ᬫᬳᬶ᭞ᬤᬶᬦᬕᬭᬲᬓᬶ
ᬢ᭄‌ᬗᭀᬳᭀᬦ᭄᭞ᬬᬾᬦ᭄ᬮᬸᬯᬲ᭄ᬥᬤ᭄ᬬᬦ᭄ᬲᬭᬸ᭞ᬤᬶᬦᬶᬚᬓᬓᬶᬧᬂᬫ᭄ᬮᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬦᬸᬚᬸᬫᬭᬶᬂᬮᭀᬃᬯᬾᬢᬦ᭄᭟ᬭᬯᬸᬄᬭᬶᬂᬗ᭄ᬳᬮᬲ᭄ᬮᬭᬗᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬶᬯᬢ᭄ᬲᭂᬤᬶᬄ᭞
ᬫᬲᬲᬫ᭄ᬩᬢᬦ᭄ᬫᬗᬮᭀᬦ᭄᭞ᬤᬸᬄᬤᬾᬯᬭᬢᬸᬫᬲ᭄ᬓᬮᬸᬂ᭞ᬢᬶᬤᭀᬂᬢᬸᬳᬸᬦ᭄ᬘᬶᬗᬓ᭄ᬢᬶ᭠ᬢ᭄ᬬᬂᬕ᭄ᬮᬶᬲ᭄ᬕᭂᬮᬶᬲ᭄᭞ᬢᬦ᭄ᬲᬄᬫ[strike]ᬕᬦ᭄ᬢᬸᬂᬤᬶᬢᬶᬗ᭄ᬳᬮ᭄᭟ᬧᬚᬮᬦᬾᬗᬫᬸᬂᬗ᭄ᬕᬳᬂ᭞ᬤᬶᬧᬸᬜ᭄ᬘ
ᬕᬸᬦᬸᬗᬾᬦᬗᬶᬲ᭄᭞ᬩᬸᬓᬲᬸᬮᬶᬗᬾᬫᬗᬮᭀᬦ᭄᭞ᬫᬜᬫ᭄ᬩᬢ᭄ᬭᬳᬤᬾᬦ᭄ᬕᬮᬸᬄ᭞ᬤᬹᬄᬤᬾᬯᬥᬭᬶᬰᬹᬧ᭄ᬭᬪ᭞ᬤᭀᬂᬫᬭᬶᬓᬶ᭞ᬳᬚᬓ᭄ᬢᬶᬢ᭄ᬬᬂᬫᬭᬶᬂᬰ᭄ᬯᬃᬕ᭄ᬖᬦ᭄᭟ᬢᬦ᭄ᬧ᭄ᬕᬢ᭄ᬫ

[᭑᭔ 14A]
ᬲᬲᬫ᭄ᬩᬢᬦ᭄᭞ᬲᬂᬳ᭄ᬬᬂᬫᬹᬱ᭄ᬝᬶᬓᬦᬶᬂᬫᬦᬶᬲ᭄᭞ᬲᬓᬶᬢ᭄ᬲᬦ᭄ᬢᬶᬢ᭄ᬬᬂᬫᬲ᭄ᬳᬶᬗᭀᬂ᭞ᬢ᭄ᬯᬭᬫᬦᭀᬦ᭄ᬢᭀᬦ᭄ᬳᬶᬭᬢᬸ᭞ᬲ᭄ᬯᬾᬢᬶᬢ᭄ᬬᬂᬫᬗᬦ᭄ᬢᭀᬲᬂ᭞ᬍᬫᬄᬯ᭄ᬗᬶ᭞ᬢᬦ᭄‌ᬓ᭄ᬦᬢᬸᬭᬸᬮᬦ᭄ᬢᬤᬄ᭟ᬬᬦ᭄ᬢᬶᬢ᭄ᬬᬂ
ᬢ᭄ᬯᬭᬓᬢ᭄ᬓᬦ᭄᭞ᬫᬗ᭄ᬭᬸᬭᬸᬄᬳᬶᬤᬾᬯ᭄ᬯᬲᬳᬶ᭞ᬳᬾᬦᬓᬦ᭄ᬧ᭄ᬚᬄᬢ᭄ᬯᬰᬶᬗᭀᬂ᭞ᬭᬶᬂᬗ᭄ᬳᬮᬲ᭄ᬭᬯᬡᬳᬕᬸᬂ᭞ᬲᬶᬦᬭᬧᬶᬂᬫᬺᬕ᭄ᬕᬧᬢ᭄ᬬ᭞ᬢᬦ᭄‌ᬳᬳᬶᬭᬶᬂ᭞ᬤ᭄ᬫᬓ᭄ᬫᬘᬦ᭄ᬫᬳᬶᬜᬭᬧ᭄᭟ᬲ᭄ᬥᬶᬄᬲ᭠
ᬚᬓᬧᬶᬢᬶᬢ᭄ᬬᬂ᭞ᬳᬢ᭄ᬫᬚᬶᬯᬭᬤᬾᬦ᭄ᬤᬾᬯᬶ᭞ᬤᬸᬄᬤᬶᬚᭂᬳᬚ᭄ᬯᬫᬳᭂᬗ᭄ᬕᭀᬦ᭄᭞ᬢ᭄ᬯᬭᬚᭂᬫᬲᬶᬄᬓᬢ᭄ᬧᬸᬓ᭄᭞ᬫᬜ᭄ᬚᬶᬂᬂᬳᬮᬲ᭄ᬧᬦᬗ᭄ᬲᬭᬦ᭄᭞ᬚᬸᬭᬂᬯᬸᬓᬶᬃ᭞ᬲ᭄ᬯᬾᬯᬾᬦ᭄ᬢᭂᬦ᭄ᬧᬶ
ᬢᬸᬗ᭄ᬕᬮᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬭᬶᬫ᭄ᬧ᭄ᬬᬄᬭᬶᬫ᭄ᬧ᭄ᬬᬸᬄ[strike]ᬫᬭᬶᬂᬯᬸᬓᬶᬃ᭞ᬫᬲ᭠ᬲᬫ᭄ᬩᬢᬦ᭄ᬫᬗᬮᭀᬦ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬢ᭄ᬯᬭᬫᬾᬮᬶᬂᬢ᭄ᬓᬾᬦ᭄ᬢᬶᬢ᭄ᬬᬂ᭞ᬤᬤᬶᬓᬮᬶ [ 15 ][᭑᭔ 14B]
᭑᭔
ᬲ᭄᭞ᬫᬫ᭄ᬮᬲᬶᬦ᭄ᬓᬲᬸᬶᬰ᭄ᬯᬃᬕ᭄ᬕᬦ᭄᭟ᬫ᭄ᬮᬄᬓᬾᬢᬶᬢ᭄ᬬᬂᬲᬓᬶᬢ᭄ᬲᬦ᭄᭞ᬳᬗ᭄ᬤᬾᬢᬤᬄᬳᬲᬶᬄᬗ᭄ᬮᬶᬂ᭞ᬳᭂᬗ᭄ᬓᬶᬓ᭄᭞ᬲᬳᬶᬗᬮᭀᬦ᭄᭞ᬢ᭄ᬯᬭᬳᬶᬭᬢᬸᬓᬢ᭄ᬫᬸ᭞ᬧ᭄ᬚᬄᬢᬶᬤᭀᬂᬯᬸᬭᬶᬧ᭄
ᬤᬸᬓ᭞ᬲᬳᬶᬲ᭄ᬥᬶᬄ᭞ᬗᬸᬢ᭄ᬧ᭄ᬝᬶᬤᬾᬯᬶ[strike]ᬰᬸᬧ᭄ᬭᬪ᭟ᬮᬫ᭄ᬧᬳᬾᬗᬚᬓᬗᬶᬦᬂ᭞ᬓᬧᬗ᭄ᬕᬶᬄᬢᬫᬦ᭄ᬳᬗ᭄ᬭᬯᬶᬢ᭄᭞ᬳᬦᬓ᭄‌ᬗᬸᬩᬸᬦᬹᬗ᭄ᬕᬮ᭄ᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬜ᭄ᬚᬸᬕ᭄ᬚᬸᬕ᭄᭞ᬗ᭄ᬭᬭᬶᬲ᭄ᬫ
ᬘ᭄ᬮᬸᬧ᭄ᬫᬸᬮ᭄ᬬᬦ᭄᭞ᬲᬶᬭᬧᬲᬶᬄ᭞ᬦᬶᬓᬶᬚ᭄ᬭᭀᬦᬾᬳᬸᬮᬶᬤᬶᬚ᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬦᬶᬭᬯᭀᬂᬗ᭄ᬓᬮᬭᬦ᭄ᬓᬶᬂᬓᬶᬂ᭞ᬭᬶᬂᬳᬚᬃᬧᬶᬓᬢᬦ᭄ᬋᬓᭀ᭞ᬦᬶᬭᬳᭀᬓᬦ᭄ᬤᬲᬂᬧ᭄ᬭᬪᬹ᭞ᬤᬸᬓᬸᬄᬓ
ᬢ᭄ᬭᬗᬦ᭄ᬳᬗᬸᬘᬧ᭄᭞ᬤᬹᬄᬫᬮᬶᬗ᭄ᬕᬶᬄ᭞ᬢᬸᬫ᭄ᬩᬾᬦ᭄ᬳᬶᬤᬾᬯᬧ᭄ᬭᬵᬧ᭄ᬢ᭟ᬧᬸᬦᬧᬶᬓᬃᬬ᭄ᬬᬳᬶᬤᬾᬯ᭞ᬳᬤᭀᬄᬲᬦ᭄ᬭᬯᬸᬄᬫᬭᬶᬓᬶ᭞ᬲ᭄ᬮᬢ᭄ᬧᬲᬶᬄᬳᬮᬲ᭄ᬳᭂᬚᭀᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄

[᭑᭕ 15A]
ᬦᬶᬭᬓᬮᬭᬳᬸᬧᬬ᭞ᬭᬤᬾᬦ᭄ᬤᬾᬯᬶ᭞ᬗᬭᬦ᭄ᬤᬤᬭᬶᬰᬹᬧ᭄ᬭᬪ᭟ᬤᬸᬓᬸᬄᬲᬓ᭄ᬢᬶᬲᬳᬸᬃᬲᭂᬫ᭄ᬩᬄ᭞ᬳᬤᭀᬄᬧᬶᬲᬦ᭄ᬤᬾᬯᬕᬸᬲ᭄ᬢᬶ᭞ᬳᬶᬤᬤᬶᬰ᭄ᬯᬃᬕ᭄ᬕᬦ᭄ᬫᬳᭂᬗ᭄ᬕᭀᬦ᭄᭞ᬓᬸᬤ᭄ᬬᬂᬳᬶᬤᬾᬯᬫ
ᬗ᭄ᬭᬸᬭᬸᬄ᭞ᬬᬦ᭄ᬳᬶᬤᬾᬯᬳᬦ᭄ᬢᬸᬓ᭄ᬲᬤ᭄ᬬ᭞ᬫᬗᬸᬢ᭄ᬧ᭄ᬢᬶ᭞ᬤ᭄ᬭᬶᬓᬶᬤᬶᬕᬸᬦᬸᬂᬭᬯᬡ᭟ᬮᬫᬸᬦ᭄ᬓᬧᬗ᭄ᬕᬶᬄᬢ᭄ᬮᬕ᭞ᬤ᭄ᬭᬶᬓᬳᬶᬤᬾᬯᬫᬫᬹᬱ᭄ᬝᬶ᭞ᬭᬶᬂᬢ᭄ᬧᬶᬢ᭄ᬮᬕᬦᬾᬫᬗ᭄ᬓᭀ᭞ᬮᬫᬸᬦ᭄ᬯᬾᬦ᭄ᬢᭂᬦ᭄‌ᬩ᭄ᬦᬂᬢᬸ
ᬳᬸᬦ᭄᭞ᬧᬸᬦᬶᬓᬢᬸᬳᬸᬢ᭄ᬳᬶᬤᬾᬯ᭞[strike]ᬤᬦᬓᬸᬢ᭄ᬦ᭄᭞ᬫᬦᬯᬳᬶᬤᬾᬯᬲᬤ᭄ᬬ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬳ᭄ᬦᬸᬓᬓᬶᬤᬸᬓᬸᬄᬤᬶᬦᬶ᭞ᬦᬶᬭᬓ᭄ᬫᬚᬦᬶᬗᭀᬚᭀᬕ᭄᭞ᬫᬃᬕ᭄ᬕᬶ
ᬤᬾᬯᬧᬂᬭᬳᬬᬸ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬤᬾᬦ᭄ᬳᬕ᭄ᬮᬶᬲ᭄᭞ᬢᬦ᭄ᬓᭀᬘᬧ᭄ᬰᬸᬓᬸᬄᬓᬢ᭄ᬭᬗᬦ᭄᭟ᬧᬫᬵᬃᬕ᭄ᬕᬶᬦᬾᬗᬫᬸᬗ᭄ᬕᬳᬂ᭞ᬢᬫ᭄ᬧᭂᬓ᭄ᬭᬶᬂᬫᬤ᭄ᬬᬦᬶᬂᬯᬸᬓᬸᬯᬶᬃ᭞ᬳᬮᬲ᭄‌ᬕ᭄ᬥᬾᬳᬗᬶᬦ᭄ [ 16 ][᭑᭕ 15B]
᭑᭕
ᬗᭀᬳᭀ᭞ᬧ᭄ᬭᬵᬧ᭄ᬢᬭᬶᬂᬩᬜ᭄ᬘᬗᬶᬂᬯᬸᬶᬓᬸᬶᬃ[strike]ᬕᬸᬦᬸᬂ᭞+(ᬭᬫᬾ)ᬲᬸᬭᬓᬶᬂᬘᬫᬭ᭞ᬢᭂᬫ᭄ᬧᬸᬄᬳᬗᬶᬦ᭄᭞ᬩᬸᬓᬲᬸᬭᬓ᭄ᬭᬶᬂᬧᬬᬸᬤᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬧ᭄ᬭᬵᬧ᭄ᬢᬭᬶᬂᬧᬸᬜ᭄ᬘᬓᬶᬂᬯᬸᬓᬶᬃ᭞ᬢᬦ᭄ᬲᬄᬳ᭠
ᬦᬗᬶᬲ᭄ᬫᬗᬮᭀᬦ᭄᭞ᬫᬲᬲᬫ᭄ᬩᬢᬦ᭄ᬤᬶᬕᬸᬦᬸᬂ᭞ᬲᬕᬾᬢ᭄ᬓᬧᬗ᭄ᬕᬶᬄᬢᬮᬕ᭞ᬢᬸᬳᬸᬗ᭄ᬭᬯᬶᬢ᭄᭞ᬤᬶᬧᬶᬗ᭄ᬕᬶᬃᬭᬭᬶᬲ᭄ᬫᬲᬶᬮ᭟ᬫᬫᬸᬶᬲᬸᬶᬫᬹᬱ᭄ᬝᬶᬫᬳ᭄ᬋᬧ᭄ᬓᬵᬚ᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬤᬸᬄᬤᬾ
ᬯᬭᬢᬸᬫᬲ᭄ᬳᬶᬗᭀᬂ᭞ᬫᬭᬶᬓᬶᬕ᭄ᬮᬶᬲ᭄ᬢᬸᬫᬸᬭᬸᬦ᭄᭞ᬢᬶᬢ᭄ᬬᬂᬓᬮᬭᬦ᭄ᬳᬸᬧᬬ᭞ᬲᬳᬶᬲ᭄ᬥᬶᬄ᭞ᬢᬦ᭄‌ᬓ᭄ᬦᬢᬸᬭᬸᬮᬦ᭄ᬢᬤᬄ᭟ᬫᬸᬶᬲᬸᬶᬲᬸᬶᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬢ᭄ᬯᬭᬓᬢᭀᬦ᭄ᬭᬤᬾᬦ᭄ᬤᬾᬯᬶ᭞
ᬤᭀᬂᬫᬭᬶᬓᬶᬤᬾᬯᬓᬢᭀᬦ᭄᭞ᬘᬶᬗᬓᬶᬦ᭄ᬳᬶᬍᬳᬂᬲᬸᬯᬸᬂ᭞ᬢᬦᬶᬩ᭄ᬦᬂᬓᭂᬓᬢᭀᬦᬂ᭞ᬲᬳᬶᬦᬗᬶᬲ᭄᭞ᬲᬫ᭄ᬩᬶᬮᬂᬫᬲᬲᬫ᭄ᬩᬢᬦ᭄᭟ᬢᬦ᭄ᬲᬄᬫᬫᬸᬱ᭄ᬝᬶᬫᬲᬶᬮ᭞ᬲᬫ᭄ᬩᬶᬮᬂᬫᬲᬶᬄ᭠

