Autro. Sur l'Ayre, Belle qui me blessez
Autro.
Sur l'Ayre, Belle qui me blessez, etc.
Mourouso, tu t'en bas per tout aqueste Estiu,
É quitos le que tout es tiu.
Pla seré cos taléu que de toun él
Perdré l'esclayre ta bél.
Grifoul de mous plazes, n'anes pas sense mi
Prene la peno del cami.
Pren per Laquay qui mor, se de toun él
Nou bey l'esclayre ta bél.
Se passi lén de tu dos houros soulomen,
Mori de mal esfregimen;
É soun rouzent taléu que de toun él
Bezi l'esclayre ta bél.
La Balestiéro Mort, per nou me peca pas,
Deja m'afusto soun matras:
Al cor m'ateing, Liris, se de toun él
Perdi l'esclayre ta bél.
É tu, Droullet Amour, qu'as pres ma libertat
A l'esperenc de sa Beutat,
Fay que toutjoun yeu posco de soun él
Beze l'esclayre ta bél.