Author:ᱜᱚᱝᱜᱷᱟᱫᱷᱚᱨ ᱦᱟᱸᱥᱫᱟᱜ
ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱑᱔.᱐᱒.᱑᱙᱕᱘ ᱥᱟᱞᱮᱨᱮ ᱳᱰᱤᱥᱟ ᱯᱚᱱᱚᱛ ᱠᱤᱸᱡᱷᱤᱨ ᱡᱤᱞᱟ ᱨᱮᱱᱟᱜ ᱫᱚᱱᱟᱯᱩᱨ ᱟ.ᱛᱩᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱥᱩᱱᱟ.ᱨᱟᱢ ᱦᱟᱸᱥᱫᱟᱜ ᱫᱚ ᱢᱤᱫ ᱠᱟᱴ ᱢᱤᱥᱛᱨᱤᱭᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱟᱭᱳ ᱡᱚᱞᱚᱥᱩᱨᱤ ᱦᱟᱸᱥᱫᱟᱜ ᱫᱚ ᱜᱷᱟᱨᱚᱸᱡᱽ ᱜᱷᱟ.ᱨᱱᱤ ᱾ ᱨᱮᱸᱜᱮᱡ ᱚᱲᱟᱜ ᱨᱮ ᱡᱟᱱᱟᱢ ᱠᱷᱟᱹᱛᱤᱨ ᱟᱹᱰᱤ ᱦᱟᱨᱠᱮᱛ ᱛᱮ ᱜᱤᱫᱽᱨᱟᱹ ᱯᱟᱹᱲᱤᱭᱟᱹ ᱫᱚ ᱠᱷᱮᱢᱟᱣ ᱟᱠᱟᱱ ᱛᱟᱠᱚᱣᱟ ᱾ ᱯᱮ ᱵᱚᱭᱦᱟ ᱨᱤᱱ ᱥᱟᱶᱛᱮ ᱟᱠᱚᱨᱤᱱ ᱦᱚᱯᱚᱱ ᱵᱟ ᱟᱨ ᱦᱚᱯᱚᱱ ᱮᱨᱟ ᱢᱮᱥᱟ ᱠᱟᱛᱮ ᱤᱨᱟᱹᱞ ᱵᱚᱭᱦᱟ ᱟᱨ ᱯᱩᱱᱤᱭᱟᱹ ᱵᱩᱦᱤᱱ ᱛᱟᱠᱚ ᱾ ᱚᱛ ᱦᱟᱥᱟ ᱰᱷᱮᱨ ᱨᱮᱦᱚᱸ ᱪᱟᱥ ᱵᱟᱥ ᱵᱟᱝ ᱵᱮᱥᱚᱜ ᱠᱷᱟᱹᱛᱤᱨ ᱨᱤᱱ ᱫᱷᱟᱨ ᱠᱟᱛᱮ ᱠᱚ ᱟ.ᱥᱩᱞᱚᱜ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱚᱞ ᱯᱟᱲᱦᱟᱣ ᱠᱟᱛᱮ ᱪᱟᱹᱠᱨᱤ ᱠᱚ ᱧᱟᱢ ᱠᱮᱫ ᱠᱷᱟᱱ ᱨᱮᱸᱜᱮᱡ ᱦᱟᱞᱟᱛ ᱠᱷᱚᱱ ᱫᱚᱠᱚ ᱚᱰᱚᱠ ᱟᱠᱟᱱᱟ ᱾
ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱟᱭᱢᱟ ᱠᱷᱚᱸᱫᱽ ᱨᱮ ᱟᱡᱟᱜ ᱚᱞ ᱥᱮᱴᱮᱨ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱚᱱᱚᱞ, ᱠᱟᱹᱦᱱᱤ, ᱜᱟᱢᱟᱢ, ᱜᱟᱭᱟᱱ, ᱨᱚᱲ ᱥᱟᱬᱮᱥ, ᱱᱟᱜᱟᱢ ᱮᱢᱟᱱ ᱾ ᱥᱟᱶᱛᱮ ᱥᱟᱶᱦᱮᱫ ᱥᱤᱨᱤᱡᱽ ᱪᱮᱛᱟᱱ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