[᭑᭖ 16A]
ᬫᬦᬗᬶᬲ᭄᭞ᬤᬶᬚᬳᬚ᭄ᬯᬫᬳᭂᬗ᭄ᬕᭀᬦ᭄᭞ᬫᬭᬶᬓᬶᬤᬾᬯᬢᬸᬫᬸᬭᬸᬦ᭄᭞ᬳᬚᬓ᭄ᬢᬶᬢ᭄ᬬᬂᬫᬓᬮᬶᬳᬦ᭄᭞ᬦᬶᬓᬶᬳᬫ᭄ᬩᬶᬮ᭄᭞ᬩᬸᬗ᭄ᬓᬸᬂᬤᬾᬯᬦᬾᬫᬶᬭᬄ᭟ᬳ᭄ᬦᬗᬓ᭄ᬦᬓᭀᬘᬧ᭄᭞ᬳᬸᬚ
ᬭᬾᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬭᬯᬸᬄᬓᬰ᭄ᬯᬃᬕ᭄ᬕᬦ᭄ᬫᬗᬮᭀᬦ᭄᭞ᬤᬾᬯᬶ[strike]ᬰᬸᬧ᭄ᬭᬪᬳᬗ᭄ᬭᬸᬗᬸ᭞ᬜᬫ᭄ᬩᬢ᭄ᬩᬸᬗ᭄ᬓᬸᬂᬦᬸᬦ᭄ᬤᬾᬦ᭄ᬜᬸᬯᬂ᭞ᬫᬭᬸᬶᬳᬾᬮᬶᬂ᭞ᬭᬶᬂᬫᬦ᭄ᬢ᭄ᬭᬶᬳᬚᬃᬧᬶᬓᬢᬦ᭄᭟ᬢᬦ᭄ᬲᬄᬜ᭄ᬗᬾᬂ᭠
ᬫᬫᬶᬋᬗᬂ᭞ᬲᬲᬫ᭄ᬩᬢᬾᬳᬫ᭄ᬮᬲ᭄ᬳᬲᬶᬄ᭞ᬢᬦ᭄ᬧ᭄ᬕᬢ᭄ᬧ᭄ᬕᬢ᭄ᬫᬗᬮᭀᬦ᭄᭞ᬭᬭᬶᬲ᭄ᬗᬫ᭄ᬩᬶ᭠ᬮ᭄‌ᬩ᭄ᬦᬂᬳᬶᬚᬸ᭞ᬫ[strike]ᬰᬩ᭄ᬥᬫᬫ᭄ᬩᬄᬩᬄᬩ᭄ᬦᬂ᭞ᬯᬲ᭄ᬢᬸᬧ᭄ᬭᬵᬧ᭄ᬢᬶ᭞ᬭᬶᬂᬩ᭄ᬮᬶᬳᬚᬃᬧᬶᬓᬢᬦ᭄᭟ᬲᬫ᭄ᬧᬸᬦ᭄
ᬢ᭄ᬮᬲ᭄ᬓ[strike]ᬩᬄᬩᬳᬂ᭞ᬓᭀᬘᬧᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬕᬾᬢᬦ᭄ᬩᭂᬦᬗᬾᬓᬢᭀᬦ᭄᭞ᬢᬸᬫᬸᬮᬶᬩᬗᬸᬦ᭄ᬲᬶᬦᬫ᭄ᬩᬸᬢ᭄᭞ᬮᬸᬮᬸᬦ᭄ᬜᬢᭀᬂᬤᬤᬶ[strike]ᬧ᭄ᬕᬢ᭄᭞ᬮᬳᬸᬢ᭄‌ᬢ᭄ᬮᬶᬢᬶ᭞ᬫᬺᬱᬓᬫ᭄ᬩᬂ [ 17 ][᭑᭖ 16B]
᭑᭖
ᬗᬫᭂᬦᬾᬓᬂ᭟ᬲᬫ᭄ᬧᬸᬦᬢ᭄ᬕᭂᬳᭂᬄᬳᬢᭂᬗᬳ᭞ᬢ᭄ᬓᭂᬩᬋᬢᬾᬫᬗᬸᬧᬶᬦ᭄᭞ᬧᬸᬦ᭄ᬢᬂᬧᬦ᭄ᬢᬶᬂᬫᬗᬮᬬᭀᬦ᭄᭞ᬭᬲᬩᬸᬶᬦ᭄ᬜᬓ᭄ᬢᭂᬲ᭄ᬗᬮᬦ᭄ᬢᬸᬓ᭄᭞ᬫᬲᬶᬄᬕᬶᬲᬶᬗᬸᬢᬶᬢ᭄ᬫᬂ᭞ᬗ᭄ᬮᬮᬸᬧᬢᬶ᭞ᬳᬕ᭄ᬮᬶᬲ᭄ᬧ᭄ᬭᬵ
ᬧ᭄ᬢᬫᬭᬶᬂᬰ᭄ᬯᬃᬕ᭄ᬕᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬫᬦᬸᬚᬸᬧᬲᬃᬓᬧᬗ᭄ᬕᬶᬄ᭞ᬯᭀᬂᬧᬲᬃᬕᭂᬕᭂᬃᬫᬢᬓᭀᬦ᭄᭞ᬅᬢ᭄ᬫᬳᬫᬢᬄᬫ᭄ᬭᬶᬓᬶᬭᬯᬸᬄ᭞ᬧᬸᬦᬧᬶᬕᬯᬾᬦᬾᬧ᭄ᬭᬵᬧ᭄ᬢ᭞ᬫᬗ᭄ᬮᬢᬸᬳᬶᬦ᭄
᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭟ᬲᬕ᭄ᬓᬦᬶᬭᬫᬳᬶᬢ᭄ᬓ᭞ᬗᬸᬢ᭄ᬧ᭄ᬢᬶᬭᬳᬤᬾᬦ᭄ᬤᬾᬯᬶ᭞ᬳᬧᬦ᭄ᬦᬶᬭᬫᬢᬢᬕᭀᬦ᭄᭞ᬭᬶᬂᬤᬾᬯᬶᬰᬹᬧ᭄ᬭᬪᬳᬶᬓᬸ᭞ᬓᭀᬘᬧ᭄ᬫᬮᬶᬗ᭄ᬕᬶᬄᬤᬶᬰ᭄ᬯᬃᬕ᭄ᬕᬦ᭄᭞ᬳᭂ
ᬮᬾᬦ᭄ᬤᬶᬦᬶ᭞ᬚ᭄ᬭᭀᬦ᭄ᬳᬶᬤᬓ᭄ᬫᭂᬳ᭟ᬦᬶᬓᬶᬚ᭄ᬭᭀᬦᬾᬯᭀᬂᬧᬸᬦᬧᬶ᭞ᬦᬓᭀᬦᬂᬭᬳᬤᬾᬦ᭄ᬤᬾᬯᬶ᭞ᬮᬦ᭄ᬘᬂᬫᬗᬓᬸᬢᬢᬕᭀᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬦᬶᬭᬯᭀᬂᬗ᭄ᬳ

[᭑᭗ 17A]
ᬚᬃᬧᬶᬓᬢᬦ᭄᭞ᬲᬗ᭄ᬓᬦ᭄ᬫᬳᬶ᭞ᬗᬸᬧᬶᬸᬢ᭄ᬧ᭄ᬢᬶᬤᬭᬶᬰᬹᬧ᭄ᬭᬪ᭟ᬤᬶᬦᬶᬚ᭄ᬭᭀᬦᬾᬫᬗᬦ᭄ᬢᭀᬲᬂ᭞ᬜᬵᬫᬜ᭄ᬚ᭄ᬭᭀᬫᬢᬹᬃᬓᬧᬸᬭᬶ᭞ᬭᬶᬂᬪᬝᬵᬭᬳᬚᬶᬋᬓᭀ᭞ᬢᬸᬫᬸᬮᬶᬫᬚᬮᬦ᭄ᬲᬫ᭄ᬧᬸᬦ᭄᭞ᬳ
ᬕ᭄ᬮᬶᬲ᭄ᬧ᭄ᬭᬵᬧ᭄ᬢᬫᬭᬶᬂ[strike]ᬧᬸᬭ᭞ᬫᬢᬸᬃᬳᬭᬶᬲ᭄᭞ᬤᬹᬄᬤᬾᬯᬭᬢᬸᬪᬝᬵᬭ᭟ᬅᬢ᭄ᬫᬫᬢᬄᬫ᭄ᬭᬶᬓᬶᬧ᭄ᬭᬵᬧ᭄ᬢ᭞ᬦᬓᭀᬦᬂᬭᬳᬤᬾᬦ᭄ᬤᬾᬯᬶ᭞ᬤᬦᬾᬫᬗᬗ᭄ᬓᭂᬦ᭄ᬢᬢᬕᭀᬦ᭄᭞ᬭᬶᬂᬤᬾᬯᬶᬰᬹᬧ᭄ᬭ
ᬪᬳᬶᬓᬸ᭞ᬗᬗ᭄ᬓᭂᬦ᭄ᬯᭀᬂᬳᬚᬃᬧᬶᬓᬢᬦ᭄᭞ᬜᬓᬺᬯᬵᬃᬢ᭄ᬣᬶ᭞ᬳᭀᬓᬦ᭄ᬭᬢᬹᬫᬺᬘ᭄ᬙᬧ᭠ᬤ᭄ᬥ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬜᬳᬶᬰᬹᬧ᭄ᬭᬪᬦᬾᬳᬮᬶᬄ᭞ᬳᬧᬗ᭄ᬳᬫᬳᬶᬓᬚ᭄ᬭᭀ᭞ᬦᬶ
ᬭᬫᬦ᭄ᬓᭀᬦᬶᬦ᭄ᬫᬮᬸ᭞ᬮᬫᬸᬦ᭄ᬓᬬᬢᬸᬳᬸᬲᬚ᭞ᬫᬓᬓᬦ᭄ᬢᬶ᭞ᬚᬢ᭄ᬢᬶᬓᬮᬯᬦ᭄ᬢᬦ᭄ᬲᬚ᭟ᬧᬜ᭄ᬭᭀᬯᬦ᭄ᬲᬫ᭄ᬧᬸᬦ᭄ᬫᬫᬵᬃᬕ᭄ᬕ᭞ᬫᬢᬸᬄᬭᬶᬂᬭᬳᬤᬾᬦ᭄ᬤᬾᬯᬶ᭞ᬳᬶᬤᬾᬯᬫᬵᬃᬕ᭄ᬕᬶᬓ [ 18 ][᭑᭗ 17B]
᭑᭗
ᬚ᭄ᬭᭀ᭞ᬭᬳᬤᬾᬦ᭄ᬤᬾᬯᬶᬰᬹᬧ᭄ᬭᬪ᭞ᬳᭂᬦ᭄ᬤᬾᬦ᭄ᬜ[strike]ᬦᬦ᭄ᬓᬳᬶᬓ᭄ᬫ᭞ᬧᬘᬂᬦᬗ᭄ᬓᬶᬮ᭄᭞ᬧᬜ᭄ᬭᭀᬯᬦ᭄ᬭᬭᬶᬲ᭄ᬬᬤᬮ᭄᭟ᬭᬤᬾᬦ᭄ᬕᬮᬸᬄᬳ᭄ᬜᭂᬢ᭄ᬭᬶᬂᬫᬦᬄ᭞ᬚ᭄ᬜᬗᭂᬢ᭄ᬓᭂᬳᬶᬩ᭄ᬮᬶ᭞ᬓᬾᬦ᭄ᬓᬾᬦ᭄ᬳ
ᬩᭂᬢᬾᬤᬶᬚ᭄ᬭᭀ᭞ᬫᬳᬢᬸᬃᬢ᭄ᬓᬾᬦ᭄ᬳᬶᬕᬸᬭᬸ᭞ᬲᬶᬜᬢᬸᬶᬢᬾᬳᬶᬕᬸᬭᬸᬤᬸᬓ᭞ᬲᬸᬩᬚᬦᬶ᭞ᬳᬧᬂᬯᬶᬤ᭄ᬥᬶᬫᬢᭂᬫ᭄ᬯᬂ᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬗᭀᬮᬄᬭᬭᬲᬫ᭄ᬧᬸᬦ᭄ᬳᬲᬶᬂ᭞ᬗᬾᬦ
ᬓᬶᬦ᭄ᬓ᭄ᬓᬬᬸᬦ᭄ᬢᬶᬦᭀᬦ᭄ᬢᭀᬦ᭄᭞ᬢᬶᬢ᭄ᬬᬂᬲ᭄ᬫᬭᬢᬸᬫᬸᬭᬸᬦ᭄᭞ᬢᬬᬸᬗᬦᬾᬗᬍᬲ᭄ᬫᭂᬫ᭄ᬩᬢ᭄᭞ᬢᬸᬳᬸᬍᬯᬶᬄ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭟ᬪᬝᬭᬕᬸᬭᬸᬗᬦ᭄ᬤᬶᬓ᭞ᬫᬳᬶᬓᬾᬳᬶᬦᬦ
ᬓ᭄ᬤᬾᬯᬶ᭞ᬩᬧᬢᬾᬚᬦᬶᬫᬢᬓᭀᬦ᭄᭞ᬮᬫᬸᬦ᭄ᬜᬳᬶᬲᬸᬩᬢᬸᬳᬸ᭞ᬫᬓᬦ᭄ᬢᬶᬓᬫᬺᬘ᭄ᬙᬧᬤ᭄ᬥ᭞ᬓᬾᬦ᭄ᬳᬶᬫᬦ᭄ᬢ᭄ᬭᬶ᭞ᬜᬓ᭄ᬋᬯᬵᬃᬢ᭄ᬢᬶᬤᬶᬧᬶᬓᬢᬦ᭄᭟ᬭᬤᬾᬦ᭄ᬕᬮᬸᬄᬲᬳᬸᬃᬲᭂᬫ᭄ᬩᬄ᭞᭠

[᭑᭘ 18A]
ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬕᬸᬭᬸᬳᬚᬶ᭞ᬲᬤᬯᭂᬕ᭄ᬢᬶᬢ᭄ᬬᬂᬫᬲᬸᬘ᭄ᬬᬦ᭄᭞ᬭᬶᬂᬢ᭄ᬮᬸᬶᬮᬸᬶᬢ᭄ᬗᬄᬳᬮᬲᬾᬳᬤ᭄ᬬᬸᬲ᭄᭞ᬳᬶᬭᬶᬓᬢᬶᬢ᭄ᬬᬂᬳᬶᬦ᭄ᬢᬶᬧ᭞ᬢ᭄ᬧᬶᬦ᭄ᬩᬾᬚᬶ᭞ᬫᬮᬶᬗᬦ᭄ᬓᬬᬸᬓᬢ᭄ᬭᬗᬦ᭄᭟ᬓᬸᬮᬫ᭄ᬩᬶᬦ᭄ᬢᬶᬢ᭄ᬬ
ᬗᬾᬳᬶᬮᬂ᭞ᬧᬸᬦᬶᬓᬳᬶᬩ᭄ᬮᬶᬗᬫ᭄ᬩᬶᬮ᭄᭞ᬓᬢᬸᬗ᭄ᬓᬸᬮ᭄ᬢᬶᬢ᭄ᬬᬂᬫᬲᬸᬘ᭄ᬬᬦ᭄᭞ᬤᬤᬶᬢᬶᬢ᭄ᬬᬂᬲ᭠ᬯᬸᬄᬯᬸᬯᬸᬲ᭄᭞ᬢᬶᬢ᭄ᬬᬂᬢ᭄ᬯᬄᬫᬲᬗ᭄ᬕᬸᬧ᭄ᬲᬸᬓ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬓᬬᬸᬦ᭄‌ᬪᬵ[strike]
ᬧ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬯᬶ[strike]ᬤ᭄ᬥᬶᬫᬢ᭄ᬫᬸᬯᬂᬜᬳᬶ᭞ᬢᬶᬦ᭄ᬤᬶᬳᬂᬜᬳᬶᬳᬫ᭄ᬩᬸᬮ᭄ᬢᭀ᭞ᬳᬧᬦ᭄ᬕᬢᬶᬦ᭄ᬜᬳᬶᬢᬸᬯᬸᬦ᭄᭞ᬫᬢ᭄ᬫᬸᬓ᭄ᬫᬺᬘ᭄ᬙᬧᬤ᭄ᬥ᭞ᬦᬗ᭄ᬳᬶᬂᬜᬳᬶ᭞ᬳᬧᬂᬫ᭄ᬮᬄᬧᬢᬧᬬᬂ᭟ᬭ
ᬤᬾᬦ᭄ᬕᬮᬸᬄᬲᬳᬸᬃᬲᭂᬫ᭄ᬩᬄ᭞ᬓᬤᬾᬬᬦ᭄ᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬭᬶᬂᬧᬲᬃᬢᬸᬫᬸᬮᬶᬦᭀᬚᭀᬕ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬢ᭄ᬫᬸ᭞ᬢᬸᬫᬸᬮᬶᬫᬢᬹᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬫᬃᬕ᭄ᬕᬶᬋᬓᭀᬓᬩᬜ᭄ᬘᬶ [ 19 ][᭑᭘ 18B]
᭑᭘
ᬗᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬦᬄᬚᬮᬦ᭄ᬫᬫᬦ᭄ᬭᬶᬫᬶᬳᬶᬦ᭄᭞ᬧᬫᬵᬃᬕ᭄ᬕᬶᬦᬾᬫᭂᬫ᭄ᬩᬢ᭄ᬳᬮᭀᬦ᭄᭞ᬧ᭄ᬭᬵᬧ᭄ᬢᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬲᬶᬮ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬪᬝᬵᬭ᭠
ᬕᬸᬭᬸᬗᬦ᭄ᬤᬶᬓ᭟ᬘᬳᬶᬳᬸᬮᬶᬫᬺᬘ᭄ᬙᬧᬤ᭄ᬥ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬢᬸᬃᬳᬭᬶᬲ᭄᭞ᬫᬫᭂᬧᭂᬲ᭄ᬫᬦᭂᬫ᭄ᬩᬄᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬤᬾᬯᬭᬢᬸ᭞ᬢᬶᬢ᭄ᬬᬂᬓᬮᬭᬦ᭄ᬳᬸᬧᬬ᭞ᬭᬤᬾᬦ᭄ᬤᬾᬯᬶ꧈ᬗ
ᬭᬦ᭄ᬥᬤᬭᬶᬰᬹᬧ᭄ᬭᬪ᭟ᬫᬮᬶᬄᬪᬝᬵᬭᬗᬦ᭄ᬤᬶᬓ᭞ᬲᬗ᭄ᬓᬦ᭄ᬘᬳᬶᬫᬓᬓᬦ᭄ᬢᬶ᭞ᬤᬶᬚᬳᬓᬢ᭄ᬧᬸᬓ᭄ᬋᬓᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬩᬄᬫᬢᬸᬃ᭞ᬳᬶᬗ᭄ᬕᬶᬄᬢ᭄ᬧᬶᬦᬶᬂᬢᬮᬕ᭞ᬢᬶᬢ᭄ᬬᬂᬳᬮᬶᬂ᭞ᬫᬩ
ᬩᬸᬭᬾᬸᬢ[strike]ᬦ᭄ᬳᭀᬮᬶᬳ᭟ᬬᬦ᭄ᬤᬸᬭᬸᬲ᭄ᬳᬶᬘᬪᬝᬵᬭ᭞ᬢᬶᬢ᭄ᬬᬂᬦᬸᬦᬲ᭄ᬭᬤᬾᬦ᭄ᬤᬾᬯᬶ᭞ᬪᬝᬵᬭᬳᬚᬶᬮᬶᬗ᭄ᬓ᭄ᬬᬮᭀᬦ᭄᭞ᬦᬄᬮᬫᬸᬦ᭄ᬜᬲᬚᬢᬸᬳᬸ᭞ᬦᬗ᭄ᬳᬶᬂᬘᬳᬶ[strike]ᬯᬶᬤᬶᬦ᭄ᬩᬧ᭞ᬦᬸ

[᭑᭙ 19A]
ᬤᬸᬓ᭄ᬚᬶᬚᬶᬄ᭞ᬳᭂᬦ᭄ᬢᭀᬳᬯᬓᬸᬮᬢᬫ᭄ᬩᬕ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬓ᭄ᬫᭂᬩᬶᬬᭀᬓᬂᬳᬶᬍᬳᬶᬦ᭄᭞ᬩᬮᬾᬳ᭄ᬫᬲᬾᬤᬶᬚ᭄ᬭᭀ᭞ᬘᬳᬶᬫᬦ᭄ᬢ᭄ᬭᬶᬧᬘᬂᬦᬸᬤᬸᬓ᭄᭞ᬳᬧᬂᬲᬶᬄᬫᬸᬮᬶᬄᬚ᭄ᬜᬃ᭞
ᬫᬓᬩᬢᬶᬮ᭄᭞ᬪᬧᬦᬸᬤᬸᬓ᭄ᬪᬳᬶᬧ᭄ᬬᬦᬓ᭄᭟ᬓᬤᬾᬬᬦ᭄ᬭᬭᬶᬲ᭄ᬫᬦᬫ᭄ᬧᭂ᭞ᬯᬓᬸᬮ᭄ᬢᬫ᭄ᬩᬕᬓᬧᬸᬭᬶ᭞ᬩ᭄ᬬᭀᬓᬂᬗᬶᬍᬳᬶᬦ᭄‌ᬚ᭄ᬭᭀ᭞ᬩᬮᬾᬫᬲᬾᬫᬓᬩᬸᬗ᭄ᬓᬸᬮ᭄᭞ᬲᬫ᭄ᬧᬸᬦ᭄
ᬢ᭄ᬮᬲ᭄‌ᬦ᭄ᬫᬸᬕᭂᬮᬂᬫᬗᬶᬍᬳᬶᬦ᭄᭞ᬭᬭᬶᬲ᭄ᬩᬸᬤᬮ᭄ᬓᬩᬜ᭄ᬘᬶᬗᬄ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬤᬸᬤᬸᬓ᭄ᬚᬶᬚᬶᬳᬾᬳᬩᬢᬶᬮ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬩᬄᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬪᬝᬵ
ᬭᬕᬸᬭᬸ᭞ᬫᬫᬵᬃᬕ᭄ᬕᬶᬕ᭄ᬮᬶᬲ᭄ᬓᬧᬸᬭ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬭᬶᬲ᭄ᬫᬫᬹᬱ᭄ᬝᬶᬫᬲᬶᬮ᭟ᬫᬜᬫ᭄ᬩᬢ᭄ᬥᬭᬶᬰᬹᬧ᭄ᬭᬪ᭞ᬢᬶᬢ᭄ᬬᬂᬓᬲᬓᬶᬢᬦ᭄ᬫᬗ᭄ᬓᬶᬦ᭄᭞ᬤᬸᬮᬸᬭᬶᬦ᭄ᬢᬶᬢ᭄ᬬᬂᬫᬵᬰᬶᬗᭀᬂ᭞ᬫᬦᬸᬤᬸᬓ᭄ᬚᬶᬚᬶᬄ [ 20 ][᭑᭙ 19B]
᭑᭙
[strike]ᬳᬯᬓᬸᬮ᭄᭞ᬲᬕᬾᬢᬦ᭄‌ᬭ᭄ᬮᬢᬶᬓᬾᬢ᭄ᬓᭂ᭞ᬢ᭄ᬯᬄᬓᬓᬮᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭟ᬲᬂᬧᬓ᭄ᬱᬶᬲᬸᬓᬓᬾᬦᬶᬭ᭞ᬢᬸᬮᬸᬂᬫᬦᬶᬭᬦᬾᬚᬦᬶ᭞ᬫᬦᬸᬤᬸᬓ᭄ᬚᬶᬚᬶᬳᬾᬳᭂ
ᬦ᭄ᬢᭀ᭞ᬳᬧᬗᬫᬸᬮᬶᬳᬯᬓᬸᬮ᭄᭞ᬲᬂᬧᬓ᭄ᬱᬶᬗᬤᭂᬃᬤᭂᬃᬫᬶᬜ᭄ᬘᬂ᭞ᬓᬼᬜ᭄ᬘᬂᬓᬼᬜ᭄ᬘᬶᬂ᭞ᬓ᭄ᬩᭂᬃᬓᬚᬲᬕᬾᬢ᭄ᬳᬶᬮᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬓᭂᬲ᭄ᬬᬩ᭄᭞ᬩᬳᬦᬾᬳᬶᬮᬂᬲᬂᬧᬓ᭄ᬱᬶ᭞ᬫᬗ᭄ᬭ
ᬱᬩᬓᬮ᭄ᬓᬧᭀᬗᭀᬃ᭞ᬬᬾᬦ᭄ᬢᭀᬂᬫᭀᬮᬶᬄᬫᬓᭂᬯᬓᬸᬮ᭄᭞ᬳᬧᬂᬧ᭄ᬭᬕᬢ᭄ᬳᬧ᭄ᬦᬵᬮᬶᬓᬦ᭄᭞ᬦᬸᬤᬸᬕᬸᬶᬓ᭄ᬚᬶᬚᬶᬄ᭞ᬢᬦᬸᬭᬸᬂᬢ᭄ᬯᬄᬦᬶᬭᬧ᭄ᬚᬄ᭟ᬲᬕᬾᬢ᭄ᬲᬂᬧᬓ᭄ᬱᬶᬫᬗᬸᬫ᭄ᬩᬄ᭞ᬮᬸ᭠
ᬳᬸᬃᬦᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᬓ᭄ᬭᬾᬢᬾᬓ᭄ᬲᬸᬫ᭄ᬭᬩᬄᬭᬸᬂᬦ᭄ᬮᬸᬶᬵ[strike][strike]ᬦ᭄ᬤᬾᬮᭀ᭞ᬲᬯᬢᬭ᭠ᬢᬶᬕᬂᬗ᭄ᬳᬢᬸᬲ᭄᭞ᬓᭂᬜ᭄ᬘᬄᬤᬶᬧ᭄ᬢᬳᬦᬾᬗᬦ᭄ᬤᬶᬓ᭞ᬤᬸᬄᬲᬂᬧᬓ᭄ᬱᬶ᭞ᬳᭀᬮᬲ᭄ᬫᬗᬸᬭᬶᬧ᭄ᬫᬦᬶᬭ᭟

[᭒᭐ 20A]
ᬦᬶᬭᬢ᭄ᬯᬄᬗᬶᬤᬶᬄᬳᭀᬮᬲ᭄᭞ᬳᬶᬤᭂᬧ᭄ᬲᬂᬧᬓ᭄ᬱᬶ[strike]ᬫᬗᬸᬭᬶᬧ᭄[strike]ᬦᬸᬶᬭᬸᬶ᭞ᬫᬦᬸᬤᬸᬓᬂᬦᬶᬭᬳᭂᬦ᭄ᬢᭀ᭞ᬳᬧᬂᬫᬸᬮᬶᬄᬳᬯᬓᬸᬮ᭄᭞ᬲᬂᬧᬓ᭄ᬱᬶᬢᬸᬳᬸᬦ᭄ᬲᬸᬫ᭄ᬭᬩᬄ᭞ᬫᬗ᭄ᬭᬩᬸᬢ᭄ᬢᬶᬦ᭄᭞ᬫᭂ
ᬚᬂᬤᬶᬯᬓᬸᬮ᭄‌ᬢᬫ᭄ᬩᬖ᭟ᬲᬂᬧᬓ᭄ᬱᬶᬳᬾᬧᭀᬢ᭄‌ᬦᬸᬤᬸᬓᬂ᭞ᬩᬸᬓᬤᬤᬮᬸᬓᬾᬫ᭄ᬲᬸᬦ᭄ᬤᬶᬄ᭞ᬦᬫ᭄ᬧᭂᬓᬶᬦ᭄ᬯᬓᬸᬮ᭄ᬫᬗ᭄ᬭᭀᬜ᭄ᬘᭀ᭞ᬗᬩᭂᬃᬩᭂᬃᬢ᭄ᬧᬶᬦᬶᬂᬯᬓᬸᬮ᭄᭞ᬩᬸᬶᬗᬭᬾ
ᬢᬾᬓ᭄ᬳᬭᬶᬓ᭄ᬫᬫ᭄ᬚᬂ᭞ᬲᬫᬶᬕᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬧᬮ᭄ᬲᬶᬮ᭟ᬲᬂᬧᬓ᭄ᬱᬶᬢᬭᬶᬓ᭄ᬫᬲ᭄ᬯᬭ᭞ᬧᬓ᭄ᬭᭀᬢᭀᬓ᭄ᬫᬫ᭄ᬚᬂᬚᬶᬚᬶᬄ᭞ᬲᬫ᭄ᬧᬸᬦ᭄ᬢᭂᬮᬲ᭄[strike]ᬧᬤ᭄ᬥᬩᭂᬗᭀᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶ
ᬳᬫᬸᬯᬸᬲ᭄᭞ᬓ᭄ᬫᭂᬲᬂᬧᬓ᭄ᬱᬶᬫᬸᬦ᭄ᬤᬸᬭ᭞ᬧᬤ᭄ᬥᬫᬸᬮᬶᬄ᭞ᬫᬭᬾᬭᭀᬤ᭄ᬩᬸᬤᬮ᭄‌ᬲᬸᬫ᭄ᬭᬩᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬯᬓᬸᬮᬾᬫᬤᬕᬶᬂᬚᬶᬚᬶᬄ᭞ᬕ᭄ᬮᬶᬲ᭄ᬓᬩᬜ᭄ᬘᬶᬗᬄᬗᭀ [ 21 ][᭒᭐ 2B]
᭒᭐
ᬚᭀᬕ᭄᭞ᬓᬢᬸᬃᬭᬶᬂᬪᬝᬵᬭᬕᬸᬭᬸ᭞ᬲᬫ᭄ᬧᬸᬦ᭄ᬫᬓᬫᬸᬮᬶᬄᬚ᭄ᬦᬃ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬦ᭄ᬲᬄᬧᬾᭂᬲ᭄ᬳᬦᭂᬫ᭄ᬩᬄ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬩᬵᬧᬲᬸᬓᬦᬸᬤᬸᬓ᭄ᬘᬳᬶ᭞ᬤᬶᬦᬶᬚᭂᬘᬳᬶᬧᬂᬧ᭠
ᬕᭀᬦ᭄᭞ᬫᬦᭀᬗᭀᬲ᭄ᬢᭂᬓᬾᬦ᭄ᬳᬶᬳᬬᬸ᭞ᬳᬧᬂᬫ᭄ᬮᬄᬫᬢᬧᬬᬂ᭞ᬬᬢ᭄ᬯᬄᬭᬶᬭᬶᬄ᭞ᬫᬜᬶᬤᬺᬯ᭄ᬭᬸᬄᬭᬶᬂᬲᬶᬧ᭄ᬢ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬤᬾᬯᬵᬳᬚᬶ᭞ᬢᬶᬢ᭄ᬬᬂᬦᬸᬦ
ᬲ᭄ᬫᬜᭀᬓᭀᬃ᭞ᬭᬶᬂᬳᬶᬤᬭᬳᬤᬾᬦ᭄ᬕᬮᬸᬄ᭞ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬓ᭄ᬫᭂᬘᬳᬶ᭞ᬦᭀᬗᭀ[strike]ᬲ᭄ᬓᬾᬦ᭄ᬳᬶᬳᬬᬸᬰᬹᬧ᭄ᬭᬪ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬳᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬧᬫᬶᬢ᭄ᬤᬾᬯᬳᬚᬶ
᭞ᬢᬶᬢ᭄ᬬᬂᬫᬦᬸᬦᬲ᭄ᬓᬚ᭄ᬭᭀ᭞ᬧᬋᬓ᭄ᬭᬶᬂᬭᬳᬤᬾᬦ᭄ᬕᬮᬸᬄ᭞ᬦᬄᬫᬚᬮᬦ᭄ᬘᬳᬳᬶᬓ᭄ᬫᭂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬭᬭᬶᬲ᭄ᬫᬗᬗ᭄ᬕ᭟ᬓᭀᬘᬧᬦ᭄ᬤᬾᬯᬶᬰᬹᬧ᭄ᬭᬪ᭞ᬯᬸᬲ᭄ᬫᬧᬬᬲ᭄ᬫᬭᬶᬂ

[᭒᭑ 21A]
ᬧᬸᬭᬶ᭞ᬫᬯᬲ᭄ᬢ᭄ᬭᬧᬺᬫᬲ᭄ᬳᬶᬚᭀ᭞ᬫᬲᬶᬜ᭄ᬚᬂᬧᬢᭀᬮᬫᬸᬭᬸᬩ᭄᭞ᬫᬲ᭄ᬓᬃᬘᭂᬫ᭄ᬧᬓᬧ᭄ᬢᬓ᭄᭞ᬢᬸᬳᬸᬍᬯᬶᬄ᭞ᬧᬗᬸᬘᬧ᭄ᬮ᭄ᬯᬶᬃᬫᬥᬹᬤ᭄ᬭᬯ᭟ᬫᬲᬶᬫ᭄ᬲᬶᬫ᭄ᬫᬕ᭄ᬮᬂᬗ᭄ᬓᬦ᭞ᬫᬢ᭄ᬭᬗ᭄ᬕᬵᬡᬰ᭄ᬭᭀ
ᬦᬶᬓᬸᬦᬶᬂ᭞ᬗᬾᬦᬓᬶᬦ᭄ᬓᬬᬸᬦᬾᬦᭀᬦ᭄ᬢᭀᬦ᭄᭞ᬗᬮᬗᬶᬦ᭄ᬫᬦᬄᬲᬢᬸᬳᬸᬓ᭄᭞ᬢ᭄ᬯᬶᬳ᭄ᬬᬂᬲ᭄ᬫᬭᬗᬶᬦᬦ᭄ᬤᬭᬢ᭄᭞ᬫᬦᬶᬲ᭄ᬩᬗ᭄ᬓᬶᬢ᭄᭞ᬧᬗ᭄ᬮᬶᬧᬸᬭᬦ᭄ᬳᬢᬶᬫᬾᬦ᭄ᬤᬺ᭟ᬓᬕᬾᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶᬧ᭄ᬭᬵᬧ᭄ᬢ᭞ᬳᬋ
ᬧᬦ᭄ᬭᬳᬤᬾᬦᬶᬸᬦ᭄ᬤᬾᬯᬶ᭞ᬢᬸᬫᬸᬮᬶᬳᬦᭂᬫ᭄ᬩᬄᬳᬮᭀᬦ᭄᭞ᬤᬸᬄᬤᬾᬯᬭᬳᬤᬾᬯᬭᬳᬤᬾᬦ᭄ᬕᬮᬸᬄ᭞ᬦᬶᬓᬶᬓᭀᬪᬝᬭᬦ᭄ᬢᬶᬢ᭄ᬬᬂ᭞ᬫᬶᬭᬄᬕᬸᬲ᭄ᬢᬶ᭞ᬭᬢᬸᬦ᭄ᬢᬶᬢ᭄ᬬᬂᬳᬢ᭄ᬫᬚᬶᬯ᭟ᬫᬾᬮᬶᬂᬳᬶᬭᬢᬸᬭᬶᬂ
ᬢᬶᬢ᭄ᬬᬂ᭞ᬲ᭄ᬯᬾᬢᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬫᬗ᭄ᬓᬶᬦ᭄ᬓᬢ᭄ᬫᬸᬫᬲ᭄ᬳᭀᬗᭀᬂ᭞ᬧᬦᭂᬫ᭄ᬩᬳᬦᬾᬫᬲ᭄ᬓᬮᬸᬂ᭞ᬲᬓᬶᬢ᭄ᬲᬦ᭄ᬢᬶᬢ᭄ᬬᬂᬦᬳᬦᬂ᭞ᬢᬶᬤᭀᬂᬫᬢᬶ᭞ᬲᬓᬶᬢ᭄ᬓᬮᬭᬦ᭄ᬳᬸᬧᬬ᭟ᬭᬤᬾᬦ᭄ᬕᬮᬸᬄ [ 22 ][᭒᭑ 21B]
᭒᭑
ᬕᬦ᭄ᬤᬶᬓ᭞ᬤᬸᬄᬩᬸᬶᬩ᭄ᬮᬶᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᭀᬲᬶᬂᬢᬶᬢ᭄ᬬᬂᬧᬘᬂᬳᭂᬮᭀᬂ᭞ᬢ᭄ᬓᭂᬦᬶᬂᬳᬶᬩ᭄ᬮᬶᬩᬕᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬗᬭᬲ᭄‌ᬗᬫ᭄ᬩᬶᬮ᭄᭞ᬥᬹᬄᬫᬡᬶᬓ᭄ᬳᬢ᭄ᬫᬚ᭄ᬯᬶᬢ᭄ᬢ᭟ᬢᬦ᭄ᬲᬄ
ᬭᬤᬾᬦ᭄ᬫᬦ᭄ᬢ᭄ᬭᬶᬗᬭᬲ᭄᭞ᬲᬃᬯᬶᬗᬫᬸᬜᬶᬦᬶᬦ᭄ᬫᬦᬶᬲ᭄᭞ᬫᬦᬶᬓ᭄ᬢᬶᬢ᭄ᬬᬗᬾᬫᬲ᭄ᬳᬶᬗᭀᬂ᭞ᬢᬦ᭄ᬲᬄᬳᬶᬫᬶᬭᬄᬫᬕᬦ᭄ᬢᬸᬂ᭞ᬤᬶᬫᬦᬄᬤᬶᬢᬸᬂᬢᬸᬂᬢᬸᬗ᭄ᬳᬶᬸᬗ᭄ᬳᬮ᭄᭞ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᭀ
ᬦ᭄ᬢᭀᬦ᭄ᬳᬶᬫᬶᬭᬄ᭟ᬓᬤᬶᬫᬥᬹᬫᬯᭀᬃᬕᬸᬮ᭞ᬳᬗ᭄ᬕᬦᬶᬂᬫᬦᬶᬲ᭄ᬫᬮᬶᬭᬶᬓ᭄᭞ᬮᬦᬗᬾᬫᬜᬦ᭄ᬤᬶᬂᬯᬤᭀᬦ᭄᭞ᬲᬫ᭄ᬧᬸᬦ᭄ᬧᬲ᭄ᬢᬶᬧᬤ᭄ᬥᬦ᭄ᬭᬸᬲ᭄᭞ᬮᬦᬂᬳᬶᬲ᭄ᬢ᭄ᬭᬶ᭞ᬢᬸᬳᬸᬫᬗᭂᬜᬸᬤᬂᬘᬶᬢ᭄ᬣ᭟ᬭᬳ
ᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬮᬾᬩᬗᬶᬦ᭄ᬚᬢᬶᬢ᭄ᬬᬂᬩ᭄ᬮᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬶᬂᬦ᭄ᬬᬮᭀᬦ᭄᭞ᬮᬄᬲᬦ᭄ᬤᬶᬓᬭᬤᬾᬦ᭄ᬕᬮᬸᬄ᭞ᬓ᭄ᬫᭂᬓᬾᬩ᭄ᬮᬶᬫᬲᬶᬭᬫ᭄᭞ᬕ᭄ᬮᬶᬲ᭄‌ᬕ᭄ᬮᬶᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᭂᬫ᭄ᬩᬄ

[᭒᭒ 22A]
᭟ᬤᬸᬄᬤᬾᬯᬳᬢ᭄ᬫᬚ᭄ᬯᬶᬢ᭄ᬢ᭞ᬢᬶᬢ᭄ᬬᬂᬫᬧᬫᬶᬢ᭄ᬓᬩᬾᬚᬶ᭞ᬢᬸᬫᬸᬮᬶᬫᬫᬵᬃᬕ᭄ᬕᬶᬳᬮᭀᬦ᭄᭞ᬭᬯᬸᬄᬭᬶᬂᬧᬲᬸᬘ᭄ᬬᬦ᭄ᬳᬤ᭄ᬬᬸᬲ᭄᭞ᬲᬫ᭄ᬧᬸᬦ᭄ᬕᭂᬮᬶᬲ᭄‌ᬯᬸᬲ᭄ᬫᬲᬶᬭᬫ᭄᭞ᬢᬸᬃᬫᬫᬵᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬯᬸᬄ
ᬭᬶᬂᬤᬸᬦᬸᬗᬦ᭄᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓ᭞ᬩ᭄ᬮᬶᬫᬚᬶᬗᬦᬾᬫᬗ᭄ᬓᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬶᬂᬦ᭄ᬬᬮᭀᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬤᬾᬯᬭᬢᬸ᭞ᬲ᭄ᬯᬾᬢᬶᬢ᭄ᬬᬂᬢᬦ᭄ᬧᬦ᭄ᬤᬤ᭞ᬮ᭄ᬫᬄᬯ᭄ᬗᬶ᭞ᬢᭂᬫ᭄ᬩᬾᬫ
ᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄᭟ᬢᬸᬫᬸᬮᬶᬭᬭᬶᬲ᭄ᬫᬚᭂᬗᬦ᭄᭞ᬭᬤᬾᬦ᭄ᬕᬮᬸᬄᬫᬗᬬᬳᬶᬦ᭄᭞ᬩᬸᬓᬳ᭄ᬬᬂᬲ᭄ᬫᬭᬦᬾᬓᬢᭀᬦ᭄᭞ᬲᬮᬾᬂᬢᭀᬮᬶᬄᬧᬤ᭄ᬥᬓᭂᬜᬸᬂ᭞ᬲᭀᬮᬳᬾᬳᬮᬸᬲ᭄ᬫᬚᭂᬗ
ᬦ᭄᭞ᬧᬤ᭄ᬥᬓᭂᬜᬶᬂ᭞ᬢᬸᬫᬸᬮᬶᬳᬸᬲᬦ᭄‌ᬗᬚᭂᬗᬂ᭟ᬫᬮᬶᬄᬳᬸᬭᬧᬶᬦ᭄ᬧᬕᬦ᭄ᬤᬦ᭄᭞ᬭᬤᬾᬦ᭄ᬕᬮᬸᬄᬫᬗᬧᬾᬦᬶᬦ᭄᭞ᬫᬦᬯᬶᬓᬲ᭄ᬫᬭᬦ᭄ᬯᬤᭀᬦ᭄᭞ᬩᬕᬸᬲᬾᬲᬫ᭄ᬧᬸᬦ᭄ᬫᬦᬸᬮᬸᬲ᭄᭞ [ 23 ][᭒᭒ 22B]
᭒᭒
ᬲᬶᬂᬗᬢᭀᬦᬂᬧᬤ᭄ᬥᬮᬭ᭞ᬮᬦᬂᬳᬶᬲ᭄ᬢ᭄ᬭᬶ᭞ᬫᬓᬲᬭᬶᬦᬶᬂᬤᬶᬰ᭄ᬯᬃᬕ᭄ᬕᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬫ[strike]ᬧᬬᬲ᭄᭞ᬫᬫᬵᬃᬕ᭄ᬕᬶᬓᬳᬲᬃᬫᬗ᭄ᬓᬶᬦ᭄᭞ᬢᬬᬸᬗᬦᬾᬗᭂᬫ᭄ᬩᬢ᭄ᬳᬮᭀᬦ᭄᭞ᬲᬶᬂᬩᬶᬓᬲᬂᬲ᭠
ᬫ᭄ᬧᬸᬦ᭄ᬪᬕᬸᬲ᭄᭞ᬳᬤᬳᬶᬲ᭄ᬢ᭄ᬭᬶᬮᬶᬬᬸᬫᬧᬲ᭄᭞ᬲᬫᬶᬦᭀᬮᬶᬄ᭞ᬧᬤ᭄ᬥᬲ᭄ᬦᭂᬂᬲᬶᬂᬢᬸᬫᬶᬗ᭄ᬳᬮ᭄᭟ᬲᬫ᭄ᬧᬸᬦ᭄ᬭᬯᬸᬄᬫᬭᬶᬂᬧᬲᬃ᭞ᬫᬮᬶᬗ᭄ᬕᬶᬄᬤᬶᬩᬮᬾᬳᬮᬶᬢ᭄᭞ᬯᭀᬂᬧᬲᬃᬓᬕ᭄ᬬᬢ᭄ᬫᬦᭀᬦ᭄ᬢᭀ
ᬦ᭄᭞ᬩᭂᬗᭀᬂᬲ᭄ᬥᬶᬄᬧᬤ᭄ᬥᬦ᭄ᬤᬸᬮᬸ᭞ᬳᬤᬳᭂᬗ᭄ᬲᬧ᭄ᬓᬾᬦ᭄ᬤᬕᬗᬦ᭄᭞ᬮᬸᬄᬫᭀᬯᬦᬶ᭞ᬱᬤ᭄ᬥ᭠ᬕᬯᭀᬓ᭄ᬲᬶᬂᬢᬸᬫᬶᬗ᭄ᬳᬮ᭄᭟ᬤᬕᬂᬦᬲᬶᬥᬳᬧᬢ᭄ᬧᬢ᭄᭞ᬫᬗᬓᬸᬕᬕᬾᬮᬦ᭄ᬢᬸᬯᬶ᭞ᬫᬓ
ᬧᬢ᭄ᬧᬢ᭄‌ᬲᬮᬾᬂᬲᭀᬕᭀᬓ᭄᭞ᬲᬫᬶᬫᬕᬕᬾᬮᬦ᭄ᬗᬓᬸ᭞ᬢ᭄ᬯᬶᬳᬶᬘᬂᬫᬗ᭄ᬮᬳᬂ᭞ᬫᭀᬓᬓ᭄ᬜᬳᬶ᭞ᬫ᭄ᬩᭀᬓ᭄ᬲᬚᬫᬗ᭄ᬮᬳᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬤᬕᬂᬦᬲᬶᬦᬾᬓᬶᬜ᭄ᬚᭀ

[᭒᭓ 23A]
ᬯᬶᬦ᭄᭞ᬫᬓᬧᬢ᭄ᬧᬢ᭄ᬫᬢᬸᬃᬳᬮᭀᬦ᭄᭞ᬫᬚᭂᬗᬦ᭄ᬲᬫ᭄ᬧᬸᬦ᭄ᬫᬦᬳᬸᬃ᭞ᬢᬶᬢ᭄ᬬᬂᬲᬤ᭄ᬬᬫᬗᬢᬸᬭᬂ᭞ᬭᬶᬂᬳᬶᬕᬸᬲ᭄ᬢᬶ᭞ᬫᬓᬧᬢ᭄ᬧᬢ᭄ᬫᬗᭂᬦ᭄ᬤᭂᬓᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬦᬶᬭᬲᬸᬩ
ᬗᬮᬶᬄᬦᬲᬶ᭞ᬫᬚᭂᬗᬦᬶᬭᬤᬶᬚ᭄ᬭᭀ᭞ᬤᬕᬗᬾᬲᬫᬶᬳᬫᬸᬯᬸᬲ᭄᭞ᬫᬭᬶᬓᬶᬕᬸᬲ᭄ᬢᬶᬫᬚᭂᬗᬦ᭄᭞ᬦᬂᬳᬓᬶᬤᬶᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬍᬃᬢᭀᬂᬜᬓ᭄᭟ᬮᬾᬦ᭄ᬳᬤᬤᬕᬂᬯᭀᬄᬯᭀ
ᬳᬦ᭄᭞ᬫᬓ᭄ᬚᬂᬧᬤ᭄ᬥᬦᬜ᭄ᬚᬾᬦᬶᬦ᭄᭞ᬲᬮᬓ᭄ᬤᬸᬭᬾᬦ᭄ᬮᬯᬦ᭄ᬳᭂᬧᭀᬄ᭞ᬫᬓ᭄ᬚᬂᬦᬸᬦ᭄ᬤᬾᬦᬂᬜᬸᬫ᭄ᬧᬸᬢ᭄᭞ᬳᬤᬫᬦᬜ᭄ᬚᬾᬦ᭄ᬤᬮᬶᬫ᭞ᬮᬦ᭄ᬘᬭᭀᬭᬶᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬗᬶᬩᬸᬓᬂ᭟ᬯᬾ
ᬦ᭄ᬢᭂᬦ᭄ᬫᬮᬶᬄᬤᬕᬂ᭞ᬕᭀᬩᬦᬾᬧᬤ᭄ᬥᬫᬍᬗᬶᬲ᭄᭞ᬳᬶᬩᬶᬧ᭄ᬯᬦ᭄ᬤᭂᬕᭂᬂᬋᬓᭀ᭞ᬳᬾᬤᬍᬫᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬚᬦᬶᬤᬤᬶᬲᭀᬫᬄᬧᭀᬗᬄ᭞ᬦᭀᬮᬄᬦᭀᬮᬶᬄ [ 24 ][᭒᭓ 23B]
᭒᭓
᭞ᬲᬬᬦ᭄ᬮᬮᬶᬭᬶᬂᬤᬕᬗᬦ᭄᭟ᬤᬤᬶᬦᬸᬳᬸᬦᬶᬦ᭄ᬫᬜᬧ᭞ᬦᬶᬓᬶᬕᬸᬲ᭄ᬢᬶᬲ᭄ᬓᬭᬫ᭄ᬩᬶᬮ᭄᭞ᬘᬫ᭄ᬧᬓᬮᬦ᭄ᬕᬫ᭄ᬩᬶᬃᬕᭂᬫ᭄ᬧᭀᬮ᭄᭞ᬳᬫ᭄ᬩᬶᬮ᭄ᬲᬫ᭄ᬧᬸᬦᬂᬫᬦᬳᬸᬃ᭞ᬢᬶᬢ᭄ᬬᬂᬲᬸᬓᬫᬗᬢᬸᬭᬂ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬢᬦ᭄ᬓᬬᬸᬦᬗ᭄ᬕᬧ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬭᬵᬃᬬ᭄ᬬᬦ᭄᭞ᬭᬶᬂᬧᬲᬃᬤᬶᬩᬮᬾᬳᬮᬶᬢ᭄᭞ᬦᬦᭂᬂᬕᬸᬶᬩᭂᬗᭀᬂᬫᬧᬯᬲᬦ᭄᭞ᬫᬶᬋᬂᬗᬂᬤᬕᬗᬾᬳᬸᬬᬸᬢ᭄᭞ᬗᬓᬸᬓᬾ
ᬮᬗᬦ᭄ᬤᬕᬗᬦ᭄᭞ᬮᬾᬦ᭄ᬫᬗ᭄ᬮᬶᬂ᭞ᬫᬗᬓᬸᬩᬸᬗ᭄ᬓᬸᬗᬾᬳᬶᬮᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬩᬸᬤᬮ᭄᭞ᬫᬗᭀᬚᭀᬕ᭄ᬭᬭᬶᬲ᭄ᬓᬧᬸᬭᬶ᭞ᬭᬶᬂᬪᬝᬵᬭᬳᬚᬶᬋᬓᭀ᭞ᬫᬦᬸᬦᬲ᭄ᬮᬸᬕᬺᬫᬗᬸᬦ᭄ᬚᬸᬓ᭄᭞
ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬦᬦᬓ᭄ᬫᬦ᭄ᬢ᭄ᬭᬶ᭞᭟ᬫᬳᬶᬫᭂᬦᬾᬓᬦ᭄ᬳᭂᬗ᭄ᬕᬮᬂ᭟ᬪ[strike]ᬝᬵᬭᬕᬸᬭᬸᬗᬦ᭄ᬤᬶᬓ᭞ᬘᬳᬶᬳᬸᬮᬶᬚᭂᬳᬸᬶᬳᬶᬢᬸᬦᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬢᬸᬃᬦ᭄ᬬᬮᭀᬦ᭄᭞ᬲᬶᬗ᭄ᬕᬶᬄᬪᬝᬵ

[᭒᭔ 24A]
ᬭᬳ᭄ᬬᬂᬕᬸᬭᬸ᭞ᬢᬶᬢ᭄ᬬᬂᬲᬓᬶᬂᬫᬳᬗ᭄ᬕᬸᬭᬦ᭄᭞ᬲᬓᬶᬂᬩᬾᬚᬶ᭞ᬢᬶᬢ᭄ᬬᬂᬫᬗ᭄ᬭᬭᬶᬲ᭄ᬓᬧᬲᬃ᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬦᬾᬢᬾᬘᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬫᬓ᭄ᬮᭀᬤᬶᬦᬶᬫᬦᭀᬗᭀᬲ᭄᭞ᬫ᭄ᬮᬄᬚᬦᬶ
ᬫᬸᬮᬶᬄᬩᬕᬸᬲ᭄᭞ᬧᬤᬍᬫ᭄ᬕᬸᬫᬶᬦᬾᬭᬸᬲᬓ᭄᭞ᬧᬤ᭄ᬥᬲᭂᬤᬶᬳ᭄᭞ᬩᬦ᭄ᬘᬳᬶᬦᬾᬮᬯᬸᬢ᭄ᬳᬶ᭠ᬮᬂ᭟ᬕᬸᬭᬸᬦ᭄ᬘᬳᬶᬦᬾᬲ᭄ᬥᬶᬄᬲᬦ᭄᭞ᬮ᭄ᬯᬲ᭄ᬓᬢᬫᬦ᭄ᬫᬮᬮᬶ᭞ᬓᬢ᭄ᬧᬸᬓ᭄ᬩᬸᬗᬦᬾᬗᬬᭀᬦ᭄
ᬤᬤᬶᬲᬬᬦ᭄ᬲ᭄ᬥᬶᬄᬳᬶᬩᬸᬓ᭄᭞ᬳᭂᬗ᭄ᬲᬧᬂᬢᭀᬂᬤᬤᬶᬳᭂᬗ᭄ᬲᬧᬂ᭞ᬤᬤᬶᬳᬶᬮᬶᬂ᭞ᬢ᭄ᬓᬾᬦᬶᬂᬳᭀᬓᬦᬾᬳᬶᬮᬂ᭟ᬩᬜ᭄ᬘᬶᬗᬳᬾᬫᬶᬭᬶᬩ᭄ᬳᬮᬲ᭄᭞[strike]ᬢᭀᬂᬢᬳᬾᬦ᭄ᬳᬤᬗᭂᬦ᭄ᬢᬲᬶᬦ᭄᭞
ᬧᬢᬦ᭄ᬤᬓᬦ᭄ᬢᬸᬤᬸᬄᬩᭀᬲᭀᬃ᭞ᬯᬢᭀᬦᬾᬦᬶᬗ᭄ᬕᬮᬶᬦ᭄ᬢᬫ᭄ᬧᬸᬮ᭄᭞ᬢᭀᬂᬳᬤ᭄ᬥᬳᬶᬗᭂᬢ᭄ᬫᬜᬫ᭄ᬧᬢ᭄᭞ᬮᬸᬳᬸᬳᭂᬫᬶᬲ᭄᭞ᬫᬶᬭᬶᬩ᭄ᬳᬮᬲ᭄ᬧᬩᬬᭂᬫᬦ᭄᭟ᬦᬦᬓ᭄ᬫᬦ᭄ᬢ᭄ᬭᬶᬤᬚᬧᬶ [ 25 ][᭒᭔ 24B]
᭒᭔
ᬯᬮ᭄᭞ᬪᬧᬲᬓᬶᬂᬢᬺᬱ᭄ᬡᬚᬢᬶ᭞ᬫᬗᬯᬾᬦᬂᬘᬳᬶᬢᭀᬗᭀᬲ᭄᭞ᬫᬗ᭄ᬤᭂᬦᬾᬲᬶᬤᬭᬳᬬᬸ᭞ᬮᬯᬸᬢ᭄ᬤᬤᬶᬤᬾᬯᬦ᭄ᬚᬕᬢ᭄᭞ᬜᬓ᭄ᬭᬯᬃᬢ᭄ᬣᬷ᭞ᬫᬸᬦ᭄ᬤᭂᬃᬕᬸᬫᬶᬤᬶᬧᬶᬓᬢᬦ᭄᭟ᬓᬮᬶᬄ
ᬢᭀᬩ᭄ᬬᬂᬳᬶᬤᬾᬯ᭞ᬲ᭄ᬥᬶᬄᬓᬗᭂᬦ᭄ᬩᬸᬓᬫᬢᬶ᭞ᬧ᭄ᬲᬸᬲᬲᬶᬗᬶᬦᬮᬾᬕ᭄ᬤᭀᬕ᭄᭞ᬲᬗ᭄ᬕᬸ[strike]ᬧ᭄ᬤᬦᬾᬗᬸᬮᬶᬂᬯᬶᬚᬸᬂ᭞ᬜᬤ᭄ᬬᬫᬦᬫ᭄ᬧᬳᬂᬯᬭᬓ᭄᭞ᬗᬸᬧᬄᬩᬭᬶᬲ᭄᭞ᬫᬫ᭄ᬤᬓ᭄ᬤᬶᬚᬮᬦ᭄ᬚᬮᬦ᭄
᭟ᬩ᭄ᬯᬶᬦ᭄ᬢᭀᬕᬸᬭᬸᬦ᭄ᬳᬶᬤᬾᬯ᭞ᬮ᭄ᬯᬲ᭄ᬓᬢᬫᬦ᭄ᬗᬭᬶᬫᬶᬓ᭄᭞ᬧ᭄ᬲᬸᬲᬲᬗᬶᬫᬗ᭄ᬭᬾᬬᭀᬂ᭞ᬗᬢᬸᬭᬂᬧᭀᬤᬮ᭄ᬤᬶᬫᬾᬭᬸ᭞ᬦᬫ᭄ᬧᬄᬯᬭᬓ᭄‌ᬓ᭄ᬩᭀᬤᭀᬫᬲ᭄᭞ᬗᬸᬮᬶᬂᬓᬸᬘᬶᬢ᭄᭞ᬗᬸᬧᬄ
ᬕᬫ᭄ᬩᬸᬄᬓᬕ᭄ᬬ[strike]ᬜᬃ᭟ᬫᬫᬾᬦ᭄ᬤᬾᬢ᭄ᬗᬢᬸᬭᬂᬘᬦᬂ᭞ᬫᬦᬸᬧᬄᬧᬚᭂᬕ᭄ᬓᬫᬗ᭄ᬕᬶᬲ᭄᭞ᬗᬸ᭠ᬧᬄᬲᬗ᭄ᬳ᭄ᬬᬂᬫᬶᬯᬄᬩᬭᭀᬂ᭞ᬕᬦ᭄ᬤ᭄ᬭᬸᬗᬾᬳᬸᬮᬶᬓᬮᬸᬗ᭄ᬓᬸᬂ᭞ᬧᬓᬗ᭄ᬭᬭᬲᬾᬤᬶᬲᭂᬗ᭄ᬕ᭄ᬯᬦ᭄᭞ᬗᬮᬶᬄ

[᭒᭕ 25A]
ᬲᬫ᭄ᬧᬶᬓ᭄᭞ᬬᬸᬶᬯᬬᬂᬩᭂᬤᭀᬕᬾᬤᬶᬲ᭄ᬮᬢ᭄᭟ᬮᬯᬸᬢ᭄ᬬᬫᬗᬸᬦ᭄ᬤᬗᬸᬦ᭄ᬤᬂ᭞ᬤᬶᬧᬶᬓᬢᬦ᭄ᬫᬓᬕᬸᬫᬶ᭞ᬳᬧᬗᬢ᭄ᬓᬓᬚ᭄ᬭᭀ᭞ᬮᬓᬃᬫᬧᬚᭂᬕ᭄ᬤᬶᬫᬾᬭᬸ᭞ᬜᬫ᭄ᬩᬸᬢ᭄ᬫᬲ᭄ᬤᬶᬩᬜ᭄ᬘᬶᬗᬄ᭞
ᬜᬸᬍᬤ᭄ᬩᭂᬤᬶᬮ᭄᭞ᬫᬫᬧᬕ᭄ᬤᬶᬚᬮᬦ᭄ᬚᬮᬦ᭄᭟ᬳᬓᬾᬢᭀᬲᬗ᭄ᬕᬸᬧ᭄ᬳᬶᬩᬵᬧ᭞ᬓ᭄ᬭᬡ᭄ᬦ᭠ᬘᬳᬶᬓ᭄ᬫᬫᬸᬮᬶᬄ᭞ᬳᬧᬂᬤᬤᬶᬦᬶᬫᬓ᭄ᬮᭀ᭞ᬧᬤᬍ[strike]ᬫ᭄‌ᬕᬸᬫᬶᬦᬾᬳᬸᬳᬸᬕ᭄᭞ᬤᬾᬦᬶᬂᬘ᭠
ᬳᬶᬮᬳᬶᬢ᭄ᬚᬕᬢ᭄᭞ᬓ᭄ᬫᭂᬫᬸᬶᬫᬸᬮᬶᬄ᭞ᬤᬤᬶᬭᬢᬸᬤᬶᬧᬶᬓᬢᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦᭂᬫ᭄ᬩᬄ᭞ᬥᬹᬄᬤᬾᬯᬪᬝᬵᬭᬳᬚᬶ᭞ᬬᬦ᭄ᬢᬦ᭄ᬢᬶᬢ᭄ᬬᬂᬩ᭄ᬯᬢ᭄ᬓᬧᭀᬗᭀᬃ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬹᬃᬮᬸ
ᬧᬸᬢ᭄᭞ᬫᬫᬶᬦ᭄ᬤᬄᬧᬘᬂᬫᬢᬸᬮᬓ᭄᭞ᬤᬤᭀᬲ᭄ᬧᬮᬶᬂ᭞ᬬᬦ᭄ᬳᬶᬮᬂᬤᬾᬯᬶᬰᬹᬧ᭄ᬭᬪ᭟ᬲᬫ᭄ᬧᬸᬦ᭄ᬓᭀᬓᬤᬶᬭᬶᬳᬶᬦᬦ᭄᭞ᬳᬶᬮᬶᬂᬤᬸᬓᬢᬶᬢ᭄ᬬᬗᬾᬦ᭄ᬤᬶᬕᬶ᭞ᬫᬲᬲᬫ᭄ᬩᬢᬦ᭄ᬫᬗᬮᭀ [ 26 ][᭒᭕ 25B]
᭒᭕
ᬦ᭄᭞ᬳᬶᬩᬸᬓ᭄ᬫᬦᬳᬾᬳᬸᬮᬗᬸᬦ᭄᭞ᬚ᭄ᬫᬓ᭄ᬚᭂᬫᬓ᭄ᬢᬶᬤᭀᬂᬩᬓᬢ᭄᭞ᬲᬳᬸᬧ᭄ᬲᬗ᭄ᬓᬶᬮ᭄᭞ᬚ᭄ᬫᬓ᭄ᬥᬤᬭᬶᬦᬾᬳᬶᬮᬂ᭟ᬧᬸᬦᬶᬓᬤ᭄ᬯᬦᬶᬂᬫᬫᬶᬦ᭄ᬤᬄ᭞ᬫᬢᬸᬮᬓ᭄ᬲᬓᬤᬶᬫᬗ᭄ᬓᬶᬦ᭄᭞ᬳᬦ᭄ᬤᬾ᭠
ᬜᬢᬶᬢ᭄ᬬᬂᬓᬧᭀᬗᭀᬃ᭞ᬤᬯᭂᬕ᭄ᬢᬦ᭄ᬯᬾᬦ᭄ᬢᭂᬦ᭄ᬫᬦᬸᬳᬸᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬫᬫᬋᬓᬦ᭄᭞ᬧᬤᭂᬫᬸᬭᬶᬧ᭄᭞ᬧᬸᬧᬸᬢ᭄ᬧᬶᬲᬦ᭄ᬫᬫᬋᬓᬦ᭄᭟ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬲᬶᬂᬤᬩ᭄ᬦᬄᬘᬳᬶ
ᬤᬶᬦᬶ᭞ᬤᬶᬰ᭄ᬯᬃᬕ᭄ᬕᬦ᭄ᬫᬦᭀᬗᭀᬲ᭄᭞ᬓ᭄ᬫᭂᬫᬸᬮᬶᬄᬘᬳᬶᬩᬕᬸᬲ᭄᭞ᬳᬚᬓ᭄ᬳᬶᬤᬾᬯᬶᬰᬹᬧ᭄ᬭᬪ᭞ᬫᬓᬓᬦ᭄ᬢᬶ᭞ᬤᬤᬶᬧ᭄ᬭᬵᬫᬶᬤᬶᬧᬶᬓᬢᬦ᭄᭟ᬲᬳᬸᬧᬓᬭᬫᬓ᭄ᬚᬂ᭞ᬓ᭄ᬫᭂᬳᬩᭂᬳᬚ᭠
ᬓ᭄ᬫᬸᬮᬶᬄ᭞ᬚᬸᬭᬸᬯᬋᬕᬾᬤᬶᬧᬳᭀᬦ᭄᭞ᬫᬓ᭄ᬚᬂᬧᬗᬫᬦᬸᬢᬸᬕ᭄᭞ᬓᬮᬫ᭄ᬩᬶᬳᬱ᭄ᬝ᭠ᬓᬫᬵᬮ᭞ᬳᭂᬦ᭄ᬢᭀᬘᬳᬶ᭞ᬫᬜ᭄ᬚᬸᬯᬂᬳᬗ᭄ᬕᭀᬓᭂᬫᬶᬢᬦ᭄᭟ᬓᬸᬮᬫ᭄ᬩᬶᬳᬸᬢ᭄ᬢᬫᬧᬶᬲᬦ᭄

[᭒᭖ 26A]
᭞ᬢᭀᬂᬩᬓᬢ᭄ᬩᬳᬦ᭄ᬫᬫᬮᬶᬂ᭞ᬬᬤᬶᬦ᭄ᬳᬗ᭄ᬕᭀᬓᬧᬬᬸᬤᬦ᭄᭞ᬗᬮᬳᬂᬫᬸᬲᬸᬳᬾ᭠ᬓᬲᬸᬩ᭄᭞ᬬᬦ᭄ᬫᬩᬸᬤ᭄ᬥᬶᬓᬰ᭄ᬯᬃᬕ᭄ᬕᬦ᭄᭞ᬢᭀᬲᬮᬸᬓᬶᬦ᭄᭞ᬤᬤᬶ[strike]ᬢ᭄ᬓᭂᬤ᭄ᬓᬰ᭄ᬯᬃᬕ᭄ᬕᬦ᭄᭟ᬭᬤᬾ
ᬦ᭄ᬫᬦ᭄ᬢ᭄ᬭᬶᬕᬯᭀᬓ᭄ᬧᬶᬲᬦ᭄᭞ᬫᬗᬢᬹᬃᬲᭂᬫ᭄ᬩᬄᬫᬗᬶᬭᬶᬂ᭞ᬫᬧᬫᬶᬢ᭄ᬧᬘᬂᬓᬚ᭄ᬭᭀ᭞ᬗ᭠ᬢᬸᬭᬶᬦ᭄ᬭᬳᬤᬾᬦ᭄ᬕᬮᬸᬄ᭞ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬚᬮᬦ᭄ᬚᬦᬶ᭞ᬫᬤᬓ᭄ᬳᬧᬂᬘᬳᬶᬲᬤ᭄ᬬ᭟
ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬫᬵᬃᬕ᭄ᬕ᭞ᬓᬮᬶᬄᬮᬦ᭄ᬭᬳᬤᬾᬦ᭄ᬤᬾᬯᬶ᭞ᬧᬫᬃᬕ᭄ᬕᬶᬦᬾᬫᭂᬫ᭄ᬩᬢ᭄ᬳ᭠ᬮᭀᬦ᭄᭞ᬓᬤᬶᬳ᭄ᬬᬂᬲ᭄ᬫᬭᬮᬸᬫᬓᬸ᭞ᬤᬾᬯᬶᬭᬢᬶᬄᬳᬗᬶᬦ᭄ᬤᬭᬢ᭄᭞ᬢᬸᬳᬸᬳᬲ᭄ᬭᬶ᭞ᬫᬓ
ᬭᭀᬦ᭄ᬓᬲ᭄ᬤᬓ᭄ᬢᬶᬗ᭄ᬳᬮ᭄᭟ᬫᬫ᭄ᬧᭂᬄᬫᬳᬮᭀᬦ᭄ᬳᬮᭀᬦᬦ᭄᭞ᬓᬤ᭄ᬬᬗᬶᬦ᭄ᬳᬭᬶᬲ᭄ᬦᭂᬭᬶᬲ᭄ᬤᬶᬲ᭄᭞ᬲᬫ᭄ᬧᬸᬦ᭄ᬢ᭄ᬧ᭄ᬤᬸᬶᬫ᭄ᬧᭂᬓ᭄ᬧ᭄ᬤᬲ᭄ᬓᬢᭀᬦ᭄᭞ᬢᬫᬦᬾᬫᬓ᭄ᬚᬂᬲᬸᬳᬸᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬳᬶ᭠ [ 27 ][᭒᭖ 26B]
᭒᭖
ᬍᬳᬦ᭄᭞ᬢᬸᬳᬸᬭᬭᬶᬲ᭄᭞ᬲᬋᬂᬳᬶᬤᬾᬯᬶᬰᬹᬧ᭄ᬭᬪ᭟ᬧᬦᬸᬗ᭄ᬕᬸᬦ᭄ᬢᬫᬦᬾᬓᬕ᭄ᬬ᭠ᬢ᭄᭞ᬩᬦᬾᬢᬸᬫ᭄ᬩᭂᬦ᭄ᬫᬦᭂᬧᬸᬓᬶᬦ᭄᭞ᬮᬦᬂᬳᬶᬲ᭄ᬢ᭄ᬭᬶᬳᬬᬸᬳᬦᭀᬫ᭞ᬤᬫ᭄ᬧᬢᬶᬪᬝᬵ
ᬭᬭᬯᬸᬄ᭞ᬓᬾᬢᭀᬫᬓᭂᬜᭂᬢ᭄ᬤᬶᬫᬦᬄ᭞ᬮᬯᬸᬢ᭄ᬦᬗ᭄ᬓᬶᬮ᭄᭞ᬜᬾᬸᬶᬵᬩᭀᬗ᭄ᬓᭀᬓ᭄ᬫᬢᬸᬃᬫᬦᬢᬲᬂ᭟ᬧᬸᬦᬶᬓᬶᬩ᭄ᬪᬝᬵᬭᬤᬶᬚ᭞ᬭᬯᬸᬄᬫᬬᬂᬬᬂᬫᬭᬶᬓᬶ᭞ᬕᬯᭀᬓ᭄ᬲᬦ᭄ᬢᬶ
ᬢ᭄ᬬᬂᬫᬦᭀᬦ᭄ᬢᭀᬦ᭄᭞ᬫᬦᬯᬶᬭᬶᬂᬕᬸᬦᬸᬂᬫᬾᬭᬸ᭞ᬦ᭄ᬤᬶᬓᬳᬶᬜ᭄ᬚᬓᬸᬤᬢᬶᬢ᭄ᬬᬂ᭞ᬫᬗ᭄ᬤᬾᬳᬸᬦᬶᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭟ᬓᬾᬦᬾᬳᬶᬩᬳᬧᬂᬦᬯᬂ᭞ᬳᬶᬩᬫᬸᬮᬧᬜ᭄ᬚᬓᬳᬶ
ᬫᬮᬸᬤᬸᬕᬦᬾᬫᬓ᭄ᬮᭀ᭞ᬫᬢᬩ᭄ᬮᬓᬳᬶᬫᬳᬜᬸᬢ᭄᭞ᬩᬦᬾᬢᭀᬦ᭄ᬤᬾᬦ᭄ᬧ[strike]ᬕᬦ᭄ᬢ᭄ᬬᬦ᭄᭞ᬤᬤᬶᬓᬫ᭄ᬧᬶᬄ᭞ᬦᬶᬭᬢ᭄ᬓᭂᬤ᭄ᬓᬰ᭄ᬯᬃᬕ᭄ᬕᬦ᭄᭟ᬧᬦᬸᬗ᭄ᬕᬸᬦ᭄ᬢᬫᬦᬾᬓ᭄ᬬᬶᬂᬓ᭄ᬲ᭄ᬬ᭠

[᭒᭗ 27A]
ᬩ᭄᭞ᬕᭂᬮᬸᬓᬶᬸᬩᬸᬓᬓᬚᬾᬢ᭄ᬲᬫ᭄ᬧᬶ᭞ᬫᬜᬸᬫ᭄ᬩᬄᬜᬸᬫ᭄ᬩᬄᬫᬜᭀᬗ᭄ᬓᭀᬓ᭄᭞ᬢᬶᬢ᭄ᬬᬂᬧᬫᬶᬢ᭄ᬤᬾᬯᬭᬢᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭞ᬫᬗ᭄ᬤᬾᬕ᭄ᬮᬶᬲ᭄᭞ᬘᭀᬓᭀᬃᬳᬶ
ᬤᬾᬯᬓᬧ᭄ᬤᬓ᭄᭟ᬧᬸᬦᬸᬗ᭄ᬕᬸᬦ᭄ᬢᬫᬦᬾᬓᭀᬘᬧ᭄᭞ᬫᬚᬮᬦ᭄ᬫᬮᬳᬶᬩ᭄ᬮᬳᬶᬩ᭄᭞ᬫᬓᬧᬢ᭄ᬧᬢ᭄ᬧᬤ᭄ᬥᬳᬾᬜ᭄ᬘᭀᬂ᭟ᬦ᭄ᬭᬶᬢ᭄ᬧᬚᬮᬦᬾᬦᬭᬸᬂ᭞ᬓᭀᬘᬧᬦ᭄ᬦᬾᬦᬾᬫ
ᬚᬮᬦ᭄᭞ᬳᬗ᭄ᬓᬶᬳᬗ᭄ᬓᬶᬄ᭞ᬳᭂᬗ᭄ᬲᬮ᭄ᬫᬭᬾᬭᬾᬦ᭄ᬫᬗᬓ᭄᭟ᬓᭀᬘᬧᬦ᭄ᬳᬶᬤᬲᬂ᭠ᬦᬵᬝ᭞ᬢᭂᬫ᭄ᬩᬾᬫᬓᬬᬸᬦ᭄ᬓᬢᬗ᭄ᬓᬶᬮ᭄᭞ᬦᬦᭂᬂᬩᬾᭂᬗᭀᬂᬤᬶᬩᬜ᭄ᬘᬶᬗᬄ᭞ᬘᬶᬗᬓᬶᬦ᭄ᬩ
ᬮᬾᬦᬾᬲᬫᬸᬦ᭄᭞ᬭᬭᬶᬲ᭄‌ᬗᭀᬚᭀᬕ᭄ᬓᬧ᭄ᬢᬦ᭄ᬤᬓᬦ᭄᭞ᬲᬳ᭄ᬳᬫᬦ᭄ᬢ᭄ᬭᬶ᭞ᬫᬦᬗ᭄ᬓᬶᬮ᭄ᬯᬯᬸᬫᬦᭂᬕᬓ᭄᭟ᬲᬂᬧ᭄ᬭᬪᬹᬓᬕ᭄ᬬᬢ᭄ᬢᬸᬫᬶᬗ᭄ᬳᬮ᭄᭞ᬗᬓ᭄ᬱᬶᬚᬤ᭄ᬫᬦ᭄ᬦᬾᬫᬮᬳᬶᬩ᭄᭞ᬫ [ 28 ][᭒᭗ 27B]
᭒᭗
ᬓᬧᬢ᭄ᬧᬢ᭄ᬧᬤᬳᬾᬜ᭄ᬘᭀᬂ᭞ᬓᬧᬢᬦ᭄ᬤᬓᬦ᭄ᬫᬗ᭄ᬮᬯᬸᬢ᭄᭞ᬫᬢᬸᬃᬭᬶᬂᬰ᭄ᬭᬶᬦᬭᬦᬵᬝ᭞ᬳᬶᬩᬶᬯ᭄ᬗᬶ᭞ᬧᬸᬢ᭄ᬭᬦ᭄ᬳᬶᬤᬾᬯᬦᬾᬧ᭄ᬭᬵᬧ᭄ᬢ᭟ᬧᬸᬦᬶᬓᬶᬳᬦᬓ᭄ᬳᬶᬤᬾᬯ᭞ᬓᭀᬘᬧ᭄ᬳᬶᬤ
ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬢᬫᬦ᭄ᬳᬶᬤᬫᬗᭀᬚᭀᬕ᭄᭞ᬓᬢᭀᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬭᬢᬸ᭞ᬯᬮᬸᬬᬪᬝᬵᬭᬲ᭄ᬫᬭ᭞ᬓᬭᭀᬦ᭄ᬭᬢᬶᬄ᭞ᬫᬮᬶᬗ᭄ᬕᬶᬄᬧᬓᬓᬮᬶᬳᬦ᭄᭞ᬲᬂᬧ᭄ᬭᬪᬹᬩᬩᬂ᭠
ᬫᬶᬋᬗᬂ᭞ᬫᬫᬵᬃᬕ᭄ᬕᬶᬢ᭄ᬓᭂᬤ᭄ᬥᬶᬧᬸᬭᬶ᭞ᬤᬸᬄᬤᬾᬯᬭᬢᬸᬫᬲ᭄ᬳᬶᬗᭀᬂ᭞ᬳᬶᬤᬸᬧ᭄ᬢᬶᬢ᭄ᬬᬂᬚᬦᬶᬭᬢᬸ᭞ᬦᬦᬓ᭄ᬳᬶᬤᬾᬯᬦᬾᬓᭀᬘᬧ᭄᭞ᬦᬦᬓ᭄ᬫᬦ᭄ᬢ᭄ᬭᬶ᭞ᬚᬦᬶᬢ᭄ᬓᭂᬬᬤᬶᬢᬫᬦ᭄᭟ᬦᬄᬚ
ᬮᬦ᭄ᬚᬦᬶᬓᬢᬫᬦ᭄᭞ᬧᬧᬕᬶᬦ᭄ᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬧ᭄ᬭᬫᬾᬰ᭄ᬯᬭᬶᬮᬶᬯᬢ᭄ᬳᬾᬧᭀᬢ᭄᭞ᬜ᭄ᬫᬓ᭄ᬢᬗ᭄ᬓᬮᬸᬂᬫᬗ᭄ᬮᬯᬸᬢ᭄᭞ᬫᬚᬮᬦ᭄ᬧᬓᬓᬮᬶᬳᬦ᭄᭞ᬤᬤᬶᬧᬮᬶᬂ᭞ᬳᭂᬗ᭄ᬲᬧ᭄᭠

[᭒᭘ 28A]
ᬢ᭄ᬓᬾᬦ᭄ᬧᬘᬦᬗᬦ᭄᭟ᬢᬦ᭄ᬘᬭᬶᬢ᭄ᬣᬯᬸᬲ᭄ᬤᬶᬢᬫᬦ᭄᭞ᬲᬂᬦᬵᬝᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬲᬕᬾᬢᬦ᭄ᬳᭀᬓᬦᬾᬓᬢᭀᬦ᭄᭞ᬧᬓᬓᬮᬶᬳᬦ᭄ᬫᬮᬸᬗ᭄ᬕᬸᬄ᭞ᬲᬋᬂᬮᬦ᭄ᬤᬾᬯᬶᬰᬹᬧ᭄ᬭᬪ᭞
ᬗᬗ᭄ᬮᬶᬢ᭄‌ᬕᬫ᭄ᬩᬶᬃᬫᬧᬶᬦ᭄ᬤᬲᬶᬗ᭄ᬳᬵᬧᬜ᭄ᬚᬭ᭟ᬲᬂᬦᬵᬝᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬓᬮᬶᬄᬮᬦ᭄‌ᬰ᭄ᬭᬶᬧ᭄ᬭᬵᬫᬶᬰ᭄ᬯᬭᬶ᭞ᬲᬂᬦᬵᬝᬜᬳᬸᬧ᭄ᬫᬜᬗ᭄ᬓᭀᬮ᭄᭞ᬧ᭄ᬭᬫᬶᬰ᭄ᬯᬭᬶᬗ᭄ᬮᬸᬢ᭄ᬩᬳᬸ᭞ᬤᬸᬄ
ᬤᬾᬯᬳᬢ᭄ᬫᬚ᭄ᬯᬶᬢ᭄ᬢ᭞ᬳᬶᬤᬸ[strike]ᬧ᭄ᬚᬦᬶ᭞ᬩᬵᬧᬦ᭄ᬳᬶᬤᬾᬯᬦᬾᬫᬶᬭᬄ᭟ᬜᬾᬦ᭄ᬳᬤᬧᬜ᭄ᬚᬓ᭄ᬥᬶᬯᬗᬦ᭄᭞ᬓ᭄ᬫᭂᬳᬮᬶᬄᬓᬓᬶᬧᬢᬶᬄ᭞ᬳᬧᬗᬫᬳᬶᬫᬗᭀᬚᭀᬕ᭄᭞ᬜᬸᬍᬤ᭄ᬩᭂᬤᬶᬮ᭄
ᬦᬩᬸᬄᬓᬸᬮ᭄ᬓᬸᬮ᭄᭞ᬧᬜ᭄ᬚᬓᬾᬓᭂᬢᭀᬕ᭄ᬢᭂᬤᬸᬦᬂ᭞ᬩᬭᬶᬲ᭄ᬩᭂᬤᬶᬮ᭄᭞ᬫᬫ᭄ᬥᬓ᭄ᬢᭂᬓᭂᬤ᭄ᬓᬢᬫᬦ᭄᭟ᬕᭂᬩᬕᬦᬾᬕ᭄ᬮᬶᬲ᭄ᬫᬚᬮᬦ᭄᭞ᬗᬢᬸᬭᬶᬦ᭄ᬭᬓ᭄ᬭ᭄ᬬᬦ᭄ᬳᬧᬢᬶᬄ᭞ᬢᬦ᭄ᬫᬭᬶ [ 29 ][᭒᭘ 28B]
᭒᭘
ᬓᬯᬸᬲ᭄ᬓᬚ᭄ᬭᭀ᭞ᬲᬶᬭᬧᬢᬶᬄᬯ᭄ᬭᬸᬳᬫᬸᬯᬸᬲ᭄᭞ᬚᬮᬦ᭄ᬚᬦᬶᬮ᭄ᬯᬲ᭄ᬓᬢᬫᬦ᭄᭞ᬩᬭᬶᬲ᭄‌ᬩ᭄ᬥᬶᬮ᭄᭞ᬚᬮᬦᬂᬫᬮᬸᬓᬢᬫᬦ᭄᭟ᬩᬭᬶᬲ᭄ᬩᭂᬤᬶᬮᬾᬫᬤᬩ᭄ᬥᬩ᭄᭞ᬫᬚᬮᬦ᭄ᬫᬗᭀ
ᬮᬄᬢᬗ᭄ᬓᬶᬲ᭄᭞ᬫᬦᬾᬂᬓ᭄ᬮᬾᬂᬩᬗᬸᬦ᭄ᬗᬭᭀᬕᭀᬄ᭞ᬮᬯᬸᬢ᭄ᬬᬫᬢᬶᬦ᭄ᬤᬓ᭄ᬢᭂᬮᬸ᭞ᬫᬗᭂᬫᬸᬓ᭄ᬫᭂᬢᬾᬓ᭄ᬥᬗᬦᬦ᭄᭞ᬲᬶᬭᬧᬢᬶᬄ᭞ᬲᬕᬾᬢᬦ᭄ᬭᬯᬸᬄᬭᬶᬂᬢᬫᬦ᭄᭟ᬓᬓᭂᬧᬢᬶᬄᬢᭀ
ᬩᭀᬯᬢᬂ᭞ᬗᬮᬶᬄᬯᬭᬓ᭄ᬢᭂᬓᬾᬦ᭄‌ᬓᬸᬘᬶᬢ᭄᭞ᬓᬚᬫᬶ[strike]ᬦ᭄ᬢᭀᬭᬫᬗᭀᬚᭀᬕ᭄᭞ᬤᬶᬢᬸᬓᭀᬘᬧ᭄ᬯᬭᬓ᭄ᬮᬶᬬᬸ᭞ᬳᬶᬧᬢᬶᬄᬫᬢᬸᬃᬳᬦᭂᬫ᭄ᬩᬄ᭞ᬲᬫ᭄ᬧᬸᬦ᭄ᬧᭀᬮᬶᬄ᭞ᬲ᭄ᬯᬾ
ᬢᬶᬢ᭄ᬬᬂᬫᬦᭂᬫ᭄ᬧᬵᬳᬂ᭟ᬳᬶᬤᬸᬓᬸᬄᬓᬢ᭄ᬭᬗᬦ᭄ᬳᬸᬦ᭄ᬤᬂ[strike]᭞ᬧᬗᬢ᭄ᬓᬮᬸᬄᬫᭀᬯᬦᬶ᭞ᬓᬤᬂᬩ᭄ᬭᬬᬦ᭄ᬜᬦᬾᬓ᭄ᬢᭀᬕ᭄᭞ᬢᬸᬦ᭄ᬤᬾᬦ᭄ᬫᬓ᭄ᬚᬗ᭄ᬭᬯᬸᬄ᭞ᬧᬘᬂᬗᬶᬩᬸᬓᬂᬧᬫᬶᬚ᭄ᬬᬦ᭄᭞ᬗ᭄ᬕ᭠

[᭒᭙ 29A]
ᬯᬾᬲᬸᬘᬶ᭞ᬓᬢᬸᬃᬘᬭᬸᬦᬾᬫᬓ᭄ᬚᬂ᭟ᬲᬶᬭᬧᬢᬶᬄᬕ᭄ᬮᬶᬲᬵᬗᬸᬘᬧ᭄᭞ᬧᬸᬦ᭄ᬢᬓ᭄ᬫᬘᬳᬶᬫᬦᬶ᭞ᬳᬢᬸᬭᬶᬦ᭄ᬤᬾᬤᬸᬓᬸᬄᬋᬓᭀ᭞ᬳᬶᬧᬸᬦ᭄ᬢᬫᬚᬮᬦ᭄ᬲᬶᬲᬸ᭞ᬕ᭄ᬮᬶᬲ᭄ᬭᬯᬸᬄᬭᬶᬂᬧᬤᬸᬓ᭄ᬯᬦ᭄
᭞ᬫᬢᬸᬃ[strike]ᬳᬭᬶᬲ᭄᭞ᬚ᭄ᬭᭀᬤᬸᬓᬸᬄᬦᬸᬦᬲ᭄ᬓᬧᬸᬭ᭄ᬬᬦ᭄᭟ᬚ᭄ᬭᭀᬤᬸᬓᬸᬄᬭᬭᬶᬲ᭄ᬫᬚᬮᬦ᭄᭞ᬢᬸᬢᬶᬂᬧᬦᬓ᭄ᬮᬸᬄᬫᭀᬯᬦᬶ᭞ᬓᬤᬂᬩ᭄ᬭᬬᬦ᭄ᬜᬦᬾᬗᭂᬮᭀᬄ᭞ᬧᬋᬓᬾᬦ᭄ᬳᬶᬤᬲᬂᬧ᭄ᬭᬵᬪᬹ᭞
ᬢᬦ᭄ᬓᭀᬘᬧ᭄ᬧᬦ᭄ᬤ᭄ᬬᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬧᬋᬓ᭄ᬭᬶᬂᬳᬶᬤᬲᬂᬦᬵᬝ᭟ᬲᬂᬦᬵᬝᬫᬦ᭄ᬤᬸᬓᬶᬂᬢᬶᬗ᭄ᬳᬮ᭄᭞ᬤ᭄ᬤᬸᬓᬸᬄᬳᬾᬗ᭄ᬕᬮ᭄‌ᬫᭂᬦᬾᬓ᭄ᬤᬶᬦᬶ᭞ᬚᬦᬶᬦᬶᬭᬫᬗᭀᬃᬢ᭄ᬢᬬᬂ᭞ᬫ᭠
ᬬᬂᬲᬲᬗᬶᬩᬶᬦ᭄‌ᬢ᭄ᬮᬸᬦ᭄᭞ᬦᬫ᭄ᬧᬄᬯᬭᬓ᭄ᬓᭂᬩᭀᬤᭀᬫᬲ᭄᭞ᬗᬸᬮᬶᬂᬓᬸᬘᬶᬢ᭄᭞ᬢᬸᬢᬶᬂᬧᬦᬫ᭄ᬬᬸᬤᬶᬩᬜ᭄ᬚᬃ᭟ᬢᬦ᭄ᬓᭀᬘᬧ᭄ᬕᭂᬮᬶᬲ᭄ᬢᬸᬢᬸᬭᬦ᭄᭞ᬲᬫ᭄ᬧᬸᬦ᭄‌ᬓᬸᬫᭂᬢᭂᬕ᭄ᬥᬶᬧᬸᬭᬶ᭞ [ 30 ][᭒᭙ 29B]
᭒[strike]᭙
[strike]ᬓ᭄ᬢᬸᬗᬦᬾᬢᬗ᭄ᬮᬸᬲ᭄‌ᬗᬾᬬᭀ᭞ᬧᬗᬬᬳᬾᬧᬤ᭄ᬥᬦ᭄ᬧᬸᬂ᭞ᬳᬤᬗᭀᬭᬾᬂᬢᬢᬯᬦᬦ᭄᭞ᬩᬸᬗᬦ᭄ᬲᬸᬘᬶ᭞ᬗᬧᬸᬢ᭄ᬧᬾᬮᬲ᭄ᬕᬕᭂᬦ᭄ᬤᬾᬭᬦ᭄᭟ᬢᬦ᭄ᬓᭀᬘᬧ᭄ᬕᭂᬮᬶᬲ᭄ᬢᬸᬢᬸᬭᬦ᭄᭞ᬲᬸ
ᬘᬶᬦᬾᬧ᭄ᬭᬕᬢ᭄ᬫᬢᬦ᭄ᬤᬶᬂ᭞ᬢ᭄ᬭᬸᬦᬦᬾᬢᭂᬓᭂᬦᬮᬾᬕ᭄ᬥᭀᬕ᭄᭞ᬗᬸᬜ᭄ᬚᬮ᭄ᬩᬦ᭄ᬢᭂᬦᬾᬓᬫᬾᬭᬸ᭞ᬩᬭᬶᬲᬾᬲᬸᬩᬫᬥᬥᬃ᭞ᬢᬸᬢᬶᬂᬲᬫ᭄ᬧᬶᬓ᭄᭞ᬲᬸᬩᬫᬤᬩ᭄ᬥᬩ᭄ᬥᬶᬢᬫᬦ᭄᭟ᬩᬭᬶᬲ᭄
ᬩ᭄ᬥᬶᬮᬾᬫᬤᬩ᭄ᬥᬩ᭄᭞ᬗᬭᬾᬧᬾᬤ᭄ᬗᬶᬍᬳᬶᬦ᭄ᬧᬸᬭᬶ᭞ᬢᬸᬓᬗᬾᬫᬮᬳᬶᬩ᭄‌ᬳᭂᬜ᭄ᬘᭀᬂ᭞ᬳᬶᬗ᭄ᬲᬧ᭄‌ᬜᭂᬍᬓᬂᬢᭂᬗ᭄ᬓᬮᬸᬂ᭞ᬜᭀᬜᭀᬦᬾᬮᬫ᭄ᬩᬶᬄᬫᬜᬸᬦᬦ᭄᭞ᬕᬸᬩ᭄ᬮᬕ᭄ᬕᬩ᭄ᬮᬶᬕ᭄
᭞ᬩᬸᬓᬯᬮᬸᬳᬾᬳᬜᬸᬦᬂ᭟ᬕᭂᬮᬶᬲᬶᬂᬲᬢ᭄ᬯᬦᬾᬓᭀᬘᬧ᭄᭞ᬓᬃᬬ᭄ᬬᬦᬾᬲᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬫᬲᬸᬓᬦ᭄ᬲᬸᬓᬦ᭄ᬤᬶᬚ᭄ᬭᭀ᭞ᬧᬜ᭄ᬚᬓᬾᬧᬤ᭄ᬥᬫᬓᬸᬫ᭄ᬧᬸᬮ᭄᭞ᬢ᭄ᬯᬭᬓ᭄ᬯᬂᬢᬤᬄ

[᭓᭐ 30A]
ᬧᬗᬦ᭄᭞ᬲᬫ᭄ᬧᬸᬦ᭄ᬢᬺᬧ᭄ᬢᬶ᭞ᬧᬤ᭄ᬥᬍᬕᭂᬫᬓᬲᬸᬓᬦ᭄᭟ᬲᬸᬩᬢᬸᬢᬸᬕ᭄ᬫᬓᬲᬸᬓᬦ᭄᭞ᬳᬩᬸᬮᬦ᭄‌ᬮᬦ᭄ᬧᬶᬢᬸᬂᬯ᭄ᬗᬶ᭞[strike]ᬲᬂᬧ᭄ᬭᬪᬹᬮᬾᬤᬗᬾᬓᬯᭀᬢ᭄᭞ᬲᬋᬂᬧ᭄ᬭᬵᬫᬶᬰ᭄ᬯᬭᬶᬕᬸᬧᬸᬄ᭞ᬧᬸᬗ᭄ᬕᭂᬮᬂ
ᬲᬢ᭄ᬯᬦᬾᬧ᭄ᬭᬕᬢ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬚᭂᬦᭂᬓ᭄ᬭᬶᬂᬗ᭄ᬳᬚᬃᬧᬶᬓᬢᬦ᭄᭟ᬕᬕᬸᬭᬶᬢᬦ᭄‌ᬳᬚᬃᬧᬶᬓᬢᬦ᭄᭞ᬇᬦᬵᬤ᭄ᬭᬸᬯᬾᬦ᭄‌ᬳᬶᬤᬳᬶᬤᬾᬯ᭄ᬯᬕ᭄ᬥᬾᬘᬢ᭄ᬭᬭᬶᬂᬳᬫ᭄ᬮᬧᬹᬭᬓᬭᬗ᭄ᬳᬲᭂᬫ᭄᭞
ᬓᬢᬶᬤᬸᬦ᭄ᬳᬦ᭄ᬢᬸᬓ᭄‌ᬳᬶᬤᬳᬶᬤᬾᬯ᭄ᬯᬕ᭄ᬥᬾᬘᬢ᭄ᬭᬭᬶᬂᬓ᭄ᬭᭀᬓᬗᬶᬦᬦ᭄‌ᬲᬶᬤ᭄ᬫᭂᬦ᭄᭞ᬧᬸᬧᬸᬢ᭄ᬤᬶᬦᬵ᭞ᬭ᭞ᬯ᭞ᬯᬭ᭞ᬯᬬᬂ᭞ᬰᬰᬶᬄ᭞ᬓ᭞᭖᭞ᬭᬄ᭞᭗᭞ᬢᭂᬗ᭄ᬕᭂᬓ᭄᭞᭙᭞ᬇᬰᬓᬵ᭞
᭑᭙᭐᭗᭞ᬓ᭄ᬱ᭄ᬫᬵᬓ᭄ᬦᬗ᭄ᬯᬂᬫᬹᬥᬵᬮ᭄ᬧᬰᬵᬲ᭄ᬢ᭄ᬭ ᭟᭜᭟ [ 31 ][᭓᭐ 30B]
᭓᭐
ᬢ᭄ᬓᬾᬦ᭄ᬧᬘᬦᬗᬦ᭄᭟ᬢᬦ᭄ᬘᬭᬶᬢ᭄ᬣᬯᬸᬲ᭄ᬥᬶᬢᬫᬦ᭄᭞ᬲᬂᬦᬵᬝᬮᬦ᭄ᬧ᭄ᬭᬫᬾᬰ᭄ᬯᬭᬶ᭞ᬲᬕᬾᬢᬦ᭄ᬳᭀᬓᬦᬾᬓᬢᭀᬦ᭄᭞ᬧᬓᬮᬶᬳᬦ᭄ᬫᬮᬸᬗ᭄ᬕᬸᬄ᭞ᬲᬋᬂᬮᬦ᭄ᬤᬾᬯᬶᬰᬹᬧ᭄ᬭᬪ᭞ᬗᬗ᭄ᬮᬶᬢ᭄
ᬕᬫ᭄ᬩᬶᬃ᭞ᬫᬧᬶᬦ᭄ᬤᬲᬶᬗ᭄ᬳᬳᬧᬜ᭄ᬚᬭ᭟ᬲᬂᬦᬵᬝᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬓᬮᬶᬄᬮᬦ᭄ᬰ᭄ᬭᬶᬧ᭄ᬭ᭠ᬫᬶᬰ᭄ᬯᬭᬶ᭞ᬲᬕᬾᬢᬦ᭄ᬳᭀᬓᬦᬾᬓᬢᭀᬦ᭄᭞ᬧᬓᬓᬮᬶᬳᬦ᭄ᬫᬮᬶᬗ᭄ᬕᬸᬄ᭞ᬲᬋᬂᬮ᭠
ᬦ᭄ᬤᬾᬯᬶᬰᬹᬧ᭄ᬭᬪ᭞

[᭓᭑ 31A]
᭚᭜᭚ ᬕᬶᬦᬵᬤ᭟ᬅᬦᬵᬭᬢᬸ [ 32 ][᭓᭑ 31B]